أريد حلاً
23/11/2010, 01:54 AM
اهلين بنات
اليوم بفضفلكم عن كل الي بقلبي
عندي مشكلتين يارب ينحلون
اولا انا واثقه بالله سبحانه ثم فيكم يااخواتي
اللحين ببداء وقولكم الي بقلبي
مشكلتي الاولى في بيتنا و ابوي الله يحفظه :
آه بس وش اقول بيتنا مايعتبر بيت سراحه الحوش كله تراب واسمنت ناشف والمجلس مو مكمل
والدور الي تحت بلاط والحوش كنه زباله كبيره امي تعبت كثير عشان تصلح البيت ابوي ينشبلنا على الوحده
لاتقولون يمكن ماعنده فلوس لاعنده فلوس ونفرض ونقول ماعنده فلوس امي هي الي تعطيه فلوس عشان يصلح البيت وهو يتمطط ويطول ويقول بعدين
5 سنين وحنا نرمم المجلس واللحين داخلين بالسنه السادسه
عزايم مافيه اصلا مافيه مكان تستقبلين فيه احد من جد متفشلين حنا لا اهل لا اصدقاء لاجيران نقدر نستقبلهم
اذا جابت امي احد ينضف او يزين شي لازم نتاكد انه مو موجود مع انه من فلوسها تخيلو واذا درا يعصب مع انه لمصلحته ويقعد يدور شي قديم من الي كبيناهم يزعجنا وينه وينه
بيتنا الي يشوفه يستغرب ان فيه ناس عايشين فيه
من ناحيت علاقتي انا شخصيا بالناس مرا خربت بشكل فضيع الناس يعزموني مره مرتين ثلاث اربع
اخر شي يملون مره وحده قالتلي ليش ماتعزميني ببيتكم قلتلها نرمم قالت الين اللحين !!
اشوف الناس قدامي عزايم وطلعات وانا كني شي مخفي محد يعزمني
من ناحيه ثانيه الجيران علاقتنا قلت معاهم قلولي وين نستقبلهم فيه مافي مكان الدوريه حقت الجيران امي طلعت منها
من ناحيه الاهل مره علاقتنا خربت وبقوه بعد مع العلم انه في وحده من العايله تخرب علينا دايم وتسحب الناس عنا ومنكده علينا فستغلت الفرصه وصارت تعزم الناس
خلصنا من البيت الي من جد مسببلي احباط
نجي لمقاضي البيت تخيلو ابوي يجيب مقاضي لاصدقائه بالدوريه حقته وحنا وين ووين (اذا فيه عروض جابلنا اوتخفيض او بين فتره طويله وفتره )
تخيلو بس مسوي دوريه بستراحه مع اصدقائه وحنا بالطقاق لا ناس يجونكم ولاشي (لاحضو ان الدوريه حقته مو بالبيت لانه يفشل ولافي مجلس اساسا)
ويجيبلهم ازين اكل وهو الي يتقضا بعد .
امي تعبت كثييير مع ابوي جاها القولون وانا واختي جانا القولون واذا فتحت الموضوع ان كل صديقاتي ماعاد صارو يبوني لان ماعندنا بيت نعزم فيه قال ذولي موب صديقات
ومره قلتله عن الموضوع قالي انتم تطلعون للسوق (تخيلو يعني حاسدنا على السوق)
قلتله خلاص اجل اطلع معنا ولا تروح عند اصدقائك ضحكك على
من جد بنات مسويلي ازمه
اذا قلت له ابي فلوس ابطلع يقولي خودي من امك وانا اعطيها (هو ياخذ منها اصلا )
العيد ماعطاني ولا ريال لانا ولا اخواني اذا ابي فلوس قلتلكم يقول خوذي من امك او مامعي الاخمس ميه
غير انه ولا عمره طلع معنا حديقه او مطعم الا مرا وحده يوم اني باولى ابتدائي او قبل يوم اني بزر
مايحب يطلع هاذي ماعتبرها مشكله عادي براحته بس البيت هي المشكله
امي كثثثثير عانت معاه من جد انا احبها اكثر منه هي الي تهتم فيني انا واخواني وتطلعنا منتزهات ومع الناس وتمشينا وتحاول تنسينا المشكله ذي
وتهتم بي وبحياتي وبهمومي ومشاكلي امي يابنات هي الصديقه لي ولولا الله ثم امي ماصبرت على ابوي حتا اذا عيرت اسلوبي معاه تقولي يابنتي هاذا ابوك لازم تحترمينه اقول يماما وشلون احترمه وهو سبب عزلتنا عن العالم محد يبينا ولا يسال علينا صرنا ناس مهمشين مع اننا كشخه وشخصيتنا مرا حلوه قبل لايخرب البيت كنا انواع العزايم والوناسه واللحين خرب علينا فرحتنا آه بس
هادي مشكلتي الاولى وراح اكتب الثانيه بعدين
