المساعد الشخصي الرقمي

مشاهدة النسخة كاملة : التجمع الثاني لحوامل فبراير 2012


الصفحات : [1] 2 3 4 5
(عروس بلادي)
22/10/2011, 10:12 AM
كيف الحااال ان شاء الله كلكم بخير يارب:thumbs_up:
حياكم الله معانا من جديد في
❤ التجمع الثاني لحوامل فبراير 2012❤



والله يسهل علينا حملنا ويقومنا بالسلامه يارب:025:
ويعوض اللي فقدو اجنتهم بالحمل الثابت


هالادعيه واايد مفيده لكل حامل وعسى ربي يسهل ولا يعسر ويتمم على خير ولا يحرمنا



اللهم أعيذ ما في رحمي بكلماتك التامة ومن كل شيطان وهامة ومن كل عين لامه
اللهم أسألك أن تحفظه وتجعله معافى كامل الخلقة دون زيادة أو نقصان
اللهم حسن خَلقه وخُلقه وسهل حمله ومخرجه واجعله قرة عين لي ولوالده واجعله من عبادك الصالحين
اللهم انى استودعك جنينى الذى فى رحمى فرده الى عند مولده مرداً سالماً معافى من كل شر وكل مرض وكل اذى .فرده الى فى احسن حال من غير زياده او نقصان .


واجعل له جمال سيدنا يوسف واخلاق سيدنا محمد صلى الله عليه وسلم فإنه لاتضيع ودائعك ولاخاب ولاندم من استودعك







دعاء للحوامل لحفظ الجنين من الشيطان
اللهم أنى أسالك أن تجعله أمة وحدة , اللهم أنى أسالك أن تجعله مسلما مؤمنا وأن تجعله من الدعاه
الصادقين المخلصين وأن ترزقه الشهادة بعد طول عمر وحسن عمل .
اللهم اجعله قرة عين لى ولوالده ولأخواته والمسلمين اللهم أنى أعيذه بك وذريته من الشيطان الرجيم ,
اللهم سهل حمله وسهل ولادته ويسر سبيله أنت الذى خلقته وأنت الذى أنشأته
وسويته أبرأ اليك من حولى ومن قوتى لا اله الا انت اللهم أحفظه من بين يديه ومن خلفه و عن يمينه وعن شماله وأقذف التوحيد فى قلبه و أعنى على تربيته يا أرحم الراحمين





حسابات الحمل


الشهر الثاني:
4 أسابيع و4 ايام تدخلين بالشهر الثاني.


الشهر الثالث:
9 أسابيع تماما تدخلين بالشهر الثالث.


الشهر الرابع:
13 أسبوع و3 أيام تدخلين بالشهر الرابع.


الشهر الخامس:
17 أسبوع و6 أيام تدخلين بالشهر الخامس.


الشهر السادس:
22أسبوع و2 يوم تدخلين بالشهر السادس.


الشهر السابع:
26أسبوع و5 أيام تدخلين بالشهر السابع.


الشهر الثامن
31أسبوع و1 يوم تدخلين بالشهر الثامن.


الشهر التاسع:
35 أسبوع و4 أيام تدخلين بالشهر التاسع
زفات المدينة
22/10/2011, 10:56 AM
جزاك الله خيرا
اأم روااضي
22/10/2011, 12:49 PM
مبرووك التجمع اليديد ومشكوره اختي عروس ع الجهد
.. أمــ عــلــيــ ..
22/10/2011, 01:30 PM
:013:

وأخيراً شرّف التجمـّـع الثاني .. !!!

السلام عليكم .. كيف حالكم ؟

مبروووك الافتتاح .. والله يسهـّل علينا .. ويرزق المحرومين الذرية الصالحة ..

يالله عاد شدّوا الهمـّة .. مانبي نوصل التاسع واحنا بالتجمـّع الثاني .. :034:

:009:
القيوانيه
22/10/2011, 08:46 PM
هلا هلا مبروووك علينا التجمع الثاني
شخباركم كروشات ؟وشخبار البيبيات فديتهم ؟أكيييد متعبينكم من الحركه ،أنا ولدي فذيته ما يبدأ ايرافس إلا حزة نومي حبيبي والله .
بنات شؤو اتحظون على جسمكم كريمات أو زيوت ؟أنا بشرتي مستويه حساسه بشكل فضيع من غير الكلف اللي منتشر في جسمي ،صدق متضايجه من هالشي أول مره يطلع لي كلف بالحمل ما أعرف شؤو اسوي
شيؤؤؤخية
22/10/2011, 10:18 PM
الف1000 الف مبرووووووووك وعقبال التجمع الثالث ايي بسرعه ما يطول هههههههه


مشكوووووره اختي عروس على افتتاح التجمع الثاني




شخباركن انا الحمدلله احسن لو اني بعدني احس بدوخه

باجر ان شاء الله بتصل بالمستشفي وبخذ موعد عندهم بحاول قبل العيد

وان شاء الله خير
تعبت اكابر
23/10/2011, 12:35 AM
كشخه صار عندنا تجمع ثاني ..

شخباركم بنات وشو مسوين ؟

يﻻ انا ادخل السادس متحمسه !!!
.. أمــ عــلــيــ ..
23/10/2011, 09:36 AM
السلام عليكم ..

صبحكم الله بالخير ..

افطرتوا ؟ بالعافية عليكم ..

:)

القيوانية ..

انا استعمل ( فازلين بزبدة الكاكاو ) ومرررررة ممتاز .. ينعـّـم البشرة ويفتـّحها ..

بس ما ادري اذا ينفع للكلف أو لأ .. !!!
كفوف الحنية
23/10/2011, 01:26 PM
مبروووووووك التجمع الجديد...
شخباركم كروشات..
فاطمة النوراء
23/10/2011, 07:44 PM
هلااااااااااااااا بناااااااااااااات مبرووووك علينا التجمع الجديد واخيراا هههههه

عروس بلادي مشكورة حبيبتي على الادعيه ماقصرتي .... يلااا بنااات الهمة خصوصا اللي دخلو الشهر السادس >>> شهر الحيوية في الحمل واحلى شهر صراحة لان قبل هالشهر معاناة النساة وعقب هالشهر معاناة الثقل والوزن الزايد والم الظهر ههههههههههههههههههههه لاتتعقدوون عاد ههههععععع

الله يسهل علينا ان شاء الله ونشووف الحلووين بصحة وسلامة

اشوفكم ع خير
قلب انثى
23/10/2011, 11:46 PM
مساء الخير جميعا ...
شخباركم وشخبار البيبي معاكم ؟
اني الحمدلله امس الفجر رجعت من السفر ... والحمدلله النونو بخير واني بخير ...
ووحشتوني ... واشكر جميع من سال عني ... والي ما سالوا عني الله يسامحهم ....

ومبروك علينا التجمع الثاني ... وسمعتون كلامي عجل خخخخ ...

وبث
.. أمــ عــلــيــ ..
24/10/2011, 12:44 AM
السلام عليكم

قلب انثى .. الحمدلله ع السلامة ..

فاطمة النوراء ..

بصراحه الثقل بدأ من الحين والله يعين ويسهـّل ..

امس رحت السوق والحمدلله اشتريت للعيد بس باقي بعض الاشياء البسيطة .. والبيبي الجديد ما اشتريت له ولا عووووود :-# ان شاءالله بعد العيد ابدأ اشتري .. يصير الجو ثابت على البرودة واقرر وش اشتري ..

وانتم وش مسوين أمس ؟

:)
اأم روااضي
24/10/2011, 05:50 AM
صباح الخير ع الجميع
(عروس بلادي)
24/10/2011, 06:50 AM
صباح الخير
شخباركم شمسوين
قلب انثى الحمدالله على السلامة
وشخبارش وشخبار النونو
ون شاءالله وصلت هديتنا حلوى قم
وباقي الكروشات شخباركم
انه مخلصة تقريبا لولدي للعيد لكن لنونو للحين ماشريت ولا شي
وبخصوص النساه انه للحين اللوعة ذابحتني ماتفارقني كلة اشم اشياء خايسة
كفوف الحنية
24/10/2011, 12:14 PM
الحمدالله على السلامة قلب أنثى..شخبارش وشخبار البيبي..
سـكـر
24/10/2011, 12:42 PM
مساء الخير جميعا ...
شخباركم وشخبار البيبي معاكم ؟
اني الحمدلله امس الفجر رجعت من السفر ... والحمدلله النونو بخير واني بخير ...
ووحشتوني ... واشكر جميع من سال عني ... والي ما سالوا عني الله يسامحهم ....

ومبروك علينا التجمع الثاني ... وسمعتون كلامي عجل خخخخ ...

وبث
حمد لله على السلامة :D
تعبت اكابر
24/10/2011, 01:16 PM
الحمد لله ع السلامة ..

انا بعد ما اشتريت وﻻ شي حق البي بي !!
.. أمــ عــلــيــ ..
24/10/2011, 01:17 PM
السلام عليكم ..

كيف حالكم ؟

ان شاءالله الكل بخير

عروس بلادي ..

عآدي .. لا تستغربين شي .. فيه حريم يمسك معاهم النساه الى الولادة .. وفعلاً سبحان الله .. بحملي الأول كل شهر احب شي وأكره شي .. والله الى التاسع .. :-#


باركوا لي اليوم ميلادي 24- اكتوبر .. :02: .. هابي بيرث داي تو مي .. :02:
شيؤؤؤخية
24/10/2011, 03:45 PM
مساء الخير كروووشات

شخباركن


قلب انثى
الحمدلله ع سلامتج وسلامت النونو



ام علي
هبي بيرث دي تو يو سنه حلوه ما مات علاوي سنه حلووه ياجميل هههههه
سـكـر
24/10/2011, 03:58 PM
باركوا لي اليوم ميلادي 24- اكتوبر .. :02: .. هابي بيرث داي تو مي .. :02:
كل سنة وانتي بخير :celebrate:
قلب انثى
24/10/2011, 07:39 PM
الله يسلمكم كروشات ...
سكر ... كل عام وانتي بالف خير وعقبال المليون

اني عندي بدلتين للعيد جدد مع الشنط والجواتي تكرمون ... عاد ان شاء الله ما صاروا ضياق مع الكرشة ...

البيبي بعد هذيك المرة ما رحت مرة ثانية السوق ... بوصي على المفارش والتوزيعات هالاسبوع ... وبكمل باقي الاغراض ... وبعديت باتفرغ لنفسي ومشترياتي ....

وبس ...
بقَايا حُلمْ
24/10/2011, 09:57 PM
الحمدلله على السلامة قلووب لش وحشة ومكانش خالي

وام علي .. كل عام وانتي بالف خير والعمر كله يارب



وعن التجهيزات باقي لي الفراش ان شاء الله اروح هالاسبوع افصله وافتك من التجهيزات
فاطمة النوراء
24/10/2011, 10:45 PM
هلا بنات شلوونكم وشلوون الحلووين ؟؟؟


قلب انثى >> حمدلله عالسلامة وان شالله استانستي انتي والبيبي هع


ام علي >> كل سنة وانتي طيبه والعمر كله

عروس بلادي >> سلامتج حبيبتي ترى انا بعد اعاني من هالسالفه وكله حرارة ترتفع ليي بعد الاكل

بالنسبه للتجهيزات عقب العيد لاحقيين
اأم روااضي
25/10/2011, 05:30 AM
صباح الخير
سـكـر
25/10/2011, 10:39 AM
عقب العيد ان شاء الله ببدأ تجهيز
.. أمــ عــلــيــ ..
25/10/2011, 12:46 PM
السلام عليكم ..

كيف حالكم ؟ :)

شكراً لكم كلكم حبيباتي .. عقبالكم يا رب كل سنه .. :02:

الحمدلله خلصت تجهيزي للعيد .. بس باقي ولدي علي .. اشياء بسيطة ان شاءالله بروح الجمعه .. الصغار دايماً التسوق لهم متعب .. :-#

يا بنات اللي تبي لبسات لأطفالها حلوة وناعمه واسعارها مناسبة تروح لـ ( سيتي ماكس ) والله اشياء خيآآآآآآآآآآل .. :)

رحت لهم أمس اخذت لي بس ( بلوزتين ) تكسـّـر ظهري ههههههههه :worn_out:

عندي لكم فكرة يا بنات .. اشتروا فستان حمل مثلاً جينز او اي لون ثاني يتداخل مع أي لون بلوزة .. وكثرووووا البلايز .. :thumbs_up: انا سويت هالفكرة والحمدلله ارتحت .. :rolleyes:

احس اني كثرت الكلام هههههه من زمان عنكم ;)
شيؤؤؤخية
25/10/2011, 02:39 PM
مرحباااااا كروشات

شخباركن شخبار البيبي


انا من 3 ايام اتصل ع المستشفي لحد الحين ما نزلو لستت المواعيد


شكلي بيكون موعدي بعد العيد




على العموم احسن بكون في السابع


وتجهيزات العيد لحد الحين ما خلصت او بالاساس ما بديت


لان ريلي عنده امتحانات وطبعا من بيشلني غيره

اترياه يخلص وان شاء الله في هذا الويكند اخذ شي بسيط





اما البيبي بعد العيد ان شاء الله بخذ له

وبخذ لمحمد بدلات عن البرد


لان من يوم الجمعة صاير برد عندنا وامس بس حلو دافي
وِد
25/10/2011, 05:16 PM
قلوووووب
حمدلله ع سلامتج وسلامة البيبي من زمان مابينتي ,, لش وحشة واجد

ام علي
كل عام وانتي بخير وسنة حلوة لج وللبيبي ولعلاوي
الهرم بلازا تقصدين ؟ تو انا يوم الخميس الاسبوع اللي طاف انا في السعودية ويم الهرم بس ما دخلته

شيوخة
غالية شحالج شخبارج ؟ طيبة ان شاء الله

دلوعة
اخبارج واخبار البيبي

وباقي الكروشات شلونكم وشحال البيبي والتجهيزات
طبعا اني نص تجهيزات البيبي خذيتها من السعودية اسعار حلوه واغراض ولا احلى فضيعين صراحه

باقي بعد اغراض ان شاء الله ع الشهر الجاي اكمل ..

انا كل شد يصيدني وكله تعبانه وصايره ثقيله وايد .. في الايام اللي اختفيف فيها .. كنت مشغوله حدي
عمتي سافرت والبيت يبي له من يداريه
يلا دعواتكم خواتي

وثانكس للكروشات اللي ما سئلوا عني طول الفترة اللي اختفيف فيها.. لهدرجة ماافتقدتوني ؟؟

سي يوو
.. أمــ عــلــيــ ..
26/10/2011, 12:01 AM
اهلين وسهلين .. ود ..

أيوه ما غيره .. معروف في السعودية كلها ( الهرم ) .. دااااايماً يجيبون الاشياء القطنية الخفيفة اللي تناسب المواليد وتناسبهم اذا كنتي في البيت محد زايرك ولا رايحه لشي .. خامتهم زينـه مرررره .. واشكالهم أزين .. ومعروفة اسعار الهرم .. متوسطة .. :) يعني زي البجايم والقبعات والقماطات الخفيفة خوذيها من الهرم .. اما الاشياء الكشخه صح خوذيها ماركات ..


يا بنات .. ما تحسـّـون بشد عضلي في الساق ؟؟؟ :-#

والله أنه تعبـــــــــني مررررة .. دايماً الساق مشدود او اصابع القدم .. :(
قلب انثى
26/10/2011, 10:42 AM
صبحكم الله بالخير ... شخباركم ؟ شمسوين ؟
الله يسلمكم كروشات ... اني الحمدلله زينة والبيبي زين ...

ثياب العيد عندي بدلتين جدد ... جربت البدلة الاولى ضاقت خخخخخ رحت امس شريت لي فستان حمل وبالبس عليه جاكيت وعندي الشنطة والجوتي تكرمون والاكسسوارات بعد ... يعني باختصار خلصت .. مع اني كلش مو متحمسة للعيد ما ادري ليش حتى الي حواليني احسهم مو متحمسين ...

بحاول قبل العيد اخلص مفارش وتوزيعات البيبي عشان يبقى علي تناتيش ...

ام علي ... اني بعد واجد يصيدني شد في رجولي ... وبالذات اذا نايمة ويذبحني ذباح الالم .... بس اعتقد من الحمل ...

وبس هذي اخباري .... طمنوني عنكم
ميمي الجميله
26/10/2011, 04:21 PM
هلووووو شخباركم

مبروك على التجمع الجديد

وحشتووووووووووووني بس ماعندي كمبيوتر


شخبار الحمل ويااكم ابغي شريط حمل محد سوو اليي
سـكـر
26/10/2011, 05:28 PM
يا بنات .. ما تحسـّـون بشد عضلي في الساق ؟؟؟ :-#

والله أنه تعبـــــــــني مررررة .. دايماً الساق مشدود او اصابع القدم .. :(
من دخلت الخامس وااجد يصيدني :|:confused:
شيؤؤؤخية
27/10/2011, 11:09 AM
مرحباااااااااااااااا شخباركن شخباااااااااار بيبياتكن


انا الحمدلله بخير احسن الحين من قبل


بس الحين احس نفسيتي زفته حتى مالي بارض ع ولدي ولا ريلي

واحس مضايقه دووووووم وملانه ولا خاطري حتى اتجهز للعيد ما اعرف ليش بدون سبب ....؟؟؟؟!!!!
شيؤؤؤخية
27/10/2011, 11:10 AM
الحمدلله باقي خمس ايام وبدخل السابع


ابا اربي بسرعه
.. أمــ عــلــيــ ..
27/10/2011, 12:47 PM
السلام عليكم

كيف حالكم اليوم ؟ ان شاءالله الكل بخير ..

هههههه اشوى الحمدلله مو لحالي اللي يصيدني شد عضلي ..!! :-#

شيوخية .. نفس حالتي .. والله أمس مالي خلق ولااااااا شخص .. حتى أهل زوجي رحت لهم وانا مالي خلق .. ودي اقعد لحالي بمكان واريح رااااسي .. :-#

الله يسهل علينا .. ويقومنا بالسلامة . . ويعيننا على البرد في النفاس ..

احنا بالقصيم بدأ يبرد الجو .. حتى الظهر ما نفتح مكيفات .. وبالليل مووووووت البرد .. وانتم اخبار الجو عندكم ؟؟؟؟ :)
.. أمــ عــلــيــ ..
27/10/2011, 04:13 PM
وينكم يا بنات اليوم مالكم حس ؟؟

:-#
بقَايا حُلمْ
28/10/2011, 08:31 AM
صبااااح الخير

وجمعة مبااااركة
اأم روااضي
28/10/2011, 10:32 AM
صباح الخير جمعه مباركه
اأم روااضي
28/10/2011, 10:35 AM
امس رحت خذت اغراض لي ولعيالي للعيد وطلعت ملابسي من الخياط وبروح اليوم بكمل وباجر باخذ مكياج وعطور انشالله باجر اخلص تعبت امس من السوق حر وزحمه وغلا وكله منزلين شتوي وبعده العيد حر لويت امطار ع كل الدوله بيبرد لجوا نشالله يارب يعم
شيؤؤؤخية
28/10/2011, 02:57 PM
مرحبااااااااااااااااااااا


شخباركن


ويييييييييين بداء الكسل هههههههه ما شوف حركه
شيؤؤؤخية
28/10/2011, 03:03 PM
اناااااا لحد الحين ماخذيت شي للعيد

بس لولدي خذيت
.. أمــ عــلــيــ ..
28/10/2011, 03:10 PM
السلام عليكم ..

