ضروري يابناات (جاب أهله مرتين وبعدين يبي !! [الأرشيف]

مشاهدة النسخة كاملة : ضروري يابناات (جاب أهله مرتين وبعدين يبي !!

أريد حلاً

09/09/2011, 09:51 PM

السلام عليكم
اول مرة اكتب مشكلة لي
ابيكم تشيرون علي قلبي محتار
انا من بيئه متشدده وعندنا العادات والتقاليد ماتخلينا عنها سواء العباية ع الراس والغطوة وو
ومافي نظرة شرعيه عندنا اللي يبي يخطب ع راي اهله في البنت
شاب اتقدم لي
ودق ع اخوي قال له بجيب اهلي يشوفوني
وحددنا موعد وجاب اهله
وماردوا علينا !!!!:-#
بعد اكثر من شهرين رد وقال بجيب اهلي مرة ثانيه !!! عذره ان امه ماجات اول مرة <<اصلا امه ماتشوف حييل وقلنا يلا ماعليه
وحددنا موعد وجاب وشافوني

دق الحين قال يبي:
صورة لي !!!!!
واشرايكم
؟؟
نعطيه ولالا الكل استغرب ويقول اشفيه هذا جايب هله مرتين واكيد وصفوا له وش له بعد الصورة
هالدرجه مومقتنع!!
وانا يابنات الحمد الله طول ورشاق وشعر ناعم
يعني حسيت بالقهررر واشدعوة لهالدرجه متردد
شاروا علي اني اعطيه
بسانا يابنات قلبي مقبوووض
حتى لو وافق بس ماتوقع اني بنسى له هالشي ..القهر شنو شايف نفسه ؟
عايلتي منصب ورزه ومشهورة وخريجة جامعه وهو عايلته3بيوت !!

ومتخرج من ثانوي وراتبه مو ذاك الزود
بس الكل يشهد انه ع اخلاق
وهم انا ع اخلاق
احس قلبي معورني ع سالفه اني اوريه احس كأني بذل نفسي يعني هاا شنو تطلب نعطيك بس اخذني:(

وش رايكم

ذابحهم غرووري

10/09/2011, 05:12 PM

شوفي حبيبتي هو راح يتزوج ومن حقه يشوف شريكه حياته
بالنسبه لااهله يمكن ماوصفوله عدل وهو يبي يشوف شريكه حياته قبل لايتزوجها وهالشي من حقها
ومافيها شي انج تعطينه صورتج او انه ايي يشوفج نظره شرعيه
موفقه الغلا

أجراس الحنين

10/09/2011, 05:21 PM

ممدري واللهي شيء يحير ..

وسسالفه الصوره ! مآلهآ دآعي .. من جهتي لو مكآنهآ ما بعطيهم للحيني مى في بينآ عققد واعطيه صورتي مدري

وش بغبر فيهآ ..

مدري واللهي شيء يحير ..

(=

nooralhidayah

10/09/2011, 05:44 PM

حبيبتي انت قلتيها قلبي مقبوض منه وانصحك تصدقي قلبك يعني جاب اهله مرتين والحين يبي الصورة ليش؟؟؟؟؟
الموضوع ماحبيته ابدا ومثل ماقلتي انك حلوة وماعليك قصور لا من ناحية الشكل ولا الأخلاق وهو عارف بعاداتكم فماله داعي يسوي هالحركات والغلطة انكم قبلتم ردة اهله للمرة الثانية كأنهم قاعدين يترجونه يتزوج و اهو اللي موبراضي وهذا رأيي الشخصي ولك مطلق الحرية تاخذيه او تتركيه لكن افضل ان تصلي استخارة والله يقدم لك كل خير آمين يارب العالمين. وسامحيني و تقبلي مروري.

محبوبة عاشقها

10/09/2011, 05:54 PM

عادي تعطيه الصوره من حقه يشوفك لا تبدين من البدايه تشيلين عليه
لكن اذا انت مو مرتاحه للسالفه بلاها
وانت الك مطلق الحريه بلاختيار بالرفض والقبول
واخذي الامور ببساطه
والله يتمم لك ع خير
ويكتب لك الي في الخير الك....

Belle Rosa

10/09/2011, 06:04 PM

أنا رأيي أنه حركته مو حلوة..بس من حقه يشوفك..أنا لو مكانك بقوله ما بعطيك صورة و إذا هو أصر عليك حاولي رتبي شوفة شرعية بس افرضي ما صار نصيب ما بصير يكون عنده صورتك! و أولا و أخيرا استخيري ..موووفقــة ..

سيده نفسي

11/09/2011, 12:38 AM

يمكن عندهم ظروف سبحان الله!!

ثانيا من حقه يطلب صورة ومن حقه يشوفك بالنظرة الشرعية ولا تنقهرين ولا شي ..

