زوجي جاه قرف من وزني الزائد ومو قادرة اضعف بليز اجرحوني يمكن اصحصح

[أريد حلاً]

السلام عليكم

اخواتي منحرجة اقولكم مشكلتي لانها خاصه بس دامها بدات تأثر ع صحتي فمو قادرة اسكت

انا متزوجة لي سنتين ومريت بظروف الحمل والولادة زاد وزني من 67 ل 100 :'(

شكلي مخيف بطريقة مو طبيعيه


زوجي احس صدوم وكاتم وانا مو قادرة اسيطر على روحي ابدا

المصيبة اهلي كل انواع الضحك والمزح على وزني يكون بحضوره

مو قادرة ابدا اسيطر على روحي لان بالحمل جاني سكري وضغط الحمل وكنت تقريبا شبه ممتنعه عن كل الاكل الشهي

ومن ولدت ما ادري شو صار فيني اكل بشراهه ليما وصلت خلال سبعه اشهر لهالوزن

احس زوجي كله منقرف مني ومن شكلي بس كاتم وصابر

حتى اهله بدأو يلمحون لي اني صايره منطاد

المصيبة انا وهو نفس الطول بس انا ضخمه وهو يحليله يابس فشكلنا لوعه مع اني اصغر منه بس لمن نمشي كاني ماشية مع اخوي الصغير او ولدي

ولمن نطلع اشوف عينه على البنوتات الرشيقات والدلع حتى صاير كله معصب مني لو قالي بنطلع تحججت بالف حجة لان ملابسي والعبي كلهم مو مقاسي ورحت شريلتي هدوم على مقاسي مو قادرة اوصفلكم منظري

انا كارهه نفسي جدا جدا جدا بس بنفس الوقت ما ادري مو قادرة اتحكم بمقدار اكلي

وما عندي طبيب ولا جيم قريب بيتي يعني صعبه اتابع مع احد

شسوي بليز اغيثوني

محتاجة كلام يوجع القلب يمكن احس على روحي

المصيبة ادري انا كتبلتكم كل هالكلام وقاعده اتخيل كل انواع الاكل :'( ما ادري شفيني

[معنـى الحنـان]

حبيبتي انتي عارفه مشكلتج ومتضايقه من نفسج طيب وين الاراده؟؟؟

ليش مايكون عندج اراده ؟

حطي ابالج ان اول شي راح تضعفين عشاج صحتج ،،
لان السمنه تسبب امراض سكر وضغط وكروسترول وقلب وغيره وغيره

حرام عليج تسوين بنفسج جذي ماتخافين على صحتج ؟؟

وثاني شي عشان مظهرج؟؟

عاجبج مظهرج؟ وحتى ماتلقين ملابس مقاسج !!

وزوجج المسكين تزوج وحده وزنها 67 فجأه صارت 100

لازم يكون عندج اراده بس الافضل ان تروحين لطبيبة تغذيه عشان تسوي لج تحليل دم وتشوف جسمج شنو محتاج عشان تضعفين بطريقه سليمه من غير اي تأثير على صحتج

وترى الطبيبه تعطيج نظام غذائي وتروحين لها تقريبا كل شهر يعني مو شرط يكون الطبيب قريب

يعني كل شهر اشوف انه عادي ،.

و الله يوفقج ان شاء الله وتوصلين للوزن اللي تتمنينه ويخليلج زوجج وعيالج يارب

[وردة خريف]

حبيبتي اول شي زي ماقالت معنى الحنان الاراده اهم شي
وانا مريت بحالتج بس وزني مازاد نفسج حيل
بس شراهه مو طبيعيه وسببها الرضاعه وزيادة الوزن

انا اول شي سويته الجممم اروح واسوي رياضه وغير رياضة البيت
ثاني شي فطمت طفلي بعد سنه عشان اخفف من الشهيه والشراهه اللي انا عايشه فيها
وجلست اخفف اكلي
الحمل مصيبه والله الله يرحم حالنا بس
والله يساعدج

[Daisy Ash]

و عليكم السلام و رحمة الله و بركاته...

إذا انتي فعلاً عازمة و جادة في الموضوع، ابتدي الحين و ما راح تحتاجين لا جم و لا دكتور إن شاء الله!

اشتري لج السير حق المشي، و امشي عليه يومياً... عندج اليوتيوب فيه فيديوات بالهبل عن أي نوع رياضة تبين... حطي هالفيديوات و اشتغلي معاهم!

أما بالنسبة للأكل، غيري نظامج للأكل الصحي، كل شي مقلي اشويه، استخدمي منتجات الألبان قليلة الدسم، ابتعدي عن الزبدة في الحلويات، قللي المعجنات... و حاولي قد ما تقدرين ما تاكلين بين الوجبات، و إن حصل و جعتي كلي حبة خضار أو فاكهة!