كيف حالكم ؟؟

شيوخية .. ما يصير حبيبتي .. هذا عيد .. يالله عاد خلي الكسل وفرفشي وروحي اشتري لك لبسة حلوة .. :) ولا تنسين تجيبي لنا حلاوة عيد :02: ههههههه ..
قلب انثى
28/10/2011, 05:44 PM
مرحبا ... شخباركم كروشات

جايني التهاب ابوال ... بس الحمدلله انه مو حاد وتوه في البداية ... بس الالم يذبح ... ما عندكم نصايح غير شرب الماي والسوائل والمضاد ... تعبني ... الوجع يروح ويجي ... وخايفة على البيبي لا يصيده شي ...
شيؤؤؤخية
28/10/2011, 07:01 PM
مرحبااااااا


هلا الغاليه ام علي :

مفصله ملابس بس بعدهن ماخلصن بس اغراض ثانية ماخذيت

بسير اخذ بس من م يوم حالتي النفسية زفت


فلو رحت ما بخذ شي حلووووووو


والحين ما اقدر ريلي علية امتحانات جامعة اخر امتحان الاربعاء مش عارفه كيف بروح اخلص

اغراضي واغراض ولدي

ولدي بس خذيت له بدلتين وجاكيت 2 ومفصله له ملابس بس مب وااايد يلبس كنادير بس اول يوم الصبح


عقب كله بدلات ماخذيت له نعال ولا جوتي ولا جرابات ولا ملابس داخليه ولا بجامات وبعدني ابا اخذ له كم بدله



اذا ما مداني انا عادي اهم شي ولدي اخلصه



قلب :

سلامتج يالغلا ماتشوفين شر

والله ما عندي فكره بس الي اعرفه تشربين ماي واااااااايد زين

الله يحميج ويحمي البيبي
فاطمة النوراء
29/10/2011, 01:08 AM
هلا بنات شخباركم ؟؟

من ثلاثه ايام رحت المستشفى وطلع فيني التهاب في البول تكرمون بس الدكتورة ماعطتني مضاد ولا شي تقول مو زين للبيبي ولازم اسوي تحليل ثاني
قلب انثى >> سلامتج يعني انتي مثل حالتي بس انا ماعطتني مضاد تقول الدكتورة لازم اسوي مزرعه بول وتشوف الوضع بس الالم يذبح يروح ويرجع كأنه طلق

ياريت تفيدونا بنات شنو شي زين يخفف الالتهاب وهل يؤثر على البيبي ولالا ؟؟؟؟
شيؤؤؤخية
29/10/2011, 08:10 AM
صَبَـِْ♡̨̐ـاآפ آلخَـِْ♡̨̐ـيَر
شخباركن آّنـ♥ـْآ‏​​ البارحه مت مِـFROMـنْ الخوف. قلت بربي

تم بطني متشنج وأحس بتعب وخمول تميت اتقلب تذكرت يوم ولدي

قلت عيل بربي بولدي ربيت بالثامن وهذا شكلي بالسابع والمشكله ما دخلت السابع بعدني

تميت اطلع أصوات وأنا راقده
قلب انثى
29/10/2011, 08:03 PM
هلا بنات شخباركم ؟؟

من ثلاثه ايام رحت المستشفى وطلع فيني التهاب في البول تكرمون بس الدكتورة ماعطتني مضاد ولا شي تقول مو زين للبيبي ولازم اسوي تحليل ثاني
قلب انثى >> سلامتج يعني انتي مثل حالتي بس انا ماعطتني مضاد تقول الدكتورة لازم اسوي مزرعه بول وتشوف الوضع بس الالم يذبح يروح ويرجع كأنه طلق

ياريت تفيدونا بنات شنو شي زين يخفف الالتهاب وهل يؤثر على البيبي ولالا ؟؟؟؟


هلا خيووو ... اني توني راجعة من مركز الخليج عند دكتورة صباح ...
بقولش الي قالته لي وامشي عليه والله يسهل ...
اول شي حاولي تشربين 10 - 15 كاس ماي واذا كان كبير احسن ولو فيش طاقة تشربين اكثر اشربي ما يضر ... واهم شي تفرغين المثانة من البول تكرمين يعني من تحسين فيش شي على طول روحي الحمام لا تتاخرين ...
ابتعدي عن الحمضيات مثل البرتقال والليمون والفلفل والحلاوة .. الفواكه المسموحة تفاح وموز ... كثري خضرة بقدونس واجد تمام .. واني لان دمي ناقص قالت لي اكل لحوم واسماك وجبود ...
ابتعدي عن العصائر وخلش على الماي والحليب ... مشتقات الالبان زينة بعد ...

وعن المضاد اني وصفوه ليي المركز وراويته الدكتورة اليوم ... وقالت ليي انه زين ... اني اقدر اعطيش اسم المضاد بس لازم تاخذينه باستشارة الطبيب ... انتين ردي روحي للدكتورة وقولي ليها انه ما خف الالم وجذي ويمكن تعطيش المضاد ... اني عطوني اياه قبل ما يسون لي المزرعة .... وان شاء الله تخفين ...

روحي لدكتورة صباح واجد زينة ...
شيؤؤؤخية
29/10/2011, 08:08 PM
بنات إلي عندهن التهاب البول. سلامتكن

دورت حصلت هذا بمنتدى ثاني

السلام عليكم
شلونكم
يالحوامل ربي يهون عليهم

انا كل عمري اشتكي من التهابات المسالك البولية تكرمون وماخليت علاج ولكن
ومن فترة اختي الحامل ربي يهون عليها ويفرح قلبها بالولد الصالح كانت تشتكي من التهاب البول من الشهر الثاني ليم الحين وهي الحين بنص الرابع

راحت الف دكتور ودكتور عطوها مضادات ولكن مانفعت معاها وجا من فترة استشاري من بلجيكا وطيران عليه
ولما شاف حالتها والمضادات اللي كلتها وصف لها دواء وهو عبارة عن مجموعة اعشاب تاخذ منها كبسولتين مرتين باليوم مدرة للبول ومخففة للحرقان ومزيلة للاملاح وتمنع تكون البلورات والحصوات
النتيجة انها الحمدلله ارتاحت عليها وانا من باب الخير
حبيت افيدكم لاني بعد ماشفته شريته وان شالله بعد يجيب نتيجة معاي
وترى ابد ماله اثار جانية للحامل نهائيا وامن والله يشفينا ويشفي كل مريض
الدواء من شركة هيمالايا himalaya
واسمه سيستون cystone
وابي منكم دعوه ان ربي يرزقني الحمل التام والولد المعافى الصالح يارب وكل المتأخرات
.. أمــ عــلــيــ ..
29/10/2011, 08:33 PM
السلام عليكم ..

مساء الخيرات ع الجميع ..

كل عام وانتم بخير .. الله الله بالطاعات في هالايام المباركة .. :)

بالنسبه للالتهابات اتذكر صادتني بحملي الأول ونصحتني الدكتورة بكثرة شرب الماء والحمدلله .. :)
فاطمة النوراء
29/10/2011, 10:48 PM
هلا خيوو قلب انثى مشكووورة حبيبتي ماتقصرين انا قاعده اسوي اللي قلتينه بس المشكله الماي ينفخ البطن واحس روحي ثقيلة هههه بس شسوي ماليي الا استحمل لين يخف وان شالله يخف قبل يوم موعدي وافتك من المضاد >> تعقدت من الحبوووب ههههه كفاية حبوب الكاليسيوم اكس لارج هع


شيووخة>> تسلمين حبيبتي اذا ماراح الالتهاب بسأل الدكتورة عن هالحبوب اللي قالت عنه البنت وان شالله خير
فاطمة النوراء
29/10/2011, 10:51 PM
وين بااااااقي البناااات محد مبين شكلهم يجهزوووون للعيد وللبيبي هههههههههه

ماشوف احد طل علينا اليوم يلللا اللي تروح مكان حللووو وفيه اشياء حلوة تخبرنا عشان نروحه بدل مانفتر
سـكـر
30/10/2011, 12:42 AM
هلا خيووو ... اني توني راجعة من مركز الخليج عند دكتورة صباح ...
بقولش الي قالته لي وامشي عليه والله يسهل ...
اول شي حاولي تشربين 10 - 15 كاس ماي واذا كان كبير احسن ولو فيش طاقة تشربين اكثر اشربي ما يضر ... واهم شي تفرغين المثانة من البول تكرمين يعني من تحسين فيش شي على طول روحي الحمام لا تتاخرين ...
ابتعدي عن الحمضيات مثل البرتقال والليمون والفلفل والحلاوة .. الفواكه المسموحة تفاح وموز ... كثري خضرة بقدونس واجد تمام .. واني لان دمي ناقص قالت لي اكل لحوم واسماك وجبود ...
ابتعدي عن العصائر وخلش على الماي والحليب ... مشتقات الالبان زينة بعد ...

وعن المضاد اني وصفوه ليي المركز وراويته الدكتورة اليوم ... وقالت ليي انه زين ... اني اقدر اعطيش اسم المضاد بس لازم تاخذينه باستشارة الطبيب ... انتين ردي روحي للدكتورة وقولي ليها انه ما خف الالم وجذي ويمكن تعطيش المضاد ... اني عطوني اياه قبل ما يسون لي المزرعة .... وان شاء الله تخفين ...

روحي لدكتورة صباح واجد زينة ...
كتبي لي اسم المضاد وبقول الى دكتورة المستشفى الحكومي عنه
اذا سمحت لي اشربه بشربه :sick:
قلب انثى
30/10/2011, 08:25 AM
فاطمة النوراء ... العفو خلف جبدي ...
ما ادري اني تعقدت من كلام الانترنت .. وصرت ما اوثق فيه ... لان قريت انه عصير التوت علاج للالتهاب وامس لما سالت الدكتورة قالت ليي لا .. فقلت خلني على الماي والحليب احسن ...
اني بكرة موعدي ... اتمنى انه يخف عني واجوف النتيجة بكرة اني سليمة لانه وهقة كثرة شرب ماي وكثرة دخول حمام ... بس يلا الحمدلله على كل حال ...
وما عليش شر ان شاء الله

سكر ... انتين بعد صادش ؟ ما تشوفين شر وان شاء الله يخف عنش بسرعة ... زايد هالمرض هالايام ...
باكتبه لش بس اول اسالي الدكتورة عنه ... يعني لا تاخذين اي شي بدون ما تسالين ... اسمه zinnat tablets 250 mg
حق الحوامل ....

ام علي ... وشيوخة ... الشر ما يجيكم يارب ومشكورين على النصايح ...
ودعواتكم لنا بالشفاء العاجل ...
.. أمــ عــلــيــ ..
30/10/2011, 08:42 AM
السلام عليكم ..

صبحكم الله بالخير .. والبركة .. والسرور ..

كل عام وانتم بخير .. ياااارب سلـّم الحجـّاج وردهم لنا سالمين غانمين .. مادري وشلون بصبر عن اختي الوحيدة بتحج :'( وزوجي بعد .. ياااارب احفظهـــم .. :(

هاه يا بنات .. لاتنسون تطعموننا من اضحيتكم ههههههههه :02:

والله الظاهر العيد بيصير مووووت برررررد .. :-#
.. أمــ عــلــيــ ..
30/10/2011, 08:44 AM
اخاف يكون ردي مخالف .. !!!

الناس عن الحمل وانا عن العيد هههههههه

يالله بتكلم عن الحمل .. مراجعتي ان شاءالله الاربعاء الجاي .. حدّي متحمســـّــــه ودي يجي بسرررررعه .. الله يسهـّل علينا وعلى كل حامل .. :)

يا بنات .. ما تحسـّـون وقت الأكل بالتنميل من جهـة المعدة ؟؟ مرة مقلقني هالشئ ... !!! حتى احياناً ما يخف الا اذا ضغطت عليه على خفيف .. !!!
سـكـر
30/10/2011, 11:26 AM
سكر ... انتين بعد صادش ؟ ما تشوفين شر وان شاء الله يخف عنش بسرعة ... زايد هالمرض هالايام ...
باكتبه لش بس اول اسالي الدكتورة عنه ... يعني لا تاخذين اي شي بدون ما تسالين ... اسمه zinnat tablets 250 mg
حق الحوامل ....
صادني من قبل ورحت المستشفى وحقرته
واشوف هالمرة رجع لي ورحت المستشفى وسوو لي تحاليل دم وابوال والتراسوند وتخطيط
قالو لي كل شي تمام لكن ويايي التهاب ابوال وسوو ليي زراعة ابوال وما طلعت النتايج
انتين عقب زراعة الابوال شقالو لش؟
ومتى رحتين لنتايج الزراعة؟

لا مابشربه بكبري جبانه :lol: بقول للدكتورة عنه اول :thumbs_up:
قلب انثى
30/10/2011, 05:08 PM
صادني من قبل ورحت المستشفى وحقرته
واشوف هالمرة رجع لي ورحت المستشفى وسوو لي تحاليل دم وابوال والتراسوند وتخطيط
قالو لي كل شي تمام لكن ويايي التهاب ابوال وسوو ليي زراعة ابوال وما طلعت النتايج
انتين عقب زراعة الابوال شقالو لش؟
ومتى رحتين لنتايج الزراعة؟

لا مابشربه بكبري جبانه :lol: بقول للدكتورة عنه اول :thumbs_up:

هلا ... اني عطوني المضاد قبل ما اسوي المزرعة ... ويوم ثاني سويت المزرعة وبكرة ان شاء الله تطلع النتيجة ... ان شاء الله يخف عني ... الالم يروح ويجي لان وادا جى يذبحني ذباح ... من غير شي احس جنبي كله مشدود ...
حبوبة زماني
30/10/2011, 06:15 PM
رجعت لكم اكيد اشتقتوا لي

نثور ولد اخوي

http://forums.3roos.com/showthread.php?p=15706589#post15706589 (http://forums.3roos.com/showthread.php?p=15706589#post15706589)
شيؤؤؤخية
30/10/2011, 06:18 PM
مساء الخير ياحلوات

شخباركن شخبار بيبياتكن


الله يشفيكن يارب ويساعدكن الي عندها التهاب


انا اليوم خذيت موعد يوم الاربعاء مش هذا الي بعده يعني اسبوع العيد

ابا اشوف سالفة الدوخه والحاله النفسيه الزفته الي صايره لي
.. أمــ عــلــيــ ..
30/10/2011, 08:30 PM
الله يعينك شيوخية ..

يمكن روتين مليتي منه .. حاولي تغيري جو مع صديقات او اخوات وان شاءالله تتحسن نفسيتك .. لأن النفسية تأثر على الطفل .. !!!
OM HOOR
31/10/2011, 12:35 AM
السلام عليكم

كل يوم أدخل وأقول البنات سكته مالهم صوت
ما أحد قالي عن التجمع الثاني
لقيته صدفه

قريت أخباركم
والله يساعد الجميع


شيوخه
وأنا بعد نفسيتي زفت ودايما زهقانه وبنتي دايما معصبه عليها
وأصرخ طول الوقت لأنها ماشاء الله عليها حركيه وماتخلي شي في محله
من كثر الصراخ يتشنج بطني ويصير ثقيل
الله يعين ان شاء الله

اللي تقول عن حبوب الكالسيوم أكس لارج
قولي للدكتوره تعطيكي حبوب مص كالسيوم أنا هذا اللي استخدمه مستحيل ابلع هالجمل
وفيه بعد شراب فوار بس ماجربته بس سمعت البعض يستخدمه

يوم الثلاثاء الجاي عندي موعد ان شاء الله أعرف ولد ولا بنت
ان شاء الله بعد العيد ببتدي أقضي للبيبي
مررررره متحمسه لملابس البيبي

وهاذي آخر أخباري
اأم روااضي
31/10/2011, 08:07 AM
صباح الخير ع الجميع
(عروس بلادي)
31/10/2011, 11:17 AM
مرحبا كروشات
شخباركم وحشتونا
عذروني صار لي كم يوم واجد تعبانة ويوم الخميس كان موعدي بالمستشفى
والحمدالله طمنوني كل شي بخير
وخبروني اني راح اجيب بنت
ون شاءالله راح اتاكد اكثر عند دكتورة خاصة
ون شاءالله بعد العيد راح اتفرغ للتجهيزات
ودعو لي ولولدي الله يهدية
ميمي الجميله
31/10/2011, 12:01 PM
هلإ بيكم



شخباركم اني موعدي يوم ألخميس ان شاء الله كل شيء إوكي
كفوف الحنية
01/11/2011, 12:26 AM
هاااااي كروشات..
شخباركم
فاطمة النوراء
01/11/2011, 12:31 PM
صبااااااااااااااااااح الخير بنات شخباركم وشخبار البيبي تبعكن ؟؟

قرب العيد ولاسويت ولاشي ولاشريت ولاشي كله بسبب هالالتهاب كرهني في كل شي على طول حمام تكرمون والم يروح ويجي والموعد للحين يالله الله كريم ...

عروس بلادي وينج مختفية وحشتيني ومبرووووك على البنوتة اذا طلع اكيد كلامهم عاد والله يسهل عليج وعلينا كلنا

اشوفكم ع خير
اأم روااضي
01/11/2011, 01:05 PM
مسالخير ع الجميع شواخباركم كراريش وشوتجهيزات العيد انا خلصت الحمدلله باقي الصالون
.. أمــ عــلــيــ ..
01/11/2011, 01:23 PM
السلام عليكم ..

كيف حالكم اليوم ؟ ان شاءالله الكل بخير ..

:)

أم حور .. انتبهي لنفسك ترى كثر الصراخ وقت الحمل ما ينفــع أبداً .. حاولي وقت العصبية تذكرين الله وتعوذين من الشيطان وتلهـّين بنتك بأي شي ثاني .. أو انتي روحي من عندها لمكان ثاني .. طوووولي بالك كثير .. كلنا نعاني من اطفالنا الله يصلحهم .. بس لا تنسين صحتك وصحة البيبي اللي بالطريق مهمـّـه بعد .. !!!

أم رواضي ..

الحمدلله انا خلصت كل شي .. بس باقي توزيعات الأطفال حقـّة العيــــد .. سهلة ان شاءالله أسويها بليلة .. :)
أميرة عند زوجي
01/11/2011, 05:07 PM
بنات شخباركم؟؟؟
صار ليي ثلاثه ايام تكرمون اسهال
رحت المستشفى عطوني بس املاح ومغذي



بديتوو تجهزون لو للحين؟؟؟؟؟؟

انه ماشريت شي للحين،،
OM HOOR
01/11/2011, 10:36 PM
اليوم رحت موعدي الحمد لله كل شي تمام
بس ما سوو لي سونار قالوا الشهر الجاي
تحطيم يعني ماراح أجهز هالشهر
انتظر السونار عشان أعرف جنس البيبي
أنا ودي اجهز هذا الشهر قبل ماأصير ثقيله
بس يله خيره ان شاء الله

أنتوا شخباركم جميعا؟؟؟
سـكـر
01/11/2011, 11:16 PM
اليوم رحت موعدي الحمد لله كل شي تمام
بس ما سوو لي سونار قالوا الشهر الجاي
تحطيم يعني ماراح أجهز هالشهر
انتظر السونار عشان أعرف جنس البيبي
أنا ودي اجهز هذا الشهر قبل ماأصير ثقيله
بس يله خيره ان شاء الله

أنتوا شخباركم جميعا؟؟؟
روحي عيادة خاصة اسرع واضمن
علشان تبدين تجهزين :thumbs_up:
سـكـر
01/11/2011, 11:28 PM
بنات شخباركم؟؟؟
صار ليي ثلاثه ايام تكرمون اسهال
رحت المستشفى عطوني بس املاح ومغذي



بديتوو تجهزون لو للحين؟؟؟؟؟؟

انه ماشريت شي للحين،،
للحين مابديت شي :confused:

صادني مثلش من اسبوعين
اسهال وذبحني وقالو لي المستشفى مو زين الاسهال للحامل
يسبب تقلصات والحمد لله شربت الاملاح وخف عني :)
تعبت اكابر
02/11/2011, 02:06 AM
شخباركم صبايا وشو مسوين ؟؟
اشوف الكل مريض !!! شكله من تغير الجو ؟
انا بعد كنت مريضه .. زجام وكحه وحمه ..

طبعا انا تعبت من الدكاتره كل وحده تقولي شي الي ولد والي بنت ة!!
الي يسمعهم يقول فيني توم !! ومحتارين

عاد قلت بسمع كلام اخر دكتوره رحت لها قبل كم يوم قالت لي ( بنوته )
لاني تعبت وفقدت الامل .. عاد من قالت فيني بنوته وانا ع طول سنتر بوينت ههههههههههههههههههههههههه
خذت لبنوتي 4 قطع بس لان كان زحمه حتى ما درت عدل !
وكنت تعبانه بعد ..

