غير البنات

[أريد حلاً]

السلام عليكم ورحمة الله وبركاته

انا بنت عمري 21 سنة ..
عندي مشاكل وهواجس واايد شاغلتني ومسببة لي قلق وتوتر
ومو عارفة شلون اتصرف او وش اسوي او حته اخبر احد عنهم لاني
واايد منحرجة

صارلي مدة اتمنى اتزوج واستقر لكن هالهواجس تعيق زواجي
مثلا بشرة جسمي ملياانة عيوب وسواد
سواد في المناطق الحساسة والظهر والركب للعلم انا لوني
الاصلي مو غامق
وهذا غير عن الشعر الي مغطي كل زاوية بجسمي وبدرجة ملحوظة
لدرجة اني احتار اشيل شنو واخلي شنو
وآثار الدمااااامل الي ماالية جسمي ..

شي موووو طبيعي
قلبي متقطع على حاالتي ولا احس رووحي مثل البنات
ساعات احاول اعتني بنفسي بس ماقدر لان ماعندي الميزانية الكافية ولا مواصلات علشان انزل السوق مته ماحتجت
وجسمي كلش صعب مافيه شي يصلحه
وبعد افتقد الخصوصية في البيت

والله تعبت ..
راحت مني كذا فرصة زواج والسبب اني مابي اخدع الولد
ساعات اقول خاطري انطر كم سنة على ما تخرج واشتغل واضبط
روحي وعقب اتزوج
وساعات اقول خلني انخطب يمكن يتعدل حاالي
بس المشكلة ماعتقد احد بيتقبل جسمي

انا مو حاطة الموضوع علشان ابي خلطة او شي
قوقل مايقصر كل الخلطات عندي بس مو حااصل لي اطبق

بس ابي نصيحتكم .. لو وافقت على شخص متقدم لي تعتبرونه عادي او تهور ؟؟

للعلم اهلي دخلهم محدود وعايشين ع القلة والحمدلله على كل حال
مصروفي مايكفيني وحته مصاريف دراستي بالغصب ادبرهم

[أم سلمى2007]

يا اختى العزيزة

إن كنتى فاكرة إن كل البنات مش بيعانوا من عيوب فى أجسادهن

يبقى فكرتك خاطئة

لان الاصل إننا كلنا عندنا عيوب فى أجسادنا

وقلة قليلة منا هى اللى مش بتعانى من عيوب فى جسمها

وكل اللى بتشوفيه فى التليفزيون والمجلات ملعوب فيه ببرامج الكمبيوتر

ما تعقديش نفسك وتحسسى نفسك إنك غير كل البنات

المهم إنك تكونى أنثى بتصرفاتك وروحك

ده اللى يخلى أى راجل ما يشوفش أى عيب فيكى

إنك تتعلمى إزاى تكونى أنثى بجد وتخليها سمة ظاهرة لشخصيتك امام زوجك

لما يتقدم لك عريس صلى إستخارة

وربك هيختار لك اللى فيه الخير ليكى ويناسبك

وربنا ييسر لك أمرك ويوفقك فى دراستك

أختك فى الله أم سلمى

[nooralhidayah]

وازيد على كلام الاخت ام سلمى انه لا يوجد مايمنع ارتباطك من ممن يتمناك زوجه وياما بنات كن يعشن في فاقة وعوز وضيق حال _ واعرف امثلة كثيرة من هذا النوع _ وعندما رزقهن الله ازواجا صالحين افاضوا عليهن من الخير مما افاض الله به عليهم فتحسن حالهن واصبحن في حال غير الحال.
لذلك لا تتاثري عندما ترين غيرك من فتيات الجامعة وهن في ابهى منظر فالجمال الحقيقي هو الإيمان والرضى بما قسم الله لك من الرزق واطلبي منه سبحانه وتعالى ان يرزقك بالشاب الصالح المؤمن حتى لا يرى غيرك . وتقبلي مروري.

[عزيزة النفس كثيرا]

الله يوفقك و كل البنات عندها عيوب و التلفزيون شي تاني خافص مش الواقع

زي ماقالو الاخوات تعلمي تكوني انثى

http://upload.traidnt.net/upfiles/0Vi13732.jpg

[ريم81]

اختي البنات ما قصروا

و انا رايي انك مكبره السالفه لو كل وحده فكرت مثلك ما حد تزوج

اختي توكلي على الله تزوجي و انخطبي وا هتمي بنفسك على قد استطاعتك و الله الموفق

[sweet lady88]

ربي يسهل عليج و يوفقج و يرزقج الزوج الصالح اللي ما يشوف غيرج ^ ^

[أريد حلاً]

يعطيكم العافية خواتي على الردود والتعليقات
صحيح الكل فيه عيوب لكن بدرجات متفااوتة


انا كل عيوب البشرة موجودة فيني سواد وحبوب ودمامل وخطوط
هذي الامور تثير قلق اي بنت خااصة لين كانت مثلي على وجه زواج
معني جميلة ورشيقة بس من فوق الثياب لكن تحت استغفر الله




والغريب اني الوحيدة في البيت الي جسمي جذي
خواتي ماشاء الله كلهم بشرتهم نظيفة ومافيها شوائب
ومايحتاجون جهد علشان يعتنون بنفسهم او ازاالة الشعر
يستخدمون الصابون العادي بس لا غير بلا كريمات او شي
يمكن ده الشي الي محسسني بالضيق والقلق


بجد انا اباالغ ووايد شاغلة روحي بسالفة جسمي
والاحظ كل مازاد الوسواس زادت المشاكل وتفاقمت فيني وابتليت اكثر
استغفر الله ياربي

الله يهديني بس ..


