انا و هو و صراحته

[أريد حلاً]

السلام عليكم

عندي مشكله بس ما اعرف هل هي مشكلة او لا:|

انا توه مخطوبة و علاقتي بخطيبي من احسن ما يكون و لله الحمد:o

لكن تذبحني صراحته :( يعني هوه شي حلو ان شريكك ان يتكلم معاك بصراحة و جذي

طبعا انا انخطبت عن طريق خطبة و خطيبي ابوي يعرفه زين ما زين

ما انكر ان يعاملني من احسن ما يكون و يهتم فيني و علاقتنا ببعض جدا ممتازة

و لكن مثل ابتديت صراحته تقتلني عبارة احنا احين في فترة تعارف حق كل واحد يفهم الثاني اكثر

و الحمدالله متفاهمين لكن ان يتكلم لي عن مواضيع تخصه و امور كانت تضايقه قبل احس ما ادري شلون

على سبيل المثال قبل لا يخطبني صار له موقف مع وحدة من قرايبه مطلقة و اخوتها لصقوه تهمه

ان كان على علاقة فيها و هو متضايق من هالشي كان لان هوه عارف نفسه و شخصيته ما تسمح له لهالانحطاط بس كانو يبغون يلصقونها فيه كونها مطلقة و بعد ما خطبني انقهرو منه و هالحجي الي يصير فهوه كان متردد يفاتحني بهالموضوع كونه يقول ما يبي يضايقني على شي اهوه ماله دخل فيه مجرد تلفيق تهم و ابوه الله يحفظه وقف معاه كونه عارف اخلاق ولده الي هوه خطيبي :o

هوه قالي ان فاتحني بالموضوع كون ما يبي يوصل الي كلام غلط و يعملو مشاكل بينا فحب يخليني بالصورة

صحيح تضايقت من الموضوع لكن كبر بعيني كونه صريح جدا ما يحب يلف ويدور

:'( بس كله تجيني اوقات افكر بهالموضوع الي فاتحني فيه اعوذ بالله من الشيطان الرجيم مع ان كان واضح بس ما ادري ليش تجيني تهيئات و افكار سودة:badly:

[Loly moon]

انا ما اشوف مشكلة بالموضوع بالعكس احس انه خبرك حتى ما يصير مشاكل بينكم اذا سمعتي كلام عنه

[دفء مسقط]

حبيبتي تعوذي من ابليس...
شي حلو وطيب انه صريح معج بالبدايه ...ولا انج تكتشفين عليه اشياء..وينكسر خاطرج ليش انج ما عرفتيهم بالبدايه...واحسن انه يخبرج عشان ماتنصدمين بعدين وتصير مشكله...
الله يوفقكم ويبعدعنكم كل حاسد يارب

[قشطة و عسل]

انا مو شايفة اي مشكلة انت تعوذي بالله من الشيطان الرجيم اللي يجيبلك هالافكار السودة

[frfor]

قال سبحانه وتعالى (لاتسئلوا عن اشياء ان تبد لكم تسؤكم)
وهذا هو الحال انتي لو بقيتي على جهلك بالموضوع ماكان راودتك هذه الافكار الشيطانيه
انسي كل ماحدثك بيه خطيبك واستعيذي بالله من الشيطان الرجيم

[انفاسـﮱگ دخـﮱون]

تعوذي من ابليس ومدام كان صريح معاج وواضح فهذا شي حلو احسن ماتكوني ماتدرين عن شي

[تالا السعودية]

حبيبتي اذا صارحك زين منه وحتى لو جالك الوسواس
صدقيني ماقالك الا انه متأكد انه مايربط شي بالبنت حاليا
>>هذا رائي

اما بخبرتي انا قبل زواجي بأيآم خطبتي كان يقووولي قصص
عنه والان لما ذكره فيها ناسيها تمآماً مررررررره يقوووول رحت المستشفى
ومن هالسوالف وانا ع بالي صادق والان دريت انه يمزح علي
يعني يبغى يشووووف غيرتك وحبك له

[تربة القمر]

يعني لو ماصارحج بالموضوع وسمعتينة من احد ثاني وش بيكون موقفج ..!
والمشكلة بتكون وين ؟ لما هو صارحج من البداية او سكت وسمعتينة من الغير ..!
وبعدين بتلف في راسج الف فكرة وفكرة .. بالعكس الموضوع مافيه اي مشكلة وبصراحة شي جميل ان يكون معاج صريح والصراحة نقطة اساسية بين الزوجين حتى يتولد التفاهم اكثر وكل واحد يعرف الثاني اكثر .. يعني تبينة كتوم مثلا .!