و بس هاي اخباري ..
(عروس بلادي)
02/11/2011, 07:10 AM
مرحبا كروشات
والله بخصوص تجهيز العيد بعدي ماخلصت مفكرة اخلصهم هاليومين ان شاءالله
وتجهيزاتي للبيبي للحين اول ابي اتاكد عند الدكتورة فهيمة المطوع وبعدها ان شاءالله راح اجهز كل شي
شيؤؤؤخية
02/11/2011, 08:09 AM
صباح الخير ياحلواااااات


سلامات للي مريضات والي عرفت جنس البيبي مبرووووووووووك

انا من كم يوم تقلصات فيني

حتى ريلي ايقول لي احسج بتربين الشهر الياي :-o

قلت له ليش قال احساسي مثل اول واحد والله بديت اخاف :'( يوم شافني خايفة قال ما اعرف ماعرف




صح انا دشيت السااااااابع من دخل مثلي ؟؟؟؟ عقبال الكل
شيؤؤؤخية
02/11/2011, 09:03 AM
الشهــــر الســــابع

من 26اسبوع و5 ايام الى 31 أسبوع من الحمل

1_ الطول حوالي 37 سم والوزن حوالي 1000 غرام .
2_ الجلد متغصن وشفاف ووردي .
3_ يظهر أن الدماغ يبدأ بالتحكم بوظيفة الأعضاء .
4_ الرئتين لا زالتا غير متطورتين، لذا فان قابلية الحياة في هذه الفترة حوالي 67 % .
5 _ يزداد استمرار البول عند الأم . يمكن أن يظهر البواسير وعروق الدوالي .
6_ زيدي تناول الحليب البارد والخضروات لتحفيز الحركة التقلصية للأمعاء ( حركة الأمعاء ) .
7_ اذا كان الوزن المكتسب أكثر من 500 غم في الاسبوع، استشيري الطبيب حالا .



ما تشعر به الأم

تحس الأم بالتحسن من أعراض الحمل
تصبح قادرة على رؤية حركة الجنين
تزداد مرات التبول لضغط الرحم على المثانة
يظهر بعض التورم في الكاحلين
يمكن معرفة جنس الجنين
يزداد التنفس سرعة
تظهر بعض التقلصات في العضلات


العـوارض الجسمانيـــــة

حركة الجنين تصبح أقوى وأكثر تكرارا.
ألم في أسفل البطن بسبب تمدد الرحم.
حرقة في المعدة وعسر في الهضم وانتفاخ وغازات .
احتقان في الأنف وانسداد في الأذن.
نزيف في اللثة أحيانا.
تقلصات في عضلات الأرجل.
انتفاخ بسيط في كعب القدم وأحيانا في الأيدي و الوجه.
تقلصات خفيفة في الرحم.
ألم في الظهر.
صعوبة في النوم.
صعوبة في التنفس وقصر النفس.
نزول اللبأ (مادة يمل لونها إلى الصفرة تسبق نزول الحليب) من الصدر.


العـوارض الانفعاليـــــة

زيادة في الانفعال والقلق بشأن الأمومة الآم الولادة.
شرود في الذهن.
أحلام وتخيلات عن الجنين.
ملل ونفاد الصبر من الحمل.
شعور قوي بأن تمر الفترة الباقية من الحمل بأسرع ما يمكن.



ارشادات

تنصح الأم برفع قدميها في حالة وجود ورم بهما

في حالة وجود تقلصات بالعضلات تنصح الأم بزيادة كميات الكلسيوم في غذائها مثل الجبن و اللبن


حالة الجنيـــــــن

في نهاية الشهر السابع يتكون الشحم على الجنين.
من الممكن أن يمص الجنين إصبعه وأن يبكي.
يحس الجنين بالطعم(حلو أو مر).
يشعر بالآلام والضوء والصوت.
إذا ولد الجنين في هذه الفترة فيمكن له أن يعيش ويكون وزنه حوالي1 كيلو و350 غم.

http://www.google.ae/url?source=imgres&ct=tbn&q=http://www.iraqup.com/up/20101217/X2Q58-cQru_390465162.jpg&sa=X&ei=IN2wTu31JsebOq2HtY0C&ved=0CAUQ8wc4Jw&usg=AFQjCNG7YYdKDCxXXeyBmz13KpKyJUv-tA

مبرووووووووووووك للي دخلو وعقبال الكل يااااارب :thumbs_up:
.. أمــ عــلــيــ ..
02/11/2011, 01:08 PM
السلام عليكم ..

كيف حالكم ؟

انا بعد شوي ان شاءالله موعدي .. بشوف اذا رجـّال بهوّن وبروح عيادة خاصة .. واذا حرمة زين :) ..

ادعوووووا لي تصير حرمة الحين بالعيادة ياااااارب .. بخااااطري اتأكد من جنس البيبي .. :)
اأم روااضي
02/11/2011, 02:41 PM
شيوخيه مبروك اختي ع دخولج السابع وعقبال مانشل بيبياتنا بيدينا يارب
قلب انثى
02/11/2011, 02:48 PM
مساء الخير للجميع ...
شخباركم ؟ شخبار البيبيات ...

مبروك للي دخلوا السابع وللي عرفوا جنس الجنين ... والله يتمم لكم على خير ...

اني الحمدلله صرت احسن من قبل وبكرة عندي تحليل ابوال تكرمون ... وان شاء الله يقولون لي انه راح عني كلش ...

موعدي الاخير ... دمي كان ناقص فعطوني حديد دبل ... وسووا لي التراساوند بس ما قالوا شنو فيني ... بس اني مجيكة مرتين من قبل يعني رايحة بس جذي ....

وخلصت اغراض العيد من زماااان باقي عطر ... اليوم باشتريه ... وبكرة بروح الصالون ... حق حفاف وبديكير ومانكير ...
في خاطري اتحنى بعد ... بقرر بعدين ...

وبث
شيؤؤؤخية
02/11/2011, 04:00 PM
ام علي

طمنينا عنج عسى حرمة وعرفتي جنس البيبي


ام رواضي

الله يبارك فيج يالغلا ان شاء الله امين



قلب انثى
الله يبارك فيج يارب

حظج خلصتي اغراضج افتكيتي والله
.. أمــ عــلــيــ ..
02/11/2011, 05:01 PM
السلام عليكم ..

بآآآك .. بعد أكبر دوووخه ههههههههه :-#

للأسف رحت لهم وصار طبيب .. وجددت الموعـد ليوم السبت ان شاءالله علشان تكون الطبيبة موجودة ..

يالله كل تأخيره و فيها خيرة ان شاءالله ..

:)
القيوانيه
02/11/2011, 08:22 PM
مساء الخير كروشات شخباركم ؟وشخبار البيبيات ؟ اسمحوولي من زمان مادخلت بس صدق مشغووله بسية امتحانات ولدي وتجهيزات العيد ،بنات أنا وأيد تعبانه من ظهري دؤوم أيعورني والمشكلة انه موول ما أشرب حليب إلا في الننسكافيه وحتى الروب ما أطيقه شؤوو اسوي ساعات من كثر الويع آتم أضييييح.وعندي نفس الوسواس أختي شيوخيه داايما أاوسوس اين بربي في السابع أو الثامن لأنه بولدي ربيت في الثامن
(عروس بلادي)
03/11/2011, 08:54 AM
صباح الخير
شخباركم كروشات
كل عام ونتم بخير مقدما
شخبار كرشتكم وبيبياتكم
خبرونا وين وصلتو بالتجهيزات
وبخصوص بنات البحرين ياريت تخبونا وين الأماكن الي جهزتون منها
حتى نستفيد
شيؤؤؤخية
03/11/2011, 09:45 AM
صباح الخير كرووووووشات


شخباركن انا طبعا لحد الحين موووووووول ما جهزت شي لا للعيد ولا لولدي ولا للبيبي ههههه


بروح اليوم عندي موعد الصالون عشان اسوي حلاوى وبدكير

وعقب اذا مداني الوقت بخذ اغراض لولدي ولي ولام ريلي وامي وبرد لان ابا الجمعة اتحناء واحف ويهي

ويوم السبت ان شاء الله بصوم عشان كذا ابا اخلص وبيبقى بس ترتيب البيت بخليه السبت وان شاء الله خير



اختي القيوانية

ترى هذا الوسواس من تجربه يعني صار لنا وربينا بالثامن عشان كذا خايفين

انا بعد زادتني دكتورة بعياده خاصه اونه انتي بنية جسمج ضعيفة وما تتحمل جنين وزنه كيلوين

من يقرب من الكيلوين بتربين قلت لها شو اسوي قالت كوني مستعده من الثامن للربى

فالحين دوووومي اوسوس حتى ريلي يقول لي بتربين بالثامن

بس كله عند الله محد يدري يمكن هالمرة اتاخر بس ما اتمنى الصراحه
كفوف الحنية
03/11/2011, 04:57 PM
سلام كروشات شخباركم..

بخصوص التجهيزات رحت فصلت مفرش واحد وبيجهز بعد شهر وشوي وانشاءالله بعد اروح افصل المفرش الثاني قريب عشان افتك..
وأنتون كروشات فصلتون مفارش لو للحين وفي وين؟
.. أمــ عــلــيــ ..
03/11/2011, 09:28 PM
السلام عليكم ..

كيف حالكن يا بطـّـات ؟ :)

هاه اخبار اشكالكم بلبس العيد ؟ :02:

القيوانية ..

بالعكس المفروض هالشهر تحرصين اكثر على تغذيتــك .. ما يصير تهملين الكالسيوم .. أتذكر خالتي اهملت الحليب ومشتقاته بحملها وولدها تعب اول ما انولد .. والحين عظامهم ليـّـنة عيالها .. انتبهي الله يستر عليك ..

النسكافيه كله كافيين ..تأثر على الجنين وعلى نفسيته واعصابه .. اشربي الحليب ساده افيد لك .. الجبنة السايله ركزي عليها .. الزبادي حطيه مثلاً مع الرز .. يعني فيه طرق كثيرة تساعدك ..

:)
القيوانيه
04/11/2011, 09:26 AM
صباح الخير كروشات شخباركم ؟وشخبار البيبيات فديتهم.؟
أم علي : ان شاء الله بحاول أشرب ولو أني ما أطيقه بش عشان البيبي لازم نتحمل
شيوخيه : هي صح نحن عشان مربين في الثامن جدا أنوسوس بس الحمدلله في بنتي الثانيه يبتها أول يومين من التاسع وان شاء الله هذا بعد أييبه بداية التاسع
كلاسيكية ذوق
04/11/2011, 02:15 PM
مرحباا كروشات

انا من تجمع حوامل يناير-2012

حبيت ازوركم واجوف ششسويتوا وشما سويتوا وططلعتواا خايبين مووول هههههه

يللة الله يهون عليكم انشالله وحياكم اقلطوا عندنا لتجمع يمكن تستفيدون
.. أمــ عــلــيــ ..
04/11/2011, 02:33 PM
السلام عليكم ..

كيف حالكن اليوم ؟

:)

كلاسيكية ذوق .. هههههههههه :085: زين اللي طلع معنا التجمع الثاني ولا كان للحين خايسين بتجمعنا الأول .. ترى الحين احنا مسوين انجاااااااز :085:

اخباركم يا بنات مع آلام الظهر و البطن ؟

انصحكم بحركة مفيدة جداً و مريحة .. اذا انسدحتي على جنب بتريحين ظهرك .. علشان تضمنين تريحين الحوض بعد حطي بين الركبتين مخده صغيره .. بكذا تحافضين على وضع الحوض .. و الظهر .. ويخفف الآلام .. جربوووها .. والله مريحة ..

:)
om lucas
04/11/2011, 09:03 PM
كيفكم كروووشات؟



هذا الموضوع من مجهود احد الاخوات من منتدى ثاني الله يجزاها خير من مجهودها وتعبها وللآمانه انا ناقلته منها
لاني بجد بجد استفدت كثييييييييييييير وما حبيت احصر الاستفاده لنفسي قلت اخليكم تستفيدو معايه




اليوم بأقول لكم عن أشياء ونصائح أستغرب أن الطبيبات ما عادوا ينصحون فيها مع أنها مهمة جداً للحامل.. والمفروض أنها أساسية..


وفي الخارج عندهم هالنصائح ضرورية لكل حامل..




لكن للأسف الطبيبات عندنا يا دوب تدخلين ياخذون وزنك.. والضغط ونبض البيبي.. ويصرفون لك حديد.. ومع السلااااااااااااااامة...


ما فيه توجيه ولا نصائح.. إلا ما رحم ربي.. أو إذا طلبتي وألحيتي..




النصائح اللي بأقولها هي:


1) النصيحة الأولى:







احرصي على التعرض لأشعة الشمس منذ الشهر السادس..
يعني عالأقل كل يوم نص ساعة تجلسين بالحوش.. أو تمشين..
لأن جسمك محتاج يصنع ويخزن فيتامين د..
اللي ما يتم تصنيعه إلا بالتعرض للشمس سبحان الله
لذلك نلاحظ كثير مواليد عندنا في السعودية ينولدون وعندهم زيادة الصفار أو ما نسميه شعبياً "أبوصفار" وهو نقص فيتامين د في جسم الطفل..
مما يؤدي لاصفرار بشرته ولون عينيه.. وقد يكون خفيفاً في بعض الأحيان بينما قد يصل لمراحل خطرة على الطفل في أحيان أخرى مما يؤثر على كبده..
أيضاً التعرض للشمس يزيد قوة عظامك ويجنبك بإذن الله هشاشة العظام التي قد تتعرضين لها أثناء الحمل..


لذلك نلاحظ الكثير من الحوامل تشكو من ألم الحوض أو الورك أو الفخذ أو الظهر.. لأن نسبة الكالسيوم تقل في العظام وكذلك فيتامين د بسبب أن الجنين يحاول أخذ ما يحتاجه من جسد الأم..


كما أن الشمس في نفس الوقت تزيد قوة عظام طفلك.. وبالتالي قوته البدنية بشكل عام بإذن الله..
فاحرصي على الشمس..



2) النصيحة الثانية:







ضروري تمشين في الهواء الطلق عدة مرات بالأسبوع...
وتمارسين تمارين تنفس بالهواء الطلق..
عالأقل في الأشهر الثلاثة الأخيرة..
عشان تشمين الهواء النظيف وتعبين جسمك أكسجين.. وتمتلي عضلاتك بالأكسجين..


لأن جسمك بيحتاج طاقة كبيرة أثناء الولادة.. والأكسجين يساعد على حرق الطاقة أثناء عملية الولادة..
ممكن تقولين بالله عليك وين نروح نمشي فالرياض؟



صدقيني تقدرين تدبرين نفسك..
ممكن بالسطح.. أو بالحوش.. أو في حديقة..
أهم شي.. اطلعي من جدران الاسمنت.. والأسواق والمولات..


إذا ولدتي وجسمك ما فيه كفاية أكسجين.. راح تعانين من:


1)صعوبة في الطلق وفي الدفع لأن طاقتك قليلة وضعيفة جداً.


2) صعوبة في تمدد عضلات الرحم لأنها مشدودة وما فيها أكسجين وبالتالي تحتاجين لتوسيع جراحي وخياط، بينما لو كانت مليئة بالأكسجين لتمددت بسهولة ورجعت لوضعها الطبيعي بسرعة دون خياطة ولا تجميل.


3) لو طولت الولادة يزيد احتمال أن يعاني الطفل من نقص الأكسجين والذي يسبب ضرر بدماغ الطفل، ويؤدي لتخلفه العقلي، لأن المشيمة ما كان فيها كثير أكسجين سبحان الله.


4) بعد الولادة تحسين بإرهاق جسمك وأنه مكسسسر وتعبانة عالآخر.. وعضلات جسمك تبقى مشدودة جداً. وبالتالي تطول مدة نقاهتك.. لأن العضلات استنفذت كل مخزونها من الأكسجين وزيادة فانشددددت عالأخير..


5) أنتي نفسك بتعانين من الألم أثناء الولادة أكثر وأكثر.. لأن الأكسجين القليل يزيد شعورك بالألم والاختناق.. وتزداد معاناتك بالتالي.


6) يزداد احتمال اصابتك بالجلطة بعد الولادة لاسمح الله، لأن الدم مؤكسد وبالتالي أثقل وزناً وأكثر عرضة للتجلط في الأوردة والشرايين.


هذا غير أثر نقص الأكسجين على الطفل وصحته بشكل عام سبحان الله..


ومعروف أن أهم أعراض نقص الأكسجين لأي إنسان هي:
الخمول والكسل والإرهاق والتعب وهي أعراض نعاني منها جميعاً
ونلاحظ أن الشعوب الأخرى لا تعاني منها مثلاً في الخارج أو في الهنود والآسيويين..
لماذا؟
لأنهم يستشقون هواء نقياً أكثر..
وبالتالي نسبة الأكسجين في دمهم أعلى.. وعضلاتهم أكثر مرونة وصحة.. سبحان الله.




) النصيحة الثالثة:3


لا تستنفذي طااقتك بالصراااااااخ أثناء الولادة http://i1.makcdn.com/m002/alfrasha/imagesNew/smilies/042.gif


ألاحظ هالجيــل الجديد مررررررررررة مدلع..


والله أول كان يضرب المثل بالمرأة السعودية أنها صبورة وتتحمل وقت الولادة
الحين مااااش
حتى دكتورتي تقول!


تقول والله السعوديات كانوا حبابات أحسن من أي جنسية ثانية بالولادة هههههه لأنهن صبورات وما بيعيطوا..
لكن هالجيل الحالي.. مرررررة دلوعات وصراااااخ وما فيه تحمل..
صدقيني يا بكرية.. ويا ثنو.. (الحامل بالثاني)


الصراخ يستنفذ طاااقتك ويتعبك..


وفوق هذا : يظهرك بمظهر سيئ جدددداً أمام طاقم الولادة


راح تتساءلين ليش ما يحترمونك..؟؟
وليش يعاملونك بقسوة أحياناً.. http://i1.makcdn.com/m002/alfrasha/imagesNew/smilies/043.gif
لأنهم بصراحة طفشوا منك ومن صراخك.. وانفقعت أذانهم..
وهم أولاً وأخيراً بشر..


يعني تخيلي نفسك بالله مكانهم..!
من الصبح للمساء.. كل شوي جايه وحدة تولد..
يعني تعودوا.. لا تقولين المفروض والمفروض..
تبلدوا.. تمر عليهم مئات الحالات..


بالله عليك.. تخيلي زيـــــــــــــن..


لو جتك وحدة صبوووورة ومحترمة تتألم بدموع وهي متحملة.. ويااارب .. ويااااا الله.. ويارحمن ارحمني..


تنظرين لها نفس نظرتك لوحدة من يوم دخلت وهي صرااااااخ وسب وشتم..
ويا "حيوانا.." ويا"×××".. وفضايح وإزعاااااج..؟؟؟؟


لا ويمكن وجايبة معها أمها وخالتها وأختها كنها زفة عروس؟؟


باللـــــــــــــــــه عليك..


ما راح يفرق تعاملك بين الثنتين؟؟


يعني الصبور والمحترم ترحمينه وتقدرينه غصبن عنك سبحان الله والله لو ايـــــــــــــــش..


والله في وحدة من ولاداتي اضطريت أولد في حكومي..
وكان مستواه سيــــــــــــــــــــــئ جددددداً
وكنت أسمع القابلات يصرخوووون على الحريم.. ويهاوشونهم.. ويتطنزون عليهم بالانجليزي.. يعني شي يقهررر!


وأنا مرعووبة.. ما تعودت على كذا.. !!
قلت أنا ما لي مخرج بعد الله.. إلا أني أحترم نفسي وأتعامل معهم بمنتهى الاحترام..!
تماسكت رغم الألم والتعب..
وكنت أسأل القابلة عن اسمها..
وأناديها فيه وأتكلم معها باحترام وبالانجليزي..
(وانا مييييييييييييتة من الألم ربي يعلم)


وكانت تشوفني أصيــــــح بهدوء وبس أون وأدعي ربي..
تجي تمسح دموعي وشعري وتوقف على راسي..
وكل شوي تاركة الحريم وجاية عندي..



لدرجة تأخرت عن دوامها نص ساعة لما تتأكد أن الطبيبة تجي تعمل لي عملية استخراج المشيمة.. لأان الطبيبة اللي ولدتني انتهى دوامها وراحت.. والثانية تأخرت.. (هي قصة طويلة ما لكم في تفاصيلها الآن)


بينما كنت أسمعها في نفس الوقت تعامل الحريم الثانيات بشكل ثاااني خاصة اللي يصرخون بصوت عالي..
تقول لي: هذا سيم سيم بقرة!!!
قلت لها حرااام مساكين.. تعبانين..
تقول: لا هذا كله كذاب.!. شوفي أنتي كيف..
(هي عارفة أن حالتي أسوأ منهم كلهم.. لأن صارت لي مضاعفات وأجروا لي خياط وعملية استخراج مشيمة بدووووون بنج والله ما تتخيلون ألمها كيف)
والله أني ما أعطيتها ولا ريال.. ولا هدية.. ولاااا شي..
بس كنت أشكرها كل شوي..
وتشوفني أدعي ربي.. ودموعي تصب.. وكنت محترمتها طول الوقت..
أدري الوحدة إذا ولدت تقرب تفقد أعصابها وعقلها..
وما تحس باللي تقوله وتسويه..
لكن ولو..


