الشك وماادراك مالشك؟

[أريد حلاً]

شوفوا الموقف اللي حصل اليوم واحكموا
طلبنا من السواق يجيب بيك (اللي في السعودية يعرفوا محل للوجبات السريعة) وتاخر السواق ساعة وللعلم هادا مو على كفالتنا بس ماشاء الله يوصل الحارة والحواري اللي جنبنا

اتصل عليه ابويا وقالوا فينك؟ قالت امي بسبب الزحمة تاخر... قالها أبويا: ايش لك صلاح تدخلي انطمي واسكتي مصاحبتو انتي تخرجي معاه ومن الفاظ القذف هادي ...المرة حامشيلك هيا المرة الجية حارميكي من البلكونة عالشارع ومن دا الكلام لاطلقك وكل دا على مرأى ومسمع من اخواني ومني

كالعادة لمن يجي يخاصم في المرات السابقة يقذف في العرض وبرضو على مراى ومسمع من اخواني اخويا الصغير اليوم سمع ابويا يقول لامي حاطلقك ودي مو اول مرة طبعا قالها حيطلق فلان كمان اللي هوا اخويا التاني وانا صراحة بسكت اخاف على نفسي يخبطني بحاجة مع انو نفسي ساعتها اموتو اقول لاخويا لو جاني زوج زي كدا يقدفني في عرضي مااجلس معاه دقيقة وحدة

السنة اللي فاتت رحنا عند اختي في دولة اسلامية ساكنة نبغى نختار فندق قالت امي نختار فندق ابو خمس نجوم قام عليها وماهجد والمشكلة انو زوج اختي موجود وهات من الفاظ القذف قامت اختي قالتلو مايسير كدا يشتكوا علينا الجيران يجيبولنا الشرطة وابويا من النوع اللي مايسكت لو فتح فمو في المشاكل يقعد ساعتين تلاتة الين مايسكت من نفسو

المهم كان بيدو كاسة شاهي كبها على اختي تخيلو ورجع ابويا السعودية وسابنا هناك وزوج اختي قال لاختي انا ماحدخل بيتكم بعد كدا من المشاكل اللي شافها

تمنيت الارض تنشق وتبلعني ولايشوف زوج اختي اللي شافو

المهم كل ماتحصل مشكلة زي كدا افكر اشتري شريحة اهددو بيها من دون اسم وارجع اخاف على امي واحيانا انسى الموضوع

والمشكلة انو يبغاني اتزوج كيف اتزوج وانا في بعض الاحيان اسمع الفاظ القذف دي المشكلة انا كمان متخصصة اعلام اخاف اشتغل في وسيلة اعلامية يتحول شكوا لعندي وينكد عليا عيشتي ماابغى اسمع الفاظ القذف دي ابدا في بيتنا

ممكن تساعدوني ؟

[أمنيات قلب]

الله يهديه ادعو الله كثير وكثرو الاستغفار بنيه ان الله يهديه

[❥ بَـحّـة قَصْيٍـِد ❥]

الله يهديه يارب

[ايام وليالي]

الله يفرج همك ,, ويهدي والدك ,,,
اختي في ناس كذا طبعهم ,, يعني انت من وانت صغيرة تسمعي هذه الالفاظ من ابوك
هو تعود على هذا الكلام واللي ساعده الناس الحواليه لانهم كلهم يسكتو ما احد وقف في وجهه ,,,,
المعذرة على كلامي بس ابوك محتاج رجال يوقف له بوجهه ,,,يمكن يترك اللي يسويه يعني لازم احد يخوفه ,,,
ادعي الله له بالهداية
اختي عندي سؤال ابوك معاكم انتو بس بهذه الالفاظ ولا هو يستخدمها مع اي احد حتى لو تعارك مع احد في الشارع ؟؟؟

[((حلاوتي بشقاوتي))]

الله يهديه ويصلح حاله

[وَدقْ ..~]

والله والله رابع مرة اقرأء موزوعك ..~

آحس بقهـر وحسرهـ

نفس وآحد آعرفة واعزو واغلية داييما الكلآم البذي ع لسآنة ..~

ونصحنآهـ ومافاد فيــة شي

الله يهدي ابووك ويهدي كل مسلم ومسلمة يآارب

تقبلي مروري

:)

[.. أمــ عــلــيــ ..]

الله يهديه ويحنن قلبه عليكم

بصراحه صعب تغيري طبع رجل تعود عليه من زمآن .. !!

مثل ما قالت وحده من الأخوات .. هو الظاهر ما راح ينفع معه الا ( رجل ) يوقف ضده وينصحه ويتكلم معه ..

الله يهديه ..

:'(

[بنت الاهرامات]

حسبي الله ونعم الوكيل فيه
مقدرش اقولك حاجة لانه والدك
هتعملي ايه معاه
مينفعش معاه الا اللي خلقه
وربنا يستركم انتي وامك

[umjana79]

السلام عليكم ..

اختي اذا تحبي الصراحه ... الحل بيد والدتك الله يصلحها ابنك على ما تربيه وزوجك على ما تعلميه...هي سمحت لزوجها ان يتمادى بالكلام عليها ويقذفها بابشع الاوصاف ... ضعف الشخصيه حق والدتك هو السبب ..

الحل ان والدتك لازم تاخذ موقف ... وتحل المشكله هذي .. ومافي شي اسمه الوقت تأخر او حاجه لازم في وقت تتخذ فيه الخطوه الاولى
وللعلم الي يهدد ما ينفذ

تحياتي

ام جنى

[الوقت ما يمشي !]

لا حول و لا قوة الا بالله ,, الله يهديه