مشكلتي هاديه وقليلة الكلام

[أريد حلاً]

السلام عليكم

بنات مشكلتي ماحس انها مشكله بس حبيت اقول لكم عنها

انا اتضايق لين حد يقولي انتي مشاءلله عليج هاديه

يحسسوني مالي شخصيه او اني طيبه بزياده

انا طبعيتي خجوله بس مو وايد واحب اسولف بس مو مع الكل

وايد يقولون لي انتي هاديه ومؤدبه وخجوله

بتقولون لي شلمشكله ؟

بس انا اتضايق لين اسمع هلكلام

وانا عكس اختي اختي دايما تضحك وتصارخ ومشاكسه وانا عكسها تماما

:|

[انسانة مختلفة]

الناس اطباع....وما ضروري نكون كلنا متل بعض

[معنـى الحنـان]

هههههههههه شالمشكله انا نفسج كله يقولون لي هاديه ومؤدبه وخجوله


وتدرين بعد؟؟


هالشي يجذب الناس لي ،، وانا استانس لمن يقولون لي اني هاديه ومؤدبه وخجوله ورقيقه ووو


وناسه ليش متضايقه؟؟؟


اصلا زوجي يقول احلى شي فيج الهدووووء


وترى الناس يحبون الهاديه ،، حتى لمن كنت بالمدرسه كانوا المعلمات يمدحوني عند امي يقولون بنتج هاديه ومؤدبه


كنت معروفه حيل بهدوئي ،، والله هالشي حلوووووووووو وايد


مادري شنو اللي مضايقج؟؟؟؟


حبيبتي ماعندج مشكله بالعكس استانسي وافرحي وهذا شي يجذب الناس لج


احلى شي بالبنت هدوئها وحيائها

وحتى انا ما اسولف مع اي احد ،، وكلامي قليل مع الناس اللي ماعرفهم

بس عادي شالمشكله ؟؟

[ريـآنه العــود]

يـآ مجنـــــــــووونـه خــــليك ع هـــداوووتــــك

الحيـــن النــآس تتعوذ من اللي عكســـــــــــك

[وصال الطائف]

والله ماهي مشكله بالعكس لازم تبسطين
الهدوء والرزانه محببه عند الكل وش تبين تكونين مرجوجه
لا دخلتي مجلس تعوذو منك
خليك زي مانتي

[حتي صوته ما انخلق مثله ابد]

اول شئ بقول ,,, ما شاء الله ... لا اله الا الله

تاني شئ ,,, من قال العقل عيبة بالعكس الا ميزة واحسن ميزة
والكل يحب الركادو والعقل والهدوء

الله يحفظك يا رب

[أريد حلاً]

تسلمون رفعتوا معنوياتي فديتكم والله

[فوشياآ~]

لو تدرين خطيبي ايش يقولي لاني مرجوجه
و هبلوله و ع قولتك مشاكسه !!

يقول البنت اذا ملكت تثقل و تركد

الثقل صنعه و كل يوم ع هذي الحاله .. حتى صرت اتصنع الثقل
عشان ارضيه

يعني انتي من الله ما يبي لك تتصنعين
توني ادري الرجال يحبون البنت الثقيله ,,, والله احمدي ربك وانا اختك