تبين احترام..؟؟
تبين معاملة طيبة؟؟
تبين ربي ينزل عليك رحمة.. ويرحمونك اللي حولك بغرفة الولادة؟؟
وتبين تخزنين طاقتك وتجمعينها لوقت الدفع؟؟
تبين ربي يكتبك سبحانه من الصابرين صبراً جميلاً (صبر بلا شكوى ولا تذمر)؟؟



امسكي أعصابك...
وهدي نفسك..
واذكري الله والجئي إليه..
ومارسي تمارين التنفس..
لأنها راح تريحك وتخفف الألم وتمد جسمك بالأكسجين..


عكس الصرااااخ..
اللي يتعبك ويهد حيلك.. ويخرب أجرك..
ويضايق اللي حولك..
ويستنفذ الأكسجين في جسمك.. فتنشد العضلات وبالتالي يصعب خروج الطفل...


ومع هذا أدري أن فيه حريم رائعات ومحترمات وأدب وذوق.. ومع هذا عاشوا تجارب قاسية ومؤلمة للأسف..


لكن أقول أن تماسكك يجعل التعامل معك أفضل.. وتجعل معاناتك أقل بإذن الله..


4) النصيحة الرابعة (الأهم):








احرصي على وضع خطة مسبقة للولادة


الكثير من الحوامل للأسف تراجع في مستوصف أو مستشفى مثلاً.. لكنها لم تضع في اعتبارها أين ستلد.. وتؤجل ذلك للشهر الأخير..
((وكأنها تضمن أنها لن تلد مبكراً لأي ظرف طارئ لاسمح الله!!))..



ولاحظت الكثير من قصص الأمهات اللاتي فقدن أطفالهن..
وكان من الواضح بصراحة أن للأم دوراً في وفاة جنينها (وكله بقضاء الله وقدره) في كثيييير من الحالات.. لأنها لم تخطط أين ستذهب.. لو جاءتها ولادة مبكرة؟؟


وبالتالي تعاني هي وزوجها من التوتر والتخبط والفوضى وقت الولادة مما قد يسبب وفاة الجنين


يجب أن تضعي في اعتبارك مستشفى مجهز بالحاضنات.. للأطفال الخدج..





وهل هو حكومي؟ أم أهلي؟


إذا كان أهلي فهل لدي تأمين طبي؟ وهل يغطي تكلفة الحاضنات؟
لان بعض التأمين لا يغطي سوى مبلغ مثلاً 200 ألف أو 500 ألف..
وتكلفة الحاضنة لليوم الواحد 6 آلاف ريال وتصل ل10 في بعض المستشفيات.. أي أن التأمين لا يغطي التكلفة سوى لـشهر ونصف فقط..


فأضع في اعتباري.. أني لو واجهت ولادة طارئة مبكرة..
أن أذهب لمستشفى حكومي مجهز بالحاضنات..


(وليس مثل بعض من أعرف ولدت في مشتشفى أهلي واستنفذوا التأمين.. ثم عانت كثيراً واستلف زوجها من جميع أقاربه ليسدد ثمن الحاضنات بل وأصبح يطلب الإعانة من البعيد قبل القريب رحم الله حالهم، وفي النهاية توفي الطفل اسأل الله أن يشفعهم فيه)


أيضاً..
ما هي رغبتي في الولادة؟ هل أريد أن أصبر حتى ألد طبيعي؟ أم لا أريد المغامرة وأريد أن ألد قيصري مباشرة؟


هل أريد توسعة؟ خياطة تجميل؟ أم أن يصبروا علي ولا يجروا توسعة ولا خياطة..


هل أريد مسكن ألم؟ هل أريد ابرة ظهر؟ وكم تكلفتها؟






هل أرغب باستخدام الكمام؟ أم أني لا أريده تماماً؟


هل أسمح بالطلق الصناعي؟ أم أرفض أن يعطوني إياه إلا بإذن مني؟


هل أقبل أن يولدني رجل؟ أم أني أحرص على ألا تكشف عورتي إلا امرأة؟


هل أريد أن يسمحوا لزوجي بالحضور؟


هل أفضّل أن تقوم الممرضة أو القابلة بعمل مساج خفيف لظهري أثناء الطلق؟ أن أني لا أحب أن يلمسني أحد أثناء الطلق؟




هل أحرص على ألا يعطوا طفلي حلبياً صناعياً في الحاضنة كي لا يتعود؟ فأنا أود رضاعته بشكل طبيعي..أم العكس؟


يجب أن تناقشي طبيبتك التي ستولدك في المستشفى الذي قررتي الولادة فيه بكل هذه التفاصيل..



بحيث تسجلها في ملفك لوقت الولادة


شخصياً.. أنا أطلب ملفاً يسمى "خطة الولادة" في كل مرة..
وأقوم بتعبئته وتوقيعه..
((وللأسف الطبيبات ما يعلمونا عنه إلا لمن نسأل عنه!! هو زي الاستبيان تعبينه وموجود بأغلب المستشفيات الخاصة.. وبعض الحكومي، وحتى لو ما عندهم سجلي رغباتك بالملف))


وألد وأنا مطمئنة أن كل شي تم كما خططت له بإذن الله..
ويمكنك تغيير رأيك في وقت الولادة لو أردتي..


حتى لو حضرت طبيبة غير طبيبتي تفتح الملف وتقرأ كل ما أريده..


للأسف يا بنات والله ألاحظ كثير من مشاكل الولادة سببها أن المرأة تروح وقت الولادة وتتفاجأ بأشياء كثيرة..!
تتفاجأ باللي بيولدها.. أو بطريقة التوليد..
وبأنهم يعملون أشياء ما طلبتها.. وبعدين تتندم وتجي تتشكى..
عملوا لي تضويق وأنا ما طلبت.. ما عملوا لي خياطة تجميلية..
أعطوني صناعي ما شاوروني..


أو أن المستشفى ما عندهم حاضنات.. ويموت طفلها لا سمح الله.. أو يتعب..


قرري بالصبط أي مستشفى راح تروحين له وقت الولادة..


ولا تضيعين وقتك ساعة الولادة.. تروحين يمين ويسار..
قال مستوصف.. قال مستشفى أقرب..!!
يمكن تروحين لواحد أقرب وأنتي ما تدرين ما يطلع عندهم حاضنات للخدج..
وتعانين وتضحين بحياة طفلك..






واسألي عن مستوى أطباء الأطفال في المستشفى وعن إمكاناتهم..
لأن حياة طفلك بتكون بين ايدينهم بعد الله سبحانه..
لو - لاقدر الله- طلع الطفل فيه تشوه أو مختنق أو حالة طارئة.. ممكن بسرعة يتصرفون أو يعملون عملية..
مو يقولون لك خذي البيبي وتصرفي فيه محنا عارفين له..
أو خلوه يموت هنا.. صعب تنقلونه.. وصعب نعمل له شي..!! لا سمح الله
كثير حصل لهم كذا.. أعرفهم..
فانتبهي وخلك حريصة على هالجانب.. ولا يغرك مجرد الكماليات ومظهر المستشفى..


((زي فيه مستشفى معروف عندنا في الرياض مثلاً مستوى ولادتهم حلو وغرفهم كشخة.. لكن أطباء الأطفال عندهم في مستوى الضعف.. ونسبة وفيات المواليد عندهم مرتفعة وسمعت أنها الأعلى في الرياض..))








أيضاً حلو تروحين وتشوفين غرفة الولادة في المستشفى اللي قررتي تولدين فيه..وتعرفين كيف طريقتهم..
حتى نفسياً أفضل لك..
إذا جيتي تولدين ما تحسين أنك تدخلين مكان غريب أول مرة تشوفينه..
وبالمرة اعرفي نظامهم كيف.. هل غرفة الطلق منفصلة عن الولادة..؟


وهل غرفة الولادة عبارة عن أكشاك أم غرفة مستقلة لكل سيدة؟


واسألي الاستعلامات أو خدمات المرضى..


خليهم يورونك غرف التنويم.. وايش راح يوفرون لك من خدمات وما يوفرون..
هل يوفرون ملابس وغيارات للبيبي.. وإلا لا؟
هل يوفرون لك فوط صحية؟ معجون أسنان وصابون وغيره.. وإلا لا؟..
لاااا تستحين اسألي عن كلللل شي عشان ما تتورطين بعدين..
ومن الجميل تشوفين مستوى تدفئة الغرف..
لأن المستشفيات الخاصة الراقية أكثرها نظام تدفئة .. ما يحتاج تاخذين ملابس ثقيلة.. وإلا بتتعبين..
والعكس.. بعض المستشفيات الصغيرة باردة ومتعبة ولازم تاخذين ملابس دافية..




***************


والله يا بنات اني ما نصحت هالنصيحة إلا بعد ما تقطع قلبي من القصص اللي أقراها


وأشوف اللي تلخبطت وقت الولادة وصارت تدور بين المستشفيات.. مهي عارفة وين تروح..
واللي ولدت وطلع المستشفى ما فيه حاضنات ومات البيبي..


واللي طلعوها وهي تولد وولدت بالسيارة..


واللي عذبوها وما رضوا يقبلونها وهي تطلق..


كل هذا بسبب سووووء التخطيـــــــــــــــــــ ـــــ ـط


للأسف لأننا في العالم العربي نااادراً ما نخطط..



ولا نضع في اعتبارنا كيف نتصرف في حالات الطواريء قبل حدوثها




لكن قبل هذا وبعده هناك قضاء الله وقدره..
ومهما فعل الإنسان فالله يقضي ما هو قاض..
لكن علينا أن نأخذ بالأسباب حتى لا نلوم أنفسنا ونشعر بالتقصير


منقوووووول للامانه
ايو صح نسيت اقلكم ان صاحبة الموضوع فشهرها الاخير وتطلب انكم تدعولها


وتدعولي انا كمان ربي يتمم حملي على خير ويرزقني الولاده السهله http://m002.maktoob.com/alfrasha/up/10417326621624942419.gif
.. أمــ عــلــيــ ..
05/11/2011, 03:55 PM
8
8
نصائح مهمـّـة جداً .. مشكووورة والله يسهّـل عليك ويقومك بالسلامة ..

:)
وِد
05/11/2011, 05:03 PM
السلام عليكم ,, كيف حالكم كروشات ,,, ان انشغلت وايد رحت السعودية وبعدها طلعنا الكويت وحاليا انا بالكويت ,, عشان جذي انشغلت عنكم ,,

تعبانه شوي بس تغيير جو صراحه مفيده صحيا لي وللجنين ,, واذا تامرون على شي خبروني

يلا سي يو
شيؤؤؤخية
05/11/2011, 09:04 PM
كل عام وانتن بخير ياكروشات


شخباركن سوري انشغلت امس يلست اخلص اغراضي واغراض ولدي وام ريلي

والخدم


وتحنيت الحمدلله من كم عيد ما تحنيت




بنات حد صام اليوم وقفت عرفة ؟


انا صمت وااااااااااااااايد تعبت حتى تميت اصلي يالسه تشنج بطني

وتم راسي يدور واذنيني مسكرات

ريلي يالس ع راسي فطري فطري وانا اصيح من التعب واقول له لا

مول ما قدرت اوقف كله مدوخه


يمكن لاني من الغداء موووووووول ما كليت شي وصمت على يوع واول ما فطرت تميت اكل تمر

قلت يمكن السكر نزل او الضغط نزل ما عرفت وما ماخذه حبوب الحديد البارحه



بس اجر الحمدلله يوم كملت ع خير
سـكـر
05/11/2011, 10:56 PM
سلام
شخباركم؟


http://www.iraqna1.com/vb/imgcache2/29667.gif
فاطمة النوراء
06/11/2011, 03:02 AM
كــــــــــــــــــــــــ ـل عــــــــــــــــــــام وأنـــتـــــــــــــــــن والبـــيبيـــــــــــــات بخـــــــــــــــــــيـــ ـــــر
.. أمــ عــلــيــ ..
06/11/2011, 06:31 AM
السلام عليكم ..

كل عام وانتم بخير .. والله يجعلنا واياكم من المقبولين ويرحمنا برحمته والمسلمين اجمعين ..

ياااابنات .. دعوااااتكم ان ربي يرزقني ويسهل لي الروحه لمستشفى خاص على مستوى ويستاهل الفلوس اللي ياكلها .. والله تعبت من الحكومي والمستشفيات الخاصة اللي مشـّي حالك .. انظمــه أزفت من الزفت ..

يحددون لي موعد بالعيادة .. واذا رحت لهم قالوا لي الطبيبة في اجازة ... !!! تخيلوا القهــر .. صباح يوم عرفة .. وانا صايمه بالوضع هذا .. ورحت الساعه 9 .. وبالاخير يقولون بكل برود : الطبيبة باجازه ...... !!! وسألت عن الطبيبة الثانية قالوا لي : استقالت .. !! آآآآآآآخ يالقهر .. والله لو انا مانيب صايمه كان وريتــهم كيف اسفل فيهم .. بس احتراماً لهاليوم العظيم .. وحرصاً على صيامي قلت خليني ساكته أزين ... :'( .. ياابنات .. والله منغبنه الى الحين .. وقلت لهم خلاص جددوا لي الموعد مرة ثانية .. تدرون متى ؟؟؟؟ عقب عشرين يووووووم .. !!! يعني بصير انتصفت في الشهر السابع وانا مادري اللي ببطني بنت ولا ولد .. وكيف وضعه .. وكيف دمـّـي وهل عندي شي ولا لا ......... !!!!!!!!!

واتصلت على مستشفى خاص اسأل عن الاسعار و كذا .. وقالوا لي : الطبيبة موجودة .. بس متخصص السونار حاج ....... !!! والمستوصف الثاني تلفونهم يا اما مشغول ولا ما يردون .... !!!!


بالله ويـــــــــــن اروح انا واللي مثل وضعي ؟؟؟ طيب لو جاتهم حالة طارئه .. وش بيقولون لها ؟؟؟؟

ما اقوووول الا ياااارب تفرجه وتسهل علينا ..

:'(
قلب انثى
06/11/2011, 03:40 PM
كل عام وانتوا بالف خير كروشات .... والله يعودنا مع بيبياتنا في حال احسن من هالحال ....
شيؤؤؤخية
06/11/2011, 11:31 PM
مرحبا عيدكن امبارك جميعااااااااااااا


شخباركن وشخبار العيد وياكن


بنات بغيت اسالكن حد يصير له مثلي :؟؟؟

يوم اكون تعبانه واروح انام ريلي اليمين عظمها يعورني وتم ترتجف ريلي واحسها تثقل

وتعورني من تحت الركبه هل هذا له علاقة بنقص حديد او كالسيوم ؟؟



ام علي :
الله يعينج يارب اسالي حد من اهلج وين افضل مستشفي عشان تستقرين خلاص مقربين ما باقي شيء
سـكـر
07/11/2011, 12:55 AM
ام علي الله يساعدكم
احنا بالبحرين عيادات حامل واااااااااااجد
والحمل لله من بداية حملي اتابع في الخاص والحكومي
الخاص موعد كل شهر من اكمل من الالتراسوند وكل شي تعطيني موعد وراه مباشره
شيؤؤؤخية
07/11/2011, 08:31 PM
مساااااااااااااء الخيراااااااااااااااااااا ت ياااااااحلواااااااااااااا ااااااااااات


شخباركن شخبار البيبي


انا اليوم الحمدلله حسيت بالعيد

طلعت من الساعة 11 لحد 2 اسلم ورديت بدلت انا ولدي وطلعنا من الساعة تقريبا 5

لحد الساعه 8


والحين رداه البيت ورقد ولدي واحس بتعب بس مرتاحه يوم سلمت على اهلي واهل ريلي

قلت بشوف قروبي بس شكلكم كلكم مشغوليين


يالله بااااااااااااااااااااي بروح اتعشاء وبرقد احس مدوخه
.. أمــ عــلــيــ ..
08/11/2011, 03:52 PM
السلام عليكم ..

كل عام وانتن بخير ..

وش اخباركم مع العيــد ؟..!!

:)

أمس كلـّـه جالسه على حيلي .. طلعنا وتجمعنا عند جدتي .. والجو كان بآآآآآرد .. بس الحمدلله .. شبـّـينا الضوء .. وبدينا الشوي :adore: يوم رجعـت البيت بس ادور فراشي .. والله يا ألم بظهري فضيـــع اجتمع علي برد وجلسة طوووول الوقت .. بس اشوى الحين خف شوي .. الله يعدي هالايام على خير ويسهل علينا ..

الا بنات بأي اسبوع نخلص السادس وندخل السابع ؟؟

:)
سـكـر
09/11/2011, 12:11 AM
الا بنات بأي اسبوع نخلص السادس وندخل السابع ؟؟

:)
الاسبوع 27
loo0lla
09/11/2011, 05:32 PM
بنات ابي اسوي 3D عند فهيمه لمطوع ابي اعرف من اي اسبوع اسوي حاليا في الاسبوع 27 اروح الحين وله انتظر؟!!
قلب انثى
09/11/2011, 06:30 PM
مررررررحبا ...
شخباركم ؟ ان شاء الله مستانسين بالعيد ويا الثقل ...
اني كله عند البحر قاطة روحي خخخخخ ما صدقنا الجو يصير حليو شوي ...

لوولا ... اهي تسوي 3D في السابع ... انطري جم يوم وروحي .... وان شاء الله تتطمنين ...

سكر .. شخبار الالتهاب خف عليش ؟

والله يسهل علينا وعليكم يارب ...
سـكـر
09/11/2011, 07:12 PM
سكر .. شخبار الالتهاب خف عليش ؟
تصدقين مارحت اخذ النتيجة من المستشفى :o
يصير اروح لها العصر لو الليل؟ لان زوجي مايرجع من الشغل الا 2 الظهر :confused:

تميت اخذ الحبوب الي وصفوه ليي واشرب ماي بكثره
واشووف الالم الي تحت بطني وااجد خف الحمد لله :)
فاطمة النوراء
09/11/2011, 07:53 PM
مررررحبا بنات
كل عام وانتوو باااالف خير مرة ثانية والله يعودها علينا السنة الجاية والنونوات عندنا ... استانسنا بالعيد شوي رغم التعب بس ماطلعنا غير المطاعم وللاهل بس لان الجو باادر ويمرض اهم شي غيرنا جو

بنات البحرين بسأألكم ؟؟ في وحده منكم بتولد بمستشفى خاص وأي مستشفى ؟؟
.. أمــ عــلــيــ ..
10/11/2011, 03:50 PM
السلام عليكم

كيف حالكن اليوم ؟

لا جديد عندي .. ابنتظر ان شاءالله يوم السبت نتفاهم مع هالمستشفى الخايس .. ولو ما فيه فايدة بروح لخاص وأمري لله ..

:-#
سـكـر
11/11/2011, 12:19 AM
اليوم دخلت الشهر السادس

عقبال التاسع

:027:
.. أمــ عــلــيــ ..
11/11/2011, 02:48 PM
سكر .. ماشاءالله .. الله يتمّم عليك وعلينا وينقوم بالسلامة يااااارب ..

:)
شيؤؤؤخية
11/11/2011, 04:22 PM
مساء الخير

شخباركن انا رحت موعدي امس وحصلو الدم وااايد ناقص عندي وانا ع بالي بس الحديد

وقالو لي اذا نزلت عندي التهابات او دم وا افرازات بحكه او بريحه لازم اي المستشفي


لان الدكتورة قرت ملفي اني مربي بالثامن فقالت كوني مستعده ويوم قاست بطني

قالت البيبي صغير


بس ان شاء الله خير
قلب انثى
11/11/2011, 06:54 PM
مساء الخير كروشات ... شلونكم ؟
جمعة مباركة عليكم ..

سكر .. اني توني امس رايحة المركز حق النتيجة في الليل وقالت لي انه عينة البول ملوثة ولازم اعيدها ... بس اني الحمدلله مشيت على المضاد وشربت ماي وسواىل واتبعت الي قالته لي الدكتورة ... والحمدلله رب العالمين ...

بسالكم المراضع احسن شي زجاج والا بلاستيك ؟
سـكـر
11/11/2011, 08:19 PM
سكر .. ماشاءالله .. الله يتمّم عليك وعلينا وينقوم بالسلامة يااااارب ..

