ماضي وانتهى

[أريد حلاً]

السلام عليكم

حابه اعرض عليكم مشكلتي ويااليت احد يفيدني

مشكلتي مضى عليها تقريبا 10 شهور بس رجعت افكر فيها من جديد اوبالاصح انا كنت غافله عن هالشي وتوني صحيت له

مشكلتي.....

زوجي كان ع علاقه بزوجته اخخووه طبعا كانت مسن
وكشفتهم واناا كلمتهاا وقلت لهاا لاتكلميني بس بينا سلام وانا راح استر عليك وطبعا هذا اللى صار

بس انا الحيييين شااكه في شششي وشوي قووي اشوي
شاكه انهم طلعوو مع بعض
انا مو متااكده

ويوم نويت افتح صفحه جديده معهاا
عكر مزاجي هالشي
انا مو مرتااحه لانه من عشر اشهور ماكلمتهاا وانا مو راضيه عن نفسي

افكر اسألهاا بس في نفس الوقت اقول هالشي ماضي وانتهى واقوول خلاص بفتح صفحه جديده

محتاررررررررررررررره ساعدوني شنو اسوي

[Liver]

انزين اول شي قبل لاتتسرعين. شنو السبب الي خلاج تشكين يعني بس احساااس!!

ومن قبل انتي كلمتيها شنو كان ردها!! هل كانت حاسه بتأنيب ضمير ومتحسفه والا تحسينها عادي مجرد مشت كلامج!!

[قطريهـ ماتهابـ]

في هالامور الشده مطلوبه هي لوتخاف الله وتبي الستر ماكانت سوت علاقه مع اخو ريلها


لكن هل انتي عندج دليل والا بس شك

[أريد حلاً]

انا يوم كلمتهاا هي كانت خايفه مني و دمااااااااااااااااااااااا اااانه حييييل ومتحسفه وقالت تبي الستر بس وخلاص وتنقاشنا في الموضوع عن سبب علاقتهم
وقالت انه هي عندها مشكله مع زوجها ومالقت الا زوجي تقول له وبعدها تطورت العلااقه

وتوني تذكرت
ان جات فتره حق زوجي يطلع الصبااح ولا يجي الا الظهر
وهي كانت تدرس طالبه منازل
وانا شاكه ان هو كان يطلع معااها في هالفتره
يمكن ثلاث مرات
بس الحين انا موعارفه شسوي صارحهاا وسألها بس اخاف تنكر ولا عارفه شنو اقول لهاا
مع ان ودي انسى ماضي زوجي لانه وعدني ان مايخون ووهو حلف ع القران ان مايخون وانا بعد حلفت ان ماذكره ماضيه

شسووووووووووووي هالشي شاغل بالي

[تاج الدين]

يالهوي زوجة اخووووووه
بجد الرجل الي يبص لزوجة اخوه الي بمتابه اخته يقدر يعمل اي شئ
الله يهديه

[طموح عاليه]

اختي لا تهدمي بيتك بنفسك
يعني قصدي لا تخلي الوساوس في راسك
حطي ببالك انه خلاص تركها لا تخلين للشك مكان
لا تحفري وتحاولي تشوفين دليل عليهم لان انتي اللي بيتعذب بالنهاية
بس في نفس الوقت لا تكوني دور المستغفلة يعني لو شفتي عليهم واضح شئ صارحيهم بس لا تدورين انتي السبب

اتمنى تكونين فهمتي كلامي

واسال الله ان يوفقك ويهدي قلب زوجك ويحببه بك اكثر ويهدي قلب زوجة اخيه الى الصراط المستقيم

اختك في الله
طموح عاليه

[فراولة خضره]

الصراحه كلج ماعندج سالفه اوكي نفرض رحتي للبنت وسالتيها ! او بالمعني احرجتيها ! علي فكره الشباب في الماضي يسون اشياء تشيب الراس ! انتي مثل وحده تفرغ في بالونه فاضيه وكل فتره ترجع لها انتي وحده متملله والشيطان لاعب فيج لعبه خلاص يماما انسي
قلتيها من نفسج ماضي وانتهي وحرام عليج تحرجين البنت وحتي لو طلعت معاه شتبين توصلين له تقولين له طلقني مثلا !! نصيحتي لج حبي ريلج زياده ولاضيعين بيتج بيده

[زهراء 88]

اني اشوف لو انتي تراقبيهم من بعيد لان اكيد هي راح تنكر

[أريد حلاً]

كلامكم كله صح وانا ماخذت رايكم الا لاني محتارررره بقووووووووووووووه
والحين شرايكم افتح صفحه جديده معاهاا ولا علاقتي معااها سلام وبس

[زهراء 88]

كلامكم كله صح وانا ماخذت رايكم الا لاني محتارررره بقووووووووووووووه
والحين شرايكم افتح صفحه جديده معاهاا ولا علاقتي معااها سلام وبس
بقيها على السلام وبس واشياء رسمية جدا

[[ نونو مآلي آني ]]

[
]
[

طيب يمكن ماكان بينهم شي ؟!

