.. ساعدوني يا عرايس ..

[أريد حلاً]

.. مرحبا ..

.. ساعدوني يا عرايس دخيلكم ..
.. انا مخطوبة تقريبا من سنتين وقبل اربع شهور تمت ملكتي ..
.. وعرسي بعد عيد رمضان ان شاء الله ..

.. بتقولون وين المشكلة ..
.. الي صار والله منحرجة منكم بس لازم اقول ..
.. زوجي دخل علي ..
.. قبل شهر ..

.. وللحين الدورة مايتني :'(..
.. اخاف اني حامل الناس بتذبحنا بالحكي لو يدرون ..

.. الحقووووني بيخلص الشهر والدورة مانزلت علي ..
.. ايش اسوي ؟؟ ..

[bs.62]

روحي سوي فحص حمل من الصيدليه

اذا طلعتي حامل قوليله وخليهم يعجلون بالعرس

الله يهديكم بس

[صاحبه الجروح]

اذا الشيخ عقد عليكم وين المشكله
فانتي حلاله واذا خايفه من كلام الناس
مثل الاخت روحي الصيدليه واخذي
مال فحص الحمل واذا حامل عجلوا في زواجكم
وبالتوفيق والله يستر على الجميع

[((حلاوتي بشقاوتي))]

الله يهديكم ليش تعملوا كذا


لو اجلتوه لوقته يكون افضل



ع العموم كل شي مكتوب


انتي حللي سواء في المستشفى
او في البيت
وان شاء الله مافيك شي


ولو فيك كلميه ع طول تعملوا الزواج
وربي يسر امرك ويسعدك

[[ نونو مآلي آني ]]

{ الله يهديك كان مفروض ماتخلينه يدخل عليك وتبرري موقفك وخوف كلام الناس حتى لو انت حلال بعض..~
المهم الي صار صار الحين
الافضل اشتري فحص حمل من الصيدلية وافحصي نفسك بالبيت
وان شاء الله ماتطلعي حامل
وااذا طلعتي حامل ضروري تقولي لزوجك يعجلون ف الزواج
ان شاء الله تتسهل امورك
مووووووووفقة اختي

[أمنيات قلب]

انا مع كل الي ردو عليكي اعملي فحص واذا حامل عجلو الزواج
والله يهديكم ويسعدكم ان شاء الله

[وَدقْ ..~]

مثل ماقالو البنات

الله يهديك ويهدينآ

:)

[أنسـ الوجود]

اولا اختي مبرووووووووووووووك ..
الشيء الثاني اشتريلج فحص حمل ..
وتأكدي وحتى لو ماحامل عجلي عرسج فدييتج ..
وبجذي بترتااحي ..
موووووووووووووققة ..

[Miss smoor]

والله مادري ايش اقول صراحه

بس ماحبيت اطلع بدون مارد

يارب يكون مو حمل حاليا

والله موقفك صعب

الله يكتب لك اللي فيه الخير

[ام مريم33]

إلي صار صار
وحتى اذا كنتي حامل من الحين لشهر مستحيل يكبر بطنك
فشو المشكلة ‏
الله يهديكي بس حطيتي حالك بموقف ‏

[.. أمــ عــلــيــ ..]

الله يهديكم

لو صرتي حامل .. اتوقع ما راح يبين شكل بطنك لأن ما بقى شي ان شاءالله على العيد كلها شهر .. !!

بس المشكلة .. اذا ولدتي وقعدوا الناس يحسبوا لك .. وقتها بيعرفون السالفه كيف ..... !!

:-#

يمكن يكون كلام البنات صح .. سوي فحص الحمل .. لو النتيجة موجب عجلوا الزواج ..

[دلع أنوثه]

ماقصرو البنات معك


بس اهم شي لاتفكري ابدا تنزلينه لان ربي مابيوفقكم بحياتكم


دام بديتوها بحرام

ربي يهديك ويهدي الجميع

[Daisy Ash]

ماقصرو البنات معك


بس اهم شي لاتفكري ابدا تنزلينه لان ربي مابيوفقكم بحياتكم


دام بديتوها بحرام

ربي يهديك ويهدي الجميع


عزيزتي... هم متملكين و هذا زوجها و اللي صار مو حرام! هم بس استعجلوا الموضوع قبل موعد الزواج...

الله يسهل أمورج و يوفقج F:

[bs.62]

عزيزتي... هم متملكين و هذا زوجها و اللي صار مو حرام! هم بس استعجلوا الموضوع قبل موعد الزواج...