وبالنسبة للزوااج .. اتمنى ان الله يوفقني ويرزقني الزوج الصالح الي يرضى فيني :o

مشكورين جدا خوااتي ..

[روح ريلها]

الله يوفقج ويرزقج الزوج الصالح والطريق توه جدامج شوي شوي عالجي روحج واستخدمي اشياء موجوده بالبيت واكيد كلها طبيعيه واهم شي الثقه بالنفس

[خلود2]

شوفي يا حبيبتي سوي لنفسك برنامج جويل بصراحه احلى
ابدي من راسك الى رجولك
اهم شي تكوني حابه نفسك
الناس راح يشوفوكي بعينك انت
لو شفتي نفسك حلوه راح يشوفوكي حلوه
والعكس صحيح
والتغير ابدا مو صعب اهم شي العزيمة
مافي شي مستحيل

[دودي m]

ياحبيبتي لاتشيلين هم ولا تفكرين كثير واذا جاك خطيب وانتي مرتاحتله وتبينه وافقي
ومن المهر تقدرين تظبطين عمرك من ناحية الجسم اذا كنتي تخينه تسوين رجيم من الان واذا كنتي نحيفه زي حالاتي اشتري حبوب سبروفيتا وراح تتخنين
انا ياحبيبتي كنت مرااا نحيف هلدرجه مافي معالم انوثه ولا حطيته عائق امامي مع اني متفشله من نفسي بس بعد الزواج اشتريت هالحبوب والحين جسمي تعدل
ومن ناحيه الحبوب والسوااد ياقلبي في مية اخصائية تجميل مع حمام البخار وهالشغلات وتروح ان شاء الله
يعني لاتقولين خلاص شينه وتقعدين وتازمين نفسك وترفضين خطاب مافي بنت مي حلوه كل البنات حلوين والفرق بس بالاهتمام بالنفس
لاتفكرين كثير ولا تتعبين نفسيتك اذا جاك خطيب توكلي على الله وكل شي يصلح بعدين

[تبت لربي]

تحبين نتكلم بصراحة
انا عمري 23، و اذا الله كاتب فخطوبتي المفروض تكون الشهر القادم .... الشاب الي تقدملي مثاااااااااااااااالي، يعني طويل و ابيض و كنا بالجامعة لما نمشي البنات يدورون راسهم يقولون " كيف ؟؟؟؟؟؟^o)^o)" يعني قصدهم هو احلى مني!!!!;)
المهم، انا اجت ايام كثيرة انهزت ثقتي بنفس ، لان عندي نفس معاناتك ، يعني الشعر الي عندي مقرف و عندي اسمرار بمناطق كثيرة ـ هذا بالاضافة لبطني و ظهري ، و طبعا صدري بححححححححححححححححح:confused: ههههههههههه..... بس الف الحمد لله ما كنت اباوع لعيوبي ، لاني مدركة انو راح اتغلب عليها ، و باشياء بسيطة، يعني مثلا انا بعد ازالة الشعر بالحلاوة او البراون احس بالانوثة((( للعلم انا مفكرة اجرب الليزر ))).... انا اقول لا تهملين نفسك ، لان مجرد انو تبدين تعتنين و تشوفين التحسن ولو 10% فهذا بحد ذاتة انجاز يخليكي واثقة من نفسك.
انا بديت استعمل مقشرات بسيطة مثل ليمون و سكر و اسبح بصابون البابايا المقشر و الله احس شوية فرق وياي و خفت اثار الحبوب :rolleyes:...لا تقولين مو حابة اجرب وصفات ، و الله اكره اخلي شي على جسمي بس للضرورة احكام...ابدي انتي و شوفي النتيجة :pو ما في وحدة بالدنيا جسمها كامل، كلة تقشير بالماس و الليزر و الذهب و خلطات و مصايب.
خلاص بس شيلي الشعر و قشري جسمك، و الله من تتزوجين ما راح يشيل عينة من عليكي،بس اهم شي تكونين ذكية و تبرزين جماااالك بثقة ...
و ربي يوفقك

[أريد حلاً]

صراحة كلامج رفع معنوياتي واايد
الله يوفقج ويتمم لج على خير يارب

انا ابتديت اعتني برووحي شوي شوي وان شااء الله تصير بشرتي مثل ماابي

[ذابحهم غرووري]

ان شاءالله فديتج
موفقه الغلا