ابتليت بشايب كبر ابوي

[أريد حلاً]

السلام عليكم جميعا

مدري شلون ابدا

انا مطلقه وعمري 24
في فتره العده

قضيتها في المنتديات و غرف الشات عن طريق الموبايل

وكنت لانسى صلاتي ودعاء لي ولجميع المسلمين


انا من داخلي انسانه بريئه ومحبوبه من الكل ويدعون لي بالخير

مشكلتي تبدا من هنا

الـــــــــــــــــــــشـ ــــــــــات

كنت كل ما اتمناه بالشات مضيعه الوقت ومع دخولي لعده غرف

جلس للبحث عن صديقات انا بطبعي اجتماعيه واحب التميز ان كان بشخصيتي او بمظهري

وعملت غرفه محادثة للبنات ولا يخلوا منها من زياره الشباب لها

كنا نطرح مشاكل وقضايا ونسال بعض بالامور الدنيا وكيفيه حلها

وقت الصلاه نخرج للعلم اللي بالغرفه المحادثة من جميع دول الخليج ومصر

والكل من الشباب كان يطلب مني الاضافه ولكني ارفض

ارفض بحكمه اني اخاف الله واني ما ابي اروح لهذا الطريق

واقول في نفسي انا دخلت لكي اضيع وقتي به

واكسب صداقات من جميع البنات

ولا تخلو غرفه المحادثة من الفرفشه والضحك

وكثر الاخطاء الاملائيه اللي البعض يستفز الاخر به

وفي الصباح بحدود الساعه 8

فضت غرفه المحادثه من الشباب والبنات االلي راح للدوام واللي راح

للمدرسه والللي كان سهران نام والللي راح يكمل مراجعاته

ودخل واحد من الشباب اللي يضيف للغرفه بهجه وفرفشه والكل يحبه ويحترمه


وانا منهم احترمه طلب منى اني اضيفه عندي بالخاص


انا كنت رافضه هالفكره جلس الشاب يقولي

انا اذا شفتك بالغرفه افرح وارتاح واقول الحمدالله في ناس بهالزمن

طيب وانا رديت عليه مشكور هذا من ذوقك

قالي انا بس ابي تقولي لي متى تشبكي عشان اعرف وقتك من خلال الرسايل الخاصه

ضفت الشاب عندي بالخاص

كل ما شبكت لقيته يصبح ويمسي علي بالخير ويسال

متى تشبكين اذا كنت غير موجود

طبعن من الذوق ارد عليه اذا سلم بس والا هو ماله شغل متى اشبك

المهم يا بنات مدري شلون صرت اسولف معاه واخذ واعطي معاه بالشات

اسبوعين متواصلين عرف عني كل شئ حتى عنوان بيتنا كانه عاملني سحر من كلامه واسلوبه وادبه واحترامه من خلال الشات

انا اللي عرفته بس
اسمه الكامل وعنوان البيت وعمر30

بدينا نكلم بعض من الجوال

ومع العلاقه وتطوراتها اللي كملت شهر عرفت ان عمره44 لانه دزلي صورته ملامحه كبير قلت له مستحيل عمرك 30 طبعا انا ما دزيت صورتي كلمته كام وكنت محتشمه بلبسي وحجابي وهو كانت الشاشه سوده ما اشوف شئ

وانه متزوج وعنده اربع اولاد


والطامه الكبرى

انه مسجون يكلمنى وهو بالسجن يعني مجرم تهمته تاجر مخدرات

وقالي انا بجي اخطبج وانا تبت من التجاره

ويقولي سوالف ومغامراته مع البنات

وانا من داخلي مو متقبلته ولا ابيه

يقولي قلت لامي تخطبج وراح تجيج وحدد اليوم وفعلا امه جت وخطبتني

انا حسبته يكذب وانه كبير بالعمر امه متوفيه

بس ما قالت ولدي مسجون قالت مسافر

ويرجع بعد سنه يعني يطلع من السجن بعد سنه

قضى عمره بالسجن 15 سنه

الرجال يموووووووووووت فيني ويحبني

ويقولي لو خليتيني انتحر واسوي بنفسي كذا كذا

يعني سوالف مراهقبن اقص نفسي بالوريد

وجودي بالحياه مثل عدمه انتي جيتي

واهتميتي فيني وعطيتيني امل وان الدنيا بخير

خوووووووووواتي ابي حل سريع وجذري

شلون اخلي الشايب بس بدون ما اضره

[.. أمــ عــلــيــ ..]

