ساعدوني بقرار زواجي!!

[أريد حلاً]

السلام عليكم ورحمة الله وبركاته



بنات انا ابغى اشاوركم ... بالبدايه انا عمري 24 سنه والحمدلله يااارب حلووه والله مااقول ملكة
جمال لاكن حلووه ومتفوقه ومتخرجه من الجامعه وتوظفت الحمدلله وظيفه حلوه ... لكن للاسف
ماتزوجت والعائله عندنا شايفين انه مررره ناقصه انا لاني ماتزوجت وكل اللي بالعائله البنات
اللي بعمري تزوجوا وعندهم ماشاء الله طفلين او ثلاثه ..




مشكلتي اني كل ماحضرت زواج للعائله الكل ينظر لي نظرة ناقصه
واللي تدعي لي انه ربي يرزقني بزوج قريب واللي بس تطالع فيني من فوق لتحت...
انا كان حلمي اتزوج وانا بـ 18 ... المهم للاسف بدات تصير مشاكل ببيتنا وصرت مااقددر اتحمل .




لاكن يوم عن يوم بدأت ثقتي بنفسي تنهز وغير عن كذا والله حتى ايماني بربي بدأ يقل ..
وفي هذه الاجازه قررت ادخل موقع زواج واشوف نصيبي من هناك لانه للاسف روحي احسها
بدأت تموت من هذا الموضوع.. وابغى انسان يحتويني ويشيل همومي بنفسه وبوقف خلاص
النظره هذه اللي عند العائله عني.. وقبل ادخل الموقع بحثت قبل وحصلت انه يجوز
ادخل لاجل الزواج والموقع مشرف عليه شيخ يعني ان شاء الله موثوق فيه...




دخلت موقع كويس وهناك حصلت واحد مطلق عمره 35 سنه وعنده ولد من طليقته
وقال انه بيتزوج وهو مابيرجع زوجته..فهذا المطلق ماشاء الله جامعي وكمان محافظ ع دينه
فقلت ع الاقل يساعدني بامور ديني .. زوجته كانت مريضه وكمان يقول مافيه توافق بينهم..
واصلا اهلي لما يجي حيسالوا عنه ويتاكدوا من كلامه اكيد لاكن ايش رأيكم لما يجي
اوافق عليه وخلاص؟




بنات فيه وحده تبغاني لولدها وللاسف طلعت اشاعه انه فينا مرض وراثي كل ماجاء
احد بيخطب يرده هذا الشي وماهم مصدقين انه ماهو فينا .. وبجد والله انا تعبت وخايفه اني
اغلط او اني استنى ومايجي احد ثاني.. وزياده ع كذا العائله خلاص كل الرجال خلصوا
ومابقي رجال اصغر مني...




وانا احس بارتياح وقناعه للزواج من هذا الرجل وكمان خوف .. ايش اصلح ؟
الرجال لما يتقدم اهلي حيسالوا عنه لاكن كمان ماابغى اقولهم اني
عرفته من موقع مااقدر .. فايش رأيكم بالموضوع؟؟





وجزااااااااااااء الله خير اللي ترد والله يخليكم انا ماني ناقصه "الكلمة الطيبه صدقه "




F:

[أريد حلاً]

بنات وينكم :(

[نغم الحب2007]

حبيبتى ليش مزعلة حالك كل هالقد

انتى مو كبيرة بالعكس انتى سنك مناسب جدا للزواج مو كبيرة

وماشاء الله ما فيكى عيب جميلة وخريجة جامعة وهالمواصفات يتمناها اى شاب

وليش تقبلى بواحد مطلق وعنده ولد ؟؟؟

حبيبتى القصة بس مسالة وقت مو اكتر ورح يجى المناسب الك

وهدا الشى عند رب العالمين

وما تهتمى بنظرة الناس الك وتاكدى انه نظرتهم خاظئة وانا بعتبرها نظرة متخلفة

هاى حالة نفسية مؤقتة للبنات الى بيفوتو العشرين بيسيرو خايفين وقلقانين

رح يجيكى المناسب كونى واثقة

واهم شى ثقى بالله وبنفسك

وربنا يوفقك حبيبتى

[غرورجده]

