تعباانة من حياتي .. بلييز دشووو !

[أريد حلاً]

السلام عليكم ..
بنات بدش في الموضوع ع طول ،
اني متزوجة من 8 شهور ونص بس تعبانة نفسيا تعبانة حدي من حياتنا اللي اتخربطت فوق تحت .. !!
أني مو حاسة بالاستقرار مع زوجي ابدا ابدا .. والسبب شغله .. زوجي ماعنده الا شهادة اعدادي واني عندي جامعة .. لما انخطبنا كم شهر وفنشوه من شغله لان اصلا ماكان مثبت ولا مسوين له تأمين وحسيت روحي ضعت ضياع وانصعقت ان ببداية حياتي وياه يصيدنا جذي .. المهم طافت المدة وعقب 6 شهور اشتغل وتزوجنا .. للعلم إن احنا نحب بعض يعني .. الحين صارت أزمة البحرين وفنشو ناس وااجد وزوجي من ضمنهم .. ه مافنشوه للحين رسميا بس موقوف عن العمل وصارله الحين 3 شهور .. هوه لما صارت الازمة كان مايروح لان مو متطمن بسبب الامن وجدي لان دوامه فيه آخر ليل وكان خايف وقعد يطولها يطولها لين ما عزم بعدين يداوم عقب الحاح شديد مني وقلت له ان اللي الله كاتبه بيصير وان شاءالله امان مافيه شي ويوم قرر يداوم اتصل لهم الا يقولون له انته مفنش تقريبا !
بنات اني حاسة ماليي حظ لان من اخذته وهذي المرة الثانية اللي يتفنش فيها واعتقد انتو حريم وتفهمون عليي ان شلون الوحدة تحس اذا زوجها مااا يشتغل وشلون تحس لعدم الأمااان .. اني واجد احاتي وكنت افكر بالحمل والحين خايفة لا احمل وأأذي ولدي ويايي واخليه يعيش عيشة مو اوكي ! واجد متضايقة بنات خففو عني .. هذا غير الملل وضيقة الخلق والوحدة اللي احسها لان زوجي من ضيقته كله مع ربعه يقعد واني يا اروح عند اهلي يا البيت وبالحالتين ملل وضيقة خلق واحس حتى اهي كاسرة خاطرهم واجد يحسون بعدي صغيرة وتغربلت بحياتي جدي !
والله ماكنت متوقعة اعيش حياة جدي غير مستقرة .. والله احنا نحب بعض بس الحب مو كافي .. لان الراحة والاستقرار مرتطبين بعد بوظيفة الرجال وشغله اما غير جدي ماا فيه فايدة !

واسوني بنات وشوروا عليي حد تعبانة ،

[غسق الاردن]

السلام عليكم حبيبتي مالك غير الصبر وضلك حاطة فبالك ان الفلوس تروح وتجي والواحد لما بينولد بتكون رزقته مكتوبة علا جبينه انشالله بتستقر الأوضاع عندكم وبلاقي شغل احسن من الي كان فيه وعليكي انتي تكثري من الاستغفار والله يفرجها عليكم وعلا كل متضايق

[سماء الامل]

الله يعينك حبيبتي ويرزقكم خير اصبري ان شاء الله ازمه وتعدي وهو خليه يحاول يشوف له شغله ثانيه

[غيآآث]

قدمي يااعمرري انتي على وظيفة وان شالله فرصك اكثر لان انتي جامعيه ,,, واخذي ملفه وعطي اخوانك,خوالك,عمامك ..لايجلس كذاا وخليه يعطي ربعه خبر ان هو محتاج وظيفة ..لايجبس يسهر وجلسه بطالية ..
وقبل كل هذااستغفري كثيير ,,تذكري مابعد كل عسر الايسر ..وحسني الظن بالله

[قلبي ملك لربي]

الله يعينك ويوفقك يارب :)

[ناديل]

