دريتو عن بيرفكت سيروم!؟

[sambosa]

للبنات اللي يستخدمون الكريستال سيروم

امس رحت نزيه ابي اشتري كالعاده كريستال سيروم

بس ما لقيته!

سالت اللي يشتغل هناك عطاني شي ثاني قالي هذا هو الكريستال بس غيروه

نفس الشركه و نفس الطريقه

يعني شفاف و نفس الشي

بس اسمه بيرفكت سيروم

و ريحته احللللى من قبل

ريحه فواكه

و الحجم اكبر من قبل بعد

و هذي هي الورقه اللي على العلبه

http://www.3roos.com/upload/Image014.jpg


و هذي صوره الزجاجه كامله

http://www.3roos.com/upload/Image015.jpg


و هذا اسمه الجديد من قريب

http://www.3roos.com/upload/Image016.jpg


و صراحه لما استخدمته شفته انه نفس الكريستال سيروم

يعني بالضبط نفس النتايج مالت الكريستال سيروم

بس هذا ريحته احلللللى بوايد

و حجمه اكبر

و سعره 4 دينار بحريني





تشاااو

[بيبي روز]

اعذريني حبيتي انا بيقتلني الفضول اول مره اسمع عنه حق شنو هو يعني يستعمل كيف.....وشكرا

[nabila]

شكرا شكرا شكرا على المعلومة

[الـنـونه]

طيب انت جربتيه يعني زين


تحياتى لج


النونه

[sambosa]

حبيبتي بيبي روز

هذا نفسه " كريستال سيروم" بس غيرو الاسم

و يستخدم بعد الشاور سواء حبيتي تسشورين شعرج او تخلينه عادي جذي

و يمنع التقصف اللي ينتج عن الحراره

و يعطي ليونه للشعر

[sambosa]

حبيبتي نبيله

شكرا على مرورج الحلو

:)

[sambosa]

حبيبتي النونه

اكيد استخدمه

ما احط شي بموضوع الا انا مستخدمته و عارفه نتيجته طبعا

انا من زمان استخدم الكريستال سيروم و الحين لما رحت اشتريه قالو لي ان غيروه لي هذا اللي حطيت اسمه و صورته

و بس حبيت اوضح للبنات ان غيرو اسمه

و هو فعلا حلو للشعر و يعطيه ليونه

و يعطي لمعه حلوه اذا استخدم قبل السشوار


و شكرا على مرورج


تشااو

[رحيل الشوق]

المعلومة وصلت :)

يعطيك العافية

[meme22]

مشكوووووووووووووووووووووو ووووووووووره sambosa

[شجـــون]

مرحبا أختي سمبوســــــــه

بس حبيت أعرف من وين تشترين هذا السيروم أضن أنج بحرينيه وأنا بعد بحرينيه بس ماعليج أمر دليني على أسم المحل أو الصيدليه .. الله يحفظج ..

مشكووووره مقدماً ..

[sambosa]

هلا فيج حبيبتي شجون

انا اشتريه من نزيه اللي يبيع مستلزمات الشعر للصالونات

يكون لاصق بالضبط في بيت الازياء

و حاضرين للحلوين مثلج حبوبه







تشااااو

[sambosa]

رحيل الشوق

و ميمي

مشكوورين على حضوركم الحلو وااايد







تشاااو

[دمعه شووق]

مشكوره اختي على المعلومه
وانا انشاء الله في اقرب فرصه راح اروح لنزيه واشتريه
ويزاج الله الف خير

[أطيـــــااااف]

مشكووره على المعلومه المفيده...

[شجـــون]

حبيبتي سمبوســـــــــه

آسفه على كثرة الأسئلة بس بقولج نزيه يم محل بيت الأزياء

اللي بالقضيبيه يعني اللي يبيعون فيه اليونيفورمات للخدم

والمدارس صح ؟؟؟

أرجو التوضيح .. بالإنتظار

[sambosa]

اي حبيبتي شجون

هذا هو بالضبط

لاصق في بيت الازياء على طوول

[sambosa]

دمعه شوق

يا اسري

مشكورين حبيباتي على المرور

و اتمنى انكم استفدتو من الموضوع





:)

[شجـــون]

مشكوره سمبوسه على ردج السريع وإنشالله بروح أشتريه بأقرب وقت

[sambosa]

حاضرين حبيبتي شجون

و انشاء الله تستفيدين منه مثل ما انا استفدت منه




:)

[محشي عنب]

مشكورة حبيبتي حبيت اسال

يودي تموجات او كسرات شعر

واللة يجازيك خير

[sambosa]

حبيبتي العفراء

هو يعطي ليونه للشعر

و يسرع من عمليه الاستشوار

يعني يخلي التموجات تصير حلوه و ناعمه اذا ما استشورتي شعرج

انتي جربيه مره و بتعرفين شلون قصدي

[شجـــون]

سمبوســــــــــــــــه أبشرج اليوم رحت نزيه وشريت منهم أشياء كثيره من ضمنهم السيروم وجربته وريحته وايد حلوه وفعلاً يعطي ليونه ونعومه للشعر حلوووه وايد

أشكرج عزيزتي على أنج دليتيني على هذا المحل الروعه

[*المجروحة*]

مشكورة عيوني
بنجرب وبنشوف ما ورانا شي :smile:

[om mshmsh]

ياليت اعرف وين الاقي السيروم كريستال او برفكت سيروم في الرياض
ياليت اللي من الرياض يدلوني
ومشكووره اختي

[campoocha]

