بنااااااات .... اللي عايشين في كـــــــــنــــــــدا يساعدوني و لكم الاجر انشاالله [الأرشيف]

أم جــــــــود

21/10/2003, 09:01 AM

السلام عليكم ورحمة الله وبركاته....

الله يعافيكم بنات..... اللي عايشين في كندا ..... بغيت مساعدتكم ....

انا انشاالله مسافره كندا بعد رمضان بشهر ... اذا الله سهل انشاالله ...

و راح اظل اهناك لمدة خمس سنوات تقريبا.... و اتمنى تكون اقل ....

مع زوجي و بنتي طبعا ...

و انشاالله راح نسكن في اونتاريو و بالتحديد في منطقه اسمها كنجستون

و طلبي منكم .... منو فيكم يعرف هالمنطقه هذي ... شنهي مميزاتها...

و شنهي مساوئها ... و اكثر شي يهمني : شلون اقدر احصل اللحم و

الدجاج الذبح الاسلامي.... و هل فيها مساجد ولا لا ؟؟؟

الله يعافيكم..... اللي عندها فكره عن هالموضوع تساعدني و لا تبخلون

علي باي معلومه و اي نصيحه ..... و اجركم عند الله ما يضيع انشاالله .

و السلام .

لك روحي

21/10/2003, 09:39 AM

السلام عليكم ورحمة الله وبركاته

اهلن وسهلن فيك اختي ام جود

بتنور كندا

بس للاسف ما اقدر اساعدك انا ساكنه في مونتريال صارلي شهرين

اهم شيء خذي معاك ملابس ثقيله وبالطوات وشراباات وكل شيء يدفي بالقدر الي تقدرين عليييييييه لانه برررررررررد مررره

ويقولون الثلج يجلس 5 شهور

جوات البيت او الشقه مافي برد لانه فيه دفاياات

واللحم والدجاج عندنا بمونتريال فيه كثير محلات مكتوب عليها ذبح اسلامي

والشعب مرررررررررره حبوب وامااااان .. وبتلقين عرب طوول ما انتي ماشيه

خلينا نشوفك في مونتريال .. وحاولي تستفيدين قد ماتقدرين بهالخمس سنوات الي بتجلسينها بكندا

ادرسي ادخلي دورات

تراها فرصه

تحياتي
لك روحي

أم جــــــــود

21/10/2003, 09:53 AM

مشكووووووووووره حبيبتي لك روحي على الرد السريع .....

و يزاج الله لف خير على هالافاده و النصايح القيمه....

و اتمنى بعد اشوف ردود اكثر من البنات ...

الله يعطيج العافيه لك روحي...

أم جــــــــود

21/10/2003, 09:21 PM

وييييييييييييييييييييييين كم يا بنات............

انا خابره اللي عايشين في كندا واااااايد ...... وينكم ؟؟؟؟؟؟؟؟

ما ياني الا رد واحد بس !!!!!!!!!!!!!!:eek2:

ابي ردود واااااااااااااااايد منكم عشان تساعدوني و تسهلون علي

هالسفره هذي.........لاني فعلا شايله همها ....

يلا يا بنات............ناطرتكم ........ لا اطولون على ...

و السلام .

مرموم

21/10/2003, 10:15 PM

http://www.3roos.com/upload/border 5.gif

أختي العزيزة أم جــــــــود...

للأسف أنا مش من كندا...بس حبيت أقول لك : الله يوفقك في سفرتك إن شاء الله....و ترجعي لنا سالمة غانمة....

و ما تنسينا و إنت هناك....

تحياتي لك...

http://www.3roos.com/upload/border 5.gif

لك روحي

21/10/2003, 10:25 PM

ام جود امس لما دخلت انام تذكرت اقولك شيء

اذا لسى ما استاجرتو شقه

حاولو تكون جنب المترو بس مو تحته لانها بتصير مزعجه .. يعني تبعد عن المترو عمارتين ولا شارع شارعين ثلاثه بس مو اكثر اسهلك بالتنقل حتى لو معاك سياره

واهم شيء تاكدو انه العماره عوازلها قويه .. عوازل الصوت مره مهم

ما ادري اذا كل كندا تعتمد على هذا شيء بعمايرها ولا لا
بس العماره الي ساكنين فيها في دفايات بالسقف جوات السقف .. يعني حاطين اعمده تدفئي .. غير الدفايات الي على الجوانب تحت الشبابيك.. لانه من جد برررررررررررررررررررد

تحياتي
لك روحي

أم جــــــــود

22/10/2003, 10:07 AM

حبيبتي مرموم .... يزاج الله الف خير و ما قصرتي ..... ونستيني والله

بدعائج لي ....... و مو معقوله انساكم .... و انشاالله اذا الله سهل و وصلت

اهناك .... راح اعطيكم خبر اول ما تسنح لي الفرصه ...

الغاليه لك روحي ... والله اخجلتيني بنصايحج و المعلومات اللي تعطينياها

... زوجي الحين اهناك و الحمدلله حصل لنا شقه و حجزها ... بس ما اعتقد

ان المنطقه اللي احنا فيها ( كنجستون ) ... ما اعتقد فيها مترو....اكيد

ما فيها لانها وااااايد صغيره ... و نوعا ما ريفيه ...مثل ما قال لي زوجي .

و عن التدفئه... انشاالله بقول له عن هالملاحظه....و يزاج الله خير حبيبتي

و ترا اهي بعيده عن مونتريال .... يعني يبيلها سفره عشان نوصل لكم ...

بس ولا يهمج....مدام المده طويله لازم لنا زياره حق مونتريال .

و لكم الاجر انشاالله يا بنات ....

وين اللي في كندااااااااااااااااااا...... .......اختفو؟؟؟؟؟؟؟؟؟؟؟؟؟

أم جــــــــود

22/10/2003, 10:34 PM

ويييييييييييييييينكم :confused::confused::confused::confused:

:confused::confused::confused::confused::confused: :confused:

شجون^الحلوه

22/10/2003, 10:59 PM

:smile: السلام عليكم :)

هلا اختي والله انااا أقوولج ان كنداا وايد زينه بس ألي اعرفه المناطق

الزينه أهيا : مونتريال / وترنتو /هاليفاكس / نفسكوشيا ... وبس

لأن أبووي يسافر فيهم ويسكن أهناك لأن يشتغل وشغله يبيله سنين

بس سووري والله المنطقه الي أنتي ساكنه فيها ولا مره سمعت عنها

ألي اهيا كنجستون ماأدري شنو اهيا ولا حتى شنو فيها

انشاء الله تكوون نفس المناطق الثانيه زينه وترتاحين فيها باخمس اسنين

والله معااج وأنا راح أدعيلج في كل دعاء وفي كل صلاتي لأن حتى انا راح

أسافر أهناك ويا اهلي والله ويانا كلنا :smile:

أم جــــــــود

23/10/2003, 07:55 AM

يا حلوج يا شجون و يا حلاة كلامج ....

nafisa

23/10/2003, 10:04 AM

[ALIGN=center]هلا اختي ام جود

انا ما اعرف كنجستون كويس لاني رحتلها مره واحده وزياره بس لايام

انا ساكنه في اوتاوا العاصمه يعني كنجستون تبعد حوالي ممكن ثلاث ساعات

مش متاكده

هي صحيح صغيره بس حلوه بالصيف وبالشتا الجو بارد

فحاولي انك تاخدين لبس ثقيل لكن اقول ما اتكثري لانك

لما بتدخلي اي مكان راح اتملي من الضغط ادا كنتي لابسه مره ثقيل

وشي تاني بالنسبه للحم والدجاج راح تلقين محلات عربيه

تذبج ذبح اسلامي وفيها اشياء ما اتلاقيها بالمحلات التانيه

كمان راح اتلاقي مطاعم لبنانيه وايرانيه ومغربيه

بس المترو مش موجود بكنجستون بحكم انها صغيره وما تحتاج

بس اقول اختي انتي قلتي بعد رمضان راح اتروحين

اوكي انا عندي جارتي كانت ساكنه هناك وزوجي كان هناك لمده عام

انا لي سنه بكندا
المهم راح اسالهم عليها واجيب الرد بالتفصيل اوكي
ولا يهمك

ترانا اخوات وخصوصا بالغربه

تحيااااااااااااااتي

اختك نفيسه

أم جــــــــود

23/10/2003, 08:04 PM

الله يعطيج الف عافيه يا نفيسه ....... الحمدلله الحمدلله الحمدلله ...

اتصدقين ؟؟؟....... انتي نزلتيلي من السما سبحان الله ...... لاني ما كنت

متوقعه بلاقي وحده اتعرف ( كنجستون ) ..... الحمدلله

والله ليلحين مو مصدقه ....

يزاج الله الف خير يا نفيسه .... و انا بانتظار ردج على احر من الجمر ....

لاني ما اتصورين اشكثر نفسيتي تعبانه من هالسفره هذي لاني خايفه

اني ما اقدر اتأقلم اهناك .... و لاني راح اخلي اهلي و انا من النوع اللي

ما اتحمل ابعد عنهم ابد ابد ...... الله يسهل علينا هالسفره هذي و يهونها

انشاالله .......

انا عرفت من زوجي ان اوتاوه تبعد عن كنجستون ساعتين تقريبا ...

و سويت بحث عن كنجستون في جوجل و لاحظت ان ما فيها مساجد

و اتوقع ان ما فيها مسلمين بعد ..... و يمكن اللحم الذبح الاسلامي

مو موجود عندهم ........ فكرنا ان احنا ناخذ من اوتاوه كل اللي نحتاجه

و اللي يكفينا لمدة شهر .... يعني كل شهر نروح اهناك عشان نشتري اللي نحتاجه و نرجع......

خصوصا ان اوتاوه مركز للمسلمين في كندا مثل ما عرفت .............

بس مثل ما تعرفين .الروحه و الرده صعبه شويه ....

يعني لو يكون كل شي متوفر عندنا راح يكون الوضع واااااااااايد احسن

و اريح بعد .

حبيبتي نفيسه .... انا ناطرتج لا اطولين علي ....

الله يعافيج و يخليج و يوفقج و ينولج اللي في بالج انشاالله .... آمين .

و السلام .

