مشاهدة النسخة كاملة : بنتي فقدت ثقتها بنفسهااا .!!!!!
أريد حلاً
01/08/2011, 03:28 AM
السلام عليكم بنات
رمضان كريم علينا وعليكم
بنات الموضوع ومافيه ان بنتي بمتوسط ..
كان متميزه وشاطره كثيير ومن عشر الاوائل ..
مره من المرات تقول جات لهم استاذه في حصة النشااط..!!!
بعدين قالت لهم مين خطها حلو ؟ ابيها تكتب لي في دفتري
البنات اشاروا على بنتي .. بعدين قالت لها تعالي ..
بعدها قالت لها زيني لي الصفحه [ لونيها بالالوان] ..
بنتي المسكينه قالت ايي..
مع اني والله اعرفها فنانه في شغلها والدليل ان البنات اختاروهاا..
وبعدين مضى اسبوع جات هالملعمه الي بلا اخلاق ..
تصاارخ على بنتي تخيلو ...!!! لييه لان ماعجبهاا شغلها وقعدت تقول لها كلام وتتطنز على الي
سوته ..!! البنات قالو لها استاذه الي سوته حلو ولا فيه شي ..!!!!
ماصدقت هالمعلمه ..
قامت بنتي تصييح يوم شافتها تصيح زادت في الكلام والتجرييح ..!!!!
والله يبنات ان بنتي كل ماذكرت هالسالفه لي تصيح ..
يعني بجد حطو مكانكم مكانها .. بترضون قدام كل البنات ....
طيب ماعجبها شقتها؟ وليه ماعندها يد ولا بس لها لسان ..
ولا بعد اذا هالمعلمه عليها مناوبه دايييم تطالع بنتي ؟؟ ليه شتبي تقول لها ازيد من الي قالته ..
او في الاختبارات النهائيه تقول لي بنتي انها دااااااايم تطالعها هالمعلمه من بعد هالموقف ..
شلون افسر نظراتها لبنتي شنو تبي ؟
ياليت تقولون لي شنو تسوي معاهاا اذا فتحت المدارسس
لان هالسافه شاغلتها ولان بعد راح تدرسهاا اكيد السنه الجايه ..
تقول بنتي انها ماراح تشارك ..وانا اقول لها لا تخلين وحده مثل هذي تنزل مستوااك
تقول مااقدر اشوفهاا احس بصيح من كثر الكلام الي قالته لي ولا اقدر ا تخيل اني اوقف اسلم عليها
شسوي حق بنتي ؟
F:
فوشياآ~
01/08/2011, 07:37 PM
والله مالك الا انك تخلين بنتك اول الايام تداوم طبيعي
و اذا تصرفت معها المعلمه هذي نفس التصرف
روحي انتي بنفسك للاداره و اشتكي لهم تصرفها الوسخ
وقولي لهم اذا ماشفتوا حل لهالمعلمه راح ارفع عليكم شكوى في الوزاره
شوفي شلون بيتعاملون مع المعلمه مايجون الا بالتهديد
واذا تركوا المعلمه مثل ماهي ارفعي شكوى ع الملعمه هذي في الوزاره لا تنتظرينهم
يحطمون بنتك او بنتك تتعقد من المدرسه بسبب اهمال معلمه
انا ابي اعرف ... المعلمات جايين عشان يتفشخرون و يكشخون و يرفعون صوتهم و ايدهم
ولا جايين عشان يأدون واجبهم و يعلمون الاخلاق ؟؟؟
موفقه خيتووو
حياة جدة
01/08/2011, 10:32 PM
اختي المفروض انك رحتي اشتكيتي عند الادارة او على الاقل فهمتي الموضوع وحسستي بنتك انه في احد وراها وياخذ حقها عشان ما تخاف
المهم الحين يا انك تسوين زي ما قالت اختي اقواس توفي او انك اول يوم دراسة تروحين معاها وتشرحين الموضوع للادارة وهم يتولون الموضوع واذا ما نفع اشتكيهم في الوزارة
اما انك تخلينها تدرس بنتك فهذي مشكلة
اخر حل عندي اذا ما نفع شي الافضل انك تنقلين بنتك لمدرسة جديدة
[]فـرح القلـب[]
02/08/2011, 12:28 AM
أختي أنتي لازم تروحي المدرسة وتقابلي أحد من الإدارة أو المعلمة نفسها
من حقك تدافعي عن بنتك
ولحقي على بنتك لأن المعلمة تأثر كثير في نفسية البنت
يا انقليها لصف ثاني ما بتدرسه هذه المعلمة
أنا مشان أتخلص من مدرسة الرياضيات في الثانوي قلبت لفرع الأدبي وتغير مستقبلي كله بس عشان ما أقابل المعلمة اللي كانت تدرسنا الحساب
الخوافي
02/08/2011, 01:02 AM
والله مالك الا انك تخلين بنتك اول الايام تداوم طبيعي
و اذا تصرفت معها المعلمه هذي نفس التصرف
روحي انتي بنفسك للاداره و اشتكي لهم تصرفها الوسخ
د_كيميائيه ان
02/08/2011, 01:07 AM
والله مالك الا انك تخلين بنتك اول الايام تداوم طبيعي
و اذا تصرفت معها المعلمه هذي نفس التصرف
روحي انتي بنفسك للاداره و اشتكي لهم تصرفها الوسخ
انا من راى اختى
انتظرى وما تسبقى الاحداث وربي يفرج عليكم ويفرحك انت وبنتك وتفرحى بها وبتفوقها ونجاحها امين
سوووسا
02/08/2011, 01:08 AM
نفسسسيه هالمعلمه
زي ماقالو الخواااات اذا كررت الحركه ونضره روحي بنفسك للمديره او خلي بنتك تشتكي للموجهه وبسسس :)
أريد حلاً
02/08/2011, 02:52 AM
بنات حبايبي اغلبكم تقول روحي اشتكي
طيب اخاف تحقد على بنتي ..