و عشان تلتزمين بهالموضوع، حطي لج جدول يناسب يومج، يعني حطي خطة أسبوعية لوقت الرياضة و نوع الأكل... و ألتزمي فيها!

المسألة جداً بسيطة، بس يبي لها إرادة قوية...

الله يوفقج و ييسر أمورج و يحليج بعيون زوجج F:

[اميرة عرائس ليبيا]

مشكلتك سهلة وتقدرين تنقصين من وزنك استعينى بالله وروحى طبيبة تغذية وامشى كل يوم ساعة

[ام الحبيبه ساره]

الإرادة اولا
اتبع رجيم النقاط أنا اتبعته ونقصت عشرة كيلو
ومشي نصف ساعة
وسًوي رياضة التصفيق
وانتي تمشي استغفري
والله أنا كنت ٧٦ والآن ٦٧ والحمد الله
وخالتي وزنها كان ١١٢ وصغيرة مرة بس متزوجة. وسوت رجيم با العزيمة الان كم تتوقعي






٦٠ وتمشي من نصف ساعة وبعض الاحيان ساعة
ساعدي نفسك وكلي من دايت سنتر تري اكلهم مرة لذيذ وصب وأي
ودعني المناطق السمينة عندك بكريم الزنجبيل وامشي وامشي وامشي
بعدين حتندم على صحتك اولا
وعلى زوجك ممكن في قلبه يقول أنا ايش يصبرني تري الرجال مالهم أمان
وخالتى اللي كانت سمينة تري زوجها سمين مو نحيف بس كان يبغها تنحف الان الرجال غير الحريم
والله لمن نحفت صار يدلعها دلع ولا يرضاها تخرج كثير ويخاف عليها
طيب تصدقي انه سواها مفاجئة وسفرها دبي بعدها روما
أسفة طولت لكن شدي حالك

["كلي امل "]

انتي تقدرين اشتري جهاز المشي واشتغلي علية
وخففي من الاكل وامشي في البيت وسويي انواع الرياضة
وراح تضعفين وطبعا لازم يكوم عندك ارادة

[أجراس الحنين]

اهم الإراده يا اختسسس صدقيني

وخففي وحاولي لو تمششي ساعه باليييوم

ربي يحفظك

[Sweet N Sour]

الحل بسيط اختي بس يبي لك صبر و مثابرة،،خذي الة السير و امشي عليها اقل شي 1/2 ساعة يوميا و عندك بالنت مليان مواضيع عن الريجيم لما بعد الولادة و تمارين بعد الولادة و اذا الريجيم صعب عليكي اعملي شيرش لريجيم اسمه "ريجيم النقاط" ما يحرمك من شي بس يخليكي تحاسبي على سعراتك الحرارية اليومية

و مع الوقت راح تلاقي تحسن

عموما يا غالية لا تخلي الموضوع يأثر على نفسيتك لان يوم تتاثر نفسيتك يتاثر سلوكك و طباعك من غير ما تحسي و تتاثر علاقتك بالمحيطين زوجك و اهلك ،،خليك دايما واثقة من نفسك و مهتمة بمظهرك حتى لو كان وزنك زايد

موفقة اختي

[M!ss CoLoRz]

حاليا خصصي لج ساعة في اليوم وقعدي على اليوتيوب وتابعي فيديوز ايروبكس وسوي رياضة وياهم
إذا صج التزمتي صدقيني في اسبوع تحسين بالفرق خصوصا هالنوع من لارياضة وزوجج إذا جافج ملتزمة وحس بالفرق بنفسه بيشجعج ويخليج تشتكرين في جيم أو حتى يسوي لج جيم مصغر عندكم في البيت

[㋡ام عبودي وعموري㋡]

والله ما قصرم الأخوات بردودهم ونصايحهم الحلوه
شوفي حبيبتي كلنا مريناا بنفس الحاله ولاده وزياده الوزن بس عادي اهم نقطه لا تخليهاا ببالك هى انى ما اكدر التزم برجيم او ما اكدر اترك الاكل لا حبيبتي حاولي ترسمي شكل جديد ببالك لنفسك يعني انا من اضعف وشكلي راح يتغير راح البس الى احبه راح تصير عندي ثقه بنفسي حتى من اطلع مع زوجي تكون عندي ثقه بنفسي وما يطالع غيري اكون ماليه عينه من رشاقه من شكل حلو من ميك اب من قصه شعر حلوه اهم شئ تكون الثقه بنفسج وحتى لو الحين وزنج 100 لا تحطي بالك انك مو حلوه وانك غير عن الحريم وان مافي ولا وحده وصلت وزنج لا حبيبتي اهم شئ تحطي بالك انك انتي جميله وراح تصيرين احلى رشيقه بس اهم شئ تحاولي تخففي اكلك بل بدايه وشويه شويه راح تتعودين على نظام الدايت وجسمك يبدا ينزا شويه شويه مع تمارين رياضه حتى لو ما عندك اجهزه وما تكدري تشترى اقل شئ مشي باليوم ساعه تكفي وان شاء الله بعد هل نصائح الى قدمنها لج نفسيتج تتغير وتصير عندج اراده وتصيرى احلى رشيقه ان شاء الله موفقه حبيبتي..