شوفي الوظيفه بأذن الله راح تجي بس بالسعي
خليه يسعى واسعي معه ودوري لك وظيفه

وتعاونوا على الخير بحب وبتضحيه
حاولي تسعديه مثل ماتتمني انه يسعدك
كوني له نعم الزوجه والصديقه وبأذن الله بيحصل على وظيفه وبتزين اموركم

اهم شي الاخلاق اذا كان حبوب ومتفهم وطيب لاتفرطي فيه
عشان وظيفه الوظايف تجي وتروح
بس الطيبين قليلين بهالزمن تجودي بزوجك الطيب ولاتحسسيه انك طفشانه من الوضع

لكن حسسيه انك ودك يتوظف حتى تجيبوا اولاد اوبنات ومن هالكلام الطيب

والله فيه رجال اغنياء مذوقين زوجاتهم الويل بخل وعدم اخلاق
ولا استفادوا زوجاتهم من وظايفهم غير القهر والظيم

اسعي مع زوجك في ايجاد وظيفه له ولك والله والله يوفق الجميع

[بنت الدمستاني]

حَبيتي شَيء معروف بالبحَرين الحين ثلاثة أرباع الشَباب يا مَفصولين يا مَوقوفين يا يدَامون بنِص الراتب
لا تقُولين حَظش نَحس قولي الحَمدلله إنَّ احنا عايشين للَحين
إن شَاء الله تتعدل الأوضَاع ويِحصل وظَيفة أحسن مِن هاذي
وربش كَريم يختي
هَدي بالش خَيو .. وتَصبري
دام زَوجش رجال زَين لا تفَرطين بيه عَشان فلوس
تَرى بعد العُسر يُسر

[يارب سهل اموري]

الله يساعدكم يارب ويرزقكم من اوسع اوابه للرزق شوفي حبي ماالج غير الصبر اذا هوه انسان طيب ويستحق اضحين من اجله ضحي لان الرزق من الله واصبري وكوني متاكده تكون العاقبه خير وانتي اذا ماعندج شغل حاولي تلكين شغل وتعنين نفسج وزوجج بي الى ان يفرجها الله وزوجج يلكه شغل والافضل يحاول يدرس واذا كان لا مايستحق فيا عمري لا تضيعين وقتج

[sweethart]

والله اختي اسمحيلي الغلط من زوجج محد قاله يغيب عن الشغل فترة طويله بدون اسباب مقتنه..

احنا عايشين في البحرين وكنا نداوم ونروح الشغل رغم كل الازمات وعندي من اهي يشتغلون زامات وفليل وبعد يروحون ويداومون والوضع عادي جدا حتى لو كانت عندنا مخاوف بس بعد نجبر روحنا نروح عشان البحرين وعشان حبنا للوطن لو نفدي بروحنا

صحيح كانت ازمة كبيرة في البحرين بس مو معناته ان كل واحد يترك عملة ويقعد في البيت وتتعطل مصالح الناس وتتطل عجلة الحياة في الدولة..

وبعدين انا بنت وكنت اروح الشغل بروحي في سيارتي كل يووووم ماعدا 3 ايام طرشولنا مسجات الشغل ان مانداوم لان شغلنا في منطقة حساسة..

وبعدين بالنسبة للاخت الي قالت كل شباب البحرين مفصولين او موقوفين!!!!!!!!!!!!!!!!!!!
يمكن اختي انتي في ديره غير البحرين.. انا في الشغل نص الي ويانا شباب وليحين يشتغلون
اخواني واولاد خالاتي واولاد عماتي ليحين يشتغلون براتب كاااامل والحمدالله الامور ماشيه من احسن مايكون..

فئه قليلة اللي انفصلو ولأسباب انتو اخبر بها..
مستحيل بتحصلون في اي ديره واي مكان واي زمان واحد يغيب عن الشغل لعدد من الايام لاعذار غير مقنعة ويرجع الشغل عادي طبيعي!!!! << القانون لازم يمشي في مجراه

بليز مو حلوه تشوهون سمعة وطنكم اللي حظنكم كل هالسنين جدام الناس..

