مشاهدة النسخة كاملة : ممكن أفكار رهيبة؟؟
شـ الصحاري ـوق
12/05/2002, 10:48 PM
تحية طيبة ملؤها الحب ..لكل القائمين و المشتركين في هذا المنتدى الرائع..
عزيزاتي هذه أول مشاركة لي و عسى تكون أول الغيث ..بس هل المره انا ابي المساعدة ..بعلي راجع من السفر و اريد البنات تعطيني أفكار لاستقباله ..سواء في ترتيب غرفة النوم أو الصالة أو حتى انا كيف استقبلة ويعني من هذي الافكار ..يا همتكم معاية ..و أكون شاكرة و أن شاء الله متواجده دائما
هلا فيك شوووووق ......
شوفي أمس قعدة أكتب وأنزل صور ......وهذا كله رااااح
للأني نزلت صور بزيادة ......
المهم أختي حاولي تغيرين من مدخل البيت من الخارج أضيفي لك زرعة
http://www.homevisions.com/hvprod/assets/product_images/23398_f.jpg
وبعدين نروح على غرفة النوم ........
ممكن تعلقين على بابها من برى ........إكليل من الخوص وثبتي عليه
ورد مجفف وشرائط وحركااااااات ، وممكن تعلقين فيه كرت كاتبة عليه
عباارة ترحيب حلوووة فية ....;)
وبعدين حاولي تغيرين مفرش السرير .بشيء جديد .......مو شرط يكون
غالي ........أهم شيء مناسب للغرفة.....
http://www.homevisions.com/hvprod/assets/product_images/1616_f.jpg
وبعد ممكن تضيفين (( حزام من ورق الحائط)) ...يغير من شكل الغرفة
بالمررررررة ........ورخيص مو غالي .....كما في الصورة التالية .
http://www.wallpaperbordersdiscount.com/gsets/floral/gtfc116b.jpg http://www.wallpaperbordersdiscount.com/gsets/floral/gtbr101b.jpg
عروس قديمه
13/05/2002, 05:26 PM
شو رايج تعملين له لوحة ترحيب كبيره تعمليها بالكومبيوتر...
وشريط يقصه اول ما يدخل...ورشي عليه ماي ورد..واوراق ورد؟؟
حركه؟؟شو رايج؟؟؟
احلى عروسة
13/05/2002, 05:27 PM
انا اقترح ان العشاء يكون رومنسي ...
يعني لوحدكم وتزينين طاولة العشاء بشموع ;)
شووووووق بالنسبة للأحزمة ....إذا أنتي من الرياض عندك مكتبة الشرق
في سوق طيبة .......ورخيصة موغالية .
نكمل أختي.......أضيفي قطع سجاد بسيطة في الغرفة على شكل ورد
ألوانها تكون مناسبة ..........ممكن تلقينها عند محلات السجاد
في الرياض ........عند محلات السجاد في العويس .
شوفي الصورة .......بس اللي أقصدها أحلى بكثير منهااااا وألوان بعد.
http://www.homevisions.com/hvprod/assets/product_images/18475_f.jpg
وبعدهاااا .....نروح الحمام (( الله يعزك ))
أضيفي شموع حوالين البانيووووو ، وأهم شيء تكون معطرة ، وممكن فواحاااات الزيوت العطرية ........
http://www.simplytrends.com/images/glass-bowl-iron-stand-link.gif
وغيري فرش الحمااااام .......المهم شيء جديد .....
http://www.simplytrends.com/images/chenille-leaf-mats-link.gif
حبيبتي شوق لا تنسين .......نفسك من الموضوع إستقبلية بملابس
حلووة وألوان يحبهاااااا ...........
والباقي عليك يالغالية .........
وإنتظري البناااات وأفكارهم ........;)
أختك:همسة
شـ الصحاري ـوق
13/05/2002, 09:28 PM
تسلمون لي على هل الافكار الحلو يارب ..
شكرا حبيبتي همسة أفكار حلوه ...و عروس قديمة و الله شيء جديد
تسلمين حبيبتي و تظلين عروس جديدة دايم في نظر زوجك..
أحلى عروس فكرة العشاء الرومنسي حلو بس على الله ما يكون اتعشا في الطيارة..
شكرا عزيزاتي و تراني بعد أنتظر أفكار من الباقين عسى ما يبخلون علي بالي عندهم ..
