ابغى مشورتكم في مشكلة محيرتني

[أريد حلاً]

السلام عليكم اخواتي

اخواتي ما فكرت احط هالموضوع الا بعد ما اشتدت حيرتي فيا ليت بعد ما تقروا الموضوع تقولوا لي على رايكم بكل صراحة لاني خلاص تعبت ومو عارفة ايش اسوي

الموضوع

اختي متزوجة من سنين من واحد عنده عيال وهي تقريبا ربتهم وصبرت عليهم وزوجها تزوج عليها من 8 سنين تقريبا لكن اهله كلهم ما يطيقون الزوجة الجديدة وما يستغنون عن اختي

المهم صارت لنا ظروف صعبة ما حد وقف معانا الا زوج اختي هذا مع اننا عندنا ازواج اخوات كثيرين بس ما وقف معنا الاهو

الحين هو خطبني لولده الكبير اخواتي واخواني كلهم راضين بس اثنين منهم وامي متخوفين ان الولد يطلع زي ابوه وحتى انا خايفة بس اختي اللي هي تصير زوجة ابوه كثير تمدح فيه وتحبه مرة والولد الكل يتمناه لبناتهم حتى ناس من اهلي يبغونه لولدهم

الولد متدين وملتزم بصلاته وما عليه غبار

عماتي لما عرفوا ان ابوه متزوج على اختي قالوا انهم رافضين والله اعلم ايش راح يسوون لانه وحده منهم راحت لزوج اختي وقالت له كلام على اساس انه يبطل بس هو اصر وراح لاخوي وتمم الموضوع معاه

ايش رايكم بالموضوع هل انا غلطانه اني وافقت عليه وما رفضته عشان ابوه تزوج على اختي

وهل هو ممكن يطلع زي ابوه ويتزوج علي

ارجوكم ردوا علي انا جدا قلقانة

[mujeres]

Salí salat al istikhara
A rabina ywafakaq

[ام لنوني]

لا حبيبتي توكلي على الله دامه فيه خير ان شالله واستخيري

[!سموي خلقي!]

انتي مالج شغل بعمايل ابوه
انتي عليج بالولد نفسه اذا كانت سمعته طيبة وعلى اخلاق ودين ويقدر يعيشج بس كافي هالشي
واذا متخوفه يتزوج عليج انتي لا تقصرين صيري ككاملة والكامل الله بعينه عشان لا يطالع يمين وشمال
واذا كلش اساليه هالسؤال قبل الملكة اذا كان ناوي يصير مثل ابوه ويتزوج اكثر من وحدة وشوفي رده

[سيده نفسي]

(وَلَا تَزِرُ وَازِرَةٌ وِزْرَ أُخْرَى )

حبيبتي مو شرط الابن يطلع مثل الابو ..

واذا الولد شاطر ويمدحونه من كل النواحي الله يوفقج معاه لا ترفضين بس لان ابوه تزوج على اختج!!

[عروس الحب]

الزواج من ثانيه مو غلط ولا عيب اللي سواه زوج اختج

و مبين عليه زوج زين لانه مااذى اختج و فوق هذا وقف معاكم بمحنتكم

و اكثر دليل انه يحبكم انه خطبك لولده

و اذا ولده زين واخلاق ودين ا تردينه حرام والله

ومالج شغل بعماتج

هذي حياتج انتي مو حياتهم وانتي ماسويتي شي غلط

[" حبيبة خطيبها "]

حبيبتي الله يئدم الي فيه الخير الك ...
انتي صلي استخاره ....
ومو شرط يون الولد متل الاب في اولاد لانو ما عجبهم انو الاب تزوج مستحيل يرجعو يعيدو الكرة مرة تانية لانو جربوها فكيف بدو يأذي الي شافهم يتعذبو لهيك اتكلي على الله ازا هو مدين وملتزم وبخاف ربنا وواحد محترم ....
وازا اختك والي هي اختك الي بتعرفهم بتحكيلك مو متل ابوه وانو منيح خلص ازا خدي بكلام اختك واول ما تحكو مع بعض انتي واياه احكيلو انو انتي بتكرهي الشب الي بتزوج على مرتو ازا ما فيها شي مرتو ومن اهلكلام حتى تطمئني .....
موفئة يا عسل

[مشمشة تامر]

قال الرسول صلى الله عليه وسلم " إن جائكم من ترضونه دينه وخلقه فزوجوه فإن لم تفعلوا تكن فتنة في الارض و فساد عظيم "

[[ نونو مآلي آني ]]

(وَلَا تَزِرُ وَازِرَةٌ وِزْرَ أُخْرَى )




حبيبتي مو شرط الابن يطلع مثل الابو ..



واذا الولد شاطر ويمدحونه من كل النواحي الله يوفقج معاه لا ترفضين بس لان ابوه تزوج على اختج!!