[قهوه ساده]

شوفي صدقيني لو شنو سبب لو اهو يبي يشتغل بيدور لين يتعب وبيلقى بس ظاهر عاجبه وضع جذي ومرتاح
لان اكثر ريايل عندهم ربع ومعارف ويقدرون يتصرفون لويلقى شغل لو راتبه قليل بس ع الاقل يمشي الحال لين يلقى احسن
وانتي بعد دوري لج شغل واشتغلي وساعدو بعض

[دهـن العـود]

أول شي ربي يعوضه خير ان شاء الله ويوفق زوجج




حَبيتي شَيء معروف بالبحَرين الحين ثلاثة أرباع الشَباب يا مَفصولين يا مَوقوفين يا يدَامون بنِص الراتب

لا تقُولين حَظش نَحس قولي الحَمدلله إنَّ احنا عايشين للَحين
إن شَاء الله تتعدل الأوضَاع ويِحصل وظَيفة أحسن مِن هاذي
وربش كَريم يختي
هَدي بالش خَيو .. وتَصبري
دام زَوجش رجال زَين لا تفَرطين بيه عَشان فلوس

تَرى بعد العُسر يُسر


:!!::!!::!!:

تتكلمين عن وين ؟؟؟ عن البحرين :!!:
انا اخواني وخواتي واهلي كلهم ومعارفي بعد ولا واحد فيهم مفصول على قولتج

كلامج حبيبتي

تهوووويل x تهوووويل
:hysterical:


والله اختي اسمحيلي الغلط من زوجج محد قاله يغيب عن الشغل فترة طويله بدون اسباب مقتنه..

احنا عايشين في البحرين وكنا نداوم ونروح الشغل رغم كل الازمات وعندي من اهي يشتغلون زامات وفليل وبعد يروحون ويداومون والوضع عادي جدا حتى لو كانت عندنا مخاوف بس بعد نجبر روحنا نروح عشان البحرين وعشان حبنا للوطن لو نفدي بروحنا

صحيح كانت ازمة كبيرة في البحرين بس مو معناته ان كل واحد يترك عملة ويقعد في البيت وتتعطل مصالح الناس وتتطل عجلة الحياة في الدولة..

وبعدين انا بنت وكنت اروح الشغل بروحي في سيارتي كل يووووم ماعدا 3 ايام طرشولنا مسجات الشغل ان مانداوم لان شغلنا في منطقة حساسة..

وبعدين بالنسبة للاخت الي قالت كل شباب البحرين مفصولين او موقوفين!!!!!!!!!!!!!!!!!!!
يمكن اختي انتي في ديره غير البحرين.. انا في الشغل نص الي ويانا شباب وليحين يشتغلون
اخواني واولاد خالاتي واولاد عماتي ليحين يشتغلون براتب كاااامل والحمدالله الامور ماشيه من احسن مايكون..

فئه قليلة اللي انفصلو ولأسباب انتو اخبر بها..
مستحيل بتحصلون في اي ديره واي مكان واي زمان واحد يغيب عن الشغل لعدد من الايام لاعذار غير مقنعة ويرجع الشغل عادي طبيعي!!!! << القانون لازم يمشي في مجراه

بليز مو حلوه تشوهون سمعة وطنكم اللي حظنكم كل هالسنين جدام الناس..

كلامج صح والله نفس الكلام اللي كنت بقوله

مادري بنت الدمستاني
تتكلم عن وين ؟؟؟

:hysterical:

واختي صاحبه الموضوع
حبيبتي هو
مفروض يروح الدوام حتى لو شنو يصير
تدرين انا اعرف واحد من معارفنا ايام الأزمه

والله من كثر ما هو يحب ربعه تطوع يمر على ربعه اللي كانوا مسويين اضراب لحد بيوتهم
كان يقول لهم اذا انتوا تخافون تطلعون من البيت

انا مستعد اخذكم من البيت لحد الشغل وارجعكم

بعد
وأغلبهم طبعا قالوا لالالا مانبي :!!::!!:

