مشاهدة النسخة كاملة : عندك اختبارات وحووسة ..نفسيتك محطمة ,,ادخلي هنآآ ,,>راح يعجبك
أمورة*
29/12/2010, 08:21 PM
~ السلام عليكم ورحمة الله وبركاتهـ ,
موضوع رآئع وممتع ومفيد .. لنكون اكثر تفآؤل ..
آنا متأكدة انكم رآح تستفيدوا منه ..
لانه بجد موضوع ولا أروع ،، وآنآ شخصيآً قرآته وبجد آستفدت منه ،،
جزاها الله خير كآتبة الموضوع .. والله يسعدهآإ دنيآ وأخره ،،
**
ساره : وش وش تعريف النظام ؟
لمـى : ساره قلت لك إياه مرتين
النظام هو : مجموعة القواعد العامهـ ...
ساره : مجموعة القواعد .. الإيش؟
لمى : يووه وش قصتك إنتي ؟
ساره : يـ أختي قلت لك صعب صعب مستحيل ينحفظ ،،
لمى : لا موب صعب انتي متخيلته صعب ويمكن ما يجي
بعد الإمتحان
لمى : جانا النظام ,, هاه بشري تذكرتيه ؟
سارهـ : لا حاولت بس احسه طار من مخي قلت لك صعب ما ينحفظ ،،
**
كيف الحآل عسآكم بخير ..،
وكيف حوسة الاختبآرآت والقلق الله يعينــآ يآرب ويسهل لنــآ آجمعين ,,
كثير مننا يصيرله مثل موقف ساره نحط ببالنا انو هالشي صعب وخلاص
بعدها ما نقدر نستوعبه ،،
تدروا ليه ؟
لانو هالفكره اوحيناها لعقلنا الباطن وسجل عنده ان هالشي صعب
فتلقائياً اول ما يقابلنا ترسل لنا الرساله الي سجلناها
" صعب ما ينحفظ " وفعلاً ماراح نقدر نحفظه مهما حاولنا ,,
حابه اتكلم معاكم عن شي فينـا بس مغمور مسكين محد يهتم فيه الآ وهو
" العقل الباطني " ( اللاوعي )
للأسف كثير مننا مهمله وما يدري انه مركز طاقه ضخم جداً
تخيلو معاي ان كل واحد مننا جواته كنز له لوحده
قادر يآخذ منه بالكميات الي يبيهـا وبأي وقت بدون لاينقص !
شي خيالي بس هو واقع خلونا نعرفه سوا ،،
http://www.jawhara1.com/vb/imgcache/2/5703alsh3er.jpg
نعرف ان العقل الباطني مو شي محسوس
يعني لا هو المخ ولا العقل الواعي
العقل الباطني هو مركز
" العواطف \ الإنفعالات \ ومخزن الذاكرهـ \ مركز الإبداع "
تخيلوا ان عندكم قطعه أرض كبيره وتبون تزرعونها شي طبيعي انو لو اخترنا برتقال بيطلع برتقال موب طالع لنـا تفاح !
عقلنـا الباطني زي هالقطعه بالضبط الي تبيه يطلع لك ازرعه فيه ،،
* معنى هيكـ انو عندنا عقلين ؟!
اي نعم
واحد موجود الي هو " العقل الواعي "
وهذا مسؤول عن القرارات اليوميه والي تعودنا عليهــا ،،
والبطل ( نفسي أو حسي ) " العقل الباطني "
مسؤول عن مواجهة المواقف المفاجأه
بس تراهم اصدقاء بالحيل ,,
لو عرفنا نوازن بينهم راح يشتغلون سوا بإنسجام وهدوء وراح نتفاجأ بالنتايج
العقل الباطني : راح تكون مهمته ارسال الإيحاءات الي تخزنت فيه لـ العقل الواعي
مثلاً
" بأحل كويس "
العقل الواعي : ينفذ وراح يكون حلنا كويس فعلاً
http://www.jawhara1.com/vb/imgcache/2/5704alsh3er.jpg
عن طريق الإيحــاء
والإيحـاء :
هو عملية عقليه نتقبل من خلالها الفكره الي اوحيناها لأنفسنـا
الإيحاءات الي نرسلهـا لعقلنا الباطني هي الي تتحكم بمسار يومنــا
بكيف راح نقدم البرزنتيشن تبعنــا ,, بكيف راح نجتاز المقابلة الشخصيه
بـ وبـ ,,, العقل الباطني رآئع ،،
. (http://go.3roos.com/aa5db00htnd-عندك-اختبآرآت-وحوسه-ونفسيتك-محطمه-%7D-أدخل-ـي-هنآإ-رآح-يعجبك/)
أمورة*
29/12/2010, 08:22 PM
http://www.jawhara1.com/vb/imgcache/2/5705alsh3er.jpg
بكل شي ،،
خلونا نشوف مع بعض ،،
http://www.jawhara1.com/vb/imgcache/2/5706alsh3er.jpg
بحكي لكم موقف صار للكآتبة شخصياً ،،
السمستر الي فات كانت اول مره اقدم برزنتيشن قدام عدد كبير
كان الحضور فوق 100 نفره ,, وكنت أمثل قسمي
الموقف ضخم ويخووف ،،
بالبدايه سمحت للخوف يدخلني والله لا يوريكم يديني بدت ترجف
صرت اتنفس بسرعه !
