الشاعر المعاصر "هشام كامل عباس محمود الجخ" [الأرشيف]

سيما 9

20/05/2012, 09:44 AM

http://www.al-wed.com/pic/7094.gif

http://www.hawahome.com/vb/nupload/100978_1210451651.gif

http://a3.sphotos.ak.fbcdn.net/hphotos-ak-ash4/p480x480/269073_232883416732064_121897031164037_842726_5852 207_n.jpg

ولد هشام في 1 أكتوبر عام 1978 م. لأسره صعيديه من أصل قناوى، تخرج من كلية التجارة جامعة عين شمس سنة 2003، تعين في الجامعة مسؤول عن المركز الثقافي في نفس سنة التخرج واستقال من وظيفته عام 2009 .

المصدر - ويكيبيديا، الموسوعة الحرة

يقول هشام في معرض تعريفه بنفسه:

لما يطلبوا منك باصرار انك تكتب تعريف للناس عنك وعن حياتك
خلينا نحاول
انا هشام الجخ
اصلا من قنا .. مركز ابو تشت..ومسقط رأسي سوهاج وخوالي كمان من سوهاج
درست واتربيت في سوهاج لغاية ما دخلت كلية التجارة هناك
حولت من تجارة سوهاج لتجارة عين شمس واتخرجت في جامعة عين شمس سنة 2003
اتعينت مشرف على المركز الثقافي في جامعة عين شمس في نفس سنة التخرج وعملت دراسات عليا في ادارة الاعمال في نفس الجامعة
زمايلي وانا اسسنا المركز الثقافي في الجامعة وكانت فترة نهاية التسعينات وبداية الالفية الجديدة - بفضل الله - عصر مشهود له في تاريخ جامعة عين شمس ادبيا
استقلت من الوظيفة بالجامعة سنة 2009 لاني باختصار معرفتش اعيش حياة الموظفين التقليدية ده غير ان البيروقراطية وقتها كانت شيء قاتل لكل الانشطة الطلابية ولكل مناحي الابداع
اهتميت بمشروعي اللي بقالي 15 سنة بحلم بيه وهو زيادة شعبية الشعر في مصر واعادة الشعر على السنة الشباب والاطفال

في السكة بقى حصلت حاجات كتير طبعا
حصلت على احسن شاعر عامية من اتحاد الكتاب سنة 2008
حصلت على شوية مراكز في الشعر الفصيح والعامي ايام الجامعة
يعني .. مش ده المهم
المهم اني بحب الشعر جدا .. وبذاكره .. وبكتبه على مهلي جدا جدا جدا
ومش بقول شعري لحد غير لما اكون انا قريته 40 مرة وعجبني تماما

بحب اسمع مزيكا هادية جدا
لكن ساعات بتلاقيني قلبت وشغلت مزيكا صاخبة وقمت ارقص
باستمتع قوي قوي قوي بالرقص الصعيدي والنوبي والسمسية

اهلاوي وبحترم جمهور الزمالك وكنت بالعب باك يمين في فريق سوهاج ايام 4-2-4 لما كان فيه حاجة اسمها باك وحاجة اسمها وينج

اتجوزت سنة 2004 وربنا افاض عليا بزوجة صالحة وبنتين زي القمر
مواليد اول اكتوبر ..يعني برج الميزان
رغم اني كنت ابن والدتي الوحيد - رحمها الله - لكن ما اظنش اني عشت كولد مدلل .. يمكن لان والدتي - رحمها الله - كانت سيدة تربوية بحكم عملها كرئيس قطاع تعليمي بسوهاج ويمكن لان ابويا لم يكن يفرق في المعاملة بين ابنائه ونسائه فخرجنا جميعا متساويين في المعاملة والتربية

لما جيت القاهرة جديد كنت لسة في الجامعة اشتغلت في مجال التصميمات والجرافيك والطباعة .. تركت المجال لكني مازلت - حتى وقتنا هذا - لما باعدي على جسر السويس لازم ادخل عين شمس واسلم على صحاب المطابع والصنايعية اصدقائي

باحترم الناس جدا
واي حد بيعمل معايا موقف وحش باحط نفسي مكانه وافكر باسلوبه واحاول اتعامل مع الموقف من وجهة نظره

امتع لحظاتي لما اقف على المسرح واشوف عيون الناس بتلمع وهي بتسمع شعر
واتعس لحظاتي لما حد ميعرفنيش يتهمني بالغرور
غرور على خيبة ايه مش عارف؟؟تقولش الواد حليوة قوي؟؟؟

بكره نظام حسني مبارك جدا جدا جدا وشفت بعيني الناس اللي اتحرقت في قطر الصعيد وهي حية.. ولو النظام اللي بعده كان زيه او حتى شبهه يبقى مكتوب على هشام الجخ تفضل قصايده ممنوعة - اقصد القصايد المهمة طبعا

بحلم بالمساواة
مسلم ومسيحي وصعيدي وبحراوي وغني وفقير
نفسي الشباب اللي في سني يلقوا شقق يتجوزوا فيها ويلقوا وقت يقروا ويتثقفوا ويفكروا .. ونفسي جدااااااااااااااااا اصلي في المسجد الاقصى
تحياتي لحضراتكم جميعا

المصدر
http://go.3roos.com/f0tazyilnbs

الصفحة الرسمية للهويس هشام الجخ

سيما 9

20/05/2012, 10:06 AM

اعماله الشعرية
له حوالي 30 قصيده معظمهم بالعاميه جميع قصائده صوتيه ، لأنه لم يصدر دواوين شعريه منشوره في كتب

قصائده:-

سري جدا إلى البحر
حلقاتك برجالاتك
نانا
أيوة بغير
على ذكر النبي
انسحبو
مبتحلش
مزحوم يا قطار الغبانين
اباتشي
نادية
البغبغان
جحا
إنطرد الآن من الجدول
تلت خرفان
24 شارع الحجاز
إيزيس
قصيدة الرسالة الأخيرة

المصدر - ويكيبيديا، الموسوعة الحرة

سيما 9

20/05/2012, 10:08 AM

جوائز

مسابقة أمير الشعراء
في فبراير 2011 حصل على المركز الثاني في مسابقة أمير الشعراء المقدمة من مؤسسة زايد آل نهيان للأعمال الإنسانية والخيرية.
وكان الخج قد ألقى قصيدة الرسالة الأخيرة بعد أن طلبت لجنة التحيكم من المتسابقين أن يكون موضوع قصائدهم عن الحوار، وكان موضوع قصيدة الجخ عن ثورة 25 يناير وطلب هشام من الحضور الوقوف دقيقة حدادا على أرواح شهداء ثورة ليبيا.

االمصدر - ويكيبيديا، الموسوعة الحرة

سيما 9

20/05/2012, 10:12 AM

البرامج التلفزيونية

أستضيف هشام الجخ في عدد من البرامج على القنوات الفضائية عبارة عن حلقات منفصلة في عدة قنوات مثل من قلب مصر مع لاميس الحديدي والعاشرة مساء مع منى الشاذلي وبرنامج مانشيت، كما عرض له فقرة خاصة على الفضائية المصرية رمضان الماضي (2010) ببرنامج يسعد صباحك والفقرة كان اسمها قول يا هويس عبارة عن 10 حلقات كل حلقة يقول فيها هشام الجخ قصيدة شعرية له مع أنغام العود والتي لاقت استحسان المشاهدين .

المصدر - ويكيبيديا، الموسوعة الحرة

سيما 9

20/05/2012, 10:14 AM

غلطة قاتلة

ارتكب هشام الجخ غلطة أصابته في مقتل وأساءت إلى صورته لدى الجمهور،
حيث ألقى قصائد شعرية تخص الشاعر عبد الستار سليم دون إشارة إلى ذلك مما يعد مخالفا لمقتضى أمانة النقل أو بعبارة أخرى (سرقة شعرية)،
وذلك عرضه للمثول أمام القضاء في القضية التي رفعها عليه عبد الستار سليم رغم مبادرته بالاعنذار.
ولأن الشاعر عبد الستار سليم اصر على تقديم هشام الجخ بتهمة السرقه فقد اعتذر هشام الجخ أكثر من مره على صفحات الجرائد مثل جريدة الاهرام المصرية وعلى عدد كبير من الفضائيات مثل اون تي في والحياه ودريم التحرير ولقد تدخل عدد من معارف هشام في بلدته لعمل جلسة صلح بين هشام الجخ وبين عبد الستار سليم الذي اصر على مقاضاة هشام الجخ بتهمة السرقه،
وكانت هناك مواجهه بين عبد الستار سليم الذي ظهر في برنامج مانشيت تقديم جابر القرموطي في قناة اون تي في وبين هشام الجخ الذي اتصل هاتفيا واعتذر على الهواء مباشرة وطلب من الشاعر عبد الستار سليم ان يصفح عنه ويتنازل عن مقاضاته بتهمة السرقه

المصدر - ويكيبيديا، الموسوعة الحرة

سيما 9

20/05/2012, 10:34 AM

[
[CENTER]ومن أشهر قصائده العاميه

سري جدا إلى البحر

سري جداً إلى البحر

وبَقُولُه يَا بَحر ليه المُوج فِى عِز الهُوج مَابِيخَلِصْش

و المِلح سَد وِدَانَك ودَانَك لَجل مَاتخَلِصش

يَا بَحر كَام ألف بِت زَغزَغت رِجلِيهُم

ورَفَعت عَنهَا الحِجَاب ولَزَقت فُستَانهَا بالعَانِى عَلَى ضَهرَهَا

وجَرَحت رِجْل الوَاد اللى جِرِى فِى ضَهرَهَا

وعَمَلت مِلحَك دَوَاَ واللى جِرَاحُه هَوَى

مَالهُوش طَبِيب غِيرَك

طَب لِيه بِتبخَل عَلَيَا

مَع إِن " نَـــــانَـــــا " صَبِيَه

زَغزَغت رِجلِيهَا ورَفَعت عَنهَا الحِجَاب

ولَزَقت فُستَانهَا بالعَانِى عَلَى ضَهرَهَا

ودَبَحتِنِى فِى مَهرَهَا ودَفَعتِلَك رَاضِى

خَلِيتلِى حُبِى قَضِيَه وعَمَلتِلِى قَاضِى

وكَوِيت بِملحَك جَرحِى كِيف الدَبْح

مِن مِيتَى يَا بَحر الِجرَاح بطِيب بِحَبِة مَلح

و أنا أصلِى واخد ع الـوَجَّع ..

و أمَّا الجِـرَاح بتْصِيـب جَـدَّع ..

بيصِير وجَعْهَا بــــ مِيت وَجَّع

تعرف يا بحر الـ ميت وَجَّع ..

وَجَّع اللى حَبيِتهَا وسَابِتنى

وَجَّع اللى بعنِيها سَابِتنى ..

وَجَّع اللى عَمَلِت مِنى رَمل فى قَعر جُوفَك رسَّبتنى ..

و تُسعُمِيت مِليُون وَجَّع للذكرَيَات ..

أصْل المحبه يا بحر مِش فَتره وتِعَدى

دِى عُمر شَايِل صُوت هِزَارِى و غُلب جَدّى ..

فِكر طَايِح يُوم يِجيب و شُهور يِوَدِّى ..

و تُسعُمِيت مِليُون وَجَّع ..

عَدَد المحَاره و الوَدَع

عَدَد الكَلام مِن بِين شَفَايِفهَا الجُمَال

عَدَد الشَمَاسِى و الكَرَاسِى و البَنَات ..

عَدَد الرِمَال عَدَد المطَر يا أبو قَلب أقسَى مِن الحَجَر ..

كُل اللى فَاكرِينَك بتجَمَّع للحَبَايِب شَملُهم ...

عَـــــــــــــالَــــم بَـــــــــــقَــــــــــ ــــــــــــــرْ

مَا أنَا جِبتَهَالَك .. مِشْ جِبتَهَالَك ؟ ..

شَهِد الشَمس اللى لِسّه سَمَارهَا فُوق ضَهرِى تِقُولَك

إِنى يَا بَحر إِئتَمَنتَك جِبتَهَالَك

ولا لِيه شَهِد رِمَالَك

عَلِّى صُوتَك سَمَّع الرَمل اللى مَدبُوح مِن قَسَاوتَك

وإِندَاهُه و إِن كَان يِجَاوِب إسألُه

فِين قُصُور الوَاد دَاهُه

هيقُولُولَك ما إنت يا بَحر اللى هَدِيتهَا

وسَوِيتهَا بِبَاقِى الشَط

هيقُولُولَك هُوَ هُوَ المُوج يا بَحر

زَى مَا جَمَّع حَبَايِب زَى ما كَسَر قُصُور

بَس النُوبَه دِى يا بَحر مُوجَك القَاسِى كَسَرنِى

هُوَ أَنا نَاقِص كُسُور

لَو تِعَرِينى يَا بَحر تِلقَى جُوَايَا بَنَات مَالْهَا عَدَد

ولَا إِتكَسَرتِش

زَى مَا تقُول جِسمى نَحَس مِن الحَريِم وبَقِيت وَتَـــدّ ..

بس النُوبَه دِى مَاإنتَصَرتِش

بَعتِرفلَك يَا هَوَى البَحر إِنى مَغلُوب النُوبَه دِى

بَس خَلِيك وَاعِى دَايماً و إفتِكِر مِين اللى بَادى

ومِن اللِيلادِى لا إِنتَ صَاحبِى ولا أعرِفَك

إِيَاك تِشُوفنِى بِبِنتْ حِلوَه وتُطلُب إِنى أعَرِفَك

صَبرَك عَلَيا

و هـ اكشِفَك و هــ جرِسَك و هـ جَرِفَك و هـ جَوِفَك و هـ كَتِفَك

كِيِفْ الذَلِيل

مِن اللِيلادِى سَمَاك يَا بَجر هتِبقَى لِيل

مِن اللِيلادِى هـ أطفِى شَمسَك و أطمِس الدُنيَا ونَهَارهَا

" نَـــــانَـــــا " مَـــــاتِـــــت

بَس فَاضِل لِسَه نَارهَا

و العَزَا عَالِق مَا بِينِى و بِينَك إنتَ

والله مَا هَقبَل عَزَاك

قَبل مَاخُد بإيدِى

تَـــــــــــــــــــــــ ـــــــــــــــــارهَــــ ـــــا

المصدر
http://go.3roos.com/g37pa9ctj5k
[/SIZE]

سيما 9

20/05/2012, 10:37 AM

حلقاتك برجالاتك

من تأليف الشاعر المصري هشام الجخ.

حَلَقاتِك .. بِرِجَالاتِك،
تِكبْرَى و تِحَقِّقِى ذَاتِك،

حَلَقاتك مَنْقُوْشَة ب فِضَّة،
و بِطُهْرِك مَرْيَم تِتوَضَّى،
يِضْحَكلَى الْعُمْر الّلِى انْقَضَى،
و تِحَلِّى حَيَاتِى بِحَيَاتِك،

عَلَى لِعَبَك عَلَى سَقَّفِة ايْدِك
عَلَى حَبِّيْك عَلَى صَوْت تَغْرِيْدِك
عَلَى كَرَّاسْتِك عَلَى انَاشيدَك
و تَعَيَشى و تَكْتَر طَلَبَاتَك

حَلَقاتك، حَلَقَات حَلَقَات،
نِكْبر و تُهَوِّن الْمَسَافَات،
و نَلِف وَرَا الْتَّعْلَب فَات،
و تِحِبِّى دِرُوْسِك و صَلَاتِك،

يوْم عُرسِك هَيُدَّبح فَيَا،
هاضْرّب لِك نَار لـ الْصُّبْحِيَّة،
و رَاح ابْكَى و الْنَّاس مَلْهِيَة
مَشْغُوْلَة بِفَرَحِك، و حَاجاتِك

و تَعَيَشى جَمِيْلَة و تِتَرسْمّى
و تسَمَّى عِيَالِك عَلَى اسْمِى
تِفْتَكْرَى ابُوْكَى و تبتُسَمّى
هِنَا جَابلِك لعْبَة هِنَا شَالِك

المصدر http://go.3roos.com/szno2vmluip

سيما 9

20/05/2012, 10:39 AM

نانا

من تأليف الشاعر المصري هشام الجخ.