[لحن الشفاه]

انا زيك بس وزني كان 60 وسار 82 بعد الولاده ومو قادره انزل وزني ومافي اراده احاول اجيبها يومين وارجع الله يوقي اردتنا

[ريحانة القلوب]

خلي عندك قوة إرادة وشاركي في نادي رياضي وخلي الخبيرة تشوفك وأتابعك

[Spoiled Zozo]

اختي انا ما اعتقد ان المسألة اهي الارادة
انتي مهمومة ولما يزيد همك تعوضي في الاكل
لانكي تعرفين انك لازم تنقصي وزنك
يزيد اكلك بطريقة لا ارادية
الحين انا باقول لك ما في داعي للرجيم او الحرمان
اكلي اللي تبغيه بس غيري اشوي في المكونات
يعني بدل لا تاكلي مقليات اكلي مشويات
بدل لا تاكلي سندويش بخبز ابيض عملي لروحك سندويش بخبز اسمر
حتى الرز اذا طبختي الغدا طبخي لزوجك برز ابيض واقلي له الدجاج او السمك
وعملي لروحك غدا بالرز الاسمر واشوي الدجاج او السمك
علشان انتي يخف وزنك واهو يزيد وزنه عرفتي كيف؟ ههههههه
هاذي الطريقة ما راح تنزل وزنك بسرعة بس راح تفيد على المدي الطويل
ودايما اكلي سلطة قبل اي وجبة علشان تقل كمية الاكل
وخلي الفاصل بين كل وجبة وثانية 6 ساعات او اكثر علشان ينهضم الاكل
واذا جعتي بين الوجبات اكل فواكه واذا حسيتي مرررة محتاجة لحلويات اكلي تمر
والله يوفقج ان شاء الله

[بنت الدمستاني]

لازم ارادة
عاجبك الوضع يعني وزنك 100
كلش خطير على صحتط
لازم تبدي من بكرة
تتمشي نص ساعة الى ساعة الا ربع من الفجر افضل وقت
يعني يروح زوجك الشغل طلعي بمنطقتكم وتمشي
نص ساعة تمارين ضغط البطن وتمارين التحمل
خليها شيء مهم بحياتك
مثل ما انتي متعودة اول ما تصحين تغسلين اسنانك

التزمي ب 3 وجبات باليوم
اكثرها سلطات وفواكه
وكربوهيدرات وبروتين
بدل لا تاكلي صحن كامل
اكلي نص صحن
مرة وحدة بالاسبوع اكلي حلاوة
خفيي الكلوريس اللي تاكلينها

ترى لي تم زوجك قرفان منك
انتي اللي بيروح عليها
وخل وزنك يفيدك

[ذابحهم غرووري]

البنات ماقصروا
موفقه الغلا

[**ام عبادي القمر**]

المشكلة سهلة باذن الله
اولا توكلي على الله
ثانيا خلي عندج ارادة
ثالثا تخيلي اشلون فرحة زوجك فيك لما تضعفين
وماشاتقتي لملابس القديمة الي لما كان وزنك 67 كيلووو
وترى كل ماتشوفين نفسك كل اشبوع تنقصين راح تتشجعين اكثر واكثر الاسبوع الي بعدة والي بعدة اللين
ماان شاء الله الحماس يزيد اللين توصلين للوزن المطلوب
وموفقة ان شاء الله

[aisha.. madam simo]

شوفي قسم التغذية والصحة يمكن تلقي موضوع يشجعك هناك

[فراولة خضره]

سمعي يالفيل يالدبه يالمتينه ؟!!

