تعبت من زوجي !!

[أريد حلاً]

السلام عليكم
كيف حالكم أخواتي؟
في البداية بقولكم عن نفسي متزوجة صار لي 3 سنوات تقريبا وعندي بنوتة عمرها سنة ونص
زوجي إنسان طيب وحنون وحسن المعشر وأخلاقه طيبة جداً معي ومع أهله وأهلي ومع الناس بشكل عام ..
الحياة الزوجية لاتخلو من المشاكل ..لكن للأسف في الفترة الأخيرة أحس قمنا نتهاوش على أقل زلة...مايتحمل مني مثل قبل ..يعني لما يرفض لي طلب وأزعل يقلبها علي حتى لو كان هو الغلطان ..وصار مايعتذر عن خطأه ...وصرنا اثنينا ننام بدون ماواحد منا يراضي الثاني غير عن قبللللل والله وانا اكتب جتني الغبنة على حالتنا شلون كنا وشلون صرناا :'(
والله صاير معاي مثل العسل لما يبغي مني شي ( أكيد فهمتون ) في هاليوم يحسسني اني أميرته ويدلعني وكل كلمات الحب تطلع منه ...ويرد ينقلب علي يوم ثاني ...صرت مااعرف له مرة راضي عني ومرة زعلان مني يعني مااكذب عليكم لما افرح يوم واكون وياه سمن على عسل اتوقع في اليوم الثاني ينقلب الحال وهذا الشي يخليني اعيش في حالة قلق وعصبية
ونسييت اقولكم شي يعني في الايام الي قبل الدورة الشهرية يعتفس مزاجي وتزيد عصبيتي الحين مااحسه يقدر هذا الشي ..بالعكس كل مااعصب هو يعصب عليي:(
لمتى بنظل بهالحالة والله تعبت اذا عندكم حل لاتبخلون عليي حبيباتي

[.. أمــ عــلــيــ ..]

الله يهديكم ويصلح حالكم ويسعدكم

طيب جربي اجلسي معاه جلسة هادئة واسأليه عن السبب اللي يخليه يعصب عليك ويتضايق كثير منك .. !!

وحاولي انتي تخففي عصبية .. حتى لو كان وقت الدورة الشهرية .. كلنا نمر بهذي المرحلة .. لكن ما نخليها تاثر على حياتنا مع ازواجنا واطفالنا .. !!

فيه طرق كثيرة تهدئ الاعصاب وتخفف التعب المصاحب للدورة الشهرية ..

يمكن يكون زوجك فيه شي شاغل باله .. فهالشئ يأثر على نفسيته معاكم في البيت ..

انتي حاولي بطريقة حلوة وهادئة بعيدة عن العصبية والصراخ والبكاء .. واستفسري عن السبب لو بطريقة غير مباشرة .. وانتي اكيد بعد العمر هذا والعيشة مع زوجك بتعرفين كيف تأثرين عليه وكيف تطلعين اللي بداخله ومضايقه ..

:)

[دقات قلبFي]

شوفي يالغلا


انتي لازم تحلي المشكله قبل ما تتفاقم اكثر

بما ان زوجك طيب وحبوب ولاحظت تغير طفيف بالعلاقه اقعدي معاه وتناقشوا افهمي منه وش فيه بس بأسلوب مو مباشر

يمكن يكون عنده شي ضاغطه من ناحية ماليه او دوام ام من اهله او من اي وضع خارجي ,,,,,

انتي استشفي منه وضعه ككل كيف ,,,,

ذا كل الظروف الخارجيه تمااااام اذن اعرفي منه وش سبب تغيره عليك التفتي لنفسك اولا" شوفي قصرتي وياه بشي ؟؟؟

اهملتي بناحيه هو كان متعود عليه قبل ؟؟؟

اتجهتي لبنتك اكثر من زوجك ؟؟؟

اذا كل امورك تماااام وقتها اقعدي معاه ناقشيه بهدووووووء والابتسامه ترتسم على وجهك واعرفي منه ,,,,


,,,,
تقربي منه اكثر

افهميه حاولي تدخلين تفكيره ,,,

لازم تتفاهمين معاه ,,,

وحااااااااااااااااولي تضبطين نفسك قبل الدورة مع العلم اني من نفس النوع مزاجي يتعكر واسبب مشاكل بأي طريقه بس احاول احيانا" اضبط تصرفاتي ليمن تعدي هالفترة على خير


وربي يوفقك وييسر امورك يالغاليه



دعواتي الصادقه لك من قلبي



لك كل الود


دمتي بخير

[´¯`*.¸¸ ŜỐşở ¸¸.]