لك روحي

23/10/2003, 09:59 PM

السلام عليكم ورحمة الله وبركاته
ك
اختي "أم جــــــــود"

ليش خايفه ؟؟؟؟

الاهل الحمدالله فيه انتر نت اشبكي معاهم 24 ساعه صوت وصوره كانك نشوفين تلفزيوون مرره واضح لان النت في كندا مرررررررررررررررررره سريع

وبعطيك اسم بطاقات اتصال بس موعندي الحين .. 5 دولار اكلم فيها السعوديه على تلفون ثابت ساعه وربع

والجوال 40 دقيقه

مه ان لي بس شهرين .. احس اني كثييييييير استفت تجرئت صرت اروح واجي الحالي .. ادبر نفسي اذا صرت بمشكله

اعتقد السفر المده هذي كلها بتقربك من زوجك اكثر واكثر لانك بتصيرين امه واخته واصخابه وحبايبه وكل شيء كان له في ديرتكم .. وهو نفس الشيء لك

والله استفدت كثيييييييييير بهالشهرين وارح انشالله بتفيد اكثر واكثر في السنين الجايه.. على الاقل نحفت من المشي الحلو .. موب ديرتنا لو مامعاك سياره ماتروح البقاله
السياره مانحتاجها الا قليييييييل .. وتعلمت اطبخ

ومتاكده مليون بالميه اذا نزلت الرياض باخر رمضان بشوف صديقاتي الي تزوجو معاي زي ماهم

وانا بكون نضجت عنهم كثيييير

الغربه بتعلمك تتحملين وتتجرئين وتخليك تشوفين الحياه بواقعيه مردخ من اي تدخلات

هذي فرصه

باشالقين لاهلك وصديقاتك .. بس الحمدالله التكنلوجيا تطورت

تحياتي
لك روحي

غرٌِابه

23/10/2003, 11:46 PM

ام جود شلونج وشخبارج

تروحين وترجعين لكويت بالسلامه

اذا انتي قاعده تحاتين كندا قولي الحمد الله في غيرج مقلول في اخر الدنيا اللي اهي انا :pain: في اليابان

شوفي انا بعد كويتيه واعرف جم وحده في كندا مع زوجها وولدها وتوه ولدت بعد في كندا بس اهي ساكنه في تورنتو

بس لا تحاتين الاكل الحلال مشاء الله ترى وايد اكو عرب ومسلمين وحتى محلات الاكل للحوم في مسلمين يعني اغلبيتهم لبنانيين

وماراح تحسين انشالله في غربه كثر اللي انا فيها .

شوفي بقول لج شي

لا تاخذين معاج اكل لان في المطار ماراح يرضون كلش ويسون سالفه
بس اخذي الضروري بهاراتج وادويه اعشاب وجذي
واخذي اللي تحتاجينه مثل كيك باودر مع اني اتوقع في كندا
اخذي الاساسيات
اخذي اكل حق بنتج اللي تحبه يعني تصبيره

والله يعينج عاد اول ما توصلين خبريني

ترى كندا ديره حلوه ولا تحاتين

زوجج رايح عشان يكمل طب !!

الله يسهل عليج

أم جــــــــود

24/10/2003, 12:45 AM

مشكورين يا احلى البنات ...... فعلا حاسه اني بين اهلي ....

مشكوره حبيبتي لك روحي

مشكوره حبيبتي غرابه .... و الله يعينج على الغربه انشاالله .

بنات ....... انا ادري ان في تيلفونات و انترنت .... و انا الحين قاعده اكلم

زوجي كل يوم في كندا عن طريق المسنجر و فعلا قاعده اشوفه

بالكامره و اهو يشوفني و يشوف بنته ....

بس انا يا بنات عاطفيه زياده عن اللزوم .... صحيح اقدر اكلم اهلي و

اشوفهم (عن بعد) ...... بس اهمه مو يمي .... مو معاي بنفس الديره ...

عموما ... الحمدلله .... كلامكم شويه هون علي الوضع .

والله مادري شقول لكم يا حبايبي ... يزاكم الله خير ... و الله يعينا كلنا

انشاالله .

غرابه ... زوجي رايح يكمل دراسته .. بس مو طب.... في الكيمياء انشاالله.

ودي استغل وقتي اهناك و ادرس او اخذ دورات ... بس ما اقدر ...

عشان بنتي طبعا... توها ما كملت 5 شهور.... و لا يمكن ادخلها حضانه

اهناك....لازم انا اللي اكون وياها على طول .... خصوصا ان (كنجستون)

ما فيها خدمات حق العرب ... قصدي مثل الحضانات .. بقالات اوجمعيات

...مساجد ..الخ .

يعني بقضي وقتي كله بالطبخ و التنظيف و عسل الملابس .... يعني كل

اعمال المنزل .

طولت عليكم........ بس بغيت اسالكم يا حبايب...

البرد او الشتا في كندا من اي شهر لي اي شهر بالضبط....؟؟؟

عشان اسوي حسابي .

و ممكن احصل في البقالات او الجمعيات العربيه اهناك الاعشاب اللي

نستعملها احنا عادة .... يعني مثل ..الحلبه ... الرشاد ....الحنه... السدر...

و اهم شي البهارات العربيه ؟؟؟؟؟؟؟؟؟

يا ريت تفيدوني بهالشغلتين ..... يعني ما راح اضطر اني اخلي اهلي

يدزونهم لي بالبريد كل فتره ؟؟؟ ...

تسلمون لي يا الغاليات ... و عسى الله يخليكم لاهلكم ..... و لي بعد:shy:

و السلام.

لك روحي

24/10/2003, 03:18 AM

السلام عليكم

البرد بدء من الحين .. يعني بالليل بعض الاحيان توصل درجخ الحراره صفر

واليوم الصبح نزل شويه ثلج

ويقولون الثلج يبدء يذوب في نهايه شهر 4

وعن الحلبه والحنا خذي معاك كل الي تحتاجينه من عطاره مره -ينسون-كمون الخ الخ
ومويه ورد ..

والبهارات بهاراتهم الي هنا :up::up::up::up:

احلى من بهاراتنا الف مره .. تجي جاهزه مخلوطه بعلب بلاستك ومرسوم عليها دجاج ولا لحم وتلفينها بالسوبرماركاات

امممممممم اليوم كنت طالعه وتذكرت شيء ابي اقولك عليه بس نسيته بس اتذكره اقولك عليه

وترا انا كنت طوول الوقت مع اهلي واخواني وصديقااتي ياهم يجوني ولا انا اروحلهم ما اعرف اقعد بالبيت

بس الحمدالله .. فيه عرب كثير هنا طول ماانتي ماشيه تلقين عرب
ولناسوووووبه بسهوله تسوين صداقه معاهم

تحياتي
لك روحي

غرٌِابه

24/10/2003, 03:25 AM

ام جود :D2 والله انتي تحفه

خليها على الله والله ارتاحي انا اقولج اعرف وحده كويتيه هناك مع زوجها بس هو بيكمل طب

وعادي عايشه احلى عيشه وتقول ماودري ارجع الكويت

لان هناك وايد في جاليات عربيه ومطاعم تونس

بس انا اقولج بهاراتج معاج وملابس حق بنتج اخذي

اخذي اللي يسليج ويسلي بنتج

يعني اهم شي انا اقولج البهارات واعشابج الطبيعيه مثل الحبه النعناع الحنه اذا بخاطرج تتحنين :up: الديرم بعد لوووو ل

والله صج بس اكل لا تحاتين انا ااقولج الاعشاب ماي لقاح عن عوار البطن والعقصه وجذي هذيل اخذيهم

بس انا اللي اعرفها في كندا تقولي والله صرت طباخه ولا احلى

وقاعده ادز لي صور طبخاتها والله ما صدقت بس ماشاء الله الغربه تعلم

واقول يا ام جود

والله لو يحطون لنا مليون كاميرا ما اتيي دقيقه من هالدقايق اللي نقعد فيها مع اهلنا وحبايبنا بالديره

انا في الغربه الحين وميته قهر مع ان صار لي سنه وزود باليابان

بس الشكوه لله :pain:

يالله الله يفرجها عليج انشالله ولا تثقلين وزن وتتبهذلين هناك ترى شوي عسرين في مطاراتهم يقولون واله يوفقج

:shy:

أم جــــــــود

24/10/2003, 06:41 AM

الله يعطيكم العافيه ... لك روحي .... غرابه....

بس اتصدقون.... قعدت افكر فيها شويه... و قلت انا شباخذ و شبخلي..

يعني عشان نرد الديره انشاالله ... ما راح نرد الا عقب سنه او اكثر شويه..

بالاجازات قصدي طبعا ...

و لو باخذ معاي شي من هالاعشاب و هالسوالف ... يمكن راح اترس لي

جنطه كامله عشان اتكفيني هالمده هذي .

يالله .... على قولتج يا غرابه....اخليها على الله ... و الله يسهل كل شي

انشاالله .

مشكورين بنات....و اي شي ايي في بالكم و ممكن تفيدوني فيه ...

قولو لي على طول . ..

و الله يكون بالعون انشاالله...

نفيسه انا ناطره ردج حبيبتي ....

و السلام..

لك روحي

24/10/2003, 06:50 AM

غرٌِابه
الله يعجل برجعتك للكويت ويقر عينك بهلك وكل الي تعزينهم .. شكلك مرره ماله من اليابان

اشوفك مرتين قلتي لام جود ماتثقل وتشيل شناط يبعذلونها بالمطار

انا كان معاي عشر شنط وكرتونين "عاادي عاادي جهاز عروس"

ثلاث لاب توبات وجهاز دي في دي .. والله ولا احد قالنا شيء

عاااااااااااااادي مررررره ولا احد وقفنا على شناط ولا تفتيش .. بس يمكن الوقت الي رحت فيه ماكان ضغطمفشين النااااس
الشيء الوحيد الي زهقتني بالمطار تختيم الاوراق .. وهذا الاجراء لكل الي مامعاهم جنسيه كنديه

والنعناع انتي صادقه خذي بام جود نعناع كثيير ماتدرين ودك نشربين شاهي بنعناع ولا شيء

لاني ماشفت نعناع هنا .. بس اتوقع لو ادور مالقيت:pain:

لك روحي

24/10/2003, 06:53 AM

ايه ام جود

انا امي حطتلي شنطه وحطت فيها مره ويسنسون وزنجبيل وقرفه وكمون

أم جــــــــود

24/10/2003, 07:14 AM

الله يعافيكم يا بنات

مرموم

24/10/2003, 01:05 PM

http://www.3roos.com/upload/border 5.gif

تسلم إيديكم يا بنات و يعطيكم العافية يا رب...

الله يجازيكم خير إن شاء الله...