لا حول ولا قوة الا بالله ..

هذي مشكلة دخول البنات للشات .. كله بلاوي ومصايب ومشاكل .. !!

الحين اللي صار صار ..

انتي قلتي انك ما تقبلتيه .. خلاص اتركيه .. ولا تقبلي فيه زوج لك .. لأن الزواج عشرة عمر .. ماهو يوم ولا اسبوع .. !!!

وغيري رقم جوالك .. وايميلك .. وابتعدي عن الانترنت فترة طويلة .. واذا تقدرين بعد تتركين شي اسمه ( شات ) وتكتفين بالمنتديات المفيدة فقط ..

الله يهديك ويهدي بنات المسلمين ..

هذا والله ما يندرى وش وراه .. ووش بيسوي بك اذا تزوجتيه .. !!

حتى ما تقدرون تسألون عنه لأنه ( مسجون ) .. وهذا أكبر دليل على أنه راعي مشاكل الله يستر عليه ..

وبعدين .. فكري بزوجته و عياله .. اذا طلع من السجن .. هم يفرحون بطلعته .. ولا يزعلون على زواجه منك .. !!!

وانتي توك صغيرة .. وش تبين بواحد بالعمر هذا .. وزيادة على كذا ( سجين ) .....؟....!!!!

اتركيه .. وأدعي الله أنه يعوضك خير .. ويرزقك الزوج الصالح اللي يسعدك ويريحك ..

و حطـّي في بآلك .. أن أي زواج يبدأ غلط .. أكيد و غالباً تكون نهايته ( طلاق ) ... !!!


هذا اللي عندي .. و ان شاءالله البنات يفيدونك أكثر ..

:(

[فراشة ترى النور]

اختى شنو هذا قصة من الخيال
اقول لاتزعلين مني كبري عقلك ، واتركي الرجال ولاعاد تسائلي عليه هذا حياته كلها مشاكل ، وانتي مطلقة يعنى تخلصتي من مشكلة عشان توقعي نفسك في مشكلة اكبر منها . اتركيه والله بيعوضك احسن منه
واتركي غرف الشات اللي مامنها فايدة غير مضيعة الوقت . ابحثي لك عن شغل او ادرسي واستفيدي من وقتك بدل تضيعيه بالحكي الفاضي اللي مارح يجيب لك غير المضرة في حياتك . غيري رقم جوالك وحاولي تبتعدي عن النت في هذه الفترة واشغلي وقتك بالمفيد.

هذى نصيحتى لك واتمنى تتقبليها والله يوفقك

[آطياف]

كلمه واحده اقطعي علاقتك فيه و يريحي

نفسسسسك ..


الله ويوفقك ..

[*um_jihad*]

السلام عليكم و رحمة الله و بركاته

اختي كتابتج للمشكله هذا اكبر دليل على انج تميلين للقبول فيه كزوج بس ظروفة هي الي محيرتج في الموضوع
انتي الي حبيتيه في الشات رجل عمره 30 و عازب و انسان محترم و كل الصفات الحلوه و الذوق فيه
فجاه انصدمتي ان الي حبيتيه عباره عن رجل عمره 44 سنه و متزوج وعنده اولاد و تاجر مخدرات و في السجن
كل هذي الامور صعب تتقبلينها
بلذات انج مريتي بتجربت طلاق و اكيد عانيتي مع زوج ما كان يناسبج و الحين تفكرين ترتبطين برجل ظروفه اصعب واصعب
ما فيه ولا ايجابيه يكفي انه متزوج و عنده اولاد يعني بتكوني مو بروحج فيه وانتي صغيره في مقتبل العمر اكيد تتمنين يكون لج زوج و مملكه بروحج محد يشاركج فيها

