أريد حلاً
20/07/2011, 01:55 AM
السلام عليكم
كيفكم اخواتي
بصراحة ترددت بكتابه مشكلتي بس بجد حزينة جدا
انا كنت ساكنه ببيت بروحي والحمدلله كنت قادرة على تربية ابني مثل ما احب
انتقلت لمنطقة ثانية واظطريت اني اعيش مع اهل زوجي بشقة شبه منفصلة بس بنفس البيت
البيت فيه اخوه الثاني عايش ويا عياله بعد وعياله بعمر ولدي تقريبا
المهم ابني لاحظت عليه الفاظ سووووقيه جدا وحركات واسلوب ابدا ابدا مو حلو
بالبداية حاولت مره ومرتين اكلمه بس طفل شلون بفهمه :(
لاحظت كل هذا ياخذه من عيال عمه
حاولت اني كل ما يجون عندنا اقعد وياهم اكلمهم شو الصح والخطا بس مهما سويت مستحيل انا اعدل بشي هم تربو عليه للاسف تربية امهم غلط بغلط بكل شي بس صعب اقولها هالشي
ابني كان من يشوف احد اكبر منه يقبله على الراس وبخاصة كبار السن احنا تعودنا ع كذا فولدي تعود بس من سكنا وياهم قامو يضحكون عليه وكل ما يمر احد يقولوله يلا بوسه والكل يضحك فبطل اصلا يسلم على اي انسان مهما صار
كان كلامه مؤدب ويسبقه بالفاظ لو سمحت وتفضل وشكرا وووو الحين كل كلامه هاتي اخذي قعدي ((( كلمة منحرجة اقولها جب )))))))))ووووووووووو يعني صار همجي
الاول اذا حب يرسم او يلون يطلب ورقة وقلم الحين مباشره على الجدار
من يطلب ماي ياخذ الكاس ويسكبه كامل على السجاد ويضحك
المهم انا حاولت وحاولت اني ابعده او انادي الاطفال لشقتي على اساس يقعد وياهم تحت مراقبتي بس صارو ما يحبو يجوون الشقة عندي لاني اتابع تصرفاتهم
حاولت المح لامهم عن اسلوبها بتربية عيالها بس اساسا مو عاجبها اسلوبي انا
امس نزلت عندهم اول ما قعدنا ع العشى اخذ ولدي عشاه يلعب فيه بايده ويرميه والكل يضحكله انصدمت جد اول مره اشوفه جذي
بعدها بشوي اسمعه يكلم عمته بعد ما اخذ غرشة ماي وسكبها بغرفتها يقولها سويت جذي قالتله عادي حبيبي انصدمت وسكت
عقبها راح المطبخ والله يعزكم تبول على ملابسه والكل قام يضحكله انا هني خلاص وايد عصبت :mad: وقمت اضربه ضرب قدامهم لاني تعبت وانا اقوله لا يا بابا عيب وانت ولد شاطر وهم المصيبة يضحكون على حركاته كان الي يسويه صح
يعني هو معي يعتبر افضل ما يكون لانه معاهم طفل جد لا يطاق
المهم انا لي فترة من شفت الولد جذي امنعه من النزول لهم بس للاسف يصيح صياح يسمعونه يجون ينزلونه وما اقدر اقولهم انا اربيه وانتو تخربونه وهو عمره 4 سنين يعني مو بعمر نصايح
صار الولد ما يحبني على اساس الكل يضحك ويصفقله على تصرفاته وانا الي اضايقه
ما ادري شو اسوي
خاصه اني مظطرة اتحمل هالوضع سنة
وكل ما قطعته عنهم زعلو وتعرفو نظره الناس لزوجة الولد انها دوم مقصرة
وانا صعب انزل معاه طول الوقت لان عندي بيبي ثاني رضيع وصعب انزل واطلع فيه وشغل الشقة ما يخلص
زوجي بعد مو عاجبه الي يصير بس ظروفه صعبه اننا ننفصل حاليا وكلمهم اكثر من مره يقولو انتو مكبرين الموضوع
جد تعبت واتالم لما اخذ ابني لبيت اهلي تجيهم حالة صدمة منه ونفور والكل خايف انه ينقل عدوى الوقاحة لعيالهم وانا ما الومهم اذا انا امه صرت مو متقبلة الي يسويه