اختي سمبوسة من وين شريتية لأن انا دائما اشتري كرستال سيرم الاولي بس لين في واحد ريحته احلة بشترية
لأ اللي عندي جريب بخلص

يعني صيدلة ناصر عندهم؟ او صيدلية الرحمة او دار الدواء مثلا؟؟؟

وشكراً

[sambosa]

حبيبتي شجون

العفو حبيبتي

و الحمد الله انج ارتحتي للسيروم

و صج محل نزيه روعه ودج لو تشترين اللي بالمحل كله هههههههههههههههههههههه

[sambosa]

حبيبتي كامبوتشا

انا دايما اشتريه من نزيه

سواء الكريستال القبلي ولا هذا اليدي بيرفكت

ليش ما تروحين نزيه احسن؟

لأن الاماكن الثانيه للحين عندهم الكريستال سيروم ما اعتقد وصلهم البيرفكت لأنه توه يديد

جربي روحي نزيه عنده كل شي للشعر بتستانسين فيه و الله حتى لو ما شريتي شي ههههههههههههه

[حاملة الجوري]

الله يسلمك قولي تكفين شلون استعملتيه قبل ولابعد الاستشوار؟؟

[sambosa]

حبيبتي قطوه مسكينه

استخدميه على الشعر بعد الحمام

نشفيه شوي بالفوطه و بعدين حطي عليه السيروم و هو رطب شوي

و بعدين عاد كيفج تبين تسشورينه او تخليه ينشف لوحده

بس لا تكثرين منه علشان ما يدهن

حطي منه على نوع شعرج يعني اذا كان من النوع اللي يدهن بسرعه مع السشوار لا تكثرين منه

و على فكره تقدرين بعد بعد السشوار تمسحين منه على شعرج من فوق علشان الشعرات الصغيره اللي توقف بعد السشوار و علشان اللمعه بعد









تشاااو

[campoocha]

حبيبتي سمبوسة وين نزية اول مرة اسمع عنه

دليني وللي يعافيج

مشكووووووووووورة

[sambosa]

كمبوتشا تعرفين بيت الازياء؟

اللي مال المراييل مال المدارس و اليونفورمات؟

لاصق فيه

و اذا ما عرفتيه هو في صفه اشرف بعد بس ابعد شوي

و اذا ما دليتي بيت الازياء قوليلي ادليج اكثر بعد





تشاااو

[campoocha]

حبيبتي سمبوسة زين ما قلتيلي على الاقل اي منطقة!!!!!!!!!!!!!!!!!

شرحيلي بالتفصيل لأني ما ادل

على الاقل قولي لي وين بالضبط منامة محرق رفاع وين بالضبط

وشكراً

[بشاير القمر]

السلام عليكم ورحمة الله وبركاته

أخواتي السيروم هو عباره عن زيت خاص للشعر يستخدم قبل الأستشوار

أو بعده وليس له لون ...

و هو غني بالفيتامين E . وفائدته يقضي على التقصفات بعد الأستشوار

ويجعل الشعر أكثر نعومه .

ويأتي على أشكال مختلفه والي أستخدمه حاليا" هو زيت الجينسنغ هو

نفسه السيروم .

أما عن المكان الذي يباع فيه فهي المؤسسات الخاصه لبيع أدوات الصالون

ومستلزمات التجميل مثل في البحرين مؤسسة نزيه ومؤسسة صبايا في

البحرين شارع القصر القديم رأس رمان .

وتحياتي :shy:

[نبض الحيارى]

مشكوره اختي
مررررررره عجبني كلامكم عنه ان شاء الله اجربه

[daana]

لووووووول

مرحبا

والله اكتشفت ان هالسيروم موجود عندي بس مو عارفه كل هذا الوصف والمدح فيه لاني مااستخدمه كثير لاني شعري بطبيعته ناعم ودهني وفيه لمعه بس احب استخدم السيروم لاطراف الشعر المتقصفه ....

وانا شريته من الرياض من سوق السويلم عندهم كل شي للصالونات واغراض المكياج اللي تبيه من بنات السعوديه تلاقيه هناك

للعلم انا كويتيه بس ماادري هل موجود بالكويت او لا.


تحياتي

[بنت ديره]

شكــــــــرا اختى علي المعلومه :clap:


تحياتي
بنت ديره
:shy:

[فروحه الحلوة]

وين الاقيه انا في بوظبي ..

[campoocha]

مشكورة اختي بشاير القمر

خلاص الحين دليت وين

وإن شاء الله اروح واشترية:clap:

[المزيــــــونه]

طيب وين نلقاه بالسعوديه وخصوصا الرياض ياليت تدلوني

لان شعري مررره محتاجه...:confused:

[Cool Kuwaitya]

مشكورة

[sambosa]

مشكوريييين حبيباتي

على المرور الحلو

يا حلوات انتو :shy:

[sambosa]

اشوووه انج دليتيه يا كمبوتشا

و اخيرا ! هههههههههه


و مشكوره يا بشاير القمر على المعلومات الحلوه و على انج دليتي كمبوتشا و انقذتيها ههههههههههه

[sambosa]

كاتب الرسالة الأصلية : daana


وانا شريته من الرياض من سوق السويلم عندهم كل شي للصالونات واغراض المكياج اللي تبيه من بنات السعوديه تلاقيه هناك


تحياتي

يلا يا المزيونه

كاهي دانه ردت عليج و قالت لج وين تلاقينه في الرياض شتبين بعد :cool2:

و دانه مشكوووره حبيبتي انتي جذي :up:






تشاااو