غير هذا فرق العمر بينج وبينه و بعد مسجون يعني اكيد سمعته تحت

فكري بعقلج و نصيحتي لج
تركي الشات و غيري رقم تلفونج انتي الي حبيتيه واحد ثاني مو هذا
و اكيد اذا تركتيه الرجال مرده بيطلع من السجن وبيرجع حق زوجته و اولاده وبيعيش حياته طبيعي
وانتي بيجيج نصيبج و الي يناسبج و تكوني له وحده مو بكل هذي الظروف
و لج طبعا حرية الاختيار و هذا رايي

[frfor]

انه مع الاخوات
وبلاخص ام جهاد
اللي حبيتيه شخص من الخيال
والواقع مر جدا لايمكنك احتماله
حاولي تنسيه ولو وجدتي بذلك صعوبه
فكري بالمستقبل الجميل القادم
كان الله في العون

[حنين..]

الرجال يموووووووووووت فيني ويحبني




على أي أساس حكمتي؟!

الله يهديك يا أختي هذا بدال ما تدخلين منتديات مفيدة وتسلين نفسك ، تدخلين شات ومحادثات؟!

وإلا علشانك منفصله خلاص تحاولين تهربين من الواقع؟!

إنتي مو أول وحده تنفصل ولا آخر وحده..

نصيبك قدامك إن شاء الله..

توك صغيره..

وباين من كلامك إنك بنت عاقله مو راعية خرابيط..

بس إنتي تمرين بضغوطات نفسية صعبة وتحاولين تطلعين من جو الضغوووط..

بس دامه وصل بيتك فهذي مشكلة ثانيه..

كلمي أحد من أخوانك أو أقاربك يرد عليه إنك رافضه وإذا زودها خلي الرجال يتفاهمون معه..

طيب سؤال حبوبه ممكن؟!

عادي ترتبطين بشخص أكبر منك بعشرين سنه؟!

وهو راعي سوابق( سجن، مخدرات، شات ومحادثات) وما خفي أعظم..

وفوق هذا كله بدوا خطبتهم بكذبه إنه مسافر..

هذا وش ترتجين منه؟! كيف بتعيشين معه؟!

حرام تظلمين نفسك وسنك الصغير مع (شايب) مثل ما قلتي ما فيه مواصفات مقبوله..

لا تخربين على نفسك وتجرين لك مصايب..

الله يهديك ويهدينا ويهدي بنات المسلمين..

حنونه..

[سارة فقط]

السلام عليكم و رحمة الله و بركاته

اختي كتابتج للمشكله هذا اكبر دليل على انج تميلين للقبول فيه كزوج بس ظروفة هي الي محيرتج في الموضوع
انتي الي حبيتيه في الشات رجل عمره 30 و عازب و انسان محترم و كل الصفات الحلوه و الذوق فيه
فجاه انصدمتي ان الي حبيتيه عباره عن رجل عمره 44 سنه و متزوج وعنده اولاد و تاجر مخدرات و في السجن
كل هذي الامور صعب تتقبلينها
بلذات انج مريتي بتجربت طلاق و اكيد عانيتي مع زوج ما كان يناسبج و الحين تفكرين ترتبطين برجل ظروفه اصعب واصعب
ما فيه ولا ايجابيه يكفي انه متزوج و عنده اولاد يعني بتكوني مو بروحج فيه وانتي صغيره في مقتبل العمر اكيد تتمنين يكون لج زوج و مملكه بروحج محد يشاركج فيها

غير هذا فرق العمر بينج وبينه و بعد مسجون يعني اكيد سمعته تحت

فكري بعقلج و نصيحتي لج
تركي الشات و غيري رقم تلفونج انتي الي حبيتيه واحد ثاني مو هذا
و اكيد اذا تركتيه الرجال مرده بيطلع من السجن وبيرجع حق زوجته و اولاده وبيعيش حياته طبيعي
وانتي بيجيج نصيبج و الي يناسبج و تكوني له وحده مو بكل هذي الظروف
و لج طبعا حرية الاختيار و هذا رايي


