ساعدوني اقنع زوجي

[أريد حلاً]

انه متزجة صار لي سنتين

ومشكلتي اني قبل الزواج كنت البس عباية كتف (( بالطو))

والي اخدته كان جايفني مع اختي في الدوام اهو يشتغل وجافني وخطبني ولما جافني كنت لابسه بالطو بعد

بس لما جا يخطبني شرط علي البس عباية راس

وانه من زود حبي له وابيه وافقت على هالشي

واللحين صار لي سنتين وانه البسها مو مرتاحه فيها كلش

تكبرني وكاني عيوز ابها والي يشوفني مبهدله ابها يقول عمري 30 سنه

وغير هذا مع ولدي اذا كنا طالعين بنزل من السيارة تطير كلها

واذا اسوق يدي كلها تطلع ولازم البس سواعد وانه ماحب البس

فحسين عباية الكتف احسن واستر اولا تعطيني عمري لا تكبرني ولا تصغرني

وثانيا ما تنفتح وتبين ملابسي او تطير لانها مسكره كامل

وثالث شي اسهل في السياقة وما يحتاج سواعد من ناحية الموديل الي في بالي اسوية

وابي اقنع زوجي ومو راضي تعبت معاه يقول بفكر ولا يرد علي بشي

واحسه مو من راية بس انه ما يبيني البس عباية كتف الا متاثر باراء بيتهم الي اهم امه وخواته رغم انه عيالهم كلهم يلبسون وهم مو اصغر مني الا بثلاث سنين وبعضهم حتى بسنه بس واخته اكبر مني وتلبس

شلون اقنعه ساعدوني تعبت نفسيتي لين اروح بيت اهلي واجوف خواتي كلهم كانهم صغار وانه كاني عيوز وغير هذا اختي اكبر مني تبان اصغر مني ومرتبه وانه لاني ماعرف البسها متبهدله

عطوني حل الله يجزيكم خير

[رسيل الورد εïз]

ويش سالفة العباية هالايام؟ يمكن هذا ثالث موضوع في هاليومين! عباية الراس ماتكبر ابدا بس انتين ماتبينها!

ماضل عيب الا خليتينه في عباية الراس كأنها البطة السودة .. تبين الستر او المظهر؟

عباية الكتف تبرز مفاتن المرأة حتى لو كانت نحيفة + تلفت النظر + التطريزات فيها تعتبر زينة وووووو

اني مو ضد عبائة الكتف لكن مثل ماقلت في الموضوع السابق ماارضى احد ينزل من قيمة العبائة الزينبية او يشوه صورها

كان بامكانش تطرحين الموضوع بدون ماتتطرقين لهالتفاصيل اعتقد كفاية انه تقولين:

تبين تقنعينه بلبس الكتافية لانها انسب لش وترتاحين فيها اكثر بس انتين الظاهر هامنش المظهر اكثر



البسيييي الكتافية بس لا تشوهين صورة العبائة الزينبية ولا تنزلين من قيمتها والعبائة تاج والتاج على الراس

[.. أمــ عــلــيــ ..]

أتفق مع الأخت رسيل الورد بكلامها .. بس احنا نسميها " العباية الاسلامية " .. :)

المفروض تختصري مشكلتك بدون التعرض لصفات " العباءة الاسلامية " بأي وصف سئ ..!!

انتي الله يهديك .. تبين تسترين الزينة ولا تبين يكون شكلك زين ؟

ترى العباءة أساساً هي لستر الزينة .. يعني شي طبيعي ما راح تطلعين بالعباية الساترة بأبهى شكل ..!!

بس بإمكانك الحرص على نظافتها .. وريحتها .. والحمدلله هذا احنا كلنا وأمهاتنا وجدّاتنا لابسين عباية على الرأس .. وما ضرّنا ..!!!

بس حسبي الله على كل واحد ساعد على انتشار هالعباية الكتافية .. !!