:thumbs_up::thumbs_up::thumbs_up:

{ من رايي.~

انا خطيبي ابوه معدد
يعني متزوج اكثر من مرة
لكن هالشي ابدا ما اثر ف قراري وكنت مصره عليه

لان عرفت انه متعقد من التعدد
وشاف امه والمشاكل الي صارت لها بعد زواج ابوه عليها
والخلافات والزعل من بين حريمه

بالعكس اهم الحين متعقدين من هالشيء
ف مستحيل يفكرون فيه

وحتى اخوانه كلهم متعقدين
كل واحد بس يقول حرمة وحدة تكفي هههه

الله يوفقك
واستخيري وادعي ربك وتصدقي بنية التوفيق
وان شاء الله خير

[سارة فقط]

استخيري الله
وتوكلي مافيها عيب لو ابوه متزوج مرة ثانية
وبعدين انتي اسئلي اختك عن الشاب لانه اكيد بتعرفه حق المعرفة
يعتبر مثل ابنها متربي معاها
يعني لو اختك مدحت الشب توكلي على الله وافقي طبعاً بعد الاستخارة

[شووق المشاعرر]

صلي استخارة
وتوكلي ع الله
الله يوفقك
وانتي مالك ب ابوة لك بالولد

[الجوهرة]

حبيبتي انا ابوي الله يرحمه تزوج 4 تعرفين وشو اربع!!

واخواني كل واحد عنده وحده والحمدلله مستقرين الله يبارك لهم

ولو اي حد منهم لاسمح الله بغى ياخذ على مرته احنا مانرضى لأن عانينا نفسيا من مرة ابوي الأخيرة وعيالها

الله يسعدك ويسوي لك الخير

[تنهيدة شوق ..]

أستخيري ياقلبي وشوفي اللي ترتاحين له
وهو ماله دخل بأبوه ومدامه متدين فهو والنعم فيه ...
والقرار بالأخير لك يعني استخيري وتوكلي على الله ...

دمتي بود ..............

[ناديل]

بصراحه لو كنت مكانك وافقت وانا مغمضه عيوني
ههههههههههههههههه
ماء شاء الله زوج اختك شهم ونبيل والزواج من ثانيه مو عيب ،
وماشاء الله ماغيره الزواج بثانيه يعز اختك ووقف معكم بشدتكم
وزود هذا كله اختك تمدح ولده وهي مربيته وادرى به

وافقي ولا تترددي دامه يصلي وملتزم وطيب وين بتلاقي مثله

وكل ابأنا يعددوون التعداد عاده عندهم ماهي وراثه


موفقه اختي

[سومه جده]

ياربي مومشكله نصيبك جاءلاتوقفيه يعني اصابعك موسواء ايش فيك استخيري مواصفات الولدحلوه واحمدي ربك قبل مايضيع منك كفايه مدح اختك فيه

[أريد حلاً]

مشكورات اخواتي ربي يخليكم لي

اخواتي انا متفقة معاكم وانا خلاص استخرت ووافقت واتفقنا على كل شي الحمدلله

الله يوفقكم يا رب ويحقق لكم كل اللي تتمنوه

[bs.62]

حبيبتي انتي تقولين الرجال مافي منه يصلي وملتزم واخلاقه عاليه
خلاص شعليج من الباقي شعليج من ابوه
انتي المفروض رجال مثل هذا تمسكين فيه باسنانج بعد لان نادر ماتلقين مثلهم الحين
توكلي على الله
ولا يلعب بعقلج احد
هو لو شاف فيج كل شي طيب بحياته ماراح يجيب عليج مره ثانيه
وبعدين انا اعتقد ان هو مايسويها ليش؟
لان متعقد من سالفه ابوه كل يوم متزوج وحده غير امه
توكلي على الله ياختي

[مس زوزو]

الشرع حلل اربع
و رأيي مثل البنات مو شرط الولد
يصير مثل ابوه في كل شي و ثاني شي
ما عليش من عماتش بالمرة سواء رضو او لا
انتي الي بتعيشين مع الرجال مو هم انا لو
كنت مكانش اوافق اذا كانت كل الاشياء الي
ذكرتيها فيه و اذا بعد كنتي متخوفة من ان
يتزوج انتي الي تقدرين تغيرينه بعد الزواج
و ما تقصرين في حقه

[مس زوزو]

مشكورات اخواتي ربي يخليكم لي

اخواتي انا متفقة معاكم وانا خلاص استخرت ووافقت واتفقنا على كل شي الحمدلله

الله يوفقكم يا رب ويحقق لكم كل اللي تتمنوه
الف مبروووك مقدما حبيبتي
الله يسعدكم

[الجوهرة]

الله يسعدك ويسخرهم لك ويرزقك الذرية الصالحه

ياليت كل البنات مثلك يطمنونا عليهم

[أريد حلاً]

مشكورات اخواتي

الله يعطيكم العافية

[الوقت ما يمشي !]

الله يقدم اللي فيه الخيـر .. و من الغلط انج تحكمين عليه عشان شي سواه ابوه