زوجي

[أريد حلاً]

السلام عليكم



احترت في كتابة مشكلتي

لكن مالي الا انتو بعد الله

تزوجت زوجي بعد ماسألنا عنه والكل مدحه ومدح اهله

وكان وقتها يشتغل


زوجي عليه تصرفات غريبه عجيبه احس كأنه طفل

انا متزوجه من 6 سنوات ولله الحمد ماعندنا اطفال

ابد ابد مو محسسني برجولته ابد ابد

مثل مانقول كلمه توديه وكلمة تجيبه

اهله كثيييييييييير يرمو كلام علي و اقول له ويزعل شوي بس مايعرف يتصرف

لكن انا مايهمني زعله انا يهمني ان يحسسهم بقيمتي و انه مايرضى علي بخطأ


قبل شهر اهله غلطو علي قدامه و اذا لجدار تحرك هو تحرك


انا كنت جايه من عرس وجلست شوي عندهم فجأه اخته قالت لي


بجيب لك بقره تلحس وجهك !!!!!


مع ان الكل جالس يتابع مسلسل وش جاب طاري البقره مدري

انا قلت لها انتي بقره مو انا

قالت انا موقصدي شي بس قصدي اجيبها عشان تعدل وجهك وتمسح الميكب !!!!!

قلت لها الحمدلله كل شي فيني حلو


انتي اشتري لك فيل وحطيه ببيتك و اول ماراح تمسحي الميكب خليه يلحس وجهك


وزوجي موجود ماتكلم ولاكلمه وهذا الي خلاني ارد عليها بنفس الرد


وهذا اول موقف يصير جنبه من اهله



ولو يكون مشغول وتعبان اي احد يقول له وصلني كذا مايقول لا


حتى اولاد عمه يستقلوه

يروحو يتمشو و يستمتعو ويتصلو عليه ابونا عنده موعد في المستشفى ويروح


او قبل بيوم يتصلو عليه بكره ابونا عنده موعد روح وصله


و اذا فكرنا نتمشى ونسافر

يروح يحجز مثلا لسفر و اتفاجىء ان مصروف السفر بس 500 ريال

احد يآخذ في السفر 500 ريال !!!

اكلم اهلي و يرسلو لي مبلغ واكمل سفرتي وانا مقهوره


واذا اجتمعنا انا وصديقاتي و زوجي على عشى في مطعم

يستانس كثير لكن اتفاجىء في الطريق واحنا رايحين مطعم

مآخذ مبلغ 50 ريال بس !!!!!

يعني با الله عليكم عمركم شفتو احد يروح مطعم و بيصير المبلغ على الكل يآخذ بس 50 !!

يعني ماينظر ان يمكن حاجه تصير ونحتاج مبلغ زياده

مره طلعنا نتمشى لدول الخليج و اتفاجىء انه مآخذ 200 ريال بس !!!!

هذا حتى سكن مانسكن

والله يخلي لي اهلي اتصل عليهم ويرسلو لي مبلغ


دايم يقول انا اهلي مومقصرين عني في شي

مليون واحد يتمنى ابوه مثل ابوي و امه مثل امي

في كثير كانو يبغوني لبناتهم


(با النسبه لي انا الحمدلله ان ابوي رجل معروف وتاجر مشهور) يعني له جاه وسمعه طيبه

رديت عليه با المثل

انا بنت فلان وابوي كذا وامي كذا

لكن محد من اهلي صار مثلك ومثل اهلك

يبقى يقول الكل يحسدنا على عيشتنا !!!!
............................

الأمر الاهم

العمل وعلاقتنا الخاصه


جالس با البيت و اهله يصرفو عليه


اهله رافضين يروح العمل او حتى يشتغل

يقولو له مستعدين نصرف عليك طول عمرك !!!

وهذا مو كلام !!!