ش الي خلاك تشكين انها تكلمه ع شكل حب؟

حتى لو قلتوا ان حرام يتكلمون مسن

هي زوجة اخوة وهو متزوج ش بيكون بينهم مثلا؟

لاتوسوسين اختي تعوذي من ابليس
وماله داعي تحرجين البنت انتي وضحتي لها شي مضايقك وخلاص
يمكن هي ماكانت منتبه انتي الحين نبهتيها
وهذا كل الي مطلوب منك

ومثل ماقلتي
ماضي وانتهى واذا انتي واثقة ف زوجك وواثق ف نفسك
لاتخافي شي

احسني الظن

[
]
[

[أريد حلاً]

اللى خالاني اشك
طلعته الصباح وهي كانت بعد تدرس مناازل

ويوم كشفتهم كانت تقووول له اشتقت لك
يعني علاقتهم تطورت وصارت شبه علاااقه حب
يعني شنو افسر هالشي

[دلع أنوثه]

هلا فيك اختي..~

حبيبتي لاتخلي الشطان يوسوس لك وتخربي علاقتكم..~

بعدين انتي عارفه اعمالك لها 10 شهور ماترفع الى الله


يعني لاصلاتك ولاصيامك ولادعائك اصلحي نيتك

اجلسي معاها وكلميها تناشقشو يمكن تكونين فهمتيها غلط ويمكن ماعطيتها فرصه تبرر موقفها

حاولي تتفهمي الموضوع من جانب زوجك..~

اسئليه وش اللي كان بينهم ..~

هو صح المفروض مايكلمها ولاتكلمه

الا اذا كان مجتمعكم وتقاليدكم تسمح بهذا الشي


تعوذي من ابليس وفكري بعقلك

والله يوفقك

[[ نونو مآلي آني ]]

اللى خالاني اشك
طلعته الصباح وهي كانت بعد تدرس مناازل

ويوم كشفتهم كانت تقووول له اشتقت لك
يعني علاقتهم تطورت وصارت شبه علاااقه حب
يعني شنو افسر هالشي


[
]
[

معقووووولة ؟!

زمن يخووووووووف بصراحة

مدري ش اقولك مووووووقفك صعب الحقيقة

لكن لازم تصارحي زوجك انك ملاحظة هالشيء
ومو عاجبك

المهم لاتسكتين وتبلعين الضيم

ربي يشرح خاطرك ويسخره لك

طيب وين زوجها عنها؟؟

[
]
[

[ROSE3ROOS]

ماقصرو البنات وربي يوفقك الى كل خير

[Aseel 82]

خلي علاقتك معاها رسمية وفتحي عينك , والله يهدينا ويهديكم

[أشواك ورد]

مرحبا حبيبتي , في البداية تأكدي أن الحافظ هو الله وما يدور في بالك قد يكون وهم

ووسواس , وهذا الأخير يقطع بل يفتفت في الكبد والقلب , وأنت في غنى عن ذلك ,

الإنسان المؤمن المتيقن بأن الحافظ هو الله , صدقيني لن يخذلك ابدا , أنت فقط وبشكل يومي

ادعي لزوجك بالهداية , وأن يحفظك له ويحفظه لك ويحفظ لك الحياة الزوجية , ويحفظكم

من كل سوء ,ومن كل رجس واريد منك أن تعتقدي الإعتقاد الجازم بأن الله لن يخيب ظنك ابدا ,

واياك والعودة في التفكير في هذا الموضوع لأنك سترسمين لنفسك قواعد معينه تسيرين

عليها , اذ أن خلل بسيط يرجعك الى ما كنت عليه من وسواس .

