خيانتي لزوجي دمرت لي حياتي

[أريد حلاً]

السلام عليكم ورحمة الله بركاته انا اليوم جايبه لكم مشكله من نوع ثاني يمكن غريبه اشوي راح ادخل لكم في الموضوع على طول
هذي مشكلة واحده اعرفها واحبها وحيل كاسره خاطري ونفسي احصل لمشكلتها حل

ياحبايبي مأدري من فين ابدا بقول لكم قصتها من بداية حياتها حتي الحين

هي تزوجة وعمرها صغير يعني 14واحد مره بعيد عن القبيله هو من ديره وهي من ديره بس نفس الجنسيه هو اكبر منها بتقريباً 18

طبعا هي عاشت معه طفولتها ومرهقتها وتعلقت فيه بلحيل هو كان طيب ماعليه بس كان اكثر وقته برئ البيت كانت تجلس بساعات في البيت طبعا في مدينه بعيده عن اهلها وقريب من اهله بس ماكان علقتها حلوه مع امه علشان كذا ماتحب تروح عندهم

ومن هنا بدات السالفه كان الفراق الكبير يلي كان في حياتها خلها تفكر في شياء غلط واله انها تتسلي في الجوال فقط بعدين حس عليها زوجها وصار يراقبها بعد مااتضح له الامر اخذها لعند بيت اهلها وهناك كانت الطامه الأكبر دق عليها وفال لها انتي طالق وقال لها انا اعرف انك جالسه تخونيني بس ما علم احد بسبب طلاقهم حتي لامه واهله واهلها طبعاً ستر عليها

بس ابصراحه هو حيل يموت فيها يبنات لدرجه انه ترك ديرته واهله وهج على ديره بعيده عن كل شي يذكره فيها تخيلو اثاثهم حق البيت مارضي يبيعه حطه في مستودع لحد لأن الحين صار لهم 6 سنوات مفترقين

بتقولون اش دراني هو باقي يكلمها ماقدر ينساها وقال انه سامحه ومستعد يرجعه

بس هنا المشكله انه طلاقها ثلاث مستحيل ترجع له لا اذا تزوجة مره ثانيه هي طبعا تموت فيه مستعده تموت من اجله لانها لما طلاقها مرة بحاله نفسيه سيئه لدرجة انها انتحرة بس الله ستر وطلعت منها ومكان عندها حل علشان يرجعو لبعض لاانها تزوج مره ثانيه

فعلن تزوجت تمت مع زوجها الثاني شهر وطلبت منه الطلاق بعد مشاكل كثيره تطلاقة للمره الثانيه بس كانت حامل وحاولت تنزله بس الله مأرد وانجيت بنتها الله يحفضها

زوجها الأول كان عنده علم بسالفه قال خلاص الحين بيقدر يرجعها راح عند اهله وخبرهم بموضوع امه طبعاً قالت لا لو سواها راح تتبرئ منه

هي خططت تزوجه هو وافق بس قال بشرط اتزوج رضي لك وبعدين ارجع زوجتي الأول هي قالت خلاص انت تزوج أول على بالها ان زوجته الجديده بتقدر تنسيه حبه لأول

فعلن تزوج ومر عليه سنتين متزوج ولاقدر ينسئ حبيبته الاول وجالسو يكلمون بعض بعد زوجه لاالحين

وبعدين حاول يرجعها مره ثانيه طبعن قبل فتره وبعدين وصل امه خبر وحلفت عليه لايسويهاوخلص قطعت امل في ارجوع لحيبها وبقت تكلمه لالحين ويبقئ الحب يجمع بينهم وطبعن عمرها الحين 20 سنه وكل مجا احد يخطب ترفض تكفون دور لي حل يقنعها تنساه وتشوف حياتها

[alaa's mom]

هذا نصيبها يا قلبي

والأفضل الحين بعد كل هالأحداث اللي صارت انها تربي بنتها وتهتم فيها

وتشيل سالفهـ الزواج منهـ

لأن كل شي مسدود جدامها

و خلينا صريحين شوي

الريال لو يبي شي محد يقدر يوقف بطريجهـ

واهو الحين خلاص متزوج

خليها تحط نفسها بمكان زوجتهـ

ترضى حب قديم مهما كان ياخذهـ منها؟؟

هذا ظلم لزوجتهـ الصراحهـ

يعني شنو ذنبها تتبهدل بخيانهـ زوجها مع حبهـ القديم وزوجتهـ القديمهـ !!