1- اكثثثثثثثثثثثري من الاستغفار

2- اشغلي وقتج : اهتمي في بنتج بيتج تعلمي تطبخي اشيا جديده وهكذا لا تخليه شغلك الشاغل

3- طنشيه وحاولي تجنبي المشاكل

والله يعينج ..~

[أريد حلاً]

اللهم صل على محمد وآل محمد

شكرا أخواااتي على الرد وتجاوبكم مع مشكلتي وبحاول اسوي الا قلتوا لي عليه ...لكن تصدقون أحس نفسي هالأيام ابغي اتجنبه ولا حابة حتى أناقشه في السالفة ولحين ماتكلمنا مع بعض رغم انه ارسل مسج حلوو بس سويت له اقنور ولا كأني شفته :thumbs_down:كلش مالي مزاجه مع إني بصراحة أحبه واحترمه وعلاقتنا مثل ماقلت لكم قبل انها قويه
بس هاليومين علاقتنا صايرة باردة ومافي مبادرة من الطرفين لإصلاح الخلل وأتمنى الله يفرجها علينا ويهدينا ويسخرنا لبعض:(

[تالا السعودية]

شوفي يالغلا


انتي لازم تحلي المشكله قبل ما تتفاقم اكثر

بما ان زوجك طيب وحبوب ولاحظت تغير طفيف بالعلاقه اقعدي معاه وتناقشوا افهمي منه وش فيه بس بأسلوب مو مباشر

يمكن يكون عنده شي ضاغطه من ناحية ماليه او دوام ام من اهله او من اي وضع خارجي ,,,,,

انتي استشفي منه وضعه ككل كيف ,,,,

ذا كل الظروف الخارجيه تمااااام اذن اعرفي منه وش سبب تغيره عليك التفتي لنفسك اولا" شوفي قصرتي وياه بشي ؟؟؟

اهملتي بناحيه هو كان متعود عليه قبل ؟؟؟

اتجهتي لبنتك اكثر من زوجك ؟؟؟

اذا كل امورك تماااام وقتها اقعدي معاه ناقشيه بهدووووووء والابتسامه ترتسم على وجهك واعرفي منه ,,,,


,,,,
تقربي منه اكثر

افهميه حاولي تدخلين تفكيره ,,,

لازم تتفاهمين معاه ,,,

وحااااااااااااااااولي تضبطين نفسك قبل الدورة مع العلم اني من نفس النوع مزاجي يتعكر واسبب مشاكل بأي طريقه بس احاول احيانا" اضبط تصرفاتي ليمن تعدي هالفترة على خير


وربي يوفقك وييسر امورك يالغاليه



دعواتي الصادقه لك من قلبي



لك كل الود


دمتي بخير

[أريد حلاً]

تالا السعودية شكرا على مرورك بمشكلتي
أحلامي غير مشكورة خيوو والله يعطيج عافية على نقل تجربتج والله يهنيج في حياتج ويسخركم لبعض

-----
أبشركم ان مشكلتي انحلت وأبو الشباب اعتذر وجاب لي هدية ترضية ورجعت الأمور لمجراها الطبيعي الحمدلله
الله يحفظه لي ومايحرمني منه والله يهدينااا :)

[ام شهووودة الحلوة]

احس انه الازواج كلهم جدي يمرون بهالفترة زوجي بعد ساعات يصير جدي والحين حتى لو اصيح جدامه مايجي لي ,,

بس عرفت ليش لاني انا تغيرت عليه لازم هو بيتغير

لاتعصبين على بنتج او تصارخين كوني هادئة وكوني رقيقة واذا عصب سكتي وخليه يطلع اللي بقلبه وكل شي يقوله قولي ان شاء الله بتشوفينه بيتأسف انه طلب منج هالشي بعصبية وغيري من روتين حياتج طلعي مع ربعج وغيري من شكلج قصي شعرج سوي ليه مفاجئات يمكن الروتين هو اللي مخلي ريلج يتملل حاولي انتي تغيرين من حياتج مع ريلج

الله يسخره لج ان شاء الله وبالتوفيق

[احلى سنين]

الحل سسسهل جدآ ,,
صارحيه بان الى جالس يصير مو حلو وذكريه بايام قبل وقولي له لازم نبعد عن بعض فتره ...
نهدى فيها وننبسط علشان نشتاق لبعض ...
ان قدرتي اسبوعين تجلسي ببيت اهلك وحتى اسبوع تكفي بدون ماتكلموا بعض بس رسايل حلوة
وفي هالاسبوع غيري الوك تبعك .. وهدي من اعصابك وفرفشي مع اهلك واصحابك
وهو اطلبي منه نفس الشي ....
واوعديه بلليله حلوة اول ماتلتقوا واطلبي منه يجيب لك هديه صغنونه ع ذوقه ....

وراح ترجعوا مثل العسسسل ^^ واكثر لأن حالتكم بس صابها فتوووور لاغير ,,وضغط خفيف اثر عليكم ,, فاتساعدوا انكم تخففوا الضغوط
من وجهة نظظظري لاتسوي فيها سالفه لأنها بتكبر زياده << اسال ممجرب
بس اساليه فيك شي قال لا خلاص قولي له على الى قلت لك عليه فووق ^^
يعني لاتكبريها وطمنينا عنك حباابه

[دهبيه]

البنات ماقصرو
أستفيدى من أرائهم
والله يصلح ليكِ الحال يارب
قولى آمين