الله يسهل أمورج و يوفقج F:


عزيزتي قصدها حرام تنزل الجنين لو طلعت حامل

مو حرام الي صار بينهم


--------------------

اختي رجعت اقولج شي

لا تخلينه يدخل عليج مره ثانيه عشان مايصير حمل ارفضيه بأدب وقولي خايفه احمل

[بنت الاهرامات]

طيب ازاي
ولو حتي مش حمل
يوم فرحك هتقولي لاهلك فين الدم ؟

[bs.62]

طيب ازاي
ولو حتي مش حمل
يوم فرحك هتقولي لاهلك فين الدم ؟



دم شوووووووووووووو بس !!!!!!!!!!!!

شو هالبدع يا اختي

الاسلام حتى رفضها

وبعدين كل حد وعاداته وتقاليده

يعني مو اذا صار شي بيينا اسوي اعلان واخبر كل اهلي واراويهم !!!

وين عايشين !

[Daisy Ash]

عزيزتي قصدها حرام تنزل الجنين لو طلعت حامل

مو حرام الي صار بينهم


--------------------

اختي رجعت اقولج شي

لا تخلينه يدخل عليج مره ثانيه عشان مايصير حمل ارفضيه بأدب وقولي خايفه احمل


المعذرة منكم... فهمت كلامها غلط :o

[miss zineb]

أولا أنا ما بفهم ليش المشكلة كبرت، يمكن حد يفهمني لأني ما أعرف عاداتكم
يعني اللي أفهمه إنو ما دام مالكين على بعض فهي حلاله، يعني دخلو أو لا ما هو حرام
واللي ما هو حرام عند رب العالمين ليش يحرمونه على روحهم عشان كلام الناس

ثاني شي، صح لو كنتي حامل لا تنزلينه لأنو حرام،لكن مع إنو بطنك ما راح يكبر في شهرين بس لما بتو


لدي، راح يحسبو، وأصلا في الأشهر الأولى بتظهر عليك الآثار:دوخة وووو، وهاذي ما راح تخفى على نسوان بيتكم

ثالث شي، ما فهمت التعليق عن الدم بعد عرسك،هذا حرام وما يصير،دم المرأة عورة ، وعورتها ما تشوفها حتى ولو امرأة مثلها، الله يهدي أصحاب هاذي العادات بس

برجعلك حبيبتي،لا تتأخرين في كشف الحمل، كل ما أسرعتي كل ما لقيتي الحل أسرع
ما بقى إلا أسبوع عن رمضان وما ظنيت أهلكم يرضون يعملون لكم عرس في الشهر المبارك

وأتمنى تصححولي لو غلطت، لأني ما بفهم كثير في عاداتكم

الله يوفقك والسموحة على الإطالة

[فوشياآ~]

لا ان شالله مو حامل ..
انا صارلي مثلك ..
و اخترعت حيلاااااااااااااات .. حتى خطيبي طلعت له قرون من الحن و الزن ع راسه
و قال لو تأخرت عليك قولي لي اشوف لك حل
بس الحمد لله تأخرت شهر و الشهر الثاني جاتني

روحي قولي لزوجك باللي صار و لا تسكتين و تخلين هالشي ع ظهرك انتي بس
خليه يوقف معاك ..

وسوي فحص حمل .. واذا ما تقدرين تشترينها من الصيدليه خليه هو يروح يجيبها لك

موفقه خيتووو .. و ان شالله يصير لك مثل اللي صارلي ولا يكون حمل يااااارب

[بنت الاهرامات]

هههههههههههههه

انا مش قصدي تجيب الفوطة وتوريها للناس ولا تحطها علي باب الشقة وتقول شوفوا حلاوتي
انا اقصد افرضوا امها حبت تطمن علي بنتها
عموما كل بلد ليها عاداتها والكلام دا بطل من زمان
بس كل البلاد العربية بيفكروا بنفس الشيء
مش هنغير الدنيا احنا

[دقات قلبFي]

مدري شقولك اختي

الشي ذا حلاااااوته بليلة عرسكم والله


بس اللي صار صار

ان شاء الله مافي حمل اتوقع انه بسبب هالشي صار تأخير


رغم ان في بنات من اول مرح يحملون

ع العمو لو طلع حمل مبااااااااااااااااشره تزوجوا حتى لو قدام الناس بس لانهم راح يحسبوا حملك وممكن يطلع كلام ومن هالحكي انتي عارفه


والله يوفقك الحل حاولي تعجلي زواجك

والحمل ماراح يوضح عليك في 3 شهور لاتخافي



ربي يوفقك


دمتي بخير

[مس زوزو]

اذا الشيخ عقد عليكم وين المشكله
فانتي حلاله واذا خايفه من كلام الناس
مثل الاخت روحي الصيدليه واخذي
مال فحص الحمل واذا حامل عجلوا في زواجكم
وبالتوفيق والله يستر على الجميع

اتفق وياها

[[]فـرح القلـب[]]