حتى لو اهله وصفوك له وصف دقيق لازم يشوف سبحان الله احيانا من الصورة او حتى النظرة يحدد الاستمرار ام لا..

ثانيا الظاهر انك شايفة حالك او منقهره لانه طلب وقمتي تقولين انتوا اعلى وعايلة ووو ..

اذا هذي نظرتك رفضي الشاب ولا انك تقولين هالكلام لانه عيب..

الرجال ينأخذ بالاخلاق والسمعه الحسنة وانتي من بدايتها تقارنين..

بس دام الموضوع ما عجبكم كان من البداية قلتوا ما فيه نصيب..

FINDY

11/09/2011, 12:59 AM

أنا اقول لا تعطينه الصورة

خليها نظرة شرعية او ( شوفة السنة )

الصورة صعبة جداااا
و إذا أصر مش لازم 100 رجال غيرك

لا تعطينه الصوره ابدا انتي ما تدرين وش كثر هالمشاكل بالدنيا
والدنيا ما فيها امان

ما تدرين يمكن نيته مش حلوه مثلا يعني لا توسوسين
بس انا بتاتا ما أأؤيد الصورة

شوووفة السنة بس

.. أمــ عــلــيــ ..

11/09/2011, 01:10 AM

لمثل هالمواقف شرعت النظرة الشرعية ..

اذا هو مصرّ يبي الصورة .. اطلبي من أهلك يسمحوا لك بالنظرة الشرعية .. منها يشوفك ومنها تأمنين على نفسك لو ما حصل بينكم نصيب ما يستغل صورتك بأشياء ثانية ..

الله يسهـّل أمورك ويعجـّل لك اللي فيه الخير ..

*×*انا غير*×*

11/09/2011, 01:29 AM

الجوهرة

11/09/2011, 01:50 AM

انا اشوف انو من حقه يشوفك .. لانو هو الي حيتزوجك مو اهله !
وبما انو انتوا عادتكم ماتسمح لكم بالنظره الشرعيه ممكن عشان كذا
هو طلب صوره .. بالنسبه لي لو حتعطيه الصوره يشوفك يكون عندكم
او حد من اخوانك جنبه يشوفك وتاخذون الصوره منه .. بكذا يكون شافك وحتى لو
ماصار نصيب مايقدر يسوي لك حاجه ..
اتمنى ـأ اكون افدتك .. دعواتك

انا مع كلامها

الصورة صعبه

لأن في هالزمن الأمور سهله من تزييف وطبع الصورة في ثواني

خل يشوف الصورة في بيتكم وماياخذها معاه ولا يطرش اخته تاخذها له

والله يسخر لك الخير ويستر عليك

مآأقوى الفراق

11/09/2011, 02:14 AM

انا اقول خليه يشوفك شوفه شرعيه
وبعدين لاتشيلين هم
اذ كان من نصيبك بتاخذينه سوا اعطيتيه صورتك والا لا
الله يكتبلك الي فيه الخير

زهوور البحرين

11/09/2011, 02:25 AM

اولا اهو من حقه يشوف الانسانة اللي بيتزوجها يعني مو معقولة مايشوفج هذا صار مال قديم الزمان و اكيد لان انتو عاداتكم و تقاليدكم غير قال يبي الصورة ..

و بعدين مو حلوة تقولين عن الصبي جذي انتي ماتدرين شنو اللي حداه يقول يبي يشوف صورتج لا تسيئين الظن ..

وترى اقلها اهو بعد بيقول عايلة و منصب و مشهورة و خريجة جامعة و اهلها متخلفين مايبوني حتى اجوف الانسانة اللي بتزوجها هذا الشي صار نادر يصير عندنا ..

مشكلتي دلوعة

11/09/2011, 02:42 AM

حبيبتي هو طلب الصورة من اخوك ؟؟؟
اذا كذا سهل الموضوع قولي لااخوك خليها نظرة شرعية...يمكن انتي بعد ماترتاحي لة بالنظرة الشرعية ...

لوسيالدلوعه

11/09/2011, 03:04 AM

عادي حبيبتي عطيه هذه زواج مو لعب عيال يعني لو عطيتيه صوره عادي
تحياتي

خلود2

11/09/2011, 04:48 AM

انت كمان اطلبي صورة له وتكون متساوين
الله يوفقك

Sweet N Sour

11/09/2011, 12:27 PM

اختي اشوف موضوع الصورة غير ملائم،،اذا يحب يشوفك يجي يشوفك طبقا للنظرة الشرعية في حظور عايلتك غير كذه لا يصح، ما يصح صورتك تطلع لغريب.

الله يوفقك و يكتب لك الخير

!سموي خلقي!

