بنت خالتي

[أريد حلاً]

سلاام ...


شخباركم ...

صراحه مو عارفه شلون اكتب او من وين ابدي يمكن تشوفون شوي الكلام ملخبط بس ماعليه :D

انه عندي بنت خاله اهي بنت خالتي وبنت عمي بنفس الوقت وبيتنا صوب بيتهم يعني ياهم ايون بيتنا او احنا نروح بيتهم يعني علاقتنا كلش قويه وانه ماعتبرها بنت عم او بنت خاله ومعه فرق السن بس اعتبرها مثل اختي وخصوصا اني ماعندي خوات وعندناا بنات عم بس مانحتك فيهم الانه سمعتهم شوي مو زينه .

اهي قبل كانت كلش اووكي وماعندها خرابيط بس من يوم راحت الاعدادي قامت تروح وترجع ويا بنات عمي المدرسة في باص الوزاره اهو يجي بضبط عند بيتنا بس اهم يطلعون من وقت ويروحون البراده وتعرفون الطريق كله صبان وطول مايمشون ضحك ويتكلمون بصوت عالي
وبنت خالتي الثانية تروح بعد بنفس الباص تقول انها تشوفهم في البرادة كل وحدة ويا صبي وغير دا كل الي في الباص يتحجون عليهم وتقول انها ماتشوف بنت خالتي تسوي مثلهم يمكن الانها تشوفها وتخاف انها تقول الي امها .

ومرة كنا مطرشين بنت خالتي تروح البرادة تشتري اغراض وتأخرت طلعت اشوفها شفتها واقفه ويا بنية ماعرفتها وضلت واقفه وياها تقريبا نص ساعه في الشارع ولما رجعت سالتها من ذي قالت لي اسم بنية , ولكن بصدقه عرفت انها مو البنية الي قالت الي اسمها يعني كانت تجذب على ابي اعرف ليش جذبت علي ؟!!.

اهي تلفونها علطول في ايدها ماتهدة بس امس امي كانت متصلة من تلوفونها وخلته وسمعت صوت واصلتنها رسالة من شابك (هذي خدمة من شركة الاتصالات يعني اهي تقريبا مثل البلاك بيري دردشة وصور ) جاني فضول وفتحتهاا بس انصدمت كانت تكلم صبي ويتكلمون في كلام وصخ وقعدت اقراا شوي بس لما حسيتها جت خليت التلفون يعني ماحست اني فتحت وقريت بس صدق صدق انصدمت ماتوقعتها جديوانها تعرف ذي السوالف واهي بعدهي صغيرة في اول اعدادي .

والحين ابي اعرف اشلون اتصرف الانه ادا للحين مالحقنا عليها وهي بعدهي صغيرة بعدين بتضيع وخصوصا اهي شاطرة وعلاماتها مرتفعه اخاف ينزل مستواها وسمعتها ادا راحت مابترجع
انه قلت بقول الي امها عشان تتصرف بس مادري دا الترف صح او لاا

اذا صح ياليت تقولون لي شلون اقول لهاا الانه ماابي اشوه سمعه بنتها عندنها .

[.. أمــ عــلــيــ ..]

الله يهديها ويبعدها عن رفقاء السوء

طيب بما ان صداقتكم قوية .. حاولي تجلسين معها وتكلمينها بكل اللي سمعتيه وشفتيه .. وانصحيها .. يمكن تسمع منك انتي أكثر من غيرك ..

ولو ما جاب نتيجة .. استشيري أمك بالحل المناسب .. أو خليها تجلس معها وتكلمها ..

ولو ما فاد فيها .. خلاص آخر الحلول خبروا أمها وهي تتصرف مع بنتها ..