هذا الحلم الاحد الصمد الساكن فيا
ماازلت وبرغم الثورة تحكمني حكما ملكيا
نانا البت الدوشة الظيطة
المغرب تنزل في الاستاد انا كنت دهل صغير لسة
بسرح شعري من الضهرية
وشايف شعرها نازل يدلع على خدها
المكوة البايظة كأنها عارفه معادي معاها اشتغلت وحدها
فرحت بيا سلالم بيتنا وانا نازل بتنطط فرحة
قلعت عنها حجاب الطرحة واعدت تدعي
شم المدخل ريحتي عرفني
غمزلي بعينيه عرفته كشفني كسفني
ضربته في عينه وطرت
زعق فيا وقالي هتفضل برضه صغير مهما كبرت
مدخل اللي مربيني كان دايما عايش ويايا
كان يسهر في الامتحانات ويوصلنا لغاية اللجنة ويستنانا
والمرادي قالي امانة امانة
يارايح لتسلم على نانا
اصحابي عايزني اوصفها
وانا مش لاقي في وصفها زي
شعرها اسود لا مش اسود
شعرها ناعم لامش ناعم
شعرها زي اللي ملوش زي
اسمها نانا وساكنه وريدي
بس الناس بيقولوا عليها ساكنه معانا في نفس الحي
مشيها زي غرير المي
رمشها زي جدايل ضي
جدها من النوع الوحداني اللي ملوش خي
نانا كانت لما بتضحك يحلا في عيني العمر الجي
كانت لما بتجرح قلبي تحلى لقلبي قولة اي
قال وصحابي بيقولوا اوصفها
طب والله نفسي اوصفها

المصدر
http://go.3roos.com/pgnmma4jwqb

سيما 9

20/05/2012, 10:42 AM

أيوة بغير

وهي قصيدة بالعاميه الصعيديه المصريه

لهشام الجخ ،

قصيدة ايوه بغــير

http://up.aljremh.com/image1643.html (http://www.3roos.com/redirect.php?url=http%3A%2F%2Fup.aljremh.com%2Fima ge1643.html)

أيـــوة

بغيـر !

لا انا نقصان ولا ضعفان
ولا مسطول ولا
ولا زايغ من عيني الضيّ
ولا حد احسن مني في شيّ
بس بغير

واللي قالولك غيرة الراجل قِلّة ثقة او قلة فَهم
خَلْق حمير

غيرة الراجل نار في مَرَاجِل
نار بتنوّر مابتحرقش
واحنا صعايدة بنستحملش
شمسنا حامية وعِرْقنا حامي وطبعنا حامي
واللي تخلّي صعيدي يحبها
يبقى يا غُلْبها
اصلنا ناس على قد الطيبة
كلنا هيبة

والنسوان في بلادنا جواهر
طب لو عندك حتة ماس
حتخلّيها مداس للناس؟؟
ولا حتقفلي اوضة عليها بميت ترباس
يمكن حتى تأجري ليها جوزين حراس
يبقى انا لا انا جاهل ولا غافل
كل الفرق ما بيني وبينك اني صعيدي
ينعل ابو ده اليوم الاكحل
اللي لا ليه اخر ولا اول
اللي طلعت لقيتني صعيدي

لو كان بايدي
كنت اعملك هندي بريش
واقلب شعري كنيش كرابيش
والبس لك سلسلة متدلدلة خرزة وقلب
بس ازاي البس لك سلسلة ؟؟ هو انا كلب ؟؟

ثم العبرة ماهيش في اللبس
اصل المشكلة عَندك .. عٍندك ..
قلت حاسيبها وبكرة تحس
بعده تحس
بعده تحس
ده انا لو جبس كنت زعقت
ماشي صداقة وماشي زمالة
بس ماجَتْش على الرجالة

ماهي نسوان الدنيا كتير
وانا ما بقولش تخاصمي الناس
ولا تِتْحِجبي عن الرجالة
ولا تعتكفي وتسكني دير
بس يا ريت حبة تقدير
اني بحبك
واني بريدك
واني زرعت حياتي في ايدك
واني غزلت بنات الدنيا عقود على جيدك
واني تعبت من التفكير
واني بغير

أيوة بغير
http://www.tefanet.net/vb/images/smilies/icon26.gif (http://www.3roos.com/redirect.php?url=http%3A%2F%2Fwww.tefanet.net%2Fvb %2Fimages%2Fsmilies%2Ficon26.gif)

المصدر
http://go.3roos.com/injbyy80c4k

سيما 9

20/05/2012, 10:44 AM

على ذكر النبي

من تأليف الشاعر المصري هشام الجخ.

على ذكر آل النبى

وقف الكلام معدول

نظرة يا سيدنا العلى

سيفك جلى ... معدول

يارب عشقك كواه

عشقه لرسول الله ( صلى الله عليه وسلم )

لا طلبت مال ولا جاه

بس اتحشر مع دول

المصدر
http://go.3roos.com/kt79q9px7kv

سيما 9

20/05/2012, 10:46 AM

انسحبو

من تأليف الشاعر المصري هشام الجخ.

في سنة 67 صدرت الأوامر للقوات المسلحة المصريه بالإنسحاب
بدون خطة إنسحاب !!

فقط إنسحبوا !!

إنحسبوووووا
كان اللاسلكي بعيد
والعسكري مسمعش
إنسحبوووووا
شوفوا العجب يا ولاد
العسكري مرجعش
إنسحبوووووا
أطرش ده ولا صنم
إرجع يا جندي بيادة

دخل العدو العريش إرجع خلاص بزيادة
العسكري سامع
لكنه واد مجدع

شال آربيجيهه وضحك " إشمعنى أنا اللي أرجع "
وقف الزمن مذهول ساعتين بيشاهد
الجندي قام كبر المدفع إتشاهد
الدبابات ظهرت " إرجع يا جندي نظام "
ده كان كلام القيادة وده بردو وقت كلام

وقف الولد ددبان
يا سادة يا سامعين
صادهم كما الدبان
محروس يا واد من العين
الدبابات صفين
إتفاجأوا وإفترقوا
على كتفه كان مدفع
وعلى الجبين عرقه
غطى العفار النار
ولا حد عاد شايف
والدبابات بتهل
وده بردو مش خايف
الضحكة على وشه
ما تقولش بيصيف
ولسه الزمن واقف
مبسوط ومتكيف
الدبابات كترت
والكترة غلابة
والقلب لو مؤمن
ولا ألف دبابة
هتقولوا مات الولد
أنا أقولكم لا .. عاش
ما الجنة ولا فيها موت

ولا تتدخل .. ببلاش

المصدر http://go.3roos.com/x67ixnn4a49
شبـــكة تـيـفـا >

سيما 9

20/05/2012, 01:29 PM

مبتحلش

من تأليف الشاعر المصري هشام الجخ.

شكلك وحش ف الامتحان
قاعد مبتحلش
كل العقد متربطه وانت مبتحلش
رغم السوال واضح والحل من جواك.
اسال شريعه النبى هى اكيد حلاااه
مرااااااات اخوك لو قمر
كرهااه سوى حباه
وحتى ولو سيباااه.... برضك مبتحلش

المصدر موسوعة: المعرفة

سيما 9

20/05/2012, 01:31 PM

مزحوم يا قطار الغبانين

من تأليف الشاعر المصري هشام الجخ.

مزحوم يا قطر الغلبانين .. وحنشكي مين؟

واخدين على صوت الانين .. لينا سنين

متعلمين الطاعة .. من قبل الصلا

ويا إما نبقى بضاعة .. يا إما المقصلة

والجُبن وسط الجواعة .. قيمة مأصّلة

وآدي الحكاية مفصّلة.. بس اللي يسمع مين

المصدر موسوعة: المعرفة

سيما 9

20/05/2012, 01:32 PM

اباتشي

من تأليف الشاعر المصري هشام الجخ.

حبيت تدوس أرضي..أرضي محبتشي

حتبات هنا الليلة..بكرة محتبتشي

حمِّل قنابلك هات..كيِّل وحمِّل لي

راح اموت .. ووقت ما اموت .. عيِّل يكمّل لي

معناش سلاح م اللي

ولا طيارات م اللي

والبندقية اللي في ايدي حيالله كام مللي

بسمِّي وبصلِّي

بصيد بيها .. أباتشي

المصدر موسوعة: المعرفة

سيما 9

20/05/2012, 01:35 PM

نادية

من تأليف الشاعر المصري هشام الجخ.

وبقولها يا نادية ونادية ونيدية
وصحكة فقلبى منيسة
وربى لولا متربى
ماقولك غير يا غازية
يا ناعسة
نعاس الليل على شعرك بنى بيوته
وحط الطوب وانا ايوب ومش صابر
كلامك وقف اللحن القديم وجددنى
وشد ربابة الشاعر
لانى بيرم ولا حداد ولا جابر
كفاية الليل ملكتينى
مفيش فالشمس جنية ...ياغازية
كفاية الحب عاشقينه
ولسعة حبك المولود بتسحرنى
انا ... اللى نسيت بنات الدنيا فوق رمشك
ما عايز غير اشوف وشك
بيضحكلى بالوانه وتفانينه
ادينا بقينا عاشقينه
ومساكينه ومساجينه ومجانينه
وحبيتك بصوت الناى وصوت الطار
وضرب النار وبراكينه
لو الواد اللى جلبك مالله كان فارس
انــــا عنتـــر
ولو عاوزاه يكون رقاص
... اكون من بكرة
غــــــــــازية
يا صدقى وسهرى وغنايا
يا غنـــاية
ياريتنى اموت فجبانتك
او ابقى حتة فلبانتك
تبلينى وترمينى فارجعلك
اللزق نفسى فى نعلك
واحبك يكش تكرهى لقايا
هشام الجخ

المصدر موسوعة: المعرفة

سيما 9

20/05/2012, 01:36 PM

البغبغان

من تأليف الشاعر المصري هشام الجخ.

(البغبغان)

كان يوم مَطَر ..
البغبغان جُوَّا القَفَص طَلَّع لِسانُه لعصفورين فوق الشجر ..
خَلِّيكو سايقين العناد ..
العِشّ قاد ..
وخسِرتُو ويَّاه الولاد .. لَـمَّا انفَجَر ..
هو انتو حِمْل السِيل ؟؟ ولا حِمْل المطر ؟؟
كان فيها إيه لو تِعْمِلُوا زيِّي وتقولوا زَيّ ما يقول البَشَر ؟؟..

ردُّوا علِيه العصفورين : لَوْ عَ الوِلاَد .. البَطْن ولاَّدة ..
والعِشّ مَهْمَا يقِيد ..
صخر الجبل عَنَاقِيد ..
نِفْرِشْهَا سِجَّادة ..
وانتَ اللي فرحان بالقَفَـص ..
أصْلَـك ( قَفَص ) !!..
كَتَمُوا الهوا جُوَّاك و نَسُّوك ان ما بين الحياة والموت .. نَفَس ....

المصدر موسوعة: المعرفة

سيما 9

20/05/2012, 01:40 PM

جحا

قصيده جحا .. للشاعر هشام الجخ
(جحا)
تحاكي حال مصر

شعور سخيف
إنك تحس بإن وطنك شيء ضعيف
صوتك ضعيف
رأيك ضعيف
إنك تبيع قلبك وجسمك
وإنك تبيع قلمك وإسمك
ما يجيبوش حق الرغيف
سألوا جحا عن سر ضحكه
قالك أصل اتنين وشبكو اللى كان من تحت ميت واللى كان من فوق كفيف
دا شعور سخيف
وشعور سخيف
إنك تكون رمز الشحاتة
تبنى مبنى للشحاتة
تعمل وزراة للشحاتة
يا ساقية دورى
عدى فوقى ودوسى
نصبوا عليا وشحتونى فلوسى
ربطونى فيكى .. حتى ما اتغميت
هما اللى فرحوا ووحدى أنا اتغميت
أنا اللى صاحب البيت عايش بدون لازمة ولما مرة شكيت إدونى بالجزمة
مش لاقى تطفح اديك
هاتولنا وجبولنا وادونا ودولنا
هنجيب منين نديك
طافح يابلدى غدايا
ولوعتى غدايا
وادى الاحبه التقو واتجمعو عدايا
أنا اللى زارعك دهب بتأكلينى سباخ
إن كان دة تقل ودلع بزيادة دلعك باخ
لا شفت فيكى هنا ولا شفت فيكى ترف
كل اللى فيكى قرف
كرامتنا متهانة
واللقمة بإهانة
بتخلفينا ليه لما انتى كارهانا
يعنى ايه تبقى إنتى هبة النيل يا بوبة
وكل يوم المية تقطع
يعنى ايه لما اشتكى غلو الفاتورة
يقولو تشكى بس تدفع
لما قش الرز ثروة بتتحرق
وأما نفط الأمة ثروة بتتسرق
وأما جلادك على ولادك بيبطش
وأما علمك ما يلاقيش يآكل فيطفش
يعنى ايه نرفع ايدينا بالسلام لأجل الغزاة
ويعنى ايه لما ابقى ماشى فى حالى اتشد اشتباه
يعنى ايه لما اتحبس أربع سنين حبس احتياطى .. حبس اعتباطى
يعنى ايه مش حاسة بالعمر وغلاوته
بتصبى مر العمر ليه
ده انا كنت ح اوهب لك حلاوته
أنا عمرى ما أتأمرت
ولا حطيت شروطى
ومكان ما ترسى مركبك بابنى شطوطى
ا نا كنت جيشك لما مماليلك باعوكى
وكنت يوسف لما عشتى سنين عجاف
وضلوعى دى اللى فى معركة قادش حموكى
وشفايفى دى اللى ما بطلتش فى يوم هتاف
ده انا كل شبر فى أرضك اتمرمغت فيه
وكل يوم عشتيه أنا اتغذبت بيه
بتكرهينى عيونك السودة وأيامى اللى فاتت
مانتيش حبيبتى من النهاردة
حبيبتى ماتت
علا صوت أدانك جرس فى الشدة صاحينلك
من امتى كانوا الحرس هما اللى باقينلك
بعتينى علشانهم وعنيكى معصوبة
ياهل ترى خاينة ولا زيى مغصوبة
كل الكلام اتقال والشعر بقى ماسخ
والصبر علو جبال والظلم شىء راسخ
وطن وغرقان فى النطاعة
كل شىء ريحته نطاعة
علمونا بالعصاية ورضعونا الخوف رضاعة
علمونا فى المدارس يعنى ايه كلمة قيام
علمونا نخاف من الناظر فيتمنع الكلام
علمونا ازاى نخاف وازاى نكش بس نسيوا يعلمونا الاحترام
فمتزعلوش لما ابقى مش باسمع كلامكم
وماتزعلوش لما ابقى خارج عن النظام
مستنى ايه من طفل ربوه بالزعاق؟
غير المشاكل والخناق
كل اللى بيقولك بحبك دول نفاق
أنا لما قلت لك بحبك كان نفاق
الحب يعنى اتين بيدوا
مش ايد بتبنى وستميت تيت تيت يهدو
الحب حالة الحب مش شعر وقوالة
الحب يعنى براح فى قلب العاشقين للمعشوقين
يعنى الغلابة يناموا فى الليل دفيانين
الحب يعنى جواب لكل المسجونين هما ليه بقوا مسجونين
يعنى أعيش علشان هدف علشان رسالة
يعنى احس بقيمتى فيكى
إنى مش عايش عوالة
يعنى لما اعرق تكافئينى بعدالة
الحب حالة الحب مش شعر وقوالة
الحب حاجة ما تتوجدش فى وسط ناس بتجيب غداها من صناديق الزبالة
الحب جواكي استحالة ..
.
.
هامشى ويا الشحاتين وابكى على حلمى اللى تاه
بس مش هاشحت رغيف
هاشحت وطن لله

المصدر موسوعة: المعرفة

سيما 9

20/05/2012, 02:22 PM

قصيدة انطردي الآن من الجدول
للشاعر هشام الجخ

انْطْرْديّ الْآَنَ مِنْ الْجَدِوَلْ

مُوْتِيَ فَالكُلُّ هُنَا مَاتُوْا
وَأَنَا اعْتَدْتُ حَيَاتِيْ أَرْمَلْ

وَاعْتَدتُ الْهَجْرَ بِلَا سَبَبٍ
وَبِرَغْمِ الْحَيْرَةِ لَمْ أَسْأَلْوَظَلَلْتُ أُسَجِّلُ أَسْمَاءً
وَأُسَطِّرُ خَانَاتِ الْجَدِوَلْ