تحياتي...

http://www.3roos.com/upload/border 5.gif

غرٌِابه

24/10/2003, 11:30 PM

روحي لك

انا اللي اعرفه عن كندا قبل 3 شهور ان ام صاحبتي جت لها كندا وعذبوها فيالمطار على الاكل والاغراض

ما ادري سمكن الاجراءات تغيرت

اليابان اخ خلينا ساكتين

بس صج ام جود لا تثقيلـــن على نفسج

بس انا اقولج شي بس بيني وبينج سر ( اذا تبين تاخذين معاج ادوات التزين مالتج مثل مكياجج و شيرتج اللي متعوده عليها (a) وملقط واللي تحسين مهم وما تقدرين تستغنين عنه )

واذا ذكرت شي اقولج

:smile:

لك روحي

24/10/2003, 11:58 PM

غرابه

ابي اسئلك لو سمحتي كيف الجو عندكم باليابان ؟؟
برد ؟؟

تعرفين كيف يقولون صباح الخير .. واحبك بلغتهم ؟؟

ادري مو مكانه انا وصديقاتي لنا فتره نلعب لعبه كل وحده تجيب معنى صباح الخير واحبك بلغات العالم

كل مره دوله

وصار حظي مع اليابانييين

والله يردك من غربتك بسرعه ويطلعك منها مستفيده اقصى استفاده

والله يعافيك على نصيحه ام جود انها تاخذ حلاوه معاها انا نسيت واضطريت اتصل على امي اقولها ارسللي حلاوه واتصلت على بعد يومين قالتلي ما اقدر بس ماادري ليه وكلمت جدتي واخذت منها طريقه الحلاوه وتبهذلت يالله صلحت ثلاث اياام اسوي فيها مره سايله والمره الثانيه كلها سكر وناشفه واخر شيء اضبطت بس لونها اسووووووووووووود

وانا بزيد عليك واقول لام جود خذي معاك زعتر لاني مالقيت زعتر :pain: "ينفع للمعجناااات "
وعسل طبيعي وجيبي قفازات لك ولبنتك الصغنطوطه ولزوجك لانه بعد شهر بيصير برد مره تتكسر اليدين اذا مامعاك قفازات

ولا نسين الكاميرا
وامس لقيت بالسوبرماركت مويه ورد ومويه كادي وخذي تمر وقهوه
لي يوميين مشتهيه قهوه امي :confused:

وماشفت ابد ابد جبنه سايله الي بالكاسات ابد ماشفت واول ماجينا دورنا مالقينا
ولا جبنه شيدر بس مادورت لاكن ماشفت مع الاجبان

أم جــــــــود

25/10/2003, 08:41 AM

عسى ربي يخليكم لهلكم .... و يخليهم لكم ... يا احلى بنات ...

غرابه... طبعا طبعا طبعا .... و بعد طبعا .... هذي الاشياء فعلا مهمه

و ما تنسي ( عاد جذي و انساهم و لا آخذهم ):D2

و الشيره يتروالي امرها هين.... يعني ممكن اخذ معاي علبه وحده ...

و اذا خلصت .. ممكن انا اسوي اهناك ... مثل ما تسوي لك روحي .

و لا بعد ....... اهمممم شي الملقط.... حق الحواجب... بعد ما يحتاي .

يزاج الله خير يا لك روحي على انج نبهتيني على الاشياء اللي مو موجوده

عندهم .

بس على فكره ... الزعتر موجود عندهم بس مو نفس اللي عندنا ... اهمه

اللي عندهم الoregano .... عرفتيه .... اللي يستعملونه المطاعم حق

البيتزا .

و عن الجبن السائل... اللي اهو جبن القلاصات .... والله صاجه يا لك روحي

انا هالشي ملاحظته من زمان ... في كل ديره اجنبيه نروح لها .... كلهم

ما يعرفونه ابد .

و عن الثقل يا غرابه ... انا فكرت اذا الله سهل ادز شي من الاغراض اللي

راح احتاجها قبل لا نروح احنا.... ادزها بال DHL ... انشاالله الله يسهل و

ادزهم ... بس عشان ما يصير وياي ثقل وايد و احنا رايحين انشاالله .

و تسلمون لي يا الحلوييييييين ...

ترا انا وياكم على الخط ... و ناطرتكم اتذكرون اي شي ممكن يفيدني .

و الله يحفظكم انشاالله .

أم جــــــــود

25/10/2003, 08:46 AM

لك روحي يالغاليه ....

تذكرت شي بسئلج عنه.....

الحين بتضحكين :D2

شنهي القنوات العربيه اللي تطلع بكندا ...

تدرين بعد اهي اللي اتحسسنا ان احنا بالديره و ما جنه بالغربه ...

و تلفزيون الكويت بعد؟..... يطلع في كندا ولا لا حبيبتي؟

و تسلمين .

لك روحي

25/10/2003, 11:28 AM

السلام عليكم

كل القنوات العربيه تطلع .. طبعا باشتراك

اذا وصلتوا اسئلوا الف من يدلك وانا انشالله بسئلك

انا عيت احط كيبيل عربي .. لاني انجليزيتي مو مره فقلت اذا حطيت كيبل عربي بقعد طوول الوقت اطاالع فييه وماراح اتعلم انجليزي ابد ابد

فانا عايشه على الكيبيل الانجليزي والفرنسي .. بس اليين ماتقوى لغتي الانجليزيه يعني يبيلي تذكير شوي .. لاني نماسيه ابوو الانجليزي بعد ماتركت الاغااني الاجنبيه

<------كانت مدمنته اغااني اجنبيه وفجئه اقطعت وطااحت بالجلساات الخليجي

انا قلت بس اززهق من الانجليزي واحس اني مرررررررره مشتاقه للعربي احط كيبيل عربي

وترا فييه انواع .. بس احسن شيء الي بثلاث ميه دولار تقريبا تدفعينها مره وحده ويجون يسونه لك

بس فيه كيبيلات ثانيه بالشهر .. كل شهر تدفعين ومو حلوه موكل القنوات تجي يعني LBC والجزيره مو موجوده

بس الاول كل القنواااااااااااااااات العربيه

وبحطلك لنكات التلفزيونا تشوفينها من النت بث مباشر
فيه دبي والسعوديه "علشان طاش ماطاش" وعمان

بس ارجع اسوي لها بحث واحطها لك لان فيه وحده ثانيه طالبتها مني

وممكن تسمعين MBC FM برضو بث مباشر

بس اجيب المعلومات الي قلتلك وارجعلك
تحياتي
لك روحي

أم جــــــــود

25/10/2003, 11:45 AM

في وحده حلوه اسمها لك روحي الله يخليها و يعطيها العافيه

انشاالله.....:clap::clap::clap: :smile:

يعني يا لك روحي الكيبل اللي 300 دولار ما فيه اشتراك ؟؟؟

يعني بس ندفع لهم ال 300 و بعدين ما ياخذون منا شي؟

لك روحي

25/10/2003, 12:21 PM

انتي الي حلوه

وبعديييين ماسوويت شيء .. ادري انك معفووسه ومخك يفكر كثييييييييير
وودك احد يساعدك ,, انا كنت زيك قبل لا اروح

بس الحمدالله لما رحت مررره ارحت ماتوقعت انه بلقى عرب كثيير ولا كل هالمطاعم العربيه ولا كل هالاشياء الي موجوده بالسوبرماركت وكنت احاتي هي موجود ولا لا

اممممممممممممم بصراحه بصراحه انا ماتذكر هو قال 300 ولا 3000

بس اغلب الضن ثلاث ميه بس .. لاني زوجي استغرب انه رخيص وقال بس

موبعقوله يستغرب على 3000

وايه تدفعيلهم مره وحده وخلالالالالالالالالالاص

بس هذا بمنتريال

لك روحي

25/10/2003, 12:26 PM

خخخخخخخخخخخخخخخخخخخخخخخخخ خ

سئلت زووجي قالي 300

والله اني هبلا

ويقوول فيه بكل مكان بكندا .. بس اسئلي بالمدينه الي انتوا فيها

أم أنوار

25/10/2003, 02:03 PM

أنا مو من كندا بس داخلة اودعك واقول لك تروحي وترجعي لبلدك سالمة وغانمة ومعاك اخ لبنتك تراها خمس سنوات مو شويه يعني بتكوني هناك مع الكنديين عشرة عمر.

بس حسب معرفتي كندا شايلة جميع الجنسيات يعني بتحسي بنفسك كأنك ببلد عربي وهناك محد له خص بحد يعني حتى الواحد لو طلع عريان في الشارع محد بيلفت عليه يعني لو تطلعي بحجابك ونقابك محد بيقول عنك إرهابيه شعب مسالم وحسب معرفتي بعد أنها في منطقة أونتاريو والشعب هناك مسالمين ومحترمين وبتحصلي العرب هناك كثير وأسم منطقتك كنج ستون يعني الملك ستون.

غرٌِابه

25/10/2003, 07:51 PM

اختي لك روحي

صباح الخير بالياباني : اوهايو جوزايمس - ohayo Gozimus

احبك بالياباني : اي شترو - I shtaro

مرحبا : كونيجيوا - konichewa

الجو عندنا موت برد

يعني ما نشوف الصيف الا شهر او شهرين بالسنه :s2

والبرد اذا جا يذبح بس اذا نزل الثلج يصير شوي احلى وطبعا الثلج يطول عندنا اشهر

بس هالسنه تاخر ماادري ليش !!

وانشالله نشوفج عن قريب في اليابان يا لك روحي :cool2:

ام جـــود زعترهم يقولون اينن اللي في كندا
انا اللي اعرفها هناك تقولي الزعتر مو طبيعي لان عندهم محل لبناني ايبلهم زعتر على بطنه وتقول اينن حاااااااااامض

شوقتني وانا عذابي الزعتر :shy: اسهل واحلى حق الريوق والعصاري وجذي

فا بطرشلي من زعترهم واذا ذقته بقول لج لان داز حتى حق اهلها منه :up:

اي بعد اشتري من خرابيط اكنور وماجي

اكنور عندهم خلطت الباشاميل الجاهزه اتينن روعه بس تصيفين لها حليب اسهل لك
واخذي بعد من اكنور عندهم بروستت مثل بقصمات بس الذ مع الدجاج يصير طعمه احلى من كنتاكي روعه

هذيل اشياء خفيف كلها اكياس ماراح يثقلون واخذي لج بعد جم جيس شوربه ماجي حق الايام الليمالج خلق طباخ او يمكن تصومون هناك حق الفطور

وهالخفايف وعساج على القوه

واذا تبون شي بعد من اليابان انا حاضر بالخدمه :smile:

أم جــــــــود

25/10/2003, 09:42 PM

ماشاالله عليكم يا بنات..... عيني عليكم بارده .....

((( مشكورين على هالتواصل الجميل هذا ))) على قولة منيره عاشور

60 مره تقول هالجمله في برنامجها ....:D2:D2:D2

لك روحي... انشاالله نسأل عن الكيبل اللي قلتي لي عنه... والله فرحت

فيه لما قلتي لي عنه...:up::up::up:

أم أنوار.... مشكوووووره حبيبتي ... و الله يسمع منج انشاالله ... بس

انشاالله ماراح اقاطعكم و انا هناك ... بالعكس انتو اهلى و انا اهناك

و بكل مكان بعد .

اي والله و انتي صاجه ((( عشرة عمر ))):D2:D2:D2

غرابه ....والله يه على بالي اسئلج.... معقوله باليابان ما في محلات

او قصدي جمعيات عرب كلش ؟؟؟؟؟

و الله يعينج...يا معوده....على الاقل الحمدلله ان في بريد ... اهو اللي

يهون علينا واااايد والله .قمنا كل شي ندزه بالبريد .:up::up::up:

اتصدقون... امس سألت زوجي عن البهارات و قال لي انه لقى مثل

بهاراتنا عندهم... و استغربت لما قال لي انه لقى بعد قشطة بوك...:D2

بس عاد اهو الحين مو بالمنطقه اللي بنسكن فيها احنا... اهو الحين في

البرتا- ادمنتون... بس قلت يالله ... مدام البرتا فيها جذي .. عيل اكيد

انشاالله بنلاقي اشياء اكثر في اوتاوه...اللي بناخذ منها اغراضنا و ماجلتنا

انشاالله .