:)
ان شاء الله جميع :adore:




سكر .. اني توني امس رايحة المركز حق النتيجة في الليل وقالت لي انه عينة البول ملوثة ولازم اعيدها ... بس اني الحمدلله مشيت على المضاد وشربت ماي وسواىل واتبعت الي قالته لي الدكتورة ... والحمدلله رب العالمين ...

بسالكم المراضع احسن شي زجاج والا بلاستيك ؟
يصير اخذ النتيجة من المركز؟
ويعني شنو العينه ملونة؟ :-#

المراضع الزجاج احسن خاصه الى الاطفال اول مايولدونهم :thumbs_up: ==> خبرة :lol:
شيؤؤؤخية
12/11/2011, 12:32 PM
مرحبااااااااااااا كروشات

شخباركن شو اخبار البيبي

عطوكم جدول لمراقبة حركة الجنين عطوني بس ما بديت عيازه هههه



شخبار تجهيزاتكن ولا بعدكن ما جهزتن شي ؟؟؟؟؟


انا بعد صايره من التعب كسلانه وريلي عنده امتحانات منتصف من ايخلص ان شاء الله بروح اخذ

لاني من ادخل الثامن بكون على استعداد في اي يوم هذا كلام الدكتورة بس الله اعلم
.. أمــ عــلــيــ ..
12/11/2011, 01:21 PM
السلام عليكم ..

كيف حالكم ؟

شيوخية ..

الله يعينك ويسهل عليك وان شاءالله ما تشوفين شي من اللي قالوا لك وتولدين بالتاسع .. واذا على حجم الجنين ولدي علي وانا بغرفة الولادة انصدموا يقولون بيبي صغير .. بس الحمدلله .. الحين رجال ههههههههه :)

المراضع احسن شي الزجاجيات خاصة للمواليد الجدد .. واذا بدأ الطفل يتحرك ينقلب ويحبي اعطيه بلاستيك علشان ما تنكسر بيده ..

التجهيزات ما فكرت فيها للحين .. ان شاءالله بحاول اشوف لي يوم وابدأ أجهـّـز لو بعض الاشياء ..

يا بنات لا تنسون أول شي تجهزونه شنطة المستشفى اللي بتاخذينها معك وقت الولادة .. مهمـّـه جداً ..

:)
فاطمة النوراء
12/11/2011, 03:23 PM
مرحبا بنات شخباركم ؟؟

شيوخة>> لاتحاتين ان شالله مابيصير الا الخير بس انتي لاتفكرين وان شالله تقومين بالسلامة

قلب انثى >> ماتشوفين شر نفس حالتي تقريبا الله يكون بالعون

بنات بسألكم الالتهاب يضر الجنين او يؤثر عليه ولا ماله دخل ؟؟؟؟؟؟

لان الالتهاب شكله مطول وياي وخايفة يؤثر .. الله كريم
ام فطومة الحلوة
12/11/2011, 08:41 PM
مساء الخير حواامل

ضموني وياكم في التجمع موعد الولادة باذن الله 12/2/2012 على حساب الدورة

دعواتكم لي بكرة تطلع نتيجة السكر ( ترى عندي سكر بس مو منتظم )
تعبت اكابر
12/11/2011, 09:36 PM
مرحبا كروشااااااات

كل عام وانتو بخير >>> ولو يت متاخره شوي

ادري من زمان ما دخلت سوري ..

انا بعد يبالي اسير اسوي تحليل دم من زمان ما رحت اتخيلووووووو
يوم سرت اتحنى حق العيد اغمى علي ف الصالون والتمو الناس وحاله !!!!!!!!

ما تسوى علي هالحنه ! مع اني ف اول حملي ما اغمى علي عاد الحين بدت الحركات هههههههههههههه


ام فطومه .. يا هلا فيج ف تجمعنا وان شاء الله تروحين وما يكون فيج لا سكري ولا غيره ..

شييوووووووخه ان شاء الله ولدج ما يخون ويكمل التاسع مع اصدقاءه الي ف التجمع

وحبايبي الباجييييييين .. الله يسهل علينا كلنا
قلب انثى
12/11/2011, 10:40 PM
شلونكم ...

سكر ... عينة البول ملوثة يعني فيها بكتيريا ... لانه لها طريقة خاصة حق المزرعة ما ادري اذا قالت لش عنها الدكتورة شلون تسوينها والا لا ...

فاطمة النوراء ... الله يخفف عنش يارب ... والله اني ناس قالوا ليي انه ياثر وناس قالوا عادي انه يصيد كل الحوامل ... اني راح عني واليوم احس شوي بعوار لاني خففت الماي ... شربي كثر ما تقدرين من الماي حتى لو الجو برد وبخف عنش ... ابتعدي عن الحوامض والفلفل واصلي على الماي والحليب واللبن ... وان شاء الله بتصيرين تمام ...

وبس ...
سـكـر
13/11/2011, 12:07 AM
بنات بسألكم الالتهاب يضر الجنين او يؤثر عليه ولا ماله دخل ؟؟؟؟؟؟

لان الالتهاب شكله مطول وياي وخايفة يؤثر .. الله كريم

يسبب ولادة مبكرة لا سمح الله :sick:





سكر ... عينة البول ملوثة يعني فيها بكتيريا ... لانه لها طريقة خاصة حق المزرعة ما ادري اذا قالت لش عنها الدكتورة شلون تسوينها والا لا ...


وقت ما كان فيش التهاب تحسين بألم اسفل البطن؟ وعقب ماراح عنش حسيتين الالم اختفى؟
ايام ماكان فيني كل الم في بطني واذا ادخل الحمام يزيد :sick: والحين الحمد لله خف
اقول يمكن راح عني الالتهاب
موعدي في المستشفى عقب اسبوع تقريبا او اسبوعين بروح وبشوفهم شقولون :(
.. أمــ عــلــيــ ..
13/11/2011, 09:08 AM
السلام عليكم ..

صباح الخير ع الجميع ..

ام فطومة الحلوة ..

اهلاً و سهلاً فيك .. نورتي التجمـّـع ..

الالتهابات ممكن تسبب ولادة مبكرة .. او ممكن ينمرض الجنين وقت الولادة .. وقد مرة قريت أنه ممكن يجيب للطفل صفار بعد ما ينولد ..
ام فطومة الحلوة
13/11/2011, 10:36 AM
صباح الورد
توني راجعة من الموعد الحمدااه السكر هالمرة زين بس طبعا لازم احاسب لاكلي واحتمال يولدوني قبل الموعد الله يستر

اليوم صرت ٢٧ اسبوع يعني دخلت السابع ولا للحين ؟؟؟
سـكـر
13/11/2011, 01:09 PM
صباح الورد
توني راجعة من الموعد الحمدااه السكر هالمرة زين بس طبعا لازم احاسب لاكلي واحتمال يولدوني قبل الموعد الله يستر

اليوم صرت ٢٧ اسبوع يعني دخلت السابع ولا للحين ؟؟؟
تدخلين السابع من الاسبوع 27 :thumbs_up:
والحمد لله السكر زين وحاسبي للاكل
سواء نشويات او حلويات F:
ام فطومة الحلوة
13/11/2011, 01:34 PM
تسلمين سكر
والله يتمم لنا على خير
وهذاني احاول احاسب بس الرز ما اقدر ما اكله هههههه
OM HOOR
13/11/2011, 02:00 PM
ام فطومه الحلوه
موعد ولادتك نفس موعد ولادتي
رقم مميز
اهتمي بنفسك والرز اكلي بس لازم تقللين
السكري يخوف
الله يحفظك ان شاء الله
قلب انثى
13/11/2011, 10:46 PM
وقت ما كان فيش التهاب تحسين بألم اسفل البطن؟ وعقب ماراح عنش حسيتين الالم اختفى؟
ايام ماكان فيني كل الم في بطني واذا ادخل الحمام يزيد :sick: والحين الحمد لله خف
اقول يمكن راح عني الالتهاب
موعدي في المستشفى عقب اسبوع تقريبا او اسبوعين بروح وبشوفهم شقولون :(

ايه لما كان فيني الالتهاب كان يجيني الم في خاصرتي اليسار واحيانا ينزل تحت ومرات يوصل لظهري ... ولما واصلت على شرب الماي والمضاد راح عني العوار ... كنت حتى ما اقدر انبطح احس بشي مشدود ... حتى لو خف عليش الالم روحي المستشفى تاكدي من الالتهاب موجود والا لا ... لا ناس لين يولدون يكون وياهم ويمكن يضر البيبي ...

بسالكم بنات .... وين محلات giggies في البحرين ؟
.. أمــ عــلــيــ ..
14/11/2011, 12:02 PM
السلام عليكم

كيف حالكم يا بنات ؟

هاه بشروا .. عرفتوا نوع البيبي ولا لأ ؟؟ ولا تبونها مفاجأه ؟؟ :D

قلب انثى ..

ما عندي فكرة ان شاءالله بنات البحرين يفيدونك .. :D

بديتوا تخافون من وقت الولادة ؟؟ :badly: انا كاااااثرة هواجيسي من تالي عقب موضوع قريته لوحده الله يهديها :thumbs_down: كاتبه نصائح فضيعه وكثيرة ..
انا كنت حاطة في بالي انه راح ان شاءالله تصير ولادتي مثل الاولى .. بس من قريت موضوعها وانا متوترة .. والله حتى نومي ما ارتاح فيه :hysterical:

والدكتورة اللي كنت ابيها وقت الولادة استقالت :thumbs_down: مافيه الا وحده نفسها على راس خشمها وما يمدحون خياطتها :thumbs_down: مادري وش بسوي ..!!

الله يعدّي هالمرحلة على خيـــــــــــــر .. ويسهل علينا ونقوووم بالسلامة يااااااااارب .. :(
سـكـر
14/11/2011, 12:58 PM
هاه بشروا .. عرفتوا نوع البيبي ولا لأ ؟؟ ولا تبونها مفاجأه ؟؟ :D
عرفت جنس الجنين يوم كنت 16 اسبوع
نهاية الشهر الرابع :D
سـكـر
14/11/2011, 12:59 PM
ايه لما كان فيني الالتهاب كان يجيني الم في خاصرتي اليسار واحيانا ينزل تحت ومرات يوصل لظهري ... ولما واصلت على شرب الماي والمضاد راح عني العوار ... كنت حتى ما اقدر انبطح احس بشي مشدود ... حتى لو خف عليش الالم روحي المستشفى تاكدي من الالتهاب موجود والا لا ... لا ناس لين يولدون يكون وياهم ويمكن يضر البيبي ...


بروح وعساه خير ان شاء الله :)
OM HOOR
14/11/2011, 01:32 PM
أنا لسى ماعرفت جنس الجنين
نفسي اعرف مافيني صبر للموعد الجاي
ودي اقضي قبل لا أثقل زياده
لأني احس مع المشي الكثير ينزل ثقل تحت ما ادري هو البيبي ولا شو
يمكن اروح المستشفى اقول للدكتوره على اللي يصير معي
وفرصه عشان اعرف جنس الجنين
اأم روااضي
14/11/2011, 02:15 PM
مسالخير ع الجميع شواخباركم
شيؤؤؤخية
14/11/2011, 03:01 PM
مرحباااااااااا

شخباركن شو البيبي


انا من يومين منومه بالمستشفي في قسم الولاده

لان ياني طلق وركبو لي اجهزه ومغذيات دبه ورى دبه وصور من تحت ومن بطني

وفحوصات ولبسوني لبس الربى حتى خفت توني بالسابع وانا حاطه في بالي

اربي بالثامن


وماكانوا بيطلعوني بس تميت اصيح ابا ولدي فديته بالبيت لا انا ولا ابوه عنده

بس البشكاره

وام ريلي وهي كبيره ما تعرف له

بس حصلو التهاب بسيط بالبول ودمي 8

قلت لهم ايخصه قالوا يمكن التهاب البول سبب لي الطلق بس النفس مسكره

وبين كل طلقه وطلق 3 دقايق وااااااايد تعبت

عقب ضربوني ابره توقف الطلق وما طاع يوقف الي بالباجر وعطوني ابره عن يصيب البيبي التهاب من الابره

وحبوب ومضادات في مغذي

واليوم موعد بس بان طلق بسيط قالو عادي بس لازم راااااحه وضربوني ابره ثانيه

قالوا لو ربيتي بنحولج مستشفي حكومي لان ما عندنا اجهزه لولاده مبكره مثل حالتج

لاني 28 اسبوع لو كنت 32

اسبوع مب مشكله


بنات الي عندهن التهاب البول ما ايكن الم او حرقان بالبول

انا مول ما عندي حرقان ولا شي بس يوم اليمعه الم في ظهري ويوم السبت بطني بيتقطع

ويبرد وعقب ايرد اقوى من الاول ( عرفته انه طلق ) يوم رحت مسكت الدكتورة الي بالطواري بطني حصلته حصاه

قالت هذا ربى مبين من بطنها حولوني قسم الولاده يومين وانا بالطوارى مال الولاده


بس الحمدلله اليوم احسن بس من اوقف تسمعن نفسي من كيلو

واتعب بسرعه ومن اصلي تستوي لي تقلصات تحت والله حتى اصلي الفرض بس ما اقدر

وعقب ما احس ارتحت ارد اكمل السنه
قالو بيتصلون بي باجر لان نتائج الفحص باجر وبعد اسبوع عندي موعد السكر

هو المفروض اليوم بس قالت الدكتورة لا بعد اسبوع لانج تعبانه
ام فطومة الحلوة
14/11/2011, 03:16 PM
سلامات شيووخة تحملي في روحش

ويارب تمين للتاسع
ام فطومة الحلوة
14/11/2011, 03:26 PM
انا بعد عرفت جنس البيبي من زماان

ام حور الله يتمم لنا علا خير عاد اذا ولدنا في التاريخ
ولادتي الاولى كان التاريح مميز 27/7/2007 عاد هالمرة العلم عند الله

وفعلا يبغي لينا نكمل اغراضنا من وقت لاني كلش ما اقدر افتر اتعب بسرعه الله يعينا
قلب انثى
14/11/2011, 05:03 PM
شيووخة ما تجوفين شر ... الالتهاب مو شرط حرقة في التبول ... اني ما كان فيني حرقة بس كان الم في جنبي اليسار ...

محد يدري وين محلات giggies ؟ بضاعته حلوة ابي اروح اتشرى ...
whitetooth
14/11/2011, 07:19 PM
giglgles تلاقينه في سنتر بوينت البيبي شوب
هو من الماركات اللي عندهم و فعلا اشياه حليوة
شيؤؤؤخية
14/11/2011, 07:57 PM
ام فطومه :
الله يسلمج يالغلا آمين الله يسمع منج بس والله صايره من الوقفه اتعب ومن اليلسه اتعب

الله يعين كيف باقدر اجهز اغراضي ع الاقل اغراض البيبي يمكن ريلي ياخذ لي بكلمه بالتيلفون بس اغراضي

مع ان خاطري انا اروح اجهز للبيبي غير يوم بروحج تختارين


نصيحه جهزو لا تتعبون عقب

انا ابا اروح اخلص نفسي اخاف الطلق ايرد لي مول ما مجهزه شي بس واااايد تعبانه

ان شاء الله بحاول اريح لين ادخل الثامن بتم منسدحه وعقب بروح بخلص اغراضي والبيبي




قلب انثى :

الشر ماييج فديتج بس انا استغربت لان مووووول ما فيني شي فجاة بس

يمكن يوم اليمعه ياني والسبت لانهم قالو خفيف

الله يستر خفيف وسوابي كذا



ماركت giglgles انا بولدي ماخذتنها من بيبي شوب واااايد زينه بس عندكم بالبحرين ما ادري بس هي ماركه من ماركات بيبي شوب



حتى عيوني يعورني ع طوووول يتحارقن وجسمي كله يعورني يمكن من الابار لان ابره طلق في الكتف وابرتين عن التهاب البيبي

في الارداف وعاااااااااااااد كلهن محلول الدووووووواء مووووووت الابره ما احس ابها بس الدوااااااااااا اتم انقز فووووووووووق من الالم

وبالاخص ابره الطلق تم ظهري بيتكسر وابر البيبي كله اردافي واريولي يعورني

وابرة مغذي فوزين واحد مضاد واحد مغذي

وابره فحص دم

الصراااااااحه عبطوني ما اعرف هل الم الي فيني من الابار او من نقص الدم او من الالتهاب او من الم الطلق


بروحي محتاره والله
OM HOOR
15/11/2011, 01:01 AM
شيوخه
سلامتك عورني قلبي عليك
الله يتمم لك على خير وأهم شي صحتك وصحة البيبي
الله يكتب لك اللي فيه الخير
خوفتيني لأني لسى ماجهزت شي
وأكيد كل وحده ودها تقضي للبيبي ملابسهم أحلى شي يشوقون من أحجامهم
شيؤؤؤخية
15/11/2011, 08:09 AM
الله يسلمج يام حور من كل شر

شو نسوي محد يدري متى مكتوب ايربي

بس نصيحه ابدو انا والله خاطري اجهز بس حاليا وقفه ما اقدر

واكيد ريلي مابيخليني امس كنا واقفين عند الموووووول الكبير الي اجهز منه

لي ولولدي الاول بس نزلنا البشكاره اطرش فلوسها وتاخذ لها اغراض ونحن

تمينا بالسيارة من الغرفه ما يخليني اطلع إلا عشان الاكل

ان شاء الله لين اول الشهر بيكون مخلص امتحاناته المنتصف وانا بكون احسن

بروح اجهز بس يمكن اتصل للخياط عشان ايني البيت بخيط لي عباه وبخلي خياط الملابس ايي

بخيط لي ملابس بس محتارة اخيط للبرد ولا عاديات

اخاف اربي قريب ما شل شهري واخاف اربي على موعدي مش عارفه كيف اخذ ؟؟؟؟

يمكن امكس برد ودافي للبيبي بخذ له قطن احسن كامل
سـكـر
15/11/2011, 12:57 PM
شيوخة ماتشوفين شر
OM HOOR
15/11/2011, 12:57 PM
أخذي للبيبي ملابس قطنيه كامله
وأخذي بطانيات ولفات ثقيله وقطنيه عشان على حسب الجو تلفينه بوحده
أو أكثر والداخلي قطني أضمن شي
ام فطومة الحلوة
15/11/2011, 04:08 PM
شخباركم حوامل

الي حوامل اول مرة اخذو راحتكم في كل شي بعد البيبي الاول ماكو راحة مولية خخخخخ
فطوم السنة راحت الروضة واف على قومتها الصبح تدوخني

قلب انثى هالماركة في سنتر بوينت توني شايفتها واغراضهم حلوة تجنن

بنات البحرين ابغي اسال عن الاشعة الي تبين ملامح الجنين والتشوهات اي احسن دكتورة وفي اي شهر يسوونها ؟؟؟
.. أمــ عــلــيــ ..
15/11/2011, 04:11 PM
شيوخية ..

الف سلامة عليك يا رب .. الله يتمم لك على خير يا رب وما تولدين الا بالتاسع.. من جد والله وضعك صعب الله يعينك ويأجرك .. لا تنسين والدينك من الدعاء كل ما شفتي هالآلاآم .. فعلاً والله جزى الوالدين الجنــــة .. :'(

بالنسبه للملابس .. احرصي على القطنيات لك وللبيبي افضل ..

وانتي تقدرين تاخذين لك مع الجلابيات القطنية لو حسيتي انها خفيفة بناطيل طويلة قطنية تحت الملابس علشان تدفيك لو صار برد .. واحياناً تجي معها فنيلة واحياناً لأ .. واكيد ان شاءالله بتكونين بغرفة دافية .. هالسنه سبحان الله ما جاء برد كايد أبداً .. احس الجو يوم بارد و يوم دافي ... !!!

انا بكرى موعدي ان شاءالله .. وابشوف ( زينة النفس ) وش تقول ووش تسوي .. !!! 8o|

بدينا نثقل .. الله يعين على التجهيز :worn_out: ربي يسهل علينا وعلى كل حامل ويرزق المحرومين الذرية الصالحة .. اللهم آمين ..
شيؤؤؤخية
15/11/2011, 04:29 PM
أخذي للبيبي ملابس قطنيه كامله
وأخذي بطانيات ولفات ثقيله وقطنيه عشان على حسب الجو تلفينه بوحده
أو أكثر والداخلي قطني أضمن شي

كلامج صح اختي ام حور

ان شاء الله بحاول اخذهم كلهم كم طويل وقطن والفات بخذ غليظه ادفي البيبي

وبالاخص لو ربيت بالبرد ولا قاصر بيكون محتاج عناية اكثر
شيؤؤؤخية
15/11/2011, 04:38 PM
شيوخية ..