ضنِيّ إِحْسَاسَكِ مَا شِئْتِ
فَأَنَا مَّلِكٌ لَا أَتَوَسَّلْ

لَا أَبْكِيْ لِفِرَاقِ حَبِيْبٍ
أَوْ أَتَرَجَّى أَوْ أتَّذَلّلَ

رِقّةُ شِعْرِيَ قَوْلٌ إِفْكٌ

فَّفُؤَادِيْ مِنْ صَخْرٍ جَنْدَلْ
عَلَّقْتُ نِسَاءً فِيْ سَقْفِيَ

وَجَلَسْتُ فَخُوْراً أَتَأَمَّلْ
وَغَزَوْتُ عُيُوْنَاً لَا تُغْزَى

غَافلِتُ رُمُوْشِا لَا تَغْفَلْ
وَ زَرَعْتُ النِسْوّة فِيْ أَرْضٍ

لَا آَخِرَ فِيْهَا أَوْ أَوَّلْ
دِيكْتَاتُوريّا إِنَّ أُعْطِيَ

دِيكْتَاتُوريّا إِنَّ أَبْـخَلْ
وَقَّعْتُ - أَنَا - صَكَّ الْهَجْرِ

فَالْحَاكِمُ يَعْزِلُ لَا يُعْزَلْ
فَانُطْرْديّ الْآَنَ مِنْ الْجَدْوَلِ

غِيِبِيِ فَلَكَمْ قَبْلَكِ غَابُوْا
لَا شَيْءَ يَـجِيءٍ وَ لَا يَرْحَلْ

مَا الْوِرْدُ إِذَنْ لَوْ لَمْ يَذْبُلْ ؟؟
مَا الْشَّمْسُ إِذَنْ لَوْ لَمْ تَأْفُلْ ؟؟

لَا تَنْتَظِرِيْنِيّ نَّسْنَاسَا
أَقْبَلُ يَوْمَا أَنْ أتَسَلْسلّ

وَ يَـجِيْءَ الْنَاسُ إِلَىَ قَفَصِيْ
لِيَـرَوْا عُشَّاقَا تَتَـحَوَّلْ

تَتَقَافَزُ كَالْقِرَدَةِ عِشْقَا
وَ تَـمُوْتُ هَيَامَا وَ تُوَلْوِلْ

لُمِّيْ أَشْيَاءَكِ وَ ارْتَـحِلِّيْ
بَحْثَا عَنْ آَخَرَ قَدْ يَقْبَلْ

أُمَّـــايَ .. فَلَا ثَمَنٌ عِنْدَكِ
تَقْبَلُهُ يَدَايَ لِتَتُكَبَلَ

إِنِ كَانَ غَرَامُكِ لِيَ نَبْعَا
فَنِسَاءُ الْدُّنْيَا لِيَ مَنْهَلْ

وَ الْجَدْوَلُ مُكْتَظٌّ جِدَّا
بِكَثِيْرٍ مِثْلِكِ بَلْ أَجْمَلْ

فَانُطْرْديّ الْآَنَ مِنْ الْجَدْوَلِ
غِيِبِيِ وَ تَمَادَيْ فِيْ جَهْلٍ

فَأَنَا لَا أَعْشَقُ مَنْ يَجْهَلْ
إِنِّيَ بَحَّارٌ تَرْفُضُنِي

كُلُّ الْشُّطْآنِ فَأَتنقَّلَ
اعْتَدْتُ الْسَّفَرَ عَلَىَ مَضَضٍ

وَ قَضَيْتُ حَيَاتِيْ أَتَجَوَّلْ
أَرْتَشِفُ بِلِادّا وَنِسَاءً

فَهُنَّـا عَسَلٌ وَهُنَا حَنْظَلْ
وَهْنَا عِشْتُ كَلِصٍ نَذْلٍ

وَ هُنَا كُنْتُ نَبِيَّا يُرْسَلْ
وَ هُنَا ذَبَحُوْا شِعْرِيَ عَمْدا

وَهْنَا شِعْرِيَ صَارَ يُرَتّلَ
وَأَنَا وَالْغُرْبَةُ مَا زِلْنَا

نَبْحَثُ عَنْ وَطَنٍ لِنُظُلّلَ
صَادَقْتُ الغُرْبةً فِيْ الْغُرْبَةِ

وَقَضَيْتُ سِنِيْنَا أَتَعَلَّلْ
بَرَّرْتُ جَمِيْعَ حَمَاقَاتِي

وَ ظَنَنْتُ بِأَنِّيَ أَتَجَمَّلْ
الْيَوْمَ أُزِيْلُ عَبَاءَاتِيّ

وَ أُكَشِّفُ عَنْ وَجْهِيَ الأوْحلّ
مَلِّيْ عَيْنَيْكِ بِلَا خَجَلٍ

فَأَنَا الّـمَوَحَوّلَ وَلَا أَخْجَلْ

أَغْرَتْنِيْ أَحْلَامُ الْصِّبْيَةِ
فَعَدَوْتُ إِلَىَ حُلْمِيَ الْأَمْثَلْ

وَ بَدَأَتُ السِّفْرَ بِلَا زَادٍ
وَظَنَنْتُ بِأَنِّيَ أَتَعَجَّلْ

وَ نَسِيْتُ الْلَّهَ.. فَأَهْمَلَنِي
مَنْ يَنْسَىْ الَلَّهَ وَ لَا يُهْمَلْ ؟

حُمِّلْتُ بِأَثْقَالِ الْدُّنْيَا
أَهْرُبُ مِنْ ثِقْلٍ لِلَأَثِقُلَ

وَ الْتَفَّتْ طُرُقِيّ مِنْ حَوْلِيَّ
وَاخْتَلَطَ الْأَقْصَرُ بِالأطوَلَ

وَاخْتَلَطَتْ أَحْرُفُ لَافِتَتِي
فَوَقَفْتُ مَكَانْيَ كَالأخطَلَ

لَمْ أُسْطِعْ أَنَّ أُكْمِلَ سَيْرِيَ
فَجَلَسْتُ وَحِيْدَا أتَسُوّلَ

وَ بَنَيْتُ مَزَارَا وَ مَبِيْتَا

لَا يَصْلُحُ إِلَا لَلثَمّلَ

وَ قَضَيْتُ حَيَاةً وَاهِنَّةً

لَا تَسْوَى فِيْ نَظَرِيّ خَرْدّلَ

فَعَلَامَ تُرِيْدِيْنَ بُكَائِي ؟

وَ أَنَا ذُوْ قَلْبٍ مُسْتَعْمَلْ

أَبْلَاهُ الْمَاضِيْ لَمْ يَتْرُكْ

شَيْئا لِبَلَاءِ الّـمُسْتَقْبَلْ

لَا تَتَّهِمِينِي فِيْ عِشْقِيَ

فَأَنَا أَعْشَقُ حَتَّىَ أنحَلَ

وَالْجَمَلُ وَإِنْ يَعْطَشْ يُصَبِّرْ
وَ كَفِعْلِ الْجَّمَلِ أَنَا أَفْعَلْ

أَهْلِكْتُ شَبَابِيْ وَسِنِينِيْ
فَرَمَتْ بِيَ فِيْ صَفِّ الكَهَلَ

وَ وَقَفْتُ بَعِيْدَا لِأُشَاهِدَ
قِصَّةَ عُمْرِيّ وَهِيَ تُمَثَّلْ

رَفَعُوْا خِنْجْرِهُمْ وَدُمُوْعِيْ
لَمْ تَجْعَلْ أَحَدا يَتَمَهَّلْ

وَالْتَهَبَ الْمَسْرَحُ تَّصْفِيْقَا
وَأَنَا أُطْعَنُ وَأَنَا أُقْتَلْ

فَعَلَامَ تَظُنِّيْنَ بِأَنِّيَ
آَتٍ مِحْرَابَكِ أَتَبَتَّلْ ؟؟

دَوْرُكِ فِيْ الْـمَشْهَدِ فَرْعِيٌّ
بِوُجُوْدِكِ أَوْ دُوْنَكِ يَكْمَلْ

وَكِلَانَا مَكْتُوفِ الْأَيْدِيَ
وَ سِتّارُ الْمَسْرَحِ لَا يُسْدَلْ

وَالَـحُكْمُ الْصَّادِرُ فِيْ أَمْرِيْ
حُكْمٌ فَصْلٌ لَا يَتَأَجّلَ

فَدَعِيْنِيْ فِيْ مَوْتِيَ وَحْدِيْ
فَأَنَا وَالْغُرْبَةُ لَا نُفْصَلْ

مَا دَامَ الْوَطَنُ بِلَا شَيْءٍ
فَالمَوْتُ عَلَىَ شَيْءٍ أَفْضَلْ

فَانُطْرْديّ الْآَنَ مِنْ الْجَدْوَلِ

المصدر: http://go.3roos.com/q5he3p7itvw

سيما 9

20/05/2012, 02:27 PM

تلات خرفان

تلات خرفان ومعزايه و شجرايه وبير بترول

وغيط سارح لحد عنينا ما تودي

و ديب فجعان

تلات خرفان مايتاكلوش في يوم واحد

مايتهضموش

راح للخروف

اول خروف

قال يا خروف

عيال اخوك متنغنغين متنعنعين

وانت هنا في اسوأ ظروف

يادي الكسوف

قام الخروف

علشان خروف

ضرب الخروف

الديب هايسكت ؟!!!!

راح للخروف

تالت خروف

قال يا خروف

شفت الخروف

ضرب الخروف

احميك انا....وابات معاك في الدار هنا

واديني بس انتا مكان

قام الخروف

علشان خروف

إداه مكان

يوما سنقرأ في الجريدة يا بلادي اننا كنا خراف

سيجف هذا النفط فوق جلودكم

ونودع السبع السمان لنلتقي الفا عجاف

سيحاكم التاريخ حكام العروبة كلها

وسينزع الاظفار منهم في سبيل الاعتراف

فالشعر ان مس السياسة يستحيل مصائبا

و الشعر ان مس الصعيديين مثلي يستحيل كحد سيف لا يخاف

انا لا اخاف

من كام سنه بنهش بايدينا الفيران

ونقول

مانتدخلش في شئون الجيران

راسمين رجولتنا ادب

ناقشين ايدينا نقش حنه و قلنا..........سُنه

يا بلاد ماليها الا العجب

يا معرمين شعر و ادب

الوزن هو اللي اختلف ولا الميزان اللي انقلب

عايزينني اقول اشعار في محمد الدرة

مش قايل

مش قايل

منا لما قلت زمان يا بلادي يا رحبه

يا رحبه

اللي اتلوي مني و اللي اتقمص

وقالوا عيب يا هشام

القاعه فيها بنات

طب هي و فلسطين ما فيهاش بنات

طب و الله دي فلسطين نسوانها رجاله

هما اللي عماله

واحنا اللي قواله

الست عندينا ولدها طول الباب

وتخاف يروح مشوار

وهما بعيونهم

شايفين ولادهم دهب

لاجل ما يلمع اكتر

لازم يدوق النار

وتقوللي اقول اشعار !!!!!!!!!!!

اعطوني عاما تقريبا لأجيد اللغة العبريه

فالجاري في وطني هذا

أخجلني صدقا ان انطق شعرا باللغة العربيه..

المصدر http://go.3roos.com/k6oroddbm0j

سيما 9

20/05/2012, 02:46 PM

24 شارع الحجاز

ادلعي واتبغددي واتفاخري واتباهي

قولي لكل الناس دا عاشقني والله

لمي العيال حواليا زفوني.. ظاظوا عليا وحدفوني طوب

مانا اللي سبت عنيكي لفوني وانا اللي استاهل كل يوم مركوب

فادلعي واتبغددي واتفاخري واتباهي

آدي ضحية كمان فدا رمشك الساهي

موت الضحايا جزاياي مانا اللي وديتك

ولحد حد موديتوش ولا حد وديتك

وقلعت كل سنيني على خصرك

ضفرت شعرك عش جوايا

بايعت حكمك وابتديت عصرك

ووقفت ورا عرشك ومسكت هواية

موت الضحايا جزايا وكلها ضحايا

مين اللي قال الحب آخره عمار؟

الحب آخره نهاية في رحايا

القسوة طاحنة والحجر دوار

فادلعي واتبغددي واتفاخري واتباهي

واستنكري من عزتي واستهتري بجاهي

خليني مضرب مثل من بعد هيبة ووزن

كبي المرار في العسل واملي الفرح بالحزن

يعني انتي أولهم ولا انتي أول هَمّ

ولا أنتي أول سهم اتسملي واتسمّ

لو تكشفي ضهري تلقي السهام علامات

وانا زي زرع في هوا وطا حيو علا مات

موت العلالي شرف بس اسمها موتة

مش عدل تبقي في ترف وانا بطفح الكوتة

ما يا إما نقسمهم وخزة قصاد وخزة

يا إما لا مواخزة توتة يا حدوتة

وابقي اكدبي براحتك وادلعي براحتك

طعم الهزيمة جزا للي يزور ساحتك

وانا قلبي ياما غلب مش عيب يبات مغلوب

أهو برضه فدّتينا.. كفرنا بيكي ذنوب

ولحسنا من شهدك وشربنا من ريقك

وسكرنا من كاسك وكسرنا إبريقك

وطعمنا من حسنك وشبعنا ببريقك

ومشينا في طريقك ورجعنا ملو اليد

جرحي قصاد جرحك ولا حد ظالم حد

ولا إنتي فاكرنا رجالة خيبانة

نبكي على النسوان ونسحّ في بكانا

كنتي اسألي (نانا) اللي اسمها (نانا)

يا دوب زعلنا يومين واهي دنيا لاهيانا

هبكي عليكي انتي؟

ماتكدبيشس عالناس الناس دي عارفاني

قلبي خشب لو غطس بيقب من تاني

فمتحرجيش روحك وتقولي ده عاشقني

بدل ما صاحباتك يقولولك آدي دقني

حبي على قدك واحكي على قدك

وان جت سيرتنا فيوم ابتلزمي حدك

تدلعي ماشي.. تتبغددي ماشي

وتقولي حبني موت برضه ميجراشي

بس انتي من جوة فاهمة إن زمنك مات

وبقيتي زي أميرة قلبها شحات

لفي على صحابك.. سبيني في غيابي

قولي إن عمرك يوم ما وقفتي على بابي

لا كويتي قمصاني ولا جيتي زرتيني

ولا تعرفي مكاني ولا تعرفي تجيني

وإني يا دوب واحد دايب في دباديبك

عامل كما عيل شابط في جلاليبك

وانتي يا عيني (أوف) زهقانة مني خلاص

عملتي زار بالدف.. وسقتي كل الناس

وانا برضه لازقلك معلش حظك كدة
ربك ورازقلك

روحي يا شاطرة هناك انضمي للألبوم

أنا كل عشرتي بيكي اتنين وعشرين يوم

عملتي نفسك حكاية ومحبة فياضة ومخدة بكاية

وسهر وسهد وويل وبكى وغنى ومواويل في اتنين وعشرين ليل

على أي حال شكرا.. وشكرا.. ثم شكرا للقصيدة

قلما تأيني يا امرأة بأفكار جديدة

المصدر
http://klemah.blogspot.com/2011/06/24.html

سيما 9

20/05/2012, 02:51 PM

قصيدة إيزيس ....