ضايقج كلامي

هلكلام لو مانقال من قدامج ينقال من وراج

تلاحقي عمرج حبيبتي

ونصيحتي لج خذي لج جهاز مشي وكل يوم حددي لج نص ساعه بس تمشين فيها واصري اصري ان تمشين واشتري لج ميزان

واكلي الاكل مب حرام بس بعتدال

وعندج حبوب في الصديليه اسمها نيوترشن سعرها 100 ريال تطلع الدهون في جسمج علي شكل براز

اوكي عندج شهيه زايده اكلي فاقد حبوب فاقد الشهيه

الصراحه انتي مو طبيعيه
انا لو ريلي يقولي هلكلام ماروح استشير حد

انشاءلله اسوي رياضه قي الحمام

بس اشتغل علي عمري

[الملكة الواثقه]

يااااااااااااااااارب تنحفي
اسمعي حطي في بالك هدف عشان تنحفي اذا ماحطتي هدف راح تتكاسلي ....
قولي انا بنحف تحدي عشان اوريه انه انا عندى قدره وراح انحف
جيبي احلى لبس كنتى تلبسيه ويعجبك وقولي انا بنحف واعطي نفسك فتره وشوفي كم المده اللى نحفتى فيها عشان توصلي للبس اللى كنتى تلبسيه زمااان
ونقطه ثانيه كل 3 شهور انزلي اسوق عشان تشتري لبس جديد والسبي القديم حتشوفي في فرق راح تفرحي وتتحمسي اكثر وزي كدا كل 3 شهور اشتري الملابس اللى على مقاسك لانه انتى حطي في بالك كل 3 شهور راح تنحفي والقديم راح يكون عليكي واسع
وكل وحده تبغى تنحف يارب تنحف
والله قريبتى كانت تختوخه
والحين نحفت تسوي رياضه
انا بقولك نصيحه امشي كل يوم من ساعه لساعه كل يوم
وارجعي البيت سوي الرياضه حق شد البطن تلقيها في النت
طبعا وزنك ماراح يلاحظ بشهر او شهرين لا
لانه هوا ينزل بس مايبان ممكن على 3 شهر يبان شويه
بس لازم الريااااااااااااااااضه عشان جسمك ينشد موبس مشي الحاله لا ريااضه عشان الجسم يكون مشدود

[يسعدني رحيلك]

عارفه المششكله بس ماعندش ارادة صحح؟؟؟
انا مااعرف انتي من وين بس اشتركي في نادي مثل زوجه اخوي
كانت سمييينهـ مررررة ودخلت النادي واللحين رشيقه
نصيييحه مني اششتركي في نادي مثل نادي الضباط

[الملكة الواثقه]

وييييييييييييييييييييين صاحبة الموضوع تقلنا وش صار معاها

[لارسا بغداد]

السلام عليج اختي
عندي الج خبر يفرح
اعرف وحدة سمينة درجة انو شكلهة كرة
المهم
مرة زرتهة وشفتهة صايرة عودة كتلهة شسويتي
وشون ضعفتي
كالت زوجي يحب الضعيفات
فصممت اضعف
المهم نجي للحل اش سوت
سوت الشوربة الحارقة للدهون
واستمرت عليها يومية تشربهة
شنوسر هالشوربة
الشحوم الزايدة ال بالجسم تحوي سموم هاي السموم
هي ال لي تمنع الشحم من الذوبان عند ممارسة اي جهد مثل الرياضة
ولهذا كثير يكولون نلعب رياضة وماكو فايدة
بعد
غيرالشوربة اختي لاتاكلين اكل دسم قدرالامكان
وشوفي جهاز رياضي ترتاحيلة
والله يوفقج وتوصلين للوزن المثالي
سلامي

[ليوونه]

حبيبي روحي امشي احسن حال الللي مشكلتك تقبلي مرووووري

[بنت هنا]

اطلبى العون من الله انه يساعدك وابدئي
وربى يفرج عليكى

[غنات الروح]

بنت عمي زادت خمس كليو زياده على وزنها

طلوع الدرج ونزوله هوا الي نزلهم

بالبدايه تطلع خمس درجات طلوع ونزول مره وحده

وبعدها تزود درجتين على الخمس وتطلعي وتنزلي ثلاث مرات

وهكذا الين مانزلت الخمس كيلو

واكيد التخفيف من الاكل ضروري

واكثري من شرب الماء الدافئ خاصه عند الاستيقاظ من النوم هذي اهم خطوه تذوب الشحوم

وقبل كل وجبه اشربي كوب مويه عادي وليس بارد البارد يطلع كررش

ومافي عشا بعد الساعه 7 المساء

واذا مره جوعانه علبه زبادي قليلة الدسم مع خبز اسمر

باذن الله في اسبوع تنزلي 5 كيلو

وموفقه حبيبتي=)

[وَدقْ ..~]

الله يضعفك يآارب يآراب..)

[ماذا اقول]

اذا كنتِ خايفة على زوجك يا قمر ضروري تستغني عن الأكل شوية وتخففي وزنك بالرياضه علشان ما يطلع على غيرك
واللا يجري ورى وحده رشيقة زي ما بتقولي
والله يعطيكِ العافية