11/09/2011, 11:40 PM

ماله داعي الصورة صراحة
في طرق ثانية يشوفج فيها ويتاكد انج حلوة

تاج الدين

11/09/2011, 11:46 PM

حبيبتي هادا الشئ من حقه
خليه يشوفك عادي ببيتكم وسط اهلك عادي
هدا شرعا من حقه

أمنيات قلب

12/09/2011, 12:26 AM

روح ريلها

13/09/2011, 12:59 AM

لا تعطينه الصوره خليها النظره الشرعيه شوفيه ويشوفج والله يسر اموركم

شامخة رغم انكساري

13/09/2011, 01:10 AM

انا ماعجبتني سالفة عطيني الصورة لاني من بيئة مثلك متشددة جدا ومو مسموح بالنظرة الشرعيةعندنا الواحد يتزوج على وصف اهله او انو شاف البنت بالصدفة ودامك مثل ماقلتي من عيله معروفه وانتي حلوه وجامعيه اتركيه وانشاء الله يجيك الاحسن

لكن وقبل اي شي صلي صلاة الاستخارة والله يقدم اللي فيه الخير

..★شـــااانيل★..

13/09/2011, 05:26 PM

أكيد لا ومليون لا

أيش صوره؟؟يستهبل هو؟؟

الشوفه الشرعيه وجها لوجه مو صوره..وما تدرين وش يسوي فيها بعدين

معنـى الحنـان

14/09/2011, 01:16 AM

حبيبتي انا انصحج بالنظره الشرعيه

اهو من حقه يشوف الانسانه اللي بتكون شريكة حياته وبيعيش معاها طول العمر
وانتي بعد من حقج تشوفينه ،، يمكن ماترتاحين له

والنظره الشرعيه لها ضوابط ويكون معاج محرم والكل عارف ومافيها شي هذا شرعنا و دينا ،،
بس الصوره مالها داعي

ولاتنسين صلاة الاستخاره وبالتوفيق

سكّرهـ

14/09/2011, 01:27 AM

نظرة تفائل

14/09/2011, 01:53 AM

انا من راي حبيبتي لاتعطيه الصوره
خلاص يشوفك شوفه شرعيه وبس
جايب اهله مرتين وبعد يبي صوره?
الله يوفقك حبيبتي ويسهل لك الخير

om sajjad

14/09/2011, 02:23 AM

اني حسيت من كلامك انك تنظرين له نظره اقل منك يعني لما قلتي ان عايلتهم 3 بيوت وماعندي بس ثانوي وراتبه على قده يعني إذا حاسه من البدايه أن مافي تكافؤ من الناحيه الأجتماعيه والعلميه والماديه مو مجبوره توافقين مع ان كل هالأشياء ماتعيبه إذا كان انسان محترم وعلى خُلق وبالنسبه للصوره ما اشوف فيها شي بس إذا كنتي مو مرتاحه لسالفة الصوره أطلبي النظره الشرعيه خصوصاً انك تقولي قلبك مقبوض يمكن لما تشوفيه ترتاحين له نفسياً ويمكن أهله ماعرفوا يوصفونك له زين وتدرين هذا زواج يعني شراكه العمر كله فلازم يكون اقتناع من الطرفين ... وتقبلي مروري

مظلومة من اقرب الناس

14/09/2011, 03:22 AM

حبيبتي دام خريج ثانوي لا توافقي
بس من ناحية الصورة بلاااش افرضي ما وافق
تضل براسه الصورة
شوفي النظرة الشرعيه مبااحة في الاسلام
ومن حقه بس مو بصورة وش هالخرابييط هذه
ابوي يقول ما نوريه البنت الا اذا فيه نسبه 50% انه نوافق عليه فهمتيني
انتي شلوون تبينه وهو خريج ثانوي وانتي جاميعه ؟

حبيبتي كلمتك قهرتني (انتي اشلون تبينه وهو خريج ثانوي وانتي جامعية)
كيف تحكمي على شخص من خلال تعليمه صح انه العلم نور
بس والله في ناااااس كثير متعلمين وهم مايسوا شي لا من طبع ولا اخلاق ولا تعامل
وفي كثييييييير متعلمين وخريجين جامعة وهم غير مثقفين ومتخلفين بعد
وفي من هم خريجين الابتداية او الثانوية وهم احسن ناس ومثقفين وواعين على الدنيا
يعني محد يحدد حياته من منظور ضيق لازم الواحد يعطي فرض لاخرين
هذا رأيي ولا تزعلي مني

مظلومة من اقرب الناس

14/09/2011, 03:25 AM

انا من رأي البنات الي قالوا مافي داعي للصورة
بس من حقه يشوفك والنظرة الشريعه محللة بالدين
حاولي تقنعي اهلك وانشاء الله يوافقوا
بالنسبة لاخت الي قالت لو تحسين عدم الكفأءة بينك وبينه
وتحسين نفسك افضل منه كلامها صحيح100% افضل تنسحبي من الان لانه
بعدين بتتعبي بحياتك معاه
وقبل كل شي صلي استخارة وربنا يوفقك ويقدم الي فيه الخير