نفسى أنام فينك
يا ام الرموش عندليب
متدمعيش عينك
الفرح جاى عن قريب

إيزيس
إزاى بتتحمل
أنساها و تجينى
أسلى بنات الدنيا الاها
و اما العطش يكوينى القاها
هى اللى تسقينى
تهدينى يوم وردة
أديها لفلانة
تجرى على حضنى
أحكيلها عن علانة
إزاى بتتحمل
غمز البنات و اوعر من غمزهم ردى
جايالى ملهوفة ما تلاقى غير صدى
أحزن فى احضانها
و افرح هناك وحدى
يا ام القليب اتخلق معرفش غير يِدِّى
يا ام الفؤاد ولاد معرفش غير يعشق
الصبر عدى و زاد يا قلبها الى انقاد
ماعرفت يوم تزهق
كانت بتلبسلى اجمل فساتينها
تغلب صحاريا افتن بساتينها
تجمع رياحينها و لا قلبى يوم يشفق

إزاى بتتحمل كتر الكلام عنى بحكاوى و انا غايب
الليلة كان سهران
الليله كان
الليله كان عاشق
و الليله كان دايب
يا ام الرموش طايشة
و ام العيون لامه
حضنك مهيسعنيش
انا بلوتى طامه

كل البنات اتلبنوا بيا و تفونى
و رسمونى خروف معلوف
و سمعوا قصايدى وابتسموا
و صحيم بدرى يوم العيد و دبحونى
بقالى ييجى 4 سنين
مسمار فى غيط الشواكيش
دقوا على راسى لكن مثبتونيش
يوم التقى مرسى و سنين ياخدنى الطيش
كل الألم فيا و لا قادر اتألم
و بتصعبى عليا و مش بقدر اتكلم
انا نفسى بس افهم
كل البلاوى ديا ازاى مبعدتكيش

سامحينى لما اغلط
و انا قادر إنى أغلط لاجلك تسامحينى
احلى ما فى التوهان اول ما باجى اوصل
و احلى ما فى الاحزان انك تضمينى
يا مسكنانى ضلوع جواكى راح و براح
مبينلهاش رجوع شكلى هموت سواح
كان نفسى فيكى زمان اياميها كانلى قلب
كانت الحياة خضرا النخله والشجرة
و القلب طين ابيض بينام على الحلقان
و بيصحى وقت الحلق
اياميها كانلى قلب
ايه اللى قلب النور ضلمة و ليه راسى ؟
و اشمعنى فوق راسى يحلى العذاب و القلب ؟
و اشمعنى سابوا الناس بقلوب خضار و عمار
و ف قلبى نزلوا سلق
انا اول اللى اتصلب
بس التاريخ كداب مفهمش معنى الصلب
ركعوا البنات ليا و اتنّوا قدامى
و فى حفل اعدامى ضحكوا و كال و كال
انتى اللى دمعتى
جمعتى جسمانى من مملكة اوزوريس
و ياريت ماجمعتى
طب كنتى سبتينى
ادخل هنا غزوة
و اعمل هنا هدنة
و مادمت انا ميت
ايه تفرق الدفنة
ما البحر راح يثبت
لو مهما جدفنا
انتى اللى بتعاندى
عشمانا فى الجنة
و الجنه مش ليا
ازاى بتتحمل
لون الصحاب ديا
على ايه غرامك ده
ده التبن من تحتيه
باقى المعولميه
تضحك على قولهم
و تبص فى الساعه
و تقول زمانه صحى
زيدى كمان قولك

يا ام الجبين الضحى
جننى صوت حزنك
اياكى يوم تفرحى
لا الفرحة تسرقنا
لا انا حمل مهرك و دهبك
و لا جاى معاى عايدك
و لا حمل توب من حريرك
و لا ماسه من تاجك
ده انا بالكتير حاجج
من وسط حجاجك
جيتلك فى شهر حرام
فما تهدريش دمى
متقربيش منى
منتيش شفا همى
ورى لحجاجك يا ام الجبين عرفات
حبك كما الصلوات
و القبلة مش يمك

يا معلمانى الهوى
ومسكنة التداريح
حبك نخيل طارح
ميهزهوش الريح
ارمى الحجر جارح
تنزل رطب مجاريح
ازاى بتتكسر اشواقى جواكى
ابكى على صدرك القى البكا تفاريح
ازاى بتتغير دنيايا جوايا اول ما اكون جنبك
و ازاى يجيلك صبر تنشفى بكايا و الذنب مش ذنبك
انا الاعمى جفانى الحب و نسيته على ايدين اللى تتسمى ما تتسمى
قطع راسى على خوانه و لا كفر و لا سمى
و لا سابنى اموت مستور و لم عليا ميت لمه
وذنبك ايه بقية السكة تقضيها بعجوز اعمى
انا اللى الناس بتخشانى هوا ومنظر
هموم الدنيا خشانى و بتمنظر
و عايز عيشة خشانى و بتغندر و بتمرقع وبتمهيص و بتقعور
و بتلكلك فى حضن الليل سكيتى
عواطفى فوق حدود وصفى
و بابك صعب يتحمل عواصف مهما سكيتى
انا المدبوح

و لما تقولى حبيتك
بحس دماغى واكلانى
ارد بايه على بنيه
بكل كيانها شايلانى
انا المجرم
و انا القاسى
و انا اللى نسيتها ميتين مره
ما نسيتنى
و مشيتها فى دروب مرة ماملتنى
و داست ع الطريق حافية و سليتنى
و صحيت الفجر وقت الفجر صليتنى
ارد بايه ؟

غرامك يا ام طيف مخمل بيتجمل
و يفرش صدرى بالعنبر وبالمحمل
انا المعشوق
يا كل العاشقين غيره
تحبوا شئ جميل طبعا
لكنت تحبوا ده الاجمل
حبيبتى احلى من شعرى
و احلى من حروف كُمّل
و لا بتغدر ولا بتهجر و لا بظلمها تتململ
لكنى فى حيرتى بستغرب
انا ازاى مش بغنيها
وهى ازاى بتتحمل !!؟

المصدر: http://go.3roos.com/qujth6yjr8e

سيما 9

20/05/2012, 02:55 PM

قصيدة الرسالة الأخيرة

للشاعر هشام الجخ

الوقت يمضي والحياة تُسارعُ
فأظفر بعمرك إنه لا يرجعُ

حاور وناقش واستمع
صوت الجموع
فقط جموع الصم من لا تسمع

إني رأيت بمصر نهر محبة
ما كان من دون الحوار سينبُعُ

عانت بلادي ظلمة الصمت الثقيل
فكل صوت كان يعلو يُقمع

حتى أتاها صوت جيل يناير..
فغدت تلملم حسنها وتُجمِّعُ

كنا نكلم قادة الحكم القديم
فما استجابوا للكلام وما وعوا

ظنوا -على جهلٍ- بأن كلامنا
خطرٌ يُهددُ عرشهم ويُزعزع

اليوم تبكي كل نفس صنعها
وتود لو عاد الزمان فتصنع

يا من يحبون العروبة أنصتوا
وتحاوروا وتناقشوا وتشجعوا

أنتم ملوك فخمت درجاتكم
وشعوبكم أيضًا تُصانُ وتُرفع

المصدر: http://go.3roos.com/0z8jtdins0t

سيما 9

20/05/2012, 02:58 PM

قصيدة التأشيرة ,,,

الشاعر هشام الجخ

قصيدة التأشيرة ,,,

اسبح باسمك الله

وليس سواك اخشاه

واعلم انى لى قدرا سألقاه .. سألقاه

وقد علمت فى صغرى بان عروبتى شرفى

وناصيتى وعنوانى

وكنا فى مدارسنا نردد بعض الحان

نغنى بيننا مثلا

بلاد العرب أوطانى - وكل العرب اخوانى

وكنا نرسم العربى ممشوقا بهامته

له صدر يصد الريح اذ تعوى

مهابا فى عبائته

وكنا محض اطفال

تحركنا مشاعرنا

ونسرح فى الحكايات التى تروى بطولاتنا

وان بلادنا تمتد من أقصى الى أقصى

وان حروبنا كانت لاجل المسجد الاقصى

وان عدونا صهيون

شيطان له ذيل

وان جيوش امتنا

لها فعل كما السيل

سأبحر عندما اكبر

امر بشاطىء البحرين فى ليبيا

واجنى التمر من بغداد فى سوريا

واعبر من موريتانيا الى السودان

اسافر عبر مقديشيو الى لبنان

وكنت اخبىء الاشعار فى قلبى ووجدانى

بلاد العرب اوطانى وكل العرب اخوانى

وحين كبرت

لم احصل على تأشيرة للبحر

لم ابحر

وأوقفنى جواز غير مختوم على الشباك

لم اعبر

حين كبرت

لم ابحر ولم اعبر

كبرت انا

وهذا الطفل لم يكبر

تقاتلنا طفولتنا

وافكار تعلمنا مبادئنا على يدكم ايا حكام امتنا

تعذبنا طفولتنا

وافكار تعلمنا مبادئها على يدكم ايا حكام امتنا

الستم من نشأنا فى مدارسكم

تعلمنا مناهجكم

تعلمنا على يدكم بان الثعلب المكار منتظر سيأكل نعجة الحمقى اذا للنوم ما خلدوا

الست من تعلمتم بان العود محمى بحزمته ضعيف حين ينفرد

لماذا الفرقة الحمقاء تحكمنا

الستم من تعلمنا على يدكم ان اعتصموا بحبل الله واتحدوا

لماذا تحجبون الشمس بالاعلام

تقاسمتم عروبتنا ودخلم بينكم صرنا كما الانعام

سيبقى الطفل فى صدرى يعاديكم

تقسمنا على يدكم فتبت كل ايديكم

انا العربى لا اخجل

ولدت بتونس الخضراء من اصل عمانى

وعمرى زاد عن الف وامى ماتزل تحبل

انا العربى فى بغداد لى نخل

وفى السودان شريانى

انا مصرى موريتانيا وجيبوتى وعمانى

مسيحى وسنى وشيعى و كردى ودرزى وعلوى

انا لا احفظ الاسماء والحكام اذ ترحل

تشتتنا على يدكم

وكل الناس تتكتل

سئمنا من تشتتنا وكل الناس تتكتل

ملئتم فكرنا كذبا ووتزيرا وتأليفا

اتجمعنا يد الله وتبعدنا يد الفيفا

هجرنا ديننا عمدا

فعدنا الاوس والخزرج

نولى جهلنا فينا

وننتظر الغبا مخرج

ايا حكام امتنا يبقى الطفل فى صدرى يعاديكم

يقاضيكم

ويعلن شعبنا العربى متحدا

فلا السودان منقسم

ولا الجولان محتل

ولا لبنان منكسر يدواى الجرح منفردا

سيجمع لؤلؤات خلجينا العربى فى السودان يزرعها

فينبت حبها فى المغرب العربى قمحا

يعصرون الناس زيتا فى فلسطين الابيه

يشربون الاهل فى الصومال ابدا

سيخرج من عبائتكم رعاها الله

للجمهور متقدا

هو الجمهور لا انتم

هو الحكام لا انتم

اتسمعنى جحافلكم

اتسمعنى دواوين المعاقل فى حكومتكم

هو الحكام لا انتم ولا اخشى لكم احدا

هو الاسلام لا انتم فكفوا عن تجارتكم

والا صار مرتدا

وخافوا ان هذا الشعب حمال

وان النوق ان صرمت

فلن تجدوا لها لبنا ولن تجدوا ولدا

انا باق وشرعى فى الهوا باق

سقينا الظلم اوعية

سقينا الجهل ادعية

مللنا السقى والساقى

احذركم

سنبقى رغم فتنتكم

فهذا الشعب موصول

حبائلكم وان ضعفت

فحبل الله مفتول

ساكبر تاركا للطفل

فرشاتى والوانى

ويبقى يرسم العربى

ممشوقا بهامته

ويبقى صوت الحانى

بلاد العرب اوطانى

وكل العرب اخوانى

المصدر: http://go.3roos.com/fpcghtfyuav

سيما 9

20/05/2012, 03:15 PM

:::: قصيدة عبرو الرجال للشاعر هشام الجخ ::::

http://www.elhawy.com/up/viewimages/834b1dd032.jpg

عبرو الرجال القنال

عبروا الرجال القنال
والنصر مش ساهل
والدم ع الرمل سال
والغالية تستاهل

===============

عبروا الرجال صايمين
حالفين يمين النصر
وحياة صلاح الدين لنصلي فيكي العصر

===============

أما اليهود مجانين
ملقوش مكان غير مصر ؟!

===============

إتظبطوا ظبطة تمام
والعلقة كانت موت
وأهو طلعوا بس كلام
واخدينا كان بالصوت
وكل يوم حالة وقوالة وقوالة
إعلام وكدب وزيف
لما إنتوا رجالة بنيتوا ليه بارليف ؟!

المصدر :http://go.3roos.com/5l9uaocsqsa

سيما 9

20/05/2012, 03:22 PM

قصيدة : شيماء يا مكة

شيماء يا مكة

ليل الغواني غواني
من صُغري عايش فيه
عذَّب فؤادي وكَوَاني
بالله لتطّــفِّـــيه

الكالكليتور والمذاكرة وصوت لطيفة
والفجر لما غافلني قطع هدوء الليل
قلبي قليل الحِيل
سايق عليكي الوجع والغربة والمواويل
خليت عنيكي دليل
عشمان تخلِّيني
لما اشتكيت حبي للصخر خَرّ ولان بالله دِلِّيني
كيف الحجارة تلين ؟ وانتي اللي ما تليني؟
الشعر ده شعرك مش حانسبه لنفسي بس انتي مَلِّــيني

ياللي شخبطتي ف قصايدي
بزياداكي شخبطة والاسم شعر
قسّموني قبل منك ييجي ستين الف واحد نفسي يوم يبقالي سعر
نفسي ازفّك بين ضلوعي
نفسي انجِّدلك مراتب قلبي
ياما قلبي قبل منك لَمّ بَقّ
نفسي احبك حب حَقّ
بس خايف تبقِي نانا
يادي نانا
نفسي اوضِّب لك ضلوعي فَرْش عُرْسِك
ما اتفرشّ لواحدة قبلِك
نامي فيّا
مِدِّي رجليكي ازحميني
واحلمي لي وانقشي اسمك على الغضروف حروف
بعشقك رغم الظروف

بعشق الليل اللي نازل فوق كتافك شعر سايح
يا ام طيف كالسيف في جوف الصدر سارح
بعشق الضل اللي مَرْمي فوق تراب الارض منك واحسد الارض اللي تحته
قلبي كان مقفول فتحتُه
ولِّي وجهِك شَطْر قلبي واتلِي آيات اليمين
وانتي داخلة قدِّمي الرِجل الشمال أصلِي بتشاءم من الرجل اليمين
اصل قبلك لما خَشِّت قلبي نانا
يا دي نانا

يا نيل يا مبحِّر بوس لي خدودها الحُمر
لو حاحكي عن شوقي يلزمني مليون عُمر
رُجّ الشجر يا نيل سَمِّعها صوت شوقي
سكَّـنتها فوق البشر
فوق القمر
فوقي
سكّنتها عروقي
لما اشتكيت من بعدها زاد قُربها حروقي

يا نيل يا ابو المساطيل دوّقتني خَمرك ما تقول لها دوقي
فاضل كمان ساعة والشمس حتغرِّب
نركب سوا مركب
الدفة ف إديا وانتي اللي بتسوقي
لو دوقتي خمر النيل عمرك ما حتفوقي

يا نيل يا ابو الدراويش
خمرك عَرَق براطيش
عمره ما يِسْكِر حَد
لو بوستها يا نيل وانت في عِزّ الجزر يِتْقَاد في جوفك مَدّ
لو شُفتها يا نيل اباجورة بِتْلالي
راح تنسى عِلْو السد بلا سد بلا عالي
وتفيض وتلمسها
تلعب على شعرك وعنيك تغامزها
وتعوم على دراعك صدرك يغازلها
تطلع لي بردانة افرشلها رمشي
خَطِّي عليه وامشي
واوعي تخافي البرد
صدري طريق مبروك
من يومه طارح شوك
الليلة طارح ورد
دوسي ولا تخافي
يا قلبي يا صافي
محبوبتي جاية لك وسّع لها السكة
شيماء يا مكة
طالب احج البيت
حاسس كاني مراهق عمري ما حبّيت
ربِّـيني من تاني
نفسي ف سرير هزّاز ابكي تحايلِيني
نفسي تضمّيني
عرق البنات فيّا عكّر حوافيّا نفسي تحَمِّيني
ارجع وليد ابيض
انعس على صدرك
اشكيلك الغربة تدِّيني من صبرك
كاس الغرام دوقتُه صبُّولي فيه ياما نفسي ادوق صَبِّك
لا تكوني مفتكرة اني فتوّة من جوّة
ميغركيش صيتي
حتلاقي جوّة الجوف واحد ماليه الخوف لو جيتي بصّيتي
تبت يدا ابي عوّدني ع النسوان وفطمني ع الخمرة
علّمني حب الكعبة اكمنها سمرا