[أم هـادي]

مثل ما قالت اختي ام علي .. دام علاقتج فيها قوية قعدي وياها و بيني لها ان هالشي غلط ،
حتى لو زعلت منج و جذي بس اهيه بمرحله حرجة ، و ممكن باي لحظه يقص عليها الشيطان ..
و يمكن تتمادى ان احين سوالف على هالدردشة مالت شابك عقب تتطور يمكن طلعات ..
بس بحاله حسيتيها ان ما راح تتقبل كلامج كونها بهالمرحله بتعاند و مابتحب حد ينصحها ..
حاولي تاخذينها بسياسة و لا تخبرينها انج عرفتيها عنها كذا و كذا ..
لا .. حاولي انج تبينين لها الغلط بسالفة قوليلها مثلا سمعت عن فلانه كذا و كذا و قولي صار هلون ..
و الله يهديها ان شاء الله :)
يعني عطيها قصه و منها تاخذها عظه وعبرة و تخاف من اللي تسويه ..
و الله يهديها ان شاء الله ..

[أريد حلاً]

كلمتها وعجزت وانه اكلمها وقت الي اكلمها تقول لي انشالله مابسوي ومابروح تحسسني انها خلاص مابتروح وياهم .

وبنت خالتي الي معاها في الباص قالت لها تعالي معاي اتقول لهاا تستحي الانها مع ربعهاا قالت لها مابروح معاهم بس انتي تعالي معاي وبعد مثل الشي تقول انشالله وماتروح

والمشكله انه وقت الي انكلمها تحسسنا ان خلاص مابتسوي ومابتروح

[ذابحهم غرووري]

ام علي
ام هادي
كلامهم صحححححححححح

[فلآنه طفشآنه]

انتِ كلميهآ مره ثانيه واذ ما نفع معهآ عصبي عليهآ وازعلي

عشان تعرف ان هالشي محد يرضاه

وقوليلهآ انا هالمره نبهتك المره الجايه اعلم خالتي

,’

لآ تسكتين عنهآ توهآ صغيره وما تعرف شي بالدنيا وراح تخسر سمعتهآ اذا مشيتي السالفه

[♥جنـوني نظرتـه]

كلميهَآ بطيبْ بسْ وخذيْ منهَآ وعِـد قوليلهَآ آذّآ مـَآستعدلتيْ بخَـبر آهلجَ كـَ نوعْ من التخـَويفْ /

[ملكه المآس السمر]

لالالالالالالالاتقولي لاامها.. اجلسي انتي معاها وقوليلها انا سمعت انك تمشي مع صبيان

صح الكلام ولا غلط؟؟؟ اذا انكرت قوليلها الصراحة انك شفتي الرسايل.
وانتي زي اختي وانا اخاف عليكي .. وهادا الطريق غلط.. واذا مشيتي فيه والناس عرفوا راح يتكلموا عنك وعن اهلك.. وانتي ترضي انو الناس يتكلموا عن امك ويقولوا عنها انها ماعرفت تربيكي صح؟؟

وقوليلها انتي درستي عن الجنه ونار.. وانتي عارفه انو اذا استمريتي في هادا الطريق وموتي لاسمح الله وانتي عليه عارفه ايش جزاتك.


مررره شدي عليها في كلامك ومررره ارخي..<<
قوليلها انا احبك وامووت فيي وماارضاها عليكي... وانا دحين كلمتك بس لو حسيت ان مااتغيرتي ومازلتي مستمره وماشيه مع البنات هذولا... لااح اوصل الموضوع لاامك.

وانتي حاولي تشغليها بااي شي.. يعني اذا جاء وقت العصر او المغرب كلميها.. وروحي لها

اجلسي معاها اتكلموا في اي شي..

احضنيها اتقربي منها.. بااي طريقه
اذا سمعتي في دورات وانشطه للبنات.. شجعيها وكلمي امها تدخلها غصب عنها.. عشان تتلهي شووويه.