كيفكم اخواتي
بصراحة ترددت بكتابه مشكلتي بس بجد حزينة جدا
انا كنت ساكنه ببيت بروحي والحمدلله كنت قادرة على تربية ابني مثل ما احب
انتقلت لمنطقة ثانية واظطريت اني اعيش مع اهل زوجي بشقة شبه منفصلة بس بنفس البيت
البيت فيه اخوه الثاني عايش ويا عياله بعد وعياله بعمر ولدي تقريبا
المهم ابني لاحظت عليه الفاظ سووووقيه جدا وحركات واسلوب ابدا ابدا مو حلو
بالبداية حاولت مره ومرتين اكلمه بس طفل شلون بفهمه :(
لاحظت كل هذا ياخذه من عيال عمه
حاولت اني كل ما يجون عندنا اقعد وياهم اكلمهم شو الصح والخطا بس مهما سويت مستحيل انا اعدل بشي هم تربو عليه للاسف تربية امهم غلط بغلط بكل شي بس صعب اقولها هالشي
ابني كان من يشوف احد اكبر منه يقبله على الراس وبخاصة كبار السن احنا تعودنا ع كذا فولدي تعود بس من سكنا وياهم قامو يضحكون عليه وكل ما يمر احد يقولوله يلا بوسه والكل يضحك فبطل اصلا يسلم على اي انسان مهما صار
كان كلامه مؤدب ويسبقه بالفاظ لو سمحت وتفضل وشكرا وووو الحين كل كلامه هاتي اخذي قعدي ((( كلمة منحرجة اقولها جب )))))))))ووووووووووو يعني صار همجي
الاول اذا حب يرسم او يلون يطلب ورقة وقلم الحين مباشره على الجدار
من يطلب ماي ياخذ الكاس ويسكبه كامل على السجاد ويضحك
المهم انا حاولت وحاولت اني ابعده او انادي الاطفال لشقتي على اساس يقعد وياهم تحت مراقبتي بس صارو ما يحبو يجوون الشقة عندي لاني اتابع تصرفاتهم
حاولت المح لامهم عن اسلوبها بتربية عيالها بس اساسا مو عاجبها اسلوبي انا
امس نزلت عندهم اول ما قعدنا ع العشى اخذ ولدي عشاه يلعب فيه بايده ويرميه والكل يضحكله انصدمت جد اول مره اشوفه جذي
بعدها بشوي اسمعه يكلم عمته بعد ما اخذ غرشة ماي وسكبها بغرفتها يقولها سويت جذي قالتله عادي حبيبي انصدمت وسكت
عقبها راح المطبخ والله يعزكم تبول على ملابسه والكل قام يضحكله انا هني خلاص وايد عصبت :mad: وقمت اضربه ضرب قدامهم لاني تعبت وانا اقوله لا يا بابا عيب وانت ولد شاطر وهم المصيبة يضحكون على حركاته كان الي يسويه صح
يعني هو معي يعتبر افضل ما يكون لانه معاهم طفل جد لا يطاق
المهم انا لي فترة من شفت الولد جذي امنعه من النزول لهم بس للاسف يصيح صياح يسمعونه يجون ينزلونه وما اقدر اقولهم انا اربيه وانتو تخربونه وهو عمره 4 سنين يعني مو بعمر نصايح
صار الولد ما يحبني على اساس الكل يضحك ويصفقله على تصرفاته وانا الي اضايقه
ما ادري شو اسوي
خاصه اني مظطرة اتحمل هالوضع سنة
وكل ما قطعته عنهم زعلو وتعرفو نظره الناس لزوجة الولد انها دوم مقصرة
وانا صعب انزل معاه طول الوقت لان عندي بيبي ثاني رضيع وصعب انزل واطلع فيه وشغل الشقة ما يخلص
زوجي بعد مو عاجبه الي يصير بس ظروفه صعبه اننا ننفصل حاليا وكلمهم اكثر من مره يقولو انتو مكبرين الموضوع
جد تعبت واتالم لما اخذ ابني لبيت اهلي تجيهم حالة صدمة منه ونفور والكل خايف انه ينقل عدوى الوقاحة لعيالهم وانا ما الومهم اذا انا امه صرت مو متقبلة الي يسويه