سايق عليكي الهوا والشمس والقمرة
شدّيني لهواكي مخنوق من الكَمْرة

خَصِيمك قلبك الليّن ورِقة صوتك الملكوت
يا فاكرة العشق شيئ هيِّن كواني العشق كيف الموت
منين ادخل سراديبك؟
منين انفض جلالبيك؟
واكون لك توب
خيطانه تداري فتنة قدّك اللولي
وينزل كبرياء صدرك على صدري واحلامك يصلّولي
بحبك حب فكّرني بقساوة شمسنا قِبْلي
بحضن امي اللي عمري ما اترميت جوّاه
ملاقيش جوّا صدرك ركن يقبلني
انا عيّل وصالح لسة لاستعمالك الهمجي
بنات الدنيا ما قدروا على وهجي
يا ريتك تقدري عليّا
يا غنوة دافي مَسْمَعها
انا قابل شروطك قبل ما اسمعها
يا ريت تنسانا دنيانا
تصير زيّانة زيّي انا
يا غيرانة ومعاتباني عشان نانا
دي نانا اللي اصولها تغير
بحبك وانتي بتردي واحبك يكش بتصدي واحبك وانتي بتغيري
بعيرك يا منخل هام بناقتها انا ناقتها ليه بتصد بعيري

بحبك حب م اللي الشعر عاجز لسة عن وصفه
طريق قلبي بقاله شهور طريق مهجور
عشانك حابتدي رَصفه
تقيد نار الغرام فيّا انوّر وابقى قنديلك
ولو صعبة عليكي السكة شاوري لي وانا اجيلك
اتوج شعرك الشلال بتاج جيلك
ويكفاكي اكون عبدِك
وانا يكفاني تَبْجِــيلك

المصدر : http://go.3roos.com/r060wk3oamw

سيما 9

20/05/2012, 03:25 PM

قصيدة : ه

ه

من كام شهر
خدت قرار مش هاكتب شعر
وإني هذاكر وانجح أفلح
واخد البكاليريوس وأتجوز
وأشتري عفشتي بالتقسيط
من كام شهر
أنا كنت عبيط
من كام شهر
زرعت المياه وطرحت فجلة
جاب العجل الفجلة لعجلة
وقالها مهرك
ريحة قهرك
فايحة في نهرك
قالت إوعا تعيش كسلان
بابا نويل بيوزع يويو في حرب إيران
شامم ريحة جبنة قديمة
فيلم السهرة مكنش سياسي
كان عباسي
عبدالناصر حب يقلب فينا الروس
ساوى الروس
لبرل نفسك
لأجل ما تبقى مثقف زي صاحبنا إياه
عندك ماركس عندك هيجل
عندك حسن البنا وحجي
عندك زحمة
صفي ونجي
منحى عرض النسكافيه واخد إفيه
حاصل ضرب النكسة في حرب أكتوبر في معاهدة ديفد
بيساوي حاصل ضرب النار في التار في العار
وزي إمرؤ القيس وجلامدة
اللي بتنزل من علي
عندينا واد اسمه علي
بيطلع الدبابة ويلف بيها في البلد
ومراته دايرة بشعرها تدور عليه
ومتسألوش أنا قصدي إيه
أنا نفسي مش فاهم كلامي
بس الكلام واعر حويط
أنا اللي دون الناس ... عبيط
من كام شهر وكنت بحبك
كنت بوضب روحي واحبك لأجل ما أقابلك
كنت في كل حلاتك قابلك
تفرحي قابلك
تزعلي قابلك
تتقلي قابلك
كنتي الأرض وكنت سنابلك
كنتي الحرب وكنت قنابلك
حتي في بعدك وإنتي مسافرة
وبيني وبينك ألف محطة
كنت بقابلك
عمري يا "نانا" ما قلبي اتنازل ولا ساب حقة
زي ما سابلك
عمره ما ضحى بسهده وسهره وجاب من عمري
زي ما جابلك
)هذا الوجع بقاياكي
سحر تمدد بين ضلعي
وتواري خلف سلم منزلك
ترك لكي رسالة كل صباح(
وسافر
يشهد عليكي السلم المستني خطوتنا
تشهد عليكي الشبابيك اللي فتحتيها علشاني في نص الليل
وعز البرد
يشهد عليكي محل الهدايا اللي ع الناصية
وكشك الورد
تشهدعليكي هدومك اللي قولتلك ما تلبسهاش
تشهد عليكي إمتحاناتي اللي علشانك مدخلتهاش
تشهد عليكي ودني هوستن جورج مايكل
عم شوقي بتاع الفطير
كيف يصير الحال كده
م الإبتدا
أنا اللي غلطانلك
وأنا اللي محقوقلك
وأنا اللي دون الناس
عشقتك
كنت عايش جوه صدرك حلم دافي
كنت بنسى الناس وأجيلك يوم معادك
يكش حافي
كنت أبسط من بسيط
واكتشفت إني ف هواكي
كنت دون الناس
عبيط

المصدر :
http://www.ahlydevils.com/vb/showthread.php?t=82715

سيما 9

23/05/2012, 10:30 PM

المُثــلّثـــــات

سلم علي لما قابلني
وسلم علي ولدي يا ولدي
سلم علي

من بعد إيه ما سأل فيا
قال غصب عني يا عينيا
طول البعاد مش بإيديا
سامحيني

سلم علي لما قابلني
وسلم علي ولدي يا ولدي
سلم علي

وحلفلي بليالي الغربه
إنه ما كان له هناك .. صحبه
وإن الحياه من غيري صعبه
ده حـبيبي

سلم علي لما قابلني
وسلم علي ولدي يا ولدي
سلم علي

وحق مين آجره هاوسنا
عشقك يا بلدينا ... هاوسنا
سرساب وسرسب في حاوسنا
وحبيبي

سلم علي لما قابلني
وسلم علي ولدي يا ولدي
سلم علي

لو كان حبيبي يندهلي
أفوت حبايبي وأفوت أهلي
وأنعم في قربي علي مهلي
وحبيبي

سلم علي لما قابلني
وسلم علي ولدي يا ولدي
سلم علي

دي حلاوة العمر بحاله
يوم الفؤاد ما يروق باله
يضحك زمانه ويصفاله
وحبيبي

سلم علي لما قابلني
وسلم علي ولدي يا ولدي
سلم علي

فايته العروسه علي جنينه
فايته الحليوه علي جنينه
الورد ضلل علينا
وسـلم علي

المصدر: http://go.3roos.com/c7mgcmbecq4

سيما 9

23/05/2012, 10:39 PM

مــاتـزعلـيـــــش هشام الجخ

مــاتـزعلـيـــــش

http://hesham.algakh.com/App_Layout/images/poems/Matez3alesh.png

متزعليش لو يوم قالولك إنه مش باين عليه أثر الفراق
وإنه مش بيجيب في سيرتك وإنه عادي
لا بان عليه أثر الفراق ولا فيه ألم ولا فيه اشتياق

حجاش قصيده كتبها فيكي
هي دي اللي طلعتي بيها
أما هو خلاص نسيكي
عادته ولا هيشتريها
وإحنا قولنالك زمان مبتسمعيش
فمتزعليش

ثم هو مكنش نقوه
كان بيتأخر عليكي بالساعات
وكان مفلس
وشكله يعني مكانش هو

كل أصحابك عابوه
أهو غار في داهيه
وبكره يركع تحت رجلك سيد ابوه

بس يمكن كان حنين حبتين
هما بس حبتين
كان برضه بيسخف عليكي
كنتي فين ؟
ورايحه فين ؟
وجايه منين ؟

بس كان بيبان عليه
لما اسمك ييجي في الكلام
تلمع عليه

بس برضه كان سخيف
مكنش بيقدر ظروفك
كام مره قولتي مستحيل ويصر برضه إنه يشوفك
ومتزعليش
من قساوة الدنيا وعنادها العجيب
أنا كنت فاكر نفسي اقوي من النصيب
وكنت بتريق علي اللي مكملوش

مين كان يقول إن النهايه تكون فاشوش ؟؟

أنا لسه فاكر وقفتك وسط البنات
فاكر هدومك وابتسامتك والكلام
حتي السكات

لو كان فراقنا صحي فيكي كام وجع
أنا كل ليله بتدبح من الذكريات

أنا عندي ركن بحط فيه كل الحاجات
كل القصايد والألم
كل البنات
جيت اركنك جواه ... رفض
ومكافاكيش
فمتزعليش
وإن جم قالولك إنه مش باين عليه اثر الفراق
متصدقيش

أنا لما ثبتك ... كل حاجه اتغيرت
ريحة الشوارع والدكاكين القديمه والبيوت
كإني ببدأ من جديد رحلة حياتي
أو بموت

حسيت كإني نهيت حياتي ... خنقتها
أنا كنت متخانق معاكي وقتها
مكنتش اقصد أقولك امشي مترجعيش
بس أنتي كنتي صغيره .... مفهمتيش

الطبع غلاب وأنتي عارفه
كنتي لازم تعذريني
معرفتش اترجاكي وأنتي بتدبحيني
ربونا ع الهيبه
وع الحب بقيامه
وإن لما البت تتقل يوم عليك .... بالسلامه

صدقيهم لو قالولك إني عصبي
أو فالاتي
وإني بعرف ألف واحده وقلبي بيغير يوماتي
صدقيهم لو قالولك أي كدبه عن حياتي
بس اوعي تصدقيهم لو قالولك إنه كان كداب معاكي محبكيش

وإن جم قالولك إنه مش باين عليه أثر الفراق

متصدقيش

[COLOR="Red"]المصدر: http://go.3roos.com/q05hneeykpy

سيما 9

23/05/2012, 10:52 PM

مـنـــطـقــى

http://a8.sphotos.ak.fbcdn.net/hphotos-ak-snc7/s320x320/74711_382477228465780_125129610867211_1071032_2797 65639_n.jpg

منطقى لما يبقى يتيم و أمى ويبقى سيد العالمين
منطقى الحُسَّاد هتكتر و العدا و الكارهين
و اللى هيقولك ده شاعر
و اللى هيقولك دا ساحر
و اللى هيقولك دا كافر
واللى يكتب و اللى يرسم
و اللى يكدب و اللى يشتم
منطقى

هى غيره
زى غيرة الوليد بن المغيره
مش كان هيسلم؟!
بس حاجه فى نفسه حَكِّتْ
كبره خلَّى نفسه شَكِّتْ
أصل داء الكبر ده أكبر خطر
بس يعنى الجَنَّه تِعْمَرْ وحدها؟!
حَبَّه فى الجنه و نعيمها وحَبَّه فى سقر
منطقى

و منطقى لما يبقوا المسلمين حالهم كدا
تطلع ضوافر للعِدا
مادمت مش زارع بإيدك غلتك
و الجوع قرص على معدتك
فا ذَلِّتَك
مادمت متشتت و تايه فى الكلام
فين الودان اللى هتسمع شكوتك؟!
و منين يجيلك و ش تحمق ولَّا تغضب
ولَّا ترفع كلمتك؟!

هما مش قاصدين يهينوا المصطفى بحبة صور
هما عارفين إن سَيِّدنا النبى سيد البشر
هما قاصدينك و قاصدينِّى و قاصدين كل جيلنا
و طول ما بِنْكَسِّلْ و نتفرَّق و بندارى الحقايق
لسه ياما راح يجيلنا
أما سيدنا النبى ربه كافيه
يستهزقوا مِنِّينا إحنا
أما هو رَبُّه صاينه و مصطفيه

لو كانوا حضروه كانوا عرفوا يرسموه
كانوا هيسموه بعدله و بسماحته و بهدوءه
كانوا شافوا إن الصحابه بتلحق الميه اللى نازله من وضوه
لو كانوا لحقوه كانوا عرفوا يرسموه

إحنا ما رسمناش نبينا فى العيون
إحنا فهمناهم إن الدين بتاعنا لا فيه علوم ولا فيه عمل
ولا فيه أدب ولا فيه فنون
اتلهينا باحنا كنا و احنا كنا
و نمنا فى اللى راح يكون

بس احنا فقنا
بجد أسفينلك و راجعينلك
شعبك نشيط عامل و صافى و تقى
زيك يا سيدنا النبى يابو قلب طاهر نقى
أما اللى واكلاهم غيرتهم فا ده منطقى

المصدر:
http://forums.yallagroup.net/topic/57529-
http://go.3roos.com/ai0yvruv5bu

D9%87%D8

سيما 9

23/05/2012, 11:02 PM

مشهدٌ رأسيٌ من ميدان التحرير

خبِّئْ قصــــــائدَكَ القديمـــــــــةَ كلَّها
واكتبْ لمصـــــــرَ اليومَ شِعــرا مِثلَــــــها

لا صمتَ بعدَ اليـــــومِ يفرِضُ خوفَهُ
فاكتبْ ســــلاما نيلَ مصــرَ وأهــــلَهــــــا

عينـــاكِ أجمــــلُ طفلتينِ تقـــــــررانِ
بأنّ هذا الخـــــــــوفَ ماضٍ وانتــــهى

ويداك فدانان عشقٍ طارحٍ
ما زال وجهُكِ في سَماهُ مُؤَلَّها

كانتْ تداعبُنـــا الشـــــــوارعُ بالبرودةِ
والسقيــــــعِ ولـــــم نفسَّـــرْ وقتَهـــــــا

كنــا ندفِّــئ بعضَنـــــا في بعضِنــــا
ونراكِ تـبـتـسـمـيـــن ننســـى بَـــــرْدَهـــا

وإذا غضِبنـــا كشَّفــتْ عن وجهِهــا
وحيــــاؤُنا يــــأبى يدنِّــــسُ وجهَــهــــــــا

لا تتــركيهـــم يخبـــروكِ بأنـنـــــي
متمـــــردٌ خــــــــــــانَ الأمــــانـةَ أو سَها

إني أعيذكِ أن تكوني كالتي
نقضتْ على عَجَلٍ وجهلٍ غَزْلَها

لا تتبعي زمنَ الرُوَيْبضةِ الذي
فقدتْ على يده الحقائقُ شكلَها

لا تتــركيهـــم يخبـــــروك بأننــــي
أصبحـــتُ شيئاً تافهــــاً ومُـــــــوَجَّــــــها

فأنا ابنُ بطنِكِ وابنُ بطنِــكِ مَنْ أَرادَ
ومَــــنْ أقـــــالَ ومن أقــــرَّ ومن نَـــهَى

صمتَتْ فلــــولُ الخــائفيــنَ بِجُبْنِهِم
وجُمُــــــوعُ مَنْ عَشِقُــــــوكِ قــــالتْ قَوْلَها

المصدر:
http://go.3roos.com/bi5vcc9j5ba

سيما 9

23/05/2012, 11:07 PM

الـوجــــهـــان هشام الجخ

الـوجــــهـــان

بِالهَدْيِ نُرْحَمُ .. نِعمــةِ الرحمنِ
وَعْدٌ من الوهَّـــــابِ في القــرآنِ

وتفيضُ أعينُنا لذِكـــرِ جـــــلالِه
ونرى وجــــودَ اللهِ بالبرهـــــانِ

إني رأيتُ اللهِ رؤيــةَ عــــاقـــلٍ
متـــــأمّلٍ في الخَلقِ والأكْـــوانِ

حَتّى تبيّنَ للفـــــؤادِ جــــــــلالُه
فَدَمَــتْ تفيـــضُ لِعِشْقِهِ العينــانِ

إنّ الحيـــــاةَ كعُمــــلةٍ فِضِّيــــةٍ
ولكـــــلِّ شيءٍ في الدُّنَا وجهـانِ

فالعقلُ مركزُ كلِّ شيءٍ صـائبٍ
والحبُّ وجـــهُ المشهدِ الفتَّـــــانِ

هذي الحيــــاةُ بقلبِها وبعقلِــــها
لا يستـــوي زوجٌ بــدونِ الثـاني

فاللهُ يوصَـــــفُ بالحكيـمِ مهابةً
ومحبَّــــةً ندعــــــوهُ بالحنَّـــــانِ

المصدر:

http://go.3roos.com/f5wqxkzsfly

سيما 9

23/05/2012, 11:14 PM

آخــر ما حُــرِّف فـي التـــوراه

http://www.m5zn.com/uploads/2010/11/27/photo/112710161105bp61jnm0nzemye16l182.jpg

وضعوا على وجهي مساحيقَ النساءْ
الآنَ اكتبْ ما تشاءْ
كن شاعرا .. كن كاتبا
كن ماجنا.. كن ما تشاءْ
الآنَ أنتَ مُهَيَّأٌ كي تصعدَ الزفْراتُ منكَ الى السماءْ
ما دمتَ في زيِّ النساءْ
فاصرخْ وناهِضْ ما تشاءْ
وارعِدْ وهدِّدْ مَنْ تشاءْ
وسَنَرْتَضِي منكَ الضجيجَ ونرتضي منك السُّبابَ
لأن هذا ما نشاء..