ياعسل انت مو ناقصه ولله الحمد وبعدين انت موكبيره
ليش تستعجلي ع نصيبك وتاخذي واحد مطلق وعنده ولد
لاتستعجلي مواصفاتك حلو خريجه وموظفه ليش مستعجل
ادعي ربك واستغفري بانو بجيك نصيب وزوج صالح تكوني انت الاولى والاخيره بحياتهوبعدين لا تسمعي كلام الناس ونظراتهم والله ترى كلها تدل ع غيره وحسد
عيشي حياتك طبيعي وعادي وراح تشوفي النصيب يدق بابك وحياتك
انا تقريبا ف عمرك وكنت اشيل هم زيك بس خلاص اقتنعت انو هذا شي بيد ربي وانو الله كاتبلي نصيبي من يوم ماولدت انا راح اكون لمين وما قدامي الا الانتظار
وعايشه حياتي طبيعي افرح وانبسط واعيش روتين حياتي اليومي بكل بساطه
واصلي قيام الليل وادعي لربي يكتب لي نصيب صالح واستغفره وبس
نصيحه لاتستعجلي وانتظري نصيبك
وترى النصيب ما نبحث عنه لا هو اللي يجي ويطرق بابنا ياعسل
اتمنى انو الله يرزقك ويرزقني ويرزق كل وحده تنتظر نصيبها بزوج الصالح
تحياتي
غرورجده

[M!ss Givenchy]

24 سنة وشايلة كل هاد الهم؟؟؟؟
لا حبيبتي انتي غلطانة
اولا انتي مازلتي صغيرة وفي بنات تزوجوا اكبر منك بست وعشر سنين كل واحدة ونصيبها
لا تخلي موضوع الزواج يأثر عليك ويحدد قرارات مصيرية بحياتك ممكن تكون خاطئة
وبرأيي انا لاتتسرعي بالارتباط من الشخص المذكور اولا لازم تعرفي السبب الحقيقي اللي خلاه يطلق مش هو يقولك السبب من زوجتي الاولانية او كذا وكذاّ
وثانيا لاتنسي انه عنده ولد وفكري بالمستقبل ووقت يكبر الولد وكلللللل الامور هذي بتروي وعدم استعجال
ربي يكتب لك اللي فيه الخير ولا تستعجلللللللي

[nooralhidayah]

حبيبتي لا ترمي بنفسك الى المجهول بسبب نظرة الأهل أو كلام الناس ستندمين عندما تربطين نفسك ( بأي رجل ) والسلام.
ما انت فيه سببه وببساطة شديدة بعدك من رب القلوب و الذي ايمانك بما قضى وقدر يملئ قلبك بالسكينة والأمل.مازلت شابة في عز شبابك , اشغلي نفسك اولا بطاعة الله واخلصي فيها فو الله ان الخالق العظيم لايهمل بل يمتحن صبر المؤمن وإيمانه, ثم جدي لك نشاط آخر تبرزي فيه كتعلم لغة اجنبية , حفظ اجزاء من القرآن, انخرطي في اي جمعية خيرية اشغلي وقتك ولا تأبهي لأي شخص يتكلم عنك وخليك واثقة من نفسك عندي صديقات كثر وسبحان الله لم يتزوجن حتى الآن بعضهن اكبر مني بكثير أي ( في الأربعينات من عمرهن فما رأيك ؟؟؟؟ جميلات -خريجات جامعة- موظفات-ولم يتزوجن ويسمعن كلاما يسم البدن من كل من حولهن ,لكن هذا قدر ولايعلم انسان مايخبئ له الله لكن نحسن ظننا به سبحانه.
بالنسبة لموضوع الرجل من النت فهذه فكرة سخيفة وغبية( آسفه)- لا اقصد شخصك بهذه الكلمة بل اقصد الفكرة-يحب ان تكوني اقوى و اكبر من هذا ولا تنسى انت بنت شرقية وسوف تندمين على هذه الخطوة آجلا او عاجلا فأتركي هذا الرجل وارجوووووووووووكي انتظري نصيبك من الله ولا تنسي ذكر الله والتمسك بالطاعات فهي لسبيل الوحيد لحل كل المشاكل ,و لاتنسي نصيبك من الدنيا .
والله ياختي اكلمك من قلبي لا تتعجلي نصيبك ولا تتراخي في العبادات واتركي البحث عن الزوج في النت فهذا بداية الخراب.بارككي الله وهداكي واصلح بالك
وتقبلي مروري