والله أمس أشوف عند مطعم عوائل بنات شابات لابسين عباية الكتف ونحآآآآآآف مرررررة .. والله عرفت تفصيلات أجسامهم وحجمهم وكل شئ ..!!!! مع أن عباياتهم مافيه تطريز ولا ألوان ولا أي زينة .. سوداء سادة ..!! بس طريقة تفصيل عباية الكتف لحجم جسم المرأه هي اللي يخلي الكثير من المشائخ يحرمونها ...!!!!

انتي شوفي بنفسك .. هل اذا شفتي وحده لابسة عباية على الرأس بتعرفين حجم أكتافها وصدرها وحوضها وطولها ؟..!!! " طبعاً مستحيل " لأن عبايتها بتكون منسدلة انسدال كآآآآمل على جسمها من رأسها الى أسفل قدميها ..!!!

بس روحي شوفي اللي لابسة عباية كتف .. والله ان تعرفين تفاصيل جسمها كآملة .. وتقدرين طولها ووزنها بعد ...!!! ليش ؟.! لأن عبايته من أكتافها ومخصرة على صدرها ووسطها .. وقصيرة طبعاً ما تكون تغطي أقدامها ...!!!! هذا غير النقاب اذا كان مربوط على الشيلة ....!!! بتعرفين حجم وجهها ودقة أشباهها .....!!!!

أنا حبيت أبين لك الفرق بين العبائتين ... وانا أأيد زوجك برفضه لبسك لعباءة الكتف .. لأنه هو أكيد يشوف اشياء انتي ما تشوفينها .. وما يبيك تكونين مثلهم فرجة للرايح والجآي ..!!

انتي فكري زين .. وتأكدي أن زوجك يبي مصحلتك وخايف عليك .. ولا ما كان أجبرك على لبس عباية الرأس ..

بعدين حبيبتي .. الحين العباية الاسلامية مو مثل الموديلات الأولى اللي تكون مفتوحة .. بالعكس الحين أكثر شي انتشر اللي تكون مسكّرة .. تلبسينها زي الثوب بس تكون على راسك .. وتقدرين على عبايتك المفتوحة اللي على الرأس تركبين لها " كبّاسات " ومستحيل تنفتح أو تطير .. :) فيه حلول تسوينها وسهلة ..


الله يهديك .. ويهدي بنات المسلمين .. ويستر عليك وعليهم ..

:-#

[mrs.7la]

حبيبتي وريه موديل العبايه اللي تبغيه يمكن يقتنع فيها بوريكي موديل شبيه من موديل العبايه اللي فوق الراس وشكلها باللبس شياكه وانيقه وساتره ولا ماسكه ولا شي

[•كيوت•]

حبيبتي برد عليج بنفس الرد اللي رديته على عضوة ثانية طارحة نفس مشكلتج بس مع الأسف الشديد صكو موضوعها ..

ياريت لحد يصحح للثاني اسم الدفة لأن كل وحدة ومعتقداتها.. التطرق لهالمواضيع في الرد على مشاكل العضوات هو السبب اللي يخلي الموضوع ينغلق ومحد يستفيد!

جوفي حبيبتي اولا دفة الراس اللي نسميها احنا العباية الزينبية .. العباية الزينبية بالعكس وايد كشخة يمكن انتي ماتعرفين شلون تلبسينها بطريقة سنعة وشنو تلبسين تحتها .. حبيبتي اعتبريني اختج ولاتزعلين مني فديتج ..
لفي الشيلة بطريقة حلوة يعني غطي كل شي بس خليه لوز لاتصكينه تايت.. ولبسي فوقها دفة الراس واي وقت حسيتي بضيق لما تسوقين او بتشيلين ولدج حطيها على جتفج لاتصعبين الأمور على روحج ولين الدفة تكون على جتفج لميها بيدج من تحت عشان ماتطير ..
حاولي دايما انج تلبسين اشيا ستايل وخلج كاشخة عشان اذا بتلمين الدفة اللي تحتها يكون مرتب وكشخة مابيكون شكلج مبهدل ..
حبيبتي لو مو كشخة جان مالبسوه الشيخات عندنا ..
عن نفسي مالبس دفة وايد بس لين البسها اتسنع فيها واللي يجوفني عبالهم شيخة هههههههههههههههه ... والبس دفيف ثانية بعد كل شي يعني مالوع جبدي في شي .. والحمدلله لا اطلع شعري ولا احط مكياج بعد .. بس لأنج انتي لازم تحسين بكشختج عشان تحسسين الناس انج كشخة ..