:shy::shy::shy:

غرٌِابه

25/10/2003, 11:02 PM

اي والله يا ام جود ما عندنا حتى بقاله فيها عرب :confused:

بس عندنا محلات اسلاميه بس عن طريق الانترنت تطلبين اللي تبين ( الله يزيد النعمه ) واهم يدزونه لج لين البيت

وكل مره اقول ويـــــــــه يا زينج يا الكويت والله عز من هالجمعيات وهالافرع والبقالات و مركز سلطان يا زينه وكل هذيل

اقول حق زوجي ودي بس حتى لو ثلاجه من الثلاجات اللي بالجمعيات بس وحده منهم تنحط عندنا :D2

يعني مثل انواع الكبب وانواع الدجاج والسوالف هذي

بس على الله

انشالله نخلص منها

اي يا ام جود

ترى انتي ماراح تعرفين شنو تحتاجين الا لما تسافرين
اذا رجعنتي الكويت انشالله بالاجازه وبتردين كندا مره ثانيه راح تكونين عارفه شنو قاصرج

مثلي اول الوقت يوم رحت خميت الدنيا كلها :D2

وتالي من رجعت الكويت بالاجازه عرفت شنو اخذ وشنو اخلي

بس الله يعينج على الغربه HOme Sike

يالله بالتوفيج بس استغلي وقت فراغج اهناك :up:

لك روحي

26/10/2003, 03:30 AM

السلام عليكم ورحمة الله وبركاته

مشكووووووووووووووووووووره اختي غرابه

والله يعينك على البرد ويعينا .. وانشالله ازور اليابان يقولون حلوه

انتي ماتدرسين شيء هناك ؟؟ انا بخاطري اتعلم فن تنسيق الزهور بالطريقه اليابانيه لها اسم بس اسيته

وعندهم فن ثاني مرره حلو وهو انك تسوين لوحات بالورق بس من غير ماتستخدمين المقص

وما اذري اذا قصدك ام جود تاخذ من الكويت ماجي .. ترا فيه بكندت شفته بالسوبرماركت كثييير

بس البهار الموجود هنا مايحتاج ماجي طعمه جنااااااان

وربي البهارات الي هنا خطيييره .. خصوصا الي تجي مخلطه

وفيه بهاار هندي اشكال وانواع

الاشياء الي يستهلكونها الهنود والايرانين بتلقينها هنا كثيييير وبكل مكان لان فيه جاليه كبيره من الهند وايران

يعني حتى مويه الورد فيه هذا اخر شيء توقعت انه يكون موجود .. ومويه ورد ايرانيه بعد

تحياتي
لك روحي

أم جــــــــود

26/10/2003, 03:42 AM

الله يعينج انشاالله يا غرابه ... بس انشاالله عاد ما بقى لج الا شويه و تردين الكويت ؟؟؟

بس جنه شكلج تعودتي على الوضع اهناك .... يعني امشين حالكم انتي و زوجج ؟؟؟

لك روحي....... يتروالي لو ما اخذ معاي شي غير الهدوم احسن:D2
شكلها كندا كل شي فيها... و ما راح ينقصنا شي انشاالله ....:D2

بس على فكره ...طرى على بالي شي مهممممممممممم جدا جدا جدا بالنسبه لي.....مادري عاد اذافي منه ولا لا ........

اللــــبن....انا حاسه ان ما عندهم لبن......يعني راح اضطر اسويه انا ؟؟؟

اهو عموما سهل و اقدر اسويه بس انا المشكله متعوده على الجاهز ... و نوع معين بعد .:confused:

يالله الله كريم انشاالله...

لك روحي

26/10/2003, 05:10 AM

هههههههههههههههه

لا طبعا مافي لبن .. شلون تسوين لبن ؟؟؟

والله نصيحتي لك .. خذي ملابسك وملابس بنيتك وحاولي تاخذين جكيتات وقفازات وبالطوات كثير

وملابس خفيفه حق البيت لان البيت بالعاده مايصير بارد

واشيائك الخاصه من العطاره يعني ينسون كمون هالخرابيط

والاشياء حقت زينتك .. زي الحلاوه

تمر وعسل طبيعي .. كريماتك الخاصه زي الجلسويد وصابونه البابايا مثلا اذا تستحدمينهم

بخور وفحم وعطرورات شرقيه ومخلطات حقت تعطير البيت

وبس

واذا استقريتي ببيتك في كندا بتعرفين بالضبط ايش الي ناقصك زي ماقالت اختي غرابه

وتقدرين تمشين حالك مضبووط حتى لو فيه شيء واحد ولا اثنين ولا حتى عشره ماجبتيهم .. لانه انشالله بتلقين البديل لهم هنا

واذا مرره محتاجتلهم تخلين احد يرسلها لك

على فكره بكل السوبرماركات الكبيره فيه تبوله :cool2:

تحياتي
لك روحي

** رغد **

26/10/2003, 07:11 AM

السلام عليكم ورحمة

اهلين اختي ام جود بتنور كندا فيج انا ساكنة في اوتاوا بعيد عنج شوي
ما اعرف شغلات واجد عن كانجستون غير انهامدينة صغيرة وبدائية شوي بس فيها عرب لا تخافين اصلا كندا نصها عرب والاشياء الللي تآخذينها عندج الملابس الداخلية الشتوية حق بنتج اخذيها والاكل ما اظن تحتاجين اهنية كل شيء متوفر في المحلات العربية كل اللي يطري على بالج ووووووشنو بحاول اعصر مخي وبرد لج مرة ثانية

واللة يوفقكـم ان شاء اللة احنا بقى لنا 3 سنين واللة يعين

:up::shy::eek2:

لك روحي

26/10/2003, 07:52 AM

السلام عليكم ورحمة الله وبركاته

اختي "** رغد **"

الله يردك سالمه .. ويعينك على الغربه

ابي اسئلك ..

دورت على زبادي مالقيت كله بالفواكه ابي ساده

موجود بكندا ؟؟؟

معقول مو موجود ؟؟؟

تحياتي
لك روحي

** رغد **

26/10/2003, 09:13 AM

لــــك روحي اهلين فيج

أكيد الروب مو جود بكل انواعة كامل وخالي الدسم مكتوب علية yogourt
وشكلة كبير شوي نفس حجم النيدو الصغير
إذا تبين احط لج صورتة انا حاضرة:smile:

لك روحي

26/10/2003, 09:32 AM

اييييييييييه تكفييييين

انا زهقت وانا ادور الزبادي العادي

مشكووره اختي رغد

الله يوفقك ويسعدك وكل من تغلين

أم جــــــــود

26/10/2003, 10:38 AM

هلا والله لك روحي.....

انشاالله بسوي مثل ما قلتي لي ... يعني معناتها لازم اخذ كل ملابسي الشتويه و ما اخلي منها شي كلش ... و اهم شي ملابس حق الكتكوته طبعا .....

:D2:D2:D2اللبن ما يبيله شي... و اذا تبين اقول لج الطريقه .... انا حاضره
... بعد انا جم لك روحي عندي .... انتي تامرين بس....

حياالله رغد ...تسلمين يا الغاليه ... و كندا منوره فيج قبلنا ...
فعلا مثل ما قلتي... انا زوجي من يومين كان في كنجستون .. و اول شي لاحظه عليها انها منطقه نوعا ما بدائيه :D2 ..الله يعينا ...

و طمنتيني والله لما قلتي ان فيها عرب... الحمدلله ...
بس بغيت اسئلج يا رغد ... ما عندج فكره اذا ممكن الاقي فيها جمعيات او سوبرماركات عربيه؟؟؟؟ ... لان احنا بصراحه متوقعين ان ما فيها و ناوين ناخذ ماجلتنا كلها من اوتاوه ... صح بينا و بينكم ساعتين بالسياره ... بس يالله شنسوي بعد ما لنا الا جذي اذاما لقينا اللي نحتاجه في كنجستون .

و الله يعينج يا رغد على اللي بقى لج ... و يعينا وياكم اجمعين انشاالله.

و دمتم سالمين...

** رغد **

27/10/2003, 12:01 AM

أهلين لج روحي هذا هو الروب صورتة لج هذا خالي الدسم وفية منة قليل وكامل الدسم ان شاء اللة تكون الصورة واضحة :smile:

لك روحي

27/10/2003, 01:43 AM

مشكوووووووووووووووووووووو ووووره اختي رغد تسلميين

ربي يوفقك ويسعدك ومايكتبلك الا الخير والجنه وكل من تعزينه والشهر عليك مبارك

وبما اننا برمضان .. وين الاقي سمبوسه ؟؟؟

او عجينته الباف بستري ؟؟؟؟

اسفه ازعجتك بس وش اسووي توني مالي الا شهرين هنا :pain:

تحياتي
لك روحي

أم جــــــــود

27/10/2003, 06:12 AM

بنااااااااااااات........

مبارك عليكم الشهر........ اليوم اول يوم .... لا اله الا الله من اول يوم لويه بالمطبخ و ما نخلص الا حزة الحزة مع الاذان...هذا اذا خلصنا بعد:D2

حبيبتي رغد .... عندي سؤال بما ان احنا الحين برمضان.....
لقيتي تمر زين عندكم في اوتاوه ولا لا...؟؟؟ لان يتروالي ان حتى لو في عندهم تمر .. ما يصير نفس تمرنا احنا طبعا...

عسى الله يبلغنا وياكم صيامه كل سنه انشاالله...

و عسى الله يكتبنا من عتقاء هذا الشهر الفضيل...آآآآآآآآآآآآآآآآآ� �آآآآآآآمين

السلام.

لك روحي

27/10/2003, 12:36 PM

الله يبارك فيك اخي ام جود .. ورمضـــــان كريم

ذكرتيني اليوم رحت السوبرماركت ولقيت يمكن خمس انواع تمر .. بس استغفرالله شكله مدري شلون .. ولقيت واحد شكله مرتب بس مررررررره يابس

ولقيت شيء كانه لبن .. وفيه بالفواكه وساده مكتوب عليه بالفرنسي بس ماهو حليب اقول بنفسي انشالله هذا لبن اول ما اوصل البيت بقول لام جود عنه

بس انشغلت بالفطور .. ام جود ايش فطوركم ؟؟ شكلك مسويه انواع كثير وطعمه :up:

تحياتي
لك روحي

أم جــــــــود

28/10/2003, 05:20 AM

يا حلاتج والله يا لك روحي......و مشكووووووووووووره يا الغاليه

و ما قصرتي.بس اذا جذي يمكن انا اسوي اللبن بنفسي احسن لان اكيد لبنهم بعدمو مثل لبنا ...اكييييييييييد .

الله يسلمج يا لك روحي ... بما ان زوجي الحين في كندا...انا قاعده عند اهلي.... و الحمدلله قربت ردته...