والنقل مستحيل لانها تدرس جميع الفصول الـ4 وبالذات اهم ماده E |
ماجاوبتوني على السؤال انتوا شنو تفسرون نظراتها لبنتي ؟
ايام وليالي
02/08/2011, 07:14 AM
اختي في معلمات يغارو من البنات و يحقدو عليهم إذا بنتك حلوة أو شعرها حلو أو واثقة من نفسها ، فهذه المعلمة اكيد تغار منها و تريد تفقدها ثقتها في نفسها، شوفي مرت علينا حالة مشابهة و احنا في الثانوية كان معانا بنت شعرها حلو ومسويةقصة حلوة واحدة من المعلمات قامت تصارخ عليها لمي شعرك و غيره من الكلام الماسخ البنت خافت و كلنا استغربنا تصرفها و صارت تطالع البنت كل ما تشوفها بنظرات غريبة بس الحمدلله السنة الجديدة كانت انتقلت ، انتظري بداية العام الدراسي و شوفي اش يصير
دلـDal3ـع
02/08/2011, 07:33 AM
حبيبتي انتي أول الأيام خلي بنتك تداوم عادي لأن لو رحتي اشتكيتي ممكن تكون المعلمه نسيت السالفه وانتي بتذكرينهاا
واذا سار بعد كذا اي تصرف من المعلمه لازم توقفيها عند حدهااا
معلمات اخر زمن استغفر الله
مس زوزو
02/08/2011, 02:39 PM
اااااخ انا جربت الالم والقهر من احقر المعلمات
و كنت صغيرة بعد فوق هذا ضربتني ع راسي لكن
والله ما راح اسامحها طول عمري و امي راحت لها
و راوتها الووووووويل و في بعد معلمة ثانية نفس الشي
هددتها اذا ما تأدبت بتراويها و منها ما تتقرب لي و الوازرة
نقلوها لمدرسة ثانية اختي المفروض من عقب ما صارخت
عليها و جرحتها علطووول تروحين ولا تسكتين لهالأشكال بصراحة
ما تنعطى وجه والحين الكلام ما ينفع بس انتي خلي بنتج اول الايام
طبيعية و لا كأنه صاير شي بس اذا المعلمة رجعت لأسلوبها علطول روحي
اشتكي اهم شي لا تسكتين
همال المزون
02/08/2011, 02:51 PM
حبيتي كان المفروض من اول ما قالت لك البنت السالفه كان رحتي ووقفتي ذي الاستاذه عند حدها ذا مو اسلوب تربوي انها تجرحها بس مغير مشاكل
عند خيار ثاني انك تنقلي بنتك مدرس ثانيه اهي بترتاح وانتي كمان
ربي يفرج همك
MisS MimOoO
04/08/2011, 11:37 PM
المفروض تروحين من لمآ صآرت المشكله و تشتكيين عليهآآ
بس الحين الي صآر صآر
من رآيي خلي بنتج تكوون طبيعيه و لآ كآن شي صآآير .. و خليهآ تطنشهآ ع الآآخر ..
و آذآ كرررت حركتهآ روحي آشتكي عليهآ عند المدييره ..
=)
فريده XD
21/08/2011, 10:34 PM
أستـغـفـر الله العـظـيـم . .
تـعرفين التدريس مهنه جليله ... والمعلم ... من افضل من يدوس الأرض ...
لكن للأسف بعض المعلمات والمعلمين ... نسوا معنى المجال الي هم يشتغلو فيه ...
كله بحسابه عند رب العالمـــــيــــــن ...,،
أشواك ورد
22/08/2011, 01:27 AM
بصراحه كان المفروض يكون لك ردة فعل واضحه وصريحه بكل قوه وبكل ثقة تروحين حق المعلمة
وتعلمينها الأصول وإن الي سوته غلط في حق بنتك , كان المفروض مباشرة بعد الموقف ,
في اليوم الثاني عشان بنتك خاطرها يبرد , الحين كل الي ابي منج تكلمين بنتك وتفهمينها
أن كان من المفروض أن دورك كأم تقفين بجانبها ولكن سبحان الله احيانا الإنسان حزة الموقف
ينسى كل شئ , هذا الكلام بيريحها كثير , بس وانتي تكلمينها كلميها بجد لا تكلمينها
بنبرات فيها حزن .
حلا الكون الجميل
22/08/2011, 01:33 AM
الله يفرج همكككككك ياقلبي