واللي يقط عليج كلمة ويحاول يقول لج انج مبهدلة قوليلهم اعتبروني شيخة مو اهمه يلبسون جذي!!؟؟

وليش تلبسين سواعد لبسي توب سادة جم طويل ..
أريح بوااااايد ومستور ..تاااااارسين المجمعات ترسة ..

لاتصعبينها على روحج ..
اذا صعبتي كل شي بتكرهين كل شي ..
لاتمشين مع زوجج بنظرية 1+1=2
انتي بنفسج تقدرين انج تخلينه يصير لين معاج ..
كلما تراوينه انج كارهة الموضوع بيعاند معاج زياااادة ..

جربي اللي اقولج وان شاءالله بترتاحين ..

وماوصيج قولي لنا النتاااايج

:072:

[شووق المشاعرر]

أتفق مع الأخت رسيل الورد بكلامها .. بس احنا نسميها " العباية الاسلامية " .. :)

المفروض تختصري مشكلتك بدون التعرض لصفات " العباءة الاسلامية " بأي وصف سئ ..!!

انتي الله يهديك .. تبين تسترين الزينة ولا تبين يكون شكلك زين ؟

ترى العباءة أساساً هي لستر الزينة .. يعني شي طبيعي ما راح تطلعين بالعباية الساترة بأبهى شكل ..!!

بس بإمكانك الحرص على نظافتها .. وريحتها .. والحمدلله هذا احنا كلنا وأمهاتنا وجدّاتنا لابسين عباية على الرأس .. وما ضرّنا ..!!!

بس حسبي الله على كل واحد ساعد على انتشار هالعباية الكتافية .. !!

والله أمس أشوف عند مطعم عوائل بنات شابات لابسين عباية الكتف ونحآآآآآآف مرررررة .. والله عرفت تفصيلات أجسامهم وحجمهم وكل شئ ..!!!! مع أن عباياتهم مافيه تطريز ولا ألوان ولا أي زينة .. سوداء سادة ..!! بس طريقة تفصيل عباية الكتف لحجم جسم المرأه هي اللي يخلي الكثير من المشائخ يحرمونها ...!!!!

انتي شوفي بنفسك .. هل اذا شفتي وحده لابسة عباية على الرأس بتعرفين حجم أكتافها وصدرها وحوضها وطولها ؟..!!! " طبعاً مستحيل " لأن عبايتها بتكون منسدلة انسدال كآآآآمل على جسمها من رأسها الى أسفل قدميها ..!!!

بس روحي شوفي اللي لابسة عباية كتف .. والله ان تعرفين تفاصيل جسمها كآملة .. وتقدرين طولها ووزنها بعد ...!!! ليش ؟.! لأن عبايته من أكتافها ومخصرة على صدرها ووسطها .. وقصيرة طبعاً ما تكون تغطي أقدامها ...!!!! هذا غير النقاب اذا كان مربوط على الشيلة ....!!! بتعرفين حجم وجهها ودقة أشباهها .....!!!!

أنا حبيت أبين لك الفرق بين العبائتين ... وانا أأيد زوجك برفضه لبسك لعباءة الكتف .. لأنه هو أكيد يشوف اشياء انتي ما تشوفينها .. وما يبيك تكونين مثلهم فرجة للرايح والجآي ..!!

انتي فكري زين .. وتأكدي أن زوجك يبي مصحلتك وخايف عليك .. ولا ما كان أجبرك على لبس عباية الرأس ..

بعدين حبيبتي .. الحين العباية الاسلامية مو مثل الموديلات الأولى اللي تكون مفتوحة .. بالعكس الحين أكثر شي انتشر اللي تكون مسكّرة .. تلبسينها زي الثوب بس تكون على راسك .. وتقدرين على عبايتك المفتوحة اللي على الرأس تركبين لها " كبّاسات " ومستحيل تنفتح أو تطير .. :) فيه حلول تسوينها وسهلة ..


