مشكلتي مع اهلي

[أريد حلاً]

السلام عليكم يابنات
والله ان الدنيا ضايقه فيني
ومالي غير الله ثم انتو
بنات انا عمري 20 سنة
ادرس بالجامعة
والحمد لله ماعلي قاصر من اهلي .. انا اكبر وحده في اخواني
وامي وابوي مو كبار وايد ..
المشكلة اني لحد الحين ماسمعت اهلي يقولون لي ان في احد خاطبني
والله اني من ناحية الجمال ماعلي زود والحمد لله واثقة من اخلاقي
تصورو يابنات ان بيتنا حتى سوالف الزواج مايطرونها جدامي , يعني مثلاً اذا وحده من قرايبيني انخطبت
ماعرف الا منها او من الناس
يعني شقول لكم كأن الزواج وسوالف الزواج كلها محضورة علي :|
وساعات لما اقول جدام اهلي مثلاً ان رفيجتي بتتزوج يقولون لي صكي هالمواضيع! 8o|
وجم مره اسمع من اختي اللي اصغر مني انها سمعت من اهلي ان فيه ناس خطبوني وانا مادري بالدنيا تصورو :|
ومره سمعت امي بالغلط ان فيه ناس خاطبيني عن طريق عمتي , واهيا قالت لهم لا والف لا ماعندنا بنات للزواج :'( , وابوي سألها من ذيلين وشنو اسم عايلتهم قالت له ماسألتهم يعني تخيلو بدون ماتعرف من هاللي خاطبني شنو سمعته واخلاقه !
ادري ان انا صغيرة والعمر جدامي
بس رفيجاتي اغلبهم متزوجين , انا ماقول لكم ان ابي اتزوج من الحين
بس ابي احس اني بنت وكبرت :'(
رفيجاتي يستغربون اذا اقولهم ان لحد الآن اهلي ولا مرة قالو لي ان في احد خاطبني
يعني لمتى اهلي بتمون يخشون علي هالمواضيع ومايعلموني فيها ؟,
يحسسوني كأن هالشي محضور علي وحرام اتكلم فيه !
يعني شقول لكم اهما بس يبوني ادرس ويعاملوني كأني وحده صغيره بالمدرسه
صج ان الاهل مهما يكبرون عيالهم يتمون صغار بعيونهم بس مو لهالدرجه انهم يوقفون في طريج نصيبي !
والله مقهورة والدنيا مسكرة بويهي احس روحي مابتزوج
:'( :'(
وماعندي جرأه إني أكلم أهلي بهالموضوع , مثل ماقلت لكم من افتح اي شي يخص هالموضوع يقولون لي صكيه ..
مادري شسوي قولو لي :'( :'(

[فروحه ~]

آهلين ي قلبيَ
اولآ تعوذي من الشيطآن فديتكَ
ولو جآء نصيبك لا اهلك ولا غيرهم يردونه
انتي بس ادعي ب صلأتك ان
ربي يرزقك ب الزوج الصآلح , امآ ب النسبه انهم مآيطرون الزوآج وطآريه
قدآم عآتي بعض العوآيل كذآ وترآك صغير لسآ
الحيآه لسآ طويله قدآم لبىآ قلبك


وان شآء الله ربي يرزقك الزوج الصآلح عآجلآ يآرب



موفقه حبوبه

[~¤ô_ô¤~ ام تومة ~¤ô_ô¤~]

يمكن اهلج مايردون يشغلون بالج بموضع الزواج حتة تكملين دراستج


ان شاء الله تتزوجين وانتي مثل ماكلتي بعدج صغيرة


ومافيهة شي لو صارحتي امج شوفية شنو تكول

[حايليه شماليه]

حبيبتي قلبي معك
توك على الزواج اكيد اهلك مايكلمونك
بهلموضوع عشان ماتفكري في الزواج وتتركي دراستك
لاتنسي تدعين بصلاتك وكثري من الاستغفار

[جيجي الاموره]

ياحياتي لحقه على الزواج واهلك امكن ما يبغو شي يشغلك عن الزواج اهو امكن اسلوبهم مو حلو ولا بالطريقه ذي بس
تاكدي انو النصيب ما في شي يوقف قادامه
وخلصي دارستك وبعدين فكري بالزواج انا بصراحه ما ايد زوج البنت قبل الدراسه لاني تزوجت وانشغلت عن الدراسه

[قشطة و عسل]