منها اقتنع ان اللي فيهم مو خوف لالا كان عندهم نيه بالأضراب

طبعا هالكلام بالنسبه لربعه اللي هو اتصل عليهم
مادري شلون عن وضع زوجج
طبعا


المهم

اللحين اللي صار صار
وما تدرين الخير والصلاح لزوجج ولج وين

صدقيني يمكن الله كاتب له شغل احسن من شغله
وفي مكان احسن من مكانه القبلي
احسن حل اللحين انج

تدورين شغل
وتشتغلين
وهو خل يدور مني مناك على اي وضيفه

حتى لو براتب قليل
ترة مو كل شي بالدنيا الفلووووس

صدقيني ياما ناس عندهم كل شي

بس مب مستانسين بحياتهم

ولا يعرفون يذوقون طعم الفرح
:(

[احساس 2012]

الله يفك ضيقتك ياارب

[..★شـــااانيل★..]

اذا هذي مشكلتج بس
فحمدي ربج
من يشوف مصيبة غيره تهون عليه مصيبتنه
انت هونيها وخليج جنبه وشجعيه
وان شاءالله تتحسن اموره
ووراء كل رجل عظيم امراءه
واحمدي ربج ليل ونهار انه يحبج
اي والله

[أريد حلاً]

شكرا خواتي على ردودكم .. سواء اهل ديرتي او البنات الثانيين كلكم مشكورات خففتون عني شوي .. اما بالنسبة لزوجي فهوه كان فعلا خايف وأني اعرفه مايعرف يقعد بدون شغل ومن جدي هالايام نفسيته تعباانة واجد بس احس خوفه وتردده هم اللي ضيعوونا وخلوه يتفنش للمرة الثانية ،
ومن ناحية انه يستاهل او لا .. اني ساعات احسه يموت فيني وساعات احسه مايستاهل يقهرني .. بس بشكل عام حياتنا اوكي كأزواج ونحب بعض الحمدلله بس هذا مو كافي ابدا لان الشغل شي مهم وانتو تدرون !


اذا هذي مشكلتج بس
فحمدي ربج
من يشوف مصيبة غيره تهون عليه مصيبتنه
انت هونيها وخليج جنبه وشجعيه
وان شاءالله تتحسن اموره
ووراء كل رجل عظيم امراءه
واحمدي ربج ليل ونهار انه يحبج
اي والله
اختي شنو تقصدين ؟ انتي تشوفين ان مشكلتي تافهة يعني ؟؟
حسيت هالشي من كلامش ولانش ماجربتي الوضع حبيبتي لما وحدة للمرة الثانية في ظرف سنة ونص زوجها يقعد عاطل بدون شغل وماتحس ان لها مستقبل وياه وقاعدة دائما على قلق وخوف من المستقبل والحاضر حتى ! وغير إن اني بنية ولي حاجياتي يعني من وين بنصرف بعدين ؟؟ وغيره وغيره ومايحس بالشي غير اللي جربه !

[نسيم86]

بصراحة ربنا يعينك ياااااارب

ويسهل امور ززوجك ولا تنضامين ابد

[غلاي انته]

الله يفرج عليك همك

[دهـن العـود]

شكرا خواتي على ردودكم .. سواء اهل ديرتي او البنات الثانيين كلكم مشكورات خففتون عني شوي .. اما بالنسبة لزوجي فهوه كان فعلا خايف وأني اعرفه مايعرف يقعد بدون شغل ومن جدي هالايام نفسيته تعباانة واجد بس احس خوفه وتردده هم اللي ضيعوونا وخلوه يتفنش للمرة الثانية ،
ومن ناحية انه يستاهل او لا .. اني ساعات احسه يموت فيني وساعات احسه مايستاهل يقهرني .. بس بشكل عام حياتنا اوكي كأزواج ونحب بعض الحمدلله بس هذا مو كافي ابدا لان الشغل شي مهم وانتو تدرون !


