المساعد الشخصي الرقمي

مشاهدة النسخة كاملة : جمالك من الطبيعة...لتفتيح الكوع والركبتين وتوحيد لون الجسم



أم حلا القمر
15/12/2010, 02:59 PM
الزنجبيل.. لتفتيح الكوع والركبتين



الزنجبيل من الحاجات المفيدة جداً للجسم والصحة، لكن مش كل الناس تعرف إن له فوايد تجميلية كتيرة جداً سواء للبشرة أو للشعر...


والماسك اللي هنعمله دلوقتي عبارة عن:


ملعقة كبيرة زنجبيل مطحون

عصير ليمونة ونصف

ملعقة ملح ناعم


نخلط المكوّنات مع بعضها كويس؛ بحيث إننا نحصل على قوام متماسك يعني مش سايب أوي ولا جامد أوي، ولو كان الليمون بتاعنا مافيهوش عصير كتير ممكن نزوّد عصير الليمون شوية.


وطبعاً الماسك ده بنحطّه على الكوع والركبتين بعد ما ناخد شاور علشان الجسم يكون نظيف تماماً.
وبنسيب الماسك على البشرة لمدة 20 : 30 دقيقة أو لغاية ما ينشف تماماً على البشرة.


وبعد كده نشطف البشرة كويس، وندهن المناطق دي بزيت اللوز الحلو؛ لأن الماسك ده مكوّناته جامدة شوية على البشرة، وبالتالي لازم نرطب البشرة كويس بعد ما نعمله، بالإضافة إلى أن زيت اللوز بيساعد على تفتيح البشرة وتنعيمها.


والماسك ده بنستخدمه بشكل يومي لمدة شهر، وبعد كده بنستخدمه مرتين في الأسبوع لفترة طويلة شوية من 3 : 4 شهور، وبجد مع المواظبة عليه هتحسّي بنتيجة كويسة جداً، وهتحسّي إن الجلد في المناطق دي بقى ناعم وفاتح وفيه نضارة.



صابون النشا وزيت الزيتون لتفتيح وتنعيم بشرة الجسم
الصابون اللي هنعمله دلوقتي بيستخدم لتفتيح وتنعيم بشرة الجسم فقط؛ يعني ما بنستخدمهوش على بشرة الوجه...


ومكوّنات الصابون ده عبارة عن:


صابونة عادية متوسّطة مبشورة
فنجان مية ورد (تركيزها متوسّط أو تقيل)
1/ 2 كوب عصير ليمون
ملعقة كبيرة زيت زيتون
ملعقة كبيرة زيت لوز حلو
ملعقة كبيرة نشا
بشر ليمونة
نبدأ أول حاجة إننا نسخن مية الورد على النار، وبعد كده نضيف عليها الصابون المبشور، مع الاستمرار في التقليب، لغاية ما الصابون يسيح تماماً ويندمج مع مية الورد كويس أوي، وبعد كده نضيف عصير الليمون، وأوّل لما نضيف عصير الليمون هنلاحظ إن الخليط مابقاش متماسك زي الأول، وبدأ يتقطّع معانا، وبعد ما نقلب الخليط شوية هنبدأ نضيف زيت الزيتون وزيت اللوز، وبعد كده هنضيف النشا وهنضيفها تدريجياً علشان ماتكلكعش في جزء معين، وطبعاً مع التقليب المستمر، وبعد كده هنضيف بشر الليمون، ونقلّب المكوّنات كويس أوي على النار لغاية ما نتأكّد إن الصابون والنشا اندمج تماماً مع بعضه.

وبعد كده نصبّ الصابون في برطمان زجاج وله غطاء، ونشيله لمدة يوم في الثلاجة، وبعد كده نبدأ نستعمله، ولما نيجي نستخدمه بنطلعه قبلها بساعة، وناخده معانا في الحمام، ولما نخلّص لازم نرّجعه في الثلاجة مرة تانية؛ لأن الصابون ده مافيهوش أي مواد حافظة، وممكن لو سيبناه برّه الثلاجة، الصابون مع زيت الزيتون مع الليمون يعملوا طبقة عفن، علشان كده يفضّل إننا ما نعملش كميات كبيرة من الصابون ده، يعني نكتفي بالمقدار اللي عملناه النهارده ولما يخلص نعمل تاني.

وبانصح وإحنا بنعمل أي ماسك إننا نستخدم ملاعق وأواني أركوبال أو زجاج أو خشب أو ستانلس ستيل، لكن نبعد عن الحاجات المعدن أو البلاستيك لأن الليمون أو الخل بيتفاعل مع المواد دي.





والصابون ده بنستخدمه بعد ما ناخد الشاور بتاعنا العادي، ونفرك جسمنا كويس باستخدام الليفة العادية أو الليفة المغربية والصابون أو الشاور جل العادي اللي بنستخدمه، علشان نفتّح مسام الجسم.. وبعد كده بندهن الصابون اللي عملناه دلوقتي على جسمنا زي الكريم، وبنسيبه لمدة 20 : 30 دقيقة، وبعد كده نشطف جسمنا كويس.


والصابون ده ممكن نستخدمه بشكل يومي مع الشاور اليومي بتاعنا لمدة شهر، علشان نفتّح المناطق الغامقة في الجسم ونوحّد لونه، وبعد كده ممكن نستخدمه مرتين في الأسبوع.


واي خووووووودعه http://www.banatelnoba.com/vb/images/smilies/v9v9net_008.gif

أم حلا القمر
17/12/2010, 01:59 PM
25 مشاهدة ولا رد وااااااااااااحد حتي


ليه كده يا بنات

غنوجة لولي
04/01/2011, 05:51 PM
موضوع جدا جميل ومفيد

يعطيكي الف عافيه حبيبتي

تقبلي مروري

دلوعة أبوهاااا
04/01/2011, 08:55 PM
موضوعك رآآآآآآآآآآآآئع ومفيد جدآآ

مشكووووووووووورة حبيبتي

أم ريان90
04/01/2011, 09:50 PM
معلومه مفيده عن الزنجبيل ..

ومشكوره على الموضوع ..

يعطيش العافيه ..

أم حلا القمر
04/01/2011, 09:53 PM
موضوع جدا جميل ومفيد

يعطيكي الف عافيه حبيبتي

تقبلي مروري


موضوعك رآآآآآآآآآآآآئع ومفيد جدآآ

مشكووووووووووورة حبيبتي




معلومه مفيده عن الزنجبيل ..



ومشكوره على الموضوع ..



يعطيش العافيه ..




مشكورين يا قمراااااااات وشرفني مروركم

أم حلا القمر
11/04/2011, 01:01 AM
لا اله الا انت سبحانك اني كنت من الظالمين

ترنيمة القلوب
11/04/2011, 03:41 PM
حلووووووووووو حجرب

أم حلا القمر
11/04/2011, 06:20 PM
حلووووووووووو حجرب



نورتي يا قمررررررررررررر

ابتسامة قلب
12/04/2011, 12:48 AM
مشكوره ياعسل

سوال انت جربتي الصابونه؟؟؟؟؟؟؟؟؟؟؟؟؟؟؟

..عبق الأترجه..
12/04/2011, 12:52 AM
يعطيك العافيه خيتو على الموضوع

أم حلا القمر
13/04/2011, 06:13 PM
يعطيك العافيه خيتو على الموضوع






نورتي يا قمرررررررررررررررر