رأي من رأي الاخت um_jihad

[بنت الدمستاني]

الخوات ما قصروا

[ذابحهم غرووري]

الخوات ماقصروا الصراحه
احس الريال وايد غامض ومب صريح من البدايه
انا مابحكم عليه بس هذا الي باين
الله يكتبلج الي فيه الخير

[أريج الأقحوان]

أهلاً..
وعليكم السلام ورحمة الله وبركاته..

الأخوات جزاهن الله خيراً ساعدنك وأرشدنك لاتخاذ اللازم..
مشكلتك بالفعل مؤلمة ويظهر من كلامك الألم الشديد والحزن على ما حدث مما لم يكن في الحسبان..

عليك الابتعاد كلياً عن ذلك العالم وعن كل ما يوصلك به وخاصة (الشات والغرف التي تتحدثين عنها) تلك المواقع ضرها أكثر من نفعها والكلام فيها يجر بعضه بعضاً حتى يوقع الإنسان في البلاء ويصعب عليه الخلاص مما وقع فيه,حتى وإن كان الاجتماع على (قال الله وقال الرسول)-صلى الله عليه وسلم-!!
تلك الغرف البلاء الحاصل فيها لا يٌقدر ونوايا مرتاديها لا تُعلم حقائقها,والمتورطون فيها أكثر من الناجين..

أنت الآن ما زلتِ بخير والأخوات أرشدنكِ لاتخاذ اللازم ولكن بقيت هذه الفقرة لفتني فيها ما علمتُه بالحُمـرة!


الرجال يموووووووووووت فيني ويحبني

ويقولي لو خليتيني انتحر واسوي بنفسي كذا كذا

يعني سوالف مراهقبن اقص نفسي بالوريد

وجودي بالحياه مثل عدمه انتي جيتي

واهتميتي فيني وعطيتيني امل وان الدنيا بخير

خوووووووووواتي ابي حل سريع وجذري

شلون اخلي الشايب بس بدون ما اضره

والله يا أختي في مثل هذه الظروف جنبي العواطف واركنيها بعيداً عن الواقع ولا تلتفتي لها إطلاقاً..

وعلى حسب ما ذكرتِ عنه ما فيه شيء يستحق أن يتعلق القلب به!! -نسأل الله العافية-
يكفي فقط أنه (تاجر مخدرات) -نعوذ بالله مما ابتلاه الله به- هذا بحد ذاته يجعل النفس تعافه وتقذفه وإن كان يقطر عسلاً وإن كان فيه ما فيه من خير غير أن (المتاجرة بالمخدرات ومتعلقاتها ) عيب لا يغطيه شيء من الخير!!


أخطأتِ عندما سمحتِ له برؤيتك وسمحتِ له بتبادل كلام (الحب) معك ولا ينفع اللوم الآن بعد أن حدث ما حدث ولكن لعله درس لك في مستقبل أيامك..

وأما قوله بأنه ( سينتحر و..... ) لا تفتحي قلبك له ولا ترعِه سمعك ولا تفكري به,كلام واهٍ قديم يُقال بطرف اللسان ولا أصل له في القلب!

وقولك: (شلون أخلي الشايب بدون ما أضره)
لا مجال للرحمة والعطف في هذا الموقف!!
اتركيه وارحلي عنه بلا رجعة,والله يا أختي الله ما كلفك بالحفاظ على مشاعره وروحه وقلبه!!
إن كان مسلماً فدينه يُحرّم عليه الانتحار و(قص الوريد) على حد قوله!!

وإن أتى لمنزلكم هو أو أهله فليس بإمكانهم أن يجبروك على شيء لا ترغبي فيه,قولي (لا) بملئ فيك ولا تستحي منها..