واتمدَّدوا في أرضي
ما تقولي يا أرضي
مين شَيَّلِك بالطين ؟
مين حَبَّلِك غيري ؟
طب كنت انا ف "حطين" ؟
ولا كان صلاح غيري ؟؟

رافض أقولك يا وطن شعر وقصايد
رافض أصوغك يا وطن سطرين أدب
ما بَقِتْش قادر ع الأدب
يا بلادى يا (رحبه)
هى يا دوب سحبه فوقى و بزياده
بقى هما رجاله
و احنا اللى حبة نتى عليهم العاده

خمسين سنة !!! ( القصيدة كُتبت عام 1998 )
عُقبال يوبيلك الماسي
وابقى "هشام" صهيون
يبقوا اليهود ناسي
ولما حتجوز ويجيني صهيوني
راح اجَوِّزُه بنتي
ما انا خوفي لآدِّيها لعربي يسرِّحها !!
ما غارش على بلده .. حيغير على بنتي!!

السادةُ العربُ الموقرُ جمعُهم
الامةُ العربيةُ عروسٌ أنتم لم تصونوها عروسْ
هجَّ الجرادُ إليها .. فهربتم
واختبأتم في المساجدِ والكنائسِ
قاتلتموهم بالصلاةِ .. وبالبخورِ
وبالدعاءِ رُكَّعا وجُلُوسْ
عجبا لِهَا تلكَ الطقوسْ
لا جُرمَ عليكِ فلسطينُ
لا وزر على امرأةٍ تزني
ما دامَ الزوجُ الأصلُ ديوثْ

يا سادةَ حكامِ الامةِ الغفلةُ ليستْ للحكامْ
علَّمَنِي ( أكتوبرُ ) درسا كيفَ يكونُ هناك سلامْ
أولادي بَصَقُوا في وجهي .. كتبوا لي في الغرفةِ سطرا
إنْ ماتَ الابُّ فِدا وطنٍ .. ما أحلى عيشَ الايتامْ
يا وطني لا يمكنُ أبدا أن يرحلَ عربيٌ مِنَّا للغربِ بدونِ استعلامْ
فلماذا تفتحُ أبوابا وتُنَكِّسُ رأسا وظهورا
وتُسَلِّمُ بِكْرَ عروبتِنا كي ترفعَ ساقيها سَفْحا
وتصفقُ للذَّكَرِ الأقوى وتَكَلُّ من التصفيقِ تنامْ
سبحانَ إرادةِ (أُنكِل سام)

وطني
يا وطنَ الموبوئين ووطنَ المهزومين
ووطنَ الحبَّاكين ووطنَ النَّفْطِيِّين ووطنَ الـ ..........

أنا والشعرُ مهزومانِ .. منفِيَّانِ .. مُعتَقَلان فيك
إذا ما استنجدَتْكَ القُدْسُ مَنْ سيغيثْ
يا وطني شكِّلْني رجلا
صنِّفْني عندَكَ في بَنْدٍ لا يحملُ تاءَ التأنيثْ
إن دبَّ الخوفُ بأطرافِكَ قَطِّعْ أطرافَكَ يا وطني فالمرضُ خبيثْ

كيف اقولِّك بحبِّك
وانا اللي فعلا بحبك بس مش طايق
تبقي انتي ويّايا ف سفينة حبنا الطارح ورق اخضر
وريحة البحر الوحيدة اللي تدوّخ رِقِتِك
تنزل عنيكي من الكسوف
خايفة لاشوف في عنيكي حاجة من اللي جوّا
وإيدك المرمر على رجلك ليِتْشَاقَى الهوا
من فرحته يخطف طراطيف الجونلّة
بضحكة هالّلة محمّلة براكين وشوق
ومخطّية كل الشقوق ويادوب افوق
القى السفينة بتمشي بينا تهزنا والقاني مش سايق
فارجع كما الأول.. نفسي اقولك بحبك بس مش طايق

الأربع اللي فات صِحْيِت حيطان البيت م الفجر صَحِّتْني
كان القمر كسلان والصبح معرفنيش
عيِّل ماليه الطيش بجري على ميعادك
وانا جاي في قلبي حكاوي
ولما تمشي بلاوي ف جِتِّتي قايدة
حاولت احاول اقولها رجعت بلا فايدة
حسيت بإيدِك ونفسِك وصدرِك غيَّروا لوني
نعسان يا جِفْنِك كما شلال
وكوم حبال دَلُّوني وعَلّوني
لِسَّاني شَعري اسود ودراعي قادر يشِيلك
بس العِلَل في الوطن هما اللي علُّوني

كان نفسي اقولك بحبك
خفت اكون كداب يا ام الهوى حقايق
كان نفسي اقولك بحبك بيروت رقصت في قلبي
لَقِتْني مش طايق

تمثالُ "سليمانَ" سيزحفُ ويجرُّ الجُندَ الى الاقصى
والنملُ العربيُّ مُطيعٌ عجبا لِغُزَاة لا تُعصَى
لن يُصْرَمَ شعبُكَ يا وطني فرجالُكَ كالفِيَلَة بطْشا
وذكورُ الفيلةِ لا تُخصَى
قاتلْهم يا نخلَ الوادي
قاتلْهم يا رملَ الوادي
إن قطعوا نخلَكَ يا وادي
ستظلُّ رمالُكَ لا تُحْصَى

سامحيني يا وحدِك بستسمحك وحدِك
انا اللي عمري ما اشتكيت هجرِك ولا بُعدِك
ولا اشتكيت من وجع صدك ولا ردك
بستسمحك وحدك

خايف عليكي من القصايد تدهنك أسود بلوني
كل كوني قِيلة .. كوني ف كوني ضِلّة
خايف عليكي من الكلام .. اصل الكلام في بلادنا عِلَّة
تحت البيوت عسكر جوا البيوت عسكر
فوق اللسان عسكر بين الضلوع عسكر
طب كيف اقولّك بحبك وضلوعي مُحتلّة
إنتي اللي من يومِك طريقي
وريقك السيّال كما شلال يا دوبك بلّ ريقي
الليلة بتمرد على ريقي وطريقي وبرفض البلّة

سامحيني يا وحدك
بكرة اما اجيب ارضي حِمْلاها ليكي طيوب
مقدرش اسيب حبي بذرة ف وطن مسلوب

انعس في حضنك كيف
ورجولتي مش ملكي
كل اللي رايح روايح
اما اللي جايلك فضايح
سُكِّي البيبان سُكِّي

رحلوا إلينا تحت أضواء القمرْ
نقلوا مدائنهم .. قواعدهم .. إلينا تحت أضواءِ القمرْ
لو جاء عاتَبَني القمرْ
فبأي شيء اعتذرْ
حبيباتي اللواتي تركتُهنّ قبلَ أنْ اسافرْ
الآن من منهم تقبلني كزوج بعدما مُلِئَتْ مديتُنا عساكرْ

فيروزُ يا كلَّ الغناءْ
يا كلَّ أجراسِ الكنائسِ كلَّ أحلامِ الأوانسِ
كلَّ هَمْساتِ الأحِبَّةِ في الخَفَاء
فيروز يا كل الغناء
أحلامنا في السّهل ما زالت تطاردُ ظِلَّنا
خلفَ الخميلةِ لا تزالُ سجائري .. وقصائدي ورجولتي
حين احتضنتُكِ وقتَها كانت مديتُنا فضاءْ
في ساحةِ البيتِ القديمِ غرامُنا ونقوشُنا
ومطاردات طفلين يجريان ويمرحان
وي محبةً حتى إذا حَلَّ المساءْ
كانا - برغم تحذير الاقارب - يتركان البيتَ
وينامان سرا تحت جدرانِ الفناء
فيروز يا زهرَ الفناء
ماذا أقول لعشقِنا ومشردوا التاريخِ الآن يملَوْن الفناء
قتلوا غرامَكِ يا جِنَانُ فسافري
ما عاد في بغدادَ "نواسٌ" ولا شعرٌ
ولا مُلكٌ ولا سيفٌ ولا أسماءْ ولا أحياءْ
انا ذا أطَعْتُكَ يا "ابن رُشْدٍ" واعتزلتُ مطامعي ووساوسي
وخلعت أثوابَ التصّحرِ والتغّربِ وانتظرتُ عروبتي
لكني ادركتُ أني كنت في غيبوبتي
كإناء ماء لوَّثتْه ثقافتي
ما أصعبَ التثقيفَ في شكلِ الإناءْ
يا خليجَ الأمةِ العربيةِ اقرأ باسم ربك
الذي خلق المسارحَ .. والمصايفَ .. والمطاعمَ .. والنساءْ
لبنـــــــانُ يا عِشْقَ القصائدِ
كيف عنوانُ القصيدةِ دونَمَا ذكرُ الدماءْ

بالقدسِ لي ارضٌ ونخلٌ
وغُلامةٌ كانت تخبئُ كلَّ اسرارِ المحبةِ فيهْ
لا أطلبُ المسجدَ الاقصى
إني أطالبُ بعِشقي
وللبيتِ ربٌ يحميهْ

المصدر:
http://go.3roos.com/6gul0k2svj8

سيما 9

23/05/2012, 11:22 PM

طيــر مــــلاك

http://www.gmrup.com/d1/up13091906051.jpg (http://go.3roos.com/btnu5hlhimd)

طـير مــلاك .. في حـب مصر .. عمـاره
سكت ليه يا طير ملاك
مين اللى بالأوجاع ملاك
ليه كل ما انوى اسمعك مش بلتقاك
صوتك بيجى من بعيد بلقاه بكاك
حتى انت بيملّوك غناك

المصدر

http://go.3roos.com/ifgx85d9c7v

سيما 9

23/05/2012, 11:25 PM

فى حب مصر

فــي حــب مصـــر

http://www.gmrup.com/d1/up13091910211.bmp (http://go.3roos.com/btnu5hlhimd)

لا كنا نعرف ألف ولا كنا نعرف به
ولا شفنا عمرنا نور غير لما قمرك جه
وفضلتي رمز الأمان والناس ملقياش وطن
وزرعتي وقمح وغيطان وغلبتي كل المحن
إقف إنتباه يا زمان مصر الأبيه أهيه
ولا كنا نعرف ألف ولا كنا نعرف به
و الدفة لو مالت نعدلها بكتافنا
إسمك في حناجرنا وأغانينا وهتافنا
مصر اللي نقشت حجر وعلمتنا العد
مصر اللي جيشها عبر .. مصر اللي بنت السد
لا تعبنا يوم م السفر ولا كلّ مجدافنا
والدفة لو مالت نعدلها بكتافنا

المصدر:

http://go.3roos.com/p9t4ugqrag4

سيما 9

23/05/2012, 11:32 PM

حـظَــك كـــــــده

http://www.elhawy.com/up/viewimages/8a6e73f756.jpg

مكتوب عليكى تحبى واحد قلبه صدى
لا الفرحه تقدر تنعشه ولا حزن يقدر يرعشه
ولا نكته حتى تفرفشه ولا حتى خضّه
مع ان قلبك من دهب
مكتوب عليكى تحبى واحد قلبه فضه
حظك كده

كل البنات اللى فى حياتى قبلك
أستنونى نمت وغدروا بيا
عِدِّى جوابات الغرام اللى فى دولابى
شوفى كام مره اتغابيت وفتحت بابى
مره بيضه ومره سمره
دى طويله ودى تخينه
وأردنيه ومغربيه وفى الروسيه
وفى العجوزة ..وفى الصبيه
وفى النهايه الكل بردك غدروا بيا
أحتمال العجز فيا

المهم انى خلاص ما بقتش قادر أحب تانى
جسمى نحس من السهر والانتظار ومن الاغانى

انتى أجمل واحده حبتنى فى حياتى
رقه الكلمه فى شفايفك
الخيال اللى محاوطنى
ومحاصرنى وانتى غايبه كأنى شايفك
العيون المعجزات اللى بخاف أرفع عينيه
يغضب المولى عليه
والله ما أنا عارفلى خوف
أنا ببقى خايف ربّى ولا ببقى خايفك

إنتى بِكْر كل
حاجه فيكى بِكْر
الشوارع والمدرج والأمانى
جوه منك لسه بِكْر
أما أنا جيش مالحريم استهلكونى
يا ما رقدوا و يا ما لعبوا ويا ما سكنوا
فيه إيجار وفيه اللى ملك وفيه خدتنى وضع يد
صبحت حكر
وانتى بكر
طب هاينفع؟

عارف أنها مش خطيئتك
إنى عيشتى معقده
بس اعمل ايه
حظك كده

المصدر:
http://go.3roos.com/x83wav5wcxs

سيما 9

23/05/2012, 11:40 PM

قصيدة قالولك للشاعر هشام الجخ

http://www.elhawy.com/up/viewimages/021713d4fe.jpg

قـــالـــولــك

بحبك .. قد عيدان قصب غيطنا
دقيقنا و بيضنا أو قيضنا
بحبك .. قد خف جملنا ما يحمل
وعرق انفار عتتغدى وترجع تاني وتكمل
قد الزرعه
قد اللسعه وانا قاعد في ليلة برد عدفا
بحبك وانتي حبيني لاجل نسير الدفه

قالولك عنى ده أسمر
قوليلهم لونه من طينه
قالولك شعره كركوتى
قوليلهم وارثه عن طينه
قالولك عنى مستعجل
قوليلهم ناسه وارطينه
قالولك لخمه و بتهته
قوليلهم عله و لا حدش
هيخلى م العلل طينه

قالولك ابوه ياما اتجوز
قوليلهم ماله مش مالى
و انا مالى
مدام مالى عيون الناس
و مالى عيون نساوينه

قالولك ياما عيسافر
و لا يسيبلك عناوينه
قوليلهم صورتى منحوته
فى قلبه و عينه و جبينه

قالولك ايه دليل حبه
قوليلهم اقروا دواوينه
قالولك ياما ساب قبلك
قوليلهم ده انتوا ظالمينه
ياريتكم زيى عارفينه
ده ساب الدنيا فوق رمشى
سيبونى اعوضه سنينه

المصدر:
http://go.3roos.com/4h2ybfqafan

سيما 9

23/05/2012, 11:44 PM

هشام الجخ - ماكنتش هناك

http://sphotos.ak.fbcdn.net/hphotos-ak-snc4/hs748.snc4/64877_475493671762_386178881762_6671261_5252806_n. jpg

مـاكنـتــــش هنــــاك

ماكنتش في شلة صحابك ساعتها
ماشفتش دموعك و كسرت جناحك
و لما الحبيب الوحيد استباحك
ماكنتش معاك
ماكنتش فى وقت انبساطك.. بساطك
ماكنتش فى وقت اندفاعك.. دفاعك
و لما عرفت السهاد و السهر
و أول ليله تناجى القمر
وغامت عليك السما و الليالى
سامحنى يا غالى.. ماكنتش سماك
فى اول بحبك.. ماكنتش معاك
و اول واحشني.. ماكنتش معاك
فاتتنى الحاجات المهمه في حياتك
ولما دموعك بتحكى اللى فاتك
بحس انى عاجز افسر بكاك
يمكن لانى.. ماكنتش هناك