تعلمي يا حبيبتي أن لا تتحري عن ما يفعله زوجك بل اعطيه مساحه من الثقة وحسسيه

دائما بأنك تثقين به , فإن ذلك يقربك منه اكثر فأكثر , واجعلي علاقتك بزوجك هي علاقتك

بربك , تعقدين عقدا مع ربك , وتقولين علاقتي بربي هي علاقتي بزوجي , ذلك يعني أن ثقتك

بزوجك يعود الى ثقتك بربك الذي وثقتي به بأنه سيحفظ لك زوجك مهما حدث لكم من امور

سواء الآن او في المستقبل لابد أن تهيأي يا عزيزتي نفسك للمستقبل ايضا , فالحياه مواقف ,

ولكن ايمانك بربك بأن الله هو الحافظ , هناك امور قدرها الله تعالى لنا لا محال فهي ستحدث

ستحدث ولكن المهم اللطف فيه حينما تقع الواقعه , يعني بالعربي الله يعديها على خير ,

فلنفترض أن هذا الموقف حدث للتو لا سمح الله اكتشافك لزوجك بأنه يحدث ايا كانت , هنا من

المفروض أن لاتواجهي زوجك بل ادعي له من وراء ظهره وبشكل يومي بالهداية وحاولي أن

تراجعي نفسك حينما تتحدثون في امور معينة هل يتضايق من تصرف معين ؟ احيانا تكون

المرأه عل نياتها أن مجرد موقف وعدا , الرجل يتضايق من تصرفات معينة فأنت ايضا راجعي

نفسك , تذكري الحوار الذي يدور بينكم فالزوج يعشق الزوجه التي تحترم اراء زوجها وتقدره

وتسمعه كلاما جميلا , فقط ما اطلبه منك هو مراجعة نفسك قليلا وحاولي أن تحلي مشكلتك

وعلى رواء في هذه الأيام المباركه , لا تتصورين بها عظمه , وذلك بسبب أن الملائكه

تستغفر للعباد , فأنا اريد منك أن تكوني على صفاء قلب وأن تكوني من الفائزين اللهم اسألك

أن نكون أنا وأنت من الفائزات , فأي الأفضل أن نفتح صفحه جديده ونسامح ام نحمل

اضغان , النقطه الثانية ما تعرضتي له ليس بأمر هين ولكن دائما قولي الحمدلله , علاقتك بمرت

حماج , تذكري بأن ما بينك وبين زوجك هو اعظم بكثير , اما بالنسبة لعلاقتك بمرت حماج

من المؤكد أن في يوم العيد ستتلاقون , اتمنى أن تتصرفين بالشكل التالي صدقيني سيمنحك

ذلك شعور جميل , القي التحية عليها وعيدي عليها وابتسمي وثقي بنفسك وانت تسلمين

فإن ذلك سيمنحك شعورا جميلا لا تصدقين فقط جربي ذلك , وكلميها كلام عادي كما كنتي

تحدثينها سابقا ولكن تذكري فقط امرا واحدا , لا تنسي بأن اي امرأه حتى لو كانت اختك

حينما تزورك في المنزل اجعليها تجلس في المجلس , هنا الموضوع ليس له علاقه بالثقة

وانما فقط اتباع لأوامر الله سبحانه , يعني اجعلي النية خالصة لوجه الله , ولكن تصرفي معها

كما تتصرفين مع باقي النساء , يعني مثال الوحده المفروض لما تتكلم مع اي امرأه ثانية تكون

حريصه تماما أن ما تتكلم عن زوجها امام اي احد , كأن هذي زوجها ما تعرفه , وخاصه بوجود

غير المحارم لزوجك , تحملي تذكرين الموضوع مره ثانيه مع مرت حماج , راح تفتحين على

نفسج باب , وبترجعين حق الوساس الي مالها داعي , وماشاالله تصرفج كان حكيم بأنج

سترتي عليها , من ستر على اخيه في الدنيا ستره الله عليه في الدنيا والآخره لذلك اتمنى

أن تركزي على هذه النقطه ايضا سكري على الموضوع تماما بما أنك قررت أن تستري عليها

هذا امر طيب وحينما تفاتحينها في هذا الموضوع منجد وجديد كأنك احدثت خللا يرجعك للخلف

ونحن نريد أ ندفعك للأمام , ما اطلبه منك الآن هو الاهتمام بزوجك حبيبك , كيف تسعدينه

فالسعادة الزوجية هي اسعاد الطرف الآخر , اجعلي هذا اهم ما في الوجود .

