المساعد الشخصي الرقمي

مشاهدة النسخة كاملة : الشاعر بندر بن سرور



وردة الجورى
12/06/2012, 12:50 AM
نبذة عن حياة الشاعر بندر بن سرور




F: السلام عليكم ورحمة الله وبركاتةF:
الشاعر بندر بن سرور بن خضير القسامي العتيبي رحمه الله
هو بندر بن سرور بن خضير القسامي العتيبي من مواليد القرارة أحدى توابع منطقة الدوادمي ولد في عام الف و ثلامية و ستين هجري، في سنة عرفت بربيع ربلان
عاش بندر رحمه الله طفولة فيها من القسوة الشيء الكثير فبعد وفاة والده تزوجت والدته رجلا اخر و انتقلت للعيش معه.
انتقل بندر للعيش مع أمه و زوجها في رواية و جلس عند عمه اخو ابوه في رواية اخرى ولكنهاعلى كل حال حياة افتقدت لحنان الاب و احتوت على ما تحتوي عليه حياة البادية عادة من قسوة و ترحال خلف الماء و الكلأ لكن هذا لم يمنع بندر من قول الشعر و لم يمنع الموهبة الشعرية من التفجر ابداعا على شفاه هذا الاسطورة
درس بندر الابتدائية و قالوا انه اخذ المتوسطة ثم بدا بالبحث عن وظيفة و لقى وظيفة في الجيش السعودي و توظف فيها و أرسلوه للكويت على أيام حصار عبدالكريم قاسم لها و تدرج في الرتب لين وصل لرتبة رقيب في الجيش الكويتي.
و قد أثرت هذه المرحلة العملية على حياة بندر بن سرور الشاعر و بندر بن سرور الإنسان. استفاد من احتكاكه بالاجانب هناك و عرف شوي انقليزي و لعلنا سنلاحظ بعض الكلمات الاجنبية في شعره و حتى بعض الكلمات المستخدمة في الكويت و سنشير لها في موضع لما جا بندر من الكويت اشتغل بالأعمال الحرة و أصبح يشتري السيارات من الخليج و يبيعها بالسعودية و عاش حياة ترحال و تنقل
مر بالعديد من المصاعب الصحية و الاجتماعية و خاض مع من خاض في أمور السياسة اللتي لم تكن من العقل و الحكمة في شيئا ستمر على هذه الحالة ما بين شي بقلبي واهجه مستمري و ما بين قلبن برى حال راعيه إلى ان توفاه الله عندما كان متجها الى صديق له خارج مدينة الدوادمي حيث أحس ببعض الالام و توقف على الطريق ليرتاح و كانت هي النومة الأخيررحمه الله رحمة واسعة

*وفاته
توفي بندر بن سرور عام:1405 وقيل: 1406 هجريه
عن عمرٍ يناهز الأربعة والأربعين.مات في غمرة نضجه الشعري مات الجسد ولكن الروح لم تمت.
بقي الناس الى الأن يرفرفون في أشعاره ومعانيها.




منقول http://go.3roos.com/6dr0biomrsj

وردة الجورى
17/06/2012, 11:27 PM
من اشهر قصائد بندر ابن سرور علي الاطلاق والتى يرددها الجميع
( ياسهيف الذرعان)
وحكايتها عندماقام بندر بن سرور بطرق باب الامير تركي بن ربيعان في وقت متأخر وكانت احدي الفتياة تخاطبه من خلف الباب وسألته من هو وما يريد قال انا بندر اريد والدك وعند ما سأل الامير تركي الفتاه عن الطارق قالت هذا المرجوج بندر وقد سمعها حين قالت المرجوج
واخذت كلمتها تلك موقعٍ من الاسيءفي نفسه
وكان بندر معروف لدي الجميع وقد انشد قصيدته تلك