لأني اذا احتجت مبلغ مايقدر يوفره لي

فآخذ من اهلي و اصرف على بيتي وهو عنده عااادي

احيانا ابقى بدون اكل وهو يآكل مع اهله بس انا ارفض

انزل مع اهله بسبب انتقاداتهم السيئه

يعطوه شهريا 1800 ريال وش تسوي لنا مدري

و اذا حاولت معه بخصوص العمل يعصب و يطلع برا البيت


اهلي كذا مره قالو له حصلنا لك وظيفه تعال

يرفض بحجة مقدر اطلع من بيت اهلي


طيب بما ان اهلك قالو بيصرفو عليك ليش ماتآخذ معهم وقت الطلعات و السفر ؟؟

...............

نجي للبلوه الكبرى الي مو راضي يستوعب حجم الخطأ الكبير


كل سوالفه و كلامه عن العلاقه الخاصه صرت اكره العلاقه معاه

لدرجة اذا كنا رايحين مشوار يحللى له شي اسمه مداعبه

اعتذر على كلامي لكن ماراح افصل مراعاة للكل وانه امر خاص


يصير يلمس جسمي و يتحسسه و احنا في الشارع !!!


و اذا عصبت عليه يقول عااادي !!!!!

وهو يضحك يقول لي وش رايك آخذ حقي هنا (في الشارع)

صرت اكرهه و اكره العلاقه معه


والى الان رافض يفهم خطورة الموضوع خارج البيت

المهم عنده يمشي ورا ملذاته

او يقول لي تكفين خليني المس كذا

وارفض بشده


با المقابل

هو حنووووووووووووووووووووووو وووووووووووووووووون جدا وطيب

وحتى يرضيني يعطيني من راتبه 1000 ريال مصروف لي

بس انا اصرفه للبيت و احتياجات البيت


صرت اقول له

ان احنا بحاجه لدكتور نفسي

يا اما الخطأ مني اومنك

وانا مفكره بجد اراجع دكتور نفسي

لكن مااعرف مراكزنفسيه خاصه

وشكرا لكم

[!سموي خلقي!]

ما تحتاجين دكتور نفسي
اهوا الي يحتاج انه يتعالج
او يكون له شخصيته ورجولته
لي متى بيصرفون اهلها عليه
واذا يبتي الولد شبتسووون؟؟؟؟
انا اقول فهمي ودخلي معاه بالسياسة والهدوء وقوليله انه لازم يشتغل ويصير عنده معاش قوي ويصرف ععليج وعلى ولدكم الي ممكن يي باي وقت وانه يهتم فيج
واذا ما نفع كلمي امه حاوريها فهميها
شفايدة قعدته بالبيت جنه واحد من الحريم او كله هايت ويا الربع جنه عزوبي
هذا مو حل
واذا ما فاد كل هذا حطي بين خيارين
يا انتي يا وضعكم الحالي
صراحة الله يعينج اشلون رضيتي فيه من البداية اذا هذا طابع ولاهو موظف ولا عنده راتب ولا عنده كلمة
وكرامتج الي قعد تنمسح وانتي قاعدة ببيت اهله واهوا ولا فارقه عنده
انا اقولج الي يقولج كلمة ببيته لا تسكتيله
ما اقولج مدي لسانج وطويليه على اهل البيت بس لا تسكتين عن حقج واحرجيهم بردودج اذا واحد فيهم فكر يغلط عليج ويمسح بكراكتج
صراحة الله يعينج

[معنـى الحنـان]

6 سنين متزوج ومايشتغل !!!!!!!!!!

انتي ليش ساكته 6 سنين؟
وشلون قبلتي تتزوجين شخص مايشتغل قاعد بالبيت ياكل وينام ؟؟

وكل شوي ماخذه من اهلج مبلغ ،، واهو راضي؟
مو عيب عليه؟ شهالرجوله !!