اختي شنو تقصدين ؟ انتي تشوفين ان مشكلتي تافهة يعني ؟؟
حسيت هالشي من كلامش ولانش ماجربتي الوضع حبيبتي لما وحدة للمرة الثانية في ظرف سنة ونص زوجها يقعد عاطل بدون شغل وماتحس ان لها مستقبل وياه وقاعدة دائما على قلق وخوف من المستقبل والحاضر حتى ! وغير إن اني بنية ولي حاجياتي يعني من وين بنصرف بعدين ؟؟ وغيره وغيره ومايحس بالشي غير اللي جربه !



لالالا انا متأكده ان

العضوة شانيل

ما قصدها ان مشكلتج تافهه مثل ما قلتي

بس تدرين في حريم يذوقون الوييييل من أزواجهم

اللي زوجها يتعاطى مخدرات
واللي يشرب
واللي يطقها على طول
واللي بخيل
واللي يخوووون

يعني في حريم يذوقون الووووويل من أزواجهم

انتي الحمد الله مع زوجج ولو انقهرتي منه من اي شي
مو مثل قهر اللي زوجها يطقها ليل ونهار

والا اللي يتعاطى
واللي واللي ........

فـ دايما قولي الحمد الله على هالنعمه وان شاء الله ربي راح ييسر لج أمورج
وصدقيني

راح ايي اليوم اللي بتتذكرين فيها هالوقت
وتقولين وووويه كنت اصيح لأن فنشوه من شغله
لكن الحمد الله ان صار هالشي صلاح لي وله

خلي أيمانج بالله قووي
وتأكدي

وخلي عندج ايمان بكلام رب العالمين

{وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ}



F:

[أريد حلاً]

دهن العود .. حبيبتي مشكورة على ردج ماقصرتي يا عمري ،
واجد خففتي عني ..
وباقي العضوات مشكورين كلكم وادعوا لنا تتسير امورنا ،

[.. أمــ عــلــيــ ..]

اولاً .. رددي دايماً .. الحمدلله على كل حال ..

ثانياً .. لا تستسلمون أبداً للوضع .. اسعوا بكل اللي تقدرون عليه .. وان شاءالله تحصلون وظيفة مناسبه لكم ..

:)

[فوح الخزامى]

زوجوهم فقراء يغنوا

[سيده نفسي]

رددي دائما الحمدلله على كل حال..

وبعدين بنات يا ليت تبتعدون شوي عن وصف الاوضاع او انكم تجذبون غيركم..

لانه فعلا فيه ناس انفصلت عن اشغالها وبعضهم معلقين مو معروف وش مستقبلهم..

بس مع ذلك احنا بنات ديرة وحدة مو حلوة ننقسم ونتهاوش .. :)



بالنسبة لج حبيبتي.. ضاقت فلما استحكمت حلقاتها ...... فرجت وكنت أظنها لا تفرج
خلي ايمانج بالله قوي ولا تقولين انتي نحس او او .. :)

بس بالمرة الاولى كان الشغل مو مضمون وانتي قلتيها.. وبالمرة الثانية ما يحتاج نتكلم!

لا تكدرين روحج وتعيشين بهم.. الرزق على الله.. بس ليش ما يكمل ع الاقل للثانوية؟؟

دوري لج اشغال انتي بعد لا تتكلين بس اهو ..


حاولوا تغيرون من نفسيتكم.. فرفشوا واضحكوا واضربوا الدنيا جوتي ع قولتهم..

غيري من عاداته شوي.. بدل ما يروح لربعه طلعوا تمشوا ع البحر او روحوا صلوا الفجر بالمساجد وحتى المغرب..

لما تروحين بيت اهلج روحي بنفسية حلوة عشان ما يتكدرون عليج!
خليه يروح معاج

زوري رفيجاتج..


والله يفرجها عليكم :)

[مس زوزو]

حبيبتي تعوذي من ابليس و تفاءلي بالخير
هالوضع مو بس الي انتي فيه اعرف ناس شكثر
ع هالحال بعد ما فنشوهم الله يحسن وضعكم و يفرج
عنه و انا سمعت ان راح يرجعون الموقوفين و المفصولين
عن قريب وان شاء الله زوجج من ضمنهم