ياسهيف الذرعان مانيب مرجوج*****رجتني الأيام غدر وحيله


يابنت لولا اللي على تاسع الفوج*****تركت نجد وعزوة بالقبيلة


لاشك حاديني على نجد هادوج*****مسقي الفيافي لين يدرج مسيله


تركي ليا من الليلي غدن عوج***** حملة عتيبة كلها ماتشيله

يرسي كما ترسي البواخر على الموج*****ومنين ماصك البحر يرتكيله


مادام تركي حي ماودي أدوج *****وإن غاب غبت من الرجوم الطويلة

_____________
كانت هناك قصيده لبندر يهجو بها السديري وعندما سأل السديري عن عدم رده علي بندر قال هذا شاعر بيوته ابكار اي بكر لم يسبقه احد علي قولها.
وله بيت يؤكد ما قيل عنه

أنااليا مني نويت أفتل البيت *****فتلت والشعار ما ينقضونه

صدق متنبي عتيبه
____________
وله قصيده مشهور ايضا قالها عندما كان في الامارات وهي طويله لكم منها تلك الابيات

متى يجي في نجد بعض التدابير*****حتى يجي للصابرين انفراجي
يالله ثبتني على الارض لا اطير *****لين اشرب الشاهي واكل علاجي
علاج راسي حبتينن بقصدير *****اللي عليهن رسمهن بزدواجي
ويامنير اخذ الفرت واخذ الفواتير *****واحرص عليه ودخله بالكراجي
ان كان يبغى زيت عب المواصير ***** وان كان يبغى نار غير بواجي
واليا استعد وضخر البعد تصخير *****تصخير شيهانن لفرخ الزراجي
عده على اللي مايعد المخاسير*****ركاز عمدان الخشب للنعاجي
تم قل لبو ماجد ترى وقتنا غير *****واتبدلت سحب المطر بالعجاجي


مصدر : http://forum.brg8.com/t41684.html (http://go.3roos.com/db3zkdf86ct)

وردة الجورى
18/06/2012, 01:09 AM
رد النقي يا عبيد حالٍ وحيله


ياعبيد يوم إنك تبي الدرب عجلان *****ردالنقي يا عبيد حالٍ وحيله

ما ينرمي قولٍ على غير نيشان ***** ومن لا يثبت حجته ويش هي له

صوتي وأنا بندر طويلٍ ليا بان*****وان ما خشيت الرب ويش اختشي له

وان عودت للناس قومٍ وصدقان*****مااحد بمانعني لأعدي الطويله

وأن جيت أغني البيت وافي ومليان*****ولولا معاني بالغنا مااشتقيله

ما أحب ترديد الغنامير مشحان***** ما أدمح خطا اللي شاهده رأس ذيله

والا خطا الطيب زبادٍ وريحان***** لو يدعي لي بالفنا وادعيله

إن ضاق صدري شفي أمزح بالالحان***** والا عن الزلات رجلي ثقيله

دنيا نبي تقزيرها ضحك حجان***** وألا ترى صيورها مستقيله

والرجل غاية ملحته قلب ولسان ***** وألا أن باقي جثته حنضليله

يارب تجعل لي من الذنب غفران***** يافارج لأيوب عقب تهليله


http://go.3roos.com/8y846o82265

وردة الجورى
21/06/2012, 01:36 AM
يابنت عيفي واحدٍ ما يصلي



واقلبى اللي تله الود تلي***** تل الرشا من فوق ملحا جلاله



في غربها تسعين فري ومشلي ***** وتجفل اليا سمعت ضريس المحاله



من واحدٍ طرق عليه يهلي ***** جدد جروح القلب مع ما جرى له



برمش العيون اللي هدبهن مظلي ***** ضافٍ على بيض المحاجر ضلاله



يابنت عيفي واحدٍ ما يصلي ***** تارك عمود الدين مالك وماله



عيفيه لو يفرش لك البيت زلي ***** من لا يخاف الله حرامٍ حلاله



خلي ملعن والدينه يولي ***** تلقين في نجد المسمى بداله



وعليك باللي للجماعه يهلي ***** اللي كما النبوة منارة دلاله



بالرجل ثنتينٍ حداهن يدلي ***** من كبهن ماهوب ويا الرجاله



وان كان مابه دين مع زين دلي ***** جعله من الدنيا تقطع حباله


http://www.adab.com/ (http://go.3roos.com/yWq0KPoBMAL)