أسأل الله أن يخلصك من هذا الهم العظيم ويعوضك خيراً منه وأفضل وأبرك وأسعد عاجلاً غير آجل بلا محنة ولا وبلاء ولا عقاب ولا ابتلاء..

[oum saad]

لاحول ولا قوة الا بالله شفتي اللي يبتدي بالحرام هدي النتايج
الله يهديكم
والله انا ما اعرف كيف البنت تعطي معلوماتها لاي كان
اتمنى البنات يفيدونك

[سماح المنال]

و حطـّي في بآلك .. أن أي زواج يبدأ غلط .. أكيد و غالباً تكون نهايته ( طلاق ) ... !!!



:thumbs_up::thumbs_up::thumbs_up::thumbs_up:

[مــجـــرد دمــعــــة]

كلمه واحده اقطعي علاقتك فيه و يريحي

نفسسسسك ..


الله ويوفقك ..
:thumbs_up::thumbs_up:

[mrs.7la]

حبيبتي ماراح اضيف شي بس بقلك شي فكري بينك وبين نفسك انتي تظلقتي مره واكيييييييييييييد ماتبغيها ثاني وهذا الرجال مستحييييل تكمليس معاه بيعذببببببك اقطعي الشات وكل شي موجود هو فيه وبعدين اهلك يقولو انك اتزوجتي واحد تاني لو سالت امه بعدين رجال كبيييييييييييييييير مره عليكي وانتي ببداية حياتك لسه صغيره وتبغي واحد يدلعك ويهنيكي هذا اوكي يحبك واتعلق فيكي ماختلفنا وصح ان الانسان لازم يسامح بس هذا واحد مايأتمنله تاجر مخدرات يا لطيف وعنده زوجه وعيال قوليله انك مو مرتاحه لانه متزوج وعنده عيال وابوكي مو موافق و مثلا اذا فكر لاااااااا قدر الله يفضح انه يعرفك قولي كذاب يتبلى عليا وطلع مجرم ومن كدا ولا بكل بساطه اهلك لما يسألو ويعرفو انه بالسجن بيعرفو انه كذاب خليكي منه

[أنسـ الوجود]

كيف الانترنت في السجن ؟؟
واصلا كيف بتحسي بالامان ويا انسان خريج سجون وفوقها تاجر مخدرات ؟؟
44 سنة !! واايد ,,
وانتي بعمر الزهووور ..
اختي اخوانج والوالد كيف بيوافقوا عليه لما يسألو عنه ..؟؟
حتى لو تاب متأكدة من توبته ؟؟ .. شو الضمان ؟؟
وليش من البداية كذب عليج وقالج انه 30 سنة ؟؟
كل هالاسئلة وهالاستفسارات في بالج وفكري فيها ..
والله يوفقج ويسهل اموورج ..

[%رونق آلكآدي%]

اللهم لك الحمد ولك الشكر الشات ضيع بنات واجد الله يجيرنا بس ؟؟

[ام هدواي القلب]

يابنت النااااس اتركيهـ واللهـ مثل مالعب عليكـ يلعب علي غيركـ اتركيهـ ولاتنسين انهـ كبير ومتزوج وراعي مخدرات ولهـ سوابق مع البنات وسمعتهـ زفت بين الناس وخريج سجون اتقى اللهـ ف نفسكـ توكـ وتو خيركـ اتركيهـ وادعي ربكـ اخر الليل يرزقكـ باحسن وافضل منهـ
شوفي تجربتكـ الاولى تبين تكررينهـ مرهـ ثانيهـ مع هذا الشايب فكري ف مستقبلكـ...