وكان باقي على تقديمي 10 دقايق بس
حسيت كل الكلام طار ,, حسيت صوتي موب طالع
استأذنت من القروب الي معاي وطلعت برا القاعهـ ,,
جلست على كرسي لوحدي غمضت عيوني وبديت اتنفس بهدوء ,,
لما هديت شوي بديت اشتغل على المرحلة الثانيه الي هي اني
ارسل رسايل ايحاء ايجابيه لعقلي
" ربي معاي , , انا متدربه قبل ,, انا قادره اعملهـا ,, الحين بدخل بهدوء بآخذ نفس
عميق وببدأ وبيكون صوتي واضح وبقدم بشكل رائع بإذن الله "
شوي الا مناديني جاء وقتي ,, ما سمحت لنفسي ارتبك واضيع الي عملته
دخلت بهدوء وفعلاً كل الي اوحيته لعقلي تم ولله الحمد وكان العرض رائع بفضل من الله
بحالتي الأولى كان راح يطلع عرض سيء وراح اخيب ظن الناس الي وثقت فيني ورشحتني
كنت مضطره اسوي تغيير والي هو كان عن طريق
" الإيحاء الإيجابي "
أمورة*
29/12/2010, 08:22 PM
http://www.jawhara1.com/vb/imgcache/2/5710alsh3er.jpg
خالد موظف في البنك راتبه 7 الآف
زوجته أريج كل يوم تزن على راسه تبي ساعه من الدهام مثل
أحلى من ساعة بنت عمها
على العشاء جالسين عند التليفزيون هي وخالد
تبدأ موال كل يوم
أريج : خالد حبيبي تذكر الموضوع الي كلمتك فيه امس
خالد ( مسوي مركز مع التي في كودها تهون ) : اي موضوع
أريج : الساعهـ يووه نسييت
خالد : هـاه اي ساعه
أريج : اي استدلخ لي يعني اني ماني فاهم أصلاً انت كذا تدور الي يغثني لو شايف نوفوه
وهي تقلب يدها يمين وشمال تبينا نشوف الساعه ما سويت فيني كذا
خالد : اسوي فيك ايش ؟ انت ما تقدرين ظروفي راتبي 7 الآف وتبين ساعه بـ 10
يعني بتصفرين الراتب وتبين فوقه ثلاثة الآف كمان ارحميني
أريج : أرحمك من ايش انت الي ارحمني من عيشة الفقر الي معيشني اياهـا العالم
سفرات ومجوهرات وفساتين كل واحد اغلى من الثاني وانا يا حظي بس
خالد : ياحظك اجل احمدي ربك غيرك يحسدك على العيشة الي انتي فيهـا
أريج : يحسدني على وشو ياحظي على الخدم والحشم الي ماليين بيتي خلنا ساكتين بس
خالد : أوف منكـ حرمه نكد نكد
طععععع<< صوت الباب يطلع من البيت معصب وموصل حده
يدق على صديقهـ عمر ويتقابلون يحكي له السالفه كلهـا
عمر : طيب ليش ما تحاول تضبط اعصابك
خالد : اضبط أعصابي !