DARK ANGEL
11/06/2002, 07:07 PM
عزيزتي شوق الصحاري...
ليش ما تكتبين له كلام حلو على ورق سولفان وتقصين السولفان على شكل قلب وتحطين على أطرافه ورق كورشيه يكون مقصوص على شكل شرايط وتثبتينه على السولفان صدقيني شكله يطلع وااايد حلو وتوزعين القلوب على جدران الغرفه...وبعد....إمممم...أيوه إشتري شموع صغار هاذي اللي تكون مجموعه وجمعيهم وكوني من الشموع إسمه وولعي الشموع ....شو رايج؟؟;)
عندي فكرة أتمنى تستفيدون منها :
اشتري له هدية بسيطة وغلفيها وأخفيها في أحد أركان غرفة النوم أو تحت مفرش السرير وقولي له ابحث عن المفاجأة ................ وهذي الحركة تضيف مرح على جو البيت وتبعد وحشة السفر ....................
وأحلى فكرة انك تذكرينه ان الرسول صلى الله عليه وسلم أول مايصل من السفر أول مايفعله أنه يتوضأ ويتسنن ركعتين وبكذا تكبرين بعينه وتكسبين أجر........ وبالتوفيق للجميع.............
وفيه بعد إضافة على فكرة المفرش الجديد للسرير اشتري قميص نوم نفس لون المفرش وشموع نفس اللون وتعطي شكل حلو لك وللغرفة .......وحياة سعيدة يارب للجميع
حنين13
14/09/2002, 05:49 AM
اختي انا انصحك تشترين ورد ووري احمر وتحطين مزهرية في الصالة وفي غرفة النوم
وتشترين غطاء للسرير
وقميص نووم
وعطر
وانك ترتين اليت وتخرينه وترشين ماء الورد
وتخلين غرفة النوم مرتة ومعطره وفيها اضاءة خفيفة يعني جو رونسي;)
شوق العين
19/09/2002, 03:47 AM
الله يرد زوجك بالسلامه
انصحك تحطين موسيقى هاديه في غرفة النوم
وتنورين شموع وطبعا تكونين مبخره الغرفه ومعطرتنها
واشتري ورد احمر وخذي الورق ونثريه تحت فراش السرير
والله يوفقج وليله حلوه;)
اختك
مياسه(l)
مها الخليج
25/07/2004, 11:09 AM
:clap: موضوع راائع افكار الخوات الكريماات روعه بالمره ان شالله بنطبقها عن قريب
تحيااتي لجميع الاخوات :up:
همس العشق
15/09/2004, 11:53 AM
أفكاركم رهيبة
بس المشكلة لم يكون الزوج معارض الشيء
وتسوينه وشو تتوقعين ردة فعله
سابين
16/09/2004, 01:48 PM
DARK ANGEL
فكرتك حلوه
bardana
11/10/2004, 10:15 AM
ياسلام:up:
me_u3000
21/10/2004, 06:36 AM
:up::up::up:
نتالين
04/02/2005, 01:45 PM
:up::up:
وفاء.
04/04/2005, 02:17 AM
الله يرد زوجك بالسلامه
انصحك تحطين موسيقى هاديه في غرفة النوم
اختك
مياسه(l)
أخيتي في الله ... شكر نعمة الله على عودته بالسلامة لايكون بارتكاب المعصية ... وما هكذا تطرق أبواب السعادة....
قال صلى الله عليه وسلم ( ليأتين أقوام من أمتي يستحلون الحِـــــرَ والحرير والخمر والمعازف )
الغناء من المعازف رعاك الله...وهو مافسر به ابن عباس رضي الله عنه لهو الحديث في الآية / ( ومن الناس من يشتري لهو الحديث ليضل عن سبيل الله بغير علم ) وهو محرم بنص الكتاب والسنة وإجماع علماء الأمة...
ويقول المصطفى صلى الله عليه وسلم / ( من سن سنةً سيئةً فعليه وزرها ووزر من عمل بها إلى يوم القيامة من غير أن ينقص من أوزارهم شئ )
أرجووووك غاليتي إمسحيها حتى لاتحاسبين عليها يوم القيامة....
والله أسأل أن يشرح صدرك بنور الطاعة وينور قلبك بالسعادة الحقة ويحقق أمانيك
أختك / وفاء.
