مشاهدة النسخة كاملة : زوجـي و الـراتـب ؟ مـا الـحل ؟
أريد حلاً
15/07/2011, 03:48 PM
السلاآم عليكم و رحمة الله و بركآته ،،
بدش في الموضوع على طول ،
آنة متزوجة صار لي سنة بس و صغيرة في السن
لما كنت في بيت أبوي و الحمدلله أبوي ما كان مقصر علينه بشي
كنآ دايماً نكشخ و معروفين بهالشي ،،
تزوجت من شخص أبوه تآجر و عندهم خير ما شاء الله ، و زوجي يشتغل مع ابوه مع انه دارس برى و عنده شهادة و يقدر يشتغل بروحه
من تزوجت ليحين زوجي ما يستلم راتب ؟ يعني يشتغل طول اليوم من 8 الصبح لي 7 المغرب على و لا شي ؟
حتى صرت انحرج اروح بيت اهلي لأن خواتي ع طول كاشخين و لابسين كل مرة شي جديد و انه ما عندي !
أقول له ليش ما يعطيك ابوك راتب ؟ يقول لي مضغوطين و الشغل تعبان
بس اجوف اهله لاعبين بالفلوس لعب و مو ناقصهم شي
حتى اخوانه المتزوجين و اللي عندهم عيال عمي " ابو زوجي " يصرف علي بيتهم من اكل و كل شي و يدرس عيالهم و كل سنة 3 شهور اجازة الصيف بدولة اوروبيه
و انه ماكله تبن و ما عندي حتى آكل ؟
و فوق هذا زوجي يسوي حق بيتهم كل شي ، حتى حق خواته المتزوجين و حريم اخوانه !!
و لين ازعل و اكلمه يقول لي ما يصير ابوي يحسسهم بشي و لازم تصبرين لين ما يتعدل الوضع و فوق هذا يزعل و يصارخ و يكسر الاغراض !!!!!!!
يعني اهم ماخذين راحتهم و انه اتحمل كل شي عشانهم ؟
تخيلوا لدرجة عيد الاضحى اللي طاف ما طلعت من غرفتي لان ما شريت لي اغراض ؟
نفسيتي تعبانه وايد حتى جسمي كله بقع زرقا من هالشي :'(
!سموي خلقي!
16/07/2011, 12:14 AM
كلمي امه وضحيلها وضعج الحالي وانه ماعندج شي تلبسينه حاجيها مثل امج
واذا ما نفع قطي نغزات جدام الكل انه ماعندكم يمكن يستحون على ويههم
او قوليله خلاص انا بشتغل دام انك ما تصرف عالبيت
الهمم العالية
16/07/2011, 12:26 AM
الله يعينك ما لازم تسكتين
وردة بنفسجية2009
16/07/2011, 12:29 AM
الصراحة قصتج غريبة و الله يعينج
حاولي تتفاهمي و تفهمي الموضوع بشكل صحيح منه
الصراحة مب حالة
Miss smoor
16/07/2011, 03:08 AM
الصراحه موضوع ماينسكت عليه
لازم تكلمينه بكل صراحه اما يكلم اهله او تكلمي انتي
انا اشوف عادي لو تكلمي ام زوجك تكلم زوجها تقول عطي فلان راتب>>زوجك
ويعدل زيه زي اخوانه
الله يعينك
والله مافي احد مرتاح بالدنيا
حنين..
16/07/2011, 08:56 AM
كلمي ابوك..
لمتى يظل خاطرك مكسور؟!
لمتى راح تسكتين على هالظلم؟!
وين كرامتك؟!
حتى ابسط حقوقك عجزان يوفرها لك؟!
انتي مو مجبورة تعيشين هالعيشه خاصة وانك جايه من بيت ابوك والعيشه فرق بينها وبين عيشتك في بيت زوجك؟!
انا ما ادري ليش الرجال كذا؟!
اذا هو مو قد المسؤلية ليش يتزوج؟!
و فوق هذا يزعل و يصارخ و يكسر الاغراض
ليش انتي طلبتي فوق المعقول؟!
هذا حق من حقوقك..
يا يوجبني ويعرف حقوقي ياااااااااااا بلاها عيشه..
ألزم ما على الواحد نفسيته..
أمنيات قلب
16/07/2011, 04:18 PM
لا تسكتين وكلمي ام زوجك ما نفع اتكلمي مع ابوك انتي من حقك يوفرلك عيشه كريمه
مس زوزو
17/07/2011, 11:30 PM
الله يعينج شلون كل هالمدة ساكتة ؟؟؟
لو ع قد حاله بقول اصبري بس بخير ابوه و يصرف
ع نفسه و اخوانه و هو يكرف و يتعب بالشغل في
النهاية مافي راتب شلون يرضى ع نفسه ؟؟
و اذا كلمتيه و صارخ و كسر قوليله شلون انت راضي
بهالشي انا زوجتك و اولى منهم و اطلب منك ابسط
حقوقي او سوي اي شي بس ما تسكتين
bs.62
17/07/2011, 11:39 PM
اشتغلي انتي واذا عطوج الراتب لا تقطين ولالالالالالالالالالالا فلس عليه
باجر لو يبتي عيال شو بيكون وضعكم ؟؟؟؟
خبري ابوج
هذا لو ريلي طلبت منه الطلاق خخخخخ
[]فـرح القلـب[]
18/07/2011, 12:03 AM
حبيبتي ما بيصير تسكتي لازم تتكلمي معه بهدوء وتقولي له اللي زاعجك
يعني الآن بدون أولاد وهيك كيف مع الأولاد
بعدين هو مجبور يصرف عليك ويجيب لك حاجياتك وأنتي ما طلبتي المستحيل
وتقولي أنه عندهم خير فليش يحرمك ؟؟ وماياخد راتبه ليه هو عم يشتغل ما عم يطلب شي بدون مقابل !