تستهبل انت عقب الي قلته لك تقول لي اضبط اعصابي تحمد ربها ما كفختها
عمر : اوف اوف كل هذا عشان ساعه يا سيدي وربي ما تسوى
خالد : وربي عارف انها ما تسوى وانا مليت كل يوم نتخانق
على هالساعهـ الله لايعيدها
عمر : طيب راح اقول لك على طريقه بتريحك
حكى عمر لخالد عن الايحاء وعطاهـ جمل يرددها قبل لا يرد على زوجتهـ
من بكرا
أريج تجلس جمب خالد " تبي تبدأ الهجوم على هـ المسيكين "
خالد يكلم عقلهـ : " الحين بتحاكيني عن الساعهـ , , بخليها تكمل كلامها وبجاريهـا ,,
بنهي الموضوع على خير ,, وهالليلهـ ما راح نتخانق بإذن الله "
أريج : خلود عمري فكرت أمس بالي قلت لك عليه يعني يرضيك زوجة خالد
ما تتكشخ بساعة جديده شف شف بالله موب هاليد الحلوهـ تستاهل ساعه حلوه ،،
خالد ( خلاها تكمل كلامها ولف بهدوء عليهـا ) : فعلاً وتستاهل أكثر كمان يـ قلبي خلاص
وعد ان ربي سهلها اجيب لك احلى من ساعة نوف بمليون مرره
أريج : صدق ربي يخليك لي ولا يحرمني منكـ
كان ممكن خالد يتنرفز يرد زي كل مره وتنقلب نكد لكن هالمره اوحى لنفسه
قبل لا يبدأ حكي انه ماراح ينفعل ويبي هالليله تعدي على خير
وفعلاً تم اللي يبيه ،،
أمورة*
29/12/2010, 08:23 PM
http://www.jawhara1.com/vb/imgcache/2/5709alsh3er.jpg
قدامها ورقة الإمتحان تغمض عبير عيونها شوي وتبدأ تكلم عقلهـا ،،
" ربي معاي ,, تعبي ماراح يضيع إن شاء الله ,,
أنــا ذاكرت كويس ,, لميت بكل جزيئات الكتاب اي شي يجي بعرفه إن شاء الله ,,
هدوء عبير الشاطره ونقول بسم الله "
تفتح قلمهـا وتبدأ تكتب اسمهـا تحل بكل هدوء وتسلم ورقتهـا
تطلع نتايج الامتحان عبير أعلى وحدهـ بالشعبهـ !
ليه ؟ بسب الرسايل الإيجابيه اللي ارسلتها عبير لعقلهـا ،،
أمورة*
29/12/2010, 08:24 PM
http://www.jawhara1.com/vb/imgcache/2/5711alsh3er.jpg
يوم السبت الساعهـ 6
مرام تقوم على صوت المنبه تجلس في سريرهـا شوي تآخذ نفس عميق وتقول
" يومي حلو بإذن الله " وتنهي جملتهـا بإبتسامه ،،
تروح على الجامعه كل شي حولي صاير حلو وتتقبله
المحاضرات تستمتع فيهـا
صاحباتها يقولون لهـا ماشاء الله منور اليوم وجهك يـ مرام
ترجع من الجامعه تفتح النت تلاقي موضوع كاتبته أمس تثبت !
ماما عملت لهـا الأكله الي تحبهـا ،،
على المغرب تعمل كيكه لاول مرهـ وتضبط !
تنسدح على سريرهـا تفكر بيومهـا الي كان كلهـ مليان مفاجأت حلوه
نست الي سوته الصباح قل لا تقوم من سريرهـا
فجأه تذكرته وتوعد نفسها انها كل يوم راح تعمله ,,
في مكان آخر
الساعه 6 يدق منبه حنان تلف بنفخه وتسكره
بعد عشر دقايق يدق مره ثانيه
تمسك الجوال وترميه " يوووووووووووه حتى انت ما تتركني انام "
تفتح عليهـا أمها الباب يالله حنان تأخرتي !
يالله ابو القرف وش ذا اليوم الي موب نافع من أوله
بطريق الجامعه ينزحم الخط
حنان : كملت ! ناقصتكم انا
تدخل الجامعه فاتتها المحاضره الأولى
صاحباتها " وش فيكـ حنان شكلك اليوم مو حلو ابد "
بـ المحاضرات تحس الوقت بطيييييء
ترجع البيت تبي تفتح النت النت خربان << والله انها ازمهـ
تنزل تبي تتغدا أهلهـا مسوين سمك وهي عندها حساسيه منه
تطلع لغرفتهـا " وش ذا اليوم المعفن "
على المغربيه تبي تعمل لهـا خفايف وتحرقهـا !