اسمحي لي بس جد شهالوضع !!
وين المسؤوليه؟

وبعدين حق الزوجه على الزوج ان ينفق عليها ويوفر لها السكن وكل شي واهو اكيد بيكون مقصر لان مايشتغل

لو يشتغل ومقصر شوي نقول حرام نصبر عليه ونتحمله بس قاعد بالبيت ومو مهتم ؟؟!

مايصير حبيبتي قعدي معاه وكلميه بهدووووء وباسلوب حلووو وقوليله ان لازم يشتغل
لي متى يعتمد على اهله؟

حاولي معاه اكثر من مره ،، اذا ماكو فايده كلمي اهله يمكن يسمع كلامهم
واذا اهله ما اهتموا ،،
كلمي اهلج عشان يكلمونه والله يعينج

[أريد حلاً]

اشكركم لتواجدكم


واحب انبهكم و اقول


اني وافقت عليه وكان يشتغل

اتوقع ان كان ينتظر يتزوج حتى يبطل عمل

لأن اذا احد عرف انه عاطل محد راح يعطيه

وبعد زواجي بسنه جلس في البيت



سموي خلقي


تعبت و انا اتكلم معه با السياسه لكن مايفيد

ومستحيل اقول لأمه

لأن الخراب من الأم الله يهديها


اذا انا ضغطت عليه بخصوص العمل تعصب

وتقول اي هذا مو ولدكم حتى تحني عليه

ماتحبيه

تشوفي وين التعب و تخليه يروح له

انتي نايمه ومرتاحه وهو يقدح ويتعب

اذا احد كلمه بخصوص العمل وعرفت امه خلاص

تحقد على الطرف الثاني لأنه كلم ولدها بخصوص العمل

لأن العمل با النسبه لأمه يساوي تعب

والتعب انت مو بحاجه تتعب لأن عندك ام و اب

الله رازقهم من خيره

فليش تشتغل؟؟

وزوجي مدلل ودلوع امه مع ان عندها اولاد غيره



طلبت الطلاق قبل سنه

وجلست عند اهلي

وجاني و اقسم قسم انه يلتزم با العمل

والتزم لكن مع الايام بدأ الفتور و الكسل يتخلل عنده

الى ان جلس مره ثانيه


....................

معنى الحنان


انا ماسكتت طول ها الفتره وانا احاول معه

وكل ما ابني و اشجع فيه

تجي امه في لحظه وتهدم الي بنيته

لأن زوجي مرتاح للي تبغيه امه

وراضي با الجلسه با البيت

اهلي تعبو وهم يكلمونه

حتى وظايف دقو صدورهم يوظفوه

لكن هو رافض العمل

بحجة مقدر ابعد عن اهلي

ازواج صديقاتي جلسو معه

وكلموه عن اهمية العمل

لكن لاحياة لمن تنادي

وانا احمد ربي و اشكره ان ماعندي اطفال

والا مدري وش صار فيني وقتها

[انفاسـﮱگ دخـﮱون]

اكبر غلط انج تسكتين طول هالمده ليش ما تكملين سكوتج انت ليش من الاول يوم شفتيه جذيه ماحاولتي تقعدين معاه وتتناقشون بكل شي وتحطي حد للي يصير مشكله الحريم يكابرون ويكابرون ويسكتون لين ما يتضخم الموضوع ما يحاولون يحل المشكله بوقتها لين ماتصير عده مشاكل وعقب نطالب بالحل انتي عندج عده مشاكل اهله وطريقه تعاملهم وشخصيه زوجج اللامبالي وانه يسمع لااهله اهله اسكتي عنهم وطنشيهم وحاولي تخففي زيارات وحتى لو زرتيهم لاتجيبي شي يخصج ولا يخص اهلج علاقاتج لازم تكون رسميه وزوجج هذا اقعدي معاه وحطي حد للي قاعد يصير لازم يشتغل وتكون له شخصيته المستقله واهله ما لازم يتدخلون باي شكل من الاشكال بحياتكم الخاصه وانتي تزوجتيه هو خلاص يعني هو ريال مفروض يكون قد المسؤليه ويصرف عليج مو اهلج واهله اللي يصرفون عليج اذا مافاد فيه كلمي ابوج او احد من اخوانج يفهمه الموضوع لللاسف وضعج ما يحتمل هذي مو عيشه انتي محتاجه سند لج مو ظل حيطه هذا لللاسف اختي سمحي لي ما يعتبر ريال الريال يكون له شخصيتيه المستقله مو كلمه توديه وتجيبه ماادري شقولج بس الله يهديه والله وضعج صعب حاولي مره معاه وزني على راسه لين متى بيظل اهله يصرفون عليكم وهو ريال مفروض يتحمل المسؤليه مدري اشلون يقبل ياخذ مصروف من عند اهله ولا يشتغل مثله مثلج قاعد بالبيت انتي ماسالتيه ما قلتي له عاجبك هالوضع ما تمل كيف متحمل بس