الله يهديك .. ويهدي بنات المسلمين .. ويستر عليك وعليهم ..

:-#

:thumbs_up::thumbs_up:

[Om Roqaia]

وبصراحة في ازواج ما يقتنعون مهما كان ومهما راوته صور ومهما سوت موديل لعباءة الكتف

بس في نقطة مهمة ان اذا بغيتين تقنعينين اي شخص باي فكرة لازم تكونين منفتحة عليه ويكون بينكم اتصال مباشر وعلى طول وتعرفين شخصيتة وطبيعتة والاسباب الي تخليه يمنعج من لبسها
والله يهديكم لبعض

[نقاء الرُوح]

رايي من راي الاخوات

والامام علي يقول .. لا تستوحش طريق الحق لقلة سالكيه

ومافي احلى واستر من عباءة الراس بس انتي البسيها عدل

والله يهدينا ويهديش ويهدي الجميع

[000 ولدي-- حياتي0000]

الله يهديكم حق بعض

[ليالي النرجس]

ونعم الزوج الذي يحث على لبس العبائه الزينبيه

تقدرين حبيبتي تلبسين عباية السعوديه احسها ابدا ما تضايق ولا تبهدل ولين اتعودتي على لبسها تقدرين تشترين اليش عباية الحرير

أرضي زوجش واليش الأجر والثواب عن رب العالمين

اتفق مع الأخوات :)

[ﺁڼـﺁ ضَعٍيفهْ ورٍشَيقهْ «¬]

×

في نوع من العبايه الجتف ماتكون فاتنه و وسيعه ومرتبه
انتي اخذيه و وديه المحل وقيسي وحده وخليه يشوفها عليج
لان عبايه الراس شكلج ماتلبسينها وبدال لا تستر الي لابسته اطلعه من الفتحات
الله يوفقج حبيبتي

[جوهره القصر]

وش جايكم على عبايه الراس
قولي انك ماتبينها احسن ماهو تقولين تكبرني ومبهذله ومادري ايش وبعدين فيه موديل مختوم من قدام لا تنفتح العبايه ولااحد يشوف ملابسك

[السنوايت]

الله يهديكم انا قلت راي بموضوع مثل كذا وبفتوى شرعيه

المشكله الحين ان الناس تبغنا نقول حلال الي تسوينه

الحلال بين والحرام
ومهما صار فيه تغيرات ...

الحلال حلال
والحرام حرام ...
وش الفايده تتحايلن على زوج عشان تلبسين عباية كتف ...

الله يهديكم احس المواضيع الحين كله كذا

نبي الحرام حلال بالغصب

آآآسفه على ردي ممكن بتزعلين بس كلمة الحق تنقال

وكلمة الحق بالشرع والحمد لله الموقع هذا اسلامي...

[ليموووو]

اتفق مع الاخت رسيل الورد

وانا من يومي بثاني متوووسط وانا تاركه عباية الكتف

والحين مخلصه جامعه والحمدلله مالبسها الا بس بالزووواجااات فقط غيره لما اطلع وشي علي عباية راس واسلاميه بعد مسكره من قداااام


اهم شي الستر

[fatom♥A]

يااااه
كل مواضيعكم عن هالعبااايه ؟؟
تدرين ..
انا عمري 17 خطيبي في المقابله قال لي عنها
(عباءة الراس)
ومارديت عليه
لاني كنت مومقتنعه


وهو لما كلمني قال لي ماافرضها عليش
بس احب اجوفش لابستنها
تدرين بعد المقابله حبييييييتها
وصرت البسها مع اني ماارتاح فيها مئه بالمئه


لكن احبها لأنه يحبها عليي
واللي يحبه ويبيه مستعده اسويه له
اهم شي انه راضي وفرحان فيني ..


غريبين انتوا يابناات !!
اييه بعد بضيف شغله
بليييييييز لا تجيبين حجج وعلل فيها
تراها استر واحشم عبااءة


قولي انتي ماتبينها


والله اني افتخر وارفع راااسي وانا لابستنها
واحس نفسي كشششخه ورزه
كفااايه اني راضيه ربي و زوجي


الله يساعدكم على تفكيركم السطحي
والله يساعدكم على التقليييد !!