بـ الليل تنسدح تبي تنام وتفكر بيومهـا الي كان سيء لأبعد الحدود
تتذكر كيف قامت الصباح وايش قالت وتوعد نفسهـا انها
ما تتكررها عشان ما ينعاد مثل هاليوم
الفرق بين المثالين " جمله " انقالت مع بداية اليوم وتحكمت بمسار اليوم كله ،،
__________________
أمورة*
29/12/2010, 08:24 PM
http://www.jawhara1.com/vb/imgcache/2/5712alsh3er.jpg
تعرفون لما نبدأ نعمل سبورت ونبغى نسوي تمرين معين
اول شي نبدأ بـ خمس مرات ,,
بعد يومين نخليهم سبع ,,
بعد يومين 10 وكذا لين نوصل لـ 15
مع عقلنـا الباطني وعشان نخليه يخدمنا على أكمل وجه لازم نبدأ حبه حبه ،،
نبدأ بالأشياء الي حولنـا ونختار الحاجات البسيطه
جداول الفايلنز عملتوها ؟
الي عملها والي ما عملهـا احرصوا تحطون بنهايتهـا جمله تأثر فيكم
وتحبونها واهم شي تكون محفزه لكم ،،
مثل
" قطرة المطر تحفر في الصخر .. ليس بالعنف ولكن بالتكرار "
" قضت الحياة أن يكون النصر لمن يحتمل الضربات لا لمن يضربها "
" أن المتسلق الجيـد يركـز على هدفه ولا ينظـر إلى الأسفل "
" انا أحاول .. وأحاول .. ولا أيأس فـ أليــأس قوة الضعفاء .. "
" أن اشد الصعاب تهون بابتسامه إنسـان واثق .. "
" لن ينكسر قارب الحياة على صخرة اليأس مادام هناك مجداف اسمه الأمــل "
__________________
أمورة*
29/12/2010, 08:25 PM
قبل لانمسكـ الكتاب خلونا ندردش مع عقلونا شويه ،،
" اليوم بذاكر قانون إداري ,,
الدكتوره واعدتنا بأسئله سهله ,,
المادهـ ممتعه وفيها جوانب حلوه ,,
الحين الساعهـ 9 الصباح ومعاي وقت طويل وبخلصه بإذن الله "
وورقة الإمتحان قدامنـا ،،
خلونا نكون هاديين ونآخذ وقتنــا الاستعجال والربكه تضيع كل اللي عملناه ،،
" نقرأ المعوذات ,, نشوف وش اخبار عقولنا مستعدين ,,
انا بطله وببدع بإذن الرحمن ,, "
ونقول بسم الله ونبلش وبإذن الله دربكم خضر ،،
العواطليه ،،
بدل ما يكون اليوم ممل والروتين يذبحكم الصباح
قبل لا تقومون من اسرتكم ابتسموا حاكوا عقولكم ،،
" اليوم بسوي حاجات حلوهـ "
وصدقوني لو تعيدون نفس الحاجات الي تعملونها كل يوم بتحسونها حلوه
وبتستمتعون فيهآ ،،
أمورة*
29/12/2010, 08:25 PM
قواعد مهمة :
العقل الباطني مثل الإسفنجه اي شي بنحط فيه بيمتصه ،،
لذلك لما نبدأ بالإيحاء وارسال الرسايل له لازم نركز
على اننا ما نحط كلمات الاحتمال بجملنا لانه يعكسها " لا "
مثل " بسوي كيكه ويمكن تضبط ما اعرفش "
يمكن ذي تنقلب "ماراح تضبط "
1 - رسايلنا للعقل الباطني لازم تكون عباراتهـا
" حازمه \ جديه \ واثقه "
2 - لازم نذكر كل التفاصيل " بدخل مكتبي بهدوء ,, بصبح على الموجودين ,,
بصلح قهوتي وبشربهـا بروقان ,, وابدأ يومي الحلو بإذن الله "
يعني نحرص اننا نذكر كل الخطوات الي بنسويهـا عشان العقل تلقائياً
اول ما نبدأ بأول خطوهـ " بدخل مكتبي بهدوء " ينفذ كل السلسه
الي بعدها بنفس الترتيب وبنفس ردود الفعل الي خزناها بعقلنــا ،،
3 - العقل الباطني كمخه ،،
كمخه = طيب جداً وينلعب عليه
لذلك استغلوه كل استغلال ،،
4 - ( مستحيل \ صعب \ طويل ) كلمات لازم تنمسح من قواميسنــا
لانو بالفعل ما فيه شي مستحيل
( ايمان بالله \ ثقه بالنفس \ ثقه بالقدرات \ عزم \ اصرار )
وبنقلى هالمستحيل حقيقه قدامنـا وبنقدر عليه بعون الله
هـ الموضوع الي تقرونه هو تجربه كمان للإيحاء الإيجابي
اول ما فتحت البوكس والأفكار مسويه زحمه بعقلي
كنت اقول
" يووه بيطلع ملخبط ,, وطوويل يبي له وقت بخليه بعد الإمتحانات "
بس بدلت كلامي " الموضوع وقته الحين ,,
ارتب افكاري على جمب بعناوين رئيسية ،،
وبعدها راح اكتب التفاصيل وبيطلع حلو بإذن الرحمن "
وهذا هو والحمد لله تــم ,،
والله يوفق الجميع يآرب ،،
... مما رآق لــ jory4...