بس قبل ما تكلميه بأي شي صلي ركعتين لله وادعي ربك يلهمك الكلام اللي لازم تقوليه
واكثري استغفار عسى ربي يفرج عليك
أريد حلاً
18/07/2011, 04:50 PM
تعبت و انه اكلمه
كل يوم مشكله عشان هاي الموضوع
يقول لي لازم تصبرين لو عندي ما قصرت
اقووووول له انزين انت مو محتاااااااااااااج عندددددك خذ راتب أو اشتغل بروحك
يقول لي حاليا ماقدر الظروف صعبه !!
كل يوم نفس الكلام ينعااااد
انه مو فاهمة أي ظروف الصراحه اجوف العكس :S و اقول له لكن لا حياة لمن تنادي
و اذا قلت حق ابوي الموضوع بيكبر وايد و ممكن علاقتنه تنتهي و انه مابي :'(
!سموي خلقي!
18/07/2011, 07:45 PM
صبري حبيبتي وحاولي تكلمين اهله حازلءي
اهيا خاربة خاربة والوضع ما ينسكت عنه فكلمي اهله
ღ رآقيهـ ღ
20/07/2011, 02:05 AM
اعرف وحده نفس الحاله
كلمت ابو زوجها وتعدل الوضع
وغريبة كيف اهل زوجك مو ملاحظين عليك القصور بكل النواحي
.. أمــ عــلــيــ ..
20/07/2011, 11:50 AM
الله يعينك ..
طيب جربي كلمي أبو زوجك .. واسأليه ليش زوجك بالذات يشتغل معه بدون راتب ؟ مع أنكم محتاجين مثلكم مثل غيركم ... !!
يمكن اذا كلمتيه يجبر ولده يأخذ راتب ويصرف عليكم .. لو ما نفع الحل هذا .. خلـّي أبوك يتدخـّل يشوف حل ..
Sweet N Sour
20/07/2011, 03:44 PM
اختي، معك حق في ان الوضع هذا يضايق خصوصا و انه العكس يسري مع الباقيين، بس اكيد في سبب لها الشي، انا مع انك تناقشي الموضوع و تشوفي الحل مع زوجك و تخلي الكلام مع ابوه او امه اخر وسيلة.
يعني بالاول تكلمي معاه بهدوء و اطلبي من فلوس للكسوة او للميكاب او لغيره، و بيني له انك ما تطلبي شي فوق الخيال يعني مبلغ اي حد يقدر يوفره، و وضحي له باسلوب انه رجل عامل و في قدرته توفير احتياجات بيته و زوجته.
اعتقد ان زوجك المسالة بالنسبة له نفسية، يعني احتمال هو يعتقد انه عيب يطلب من ابوه مبلغ او راتب و في نفس الوقت متردد و في اتخاذ خطوة العمل في مكان اخر، يعني مترددين في الحالتين، لذا لو بحثتي عن سبب عدم مطالبته بحقوقه راح تعرفي تساعديه يعالج هالسبب و يحل المشكلة
انا رايي كلمي ابوة مدامة هوه اللي يصرف خلة يصرف لاعليكم
ام زاد الخير وحمزة
31/07/2011, 03:42 AM
الصراحة قصتج غريبة و الله يعينج
حاولي تتفاهمي و تفهمي الموضوع بشكل صحيح منه
الصراحة مب حالة
فوشياآ~
31/07/2011, 05:13 PM
والله نفس اهل خطيبي
كل يوم و الثاني قال انا االلي ادفع للموظفين الراتب
و ابوه يكرفه كرف في الوزارات ولا يصرف له الراتب لانه ولده
بس خطيبي ما سكت عن حقه و قبل شهر طلع من مؤسسة ابوه
وراح لشركه ثانيه براتب
صحيح اقل من الراتب اللي كان ياخذه بس احسن من كذا
و رجع يصرف علي مثل اول لان الفتره اللي ترك دوامه قطع عني المصروف بسبب الموظفين
اللي يصرف لهم من راتبه
كلميه يطلع من عند ابوه او خليه يكلم ابوه و يقوله عن موضوعه
وربي بيوفقك خيتوو
..★شـــااانيل★..
01/08/2011, 12:55 AM
مو معقوله
وشلون عايشه انت ؟؟
لا يا ماما أتكلمي وطالبي بحقج
اذا فيه عجز او مشكله في تجارة ابوه فلازم تجي على الكل مو بس عليج انت !!
الله يهدي سركم يارب