الف سلامة عليك يا رب .. الله يتمم لك على خير يا رب وما تولدين الا بالتاسع.. من جد والله وضعك صعب الله يعينك ويأجرك .. لا تنسين والدينك من الدعاء كل ما شفتي هالآلاآم .. فعلاً والله جزى الوالدين الجنــــة .. :'(

بالنسبه للملابس .. احرصي على القطنيات لك وللبيبي افضل ..

وانتي تقدرين تاخذين لك مع الجلابيات القطنية لو حسيتي انها خفيفة بناطيل طويلة قطنية تحت الملابس علشان تدفيك لو صار برد .. واحياناً تجي معها فنيلة واحياناً لأ .. واكيد ان شاءالله بتكونين بغرفة دافية .. هالسنه سبحان الله ما جاء برد كايد أبداً .. احس الجو يوم بارد و يوم دافي ... !!!

انا بكرى موعدي ان شاءالله .. وابشوف ( زينة النفس ) وش تقول ووش تسوي .. !!! 8o|

بدينا نثقل .. الله يعين على التجهيز :worn_out: ربي يسهل علينا وعلى كل حامل ويرزق المحرومين الذرية الصالحة .. اللهم آمين ..

الله يسلمج يالغالية ام علي

والله اليلسه ما اقدر احس بطني بينفجر المشكله بعده بطني متشنج

والدكتورة قالت تشنج البطن من علامات الولاده

بس ان شاء الله خير

واذا مشيت احس قلبي دقاته تتسارع واتعب بسرعه بس توني اقراء بالنت اونه من تاثير ابرة الطق

نتحمل شو انسوي

لا ان شاء الله بس احس فيني هبه بروح اجهز نفسي ما اضمن متى الله يكتب لي الولاده

وبخذ لي ملابس داخليه قطنية
شيؤؤؤخية
15/11/2011, 04:42 PM
شيوخة ماتشوفين شر


الشر ماييج يالغلا
OM HOOR
15/11/2011, 11:48 PM
أم علي حتي أنا أخذت موعد بكره
أشوف سالفة الثقل اللي نازل لتحت
أنا خايفه يكون المشيمه نازله ولا شي
أو اقول يمكن الراس نزل من هالوقت
وان شاء الله ماراح اطلع من غرفة السونار الا عارفه ولد ولابنت
خلاص ابغى اقضي هالأسبوع
وان شاء الله خير
ms.ansari
16/11/2011, 08:59 AM
السلام عليكم

شخباركم يابنات ياحلوووين ممكن انضم معاكم في التجمع ؟

هذا حملي الأول بيكؤون وأنا اليوم بدخل الاسبوع 28 وإن شاء الله استفيد منكم ومن خبراتكم
شيؤؤؤخية
16/11/2011, 09:22 AM
السلام عليكم

شخباركم يابنات ياحلوووين ممكن انضم معاكم في التجمع ؟

هذا حملي الأول بيكؤون وأنا اليوم بدخل الاسبوع 28 وإن شاء الله استفيد منكم ومن خبراتكم

مرحبابج اختي بينا تواجد يفرحنا ويسعدنا :adore:

الف الف مبروووك وعقبال التاسع

عسى ربي يتمم لج ولنا ع خير
شيؤؤؤخية
16/11/2011, 09:29 AM
صباح الخير ياحلوات

انا الحمدلله اليوم احسن بس البارحه واااايد تعبت من ظهري تم ايعورني

الصبح اكون احسن بس من المغرب يبداء الالم فيني والتعب

الحمدلله باجر بدخل 29 اسبوع

بيبقى كم ايام وبدخل الثامن وان شاء الله تعدي ع خير

لو ع الاقل مثل ولدي اخر الاسبوع 34


خبرت ريلي قال بشلج اتجهزين نفسج ولبيبي ومحمد اونه نفس ما تاخذين

للبيبي خذي لمحمد بس طبعا من هالاسبوع يوم ايخلص امتحاناته واكون احسن
شيؤؤؤخية
16/11/2011, 09:33 AM
بنات قولن لي الي تبى متى تاريخ ولادتها وشو نوع البيبي

والي تباه مفاجاه بنسوي قائمه عشان انعرف كل وحده متى موعدها وشو نوع البيبي

ما شي باقي خلاص راح الكثير


:)
شو رايكن ؟؟؟؟
ms.ansari
16/11/2011, 10:02 AM
مشكؤورة حبيبتي

ان شاء الله الله يتمم على الكل ويرزقكم الذرية الصالحه ..

أنا فيني ولد بس اليوم بتأكد في الموعد عن موعد ولادتي
شيؤؤؤخية
16/11/2011, 10:05 AM
بما إننا أغلبنا إن شاء الله دخل السابع او على وشك دخوله

فقلت أفكركم بالمرحلة اللى إحنا فيها


الشهــــر الســــابع



1_ الطول حوالي 37 سم والوزن حوالي 1000 غرام .
2_ الجلد متغصن وشفاف ووردي .
3_ يظهر أن الدماغ يبدأ بالتحكم بوظيفة الأعضاء .
4_ الرئتين لا زالتا غير متطورتين، لذا فان قابلية الحياة في هذه الفترة حوالي 67 % .
5 _ يزداد استمرار البول عند الأم . يمكن أن يظهر البواسير وعروق الدوالي .
6_ زيدي تناول الحليب البارد والخضروات لتحفيز الحركة التقلصية للأمعاء ( حركة الأمعاء ) .
7_ اذا كان الوزن المكتسب أكثر من 500 غم في الاسبوع، استشيري الطبيب حالا .




http://www.layyous.com/book%20addition/271b.jpg


ما تشعر به الأم

تحس الأم بالتحسن من أعراض الحمل
تصبح قادرة على رؤية حركة الجنين
تزداد مرات التبول لضغط الرحم على المثانة
يظهر بعض التورم في الكاحلين
يمكن معرفة جنس الجنين
يزداد التنفس سرعة
تظهر بعض التقلصات في العضلات


العـوارض الجسمانيـــــة

حركة الجنين تصبح أقوى وأكثر تكرارا.
ألم في أسفل البطن بسبب تمدد الرحم.
حرقة في المعدة وعسر في الهضم وانتفاخ وغازات .
احتقان في الأنف وانسداد في الأذن.
نزيف في اللثة أحيانا.
تقلصات في عضلات الأرجل.
انتفاخ بسيط في كعب القدم وأحيانا في الأيدي و الوجه.
تقلصات خفيفة في الرحم.
ألم في الظهر.
صعوبة في النوم.
صعوبة في التنفس وقصر النفس.
نزول اللبأ (مادة يمل لونها إلى الصفرة تسبق نزول الحليب) من الصدر.


العـوارض الانفعاليـــــة

زيادة في الانفعال والقلق بشأن الأمومة الآم الولادة.
شرود في الذهن.
أحلام وتخيلات عن الجنين.
ملل ونفاد الصبر من الحمل.
شعور قوي بأن تمر الفترة الباقية من الحمل بأسرع ما يمكن.



ارشادات

تنصح الأم برفع قدميها في حالة وجود ورم بهما

في حالة وجود تقلصات بالعضلات تنصح الأم بزيادة كميات الكلسيوم في غذائها مثل الجبن و اللبن


حالة الجنيـــــــن

في نهاية الشهر السابع يتكون الشحم على الجنين.
من الممكن أن يمص الجنين إصبعه وأن يبكي.
يحس الجنين بالطعم(حلو أو مر).
يشعر بالآلام والضوء والصوت.
إذا ولد الجنين في هذه الفترة فيمكن له أن يعيش ويكون وزنه حوالي1 كيلو و350 غم.



شكل الجنين في هذا الشهر


http://www.khayma.com/bosaeed/photo/shahar15.jpghttp://www.khayma.com/bosaeed/photo/shahar15.jpg
شيؤؤؤخية
16/11/2011, 11:24 AM
بما اني فاضيه ما اقدر اتحرك يلست اقرا بالنت

وحصلت جداول قلت بنتسلى ابهن


http://www.google.ae/url?source=imgres&ct=tbn&q=http://m002.maktoob.com/alfrasha/up/93876536356263862.jpg&sa=X&ei=2HHDTp_CFMOAhQeU4sWPDg&ved=0CAUQ8wc4AQ&usg=AFQjCNEIqeaUgimCfiqkTl5oC4AnWa5bTQ
http://www.google.ae/url?source=imgres&ct=tbn&q=http://m002.maktoob.com/alfrasha/up/21029151571434152439.gif&sa=X&ei=cnLDTsz4OIzZ8gOWy5S1Cw&ved=0CAUQ8wc4Ag&usg=AFQjCNGCL4rDVn-YFYYjFpVvvPgGRdUIBA



http://www.google.ae/url?source=imgres&ct=tbn&q=http://rtoosh.com/up/images/82500177251029506018.jpg&sa=X&ei=yXLDTvMCkYKFB-Of3PAN&ved=0CAUQ8wc4Bg&usg=AFQjCNFsa9UCTfBwdh2TKVOTiCwdb-pdCg
شيؤؤؤخية
16/11/2011, 11:46 AM
يالله وينكن


http://www.google.ae/url?source=imgres&ct=tbn&q=http://images.paraorkut.com/img/pics/glitters/i/its_a_boy-4796.gif&sa=X&ei=kXfDTpjNBc278gOL2c3_Cg&ved=0CAUQ8wc4Bg&usg=AFQjCNHS1JccAevouWC4tQPkqFixqW_3Ow

او


http://www.google.ae/url?source=imgres&ct=tbn&q=http://images.paraorkut.com/img/pics/glitters/i/its_a_girl-4801.gif&sa=X&ei=7HfDTt-GD4LQ8gOm-OyZCw&ved=0CAUQ8wc4Ag&usg=AFQjCNFhwToSaNq-KXRufk6e5A_3I_TwyQ
شيؤؤؤخية
16/11/2011, 11:53 AM
يا الله ببداء بنفسي الي قبلي تقول والي بعدي

http://www.google.ae/url?source=imgres&ct=tbn&q=http://cdn.mothering.com/2/2f/2fabad6d_its-a-girl_8.gif&sa=X&ei=M3rDTqjeDYKZ8QOklvy7Cw&ved=0CAUQ8wc4Sw&usg=AFQjCNEHxVSL0vxM79LTqiB475Zq08_jEQ


شيؤؤؤخية ... 2\2\2012 .... بنت

http://www.google.ae/url?source=imgres&ct=tbn&q=http://www.freecommenttags.com/import/graphics/Mommy-Stuff/its-boy1.gif&sa=X&ei=03vDTt33GsHq8QODofGSCw&ved=0CAUQ8wc4OQ&usg=AFQjCNG6C7uMJnGNIX_8hvAhtvUsE-ugCA

ms.ansari (http://forums.3roos.com/member.php?u=305431) .. .................................................. ....... ولد


http://www.google.ae/url?source=imgres&ct=tbn&q=http://cdn.mothering.com/2/2f/2fabad6d_its-a-girl_8.gif&sa=X&ei=CH3DTszuIoSv8gONs_zyCg&ved=0CAUQ8wc4Sw&usg=AFQjCNFCv9mj3Z7vxB7ZbFEl2g1HCyoqyg

.. أمــ عــلــيــ .. ....................................... بنت
.. أمــ عــلــيــ ..
16/11/2011, 02:35 PM
السلام عليكم ..

كيف حالكن يا حلوات ؟؟

الحمدلله رحت لموعدي اليوم وحصلت الطبيبة .. وكشفت علي يا رب لك الحمد كل شي تمآم .. طبعاً صرفت لي حديد و فوليك .. وقالت لي اني بأول اسبوع من السابع .. :)

الكالسيوم ما تعرفون لمتى نأخذه ؟؟؟

وسألتها عن التطعيمات الضرورية .. قالت لازم بكل حمل تاخذين تطعيمة و رحت لمركز الحي الصحي و صار ملفي تبع الحي اللي فيه أهلي هههههه :-# ان شاءالله بروح لهم السبت وأحول ملفي وآخذ التطعيمات .. يا بنات لا تهملون السالفه اسألوا الطبيبة .. اليوم يوم سألتها تفاجأت وتوقعت اني ماخذه كل تطعيماتي ... !!! تأكدوا أحسن لكم ..

وسألتها قلت شوفي اذا بنت او ولد .. وصاااااااااار ..



http://www.google.ae/url?source=imgres&ct=tbn&q=http://images.paraorkut.com/img/pics/glitters/i/its_a_girl-4801.gif&sa=X&ei=7HfDTt-GD4LQ8gOm-OyZCw&ved=0CAUQ8wc4Ag&usg=AFQjCNFhwToSaNq-KXRufk6e5A_3I_TwyQ
:o :adore:

الله يتمم لنا على خير .. ويسهل علينا باقي الحمل ونقوووم بالسلامة يااااارب ..

أنصاري .. أهلاً و سهلاً فيك نورتي التجمـّـع .. :025:
شيؤؤؤخية
16/11/2011, 03:41 PM
ام علي الف الف مبروووووووك دخولج السابع

وعلى البنوووته الحلوووووووووه الله يفرحج بشوفتها بخير وسهاله


شو سالفة التطعيمات انا ما خذيت اي تطعيم باولدي الاول ولا بنوتي هذي ...........!!!!!!
شيؤؤؤخية
16/11/2011, 03:42 PM
لحد الحين

2 بنات و 1 ولد
سـكـر
16/11/2011, 03:57 PM
ام علي مبروك عليش البنووتة
ها شناويه تسمينها؟
من الشهر الثاني في حملي وديت كرت التطعيمات للدكتورة
وقالت لي الحمد لله كل تطعيماتي ماخذتنهاا =)
OM HOOR
16/11/2011, 04:06 PM
أنا بنتي في الشهر التاسع رحت لعياده تبع شغل زوجي
وقالت في تطعيمه لازم تاخذينها
وعطوني اياها
أحين ماسألوني عن أي تطعيم
أنا أقول لو كان ضروري ماراح يغفلون عنها
بس في الحكومي يحرصون عليها أكثر
هي في تطعيمات كثيره كلها تنشيط للأجسام المضاده في الجسم
بس أحنا مو كثير نهتم فيها
أيام المدرسه هم اللي يجون يطعمونا في المدرسه
بعد المدرسه مانسأل
ms.ansari
16/11/2011, 09:18 PM
هلا والله شخباركم ؟؟

ثانكس ام علي على الترحيب

انه رحت الموعد وكلشي كان تمام ومثل ماقتلكم ان فيني ولد وان شاء الله ولادتي بتكون في 11/2/2012
http://www.3roos.com/files/ups/2011/305431/01321466792.gif
.. أمــ عــلــيــ ..
17/11/2011, 12:12 AM
السلام عليكم ..

الله يبارك بأعماركم .. عقبالكم كلكم يا رب .. نقوم كلنا بالسلامة ..

بالنسبة للتطعيمات هو على حسب الشخص نفسه .. يعني فيه اشخاص يكملون التطعيمات خلال أيام الدراسة .. وفيه بعضهم لأ .. فالمستشفى بيراجعون ملفك وعلى حسب اذا عندك شي ناقص يكملونه لك وانتي حامل علشان الطفل ما تجيه امراض او يكون حامل لأمراض ..

:)

واسم البنت بصراحه الى الحين محتارة بأكثر من اسم .. وأهلي يقولون نسوي قرعه والاسم اللي يطلع نسميه ههههههه :)
OM HOOR
17/11/2011, 02:48 AM
السلام عليكم يا كروشات
رحت الليله الموعد والحمد لله كل شي تمام
والبيبي طلعت بنوته
وموعد الولاده 12/2/2012
اأم روااضي
17/11/2011, 07:19 AM
صباح الخير ع الجميع
ميمي الجميله
17/11/2011, 08:09 AM
هلااااا بيكم شخباركم


اني موعدي بعد كم يووم

وان شاء الله كل شي اوكي


وباقي عليي اروح اعيد تحليل سكر
ميمي الجميله
17/11/2011, 08:16 AM
هلاااااا بنات ليش ماتسويوون الينا جدووول كل مابين فتره


كل اسم عضوه تحته يكون جنس البيبي

اني في ولد
ميمي الجميله
17/11/2011, 08:57 AM
وينكم ياامهاااااات


للحين راقدين

:lol:
(عروس بلادي)
17/11/2011, 09:39 AM
صباح الخير كروشات
شخباركم وشخبار البيبي
ها شخبار تجهيزاتكم
كلكم عرفتو جنس البيبي ولا بعدكم ؟؟؟
.. أمــ عــلــيــ ..
17/11/2011, 11:43 AM
أم حور ..

الف مبروووك البنوتة ... وعقبال ما تشوفينها بيدينك بصحة وعافية وكل الحوامل ..

ميمي الجميلة ..

الف مبروووك البطل .. وعقبال ما تشوفينه بيدينك بصحة و عافية وكل الحوامل يا رب ..

حلوة فكرة الجدول .. علشان نعرف كل وحده مع فئة البنات ولا الاولاد :) ..

عروس بلادي ..

ههههههههههههه صح النووووم يا حلوووة .. شوفي الصفحه اللي فاتت فيه بعضنا قالوا انهم عرفوا جنس البيبي :) .. وانتي يالله قولي لنا عرفتي ولا للحين ؟؟؟ :D
شيؤؤؤخية
17/11/2011, 03:20 PM
يا الله ببداء بنفسي الي قبلي تقول والي بعدي

http://www.google.ae/url?source=imgres&ct=tbn&q=http://cdn.mothering.com/2/2f/2fabad6d_its-a-girl_8.gif&sa=X&ei=M3rDTqjeDYKZ8QOklvy7Cw&ved=0CAUQ8wc4Sw&usg=AFQjCNEHxVSL0vxM79LTqiB475Zq08_jEQ


شيؤؤؤخية ... 2\2\2012 .... بنت

http://www.google.ae/url?source=imgres&ct=tbn&q=http://www.freecommenttags.com/import/graphics/Mommy-Stuff/its-boy1.gif&sa=X&ei=03vDTt33GsHq8QODofGSCw&ved=0CAUQ8wc4OQ&usg=AFQjCNG6C7uMJnGNIX_8hvAhtvUsE-ugCA

ms.ansari (http://forums.3roos.com/member.php?u=305431)
11\2\2012 .......... ولد





http://www.google.ae/url?source=imgres&ct=tbn&q=http://cdn.mothering.com/2/2f/2fabad6d_its-a-girl_8.gif&sa=X&ei=CH3DTszuIoSv8gONs_zyCg&ved=0CAUQ8wc4Sw&usg=AFQjCNFCv9mj3Z7vxB7ZbFEl2g1HCyoqyg

.. أمــ عــلــيــ . \2\2012................. بنت


http://www.google.ae/url?source=imgres&ct=tbn&q=http://cdn.mothering.com/2/2f/2fabad6d_its-a-girl_8.gif&sa=X&ei=CH3DTszuIoSv8gONs_zyCg&ved=0CAUQ8wc4Sw&usg=AFQjCNFCv9mj3Z7vxB7ZbFEl2g1HCyoqyg

ام حور 12\2\2012 ....... بنوته

http://www.google.ae/url?source=imgres&ct=tbn&q=http://www.freecommenttags.com/import/graphics/Mommy-Stuff/its-boy1.gif&sa=X&ei=03vDTt33GsHq8QODofGSCw&ved=0CAUQ8wc4OQ&usg=AFQjCNG6C7uMJnGNIX_8hvAhtvUsE-ugCA
ميمي الجميلة \2\2012 .......... ولد
شيؤؤؤخية
17/11/2011, 03:34 PM
ماشاء الله لحد الحين 3 بنوووتات و 2 اولاد


الله يزيد ويبارك
ميمي الجميله
17/11/2011, 09:48 PM
هلاااا بيكم

جدي وااااااجد حليوو

موعد ولادتي 14- 2
OM HOOR
18/11/2011, 08:40 AM
بنات كيف الملابس اللي راح تشتروها للبيبي
السوق أغلبه القماش المخمل الثقيل للبرد
بس أنا نفسي آخذ كله قطني بس مااحس متوفر عند الكل
لأن الشتوي أخاف يصير الجو معتدل وهو البيبي ماراح يطلع بره البيت
يعني على طول دفئ
وحتى لو كان الجو بارد فتره بسيطه وبيعتدل والقطني بيفيد أكثر ويطول حر ولا برد مافيه مشكله
.. أمــ عــلــيــ ..
18/11/2011, 03:34 PM
السلام عليكم ..