انا اهلي كانوا مثل اهلك بالضبط و ما بدهم يزوجوني ابدا و انا ادرس بعد ما صار عمري 20 سنة ما عمرهم قالولي انه احد جاء خطبني الى ان جاءت وحدة من صديقاتي اهلها يعرفوا اهلي و خطبتني لاخوها و جاؤا لبيت اهلي و خطبوني و ابوي كان ما بده يوافق و امي تقول انتي اللي جبتي العريس ما دخلنا بس سبحان الله صار النصيب و وافقوا و ملكنا و بعد سنة تزوجنا و الحمد لله طبعا دعيت ربنا كثير و استخرت كثير لما طلبوني و تيسرت الحال انتي ما عليك من اهلك و هذي مش مشكلة عادي في كثير اهل هيك بس لما ييجي النصيب سبحان الله ما يقدروا يوقفوا بوجهه

[s_a_r_a]

الله يعينك انتي حاولي تكلمي أمك وتقوليلها انتي ما تحبي متل تشوفني عروس حلوة جميلة حاولي معها الله يساعدك

[بنت العز*ليمار*]

ما تعرفي يمكن حاطين عينهم على الراتب هههههههه
انتي اسمعي ازا فجأه انفتح الموضوع احكي اازا تزوجت رح اعطي راتبي لا بابا وهيك يكسب الراتب ويفتك من مصروفي
وش رايج بالحل

[أريد حلاً]

والله مادري شقول لكم
انا مافكر بالزواج اصلاً بس تجيني ضيقة لما اسمع صديقاتي يتكلمو عن هالمواضيع
وكل وحده تتكلم مع اهلها براحتها واهلها مثل اصدقائها تقول لهم كل شي
الا انا :(
بس ابي اعرف اهما ليش يسوون جذي
صج اني صغيره بس مو لهالدرجة يابنات فهموني
:(

[بنت الشرفي]

طيب ليش ما تكلمين اهلك وتصاريحنهم بالموضوع وارتاحي واذا على موموضوع الزواج لا تحبطين نفسك بنفسك وان شاالله بتنحل مشاكلك هذاني عمري 23 وللحين ما تزوجت ادري اني صغيره وعلى فكره انا كنت زيك تمام بس بعدين مع الوقت نسيت الموضوع لانه اتعبني نفيسا بس انتي خلي عندك جرأه وصارحي اهلك طيب حبيبتي وان ششالله تتوفقين بحياتك

[umjana79]

اختي احب اطمنج واقولج ان الي تحسين فيه شي طبيعي..

عشان ترتاحين بعطيج مثال على نفسي .. عمري ولله الحمد الحين 31 سنه..

امي ماكانت تيب لي مثلج طاري الزواج او ان احد خطبني الا يوم كملت الجامعه..

ونفس الشي اختي

فلا تحاتين اول ما يتطمنون على مستقبلج بيعاملونج كإنسانه عاقله وفاهمه ومافي شي يشغل بالج

لكن صدقيني تفكيرهم في محله في هالزمن .. البنت ما تنفعها الا شهادتها.. يا اختي .. وهي سلاحها على هالزمن الي كله ماديات..

والله يوفقج ويرزقج على قد نيتج

ام جنى

[أتعبني حبك]

نفس الشي قاعد يصير لي والله ..
مادري ليش !!!
كل هاي خوف على المستقبل والدراسه
يحسبون الدراسه هي كل المستقبل انه ماقول مومستقبل بس موكله
شفايده الشهايده اذ قعدت في حياتي وحيده مالي اسره ولاكوونت بيت !! :(
العمر يخلص ..

[Rabea3 al-ward]

انه مابقول توج وصغيييره
ولاحقه على الزواج
ولا من هالقبيييل
هذا شعوور في كل بنت يمكن من تدخل سن المراهقه يجيها هالشعور
حبيبتي كل بيت وله عاداته
يمكن امج وابوج او بالاخص امج طبعها وامنيتها تخلصين دراسه عقب تزوجين
ماتبي تشغل بالج بشي وقت دراسه

بس اذا انتي صريحه ويه امج وماتقدرين تواجهينها اخذي ورقه وقلم وكتبي كل الي تبينه من غير عتب ولوم كلام حلووو وتشكرينها على كل شي سوته لج
وتعبها وياج
وانتي تكتبين الي في قلبج وبين سطر وشي كتبي مدح عنها
وودي لها الورقه في مكان بحيث اهي تجوفها
واذا امج من النوع الي متفهم ان شاء الله تعرف هالشي


او طريقه ثانيه تكتبين الشي عباره عن مذكرااات نفس طريقه اسلوبج في الحجي والكلام الحلووو قوليه بس كأنج تكلمييين روحج
واهم شي تبينين لها انج مو من النوع الي لهفانه على الزواج
بس ان الي زاعجنج ان يخشووون
وان ودج تبوحين هالسر حق امج بس خايفه ماتتقبله وانتي تحبينها واهم مافي الدنيا رضاها
واهم شي فهمتي قصدي حبوبه