[l0oo0la amora]

الله يوفقك يارب ويحفظك ويبعد عنك اولاد الحرام ويعوض عليكي

امين

بس انا اقول انت تستاهلي شخص احسن من كده بكتتتتتتتتتتتتير
مو هاذا قيمتك ولا نهايه العالم
انت صغيره الله يرزقك الزوج الصالح الي يخاف ربو فيكي

[بنت الاشراااف]

الله يهدي الجميع

ياااا سلام عليج

حلوة الوحده تصحى شوي من الغفوة اللي هي فيها

قلتي عن نفسك

اجتماعيه

بس مو توصل لدرجه تخالطين ناس ما تبنهم

ولا قاعده تسوين دراسه او بحث

كلمه وحده

ابتعدي


عنه حبيبتي

[MisS MimOoO]

شلوون بآلسجن و عندهـ نت ؟؟؟؟؟؟؟؟؟؟!!!!!^o)

[هواء نجد]

اول شي حبيبتي الله يعفوعنك توبي عن هذا الطريق الي اخره مظلم وثاني شي وش حادك على هذا شايب وتاجر مخدرات وهو يبي يسحرك بلكلام عارف البنت وعقلها ولا هو مهوب منتحر تركيه صدقيني ماراح يضر نفسه ونضرها بكيفه اهم شي مادمرين مستقبلك الازوجته وينها عنه صدقيني هذا كلام كله خرابيط وعلى حسابك وموفقه حبيبتي

[اكليل الورد85]

سؤال كيف بالسجن وبيحكي معك عالنت
ايش امتى صار هالتطور هدا بالسجون
بعدين لنفرض انه الموضوع جقيقي اختى خافي الله بزوجته واولاده حرام انك تكوني سبب دمار وتعاسة اسره

[خجل*أنثى]

السلام عليكم و رحمة الله و بركاته

اختي كتابتج للمشكله هذا اكبر دليل على انج تميلين للقبول فيه كزوج بس ظروفة هي الي محيرتج في الموضوع
انتي الي حبيتيه في الشات رجل عمره 30 و عازب و انسان محترم و كل الصفات الحلوه و الذوق فيه
فجاه انصدمتي ان الي حبيتيه عباره عن رجل عمره 44 سنه و متزوج وعنده اولاد و تاجر مخدرات و في السجن
كل هذي الامور صعب تتقبلينها
بلذات انج مريتي بتجربت طلاق و اكيد عانيتي مع زوج ما كان يناسبج و الحين تفكرين ترتبطين برجل ظروفه اصعب واصعب
ما فيه ولا ايجابيه يكفي انه متزوج و عنده اولاد يعني بتكوني مو بروحج فيه وانتي صغيره في مقتبل العمر اكيد تتمنين يكون لج زوج و مملكه بروحج محد يشاركج فيها

غير هذا فرق العمر بينج وبينه و بعد مسجون يعني اكيد سمعته تحت

فكري بعقلج و نصيحتي لج
تركي الشات و غيري رقم تلفونج انتي الي حبيتيه واحد ثاني مو هذا
و اكيد اذا تركتيه الرجال مرده بيطلع من السجن وبيرجع حق زوجته و اولاده وبيعيش حياته طبيعي
وانتي بيجيج نصيبج و الي يناسبج و تكوني له وحده مو بكل هذي الظروف
و لج طبعا حرية الاختيار و هذا رايي


كلااام سلييم..:thumbs_up:

[الجوهرة]

حبيبتي انتِ مطلقه يعني المفروض تكونين اكثر نضجا وأكثر حذرا مب اتقطين نفسك في متاهات وبلاوي

اتركي التشات وغيري رقمك وماعليك منه وان قال شيء الهيئة بيقطونه في السجن مره ثانيه ولابيطلع ان شاءالله

ماعليك منه

ان انتحر لانه مايخاف الله وعقله ملوث من المخدرات مب من حبك

انتِ تعرفين متعاطي المخدرات اشلون المخدرات تلوث عقله وتخربه؟؟

واشلون بعد تاجر!!