[فوشياآ~]

شوفي حبيبتي ...
انتي لسا صغيـــــــــــره و سنك مره حلووو
لا تشيلي هم الزواج .. والله بنات اعرفهم تزوجوا بـ 18 وقالوا ياليتنا عشنا حياتنا
و اذا ع الرجال اللي راح يخطبك والله مافيه اي عيب
مدري ليش البنات يقولون لك لا توافقين ..

اختي تزوجت واحد عنده بنت ولما تزوجها كان عمر بنته 6 سنوات
والله انها تحب اختي مررررررررره و حتى احنا نحبها

مو عيب ان اللي ياخذك مطلق ..
يا بنات لا تجرحوني بالكلام بس اقرأوا قصة صديقتي .. بتعرفون ليش انا اقولها وافقي ع المطلق

عندي صديقه اكبر مني بسنه يعني عمرها 21 ..
ابوها متوفي و اهلها حالتهم الماديه صعبــــــــــــــــــــــ ه .. و اخواتها كثيرات
الكبيرات تزوجوا و ربي ستر عليهم
باقي هي و اللي بعدها عمرها 18 سنه .. الناس يجون يخطبون الصغيره ع الكبيره
حرمه اتصلت ع امها قالت بنتك العانس موقفه نصيب اختها .. والله انا كنت عندها لما اتصلت الحرمه
قعدت تبكي صديقتي قالت ليش يقولون عني عانس ؟؟؟
راحوا خطبوا لها واحد متزوج .. يعني هي الثانيه

رفضته .. قالت اخذ مطلق ولا اوافق ع متزوج ..
والحين كل من يجي يخطب الصغيره .. و الكبيره يقولون انها عانس وماحد يبيها

أنا اقولك .. اذا هو ولد ناس وافقي عليه .. و خليه يكلم المطوع اللي في حارتكم
يقوله ان يبيه يساعده لما يتقدم لخطبتك و ياليت المطوع يسأل عنه بالاول
عشان اهلك لا ينصدمون اذا جاء وتقدم لك

موفقه خيتووو

[أريد حلاً]

جزااااااااكم الله خير ع ردكم .. وربي يفك ضيقكم ويستر عليكم ويحفظ لكم ياااااااااااارب كل غالي وعزيز ع قلوبكم

احس اني اقتنعت من كلامكم بالبدايه بس الموقع انا مقسمه اني صادقه
والرجال متأمل فيني خير وقلت له اني موافقه بشكل مبدئي فكيف اخرج ذحين؟!!
وهو ماشفت فيه اللي يعيبه للآن وقلت له لما يتقدم اهلي حيسالوا عنه اذا طلع
فيه اللي يعيبه يرفضونه وقالي موافق وحاضر ماعندي مشكله...

بنات والله العظيم مادخلت الموقع الا بعد تفكير انا اختي اللي اكبر مني
تعدت الثلاثين وهي ماتزوجت والحرمه اللي مطلعه الاشاعه الله يصلحها
ماهي راضيه توقف وتبعد الناس...واخواني متعجبين يقولون الجمال عندكم
واخلاقكم زينه ودينكم الحمدلله فليش مااحد جاكم ؟!! والله صرت اتعب من
نظرت الناس وكلامهم وحتى اختي صرت احزن عليها اللي اكبر مني ..

وغير عن كذا منتشر انه ابويه مدلعنا وانه مانشتري الملابس الا بمبلغ وقدره
واقسم بالله انه هذا الشيء ماهو فينا

وامي الحريم صاروا يعايرونها فينا .. وخالاتي ذحين بناتهم عمرهم 18 و 17
وماشاء الله انخطبوا لعيال خيالانهم واصلا البنات اللي تزوجوا اخذوا عيال
من العائله ماهم متوظفين ولسه صغار يعني اهلي يرفضونهم..