!!


والسمووحه من حر مافيني
خليتوا مشااكل الدنيا وجيتوا
على هالعبااايه المسكينه !!



عجبــــــــييييييييييييي !!

[fatom♥A]

ويش سالفة العباية هالايام؟ يمكن هذا ثالث موضوع في هاليومين! عباية الراس ماتكبر ابدا بس انتين ماتبينها!

ماضل عيب الا خليتينه في عباية الراس كأنها البطة السودة .. تبين الستر او المظهر؟

عباية الكتف تبرز مفاتن المرأة حتى لو كانت نحيفة + تلفت النظر + التطريزات فيها تعتبر زينة وووووو

اني مو ضد عبائة الكتف لكن مثل ماقلت في الموضوع السابق ماارضى احد ينزل من قيمة العبائة الزينبية او يشوه صورها

كان بامكانش تطرحين الموضوع بدون ماتتطرقين لهالتفاصيل اعتقد كفاية انه تقولين:

تبين تقنعينه بلبس الكتافية لانها انسب لش وترتاحين فيها اكثر بس انتين الظاهر هامنش المظهر اكثر



البسيييي الكتافية بس لا تشوهين صورة العبائة الزينبية ولا تنزلين من قيمتها والعبائة تاج والتاج على الراس


الله يعطيش العافيه خيوو
وكلاااامش صح الصح ..

واني قلت في ردي السابق
انها ماتبي تلبسها وتختلق العيوووب وتتحجج ..!!:thumbs_down:

أعرف الاسلوب هذا وفاهمهتها ..
لأني كنت بيوم من الايام افكر بهالطريقه !!

لكن الفرق إني صريحه مع رووحي وواضحه جداً ..
اني ابي الستر .. ورضى ربي.. :thumbs_up:
كفايه خطيبي راااااضي وفرحاان فيني ..:o

واهي تبي اتقلد وهذا واااضح جدا لما كانت اتقارن بينها وبين خواتها !!
نصيحه يا اختي ..
كوني واضحه مع نفسش .. ومع زوجش..
لو كنتي واضحه كان مابتحتاجين تكتبين موضوع من الاساس..

عالعموم الله يساعدها
ويساعد كل البنات اللي تفكيرهم سطحي وذابحهم التقليد !

[~sweety girl~]

ما ادري وانا اقرأ الموضوع جتني الضحكة

شوفي ياختي انا بعد قبل ما انخطب واتزوج منت البس الاثنين بس الاساس كانت عباية الكتف
ولما خطبني شرط هالشرط ووافقت طبعاً وبعدين كنت اقول مع الايام بقنعه اني ارجع البس عباية كتف

وقلت كلشيء يهون علشان حبيب القلب...
يعني لهالدرجة راح اساوي البالطو بزوجي.! ابد والله...
والله ثم والله انا حبيت عباية الرأس ولا اشوفها تعيق ولا شيء ومسويتها بشكل ساتر وفيها آستيك بالرأس والكتف وسواعد وانا البس من قبل وتطلعني كشخة ورزة وفوق هذا تطلعني من غير مبالغة من الاكبارية

حتى بالجامعة اول مادخلتها مافيها حد يلبس عباية راس وكنت اشوف نظرة الطلاب والطالبات لي كلها احترااام والكل عارف هالشيء مايحتاج توضيح ..
والآن اشوف كثروا اللي يلبسونها ماشاء الله

حتى الاولاد الصبيان الرجال لما يشوفون وحدة لابسة عباية راس يكسرون عيونهم ويحشمونها

لما ادخل مكان وانا لابستها احس نفسي من الشيوخ وانا فعلاً منهم هههه


مرات قليلة افكر لو اني البس البالطو والله استحي ما اعرف احس اني تعودت على عباية الرأس

اما بالنسبة عن الاقناع صعبة تغريين معتقد ووجهة نظر هي بباله
ممكن تحاولين معاه شوي شوي وتشوفين


بس ترى الموضوع كله على بعضه تافه لا تصعبين هالسالفة..