[معنـى الحنـان]

مادري شقولج !!!

لا حول ولا قوة الا بالله

الله يعينج

[أريد حلاً]

كاندي


اقسم با الله من اول ما بطل عمل و انا الح عليه

تعببببببببببببببت معه تعبببببببببببت

آخر شي راح اشتكاني عند اهلي اني موعدله معه

واني تاعبه نفسيته ومومرتاح معي

ومن ها الباب وقت الي اهلي كلموني قلت لهم بخصوص عمله

واهماله و عمايل اهله

والا طول الوقت اهلي مايدورن شي

واهلي يعطوني طرق و اساليب و اطبقها معه

لكن دون فائده

قلت له بكره تجينا اولاد ويصير خاطرهم في شي وانت ماتقدر تجيبه لهم

اشقد صعبه ها اللحظه

انت بنفسك ماراح تنام لأن قلب ولدك مكسور وماقدرت تجبره با اللي في خاطره

لاحياة لمن تنادي

و وقت الي طلبت الطلاق ابوي فتح ذراعه لي

وقال احطك في عيوني

واخواني تأثرو كثير

واتمسكت برأيي وحتى ماخليته يشوفني او يسمع صوتي وقت الي جلست بيت اهلي

لكن آخر شي راسل لي مسج واقسم فيه انه راح يشتغل ويبغى يكلمني حتى يتفاهم معي و صارت المكالمات ورجعت

وقبل اسبوعين قلت له شكلي بنزل بيت اهلي و مستحيل ارجع لك

لأن ماكو فايده منك

و اشتغل اسبوع و جلس اسبوع

با الله وش تبغو مني اسوي

دايم اصبر حالي و اقول اعطيه فرصه يمكن يتغير

لكن دام اني مع اهله ساكنه تغييره محاااااااااال

وبنتظر كم شهر و بعدها بتخذ قراري

على الاقل اني هددته اني بروح بيت اهلي وهو ولا اهتم

فخلاص علاقتنا انتهت وريحت ضميري وضمير اهلي


كم مره اسأله عاجبتك جلسه البيت؟

يقول لاااا

بس ماعنده اراده و اصرار للعمل

[أريد حلاً]

معنى الحنان


مشكوره على الاهتمام

[انفاسـﮱگ دخـﮱون]

قطعتي قلبي والله مو عارفه شقولج بس لا تفكري تجيبي عيال الحين تيب ما قلتي له لو ياني عيال وش بتسوي وزدات مصاريفهم الا انج تكثري من الاستغفار والدعاء صلاه الليل وشهر شعبان لاتطوفينه اكثري من العبادات فيه عسى ربي يغير حالج باحسن حالج ملعندي الا الدعاء لج وانج تخيريه يانا ياهله وخليه ياخذ لج شقه بعيد عنهم لا تباعدتي عنهم بترتاحي عالاقل من مشاكلهم وزنهم على راسه زوجج عنده برود اعصاب فضيع فكرت انج تروحي بيت اهلج وتقولين له ماارد الا اذا تغيرت واشتغلت وصرت ريال مثا باقي الريايل وش يفرقوا عنك بشي مو انتي ريال حالك حالهم

[بنت الاهرامات]

ربنا معاكي يا حبيبتي
خلي اهلك يكلموه كلام رجاله
وربنا يهديه لكي

[سكّرهـ]

الخل تقعدي عند اهلك فترة وتقولين له ما رح ارجع الا لا لقيت لك وظيفه مثل خلق الله

[!سموي خلقي!]