انا جد تعبت خلاص بخلص امي من اللي هي فيه ..
وغير عن كذا صارت فيه مشاكل بين اخواني بالبيت
يعني والله تعبت وانا عارفه وموقنه انه بربي مافيني عيب
حقيقي يمنع الناس من انهم يجوني

لكن والله ادخل زواج والحريم كلهم ماشاء الله ماشاء الله
(خارج العائله) ويسالون وين امك لكن بعدين مدري ايش
يصير وماايجون..

خايفه ارفض هذا ويكون هو نصيبي .. وبعدين انا بموضوع الزواج
اقول حديث الرسول"من ترضون دينه وخلقه فزوجوه" والله اني
قنووعه وهذا اللي قاهرني ابدا ماتشرطت..

الحمدلله ع كل حال .. لكن الزواج من مطلق برضه احسني
خايفه انه يكون فيه ترسبات من زواجه الاول
وتأثر ع زواجي فيه ..

فديت محبوبي وبربي وانا كمان حاسه بصحبتك بجد كلام الناس
يتعب وهذا السبب معروف "الضرب يروح والكلام جروح"
الله يعين من قلوب ماترحم ...

الله يجزيكم الجنه ويفرج همكم والله الفضفضه هذه احسها تريحني
بالذات اني مااقدر افضفض لاحد كذا امي واختي اخاف اتعبهم
وغيرهم ماعندي ...

[Lovely lolo*]

اختي وين مارحتي نصيبك راح يجيك
انتي بعدك صغيرة
اللي عمرها فوق ال30 شنو تقووول؟؟؟؟
كثير بنات اشوفهم يشتكون بهالقسم لا واعمارهم اصغر منك بعد يقولون انهم عانسين!!!
بس الظاهر ناس بدات تفهم الحياة والعنوسة بشكل غلط

احنا مو عايشين بس عشان تزوج واذا ماتزوجنا الناس تشوفنا بنظرة غير!
مااقول غير انهم ناس جاهلين وعقولهم صغيرة

الزواج يكمل دينك وهو جزء من حياتك وليس كل شي فيه

اختي لاتستعجلين بالدخول للمواقع وتبحصين عن ايا كان
حتى لو اهلك سالو عنه

يا ما بنات تزوجو والاهل سألو عن الرجال بس بعدين ينقلب حاله وتطلع لج مفاجئات غريبة منه

خاصة انك عازبة وهو مطلق وعنده ولد
تتوقعين هالشي سهل؟؟؟
تخيلي لو تزوجتيه وبدات تصير مشاكل بينكم بسبب ابنه ايش تسوين؟
انتي ماتعرفين نوعية هالرجال ممكن يكون صالح او ممكن يكون العكس
وش تعرفين يمكن يجي يوم وهو يعايرك بالطريقة اللي تعرفتي عليه "النت"وما يثق فيج
رغم انه هو كمان حاط اسمه بموقع الزواج بس تعرفين الرجال وتفكيرهم



اختي الصبر مفتاح الفرج اصبري ونصيبك راح يجيك
هالشي بيد رب العالمين لا بايدك و بايد احد ثاني

خلي العالم كلهم يطلعون عنك اشاعات
مايهم
ربك قادر على كل شي وعادل بحكمه
اللي يظلمك وين يروح عن ربه؟

بصراحة تعصبت من كلام اهلك والناس وطريقة تفكيرهم!
لو انا مكانك ارد عليهم واسكتهم
لان انا مااتحمل الجهل والعقول الصغيرة

تتوقعين الزواج راحة
لو تزوجتي ترتاحين وخلاص؟

كلام الناس ما تخلص حتى بعد ماتتزوجين راح تسمعين اللي تقول اوو بعدها ما حملت؟ او
اوو جابت ولد وما جابت بنت او بالعكس... الخ