وردة الجورى
21/06/2012, 02:16 AM
قم يا نديبي فوق دوج عليه شراع



قم يا نديبي فوق دوج عليه شراع ***** ما قال انفخ التشريق جا في مواصيره


ليا هبّت العليا و قام العجاج و راع ***** يهيضك مع السكة تثاوع معاصيره


صنايع يهودٍ لا يبدّل ولا ينباع ***** يقربك من دار و يقلعك عن ديرة

بعد طلّعوه مشيّكٍ ما يبى المرجاع ***** سمع من وراه الفوج غنّت مواطيره

ليا دق سلفه قام حسّه يرجّ القاع ***** ما جاه المعاون يشتغل في مساميره

عطاه الثنين و زاد له بالأبنص و فاع ***** رزيمه رعد مزنٍ تهلّع دناقير

خرط له بثالث عقب نشّه بعزم و زاع ***** و شتل له برابع ما يضيّع تغاييره

ليا شال عزمه ريّحه وامنٍ مارتاع ***** مسك مع يمين الخط و يلدّ لانبيره

أدب .. الموسوعة العالمية للشعر العربي - adab (http://go.3roos.com/yWq0KPoBMAL)

وردة الجورى
23/06/2012, 12:11 AM
علق حبالي فرخ واليوم قرناس



ياسخيف الذرعان مافي وسواس***** لي حاجة بالعرض وأسعى وراها

وأسجد لقادرها على غفلة الناس***** وأسأله الجنة يكمل عطاها

أسعى ورى حد مهاويه دراس***** زيزوم نمراً قادها ماتلاها

علق حبالي فرخ واليوم قرناس***** واللي بحالي للولي مشتكاها

أعوذ بك يارب من سعي الإفلاس***** وأنته رقيب النفس تعلم خفاها

يابنت أنا هذي شفاياي يباس ***** أطابق الوجبات ما أشفق علاها


http://go.3roos.com/7dpo03yoi76

وردة الجورى
23/06/2012, 12:26 AM
بديت ذكرالله على كل ماقيل





بديت ذكرالله على كل ماقيل ***** رب الفلك منه الفلك ينتهي له

والكار للي حول الشرق تحويل ***** من باب ذل لباب عزٍ بليله

وقف لهم زايد محيل الحلاحيل ***** برٍبحرحلحيل محدٍ يحيله

مودع رياجيل الصحافه براميل***** لطام قطاع الرقاب الطويله

عماردمارالجبال المهاليل ***** سباح غابات البحورالمهيله

حلال عقدمحكمات الصناقيل ***** لواي شي بالقوع ماينلوي له

بدرالخليج اللي طلع بالقناديل ***** ضيع نجوم الليل باهي شعيله

شط الفرات اللي يطم الغراميل ***** يضيع مادق به من مسيله

وردة الجورى
28/06/2012, 09:50 PM
جينا حليت



جينا حليت ولا لقينا أشعل اللون ***** ألا بحمرٍ يبهتن الحديدي


روس الطوال اللي ورى حد طحنون ***** ياما بهن عن عنز ريم فريدي


قم سو فنجالٍ ترى الشاي لبتون ***** والماء الريعة والهواء مستعيدي


مقيالنا في طلحةٍ فيها دون ***** نوجٍ سموم ونوج برد وجليدي


يسوى حياة اللي سواة التلفون ***** من شبته بين العجايز بريدي


راع البلد يا ميت القلب مسجون ***** أضرب تهاتيه الخلا تستفيدي


أبطش ديار القوم والرزق مضمون ***** تصيدك الأقدار وألا تصيدي


وأحذر تخاف ألا الذي كون الكون ***** رب السماء محيي العظام الهميدي



أدب .. الموسوعة العالمية للشعر العربي - adab (http://go.3roos.com/v0ay7kmoal2)