المصدر:

http://go.3roos.com/vn46e4mrwhi

سيما 9

23/05/2012, 11:50 PM

قصيدة يا وخدانى من الشيبة للشاعر هشام الجخ - الهويس هشام الجخ - شاعر يعشقة الملايين

http://s004.radikal.ru/i205/1109/b2/73b6bdbf585a.jpg

يـا واخدانى من الشيـــبه

يا واخدانى من الشيبه و واخده الشيبه مِن سِنِي
و من سِنِّي ادوس الحزِن من سِنِي
و أَسِن السِّن على سِنِّي
و اسنلّك شَرِيْعَه و يوم يطُوْل بِطُوْل سِنِيْن سِنِّي
يا واخدانى صَغِيْر سِنِّي
فَقِيْر سِنِّي
و انا مش شيخ و لَا سِنِّي
دة انا اللى همومى مَسَّنِي
هموم الدنيا مَسَّنِي
ولساكى تشيلى هموم و لسِّنِي
بِحس جراحك المكبوته حَاسِنِي
وحَسَّنِي يا حَسَّان الخلايِق ليله حّسّنِي
ده كل ذنوبِى بس انّي
بحب الأهه و الموّال

و احبك نانا غيَّابِه
و احبَك موجه دوابِّه
و فرحه و شمعدان متقاد
بحبِك ليله من كلثوم
و هم الحرمه من جابِر
بحبِك طبله من حدّاد
بحبِك و اللَّه ما أَنا قادر

زِهقت اقول كلام متعاد
هبيعك هبقى كيف عوّاد
ماهو انتى الارض و العَوَّاد
خصيمك طه ما تسافرى
ولا تبِالغى فى تقلانك و لا تسافرى

لا انا خيَّال و لا خَلَوِى
و لا عمرى كسرت الليل
و لا يِغرك كلام الناس
دة انا ترباس و حيلي قليل
اسافر كيف وراكي بِلاد
و انا متقاد و مافضيش

أقولك ... لا انا واد خيال
و لا الفرسه هتمشى بِلاد
و برضه تسافرى.. طب سافرى
عليكى الذنب من سافري
ظلمتي الفرسه و الجَوَّاد

المصدر
http://go.3roos.com/eypu7ykr6za

سيما 9

24/05/2012, 11:03 PM

آخـــــــــر قصيدة كتبتهالك
هشام الجخ

http://www5.0zz0.com/2011/01/14/23/800983145.jpg

آخـــــــــر قصيدة كتبتهالك
كرهـتك قد ما ضحكتى على شقايا
كرهــتك قد ما امى تحب رؤيـايـا
و قد رعشة ايدى وانا بكتب
أول قصيده أكتبهالك

آخر قصيده أكتبهالك
و آخر قصه فى كتابك
و آخر كلب فى كلابك
و آخر طيف يبات الليل على بابك

دا انا اللى كسّرت السهر
و رَقَصْت ويا الليل و رَقَّصت القمر

أنا اللى فَضّيت بِكر نجمه فى السما بَكّيت نجوم
و طلقت ايدى فى صدر نسمه اتلخبطت بين الغيوم
أنا الجخ و سامعه عنى و عارفه انى كل يوم
كنت قبلك ويا واحده و يمكن ويا اتنين فى يوم

تكسرينى؟! ... لا يا عينى
انتى واحده من ألوف
و ياما وانا عايش هشوف
انتى مجموعة قصايد بالمحبه بتبتدى
وهى دى
آخر قصيده أكتبهالك
و كان بودى اسمعهالك

نبرة الحزن فى كلامى مش ندم
ما أنا خدت منك كل حاجه وسبتلك حبة ألم
أنا خدت منك كل شئ
و فضلت قدامك برئ

كل ما فى الأمر إنى لسه ماشبعتش خيانه
تعرفى يا نانا الخيانه؟
مش خيانه تحبى غيرى .. يا خى حبى غيرى
همشى مع واحده تشوفيها و زى ما هغير انتى غيرى
مش خيانه

بس تبقى خيانه عظمى
يوم ما يبقى الحب كلمه
يوم ما تبقِى م البدايه
حاطه للقصه نهايه

يا ترى لساكى فاكره؟
فاكره يوم ما رميتى قلبى بنظرتك
قلبى اتجرح
كان فرح
أنا لسه فاكر.. كان فرح
كانت الرقاصه بتزِفّلِى حُبك
قلت احبك يمكن الحب يداوينى
وادى ادينى

بكره اليوم اللى شفتك
بكره الشارع بكره الليل اللى ضمك
بكره القمره اللى بتفكرنى بيكى
و بكره اسمى اكمنه اسمك

بكره انى ابتسم.. حتى اترسم
حتى اتدفن
بكره البحر اللى زغزغ صدرك السقعان فى حضنه
جيتى حضنى
حتى حضنى بكرهه لما اتّسعلك
بكره الشعر اللى خللانى ابقى نعلك
بكره القلب اللى سابلك صولجانه و بكرهك
واللى زانك طول سنين جه الليلادى و شوهك

لا انتى ناعسه ولا انتى عبله ولا انتى شملوله الخجوله
اتكسر جوايه صوتك واتكسر جواكى عمر
بس عمرك هو عمرى
كان بودى أسيب فى قلبك ميت أتون من طين و جمر
بس قلبك هو شعرى

بكرهك ياللى ابتسامتك فرحتنى
و مرجحتنى و زحزحتنى و كبرت الله اكبر
من كلامك من غرامك من عينيكى السودا ليل
قلبك المكسور بيعلن لانتصارى ميت دليل

و انتصارى مال على ودانى وهمسلى
قاللى "أوزوَلد" البرئ ما بقاش برئ
قاللى إن "سيزيف" دا زيف
و ان قولة آه بتطلع م الصعايده فين و فين
قاللى أنساكى فى مساكى
و اما اشوف قلبك عساكى تفوقى من وجع البنات
قالى بالرغم انه عارف انى حبيتك.. هجيتك
و انه شافك كاتبه اسمى بخط نونو تحت بيتك
قاللى شافك ع المرايه بتكشفى صدرك لصدرى
قاللى صبرك.. يا دى صبرى

اياك فاكرنى من حجر
اللى قاسَى فى حب نانا لو حجر...كان انفجر

كنا زى اتنين فى صحرا
ما فى ناس ما فى عيب مافى خوف ما فى بكره
كنا خيل وليل و مهره
كنا سكر و كنا فجر و كنا سهره
كنا نتواعد بكلمه و كنا نتصالح بنظره

كنا لما تسافرى أو اسافر يصير الليل مالوش آخر
أكن عيونك النعسانه مجافيينك
و أكلم نفسى طول الليل و أقول فينك
و كان قلبى بوسع البحر..لملم موجُه فى سفينك
و نفس البحر دلوقتى لعنلك ميت سلسفينك
لا عاد موجه بيهواكى و حتى نجومه فى سماكى
رموكى بعد ما رماكى و كانوا فى ليلة زفّينك

و كانو يناموا فوق مريلتك الكحلى
ينقولك هدومك يوم ما نكون هنتقابل
أنا و نانا فى طول أيامنا ما كنا بنتقابل
ما كل الناس عتتقابل
احنا كنا..
احنا كنا..
والله ناسى كيف ما كنا ..بس كنا

يمكن الحلم اتقتل بس الجبل
لو هده ريح أو حتى مال برضك جبل
و انا مش جبل من طين وقش
ولا عضمى هش
إن كان على القلب اللى حبك آخره نعش
و انصِبله بدل الخمسه ألف و يبقى مات ولا اتخدعش

كنتي كيف السّبيه بيّه
و كنت ليكى عبد طايع
صرت ورقه و حبر ضايع
وقت فات ولا جابش عايد
مش بقولك.. انتى مجموعة قصايد

لمى ورقاتك خلاص الحبر جف
و احكى للجيل اللى طالع بكره يضحك
قولى لابنك فيه زمان واد عقله خف
اوعَى لتصيدك بِنَيّه و زى فرحه يولّى فرحَك

شيلى عمرك باللى فيه
خدت منك كام قصيده سامحى فيهم
حق كُرسيين معسل مش حكايه
خدت من عمرك بُكايه
و ابتسامتى سيبتهالك
يكفى إنى لسه مالك نفسى و بخبى البُكا
شوفى شاعر غيرى يوصفلك جمالك

أما ع القلم اللى فى ايدى
شاريه من دكان صعيدى
راسه ألفين دومه نَيّه لانسى حبك من أساسه
عشتى طبعا فى الصعيد و عرفتى ناسه

يبقى أسهل شى عليا
أنسى حبك و انسى حالك
وانى اقول ع القصيده ديا
آخر قصيده أكتبهالك

المصدر:

http://go.3roos.com/977bvkj6q6i

سيما 9

24/05/2012, 11:14 PM

إختــــــــ 1 ــلاف

http://www5.0zz0.com/2011/01/14/23/649353351.jpg

إختــــــــ 1 ــلاف

يا حبيبي هذه البدايةُ تختلف
هذا البريقُ الساكن الجفنين
مابين البدايةِ و البدايةِ يختلف
هذه الوجيعةُ حين يُذكر اسمُها
او حين يعلو في الدماء ندائها
هذه السطورُ تألفتو تجمعت كلماتُها
كي تستحيل قصيدة
هذه القصيدةُ تختلف

و ادى اللى صار
من يومي مطلوق تحت فوق
عايش حياتى بالإختيار
من غير حصار

لا أنا ناوى احب ولا غاوى احب و لا فاضى احب
ولا لاقى سمره ترُجّنى و تخُضَنى
و تصحى فيا الحبر يكتب على الورق
قلبى اتسرق

و أنا باعترف
هذه الغلامه تختلف

(يا - تيبيارو - بِلو)
أَنَّنِى أَحْبَبْتُك رَغْم زِحَام الغَيَدَاوات
وبِرغم الْسَّفَر و رغْم الْضَجَر و رغْم الَوَجَع
و رغْم الْقَسَم بِأَن أَتَحَجَّر فَوْق سُعَال الْسَّهْو

نَانَا تَتَشَبَّث فِى جِلْبَابَك
فَلبَابِك رِيْح يُزْعِجُهَا
يُخْرِجُهَا مِن هَذَا الْحَيِّز يَسْخَر مِنْهَا
إنّى أَحْبَبْتُك رُغْما عَنْهَا

و كل ليله كنت باحكي للقمر و باشهّده
واما تِشتي كنت باحكي للمطر و باعهِّده
لما ينزل فوق إزاز شباكك المقفول يقول
هذه القصائد تختلف
هزي سكونى قد مللت الأن أن لا اعترف

(هَا – رِي – سَا)
إنّى احْبَبَتُك فِى زَمَن مَا قَبْل زَمَان الْأَرْوَاح
مَاقَبْل النَّهَر و قَبْل الْبَحْر و قَبْل السُّكّر
و قَبْل الْفَجّر و قَبْل الْرَّاح
انّى احْبَبَتُك فِي زَمَن لَا يَعْرِف كَيْف تُسَافِر فِي الْأَوْرِدَة جِرَاح

و شايفك عاتترعشي
و شفايفك
بدها تقولي
(اي-كا-دوللى)

بحبك قد مانا مشتاقه لبلادى
و قد الوادى من النوبه لحد البحر
بحبك قد يوم العيد و لبس العيد
و رعشة جسمى وانا واقفه بشوف النحر

هَذَا الْحُزْن الْسَّاكِن جَوْفَى يَعْرِفُ خَوْفِى
يَحْلُم يَوْمَا أَن يَتَقَيَّأ صَدْرُكَ هَذَا الْجَسَد الْمُتْعَبَ
إِنِّى أَلْهَمَتْك أَشْعَارِى.. فَحَذَارِى

بحبك حب صعيدي جوانى
بحبك كيف ما سكن الليل في صوت فيروز
و سكن الصوت في ليل قلبي و جوانى
بحبك حب حّيانى

و زود شوقى للحرقه وللقيا و للفرقه
وللدمعه اللى تنزل تحرق الجوابات
و كلمه ماما مش راضيه
و عندي مذاكره مش فاضيه

و زود شوقى للمواعيد و للعربيد
و مشتاقلك و واحشانى و محتاجلك بحبك

بحبك حب كان مكسوف يبين نفسه قدامى
و كان يطلعلي في منامى
في صورة جوز عيون صافيه
و بنت جمالها كله سمار
و انا شايلك عروس الدار
و ضرب النار في كف عمامي مامبطلش
غريب الحلم لما يواعد النعسان و مايطولش

المصدر:
http://go.3roos.com/zpj3ihh2pp3

سيما 9

24/05/2012, 11:18 PM

إختــــــــ 3 ــلاف

إختــــــــ 3 ــلاف

باعته وجرت ورا زيف
وسابتله نار جوه
مَسّكِته في إيده سيف
إختار يموت هو

يَا حَبِيْبِي هَذِه الْغُلامّة إِن تَخْتَلِف
فَهُو إِخْتِلَافَك لَا إِخْتِلَافِي
أَنْت مِن أَحْبَبْتُهَا
وَنَسِيْت أَن مَسَافَة بَيْن الْجَنُوب وَبَيْنَهَا

يَا صَاحِبَي أَنْت الْإِلَه
لَكِنَّهَا أَبَت أَن تِعَصَاك فِيك
فعْصَتك فِيّ
فَهُو إِخْتِلَافُك لَا إِخْتِلَافِي

والفرق ما بيني وبينك بإختصار
إني واحد حب ستين ألف واحدة
وإنت ستين ألف واحد حبوا واحدة

الإختلاف اللي ما بينا مش أسامي
مش في نانا أو فلانه
الإختلاف اللي ما بينا في الديانه
في إتجاه القبلة من وضع السجود
إني في غرامي فرس
و إنت في غرامك قعود

الإختلاف اللي ما بيني وبينك
إني لو حبيت بخلي البت نعل
ألبسه وأبدأ طوافي
وإنت حبك زي بغل
شال حبيبته فوق كتافه وعدى بيها السكه حافي

يبقى لما نختلف تعترف
إن إختلافك عمره ما كان إختلافي

المصدر:

http://go.3roos.com/vh3o3u67kmt

سيما 9

24/05/2012, 11:24 PM

أديـــنـي نجحــــت

أديـــنـي نجحــــت

أديني نجحت وشمتت فيا البوابات
والمدرج والسلالم والحيطان قالت يا عالم
بكرة هنشوف منه تاني ولا غار
وإرتحنا منه بعد ما طال الإنتظار

دار الضيافة علقت زينه بسارينه
والمسرح اللي يدوب عرفني مرتين عامل فرح
هشام نجح وإرتحنا منه ومن كلامه
ومن قصايده وماللومان اللي يوماتي بينفتح
هشام نجح ونجاحه عبرة وموعظة ودرس إنشرح

إسمع واعي يا كل طالب في النشاط الجامعي
إسمع واعي
كان في هنا واد أسمراني ألمعي
عملّي فيها الأصمعي

وكتب قصايده على الورق
وكتب حياته على الورق
يا جامعة مليانة ورق

أهو لما قالوا انه نجح قفلوا ملفه وكفّنوه
من غير ما حتى يتنعي
فاسمع واعي

جاني الخبر وانا في الصعيد.. فاكرينه بشرى
مقدرتش استنّى لبكره
كانت ساعتها الشمس لسه يدوب بتطلع
وأنا جاي الصبح وحدي
لسه واصل مالسفر والدنيا برد
الدموع دفّتلي خدي
قلت أنط السور ألم سنيني من جوه
السور غبي مرديش يخليني أعدي
سور الرعايه عشان جديد مفهمش قصدي

كل حاجة فيكي يا جامعة فرحت لما قالوا إني نجحت
أنا الوحيد اللي إتدبحت

المصدر:
http://go.3roos.com/aqc8jbiz9ex

سيما 9

24/05/2012, 11:31 PM

مع ركعتين الفجر.. هشام الجخ

مــع ركعتــيــن الفجـــر

مع ركعتين الفجرالقلب بيدندن

يعلى الآدان جواي من قلب ما يأدن

يا بلال يا صوت السما

يا أبو التجارة رباح

شرفك يطول السما

وإسمك بلال يا رباح

خلي النبي يرتاح

قيم الصلاة وأدن

مع ركعتين الفجر القلب بيدندن

مديتش إيدي لحد

مديتش إيدي لحد ولرحمتك مديت

عاجز في كل السكك وفي سكتك مديت

آسف على الليل اللي من غيرك رقدته

آسف على شراع الذنوب اللي فردته

آسف على كل اللي خدته وعمري يوم ما أديت

المصدر:

http://go.3roos.com/b3726wl2fm5

سيما 9

24/05/2012, 11:35 PM

هــجــــاء

هَجَانى مَنْ بِهِ مَرَضٌ يُؤَرِّقُهُ
وَانَا بِصَدْرِى جَلْمَدٌ وَ حَدِيْدُ

عَلَامَ الْنَّفْسَ أُضْنِيهَا وَ أشغْلَهَا
بِرَجُلٍ يَجْرِىَ فِىْ دِمَاهُ صَدِيْدُ