و احنا من النوع اللي ما انسوي اصناف و خرابيط وايد....يعني بس شي واحد ... و تعودنا على جذي...لان الصايم مثل ما تعرفين ما يقدر ياكل وايد و حتى لو بنشكل بالاكل ما راح ناكله و راح ينقط كله.

احنا امس كان فطورنا مجبوس دياي.... و اليوم مطبق زبيدي ...

:confused: كندا ما فيها زبيدي و هامور ولا اي نوع من السمجاللي عندنا.

انتي ما قلتي لي شنو فطوركم ؟؟؟ بعد الحين انتي صرتي طباخه ماهره اكيد .:up:

السلام .

لك روحي

28/10/2003, 06:31 AM

انا كنت ما اعرف اطبخ ومابديت اطبخ الا هنا بكندا

طبعا قبل ما اتزوج اطبخ اشياء بسيطه مكرونه بالبادنجان والهادوق ستيك مكرونه بضياء بس اكثر من كذا ما اعرف

بس الحيبن :up:

فطورنا امس رز ودجاج "كبسه"
وربيان بالفلفل الحار

واليوم
دجاج بالجبن في الفرن .. وكبسه .. وشوربه بيضاء بالدجاج والفطر بس ماطلعت حلوه فشلت الدجاج والفطر وحطيه بصاج وحطيت عليه بهار هندي وصوصاات الدجاج الصينينه طلع :up:

وانشالله بكره رز بروبيان وسمك مشوي وسمبوسه صينيه بالخضار"هذي الاخيره موجوده بالسوبرماركت مجمده تتسوي بالمكرويف تاخذ دقيقه ونص "

وعلى فكره اليوم وانا بالسوبرماركت

<----------كل يووم تروح السوبرماركت

لقيت برغل وشيء مكتوب عليه طجين فرخه بيضاء وكوسكوسي وفيه حبوب كثيره مكتوب عليها بالعربي

يعني اشياء تسخدم بالمطبح العربي

وفيه ماجي مكتوب عليه بالعربي حلال

أم جــــــــود

28/10/2003, 07:19 AM

ما شاء الله عليج يا لك روحي ....... عيني عليج بارده .... فعلا طباخه:up:

والله شهيتيني و انا اقرا اللي سويتيه... عليكم بالف عافيه .

بس لا اله الا الله شكلها السوبرماركات اللي هناك كل شي فيها .

و السمك اللي عندكم شلونه ؟؟؟......تمام:up:... ولا اي كلام:down:

و تاخذينه مثلج ولا طازج ؟؟؟

و شنو الانواع اللي تاخذينها من السمك ؟

:smile:

لك روحي

28/10/2003, 07:29 AM

السوبرماركت هذا شوي غالي .. بس هو السوبرماركت الي اقدر اروحله مشي وفيه كل شيء

وعن الاشياء العربيه اتوقع تلقينها بكل السبوبرماركات الكبيره

السمك والله لسى ماجربت اشري بشتري بكره .. بس الدجاج الي اشتريه مبرد من غير جلد ولا عظم

او اشتري رجول دجاج مبرده

والروبيان اشتريه مجمد يجي بكرتونه هذا اول ماجيت لكندا لقيت زوجي شاري منه

بس الي اشتريته انا مجمد بكيسه يجي

كنا بنروح هالويك اند كوسكو بس ربي ماكتب .. الويك اند الجاي انشالله بنروح كوسكو ونتقضى عدل روبيان وسمك ودجاج

السمك الي شفته اليوم وعجبني قطعه من غير القشور ومبهره ومكتوب عليها مدخن

وعلى فكره تراني ما اعرف بالسمك ابد ابد .. يعني انواع وايش الزين ما اعرف
توني جديده على عالم المطبخه مالي شهرين

:pain:

أم جــــــــود

28/10/2003, 07:39 AM

مشكوره يالغاليه لك روحي.....

الظاهر منطقة كوسكو هذي منطقه معروفه بالسمك و الربيان :up:

والله تمام اذا في دجاج مبرد معناتها انه طازج ...يعني يذبحونه و يبيعونه كل يوم بيومه ... احسن من المثلج اللي ما تدرين شكثر مر عليه ...

و بصراحه انا مو متعوده على المثلج عشان جذي فرحت لما قلتي انه مبرد.

:smile:

لك روحي

28/10/2003, 07:47 AM

لا كوسكو هذا سوبرماركت كبييييييييييييير ورخيص

يعني باسعار الجمله يبيع .. موجود في امريكا واعتقد بعد فيه منه ببريطانيا
في مونتريال فيه اثنين واحد بيعييد مره عن بينا والثاني بعيد شوي والثاني القريب واحد يدرس مع زوجي قاله تلقى فيه اشياء عربيه بس احنا مادورنا اخذنا اشيائنا الي نبيها وطلعنا على طول

هم مسوين هذا السوبرماركت للعوائل الكبيره .. يعني كل شيء عندهم بالحجم الكبير ولا كذا قطعه مع بعض

ويكون ارخص من السوق .. وعندهم روبيان وسمك مجمد

احنا نروح نشري لازانيا وتوركي ودجاج مبرد للسندوتشات
عندهم كيك طعمه فضيع .. الشامبوات والمنظفات وكل هالخرابيط من هناك

انشالله بحطلك صورت نوع لازانيا طعمها خطييييييير .. وتسوى بــــ 25 دقيقه بالمكرويف

انا ماكنت اعرف السوبرماركت هذا .. وقالي زوجي اول ماجاء كندا انه طلعلي بطاقه علشان اقدر ادخل السوبرماركت بس يستنوني اجي ويحطون صورتي

مره استغربت ولما رحت هنااك استوعبت كنت احسبه محل ملابس ماركه :D2

عادي عادي الحياه تجارب "كل ماسويت شيء واكتشفت انه غلط قلت لزوجي الحياه تجارب اصرف الموضوع"

وعلى فكره اختي ام جود زوجي يقول ان دجاجهم الي هنا انظف من دجاجنا

وانا لاحظت بالطبخ انه مايطلع زفر كثير .. مره جدتي ورتني شلون اسوي رز قبل لا اجي كندا والدجاج طلع منه زفر كثييير ولون المويه حقته مدري كيف

بس اليوم وانا اطبخ ماكان فيه كل هالزفر .. ولون المويه عاديه وهو يطبخ

أم جــــــــود

28/10/2003, 08:27 AM

ونااااااااااااااااسه اذا في سوبرماركت جذي... كل شي فيه .

بس ليش هذي البطاقه يا لك روحي ؟؟؟

و مشكوووووووووره على اللزانيا....عاد انا امووووت فيها .

بالنسبه للدجاج... انتي ما جربتي تطبخين دجاجه كامله؟؟؟

لانه في فرق في لون الماي لما تسوين كامله و لما تسوين اجزاء بدون جلد و عظم ....

و اذا تغير لون الماي واااايد معناتها ان الدجاج مثلج او نوعه مو نظيف.

و بالنسبه للزفر اللي يطلع من الدجاجه...

في اماكن معينه من الدجاجه لازم تشيلينها منها قبل الطبخ لانها اهي اللي تسبب الزفر...

و اهي اخر جزء من الجناح.. و المؤخره :o

اتمنى لكم افطارا شهيا:up:

لك روحي

28/10/2003, 08:37 AM

البطاقه امممممممممممممممم قالي زوجي ذاك اليوم بس والله نسيت
حتى وانتي تحاسبين يطلبون منك البطاقه
واذا طلعتي من المكان فيه واحد واقف عن الباب يشوف الفاتوره

والنظام والترتيب نفسه في كل المحلات والفروع ببيريطانيا بامريكا بكندا بكل مكاان نفس الترتيب يعني ماتضيعين اذا بغيتي شيء

وبتشوفين فرق بالاسعار خصوصا الفواكه والخضار في كوسكو كميات كبيره ورخيصه وبالسوبرماركات العاديه مايمديك تاخذين نص كيلو الا حسبولك اياه بمدري كم بس افظل اني اخذ الفواكه وبالذات من السوبرماركات الثانيه علشان مايكون كثير ويخرب بالثلاجه

والدجاج اقولك الي هنا مويه بالطبخ فاتحه وحلوه

والي سوته جدتي لا تخافين جدتي اهم شيء عندنا النظافه شالت الجلد وكل شيء فيه زيت مع كذا كان يطلع زفر كثير

اتوقع لان الدجاج الي بالخليج يوكلونه هرمونااات مع الحبوب علشان كذا مايكون نظيف مره

بس الي هنا مره كويس

أم جــــــــود

28/10/2003, 09:29 PM

يزاج الله خير يا لك روحي.... ما شاالله عليج ....ردودج لي اول باول...

وين باجي البنات :smile: الظاهر لاهين مع المطبخ في رمضان .

حبيــ قلبه ــبة

28/10/2003, 09:55 PM

مسالخييييير وكل عام وانتوا بخير وصحه وسلامه :) والله ربي منزلكم لي من السما :) :) :) انا بعد 9 شهور بتزوج واروح كندا او امريكا لمدة سنتين وشايله هم مررره :( يمكن اسكن في فانكوفر وموب عارفه وش بيكون الوضع هناك ! بالنسبه لكل شي الاكل .. الناس .. السكن كل شي ! :(

لك روحي

28/10/2003, 11:31 PM

just4u

ياهلا وسهلا فيك بتنور كندا .. ومبرووك ياعروسه

فانكوفر منطقه كبيره ومشهوره يعني انشالله كل شيء تبينيه بتلقينه فيها

الاشياء الي تاخذينها معاك .. ملابس للبرد لانه برررررررد موو وخمس شهور ثلج

جيبي قفازات وشالات وقبعات جكيتات بالطوات وكل شيء يدفي .. بس انتبهي البيت دايما تقريبا بيكون دافي لان فيه دفايات عشلان كذا جيبي معاك ملابس خفيفه وعلى فكره كل مكان بتدخلينه بتلقينه دافي اللهم البرد بيكون بالشارع

وخذي معاك اشيائك الخاصه من عند العطار يعني كمون مره الخ الخ
ولا تنسين الحلاوه والعسل الطبيعي وتمر

وانشالله غير هالاشياء بتلقين كل الي تحتاجينه .. والي ينقصك توصين احد يرسلك او لما ترجعين السعوديه بالاجازه تعرفين بالضبط ايش الي ناقصك وتاخذينه

بالنسبه للسكن ..
بقولك نفس كلامي لام جود .. ما ادري اذا عندكم مترو ولا لا ناسيه والله
فاذا فيه مترو اسكنو بمكان يكون جمبه بس لا يكون تحته ولا ملاصق فيه لانه بيكون ازعاج يعني بعد ثلاث اربع عماير بعد شارعين شيء زي كذا

وشوفي البيت لازم يكزن في تدفئيه كويسه .. وزي ماقلت لام جود ما ادري اذا هالنظام في كندا كلها ولا لا بس العماره الي انا فيها فيه تدفئه من السقف يعني في عواميد حديد جوات السقف تدفي وماهي باينه

غير الدفايات على تحت الشباك

بما انك عروس .. لاشرين جزم كثير .. اشتري جزم رياضه لانك بتهلكينها هنا مشي
اشري ابوات وحاولي كون عمليه وعادي اذا جاها مويه
واذا تذكرت شيء بقولك ارجعي اقري كل الردود مشالله البنات ماقصرو

وعلى فكره ترا المكان هنا مررررررررره امااااااااااااااان والناس حبوبه

ولا تشيلين هم السكن والاثاث بتلقين كل شيء بالراحه

واذا جيتي حاولي تتجرئين طلعين وتجين ادرسي استفيدي
انا لي هنا بس شهرين ومن ضمنهم شهر العسل .. احس اني استفت كثير اقلها تجرئت على الخوف الي كان عندي ما اعرف اطلع الحالي

واي خدمه احنا حاضرين ..