[أريد حلاً]

كلااامكم صحيح وبالاخص كلام اشواك ورد رائع جدا واثر فيني الله يعطيك الف الف عاافيه

[ريم81]

لا اختي انسي الماضي طبعا و لكن لا تفتحي صفحه جديده معها و لا تلميها إلا إذا انتي مضطره على كثر ما بتشوفيها بيظل الشيان يوسوسلك و اطلبي من زوجك انه يمنع اي سبب يثير غيرتك او يقلب وساوس الشيطان عليكي

و الله يارب يفرج همك و يسخرلك زوجك

[عاشقة القطط]

ما ادري يا اختي شقول لش بس آنا نصيحتي لا تتسرعين و تسوين لش مشاكل انتي في غنى عنها يعني بالأول و الأخير أنتي إلي راح تتعبي و بعدين أنتي ما تقدرين تكلمين زوجش و تفاتحينه في الموضوع >>> بتحسسينه بعدم الثقة و خصوصاً من بعد ما وعدش و بتسببين نوع من الارتباك بينكم المهم أنتي سألتي إذا تفتحي صفحة جديدة معاها ؟؟ << بصراحة آنا أقول إيي أفتحي صفحة جديدة بس كوني ذكية يعني تقربي بس لا تفضفضين لها اسمعي منها خليها تكلمش عن زوجها و شوفي شكثر تحب زوجها و شلون علاقته فيه يعني إذا تحبه واجد مستحيل تخونه أو تفكر في غيره بس إذا العكس مقصر معاها أو شي و حاسبي تكلمينها عن زوجش بأي شي سواء نقد ولا مدح يعني اخذي منها الكلام ولا تعطينها و بعدها تقدرين تحكمين عليها و يوم ما تشوفي زوجش بيطلع في الصبح و أنتي شاكة بشيئ تواعدي معاها بنفس اليوم تزوريها أو تكلمينها . (كوني واثقة من نفسش و حبي زوجش و غاري عليه الغيرة إلي يحبها الله ) راقبي من بعيد بس لا تخلي الشك يسطر عليش ولا تظلمين أحد خصوصاً إذا تسرعتي في الموضوع يمكن تخربين بيتش و بيتها الله لا يقوله

[لحن الشفاه]

وانا انا عن نفسي حتلى سلام مااسلم وحده كانت تكلم زوجي اشبك انتي انا بنت الجيران حاطه عينها على زوجي وهيا مسويه انها صاحت امو مرررررررررررره تموت فيها بس والله مااديها مجال واديم اسوي اشياء تستفزها عشان ماتفكر في رجال متزوج والله ماشالله عليك لسه بتكلميها والله انا لمن اشوفها الشياطين كلها تجين

[انفاسـﮱگ دخـﮱون]

لا تفتحين معاها صفحات ولا شي خلي العلاقه محدوده سلام وكيف الحال ولا يزيد وحاولي تجذبين ريلج صوبج ولا سوت شي ولا شي وقفيها عند حدا

[Sweet N Sour]

من ناحية الشك، فاذا ما في عليه دليل فلا تعذبي حالك بيه ، و اذا كان على مصارحتها فاذا في شئ فاكيد ما راح تقول لك فاتركيها، و خلي علاقتك بيها رسمية، اما زوجك فعامليه بما يرضي الله و ما دام حلف ما يرجع لها الشي فلا تتعبي حالك لانه بياثر عليكي

[الوقت ما يمشي !]

خلاص انسي و احسني الظـن .. اللي فات مات لو شنو صار الرجال اعتذر و البنت اعتذرت خلاص ماضي و انتهى .. المواضيع المقفلة لا ترجعين لها ..

[سيده نفسي]

كلامكم كله صح وانا ماخذت رايكم الا لاني محتارررره بقووووووووووووووه
والحين شرايكم افتح صفحه جديده معاهاا ولا علاقتي معااها سلام وبس


طبعا لا تفتحين معااها صفحة جديدة..

خليج من فوق لفوق معاها سلام وهلم ما جرى واساسا بيني لها ضيقج بعد لا تستكتين ..
لو فتحتي معاها صفحة جديدة راح تقول انج نسيتي وسامحتيها ويمكن ترد تسوي حركات لزوجج

بس من ناحية زوجج او الشك اللي انتي فيه حاليا انسيه الشيطان يوسوس لج .. دام استوى ماضي وحلف بالقراءن اوثقي فيه

[ذابحهم غرووري]

البنات ماقصروا
خلي علاقتكم سلام وبس وسكري الموضوع

[mrs.7la]

انااقول لاتكشفيلها عن اسرارك ابداااااااااان وبينيلها دايما ان زوجك يحبك الله يوفق مابينكم