يعني ضر الناس وربك بينتقم منه في الدنيا والآخرة

الدنيا ماخلقها ربي عبث

ولو حتى تاب

يتوب لمعاصيه،، لكن البلاوي اللي سواها ودمر الشباب وحيااتهم ومستقبلهم ربي مايسامحه عليها

لاتلقي بنفسك في التهلكه

المدمن وتاجر المخدرات يبيع عرضه ومرته وبناته عشان الشمه والجرعه

واسم الله عليك يمكن مخطط عليك لها اشيء

والله هالناس في هالزمن ماتدرين اشلون يفكرون

بعض الناس الشيطان مايقدر عليهم

واشلون امه اخطبتك وتقولين متوفيه!!

[حبيبة القلوب]

الاخوات ما قصروا في نصايحهم

بس مستغربة من شي

شلون هو في السجن ويكلمج بالنت ؟؟ غريبة هالتطور

[عروسة ابراهيم]

الموضوع سهل خلي اهلك يسألو عنو رح يعرفو أنه مسجون وبيرفضو ولو حاول يهددك ومابعرف شو وهالخرابيط لاتردي عليه وخليكي واعية وكل الشات لاتفوتيه ....

[عروسة ابراهيم]

الاخوات ما قصروا في نصايحهم

بس مستغربة من شي

شلون هو في السجن ويكلمج بالنت ؟؟ غريبة هالتطور

هههههههه بالفعل بس يلي صارلو 15 سنة بالسجن بيكون بيتعامل مع حدا من الضباط بيدخلو موبايلات وشرايح عالسجن ....

[يارب سهل اموري]

حاولي تحجين ويه امج اذا هيه متفهمه حتى اذا اجوي يخطبوج اهلج يكولون احنا رافضين وكوليله اهلج رافضين الزواج

[زهراء 88]

حبيبتي اتركيه واتركي الششات
هذا لان تعود عليج كال اموت نفسي اذا عفتيه يتعود على فراقج مثل ماتعود عليج بسهولة
بعدج صغيرة وتوج طالعه من محنه لتستعجلين بامور الزواج هاي عشرة عمر ومتعرفين يجوز ميتوب من المخدرات والسجون ولاسامح الله يرجع ينسجن مرة ثانية وانتي زوجتة فكري بالمستقبل وكيفيه الحياه وحياه ومتاكده مراح تتقلين هالوضع

[سووومآإ]

يدخل غرف شآت + يتظآهر بـ العقل ولمآ كملتِ شهر بس إنصدمتِ من آشيآء لم تكن بـ الحسبآن .. !!

تآجر مخدرآت + خريج سجون + له سوآآبق مع فتيآت .. !! + متزووج وعندهـ آولآآآآآآد .. !


بررررربــــــك مسستسلمه لـ حيآة الجحيم ... ؟! ورآآضيه عليهآآ ؟؟

../

لآآآآ وعرررف عنوآآآن سكنك وشآآآفك بـ الكآآآآم ؟؟ <<<< بحد ذآآآتهآ مشششكله


وآيش يدررريك اللي يقول عنهآ آمه تكون مرسووله منه وجآيه بـ فلوووس ؟؟؟ وهيآ آسآساً مو آمه ولآ يحزنووون ؟؟

تقول مسآفر وهوآ مسجون .. !


......

نصييييييييييحه إإإبععععدي والله يكوون بعوونك

:(

~

[عسؤؤلة اماراتية]

والله مااااعرف شو اقوولج كلنا ندخل الجات والله حتى انا ماقولج لا تدشين لانج بتدشين يعني مثلي بالضبط بس جوفي اتاكدي منه و اذا كلامه كله صح استخيري و جوفي شو بيكون وضعج و لا تنسين انه متزوج و عنده اربع عيال بس هالي كنت ابي اقووله

[انفاسـﮱگ دخـﮱون]