[سندريلا العراقيه]

وين المشكلة؟؟؟
اختي لتزعلين مني بس يمكن انتي من النوع الشكاكه زياده عن اللزوم من سمعاج لقصص المتزوجين والمشاكل
وصدكيني لو مكان صارحج كان كلتي ليش مصارحني وليش يضم علي واسمع من غيره معناها اكو شي يخفيه
اختي احله شي بين الزوج وزوجته الصراحه وهو بمصارحته الج ديعبرلج عن اهتمامه بيج وحبه وانه يحب يخليج دائما بلصورة من الاول حتى تكونون اقرب
انتي تبالغين بكلامج ان صراحته تذبحج ماكو موقف يذكر اصلا
حبيبتي حمدي الله وشكريه على نعمته لو تشوفين مشاكل الناس وهمومهم تسجدين لله شكر وحمد لفضله بكل دقيقه
الله يهنيكم مع بعض ويسعدج وتسعديه وطردي الوساوس من بالج
تحياتي

[.. أمــ عــلــيــ ..]

الله يخليكم لبعض ويسعدكم ..

حبيبتي .. وين المشكلة ؟!!!!

بالعكس ماشاءالله احمدي ربك انه صارحك قبل ما تسمعين كلام عنه ما يعجبك من الناس ...!!!

الآن هو وضح لك السالفة لأنه خايف على مشاعرك اذا عرفتي من أحد ثاني .. وهذا يدل على انه يحبك ويحب يحطك بالموقف المناسب ..

تعوذي من ابليس .. ولا تخلينه يخرب عليك حياتك من أولها .. بأشياء مالها اساس في الواقع ..!!

:)

[دودي4]

حبيبتي اللي سواه خطيبك عين العقل
وأحلى شي لما يكون الزوج صرييييح
عشان كل واحد يعرف الثاني أكثر

[MIYA !!!]

وين المشكــــلة ؟؟ !!

[سنفور غضبان85]

تعوذي من ابليس حبيبتي.. صدقي انه صراحته هاي كتير ناس بتمنوها ما شا الله تبارك الله

ع القليلة اجا واعترفلك بالي صار عشان لو سمعتي شي ما تفهميه غلط وهاد دليل خوفه على مشاعرك.. انا شايفة صراحته معك ايجابية مش سلبية

لا تقلقي حالك يا قمر بأفكار سوداوية تخرب عليكم حياتكم

الله يوفقكم ويهنيكم يا رب

[دهبيه]

لا تضايقى ولا شىء
الموضوع بسيط ومافى شىء يخليكى تُشكى فيه
أحترمى صراحته معاكى
وأحذرى أحذرى أنك تفتحى معاه الموضوع ده تانى أقفلى عليه تمامآآآآآآ
حتى لايندم أنه كان صريح معاكى
وما تركك تسمعى أى كلام يسىء إليه من الخارج
أحمدى الله على حسن الوفاق بينكم ولا تسمحى للشيطان يخرب عليكى التفاهم بينكم
والله يتمم عليكى بالخير يارب
وتذكرى حذرى إياكى تتحدثى بهذا الموضوع كأنك لم تسمعيه من قبل
وربى يسعدك يارب

[ريحآإنة الجنه]

الله يهديك

[oum saad]

لا بالعكس هدا الشي ما يضايق لازم تفرحي لانك تتعرفي على اسراره
انا بصراحة احب اسمع من زوجي تصريحات ما كنت اعرفها وخلي عنك الوساوس هو يحبك وانتي تحبيه وخلي الحياة تمشي

[mrs.7la]

صريح احسن مايكون غامض

[سومه جده]

كويس انه صارحك وحطك بالصوره احمدي ربك هذا انسان واضح ويستاهل الحب والاحترام طلعي الوساوس ترى في رجال ماتعرف الصراحه كانهم مخزن اسرارمايقولوا الا لما تطيح الفاس بالراس خليك واثقه في نفسك وبطلي تفكيرماله داعي

[أسمي برسمي !]

كلام البنات صح 100 %

[مس زوزو]

الله يخليكم لبعض
خيتو من الكلام الي قلتيه
عن خطيبش انه هو كان جداً
صريح فالبداية خاف يقول خوفاً
ع مشاعرش بس الحين قال لش
السالفة و باختصار هذا وسواس لا
تخلين الشيطان يقص عليش

[سلطان عالحلوين]

اختي قولي الحمد لله خطيبه انسان صريح و واضح لان هالشي راح يسهل حياتكم
الله يسعدكم وتعوذي من ابليس وخل الحاسدين يموتون من القهر
عيشي اجمل ايام حياتكم وبلا هواجس

[ميمي زايد]

أهم شيئ في الحياة الزوجية الصراحة