ام جوووووووووووووووود ووش لقييت اليووم بالسوبرماركت ؟؟؟؟؟؟؟؟

وش تتوقعييين ؟؟؟

طحينه
:smile:

حبيــ قلبه ــبة

29/10/2003, 03:43 AM

لك روحي شكرااااا مررره من جد ريحتيني :smile: تسلمين والله ما قصرتي وانشالله نشوفك انتي وام جود هناك :shy:

أم جــــــــود

29/10/2003, 05:48 AM

just 4u حياج الله بكندا والله .... مع اني ما رحت لي الحين ...بس انتي قلتي انج بتروحين بعد 9 شهور... يعني باذن الله راح اكون هناك...

طبعا اكيد الوضع عندج نفس وضعنا...يعني قصدي اكييييد زوجج يبي يكمل دراسته انشاالله .... الله يوفكم انشاالله .

انشاالله انشاالله الله يكتب و نشوف بعض في كندا..قولو امين .:smile:

لك روحي.... ما شاء الله ...ماشاء الله .... حتى الطحينه؟؟؟:up:

لا لا لا ...شكلي بهون و ما راح اخذ معاي شي... اذا جذي...كندا كل شي فيها ... و انشاالله ما ينقصنا الا شوفتكم اهناك.:shy:

على فكره لك روحي...على بالي سؤال مهم مهم مهم ...

سؤالي عن الملابس.... انا طبعا متحجبه... في محلات هناك اقدر الاقي فيها اشياء تناسبني؟؟؟...بما اني متحجبه احتاج نفانيف او تنانير طويله..او بنطرونات واسعه و طويله طبعا .

ناطره جوابج يا أموره ...

:smile:

لك روحي

29/10/2003, 05:54 AM

انشالله نشووف بعض .. :smile:

عن الملابس فيه ملالابس طويله ونانير طويله ومن غير فحات بناطيل وسيعه .. بتلقين كل الي تبينه انشالله

حتى فيه بالمول محل حاط على البترينه حقته منكان وملبسبنها حجاب
من كثر مافي ناس محجبه

بس انا مادرت بالاسواق دوران سنع يعني بتسوق ملابس

لاني عروس وشاريه كل الي احتاجه من ملابس

بس انتي خذي معاك البلايز الطوال .. وانشالله بتلقين كل شيء موجود

فيه كثيييييييييييير نااس محجبه

تحياتي
لك روحي

أم جــــــــود

29/10/2003, 05:57 AM

يزاج الله خير يا الغاليه..:shy:

مرموم

29/10/2003, 12:30 PM

:smile: ما شاء الله عليكم :smile:

مرمر

29/10/2003, 01:38 PM

هلا بنتات و هلا بيج أم جــــــــود.. بتنور كندا بوجودج ..بصراحه الاخت "لك روحي" ما شاء الله عليها كفت ووفت ...انا من سكان منتريال مثلها..يعني ما بقدر افيدج وايد ..

لكن بحاول اني اساعد ...انا بصراحه كنت ماخده وياياه 4 شنط ....و للاسف فتشوا الشنط يعني تبهدلت شوي ...و من قبل زوجي كان رايح و ماخذ معاه بهارات ...عملوا معاه تحقيق عليهم و بهدلوه ..و مره ثانيه كان ماخذ معاه تمور و زعفران بس لحسن الحظ محد مسكاه ..يعني مسالت المطار مسالت حظ

و بما ان نحن برمضان و ينعاد عليكم الشهر ..عجينه السمبوسه شفتها انا في البقالات العربيه ..حتى اني يوم شفتها فرحت قلت حتى السنبوسه موجوده ...

بس الباف بستري طلعت روحي لين لقيته في السوبر ماركت و يكون موجود في الثلاجه في قسم الاكل و يكون بعلبه و يكون عباره عن عجينه كبيره و انتي الى تقطعينها بالحجم الى تبينه ...بس انتبهي للصوره اول مره انا غلط و اخذت عجينه الكلاش اذا تعرفينها ..اعتقد هي نوع من انواع الباف بستري لانه كان مكتوب عليه الباف بستري

ظليت شهرين اسمع عن كوسكو لكن مارحت له لانه بعييييييد عنا مثل ماقال لي زوجي ..بس خبرني ان هناك تحصلين فيه كل شي عربي يعني كانج داخله عن جمعيه و لاسوبرماركت من سوبرماركتات البلاد ..و قالي يوم بترجعين مره ثانيه بوديج

و بما اني ساكنه في الداونتاون ..يعني اذا بغيت اطلع او اتمشى او اشم هوا مالي غير السوووووق ..تمشيت فيه لين ما مليت و حفظته بس ممتع و حلو اذكر اول مره تجرات و طلعت بروحي ظليت بالسوق يمكن ثلاث ساعات و ماكنت برجع بس لولا ان لازم ارجع علشان اقدر اسوي الغدا لزوجي رجعت ....بس بضاعتهم حلوه و في ملاحت الى نعرفها مثل زارا و لاسينزا و ميكس و غيس و قاب و في محلات ثانيه يعني سوقهم ما ينمل منه ...

و في البدايه كنت قلقه من العيشه هناك لكن الحينه مستانسه و انا حاليه في البلاد و ما عندي صبر ارجع كندا ...تميت فيها شهرين "شهر العسل" و استانست وااااااايد لازم تجين مره تزورينا في مونتريال لانها حلوه وااااااايد

لك روحي ..نست ابارك لك على الزواج ...

الف الف الف مبروك و نورتي مونتريال ...و ان شاء الله تكون عجبتج ....

:)

لك روحي

30/10/2003, 02:57 AM

هلا وغلا باهل مونتريال ..

شخبارك انشالله مبسوطه .. والشهر عليك مبارك

انا مو ساكنه في الداونتاون بس قريب منه .. مره قريب

وعلى فكره في كوسكو قريب من الداونتاون وهذا الي فيه الاشياء العربيه اذا تبين اجيبلك العنوان حقه

البعدين مافيه اشياء عريبه هذا الي سمعته من الناس الي هنا

مانقدر نستغنى عن كوسكو زوجي كان يسافر يتقضى حق السنه كلها من كوسكو ويرجع فيه السعوديه اسعارهم ارخص كثير من السوق وحى جوده الاشياء احسن من الي عندنا بالدول العربيه

انا مرره استانست لما شفت لاسنزا وسوويت اعلان عاام كل من كلمني قلتله عندنا لاسنزا حتى مره اخوي كلمني وبغيت اغلط واقوله ما اشتري بيجامات الا منهم

وين لقيتي الباف باستري ؟؟؟ مدامك ساكنه بالداونتاون انشالله بيصير قريب لي المكان
والبقالات العربيه ممكن تعطيني اسماء وعناوين ؟؟
لاني ما اشوف الا مطاعم عربيه واسمع عن البقالات العربيه

يالله ارجعي نوري كندا لا تطولين علينا

الا ايش رايك ببهارهم الي هنا ؟؟؟؟؟؟؟
انا احس انه مرره كويس

غرٌِابه

30/10/2003, 03:08 AM

حرام عليكم انا في اليابان وكلكم في كــــــــــــندا

:confused::confused::confused:

الله يسامحكم ابي احد معاي

لك روحي

30/10/2003, 03:16 AM

عاد تصدقيت غرابه

اكثر شيء اشقله صديقاااتي .. والشيء الي مضيق صدري اني ما اعرف احد هنا

اشوف عرب كثييييييييييييييير وخليجيااات كثيرررررررررر بس ما اعرفهم بس اشوفهم بالسوق ولا بمطعم من بعيد

مره نفسي يصير عندي صاحبات هنا .. اقول لنفسي انتي توك جايه مالك شهرين مع الوقت بتتعرفين على الناس

معقوله مافي جاليات عربيه باليابان ؟؟؟ كذا مره اسمع انوا في وحده راحت مع زوجها اليابان صح مو كثير بس فيه

الله يعينك ويعينا

غرٌِابه

30/10/2003, 03:19 AM

لا والله في جاليات في يمكن في طوكيو العاصمه

وانا في هوكايدو وتبعد عن العاصمه تقريبا 3 ساعات طيران داخلي

:down:

ومن الصعب حتى اني القى حد عربي في جزيرتنا

والله يا لك روحي لو انا منك واشوف احد خليجي او حد من نفس ديرتي والله اروح واسلم عليها واتعرف عليها والله

الناس للناس والكل بالله

لك روحي

30/10/2003, 03:23 AM

ما ادري انا من النوع الي مره يستحي وما احب اثقل على احد .. ما اعرف اجي كذا واخش على الناس واتعرف عليهم

خصوصا وانا صغيره عمري 19

انا حالتي حاله .. بعض الاحيان تشوفيني مره جرئيه واحيان مرره استحي

اخاف اضايق احد او ازعج احد

مره نفسي اتعرف على احد .. خصوصا اني لما كنت بالسعوديه عندي صديقات كثاااااااااار

والله يعينك ويردك من غربتك بسرعه

أم جــــــــود

30/10/2003, 05:59 AM

سبحان الله يا لك روحي....اتكلمين عن نفسج و كانج اتكلمين عني ...

سبحاااانك....نفس الطبع ...

انا نفسج...و ساعات والله اقعد افكر ....اذا رحت كندا ...شلون راح اتجرأ و يصير لي صديقات ...او اتعرف على احد اهناك ... احس ان السالفه صعبه واااايد .

حسااااااااافه ان احنا ما راح نكون بنفس المنطقه .... ولا جان سوينا ثنائي
:shy::shy::shy:

غرابه....بس بغيت اسئلج ...انتو ليش رايحين اليابان ؟... لان اكيد زوجج مو قاعد يدرس... لاني ما قط سمعت ان في احد يكمل دراسته باليابان .