روزان احمد
17/01/2006, 01:36 AM
بالنسبة الي
اكول لج انه اتغيرين من شكلك ايضا
هذا الشي انا اسويه من زوجي يسافر
مثلا قصة الشعر او لونه
او البسي ملابس ما شايفها قبل
سواء قميص نوم او لبس ثاني
او ايضا احب فكرة العشار الرومانسي
بالاضافة الى الفقرة المهمة عندي
وهي
انه ترقصون سلو على انغام موسيقى هادئة
وان شاء الله تنبسطوا
وحمد لله على سلامة زوجك مقدما
فراشة بغداد
سلام مشكورين ممكن افكار جديده
لؤلؤة الدوحة
12/02/2006, 07:11 PM
مرحبا
ممكن تغيرين من الغرفة كامل تغيرين مكان السرير
وفية حركات اللي هي :
تاخذين امتار من التور ويكون نفس لون الشرشف وتفرشينه على الارض
وتقدرين تعلقين بعض صورج الجديدة اللي ماشافها في مدخل البيت يعني اول ما يوصل
واتركي له رساله انج مسوية له مفاجاءة وحددي مكان المفاجاءة في اي غرفة ويجيج المكان عاد وانتي وشطارتج في الترتيب
وسوي عشاء يكون خفيف وجهزي الطاول وخلي الاضاءة بالشمووووووووع لاضافه جور رومنسي
- جهزي بطاقات مكتوب عليها عبارت الشوق والحب وعلقيها في اي مكان تكون واضحه بالنسبة له
اتمنى انها تعجبج الحركات
سوااااري
13/02/2006, 12:54 AM
هلا أ ختي شوق الصحاري أول شي
الغاليه أول شي أنك تهتمي بنفسك يعني تروحين الصالون المهم أتغيرين في شكلج كأنج عرووس جديده
بعديها تشتريلج قميص نوووم جديد ولاتنسين اتحطي ميك اب للي يناسب لبسك وتسوي تسريحه بسيطه علي ذوقج
البيت اتحاول اتغيري في نظام البيت تطلبي مساعده من حد وتظيفي بعض الاكسسوارات للبيت وللحمام اتحطي اشوية شموع وورد مجفف اما بالنسبه لغرفة النوم فغيري الكفر وحطي سجاده جديده وحطي في زاوية الغرفه فازه كبيره فيها ورد ولاتنسي ادخني الكفر والغرفه ووظع بعض العطور الزيته تطفي للغرفه رائحه زكيه
وتسلمين اتمني اني افدتج ولو قليلا
نوووسهUAE
13/02/2006, 06:21 AM
مشكورين خوتي
بس هالموضوع قديم جدا
أم الفهد
08/03/2006, 01:08 AM
رصعي المريصيعات
ونظفي الحوي
واغسلي الشوشه ادهنيها بكريم والبسي المشيجير
ودقي الديرمه وحطي كحيله ومالتس الا بينهبل منتس قصدي عليتس ههههههههههههههههههههههه
ريحانه0
08/07/2006, 06:16 PM
حبيبتي بقولك كيف انا استقبلت زوجي يوم جاء من السفر
كان الوقت في الليل 00
وضعت ورود مجفف اشتريتها من بدي شوب برائحه الفراوله نثرتها من باب البيت إلى الصاله المكان الي بجلس فيه انا وهو
وضعت شموع على طاوله الطعام والارض سويت له كيك وزينت بالفراوله وعصير توت باارد
بعدين لبست قميص احمر وسويت استشوار لشعري وحطيت روج احمر وكحلت عيني وحطيت بلاشر خفيف
وجهزت المسجل وحطيت الشريط <<<<مو أغاني وعطرت البيت وجهزت له الفوطه حطيتها في النشافه إلى ماصارت حاره ولفيتها زي الفنادق وربطت فيها
شريطه حمرا ودخلت فيها ورده حمرا عشان بعد السواليف بيستحم ماكتبت عبارات اكتفيت بضمه لان بيكون التعبير أقوى من اي شي في لحظه الشوق 00
وان شاء الله اكون افدتك
وتحياااااااااااااتي لك00
al_7la28
13/07/2006, 01:29 AM
[B]هلا خواتي
افكار رهيبه وحلو
ومنكم نستفيد
[B
مرايم قطر
04/09/2006, 11:42 AM
حتى لوكان الموضوع قديم بس يفيدنا واااااااااااااااااااجد
سعادة الدنيا
30/01/2007, 11:45 PM
أفكار حلوة
ومنكم نستفيد