رسمتك لأحساسي حكايه
29/12/2010, 10:16 PM
تسلمي حبيبتي كلام أكثر من رائع أن شاء الله أعمل باللي قلتيه وأجاووب ياااااااااارب مشكووووووور كثيييير جزاك الله خير تستاهلي احلى تقييم لو بيدي قيمتك مليوووووووووون مررره
طموحي إبداع
29/12/2010, 10:21 PM
موضوع رائع ومفيد
أشكرك على الطرح الجميل
ولكِ احلى تقييم
كرستاله حمرا
29/12/2010, 10:32 PM
تسلميين يا عسل واييد حلووو الموضوووع
بسيفه بالفيفورت عسب اقرااااه قبل امتحاناتي الفاينل ..
أمورة*
29/12/2010, 11:38 PM
تسلموووون والله
كلامكم يشجع ع المزيييييد
الله يوفقكم جميييييييييييييعا يارب
كرستاله حمرا
30/12/2010, 01:54 PM
أمس بالليل قرأت المووضوووع على السريع وسيفته عندي ..
واليووم كان عندي بريستااااشن للبروجكت مالي قدام البنات والدكتووووره كنت خاااايفه من أسبووووع بسسبت هالعرض لأني موو جريئة وااايد..
المهم قبل لا أقدم تذكرت المووووضوووع وصرت أقوووول أنا قدها وأقدر أكووون أحسن وحده بين البنات وتعبي مارح يروووح وأرتبك
والله أني قدمت بكل جرأة وثقه لدرجة ربيعاتي وأختي أنصدمووو ( أختي تدرس معاااي) وضمنت الدرجة الكاملة ...
أشكرج من كل قلبي موضوووعج جاااء في وقته ..
أمورة*
30/12/2010, 02:41 PM
الله .....
والله حلوووو انك طبقتي الإيحاء الإيجابي
الله يوفقك ان شاء الله وتجيبي أعلى الدرجات يااااارب
مشكورة حبيبتي على طرح تجربتك
وسيتم التقييم ان شاء الله
ღஜ دلوعةٌ زوجهـا ٌஜღ
31/12/2010, 02:32 AM
الله يعطيك العافيه بجد استفدت منه كثير
حمستيني خلاص ان شاء الله بذاكر وانا واثقه ان الله مراح يضيع لي تعب
واكيد بيكون سهل الله يسهل علي
أمورة*
31/12/2010, 04:53 PM
آمين ياارب
الله يحققلك أمانيكِ يآعسولة
ياقلب
02/01/2011, 02:35 AM
جزاك الله خير
موضوع رائع تسلم ايدينك يارب
سؤال خارج ايطار الموضوع
كيف ياقلبي انسق ملفي الشخصي
مثل طريقتك ماقصدي اقلد نفس النمط لا كيف
ارتب ملفي واختار لي خلفيه
كيف احط تحت اسمي رساله
وعلم الدوله .. يعني منين اروح اعملها
ماأعرف اعملها وتعجبني عند البنات .. ميح بالمرة
اذا خدمتيني فلك خالص شكري ودعائي
مقدر ارسل خاص مشاركاتي ماكملت .
ودمتي بخير ونعمه
أمورة*
09/01/2011, 04:21 PM
نورتي يالغلا
ان شاء الله اجاوبك ع الخاص
Rano0o
09/01/2011, 10:34 PM
يعطيك الف الف عاافيه
أمورة*
14/01/2011, 07:45 PM
الله يعافيكِ
عالم الاسرار
14/01/2011, 08:28 PM
يعطيك العافيه
الله يسعدك رفعتي معنوياتي بس المشكله
في الناس يحطمونك ,,,,,,,,
اكرر شكري وجزاك الله خير
http://www.3roos.com/files/ups/2011/407643/01295026012.jpg
انثى الاحلام
17/01/2011, 03:08 PM
يحفظكم ربي ويوفقكم< كاآتبة الموضوع الراقية والقمر اللي عكسته ونقلته لنا ~
من جد طرح مفيد شيق جميل ..