الله يسهل عليج الوضع انشاالله .... شدراج يمكن هاليومين يدق جرسكم و تفتحين الباب ... الا تشوفين جدامج وحده كويتيه ولا سعوديه ولا اماراتيه ولا بحرينيه .....الخ ............المهم تكون عربيه ...و اتعرفين عليها:smile:

بس قولي امين .... و انشاالله تصير صج .:up:

:smile:

no0o0o0dy143

30/10/2003, 06:04 AM

السلام عليكم ورحمة الله وبركاته

يابختكم كلكم بكندا وغرابه ترى اليبان ارحم من روسيا انا بروسيا :confused::confused::confused:باوزبكستان طشقند وربى لو تشوفونى اكسر الخاطر:confused::confused::confused: مامعى الا وحده سعوديه واكبر منى سنن ولا سافرت عشان تعمل عمره ويمكن ترد ويمكن لا
ام جود الله يعينك واحمد ربك على كلام البنات ان فيه عرب

والله يعيننا جميعا ويرجعنا لاهالين سالمين غانمين ياااااارب قولو امين

نوووووودى143

لك روحي

30/10/2003, 06:04 AM

ههههههههههه ياحليلك ام جود

اقول مادامكم وكم مانقلتوا حولو على مونتريال

تعاالي والله امشييييييييييك ولا تحسين بغربه

الا ام جود انا اعرف وحده ولدها قاعد يدرس طب باليابان

ووحده ثانيه كانت رايحه عشان زوجها دبلوماسي يعني مو دراسه

بس اتوقع الدراسه هناك مرره صعبه

لك روحي

30/10/2003, 06:07 AM

نوووووووووووووووووووودي الله يعينك ياربي ويقصر مده غربتك ورجعيين لديرتك وانتي انشالله مسفيده

اعرف انوا روسيا فيه مهاجرن عراقين ولبنانيين كثير

ربي يعينك ويعينا انشالله

أم جــــــــود

30/10/2003, 06:26 AM

يدرس طب باليابان .......؟؟؟؟ !!!!!!!! يدرس بالياباني يعني ؟؟؟؟:eek2:

شالله حاااااده ..... ليييييييس كل هالعذااااب :D2

بس الدبلوماسيين سامعه عنهم... و اللي اعرفه ان العرب اللي يروحون اهناك اكثرهم دبلوماسيين...و الباجي يمكن تكون عندهم تجاره .

نووووودي 143 : اكيد احمد ربي ... و الف الحمدلله و الشكرلله ان فيها عرب ... و الله يعينج .

:smile:

لك روحي

30/10/2003, 06:34 AM

والله ماا دري هو يدرس بالانجليزي ولا باليابااني

بس انا سمعت وحده تقول وش الله حااده يقعد سنتيين يدرس ياباانب علشان لغه وبعدين يدرس طب

بس ما ادري اذا هو تخمين من عندها ولا صدق هي تدري عنه مع اني اضنها ماعندها سالفه

على قولتك وش هالعذااااب

no0o0o0dy143

30/10/2003, 06:34 AM

لك روحى تسلمييييييييييييييى

والله يتقبل منك بس انا ماشفت اى مهاجر هنا عربى او عربيه

بس استفدت انى اتعلمت كم كلمه روسى بشوف نفسى فيهم على اخواتى :D2:D2:D2:D2:D2 طبعا امزح بس من جد الكلام الروسى شى

بعلمكم لو تحبو

نوووووووودى143

لك روحي

30/10/2003, 06:36 AM

اييييييييييييه علميني

وشو صباح الخير ومساء الخير واحبك وش بعد اممممممممممم

مدري صكينا بكم كلمه

غرٌِابه

30/10/2003, 06:48 AM

اول شي اختي nooody 143 الله يعينك بعد روسيا مهي هينا وترنا قراب منكم احنا في هوكايدو قريبه حيل من روسيا وهي شمال اليابان

وبعدين اختي لك روحي الغربه تعلم انا اقول لك اذا كنت في الكويت يعني في ديريتي صح صعب اروح واتعرف على الناس مني والدرب بس اذا كنت في غربه راح احس ان الكل نفس حالتي ووده بالجمعه

وبعدين يا ام جود انا زوجي يدرس في اليابان ودراسته كلها في الياباني

يعني اول شي لغه سنتين بعدين الدراسه ودراسته ثقافه يابانيه

وعدد الكويتين اللي يدرسون باليابان يمكن 8 او 6 بس ووقفوا البعثات
وزوجي انشالله باقي له سنه ويتخرج يعني من 1997 باليابان

ودراسته على شان يكون مترجم انشالله

اي على قولتج ام جود احد يطق الباب والله طل والف طل
اصلا الجرس ما يرن الا اذا احنا طالبين بيتزا هت :D2 توصيل منازل

ولا غيره ابد انشالله تنهدم علينا الطوفه محد يدري عنا :confused:

صج الغربه كربه

الله يفرجها

أم جــــــــود

30/10/2003, 06:56 AM

هههههههههههههههههههه الله يغربل بليسج يا غرابه.... والله ضحكتيني .

يلا حبيبتي ....انتي قلتيها بعد ... باقي سنه بس... يعني هانت انشاالله .

بس اذا في 8 او 6 كويتيين ...وينهم ؟؟؟.... معقوله بعد هذوله مو وياكم في هوكايدو ؟:eek2: .......

الله يكون بالعون انشاالله .

:smile:

غرٌِابه

30/10/2003, 07:12 AM

اي والله مو معانا في هوكايدو :eek2: من القراده

اهما في العاصمه طوكيو وبعضهم مطشرين في جنوب اليابان

وهذي الدنيا

بعد

تصدقين بقول لج شي حدي مشتهيه محروق صبعه :confused: وما اعرف اسويه وابي مال امي

لووول وبعد ودي لقيمات وشوربة عدس واخ على اكل بيتنا اللي اول كنت اتعنفق عليه الحين ميته عليه

بس الله كريم

كل يوم اتشهى على ريلي :down:

بس يالله الشكوه لله

يالله حبوبه تعلمي كل اللي بخاطرج عشان تسوينه هناك مو تحسرين مثل حلاتي

لك روحي

30/10/2003, 07:15 AM

يووه غرابه ذكريني

انا ابي قهووووه .. قهوه عربيه بس مو اي قهوه ابي قهوه امي :confused::confused:
من كم يووم وانا مشتهيه قهوه مع حلى

ودي بمرق قرع باللحم الي تسوويه جدتي :confused::confused:

وابي الدجاج الي تسوويه جدتي .. ياربيه هذا الي يقعد يتدلع ومايعلم يطبخ

اهم شيء القهوه ابي قهووووه

كلمت امي امس قلتلها ارسليلي بن .. البن الي هم يسونه مدري كيف يحطونه بالفرن وقلها ارسليلي بالايميل الطريقه

مع اني عارفه ماراح تطلع زي قهوه امي

:confused:
:confused:

مرمر

30/10/2003, 08:19 AM

هلا ملاين اختي لك روحي ...بصرحه ضحكتيني يوم قلتي انك سويتي اعلان على لاسنزا ذكرتيني بنفسي كل ما كلمت احد من اهلى اول شي اقولهم اني شفت لاسنزا

اما بالنسبه للباف باستري لقيته في السوبر ماركت بصراحه ما اذكر اسمه ..بس هو موجود في مثل مجمع اسمه اذا مب انا غلطانه الكسسنيون شي من هذا القبيل ما اذكر اسمه الى فيه محل زيلار و كنيديان تير على ما اعتقد و ماقدونال و باسكن روبنس و معاهم هذا السوبر ماركت ...و اكيد بتلاقينه في كوسكو دوري في الثلاجات يكون بعلبه كارتون مستطيله صغيره

و البقالات العربيه الى انا اروحلها موجوده في بدايه السنت كاثرن...في مطعم مكسيكس اسمه اميجو اذا مب انا غلطانه على نفس هذا الامتداد من الشارع بتشوفين تقريبا في بقالتين و وحده منهم اسمها "النور" و الى يبيعون فيه هنود على ما اعتقد بس مسلمين و في بقاله ثانيه عرب بس ما اعرف اسمها ...و في وحده ثالثه بجنب مطعم كوكتيل هاواي"عنتبلي سابقا" مال العصاير اذا تعرفينه بجنبه في بقاله عربيه ...بس انا كنت غالبا اشتري من النور و احصل عندهم اغلب الاشياء

و بصراحه ما عندي خبره في البهارات ...استخدم الى زوجي يشتريه و ما اعرف اذا هو كويس و لا لأ ..زوجي روحه اخبر عني في هذي المواضيع..

و مادام انك ساكنه قريب من الداونتاون مري علينا كل ما حبيتي تجين الداونتاون :shy:

و انا بعد ظليت شهرين بكندا قبل لا ارجع البلاد و ما تعرفت على احد صارت لي كم صدفه كان ممكن استغلها و ابدا الصداقات لكن للاسف ماعندي جرائه و ضيعت الفرص :(...لكن قلت يوم برجع كندا ان شاااااااااااااااء الله و لاااااااااازم ابدا الصداقات و يكون عندي جراء شوي اكثر

اففف متى يخلصون الشهرين الباقين و ارجع كندا ان شاء الله

غرٌِابه

30/10/2003, 08:19 AM

اي والله يا لك روحي

ما نقدر نسوي شي مثل امهاتنا

على كثر ما تدلعنا وقلنا لا ولا وهذا مو حلو وهذا ويع وهذا بايخ

شوفي حالتنا بالله عليك :pain::pain: نكسر الخاطر

كل وحده فينا ودها في اكل امها :confused:

ودي والله انسدح في حضنها :confused: ابي امي :confused: :confused:

والله لو يسمعني زوجي اللحين يذبحني كل مااقول له ابي امي يقول لي انا امك :s2

يا قلبيم ا يقصر بس اقول له الام غير انت فيك البركه بس امي حضنها يجنن واكها بعد الذ لوووووول

والله مو حاله هذي ااااااااااااااااااااااااا ااااااااااخ :pain:

لك روحي

30/10/2003, 08:30 AM

مرمر يعني انتي لسى عرووس الف مبروووووك

تصدقين انا مره عجبتني مونتريال .. بس الشيء الي مضيق خلقي اني مااعرف احد ابد اقصد احد عربي ودي بصديقات :confused:

وشكوووووووره على الوصف انا مااعرف اسم المولات بس اعرف الي تقصدينه قدامه مجموع سنما كبييييييييييير

الف شكر لك .. ربي يسعدك ويهنيك ويخليلك زوجك وينزل عليكم السكينه ومايكتبلكم الا الخير والجنه

لو انك الحين بمونريال كان جيتك بالداون تاون :up:

غرابه

الواحد مايعرف قيمه الشيء الا وهو بعيد عنه

الله يخليك الوالده انشالله ويخليلك زوجك يارب

غرٌِابه

30/10/2003, 08:41 AM

يا رب احفظ امهاتنا

وانا كمان عروس ليش ما تباركين لي يا لك روحي :D2

لولولول

:o

لك روحي

30/10/2003, 08:42 AM

ماكنت ادري انك عرووس

مبروووووووووووووووووووووو ك يااحلى عروووووس

عقبال ماتجيبين بيبي حلو ونباركلك في زواجه

أم جــــــــود

30/10/2003, 09:00 AM

:clap::clap::clap::clap::clap::clap::clap::clap::c lap::clap::clap::clap::clap:

مبروك يا عرايس...