حبيبتي ماكو الا حل واحد تحرجينه فيه
قوليله انج تبين تشتغلين لانه المصروف الي اهوا يعطيج ياه ما يكفي وانج تبين تامنين مستقبل ولدج الي ياي بالطريج
احرجيه ودوري شغل وقهريه وخليه يحس برجولته ولا تعطينه ولا فلس اذا اشتغلتي

[أم سلمى2007]

أعوذ بالله من اهل زوج بالشكل ده

جنوا على ابنهم بدلعهم الماسخ ده

وعلى فكرة إنتى كمان شايلة معاهم جزء كبير من الخطأ

يعنى إيه الفلوس تقصر او قليلة تروحى تستلفى من أهلك

هيحس بالمشكلة إزاى

ده عايز يتحرج مرة وإتنين وتلاتة علشان يحس على دمه وينزل يشتغل

لو كان مرة فى العزومة اللى قلتى عليها وكان واخد بس 50 ريال

كنتى سيبتيه ودبستيه وأطلبى كل اللى عايزاه ولما ييجى يدفع وما يلاقيش

معاه فلوس يحترم نفسه

كده لازم تأخدى معاه موقف حازم تروحى بيت اهلك وتطلبى إنصلاح حاله

وعمله وكمان تنقلوا لسكن مستقل بعيد عن اهله

علشان تأثيرهم عليه يكون أضعف

وتشتطرى ما ترجعيش البيت غير لما يوفر سكن منفصل ويفرشه ويعمل فى

وظيفة محترمة وبدوام منتظم

وياسلام لو الدوام ده فى بلد تانية تبعدوا فيها عن امه الله يهديها اللى هتفسد

ابنها أو أقصد اللى فسدته فعلا

المهم قبل ما تعملى أى حاجة صلى إستخارة

ثم توكلى على الله وإن شاء الله اللى هيحصل هو الخير

ربنا يفرج كربك ويهدى لك زوجك ويسخره لك كما تحبين

اختك فى الله ام سلمى

[أموله الدلوعه]

فديتج زوجج شخصيته جنوبي في بوصلة الشخصيات ودوري عليها في قوقل وبتعرفين عن هالشخصيه وااايد

طبيعة شخصية الجنوبي اللي هو زوجج
*انه يحب يكون مرتاح وما يتعب ويباله وقت عشان يتقبل اي شيء
*اهم شيء عنده امه ويحب الاجواء العائليه وما يحب ان حد يتكلم عن اهله باسلوب مب حلو ولا يتقبل هالشيء لان اهله بنظره مافي مثلهم وهم الصح
*رومانسي وايد ويحب يسولف وايد في العلاقه الحميمه ويحب ان هو اللي يبادر فيها واذا بديتي انتي يحس بالنفور منج
ويحب الملابس المحتشمه او الطويله اكثر من الشفافه

وبتحصلين توضيحه لشخصيته وطريقة التصرف وياه في قوقل
اكتبي شخصية الجنوبي في بوصلة الشخصيات

دعواتج لي يالغلا بالرحمه لابويه وطول العمر لامي ربي يحميها وان الله يوفقني دنيا واخره

[مس زوزو]

الله يصبرج
لو كنت مكانج ممكن ما اتحمله
بالمرة لا شخصية و لا رجوله والله يهديه

[أمنيات قلب]

الله يصبرك ويهدي زوجك

[الريـــــــــــــم]