[فوح الخزامى]

انا عن نفسي البس عباية كتف ومسكرة وساترة وهي مريحة جدا سواء للعمل او السواقة او حمل الاطفال
ودي اقول شغلة انا اعرف حريم كانوا يحرمون ويسبون عباة الكتف ويقلون لو صار ما صار ما نلبس كتف والله انهم الحين يلبسونها ولة تدورين على عباة راس وحدة عندهم ما تلاقين
عالعموم خير الامور اوساطها لا نبالغ ولا نتساهل
اهم شيء هو الحشمة

[روان خالد العميري]

حبيبتي انا اعرف واحد قبل مايتزوج شرط انه يبي وحده تلبس دفه راس

اخذ وحده تلبس عبايه كتف وقال بيغيرها .. وفعلا سنتين جذي وخلاها تلبس ع طول دفة راس

اله الحين اشوفها لابسه بالطو .. تقول انه اقنعت زوجها انها تلبس بالطو ولااااااا مو اي بالطو بالطوات ضيقه بعد استغربت منه


انا اقولج تقدرين تقنعين ريلج قولي له بلبس عبايه وااااااسعه كأنها عبايت راس بس تصير ع الكتف

قولي له لاني اذا البس دفة الراس لازم برفعها عن الوسخ وبيطلعون ثيابي من تحت وشنو لابسه واني ماحب امشي جذي ما كأني لابسه دفه ..

شي ثاني ع الاقل عبايه الكتف مسكره لكن عبايه الراس مفتوحه وكل شويه بتنفتح وبترفعين وبتنزلين وايد تملل

كلميه بطريقه حلوه و وحاولي تقنعينه ..

[•√♥ ملكة القلوب♥√•]

يااأختي المراءه تقدر تقنع زوجها بكل شيء وانا شفت نمودج حي كاان مانع مرته تماما تلبس كتف وبعدين أهي قعدت معاها واقنعته بسس مادري كيف
امممم مممكن توضحي له أنه أستر ومرتبه وململه وبعدين قولي له انه يعني الأسلام مااجبرنا بلبس معين ؟ طبعا في حدود الستر
وو ممكن تقولي له انك مارحت تزينينها ابدا وبتكون ساتر وواسعه

[ذابحهم غرووري]

بعض البنات مايقولون الي عندهم وبس لا لازم يطلعون مدري ليش جي
ياخي الحرمه ماترتاح بعبايه الراس شو فيها هي تبا تقنع ريلها وبعض البنات سوولها محاضرات طويييله
يعني الحين الي تلبس عبايه الكتف خلاص مب راضيه ربها ومب محتشمه
والله حاله

[**ام عبادي القمر**]

حبيبتي اني الي قلتين عنه مريت فية
قبل لااتزوج كنت اللبس دفة كتف ومتعودة عليهاااا ولا عندي دفة راس ابد
ولما انخطبت شرط علي اني اللبس دفة راس
ولبستهاا فترة طويلة اللين ماجبت عبااادي ولدي وكنت كل اقول اللي ابي اسوي لي وحدة ولا يرضى
واني فعلا كنت اتبهدل لما اطلع ويا عبادي ولدي
لكن بعدين اقتنع والحين اللبس الاثنين

والي قالت حراام وحلال وماادري ويش
لااحد يحرم ويحلل على كيفة
يعني الي تلبس دفة كتف عاصية وبتدخل النااار
وكل واحد يلبس الي يريحة اكلتون البنية مسكينة مايسوى عليها سالتنكم
المفروض الردود يكون فيها احترام اكثر من جدي

[**ام عبادي القمر**]

بعض البنات مايقولون الي عندهم وبس لا لازم يطلعون مدري ليش جي
ياخي الحرمه ماترتاح بعبايه الراس شو فيها هي تبا تقنع ريلها وبعض البنات سوولها محاضرات طويييله
يعني الحين الي تلبس عبايه الكتف خلاص مب راضيه ربها ومب محتشمه
والله حاله

اي والله انج صادقة
لازم وغصب يبون يطلعونها هي غلط وتبي تلبس الحرااام
وتترك الحلال
بافي اشوي ويطرقون للجنة والنار بعد