كيف حالكن اليوم ؟؟

ماشاءالله .. الله يتمم ع الكل بخير يا رب ..

أم حور ..

شوفي الهرم دايماً يوفرون ملابس المواليد القطنية .. غالباً آخذ منهم ..

:)
OM HOOR
18/11/2011, 07:41 PM
رحت الهرم والأغلب شتوي
القطني يكون نص كم والرجل مو كامله يعني حق صيف
أنا ابغى أكمام طويله والرجل كامله
شيؤؤؤخية
18/11/2011, 08:14 PM
شيؤؤؤخية 2\2\2012 ............ بنت


ام علي ؟ \2\2012 ............... بنت


ms.ansari و 11\2\2012 .......... ولد


ام حور 12\2\2012 ................. بنت


ميمي الجميلة 14\2\2012 ....... ولد



المجموع : 3 بنات و 2 اولاد
تعبت اكابر
18/11/2011, 09:45 PM
http://www.google.ae/url?source=imgres&ct=tbn&q=http://cdn.mothering.com/2/2f/2fabad6d_its-a-girl_8.gif&sa=X&ei=M3rDTqjeDYKZ8QOklvy7Cw&ved=0CAUQ8wc4Sw&usg=AFQjCNEHxVSL0vxM79LTqiB475Zq08_jEQ



موعد ولادتي .. 23-2
قلب انثى
18/11/2011, 10:29 PM
شخباركم كروشات ... ان شاء الله بخير ..
شخبار التجهيزات معاكم ؟
loo0lla
19/11/2011, 12:46 AM
سلام
شخباركم؟؟
انا تغير تاريخ ولادتي بالسونار عطوني تاريخ 7\2\2012 وقالت لي الدكتوره احتمال بنت بس للحين ما تأكدت ..
بغيت اسألكم عن التوزيعات ابي اعرف شنو الدارج هالايام وابي اسماء محلات يكون سعرها معقول وابي ستاند حلو ،، ابي اجوف صور تعبت وانا افكر في شي مميز وبسيط
loo0lla
19/11/2011, 12:47 AM
اي صح بغيت اسأل البكريه احتمال الولاده تكون اي اسبوع؟ لاني احاتي امتحاناتي ابي اولد بعد الامتحانات عشان افتك !!
بقَايا حُلمْ
19/11/2011, 02:37 AM
سلام

شخباااركم


انا موعد ولادتي 17/2/2012 م


وبخليها مفاجأة


:)
شيؤؤؤخية
19/11/2011, 11:16 AM
شيؤؤؤخية 2\2\2012 ............ بنت


ام علي ؟ \2\2012 ............... بنت

loo0lla و7\2\2012....... احتمال بنت



ms.ansari و 11\2\2012 .......... ولد


ام حور 12\2\2012 ................. بنت


ميمي الجميلة 14\2\2012 ....... ولد


بقايا حلم 17\2\2012........... مفاجأة


تعبت اكابر 23\2\2012......... بنت



المجموع : 8
5 بنات و 2 اولاد 1 مفاجأة

ماشاء الله ربي يثبت حملنا ويرزقنا بذريه صالحه وخلقة تامه يااااااااااااااااااااااار ب :thumbs_up:
شيؤؤؤخية
19/11/2011, 11:23 AM
حسابات الحمل






اعتقد كلكم خلصتو السادس ....



الشهر السابع:
26أسبوع و5 أيام تدخلين بالشهر السابع.



الشهر الثامن
31أسبوع و1 يوم تدخلين بالشهر الثامن.



الشهر التاسع:
35 أسبوع و4 أيام تدخلين بالشهر التاسع
شيؤؤؤخية
19/11/2011, 11:32 AM
✿ دعاء لحفظ الجنين باذن الله ✿
..اللهم انى استودعك جنينى الذى فى رحمى ،


فرده الى عند مولده مرداً سالماً معافى من كل شر وكل مرض وكل اذى،

فرده الى فى احسن حال من غير زياده او نقصان،
واجعل له جمال سيدنا يوسف واخلاق سيدنا محمد صلى الله علي وآله وسلم ،
فإنه لاتضيع ودائعك ولاخاب ولاندم من استودعك..
ام فطومة الحلوة
19/11/2011, 04:02 PM
شخباركم كروشااات

موعد ولادني 12/2

وبخليها مفاجأة
OM HOOR
19/11/2011, 04:32 PM
أللي بدوا يجهزون لا تنسون تصورون التجهيزات
عشان نستفيد من بعض
ms.ansari
19/11/2011, 08:34 PM
بناات حبايبي ممكن كل وحده اتخبرنا عن تجهيزاتها والمحلات اللي شرت منها
واذا احد شرى من السعوودية يخبرني وين راح عشان اروح لان ناوية اجهز اغراضي كلها من السعودية
قلب انثى
19/11/2011, 10:11 PM
هلا كراريش ...
اني موعد ولادتي بالمركز 17-2 ... وهذا حساب الشريط
بس بالسونار 14-2 ... وبخليها مفاجاة بعد
كفوف الحنية
20/11/2011, 01:01 AM
مرحبا كروشات..شخباركم

موعد ولادتي 9/ 2
فيني صبي
ميمي الجميله
20/11/2011, 09:00 AM
هلاااااااا امهاات


شخباركم ان شاء الله بكره راح ابتدي في التجهيز

واول شي راح اسويه بروح افصل فراش في بيبي بورن في جدحفص


وااجد حليوين وناعمين واسعاره زينه


بفصل بس افراش واحد لانه عندي فراش بتي مفصلتنه في سديم الى في لمحرق وكان نوله بيج

والي بسويه الحين ازرق او اخضر

انتوون ويش رايكم

يا الله بنات الي جهزوو خبرون من وين جهزتون
سـكـر
20/11/2011, 10:52 AM
هلاااااااا امهاات


شخباركم ان شاء الله بكره راح ابتدي في التجهيز

واول شي راح اسويه بروح افصل فراش في بيبي بورن في جدحفص


وااجد حليوين وناعمين واسعاره زينه


بفصل بس افراش واحد لانه عندي فراش بتي مفصلتنه في سديم الى في لمحرق وكان نوله بيج

والي بسويه الحين ازرق او اخضر

انتوون ويش رايكم

يا الله بنات الي جهزوو خبرون من وين جهزتون
كم اسعار بيبي بورن؟
ميمي الجميله
20/11/2011, 10:59 AM
كانت الطقم كامل 17 دينار

بكره بروح وبتااكد يمكن غيروو الاسعار

بروح وبخبركم عن الاسعار
قلب انثى
20/11/2011, 11:32 AM
خلاص اني عدلت الشريط على تاريخ 14-2 ... ضيفوني بهذا التاريخ اقرب خخخخخ
سـكـر
20/11/2011, 12:01 PM
كانت الطقم كامل 17 دينار

بكره بروح وبتااكد يمكن غيروو الاسعار

بروح وبخبركم عن الاسعار
اووووه زين
الطقم يتكون من شنو وشنو؟
ميمي الجميله
20/11/2011, 12:54 PM
لفراش والشنطه والخلق الي يلوتون ابه الجاهل والخيط وغطى لمرضعه واذا تبغين ودي اليه للحاف ويسوي اليش

نفس التظريز نفس لفراش والشنطه هاد الي اذكره
لانه العام فصلت عنده بس الجنين اتوفى ومااخدت الاغراض

قلت الحين بروح اسوي في نفس المكان


لانه يبغي اليه شهر كامل على شان يبرز
اأم روااضي
20/11/2011, 04:12 PM
مسالخير كراريش انا بسونار التفصيلي بشهر الخامس قالت لي ولد بس لا زم اتأكد انا احين بسادس وانا متعوده بولادي اشرى ببدايت التاسع وشفت بنت وحده محطيه اغراض نكست عيبتني بروح اشوف لوعجبني شي باخذ بس التجهيزات كلها بتاسع هالاسابيع باخذ لرواضي شتوي نفس الوقت بطالع اغراض اليهال
اأم روااضي
20/11/2011, 04:15 PM
انا عاطييني موعد ولاده بمستشفى الوصل 29/2 والسونار 26/2 بس السونار ماقد ضبط عندي وانا اطوف اكمل 40 اسبوع يعني لوعطوني موعد طلق وانا مطوفه بكون اول شهر 3برواضي ربيت قبل الطلق بيوم وعطوني طلق لان الويع بارد يعني مب متواصل
شيؤؤؤخية
21/11/2011, 10:56 AM
صباح الخير كروشات شخباركن

شخبار التجهيزات

انا ان شاء الله الاسبوع الياي بجهز كل شي للبيبي ولولدي ولي
شيؤؤؤخية
21/11/2011, 11:07 AM
قائمة كروشات فبراير 2012

http://www.google.ae/url?source=imgres&ct=tbn&q=http://www.balloonmoments.co.uk/images/baby/itsagirlfoot2.jpg&sa=X&ei=Iv7ETpzoCJDrOZqG4esO&ved=0CAUQ8wc4RA&usg=AFQjCNE3GqGAKMX-JxzqyIG9g_Zw5lLz3ghttp://www.google.ae/url?source=imgres&ct=tbn&q=http://www.nathanielparker.com/cms/media/kunena/attachments/legacy/images/itsaboy.jpg&sa=X&ei=i_7ETq_VOcbrOciivOsO&ved=0CAUQ8wc4DA&usg=AFQjCNGmwqNTbtVg44Qkc94YWzZDCwPyhQ

شيؤؤؤخية 2\2\2012 ............ بنت

ام علي ؟ \2\2012 ............... بنت

loo0lla و7\2\2012....... احتمال بنت

كفوف الحنية 9\2\2012 .............. ولد

ms.ansari و 11\2\2012 .......... ولد


ام حور 12\2\2012 ................. بنت

ام فطومه الحلوة 12\2\2012 ............ مفاجأة

ميمي الجميلة 14\2\2012 ....... ولد

قلب أنثى 14\2\2012 ........... مفاجأة


بقايا حلم 17\2\2012........... مفاجأة


تعبت اكابر 23\2\2012......... بنت

ام رواضي 29\2\2012 .............. ولد

المجموع : 12
5 بنات و 4 اولاد 3 مفاجأة

ماشاء الله ربي يثبت حملنا ويرزقنا بذريه صالحه وخلقة تامه يااااااااااااااااااااااار ب :thumbs_up:
OM HOOR
21/11/2011, 02:28 PM
أنا قضيت كم شغله بس لسى باقي كثير
واشتريت شتوي بس أصغر شي عشان استخدمهم في البدايه
وبحاول أقضي الباقي قطني
بنتظر التخفيضات في شهر12 وبكمل
ام فطومة الحلوة
21/11/2011, 02:53 PM
هلا كروشات شخباركم

انا شريت جم حاجة وقلت بنتظر التخفيضات بعد وبكمل اغراضي بس اخاف يتأخرون واتوهق

بتسوون توزيعات ولا مابتسوون
والي بتسوي شنو ناويه توزع ؟؟؟
ياسمينة البحرين
21/11/2011, 03:07 PM
السلام عليكم


عندي مفرشين اطفال للبيع


اخذتهم من ام محمد النجم الجميل ب 20 دينار
هو اساسا الطقم ب 58 دينار اعتقد
وبالغصب عطتني اياهم بس مفرش لانه اخذت 2



و اخذت 2 وندمت وابغي ابيع واحد منهم
وببيعة ب 15 دينار


لانه المحل ما يرجع ولا يستبدل


جديد طبعاً اشتريته من اسبوع ...


وهذي الصور :



المفرش الاول :




http://a7.sphotos.ak.fbcdn.net/hphotos-ak-snc7/377824_2519464940514_1069991365_2859583_1194308221 _n.jpg



http://a6.sphotos.ak.fbcdn.net/hphotos-ak-snc7/383670_2519465380525_1069991365_2859584_925054785_ n.jpg


http://a4.sphotos.ak.fbcdn.net/hphotos-ak-snc7/375530_2519465700533_1069991365_2859585_873946817_ n.jpg




_________________________




المفرش الثاني :



http://a2.sphotos.ak.fbcdn.net/hphotos-ak-ash4/315669_2519466060542_1069991365_2859586_745499518_ n.jpg



http://a8.sphotos.ak.fbcdn.net/hphotos-ak-ash4/375450_2519466500553_1069991365_2859587_21651324_n .jpg



http://a7.sphotos.ak.fbcdn.net/hphotos-ak-ash4/376326_2519466780560_1069991365_2859588_597363864_ n.jpg




للجادات فقط
33080975
شيؤؤؤخية
21/11/2011, 03:13 PM
هلا والله بكروشات


ما شاء الله حلوووووووووووو خذيتن شي عقبالي هههه
شيؤؤؤخية
21/11/2011, 03:13 PM
بالتوفيق اختي ياسمين
قلب انثى
21/11/2011, 05:44 PM
كروشات ... احد يفيدنا شنو ادوية الحواج للبيبي ... واني لازم استخدم شنو حق جرح الخياط ؟

ياسمينة ... موفقة بس ليش بتبيعينهم

والله يسهل ...
شيؤؤؤخية
21/11/2011, 06:45 PM
انا ما كنت استخدم شي للبيبي بس سبحته بسدر اول يوم وصلنا البيت

كنت واصله بالليل سبحته ثاني يوم الظهر

امي ماشي ما يايبه لي بس ما استخدمت اي شي

وتسبحت انا بسدر

وحق لخياطه انا كانو مسوين لي 10 غرز وااااااايد

احط بالبانيو ملح شوي وماي دافي وايلس فيه

ويوم اطلع اخذ الاستشوار واحط درجه اولى بارد بس هواء مب حاااااار

وانشف الجرح من الماي وعقب البس ملابسي

وكل ما اتوضى او ابدل الويز اسوي استشوار عشان ينشف

والحمدلله الخياطه زينه ونشفت بسرعه
شيؤؤؤخية
21/11/2011, 06:48 PM
عطورات خفيفه للبيبي احسن شي صندل روز

ومسك بس انا ما استخدم الا صندل روز لانه خفيف للبيبي وريحته حلوه

لان البيبي ع طول بيتم ايرجع اول شهورة يبا ريحه حلوه
.. أمــ عــلــيــ ..
21/11/2011, 08:33 PM
السلام عليكم ..

كيف حالكم يا بنات ؟..!!

من زمان ما دخلت المنتدى .. ولدي تكرمون كلـّه ترجيع .. مايقعد شي في بطنه .. بس الحمدلله اليوم أشوى من قبل .. :badly:

شيوخية ..

سجلي تاريخ ولادتي ان شاءالله .. 9 - 2 - 2012 :)

قلب أنثى ..

وش تقصدين بأدوية الحواج للبيبي ؟؟ ^o)

اذا لك انتي اقدر افيدك .. اما اذا كان للبيبي فما له داعي تستعملين ادوية شعبية للطفل غير اليانسون .. وسكر النبات ..

والخياطة .. احرصي على تجفيفها بعد الحمام .. واستعملي مطهر ديتول .. وحطي على الفوطة مرهم للجروح .. وانا استعملت بولادتي الاولى ( ميبو ) ممتاااااااااااز جداً للخياطة .. وطبعاً لا تنسين التغذية الزينــة تساعد على التئام الجروح بسرعه ..


:)
شيؤؤؤخية
21/11/2011, 09:33 PM
قائمة كروشات فبراير 2012

http://www.google.ae/url?source=imgres&ct=tbn&q=http://www.balloonmoments.co.uk/images/baby/itsagirlfoot2.jpg&sa=X&ei=Iv7ETpzoCJDrOZqG4esO&ved=0CAUQ8wc4RA&usg=AFQjCNE3GqGAKMX-JxzqyIG9g_Zw5lLz3ghttp://www.google.ae/url?source=imgres&ct=tbn&q=http://www.nathanielparker.com/cms/media/kunena/attachments/legacy/images/itsaboy.jpg&sa=X&ei=i_7ETq_VOcbrOciivOsO&ved=0CAUQ8wc4DA&usg=AFQjCNGmwqNTbtVg44Qkc94YWzZDCwPyhQ

شيؤؤؤخية 2\2\2012 ............ بنت


loo0lla و7\2\2012....... احتمال بنت

ام علي 9 \2\2012 ............... بنت

كفوف الحنية 9\2\2012 .............. ولد

ms.ansari و 11\2\2012 .......... ولد


ام حور 12\2\2012 ................. بنت

ام فطومه الحلوة 12\2\2012 ............ مفاجأة

ميمي الجميلة 14\2\2012 ....... ولد

قلب أنثى 14\2\2012 ........... مفاجأة


بقايا حلم 17\2\2012........... مفاجأة


تعبت اكابر 23\2\2012......... بنت

ام رواضي 29\2\2012 .............. ولد

المجموع : 12
5 بنات و 4 اولاد 3 مفاجأة

ماشاء الله ربي يثبت حملنا ويرزقنا بذريه صالحه وخلقة تامه يااااااااااااااااااااااار ب :thumbs_up:
ميمي الجميله
21/11/2011, 10:03 PM
هلاااااااا شخباركم

اليوم رحت وطلعت غلطانه ترى سعر الطقم كان 27


واليوم رحت وقال 35 زيدوو السعر

قلت بسوي بس الي خلاني اتراجع يقول بعد شهرين يبرز


وااجد شهرين

اليوم رحت بعد سوق واقف اسم المحل حب الاطفال جنه

وعنده فراش وشنطه المخمل حليووين والسعارهم 17

قلت اليه اذا ابغي تفصيل تسوي قال اوكي جيبي موديل وبيسووي الطقم كامل ب 27 احتمال بكره اروح افصل
والي عجبني قال سبوع وبرز الطقم
ميمي الجميله
21/11/2011, 10:05 PM
الحين قاعده ادور في النت يمكن احصل موديل يعجبني

والي عندها لا تبخل علينااااااا


يلا خلونا نتساعد
سـكـر
22/11/2011, 12:34 AM
هلاااااااا شخباركم

اليوم رحت وطلعت غلطانه ترى سعر الطقم كان 27


واليوم رحت وقال 35 زيدوو السعر

قلت بسوي بس الي خلاني اتراجع يقول بعد شهرين يبرز


وااجد شهرين

اليوم رحت بعد سوق واقف اسم المحل حب الاطفال جنه

وعنده فراش وشنطه المخمل حليووين والسعارهم 17

قلت اليه اذا ابغي تفصيل تسوي قال اوكي جيبي موديل وبيسووي الطقم كامل ب 27 احتمال بكره اروح افصل
والي عجبني قال سبوع وبرز الطقم
اي محل الطقم بـ 35 ؟ بيبي بورن؟
قلب انثى
22/11/2011, 11:59 AM
هلا ام علي ... لا اقصد حقي وحق البيبي ...
لان سمعت انه يعطونه الحلوة والحندبان عن الغازات بداية الشهور ... فما ادري صج والا بس هرار فاضي ...

ميمي ... اني رحت بيبي بورن وما عجبني شي بصراحة ... احس المحل بكبره مغبر وما عنده ديزاينات حلوة وفوق هذا طول المفرش مو طبيعي خخخخ ...

سويت 2 في الرياحين الصغار وبيت الطفل في اشراقة رضيع ... جوفي اشراقة ما بتطلعين الا وانتين ماخذة شي من عندهم ... وكلهم قالوا لي اسبوعين ويجهزون ... ليش شهرين !!!! بشك خيط خيط هو ...

واسعارهم على 30 والثاني 32 والي من اشراقة 46 طبعا مع كل الملحقات ....

اليوم ان شاء الله بروح افصل لي جلابية حق المستشفى ... واذا حصلت جلابيات عادية باخذ لان يمكن ما ارتاح مع البجايم بداية الايام مع الخياط ... بس محتارة في اللون .. اسويه لون جنس البيبي والا شنو ؟ (اقصد جلابية المستشفى )

وباقي تناتيش واخلص التجهيزات كلها واتفرغ حق التوزيعات والستاند ...