فَللحَاقِدِينَ عِنْدَ الْلَّهِ وَعِيْدُهُمْ
وَلَيْسَ بَعْدَ الْلَّهِ ثَمَّ وَعِيْدُ

وَكَيْفَ جَرُؤْتَ يَا قَزِماً عَلَىَ نَفْيِّ
انّ كَانَ نَفْيٌ مِنْكَ فَهُوَ تَأْيِيدُ

هَاجَمْتَ أَشْعَارِىَ وَ تَعْلَمُ أنَّهَا
فِىْ كُلِّ افْوَاهِ البَرى نَشِيْدُ

هَذَا مِنْ الْلَّهِ فضلٌ لَمْ يُجَرِّدُني
فَكَيْفَ يَجِيْئُ عَلَىَ يَدَيْكَ تَجْرِيْدُ

أَلَا يَا نِصْفَ انْسَانٍ كَفَىْ غِلْاً
وَاقْنعَ بِمَا اُتِيْتَ عَلٌ يَزِيْدُ

قَدْ نْصبُوَنّىْ رَئِيْسَا قَبْلَ أنْ تَأْتِىَ
فَعَلَامَ حُزْنُك وَالْجَمِيْعُ سَعِيْدُ

أَتُرِيْدُ تَّنْصِيْباً كَقَائِدِ جَمَعْنَا
أفَقطّ لِهَذَا تَشْتَوَىْ وَتقَيِّدُ

أنَا خَرُوْفٌ مَثَلُ قَوْلِكَ انَّمَا
لَيْسَ النِّعَاجُ عَلَىَ الْخِرَافِ تَسَيَّدُ

انَا الْجَخّ الصَعيدىْ الَّذِىْ
أمشىْ صَحِيحا و الْفُؤَادُ شَهِيْدُ

وِتَرَانىْ مَزْهُوّاً أخُبئٓ بَلْوْتَّىْ
فَتَقُوْلُ انّىْ مَاجِنٌ عربيدُ

فَبِأَىِّ حَقٍّ كَانَ حُكْمُكَ صَائِبٌ
وَ بِأَىِّ حَقٍّ صَابنى التَّنْدِيدُ

يَا أَيُّهَا السَطْحىْ حُكْمُكَ فَاشِلٌ
فَاعْكُفْ عَلَىَ شَئٍ تَكُوْنُ تُجِيْدُ

وَأَقْطَعُ لِسَانَك وَ ابْتَعدَ عَنِ بَلدَتَّىْ
فَعَلَى لِسَانِكَ لَا يَجِئُ صَّعِيْدُ

إنّ الْصَّعِيدَ أيا قِرْدَاً بِلَا ذيلٍ
حَدٌّ كَحَدِّ الْلَّهَ لَيْسَ يَحِيْدُ

فَاذَا اتَتْكَ جَرَاءَةٌ فِىْ سَبِّهِ
فالطالما سَبَّ الكِرَامَ عبيدُ

يَا صَاحِبَ الأشْعَارِ وَالاحْقَادِ فِقْ
فَأَنَا لِسَانِىْ لازِعٌ صِنْدِيْدُ

إن كَانَ بَعْضُ الْنَّاسِ نَصَرُوْكَ اتَّعَظَ
فَالآنَ تُشْتَمَ وَ الْجَمِيْعُ بَعِيْدُ

إنّىْ لَأَعْلَمُ إنّ مِثْلُكَ كُثّرِ
فَلِكُلِّ مَلِكِ حَاقِدٌ وَ عُبَيْدِ

لَكِنْ إذَا خَرَجَ الْكَلَامَ مُبَاشِراً
فَأنا كَفِيْلٌ وَالْقَصِيدُ سَدِيْدُ

مَا كَانَ عَجَبا أن تَخُوْضَ بِسيرَتى
شِيَمُ الْنِّسَاءِ الْخَوْضُ وَ الْتَّعْدِيدُ

مَاذَا فَعَلْتُ لِكَىْ تُهَانَ قَصَائِدَىْ
وَ لِمَنْ يَكُونَ الْحُكْمُ وَ الْتَسْدِيْدُ

أو مَا عَلِمْتَ بِأَنَّ شِعِرِىَ سَابِقٌ
نَامَتْ عَلَىَ كُلِّ الْحُرُوْفِ الْغِيْدُ

مَنْ حَرَّمَ الْشِعَرَ الَّذِىْ يَصِفُ الْهَوَىَ
إنّ الْقَصَائِدَ فِى الْهَوَىَ تَخْلِيدُ

أم أنّ غَيْرَتَكَ الَّتِى أخْفيتهَا
أَنْسَتْكَ أَنَّكَ فِى الطَّرِيقِ وَلِيَدُ

مَازِلْتَ تَحْبُو يَا صَغِيرُ بِجَانِبَى
حَتْمَا يُعْوِزُكَ مُرْشِدٌ وَ سَنِيَدٌ

انَّا لَا أَقُولُ بِأَنَّ شِعْرِيَ كَامِلٌ
فَاللَّهُ أَحَدٌ كَامِلٌ وَ وَحِيْدُ

لَكِنَّ مِثْلِكَ لَا يُعَدِّلُ لِى رُؤَىً
فَالطِّينَ لَا يَسْقِيَهُ أبَدَا بِيدُ

يَا مَعْشَرَ الْعُزَّال عُدُّوا غَيْظَكُمْ
وَ أُلُوا الْلِّسَانَ بِمَا أَقَوُلَ وَ عيدُوا

لَمْ تُفْلِحُوا فِى هَدْمِ شِعْرٍ صَادِقٍ
فَالشِّعْرُ لَوْ عَلِمَ الإناسُ عَنِيْدُ

يَا مَنْ هجونى إنَّمَا بِهِجَائِكُمْ
أَعْلُوَ وَ أَشْعُرُ رِفْعَةً فَأَزِيْدُ

سَأَظَلُ رَغْمَ انُوفَكُمْ وَ ذُقُونَكُمْ
نَغمٌ تَسَابَقَ نَحْوَهُ الْتَّرْدِيدُ

المصدر:

http://go.3roos.com/ab3fp9dygfs

سيما 9

24/05/2012, 11:37 PM

أشعـــار ليـالـى الحصــاد

يا محمّلين حلمكم
طالقينه يملا الخلا
لا نفعكو طول حلمكم
ولا الخلا بيتملا

ويا قطر يا اللي بعيد
بيني وبينك سور
ما بينا مدة إيد
وانا بدراع مكسور

ابكي يا شاطر حسن
على حلمك اللي اندفن
سايق عليك الكفن
تنسى الحطب والنار
ما بينا مدة إيد
لكنها مشوار

عصف فؤاده وبطش
وهم وهوى وأفكار
مستني إيه م العطش؟
ليلة حصاد صبّار

مسكين يا قلب الولا
عاشق غريب لسّاه
داير على الأمكنة
يشحت وطن لله
مبقاش بيسمع غنا
من كتر قولة آه

والعشق نار والعاشقين مساكين
وبنندبح وبنعبد السكاكين
وبنتسجن ويذلنا السجان
ونموت لو يفتح الزنازين

المصدر:
http://www.facebook.com/groups/147759865289/doc/10151399844850290/

سيما 9

05/06/2012, 08:43 AM

مـش طبيـــعى

لما يغرق مركبي وانا سايقه فجأة
ولما تنهي قصتي وانا لسة بادئة
لما تنكر تضحياتي
ولما اوهب لك حياتي
و ازرع الدنيا ف عيونك ورد يطرح من ربيعي
و التقاك بتقول لي ضيعي
مش طبيعي

فين كلامك عن حياتنا
فين سعادتك وانت بتلاعب ولادنا
وعنيك تغير كل ألوان الحاجات
طلقتني ونسيت معايا الذكريات

انا لسه فاكراك وانت بتقول لي احلمي
وانا لسة فاكراك وانت بتقول لي ارسمي
بس مش حاقبل اكون برواز خشب ع الحيطة يقدم يترمي
كان الطبيعي وانت بتقول لي احلمي
وانت بتقول لي ارسمي
تقول لي بيعي
مش طبيعي

المصدر: http://go.3roos.com/2m58cgd6aay

سيما 9

05/06/2012, 08:51 AM

طب إيه بقى

يوم تبقى حلو
يوم تبقى نار
يوم تسقي شهد ويوم مرار
يوم تبقى فرقة وإنتظار
ويوم حلاوة وطيب لقى
طب إيه بقى

إرسى بقى على أي دقة
ياما أيوة يا إما لا
مش حلو فجأة
ومر فجأة
وسايب حياتي معلقة
طب إيه بقى

لـِ هشام الجخ

المصدر: http://gtmix.own0.com/t1506-topic

سيما 9

05/06/2012, 08:58 AM

عـشــان غنــىّ

وعشان غنى ومعاه فلوس
هملتنى وراحتله
ابكى على نفسى ولا
عالمسكين اللى راحتله
ولأنى راجل مليونير والخير كتير
عليت عيونى عالبكا
وقلت اسيبهاله زكا
ودفنت ايدى فالسويتر
وابتديت اشوط الطوب واغنى
كنا نتلاقى من عشيه
نقعد على الجسر العتيق
كوبرى الزمالك زى ماهو
البنات هم البنات
والولاد هم الولاد
والدرابزين الحزين لساه رزين
والكلاكسات اللى سارحة فالودان
واللى بيوشوشها فى عيونك غموض
واللى بيوشوشها فى عيونك امان
بس المكان هو المكان
خمسين سنة والكوبرى مصلوب عالطريق
لا انا كنت اول مين يحب
ولا يوم هكون اخر عشيق
وادى البنات ألوفات مترصصين عالكوبرى
يعنى انتى اجمل واحدة فيهم؟؟
ده انتى لو كشيتى فيهم تفزعيهم
صدقيـــــنى
صبغة الكدب اللى نزلت من ملامحك
غيرت شكلك نهائى
شوشت صورتك فقلبى بقيت ملامحك
فاستخبيت جوه دائى
جوه ابيات القصيدة

باختصار المكان هو المكان
والبنات هم البنات
فى اللى فازوا بالنهار
وفى اللى تاهوا فى البعاد
وانتى واحدة من اللى تاهو
اما انا ... فزى ما انا
وكوبرى الزمالك زى ما هو

بعيد عنك حياتى عذاب
متبعدنيش بعيد عنك
ماليش غير الدموع
أم كلثوم الشقيه
ضحكت عليا
سهرتنى الليل بطوله
اكتب الشعر اللى نفسك تسمعيه
وانا لاجل خاطرك مش هاقوله
وان كان حبيبك شاعر كتّبيه
وابعتيلى قصايده اول باول
اه يا زمن يا احول
بقى ابقى حبيتك وبقيتك
عن الدنيا وما فيها واصطفيتك
سبتلك وردة فؤادى تقطفيها
كنت فاكرك هتراعيها
وتداريها بين ضلوعك
وان ما كفتهاش دموعك
من دماكى تضيّفيها
كنت فاكرك يوم ما اقول الآه
هاتخدى منى الآهة تخففيها
ولا كنت يوم يخطر عليا
انى لو مديت اديا
ليكى ممكن تكسفيها
يا ام كلثوم الغرام محتاج حموم
قبل متغنى لقلوب الناس تعالى نضفيها

لـِ هشام الجخ

المصدر: http://go.3roos.com/ofgqltneaci

سيما 9

05/06/2012, 09:02 AM

حـماريـن حبّـيبـة

وبقولها انا انت وانت انا
مين الحمار فينا
انا اللى حمار ولا الحب اللى نازل رجرجة فينا
طب انت انا ... وانا انت وجه فينا اللى جه فينا
حظوظ الناس مصالحاهم وحظنا ليه مجافينا

طظ يا حظ يا ملاوع هحبها ويكش تولع نار
هاكونلها بر وسفينة هنتحمل وهنكيدك ونضحك رغم ما فينا
وشوف غيرنا يا حظ خلاص مفيش والله رجا فينا
ده انا انت وانت انا طب مين حمار فينا

حمار الليل مطولش فيوم السهرة والزينة
حمار الواد بتاع اللب
فاكرة يوميها عالكورنيش
قطع احلامى وكلامى عن الترحال
ويوم سفرى ويوم ملقاكى عالمينا

حمارة صاحبتك لما بتمشى معاكى فالشارع
يبان حسنك يغطيها يخللى شكلها شوارع
بحبك ظايطة فاللمة واحب اللمة فعنيكى
وبفرح كل يوم لما تسافر ايدى فايديكى

ياعم حسين يا ملقانا
يا شاهد فرحى وشقانا
انا اللى حمار ولا هى
ولا الحب اللى ورّانا

حمارة سياسة التعليم فدى الدولة
وقال تعليمك العالى
ياولدى يبقى ليك اولى
بقالى سنين انع يا ناس
مابين ثانوى وبين جامعة
اقول ابنى سحابة شوق
تاخدنا لفوق وتبقى هى دى الجامعة

هاتجمعنا لوحدينا
تدارى كسوفها منينا
وانا فصدرك .. وانتى فحضنى
نرجع تانى نتلخبط
ما نعرف مين حمار فينا

ساعات اقعد مع نفسى
فليلة صيف وبلكونة
وقمراية ونص سيجارة
اروق حبة عن نفسى
وكام نظرة على اشارة
يطيروا منى للجارة
لو انتى جيرانا لزقالنا
وكاشف بيتكوا شباكنا
ماكنتش اكره الشقة ولا القعدة
هاشوفك كل يوم نايمة
وهشوفك كل يوم قاعدة
انا شايفك وشايفانى
وصوتنا موصله التليفون
اكن الكون بقى بتاعى
او احنا وبس جوه الكون
لكن حظى التعيس دايما
مخللى عمارة ولا اتنين
مابين بيتى وبين بيتك
وداروا بيتى عن بيتك

بس انا عرفت الحمار الان
فلان احمد فلان
عشان سايب كل المكان
وبانى عمايره وسطينا
وساب روحى تروح روحك
ويتلاقوا فنص السكة
مابينك وبين الكون
يطيروا فالهوا حبة
يدوبوا حب ومحبة
ابصلهم يا وخدانى
وقلبى صافى ومزقطط
وارجع تانى واتلخبط
ولا اعرف مين حمار فينا

بحبك نانا او ناعسة
بحبك ليلى او المظ
نعيمة .. تمر حناية
بحبك وانتى بالمينى جيب
واحبك شال ودلاية
بحبك وانتى فالتليفون وفالجوابات
بحبك.. وانتى ويايا
بحبك بت حكاية ورغاية
تصحى سكوتى جوايا
تلاعبينى واغمى عيونك السودة
صوابع ايدك الممدودة
بتدور على حضنى وتتدور
كسوفك عنى حايشنى وحاششنى
وطيش حبك مطيشنى
كفاية تعبت مالطيشان
مفيش مرسى يدفينا
ايديكى تنام على صدرى
فى حتة يدوب تكفينا
وليل نعسان يغطينا
تغير الشمس منينا.. تصحينا
يهيج قلبى ويتخبط
وارجع تانى واتلخبط
ولا اعرف مين حمار فينا

بحبك طايشة جواية
مسافرة ضلوعى فضلوعك
وانا طوعك
يزلزل صوتك الزلزال ويحينى
يخلينى انا.. عصفور فى شباكك
يا ناشرة فالمدى شباكك
ايديكى يوم ما ضمتنى
حضنت الكون بكفة ايد
وبالتانية سندت القلب فمكانه
بحبك... يااااه
يا نار فالقلب نوارة
انا حمار اللى حبيتك
وخليتك بحبى حمارة
يــــا حمــــــارة

لـِ هشام الجخ
المصدر:http://go.3roos.com/mwidgxfrell