طنشششششششششششي وكوني واثقة من نفسج وعيشي حياتج
نصيبج ما يروح بس اصبري

ولا تنسين الاستخارة وقيام الليل والدعاء بنية الزواج

[نغم الحب2007]

حبيبتى اذا كان نصيبك رح تاخديه رغم اى ظرف

انا من راى صلى الاستخارة وانشاء الله خير

[أم طِيب]

حـبيبتي انا رآيي من رأي الحلـوات

انتي صغيرة, ومايعيـبك شي ولله الحمد
ليش مستعجله .. اذا الله كاتب لك الزوااج ان شاء الله بتتزوجين وبتجوفين ذريتك
لكن اذا الله ماكتب اكيد خيره لك .. ناس تتزوج وتتعب في زواجها وتشوف الويل
لا ترمين نفسك في اي طريق
فكري بعقلك ماعليك من كلام الناس
بكره الناس بتقول تزوجت من مطلق ولا تزوجت ارمل ولا تزوجت فقير ولا تزوجت كبير بالسن ..
المعنى ان كلام الناس مايخلص .. العمر يخلص والكلام مايخلص
ليش ترمين نفسك عشان الناس وكلامهم

فكري بهداوه ,, فكري بالرجال نفسه
لاتفكرين بعمرك ولا تفكرين الناس شنو راحل يقولون
لاتهتز ثقتك بنفسك عشان انتي ماتزوجتي
ناس تزوجت وتمنوا انهم لسه ماتزوجو وكملو دراستهم ووصلوا لي مستواك

لاتستعجلين وتندمين ..

[شموخ قلب]

أكيد الأخوات ما قصروا بالرد...
بس بضيف شي بسيط
أختي أحس من كلامج إنج بنت عاقلة وفاهمة وعندج ثقة بنفسج...
ورغم كل الآراء اللي انطرحن عليج ألحين أنا واثقة كل الثقة إنج بتقررين وقرارج بيكون لمصلحتج مو ضدج..
وربي يوفقج أختي الغالية وييسر لج أمورج
ولا تنسين الإستخارة ثم الاستخارة ثم الاستخارة والدعاء بطلب رب العباد ...

[المســـك الأبيـــض]

أكيد الأخوات ما قصروا بالرد...

بس بضيف شي بسيط
أختي أحس من كلامج إنج بنت عاقلة وفاهمة وعندج ثقة بنفسج...
ورغم كل الآراء اللي انطرحن عليج ألحين أنا واثقة كل الثقة إنج بتقررين وقرارج بيكون لمصلحتج مو ضدج..
وربي يوفقج أختي الغالية وييسر لج أمورج

ولا تنسين الإستخارة ثم الاستخارة ثم الاستخارة والدعاء بطلب رب العباد ...

:thumbs_up::thumbs_up::thumbs_up:

[ρ!ηK şuģEя]

يا حبيبه قلبي 24 سنه مش كبيره
انا اعرف واحده عمرها 32 سنه ومش متزوجه
وما شاء الله عليها عارفه تشغل نفسها ووقتها بحاجات حلوه ومفيده



وانتي لو مرتاحه للشخص اللي علي الموقع
خللي اهلك يسألوا عنه مره واثنين وثلاثه لان معرفه النت مش دائما صادقه
اتأكدي الاول من أخلاقه وسمعته ولو ان شاء الله خير
يبقي عادي ان اهلك يعرفوا انه من علي الموقع مفيهاش حاجه


واذا كان نصيبك يبقي هتآخديه هتآخديه



بس قبل الموافقه فكري هل انتي هتقبلي انك تتزوجي من انسان مطلق وعنده طفل
هل هتقدري علي تربيه طفله اول زواجك ؟؟

ولو انجبتي طفل منه مش هتفرقي بين طفلك وطفله ؟؟

وهل انتي ضامنه انك لو تزوجتي منه انك هتسلمي من كلام الناس عليكي ؟؟



انا شايفه انك محتاجه وقت للتفكير والحكم علي ارآئك
وخصوصا ان انتي ما شاء الله عليكي حلوه ومتعلمه ومتوظفه يعني الف مين يتمناكي




وان شاء الله ربنا يكتبلك الخير كله