يا حبيبة قلبي الله يهديك
اللي صار صار خلاص
بس لا تخليه يقرب عليك مرة ثانية ليوم العرس
واشتري فحص حمل وأتأكدي
ولو طلع في حمل وصار وقت الولادة والناس سألت قولي انولد قبل وقته
والله يوفقك ويتمم لك على خير

لوقت يصير العرس حاولي تقللي جلساتك مع زوجك
ولا تخافي من هون لشهر ما راح يبان الحمل

[مرمررر]

من كثر ماقرينا عن هاالمشكله انا في نظري انك تكتمين ع الموضوع ومااحد يدري باقي شهر على الزواج خليه يتحمل غلطته عروس وحام:worn_out::badly: ياشين العجله بس الله يهديكم لاتعلمينه بس خليها مفاجئه;):lol:

[اسلوبي ذبح غيري..]

مااقوووول غير
الله يهديكم

[ρ!ηK şuģEя]

الموضوع عادي جدا
وانتي حلاله



وممكن يكون مفيش حمل
ممكن تكون الدوره اأتأخرت نتيجه لخبطه هرمونات بسبب اللي حصل

بس لو عاوزه تتاكدي اشتري
( اختبار الحمل )
وشوفي
ولو لاقيتي ان فيه حمل عادي انتوا كلها شهر وتتزوجوا
والناس مش هتركز معاكي انتي ولدتي امتي

ولو ركزوا ابقي لخبطي مواعيد الحمل ( ولدتي بدري مثلا )
وان شاء الله الموضوع يعدي علي الف خير

انتوا مش عملتوا حاجه حرآآآآآم وأكيد ربنا هيكملها عليكوا بالستر ان شاء الله

[الروووعه]

يارب مايكون حمل عشان تاخذي راحتك بعد الزواج
انا ما اؤيد الملكه الي قبل الزواج لان دايم تجي فيها مشاكل
بالنسبه لي في زواجي رفضت الملكه الي قبل الزواج رغم ان اهلي كانوا يبون وانا ارفض والحمدلله جت ظروف من الله وماصار شي وكانت الملكه قبل الزواج باسبوع والحمدلله
هذي وجهه نظري
الله يسعدك ويوفقك يارب

[سيده نفسي]

واذا طلعتي حامل وش فيها؟؟ خوب انتي مو زانية والعياذ بالله:rolleyes:
هذا حلالج
وما عليج من كلام الناس.. :celebrate:

وخلهم يحسبون من اليوم لي باجر كم صار لج وانتي حامل وانتي ولدتي:study:
من تابع الناس مات هما .. هالحركة موول ما احبها 8o|


يمكن مو حامل بس تكون نتيجة للدخله اغلب البنات تتخربط معاهم الدورة نتيجة هالشي..
عشان تنقرصون وما تسوونها الا بعد الزواج:worn_out:

[مجنوووووونة]

هو حلالك ما قلنا شي بس طلما انك في بيت أهلك فهم مسؤلين عنك
كيف تسلمين نفسك لخطيبك وباقي عن زواجكم بس شهر!!!! يعني ماقدر يصبر لين الزواج !!!!!!
لاحول ولاقوة الا بالله طيب انتي نسيتي انو مع الحمل يجي الوحام!! يعني مالك نفس بشي وأفرضي كملتي شهر وانتي حامل راح تجيك أعراض الحمل مو شرط تكبر البطن بس الوحام !!! مرررررة صعب عليك....
لازم تقولين لأهلك بسرعة وإن شاء الله مو حمل عشان تتسهل أمورك انتي لو مو خايفة مانزلتي الموضوع!!!!!
الله يهديكم ويسهل أموركم.....
تقبلي مروري....

[تنهيدة شوق ..]

لا إن شاء الله تنزل عليك ...
وبعدين أنتي حلاله وماعليك من كلام الناس والأحسن تعجلون بالزواج ..

وربي يوفقكم إن شاء الله ..

[Liver]

عادي ماعليج من كلام الناس انتي حلاله ولو ان المفروض ليله العرس يفضل بس موحرام الي سويتيه يسمونه استعيلتووو شوي ههههه

المهم ان شاء الله موحامل وحتى لوحامل ماراح يبين عليج مابيبرز بطنج ولوحسبوو لج الناس او اي احد عادي ولدتيه قبل موعده وخلصت السالفه

وبس الله يهنيييييييييييييييج

[3яσσѕα ¢υтє ❤]

الشيء اللي سويتيه غلط مع إنه حلال بس المتعارف عليه إن هالشي ما يصير قبل الزواج

عموماً العتاب ما بيفيدج الحين

حاولي تستعجلين بزواجج بعد العيد على طوول تزوجي .

حتى لو إنج صدج حامل ماراح يبان بطنج بيوم الزواج .

[عزيزة النفس كثيرا]

الله يستر عليكي و ان شاء الله ما تكوني حامل