بسالكم ... من وين ناويين تاخذون صينية المعجنات ؟
سـكـر
22/11/2011, 02:29 PM
قلب انثى ليش تقلدين هههههههه
كنت مقررة اسوي في الرياحين الصغار + اشراقة رضيع لان شايفه شغلهم عند وحدة من الاهل
تقدرين تكتبين لييي سعر كل شي في الرياحين واشراقة رضيع؟
ميمي الجميله
22/11/2011, 03:40 PM
اي العام رحت اشراقه رضيع وااجد شغلهم حليووووو والوانهم عجيبه

ويش سويتين ويا لفرااش والشنطه ان شاء الله يوم الجمعه اروح

لانه الخميس موعدي بشوف شنو يقولون وبسوي تلفزيون على شان اتاكد

هههههههه
قلب انثى
22/11/2011, 06:28 PM
هلا سكر ...
اشراقة رضيع ماني ذاكرة الاسعار عدل ... بس اعتقد بيت الطفل ب 20 والشنطة ب 18 لان خذيتها اكبر حجم استفيد منها للطلعة وتشيل اغراضي كلها ... القماط ب 4 على ما اظن ... الخيط ب 2 وغطى الرضاعة ب 2 فطلع علي كامل 46 دينار ... ويجهز بعد اسبوعين او عشرين يوم ...

الرياحين الصغار ... المفرش ب 17 والثاني ب 15 ... الشنطة ب 15 اعتقد بعد ... القماط ب 2 ... الخيط ب دينار ونص وغطى الرضاعة بدينار ونص ... واحد طلع علي ب 32 والثاني ب 30 ...

هذا الي سويته ويا الاسعار ...
شيؤؤؤخية
22/11/2011, 06:45 PM
مرحباااااااااااااا

شخبااااااااركن شو التجهيزات ما شاء الله بديتووووووووووو


اليوم مستانسه اني بخير وباجر بروح موعدي

وقبل شوي كنت منسدحه ع ظهري ياني ولدي ويعفد فوق بطني والحين احس بطني ايعورني

ومن المغرب مضايق ما اعرف شو فيه كله ايصيح ويباني اشله ويوم اشله ما اقدر بطني وظهري

وما يبا لا البشكارة ولا ابوه ولا حد بس انا
ام فطومة الحلوة
22/11/2011, 11:11 PM
هلا كروشات

ام علي ماتشوفون شر

والله زين بنات رحتون للمفارش اني قلت احتمال اروح النجم الجميل شايفة جم ديزاين عندهم وعاجبيني بس شوقتوني صراحة لاشراقة رضيع وين يصير بالضبط لاني ما ادلي المحل

شيوخة الله يعين حتا اني فطومة صايرة دلوعه واحس احيانا الغيرة باديه عليها الله يعين اذا ولدت شبتسوي
سـكـر
22/11/2011, 11:44 PM
هلا سكر ...
اشراقة رضيع ماني ذاكرة الاسعار عدل ... بس اعتقد بيت الطفل ب 20 والشنطة ب 18 لان خذيتها اكبر حجم استفيد منها للطلعة وتشيل اغراضي كلها ... القماط ب 4 على ما اظن ... الخيط ب 2 وغطى الرضاعة ب 2 فطلع علي كامل 46 دينار ... ويجهز بعد اسبوعين او عشرين يوم ...

الرياحين الصغار ... المفرش ب 17 والثاني ب 15 ... الشنطة ب 15 اعتقد بعد ... القماط ب 2 ... الخيط ب دينار ونص وغطى الرضاعة بدينار ونص ... واحد طلع علي ب 32 والثاني ب 30 ...

هذا الي سويته ويا الاسعار ...


مشكووورة :adore:


والله زين بنات رحتون للمفارش اني قلت احتمال اروح النجم الجميل شايفة جم ديزاين عندهم وعاجبيني بس شوقتوني صراحة لاشراقة رضيع وين يصير بالضبط لاني ما ادلي المحل

في جدعلي على ما اعتقد
ام فطومة الحلوة
23/11/2011, 12:14 PM
مشكورة سكر على الرد

بس اني كلش مادلي مكان داك الصوب بشوف اول ام محمد في النجم الجميل يقولون عندها ديزاينات واااجد في بيتها احلى من الي في المحل اذا ماعجبوني بفتر ادور
قلب انثى
23/11/2011, 12:35 PM
ام فطومة ... المحل يصير في جدعلي صوب مخبز دلمون ... قبل دوار ديسكوفري مباشرة اذا جاية من جهة المدينة ..

سكر ... عفوا حاضرين للطيبين ...
سـكـر
23/11/2011, 01:43 PM
قلب انثى

بديتين تجهزين شي غير الفراشات؟
شيؤؤؤخية
23/11/2011, 03:24 PM
مساء الخير كرووووووشات

شخباركن

ما شاء الله خلاص الحين كل كلامنا عن التجهيزات


ياليت الي تخلص او تعرف اماكن حلوه تقول عشان نستفيد من بعض
قلب انثى
23/11/2011, 05:53 PM
هلا سكر ... اني خلصت تقريبا كل تجهيزاتي ... باقي تناتيش بس
انتظر تخفيضات مذركير وسنتر بوينت ... وتوها مبدية اليوم يعني بكرة بروح اكمل باقي الاغراض ان شاء الله ... ابي اتفرغ للتوزيعات بعدين

وانتين وش اخبار اخر التجهيزات ؟
سـكـر
23/11/2011, 06:10 PM
هلا سكر ... اني خلصت تقريبا كل تجهيزاتي ... باقي تناتيش بس
انتظر تخفيضات مذركير وسنتر بوينت ... وتوها مبدية اليوم يعني بكرة بروح اكمل باقي الاغراض ان شاء الله ... ابي اتفرغ للتوزيعات بعدين

وانتين وش اخبار اخر التجهيزات ؟
ما شاء الله :D عن نفسي ماجهزن ولا ولا شي
خواتي كذا مرة يطلعون ويشترون ليي افروال وشباحات
انتظر تخلص عشرة محرم وبروح اشتري
احس ماباقي ليي اشياء واجد
باخذ فراشات - ثياب الي خواتي ماخذوهم - ادوات صيدلية وسباحة ورضاعة للبيبي

راويني الي اخذتينه خلنا نغش :o
om 3lawi
23/11/2011, 07:02 PM
هلابنوتات .. شخباركم ؟؟؟ وشخبار الحمل وياكم ؟؟؟
عن التجهيزات للحين .. ان شاء الله بعد عشرة محرم .. بنتفرغ ليها عدل
وعن جنس البيبي قالو لي فيني ولد .. والله يقومنا ويقومكم بالسلامة ان شاء الله جمييع يارب
ميمي الجميله
24/11/2011, 12:54 PM
هلااااااا شخباركم


اليوم رحت موعدي ورجعت مضايقه

دمي 9.7 وعطوني حبووووب لونه بني اول مره يعطوني اياه اسمه

haemoton

احد شرب نفس لحبوووب
شيؤؤؤخية
24/11/2011, 12:59 PM
هلا والله

شو اخباااااااااااار كروووشات الحلوااااااااااات


هلا اختي zm143 افتقدناج من مده ما دخلتي

مبروووووك جنس البيبي وان شاء الله ايي بخير وسهاله
شيؤؤؤخية
24/11/2011, 01:03 PM
هلا ميمي

لاتضايقين يالغالية ان شاء الله بيرتفع

انا دمي 8 بس ما عطوني نفس احبوبج عطوني فروز

تصدقين من زمان ما كليتهن ولا كليت كالسيوم ولا فيتامينات

اخاف ايضرن البيبي اني ما انتظمت عليهن


خذي عصير طماط او كلي طماط ورمان ايزيد الدم ايقولون
شيؤؤؤخية
24/11/2011, 01:15 PM
قائمة كروشات فبراير 2012

http://www.google.ae/url?source=imgres&ct=tbn&q=http://www.balloonmoments.co.uk/images/baby/itsagirlfoot2.jpg&sa=X&ei=Iv7ETpzoCJDrOZqG4esO&ved=0CAUQ8wc4RA&usg=AFQjCNE3GqGAKMX-JxzqyIG9g_Zw5lLz3ghttp://www.google.ae/url?source=imgres&ct=tbn&q=http://www.nathanielparker.com/cms/media/kunena/attachments/legacy/images/itsaboy.jpg&sa=X&ei=i_7ETq_VOcbrOciivOsO&ved=0CAUQ8wc4DA&usg=AFQjCNGmwqNTbtVg44Qkc94YWzZDCwPyhQ

شيؤؤؤخية 2\2\2012 ............ بنت

loo0lla و7\2\2012....... احتمال بنت

ZM143 و 7\2\2012 ............. ولد

ام علي 9 \2\2012 ............... بنت

كفوف الحنية 9\2\2012 .............. ولد

ms.ansari و 11\2\2012 .......... ولد

ام حور 12\2\2012 ................. بنت

ام فطومه الحلوة 12\2\2012 ............ مفاجأة

ميمي الجميلة 14\2\2012 ....... ولد

قلب أنثى 14\2\2012 ........... مفاجأة

بقايا حلم 17\2\2012........... مفاجأة

تعبت اكابر 23\2\2012......... بنت

ام رواضي 29\2\2012 .............. ولد


المجموع :13
5 بنات و 5 اولاد و 3 مفاجأة

ماشاء الله ربي يثبت حملنا ويرزقنا بذريه صالحه وخلقة تامه يااااااااااااااااااااااار ب :thumbs_up:
.. أمــ عــلــيــ ..
24/11/2011, 03:38 PM
السلام عليكم ..

كيف حالكم يا بنات مع البرد ؟ :090: الله يعين .. والله كل شي جآآآآآمد .. ومع الثقل مالي خلق اسوي شي .. :019:

ماشاءالله بديتوا التجهيزات .. انا ما بعد سويت ولاااااا شي .. كنت بروح الثلاثاء .. بس :017: ابونا ههههه طلع لكشته مع اصدقاءه :039: مادري وش سالفتهم الرجال ما تحلى طلعاتهم الا اذا احتجت السوق :035: بحاول ان شاءالله اروح الاسبوع الجاي وابدأ اخلص لو بعض الاشياء .. الله يسهل .. :064:

وعن غيرة الاطفال .. سبحان الله ملاحظة على ولدي هالأيام 24 ساعه قاعد جنبي .. ما يبي يروح لأي مكان .. كأنه حاس أن فيه شي .. !!! :057:

مع اني الحمدلله ما قصرت بديت من زمان امهـّـد له الموضوع .. واحاول افهمه واقنعــه .. هالكلام قريته في موقع طبي .. يقولون لازم الطفل يعرف بموضوع الطفل الجديد علشان ما ينصدم مرة وحده .. يعني اللي عندها طفل تبدأ تقعد معه و تسولف عليه وتقول له السالفه .. :094:
شيؤؤؤخية
24/11/2011, 09:07 PM
ام علي

يحيج انا ولد ما يفهم بعده لو فهمته

بس كله يصيح ويباني ما يبا حد اول متعلق ابوه اكثر مني

والحين ما اعرف شو ياه

فديته كان راقد العصر ونش لمغرب وحصلته نااااار وقست حرارته لقيتها 38.3

شليته قالو لي ما فيه شي بس عطوني تحاميل

الحين وانا اكتب لكن رجع فديته

سمحلي لان ردت حرارة ولدي ترتفع ورجع بشوفه
.. أمــ عــلــيــ ..
25/11/2011, 01:41 PM
أهلين شيوخية ..

ما يشوف شر البطل الله يخليه لك ..

لا تهملي الحرارة مرة خطيرة بسم الله علي .. حاولي تروشيه وتعطيه بعد الترويشة خافض حرارة وما عليه ان شاءالله ..

سبحان الله الجو هاليومين كله أمراااااض .. خاصة الاطفال ..

ولدي الله يهديه قبل يومين مشي بطنه من فوق و من تحت .. وحطوا له المستشفى مغذي .. والحمدلله الحين ازين ..

الله يعيننا عليهم متعبين من جد بمثل هالايام .. لا هي باردة ولا حارة ..

** متى يا بنات ندخل الشهر الثامن بأي اسبوع ؟ .. اللي تعرف يا ليت تفيدنا .. :)
شيؤؤؤخية
25/11/2011, 09:01 PM
الله يسلمج اختي ام علي

البارحه طول الليل ما رقدنا حرارة ولدي تمت توصل لــــ 39.3 تروعت

تميت كمادات ودواء الحرارة بس تنزل لحد 38.9 وترد ترتفع

عقب الساعه وحده ونص دوخت وتمن اريولي يعورني تعبت ورقت ما اعرف كيف

نشيت الساعه 2 ع صوت ريلي قومي الحراره ترتفع

نشيت بلا عقل قلت له كيف رقت قال ما اعرف

مسكي نفسج الولد تعبان وانتي تعبانه واانا واحد من بشوف بروحي تعبان رحمته

خليته ايحط له تحميله تم ايصيح فديته ولاطاع ايلس شليني

شليت ولدي غرفته ويلست اللعبه بالالعاب وخليت ابوه يرقد تميت لحد الساعه 4 رقد

عقب رديت الغرفه تميت سهرانه كل شوي اقيس الحراره

عقب ع الساعه تقريبا 5 نزلت وصلت 37.7 قلت الحمدلله وكنت منسدحه عدال ولدي ما دريت الا الساعه 6

ريلي ياخذ مقياس الحراره من ايدي

والساعه 11 شليته الطواري قالو لي فايرس منتشر بس حراره ما فيه اي شي

والحراره ماتنزل وبتم حرارته 6 ايام ع هالحال ركبو له مغذي وخذو له فحوصات دم

والحمدلله كل شي زين بس حرارته

يوم ركبو له مغذي ما قدرت امسكه خليت ابوه وهو يصيح وانا اغمى علي

سكرن اذنيني واحس فوادي ينعصر وتميت اصب من العرق يلست ع الكرسي وما دريت الا

بريلي يقول لي شو فيج تبين ترقدين

قلت له انا دوخت واغمى علي تم مستغرب نشيت اركض اشوف ولدي

بس الحمدلله احسن الحين لو ان المغرب ارتفعت وصلت 39.2

بس الحين الحمدلله اشوا

قاريه بلبلاك بيري اون البصل زين تحطه في قاع اريول وتلبسه زلاغات

سويت له وان شاء الله خير
شيؤؤؤخية
25/11/2011, 09:15 PM
ام علي :

ادخلين الشهر الثامن في الاسبوع 31 ويوم
تعبت اكابر
25/11/2011, 11:35 PM
يا هلا صباياااااااااااااااااااا شو اخباركم ؟؟ وشو مسووين ؟؟

الله يعين الي عيالهم مرضى اصلا هالايام مع تغيير الجو الكل مريض !!

انا بعدني ما خلص الاغراض يدووب تووني بديت ..

كلولولووووووووش باركولي دخلت السابع ^^
ms.ansari
26/11/2011, 11:08 AM
صباااحو كرووووشات
شخبااركم؟؟؟ مايجوفون شر عيالكم

بالنسبة عن التشري انه شريت خفااايف وطقم البيبي خلصت فصلته وافتكيت وباقي التجهيزات ان شاء الله باروح السعودية اذا قدرت وافتك كلشي من هناك مره وحده لان احس روحي ثقلانه :p

كروشات من الحلوة اللي بتسويلي الشريط :o
شيؤؤؤخية
26/11/2011, 12:23 PM
مرحبااااااااااااااااا كروشات

شخباركن شخبار الجوووووووووووو عنكن

شو تجهيزات ؟؟؟


شكرا يالغاليات تعبت اكابر و ms.ansari

الله يسلمكن من كل شر يارب


والله يشفي اعيالنا يااااااااااااارب

انا ما بديت احهز اي شي كنت مريضه وصحيت ين امتحانات ريلي عقب مرض اولدي


بس خيره يارب
.. أمــ عــلــيــ ..
26/11/2011, 02:09 PM
السلام عليكم .. مساء الخير ع الجميع ..

شيوخية .. ما يشوف شر ان شاءالله .. الحمدلله مادام كل فحوصاته تمام وعرفتي سبب الحرارة .. مالك الا الصبر والدعاء ان ربي يتمم على ولدك الصحة و العافية .. ومشكورة حبيبتي على الاجابة على سؤالي .. :025:

انصاري ..

لازم تعطيننا تاريخ اخر دورة لك بالميلادي مضبوط علشان نقدر نسوي لك الشريط .. :)
ميمي الجميله
27/11/2011, 12:30 AM
هلااااا بيكم


شخباركم امس كنت واجد تعبانه وكان كله الم تحت البطن

واذا اتحرك يزيد رحت العياده اليوم وقالت اليي كل شي اوكي وزين

واكدت اليي جنس البيبي بعد الحمدلله

وان شاء الله بعد -10 ايام ابتدي اجهز
اأم روااضي
27/11/2011, 07:16 AM
صباح الخير والجو الحلو كيف الحال والبيبيات
ms.ansari
27/11/2011, 01:51 PM
هلووووو كرووووشاااات الجوووو فضيع

اخر موعد دورة لي كان 4/5 :o
اأم روااضي
27/11/2011, 01:53 PM
ويينكم كرررااارريش مختفيين
.. أمــ عــلــيــ ..
27/11/2011, 08:31 PM
السلام عليكم ..

كيف حالكن اليوم ؟؟

:)

انصاري ..

سويت لك شريط حساب الحمل .. بس ما ادري اذا مضبوط على حساب المستشفى حقك او لأ .. لو فيه غلط خبريني اسويه مرة ثانية ..

http://go.3roos.com/nfseos0ozfu

انسخي الرابط ونزليه في توقيعك .. ويطلع عندك .. :)

أهلين ام رواضي ..

بخير .. موجودين بس البرد مخلينا كسووووولين .. :-#
أمـ عبـد آللـهـ
28/11/2011, 05:18 PM
حياكمـ بموضوع تجهيزات ولدي

http://forums.3roos.com/showthread.php?t=642423
شيؤؤؤخية
28/11/2011, 10:00 PM
مـْـْـْـْرحـْـْـْـْبـْـْآ آآآ? شخباركن سمحلي غبت عنكن بسبب مرض ولدي
لحد آلَََـْ?ـّينْْ حرارته ماتنزل والله تعبت مِـFROMـنْ السهر
احس حلجي ايعورني بزجم

والمشكله
اليوم نزل مني دم ! لـــِْ???ـِْـيـWHYــِْ???ـِْـ� �. ما ادري
وطنشته شليت ولدي لانه تعبان

بَـًـًسْ وقف ويوم يت ارقد قبل شوي رحت ابدل ملابسي حصلت نازل
فـِ?ـيْ ملابسي الداخليه

تتوقعن ‏شُـ?ـِ? السبب هل مِـFROMـنْ التعب والسهر وشلال ولدي
او لايكون بوادر ولاده !!

ياليت اذا حد صاير لها تريحني

ولا مِـFROMـنْ كم يوم اسهال فيني
ام فطومة الحلوة
28/11/2011, 10:38 PM
شخباركم كروشات
بدينا في الثقل والتعب يزيد الله يهون علينا

شيووخة لاتسكتين عن نزول الدم الدكتورة قالت لي الدم ينزل في التاسع بس هو اللي ما يخوف


انا بعد للحين ماجهزت شي بس كم قطعة خذتهم من فترة
امس رحت المستشفى الحمدلله تطمنت علا البيبي وتاكدت من الجنس بعد كم يوم بحاول اطلع اخلص اموري ان شاء الله
.. أمــ عــلــيــ ..
28/11/2011, 11:06 PM
السلام عليكم ..

كيف حالكن مع البرد ؟؟

بشروا من عنده أمطار ؟؟

جونا اليوم يهبـــّـــل .. امطار من الصبح .. وبكرى معطين المدارس والجامعات اجازة .. لأن الامطار ان شاءالله بتستمر .. اللهم اجعله صيبـّاً نافعــاً .. :090::013:

يا بنات انا عندي مشكلة بسيطة .. وهي اني تقريباً كل ما دخلت شهر تجيني آلام فضيعه بالمنطقه .. خاصة بعد الحمـّام الله يكرمكم .. والله تقولون سكـّـين .. :033:وما يهدأ الألم الا اذا جلست .. يعني طول ما انا واقفه بعد ما اطلع من الحمام يزيد الألم .. :091: مادري وش السالفه .. ياليت اللي عندها فكرة تقولي .. :01: علماً بأنه يجلس ثلاث او اربع ايام ويختفي بعدها .. !! :057:
.. أمــ عــلــيــ ..
29/11/2011, 01:32 PM
وش دعوى يا بنات وينكم اليوم ؟؟

:-#
ms.ansari
29/11/2011, 04:28 PM
الرابط غلط يطلعلي :|