الحقوو خطيبي فيه الربو

[أريد حلاً]

مشكلتي بنات خطيبي يحبني واحبه قولوا مشاءلله

المشكله انه فيه الربو وتجي له ازمات يعني في الشهر مره

في الشهرين مره :badly:

وامس جات له الازمه وتتعب حيل وراح المستشفى 3 ساعات

ويوم طلع قالي كلام وايد حزنت

يقولي انا اخاف اجيب منج عيال وبعد كم سنه اموت

انا فيني الربو واذا ضاق نفسي وماحصلت الكمام عادي اموت

بنات انا خايفه

وقعدت افكر في كلامه :badly:

[غنات الروح]

لاتخافين ان شاء الله ربي يشفيه ويمتعه بالصحه والعافيه ويخليه لكِ

اهم شئ لمرضى الربو يبتعد عن الدخان والبخور والروائح القويه


اهتمي في غذائه والبخاخ لازم يكون بجيبه على طول

واذا كان مريض بالربو وهوا صغير نسبة شفائه بإذن الله منه 90%

انا كنت مريضه بالربو وعمري شهرين الحمدلله شفيت منه

توكلي على الله وطمني قلبك وعيشي حياتك

موفقه حبيبتي..

[فوشياآ~]

لا تخافين ياقلبي
شوفي الكبش اللي عندي << تقصد خطيبها ههههههه

فيه ربو و مره جاته ازمه و ضاق تنفسه ولا احد عنده و طاح عليهم يمكن 3 ساعات
ولما فاق اتصل علي و طمني

وربي ماصار له شي
يعني لو بتجيه الازمه ياخذ له بخاخ و ترووووح
ممكن بتظل كحه كم يوم و النفس ثقيل بس ما يأثر ابد بإذن الله
اهم شي يبعد عن الاماكن اللي فيها دخااااااااااااااااااااااا اااااااااااااااااااااااان !!!!!

[ع شاطئ الامل]

ربنا يعطيه الصحه والعافيه،بعدين الاقدار بيد الله عز وجل ولو ماتزوجتيه وتزوجتي رجل ثاني وصالوا حادث ومات شنو ردج

[umjana79]

هداك الله وعافاك ...
الي يشوف عنوانك يقول خطيبك ... فيه شي ..

يااختي مرضى الربو لا يموتون للمعلومه فقط... شيء نادر جداً
وحتى لو ما كان عنده البخاخ ... يحاول ينظم تنفسه بكيس .. والعد..

عموما ماعليه الا العافيه وان شاء الله مأجور ولاتحاتين امر طبيعي جداً

تحياتي

ام جنى

[ROSE3ROOS]

مثل ماقالو الاخوات والاعمار بيد الله تعالى والله يعطيه طولت العمر ,

[قهوه ساده]

يعني انتي صرتي تفكري بكلامه يعني تتركينه
مولذي درجه مسكين
بلعكس وقفي يمه واقري وشوفي عن ذي مرض الربو وساعديه وذي مو شي خطير
وتقولين تحبينه ويحبك لازم ماتتركينه وتكونين معاه مو بلعكس

[عبق الصحراء]

تصدقي انك رعبتيني وخوفتيني وحسستيني اني بخلي ولدي واموت عنه وهو صغير لاني من مرضى الربو المزمن حبيبتي لا تنشغلي الاعمار بيد الله

[لارسا بغداد]

عيني الربو لا يموت
يعني شدتة بالطفولة
مو بالكبر
يعني لا تخافين
الله يحافظ
اهم شي لا تجعليه يعصب
كال هالكلام يريد يشوف معزتة عندج
الله يجمعكم ببعض ويسعدكم ويشفي خطيبج ويهنيج بي
ويصير عندج اطفال وتفرحين بيهم
بس لاتحطين عطور قوية مثل مكالوالاخوات
اني زوجي بي ربو
صحيح يخوفنة كل شوية
بس اهم شي البخاخ يكون يم ايدج ولا تخليي يعصب
لأن يضيق صدرة ويتأذة
سلامي

[انفاسـﮱگ دخـﮱون]

الله يعافيه يارب ويعافيني ترى فيه علاجات للربو من الاعشاب بس لازم ما يتعرض لهواء بارد ولا غبار ولا بخور ولا دخان انا عندي ربو والحين خف دوم خلي يشرب شاي زنجبيل محلا بعسل وعلى الريق ملعقه عسل مع حبه سودا وكاس ماي دافي فيه ليمون ونعناع وعسل والزعتر وايد مفيد يتخد زعتر ويحطه بماي مغلي ويشربه وترا ماهو بها الشي المستفحل يعني منتشر حاله حاله القولون والضغط وهالامراض بس لازم يعتني بنفسه وماتخلينه متضايق اهم شي الحاله النفسيه وايد تاثر وبالعكس مفروض انتي تساعدينه وتوقفي جنبه