اول شي بصراحه اللي سويتيه غلط اشلون تتعرفي على واحد من نت وجذب عليج واخفى كل شي عنه الا وراه شي وبعدين اشلون عرفتي انه يحبج وتبين تعلقين نفسج بواحد مصيره مجهول ولا طلع من السجن ولا اهلج سالوا عنه الناس بتقول مسجون تبين تهربين من شي وتطيحين بشي ثاني فكري بعقلج ومستقبلج مو كل من قال يحبج فعلا يحب ولا كل ريال ريال وهو تاجر مخدرات وعنده فايل اسود ووراه مشاكل يعني الحيه معاه جحيم وعذاب استغفر الله يبيع على هالناس السم اشلون ترضيها على نفسج تزوجي واحد جذيه هذي نهايه الفراغ العاطفي والشات ماوراه الا المصايب اقطعي علاقاتج فيه وغيري كل شي عنج واللي خلقه خلق غيره واحسن منه ماادري انا وش صاير في البنات يبون يهربون من واقعهم لواقع مر وبعدين يجون يندبون حظهم وياليت وياليت فكروا بعقلكم مو عشان مشاكل او ظروف تمرون بها او كبر بالعمر او علاقه فاشله تكرورن التجربه مااقول الله يستر عليج واتركي الشات ودوري لج شي مفيد ادرسي والا اشتغلي وادعي ربج يرزقج بواحد يعوضج خير ويسعدج ولا تستعيلي على شي عشان لا تعيدي التجربه اللي مريتي فيها

[ŘŎ7ĩ ḟdăķ]

قصه ما سمعت فيها
غلط يالغلا تثقي بشباب الي من الشات لو يحلف ع المصف
الله يفرجها عليك ويبعده عنك اذا بيضرك

[$فراشة عروس$]

لاحووووول هذي هي بلاوي الشــآت :(

وبعدين ليش علمتيه بعمرك ومكان بيتكم وباسممممكـ :thumbs_down:

هــذآ آكــبر خـطـــآ

انتي اللي جبتي ذا الشااااااااايب لكـ بنفسكـ جبتيييييييييه

وايش عرفك انه يححححبكـ :-# <<مـــآإدري ليش صدقتيه

وبعدين انتي تووك صغيييييييره

سووري ع الكلام بس هذي هي الحقييقه :)

لا تقبلينه خصوصا انه رآآإعي بلآوي ومن السججن :(
أصبري ويجيكـ ان شاء الله ابن الحلال اللي يخاف ربه
وأنقطععععي عن الشااااااااااااات انقططططططعي ...

[أم سـيـف]

الاخ جآلس في سجن ولا فندق !!

عنده لابتوب وشآبك نت !!

[آمنـــه]

اتركيه لا تعطيه وجه ..لا توافقي ..
يكذب عليك وشو ينتحر ..
لو تجرحه سكين بكى ..
ما عليك منه ..
سمعنا قصص كثير زي كذا ..

واتركي الشات ما يجي منه الا البلاوي ..حتى لو قلتي انك ما راح تسوي شي لازم يجرك الشيطان ..

[غسق الاردن]

حبيبتي أقلك شي ايش ضمنك انها الي جت فعلا امه والله الي يدخل نت وجوال للسجن هاد بيكون عنده واسطة مو بعيد ماجر وحده مسوية نفسها امه نصيحتي ابتعدي عنه والله يستر عليك

[*+ فـــــرس +*]

بكل بساطه .. قوليله مافي نصيب
بيني وبينك .. الله يوفقك بحياتك و لا تدخلين هالشات .. وانتهت المشكله

مافي اي فايده او امل من علاقتكم
وانتي ما تبينه .. شالله حادج ؟

[سومه جده]

لاحول ولاقوه الابالله ماينفع تتزوجيه ابدامشاكل وشك وعدم ثقه لانه مثل ماقلتي سجين مخدرات وربي ليعيشك في جحيم ومشاكل مالها نهايه ارحمي نفسك واتركيه واول شئ لاعادتدخلي شات مابني على خطاينتهي بخطاومصيبه الله يوفقك ويهديك واللي جت خطبتك كذابه موامه نصب في نصب هالشغله بسرعه جت خطبتك ماسالت عنك اول شئ انتي سالتي عن الرجال اول شئ عرفتي شئ عنه صاحي مجرم فيه مرض نفسي انتي عقلك براسك يااختي لاتفوتك الشغلات الصغيره دققي فيها