وردة الجورى
28/06/2012, 10:10 PM
نوٍ تحدر

بديت ذكر الله على كل جابه ***** يستاهل الذكر العزيزالجليلي

وقفت عند اللي زبن من لجابه ***** وهي وقفت المضيوم عند الاصيلي

ياشيخ أنا وقتي ضربني بنابه ***** من واهجٍ بالقلب حالي نحيلي

واللهم صلي على خير مابه ***** والا ترى الدنيا جداها الرحيلي

نوٍ تحدرٍ قيل وين تهقابه ***** وأظن له من عند ربه دليلي

جعله على ظفره ينثر سحابه ***** ينهل من ظفره إلى أطراف هيلي

يسقى وطن شيخٍ عزيزٍ جنابه ***** شيخ عدل مجرى الشريعة سبيلي

أبن الخليج اللي طلع وأرتكابه ***** ورسى كما يرسي حفيت الطويلي

يوحش سلاطين الرجال أقتلابه ***** لاهوب لا يجلس ولا من مقيلي

يقفي ويقبل مثل سبعٍ بغابه ***** حلحيل حيالٍ على كل حيلي

اما كسبنا الطايله في جنابه ***** والله يخون اللي يخون العميلي




أدب .. الموسوعة العالمية للشعر العربي - adab (http://go.3roos.com/v0ay7kmoal2)

وردة الجورى
28/06/2012, 10:29 PM
مالوم عين(ن) تصطفق بعض الاحيان

مالوم عين(ن) تصطفق بعض الاحيان ***** شافت غرابيل الزمان الغريبه


ياكثر ماشافت وياقل الايمان ***** بقلوب من بقلوبهم شك وريبه

من سبّته ياميّت القلب ندمان ***** لعل قلبك للعمى وش تبي به

أنصحك ياللي رشّك الشيب عميان ***** وادي جهنم حادر(ن) مع شعيبه

يطغيك زود المال والزود نقصان ***** غادي بسوق السؤ ليه تغدي به

لاتدّعي بالمال رابح وخسران ***** يفلجك من زين العمل يدّعي به

وافطن لكلمة ويل يوم للانسان ***** في موثقف ماينفع المرء جيبه

للشر ميزان وللخير ميزان ***** تكتب ملائكة السماء وتعدي به

خذ لك نصيحة واحد داج الاكوان ***** جرب غرابيل الدهر من نصيبه

من جاهد الدنيا بلا رووس جنحان ***** يصبر لصكّات الزمان الرهيبه

وانا الذي شفت الوزاء ياسليمان ***** برد الشتاء والقيض اكلني لهيبه

والله يالولا كلمة قال ديّان ***** حقي غدى به مانوى انه يجيبه

لاشهر كما يشهر مع الجو شيهان ***** قطع البحور ولا حياة الغليبه

لجّوا علي الناس قوم وصدقان ***** واخترت عنهم بعد مسرى النجيبه

ماهبلك ياللي تلتوي لك بجابان ***** رجل وهو جابان لاتلتوي به

لاساتر عرضك ولا قاضي شان ***** كسب نزولك عقب مبدا الرقيبه

أبعد عن الجابان ولو كنت عريان ***** ثوب من الجابان لاتكتسي به

يارب تجعل لي من الذنب غفران ***** يافارج(ن) لايوب مما بلي به

أدب .. الموسوعة العالمية للشعر العربي - adab (http://go.3roos.com/02bs9hkj0xn)