الله يكون في عونك

بعض الافكار اللي ممكن تفيد:


لا تاخذين من اهلك ريال واحد و كوني معتمده عليه تماما
المصروف اللي يعطيه لك خليه لك بس عشان يتوهق
حاولي الابتعاد عن اهله قدر المستطاع
حاولي تشككينه بحمل و خليه يفكر بحجم المسؤوليه

[أريد حلاً]

اشكر لكم تواجدكم وتفاعلكم

وياااااااااااااااااااااار ب يصبرني عليه

واقدر اغير فيه ها الصفه يااااااااارب

[أريد حلاً]

أعوذ بالله من اهل زوج بالشكل ده



جنوا على ابنهم بدلعهم الماسخ ده


وعلى فكرة إنتى كمان شايلة معاهم جزء كبير من الخطأ


يعنى إيه الفلوس تقصر او قليلة تروحى تستلفى من أهلك


هيحس بالمشكلة إزاى


ده عايز يتحرج مرة وإتنين وتلاتة علشان يحس على دمه وينزل يشتغل


لو كان مرة فى العزومة اللى قلتى عليها وكان واخد بس 50 ريال


كنتى سيبتيه ودبستيه وأطلبى كل اللى عايزاه ولما ييجى يدفع وما يلاقيش


معاه فلوس يحترم نفسه


كده لازم تأخدى معاه موقف حازم تروحى بيت اهلك وتطلبى إنصلاح حاله


وعمله وكمان تنقلوا لسكن مستقل بعيد عن اهله


علشان تأثيرهم عليه يكون أضعف


وتشتطرى ما ترجعيش البيت غير لما يوفر سكن منفصل ويفرشه ويعمل فى


وظيفة محترمة وبدوام منتظم


وياسلام لو الدوام ده فى بلد تانية تبعدوا فيها عن امه الله يهديها اللى هتفسد


ابنها أو أقصد اللى فسدته فعلا


المهم قبل ما تعملى أى حاجة صلى إستخارة


ثم توكلى على الله وإن شاء الله اللى هيحصل هو الخير


ربنا يفرج كربك ويهدى لك زوجك ويسخره لك كما تحبين


اختك فى الله ام سلمى






صح كلامك

وانا معك اني انا ساعدته على الخطأ

بس ماكنت اقدر اعيش بوضع سيء

وانحط بمواقف محرجه وهو ولاهامه

كل همه يآكل ويشرب وينام

يمكن اذا هو الي ينحط با الموقف

يمكن يتغير

بس للاسف انا اللي بوجه المدفع

..............

جلست عند اهلي فتره واجى و وعدني با التزامه با العمل و رجعت

التزم شهر ورجع للكسل

...............


ياليت اقدر اخليه يشتغل في بلده ثانيه

اهلي عرضو عليه عمل في كذا منطقه بس هو رافض

والا كان عشت في النعيم من زمان


بس تدرين

امه مستحيل بتقبل يشتغل بعيد عنها

عااااااادي تصير مشاكل لها السبب


لكن في الاخير الله يكتب لي الي فيه الخير يارب

[أريد حلاً]

الله يكون في عونك

بعض الافكار اللي ممكن تفيد:


لا تاخذين من اهلك ريال واحد و كوني معتمده عليه تماما
المصروف اللي يعطيه لك خليه لك بس عشان يتوهق
حاولي الابتعاد عن اهله قدر المستطاع
حاولي تشككينه بحمل و خليه يفكر بحجم المسؤوليه



ان شاء الله من اليوم ماراح آخذ من اهلي

عجبتني كثييييييييييير فكرة المصروف انه يبقى لي عشان يتوهق

النقطه الثالثه مطبقتنها بحذافيرها

النقطه الرابعه
احس مستحيل اقدر عليها

[القلب الحنون25]

اختي خليه فتح محل ويترزق منه اذا اهو مب حاب يلتزم في وظيفه

الله يوفقكم ويسراموركم