احبكم كلكم الله يخليكم لي ويسعدكم
اليوم بفضفلكم عن كل الي بقلبي
عندي مشكلتين يارب ينحلون
اولا انا واثقه بالله سبحانه ثم فيكم يااخواتي
اللحين ببداء وقولكم الي بقلبي
مشكلتي الاولى في بيتنا و ابوي الله يحفظه :
آه بس وش اقول بيتنا مايعتبر بيت سراحه الحوش كله تراب واسمنت ناشف والمجلس مو مكمل
والدور الي تحت بلاط والحوش كنه زباله كبيره امي تعبت كثير عشان تصلح البيت ابوي ينشبلنا على الوحده
لاتقولون يمكن ماعنده فلوس لاعنده فلوس ونفرض ونقول ماعنده فلوس امي هي الي تعطيه فلوس عشان يصلح البيت وهو يتمطط ويطول ويقول بعدين
5 سنين وحنا نرمم المجلس واللحين داخلين بالسنه السادسه
عزايم مافيه اصلا مافيه مكان تستقبلين فيه احد من جد متفشلين حنا لا اهل لا اصدقاء لاجيران نقدر نستقبلهم
اذا جابت امي احد ينضف او يزين شي لازم نتاكد انه مو موجود مع انه من فلوسها تخيلو واذا درا يعصب مع انه لمصلحته ويقعد يدور شي قديم من الي كبيناهم يزعجنا وينه وينه
بيتنا الي يشوفه يستغرب ان فيه ناس عايشين فيه
من ناحيت علاقتي انا شخصيا بالناس مرا خربت بشكل فضيع الناس يعزموني مره مرتين ثلاث اربع
اخر شي يملون مره وحده قالتلي ليش ماتعزميني ببيتكم قلتلها نرمم قالت الين اللحين !!
اشوف الناس قدامي عزايم وطلعات وانا كني شي مخفي محد يعزمني
من ناحيه ثانيه الجيران علاقتنا قلت معاهم قلولي وين نستقبلهم فيه مافي مكان الدوريه حقت الجيران امي طلعت منها
من ناحيه الاهل مره علاقتنا خربت وبقوه بعد مع العلم انه في وحده من العايله تخرب علينا دايم وتسحب الناس عنا ومنكده علينا فستغلت الفرصه وصارت تعزم الناس
خلصنا من البيت الي من جد مسببلي احباط
نجي لمقاضي البيت تخيلو ابوي يجيب مقاضي لاصدقائه بالدوريه حقته وحنا وين ووين (اذا فيه عروض جابلنا اوتخفيض او بين فتره طويله وفتره )
تخيلو بس مسوي دوريه بستراحه مع اصدقائه وحنا بالطقاق لا ناس يجونكم ولاشي (لاحضو ان الدوريه حقته مو بالبيت لانه يفشل ولافي مجلس اساسا)
ويجيبلهم ازين اكل وهو الي يتقضا بعد .
امي تعبت كثييير مع ابوي جاها القولون وانا واختي جانا القولون واذا فتحت الموضوع ان كل صديقاتي ماعاد صارو يبوني لان ماعندنا بيت نعزم فيه قال ذولي موب صديقات
ومره قلتله عن الموضوع قالي انتم تطلعون للسوق (تخيلو يعني حاسدنا على السوق)
قلتله خلاص اجل اطلع معنا ولا تروح عند اصدقائك ضحكك على
من جد بنات مسويلي ازمه
اذا قلت له ابي فلوس ابطلع يقولي خودي من امك وانا اعطيها (هو ياخذ منها اصلا )
العيد ماعطاني ولا ريال لانا ولا اخواني اذا ابي فلوس قلتلكم يقول خوذي من امك او مامعي الاخمس ميه
غير انه ولا عمره طلع معنا حديقه او مطعم الا مرا وحده يوم اني باولى ابتدائي او قبل يوم اني بزر
مايحب يطلع هاذي ماعتبرها مشكله عادي براحته بس البيت هي المشكله
امي كثثثثير عانت معاه من جد انا احبها اكثر منه هي الي تهتم فيني انا واخواني وتطلعنا منتزهات ومع الناس وتمشينا وتحاول تنسينا المشكله ذي
وتهتم بي وبحياتي وبهمومي ومشاكلي امي يابنات هي الصديقه لي ولولا الله ثم امي ماصبرت على ابوي حتا اذا عيرت اسلوبي معاه تقولي يابنتي هاذا ابوك لازم تحترمينه اقول يماما وشلون احترمه وهو سبب عزلتنا عن العالم محد يبينا ولا يسال علينا صرنا ناس مهمشين مع اننا كشخه وشخصيتنا مرا حلوه قبل لايخرب البيت كنا انواع العزايم والوناسه واللحين خرب علينا فرحتنا آه بس
هادي مشكلتي الاولى وراح اكتب الثانيه بعدين
احبكم كلكم الله يخليكم لي ويسعدكم