والله يهديها ويصلحها ويستر عليها وعلى بنات المسلمين ياااااارب

[MARMORA_A]

لا حول ولاقوة الا بالله

فعلا حبيبتى زى ماقالت البنات حاولى تكلميها بهدوء وبطريق غير مباشر

وربنا يهديها ويهدينا

[أناناس & فرولة]

اجلسي معها وحاولي انك تصيرن قريبه منها اكثر وخليها تصارحك بكل شي انتي لا تكوني عليها مثل العظمه ف البلعوم غلط وغلط لا سايريها خليها تصير تخبرك كل شي وبعدها انصحيها وحاولي معها انك تساعدينها تتوقف تكلم صبيان ب كذا راح تكسبين ثقتها فيك وحتى بعد ما تنصحينها راح تكون ترجع وتخبرك لا نها حست ب امان معك وانك ما راح تفضحينها

بعدين اختي اهي اول عدادي ليش عندها موبايل؟؟؟ وليش الحريه الزايده يعني ما في اخواني يروحون البراد ليش اهي بنت يطرشونها وبروحها حتى لو ما بتسوي شي بس الدنيا ما عادت امان وما تعرفون ف لثواني الي هي برا ممكن يصير لها شي تندمون عليه طول عمركم

[Rabea3 al-ward]

خلج حازمه وياها بس لاتقولين حق امها

الله يهديييييييها يارب

[انفاسـﮱگ دخـﮱون]

كتبت رد وطار من الاول غلط تعطونها موبايل بها السنه وش تحتاج فيها مع اني وحديه اهلي بس ماعطوني اهلي جوال الا لما رحت الجامعه خلج حازمه معاها ووريها العين الحمرا والافظل انج تحاولي تبعدينها عن هالبنات وتقولين لهم هالبنات مو كويسات تسمع كلامهم تظر نفسها واهلها وتشوه سمعتها بعدها ياهل وعندها السوالف اجل لو كبرتي وش بتسوي يبي لها مراقبه واذا مافاد كلمي امها

[.. لوليـ ..]

حـبييبتي لا تعـلمين امها ,, انتـي تصـرفي معاها ارسليلها مسـج ع الجوال من رقم غـيرب وهدديها وخـوفيها انه اهلها بـيدرون طـبعا مجـرد تخـويف اهديها كتب دينيه كـلميها بـعقل قوليلها انه اغـلى شي تملكه الانثى سمـعتها وشـرفها ولازم تحـافظ عليهم ..


الله يستر عليها ويهديها ..

[شووق المشاعرر]

بما انها صغيرة اهديها اشرطه عن هالمواضيع يمكن تخاف

[سكن زوجها]

الله يهديها ويهدي بنات المسلمين

بصراحه مدري وش اقوول البنات ماقصروا

[مس زوزو]

حراااام توهاا صغيرة ؟؟
لين قعدتين وياها سولفتون حاولي
تلمحين لها بطريقة غير مباشرة و إذا
ما نفع قولي لها انا سمعت ان انتي كذا
و كذا ... و كلميه عن سوالف صارت لبنات
و شباب و عن السمعة شلون تتشوه من
وره الانحرافات و أساساً المفترض ما تخلونهاا
تروح الدكان بروحهاا لأن الشباب أغلب لأماكن
يروحونها هناك و المطاعم ، انا ما قلت هالكلام
إلا و اني خايفة عليها و اسمع عن البناات هذا
الي اقدر اقوله و لا تسكتين عنهاا حاولي تحلين
الموضوع و الله يهديها و يستر عليها و على الكل

[nora_2009]

uuuup

[موسيقى هادئة]

قولي لامهة بس ابطريقة غير مباشرة ...

شلون اتكليلهة ابطريقة غير مباشرة ؟

استشيريهة ابهذا الموضوع واجعلي الكلام الكتبتيه الان لنا عن وحدة غريبة على سبيل المثال صديقة صديقتك

وقولي لها البنت حايرة متعرف تتصرف مع صديقتها !!

وخالتي انتي كبيرة وعندك خبرة شنو رأيك شلون تتصرف؟

طبعا هي راح اتخاف على بنتهة وتراقبهة وتسوي الازم ان شاء الله ...

وترة الكلام مع البنية مراح ايفيد من طرفك لان البنت مراهقة ويرادلهة رادع اقوة منك..

[ميمي زايد]

إنتي كلمها وفهمها الصح من الغلط في هالفترة البنات يمروا في مرحلة المراهقة والله يهديها