لاآعدمناكم ..
احبك ياروحي
20/01/2011, 09:28 AM
يسلمووووووووو
أمورة*
20/01/2011, 03:00 PM
تسلمولي
ياحلوات
أم نجود الأحساء
27/01/2011, 10:54 PM
تسلمي يا عسل
أمورة*
28/01/2011, 09:29 PM
نوورتي يآآحلـــــوة ؛؛
:)
بتول الورد
28/01/2011, 09:47 PM
اش اقول واش اخلي
موضوووووووووووووووووووووع رووووووووووعه ومفيييد وممتع وكل شي تستاهلين التقييم يالغلا
أمورة*
28/01/2011, 09:52 PM
واااو وااااو
فديت الذووووووووق يآآآذوووووووق
سيتم تقييمك ان شاء الله
naghoma
03/02/2011, 12:42 AM
موضوع كتير مفيد لازم الواحد دائما يستبشر بالخير بس انا كتير احيان بفيق رايقة وناوية كمل نهاري بشكل حلو بس بصير كم موقف بيخليني عصب وبينقلب نهاري هاد يلي بيصير معي خصوصا وقت يكون دوامي طويل
مشـــــكورة
دلوعة أبوهاااا
09/02/2011, 04:08 AM
كلام صحيح 100%
موضوعك راااااائع
الله يعطيك العافية
أمورة*
09/02/2011, 07:08 PM
naghoma
حاوليي تتمالكي نفسك عشااان يبقى يومك حلو ع طووول
نورتيني والله بـــ ردك ياعسسل :)
أمورة*
09/02/2011, 07:09 PM
دلوعة أبوهااا
ياهلا والله بدلوعتنا
الله يعافيكِ حبيبتي وانتِ الأروووع
سررت بردك :)
أمورة*
27/05/2011, 10:47 PM
رفع
فترة امتحانات الحين
صولا ☺❤
28/05/2011, 10:08 PM
.
..
*~..
موضوع رائــع وحـ يفيدنــآ كثير ..
جزاكـ اللهـ خيــر ..
..
آلياقوت
28/05/2011, 11:28 PM
موضوع راااائع بصراحه
نورة المزيونة
29/05/2011, 12:07 AM
يعطيك العااافيه موضوع جميل
أمورة*
02/06/2011, 04:24 PM
الله يعافيكم
شرفتووني ونوورتوا
قنوعه بحياتي
02/06/2011, 11:40 PM
جزاك الله خيير
موضوع جدآ رآئـع
الإحساس طبعي
05/06/2011, 01:39 AM
تسلمين حبيبتي ع الموضوع الحلو...
وبصراحه انا بيكون عندي برزينتيشن إن شاء الله ..
وراح أتفائل وأقول حق روحي إن شاء الله إني راح أكون ممتازة وراح أتمرن قبل لا أدخل .. إن شاء الله ..
وجزاكي الله ألف ألف خير ..
وجعله ربي إن شاء الله في ميزان حسناتج يارب..
speshelgirl
06/06/2011, 02:42 AM
كلام اكثر من رائع وجدا استفدت منه الله يجزاك كل خير وانشالله اطبقه يسلمو ولاحرمنا من جديدك
حلا الكون الجميل
12/06/2011, 01:30 AM
يسلمووووووووووووووووووووو
أمورة*
23/06/2011, 07:07 PM
أهم شي انو عجبكم فديييتكم
شرفتووووووووووووووا
أمورة*
03/01/2012, 03:24 PM
Up
Up
Up
أمورة*
05/01/2012, 06:13 PM
آآآمين يآآرب ويآآك
ويوفق الجمييع يآرب : )
تانيا=
08/01/2012, 04:20 PM
كلامك صح
يارب ادخل طب اسنان واتخرج واكون دكتوره يارب
وفوووو
09/01/2012, 12:42 AM
يسلموو على الموضوع الاكثر من رائع
يعطيك العافيه :thumbs_up:
ومن جد صارت لي اذا صحيت الصبح وكنت متفاءله يكون يومي جدا رائع :)