وردة الجورى
01/07/2012, 01:28 AM
الله على مركب خطاة التماتيك


الله على مركب خطاة التماتيك ***** اللي يروج اليا أونس الضغط صالي

هذاك يامجول عن الغيض يبريك ***** عليه يالغالي يوديك غالي

انحر عليه الجادل اللي تسليك ***** اللي جوابه حلو در المتالي

وأن بينت لك شين عنها يعديك ***** تكفي الاشارة عن كثير المجالي

ونوم الخلاء وحدك ولازول يوذيك ***** أخير من خوة عفون الرجالي


http://go.3roos.com/v0ay7kmoal2

وردة الجورى
01/07/2012, 01:52 AM
راكب اللي مخّ رجليه خنزير وهوا


راكب اللي مخّ رجليه خنزير وهوا***** اشهبٍ في مقدمه بارقين وعكس تاج

متر في مترين مستبرم كلّه سوا ***** حايفه حطّاب ماسمكره راعي الكراج

إن نعشته بالثلاثة مع اللفه عوا ***** عوي ذيبٍ محتدينه مربّيت النعاج

ثابتٍ ما يختلف كلما لف إنزوا ***** وارتفع ثم إرتخى مثل طايرة المراج

كن ضرب المروفي الويل قدّام وورا***** ضرب هملول البرد وإن تقفّاه العجاج

منوة اللي مشفق لهله ولهم نوا ***** من بعد طول المسافة يبي فلّة حجاج


http://go.3roos.com/02bs9hkj0xn

وردة الجورى
01/07/2012, 02:13 AM
طويت حبل الياس



طويت حبل الياس يابدر دونه ***** وجاني عليه من الأذى ماكفاني

في الليل جسمي مقلقاته همومه ***** والعين تسهر ماتذوق المنامي

عليه روحي يابسات شنونه ***** وحره على الضلع القصير كواني

امشي وقلبي يابسات غصونه ***** ومني صناديق الضماير حطامي

بلا مرض حالي تقول مهيومه ***** والكبد صامت عن لذيذ الطعامي

اللي عليه القبر ركزت وسومه ***** ولاعاد يمحى وسم حزنه دوامي

يابدر متى الوسم تدخل حتونه ***** من نو مزن مانشا بالغمامي

ابيه يزي القبر ماء مزونه ***** يزيه ربان السحاب الهشامي

وردة الجورى
01/07/2012, 08:16 PM
أنا الذي ما ابدي على الناس سرّي ***** من خوف سودان الوجيه تحكي به


أصبر على ظيم الدهر و التعرّي ***** من شان من يرضى عليّ الغليبة


و ابعد مجالي عن عيال التزرّي *****من لا هوى قلبي دواه المغيبة


واخاف لي من مجلسٍ ما يذرّي*****في جانبه بومٍ حساسه صليبه


و سوالفٍ مابين بحث و تحرّي ***** يجرح فؤادي عيّه و ابتلي به


يرضيني المقسوم خيري و شري ***** سبحان من لا تعلم الناس غيبه


أحدٍ على ربعه يحب التحري***** للشر بلاس و خيره بجيبه


هذاك يالربع انا منه متبرّي ***** لو عضّني ناب الدهر ما انتخي به


من خوف يضحك لي و هو يستغرّي ***** يفتل حبال السّوْ ما يندري به


يفرح عليّ بكل شيٍّ يمرّي *****و ان شاف يمّي خير عنّي نهيبه

-----------------

من الشوارد في شعره رحمه الله , هو تكرار كلمة معينة , أو جملة معينة في العديد من أبياته الشعرية

متفاوتة بين المدح و الفخر و النصح و الدعاء و الغزل . مثل ما مر معنا في أول الابيات, جملة " ماني و انا بندر " تكررت في ست قصايد , و مثلها العديد من القصايد و المقاطع اللي نبي نعرض لبعضها بإختصار.

الله من عينٍ ليا عسعس الليل *****عافت لذيذ النوم ما تهتني به

يا وين انا القى من يحب التعاليل ***** يبدى بزين القول والا ابتدي به

--------------

الله من عينٍ تزايد صلفها ***** بيّن كداها بالعروق الصخيفة

كم واحد له حاجة ما صرفها *****يصد عن صرّافها لا يظيفه

-------------------

الله من عينٍ طرقها صواديف ***** عميت و يبسن العروق الصخافي

شفت الوزا بالعين من عرض ما شيف *****شفته و غيري ما فطن له و شافي





http://go.3roos.com/dyk2sied9xc