ماشاءالله ...طلعتو كلكم عرايس ؟؟؟

و انا صرت قديمه يعني؟؟؟ .......... بس ميخالف مو قديمه وايد ...

صار لي سنه و ثلاث شهور بس .:shy::shy::shy:
لك روحي... جان زين نقدر نحول و نييكم لي مونتريال ...بس الحين خلاص زوجي الحمدلله انقبل في الجامعه و راح يدرس في كنجستون ... يعني
راحت علينا .... يالله بعد شنسوي ... وين ما يروحون رياييلنا احنا معاهم.

الله يكون بعونا .

غرابه....خللي امج تقول لج طريقتها في المحروق صبعه و سويها...و ترا اهي سهله وااااايد ... صح يمكن ما تطلع نفس شغل الوالده ...بس يالله بعد...ولا ماميش .

بس عاد المشكله ان يبيلها خبز....و ادري بتقولين لي ماشاءالله اليابان متروسه خبز...وين ما اروح القاه جدامي:D2 .

يعني ماكو الا انج تسوين الخبز اول ...و بعدين تسوين المحروق صبعه :up:

:smile:

غرٌِابه

30/10/2003, 09:00 AM

لوووول شكرا الله يبارك فيك

بس انا صار لي سنه متزوجه ولسه عروس في عين الكل لان اذا جبت بيبي بيقولون لي قديمه :pain: هذي كلمت امي

الله يسامحهم

وانتي بعد انشالله نفرح في حملك وولادتك قريبا باذن الله

:up:

غرٌِابه

30/10/2003, 09:04 AM

أم جود من صجج اسوي خبز ليش بالغزو احنا الله يهديج لي خلق اعجن وانفخ ومن وين لي تنور لوووول
اخ على الخبز الايراني اموت على البراطم لووووووووول

يا ربي شسوي شنو هذا ولا شي اهني ينوكل مثل الناس استغفر الله

:confused:

يعني ساعات الواحد يتشهى اكل خفيف سندويشات على الطاير يازين شارع المطاعم كل يوم اتحلم فيه

اخ بس الله كريم :pain:

أم جــــــــود

30/10/2003, 09:12 AM

شكلج يا غرابه مو راعية مطبخ كلللللش:D2

خلاص عيل ولا يهمج....قولي حق الوالده تدز لج اللي تبينه بالبريد السريع.

بعد غير هالحل ماكو ... ولا شرايج ؟ :D2

ولا اقول لج .... ترا كندا مو بعيده وايد عن اليابان ... اذا الله كتب و رحت كندا اسوي لج اللي تبينه و ادزه لج بالبريد السريع ...يوصل لج اسرع من الكويت .... مو جذي احسن .؟؟؟ :up:

يا معوده ... هونيها بس و اهي تهون... يلا ما بقى الا سنه انشاالله تطوف مثل البرق .

:smile:

أم جــــــــود

30/10/2003, 09:15 AM

إلا بغيت اسالكم يا بنات.....

جم الساعه عندكم الحين؟؟؟

و شكثر باقي على اذان المغرب عندكم؟؟؟

:smile:

غرٌِابه

30/10/2003, 09:24 AM

ام جود الله يسلمج الحين الساعه عندي في اليابان 12:28 الظهر

وما بقى شي على الاذان ياذن الساعه 4:30 المغرب

وفرقنا عن الكويت 6 ساعات زياده

وبس

أم جــــــــود

30/10/2003, 09:30 AM

:eek2:
عيل النهار وااااايد قصير عندكم مدا ياذن المغرب 4 و نص....

يعني ماشاءالله ما جنكم صايمين..

لك روحي

30/10/2003, 09:35 AM

ههههههههههههههههههههههههه ه

او جووود ترا حتى بكندا النهار قصير .. نفطر على الاربعه ونص تقريبا بعد

بس انتي طوول النهار تشوفين ناس تاكل .. هو مومشكله اذا متسحرنه زين

بس اذا ماتسحرتي وشميي ريحت اكل حلو ولا شفتي احد ياكل اكله تحبينها الساعه 12 ونص الظهر مشكله

عاد انا احب الاكل بس اشوف اكل آكل حتى لو موجوعانه اجوع

أم جــــــــود

30/10/2003, 09:42 AM

انا مستغربه لان اللي اعرفه ان الدول الاجنبيه عموما ...ما تغرب فيها الشمس الا الساعه 9 بالليل تقريبا او 9 و نص .

يعني شلون يصير اذان المغرب عندكم على الساعه 4 او 4 ونص .؟؟؟

يمكن يصير وقته جذي عشان ما تتعبون بالصيام ليمه تغرب الشمس عندكم... يعني 4 او 4ونص عندكم تعادل المغرب غندنا .

صح؟

لك روحي

30/10/2003, 09:46 AM

لا اربعه ونص يئذن عندنا .. شمسنا تغرب اربعه ونص

في الصيف تغرب الشمس تسعه بمونتريال

بس الشتاء الساعه اربعه ونص .. النهار قصير

والوقت ينقص ساعه .. يعني امس انا نقصت من ساعتي ساعه

وبينا وبين الكويت والسعوديه .. انتوا قبلنا بثمان ساعات بالشتاء

وسبع ساعات بالصيف

غرٌِابه

30/10/2003, 09:56 AM

اي والله حتى احنا في اليابان نهارن حيل قصير يعين بس من تقريب على الــ 4 تغيب الشمس هذا اذا فيه شمس لان على طول الجو مغيم

وننطر الشمس ونقول ويه والله عز شمس الكويت اللي تشوي لووول

يعني غسيل الملابس مع النشافه ويبيله شويه يطقه الهوا والشمس بعد ياخذ له وقت وانطر متى تطلع الشمس عشان اطلع الاثاث وانظف

بعد احسن النهار قصير عشان مانحس بالصيام

الحمد لله

اي والله يا لك روحي على طاري ان الكل ياكل وانتي جالسه انا في رمضان مااطلع في النهار عشان مااحتر بس المسكين زوجي لان يعطونهم في الدوام بريك للغدا والكل يروح ياكل وهو قاعد يقولي والله بس اشم الريحه يبدي بطني يطلع نغمات لوووول

الله يعينه

لك روحي

30/10/2003, 09:58 AM

هههههههههههههههههههه ياحليلك غرابه

احنا يعني يوم غيب ويوم شمس بس طبعا مو زي شمسنا

بس اسمها شمس ولا مقارنتا بشمسنا الي تشوي على قولتك اسمها ريحه شمس بس

حبيــ قلبه ــبة

02/11/2003, 04:10 AM

مسااالخيير :) لك روحي وناااسه توك صغيره مثلي :shy: تصدقين ضاق صدري يوم شفت كلامكم حسيت انكم كباار وامهات عيال :D2 انا جايه على الصيف اذا تبون اجيب اي شي معي انا حاااضرة قهوة .. تمر .. اي شي موب موجود هنا :smile: وياليت اذا جيت اشوفكم واتعرف عليكم لأني موب اجتماعيه ما اعرف ادخل بالناس بسرعه اببد :o

أم جــــــــود

02/11/2003, 08:17 AM

just4u حياج الله بكندا ( مع اني لي الحين ما رحت:D2 ) ....

اي والله على ما قلتي .... يا ليت نشوف بعض .... بس احنا مشكلتنا انا مطشرين ... كل وحده بمنطقه .

بس انشاالله اذا الله كتب بنشوف بعض .

:smile: يا حليلنا والله .... طلعنا كلنا نستحي :shy:.... عسى بس ما كل وحده تستحي من الثانيه اذا شفنا بعض:D2..... لا يا معودين ....ترا كلش مو وقته.... بروحنا ما صدقنا ان لقينا بعض عشان ما تقعد كل وحده بروحها

:D2:D2:D2

بس خلونا نشوفكم عاد ...:up:

:smile:

لك روحي

02/11/2003, 08:38 AM

just4u

ياهلا وسهلا فيك

اكيييد لازم نشوف يعض ونصير اصحاب وبما انكم بسى ماحددتو وين بتروحون تعالو عندنا بمونتريال

علشان نسوي شله انا وانتي ومرمر وتزورنا ام جود

ام جووود شخبارك من زمان عنك كيف رمضان معاك .. صدق الحيا مشكله مدري ليه اهلنا ماعودونا على الجرئه

رحت قبل امس لبقاله نور الي قالت عنها مرمر .. تصدقين ان جود لفيت عجبنه لقمت القاضي ؟؟؟ وفيه فيمتو حق رمضان وفيه بقلاوه

سئلت عن المنطقه الي بتروحيلها "كنجستون "يقولون فيها عرب وممكن تلفين بقالات عربيه بس هي منطقه صغيره وماهي متطوره مره

just4u
مشكوووره .. انا كلمت امي من كم يوم وقلتها ترسلي قهوه عربيه محمصه ومطحونه مع زعفران وهيل .. وكريم استخدمه يقولون يبيض بس للحين ماشفت تنيجه امممممممممم واليوم خالتي على الماسنحر تقولي ياكثر طلباتك

بس عادي بنتهم يجيبوني وينسوني يعني ؟؟

أم جــــــــود

03/11/2003, 12:24 AM

هلا والله يا لك روحي ..... ماشاء الله ...رمضان شحلاته و يهبل .... بعد شنسوي ... لاهين مع الصيام والله و المطبخ ... و صرنا ما نقدر نفتح النت على اي وقت ...

تسلمين تسلمين تسلمين يا الغاليه لانج سألتي لي عن كنجستون ....
والله فرحت من كل قلبي لما قلتي ان فيها بقالات عربيه .... الحمدلله .

ادري والله انها منطقه صغيره و بدائيه :down: بعد شنسوي...زوجي شافها طبعا و قال لي عنها .... انتي لو سامعه كلامه عنها ..جان سويتي جذي:eek2:

اي والله ....... انا انصدمت... قلت معقوله هالدول اللي يقولون عنها متقدمه فيها مناطق متأخره لي هالدرجه ... صج شي عجيب .

يلا بعد .... الله كريم انشاالله ... مدام فيها عرب و بقالات عربيه ..الحمدلله .

المهم نرتاح فيها انشاالله .

و نشوفكم بعد .

:smile:

حبيــ قلبه ــبة

07/11/2003, 05:46 AM

سلااااام :smile: والله اني حبيتكم وارتحت لكم من قبل لا اشوفكم :shy: ايييييه والله الحيا احيان بلوه خطيبي منجن مني وده يذبحني 24 ساعه ساكته :D2 والله اننا نفشل حتى الكلام الحلو ما نعرف نقوله ! :s2

لك روحي :bigsmile: انا من الحين اهددهم ! في رمضان ترسلون تمر وقهوه وكل شهر ترسلون بهارات و بف باستري و كل انواع العجاين للحلا والسمبوسه وقهوه واي شي جديد ! امي تقول والله لو انك بتطبخين لكل جيرانك على ذالطلبات :D2 بس ولا يهمك ما يقدرون يرفضون نكسر خاطرهم (r)