ودام ان امهـ مو راضيهـ واهو مو قادر يحركـ ساكن وفوق كل هذا متزوج خلاص هذا نصيبهم

خليها بس تهتم بحياتها وتتركـ الريال لزوجتهـ واللهـ يهنيهم

وسالفهـ انهـ كان كلهـ برا البيت واهي كانت تتسلى بالتلفون هذي بحد ذاتها قوويهـ

يعني لو كل وحدهـ سوت جذي بحجهـ ان ريلها اغلب وقتهـ برا البيت جان ما ظلت ولا وحدهـ متزوجهـ

هذا مو عذر .. اهي ما كانت قد المسؤوليهـ وخليها تتحمل نتيجهـ خطأها

ومجرد ان وحدهـ متزوجهـ تكلم واحد غريب غير زوجها وللتسليهـ بعد هذي خياااانهـ

هذا رايي ^^

[Bronzag]

اعتقد انه البنت غلطانه لان الفراغ عمره ماكان سب للخيانه .. مع احترامي لها
وكان بامكانه انها تملى وقتها باي شي ثاني
اما بالنسبه انهم يرجعون لبعض فبإعتقادي انه الوضع تعقد هي تزوجت وتطلقت وهو تزوج سنتين
برايي انه كل واحد يحاول يعيش حياته من جديد بعيد عن الاخر عشان ماتصير مشاكل اكثر وتتعقد السالفه
وتقبلي مروري

[هدبا]

الفــراغ مو سبب خيااانه ..

أكثر المتزوجاات في فرااغ مااشووفهم خانوا عشان يملوون ووقت فراغهم برجال !!!!!


والله يعين ..

[عاشقهه زيزو]

حبيبتي هما ما دام عايزين بعض ويحبو بعض بالطريقة دي

يبقا يطنش اهله والناس ويرجعو لبعض

[جروح الوله]

استغرب من تهجمكم القوووي ضد البنت اللي خانت ..!
البنت ذكرت انها كانت بعمر 14 سنة يعني صغيرة جداااااا وفي بداية المراااااااااااهقة
وهذي غلطة غلطتها وندمت عليها .. بنات في الثلاثينات ويغلطوونها من شدة الملل او لأي سبب 2 عاد الصغيرة ما بتسوويها ..!!
والزوج نفسه سااامحها ليش تردون المشكلة مرة 2 .. الحين هي مشكلتها شي 2 ..!!

عذرا بس ماحبيت ردود البنات .. يعني اذا ما بتساعدون لا تتهجمووون ..!!

..

اناا في رأيي انها تنساه دام ان والدته مانعته منها تماما اكيد هو مستحيل ما يرضي والدته
خليها تربي بنتها واذا تقدم لها أحد تتزوجه وتبدأ حياتها من أول وجديد .. قدامها عمر طويل بإذن الله
البنت بعدها شاابة واكيد تعلمت من أخطائها وصارت هالمرة واااعية .. وربي يعينها ويرزقها على قد نيتها ..

[[]فـرح القلـب[]]

دام أمه معارضة تنساه خلاص
والله يعوضها
وتتاكد تماماً لو لها نصيب فيه حترجع له لو مهما كان
وأما عن خيانتها له فهذا شي بينها وبين ربها تجلس تستغفر ربها وتتوب الله يستر عليها وعلى بنات المسلمين

[أريد حلاً]

اتنو يالي رديتو برد اعتبره حيل قاسي ماله داعي اكيد هي قد عرفت غلطها ودفعت ثمنها غالي انا ماقلت لكم سالفتها علشان تطلعو حرتكم فيها اناقلت عطوني حل يساعدها ع ان تنساه وتعبش حياتها وتعتبره مرحله قاسيه في حياتها مره بس صدق اشكوي لغير الله مذله
اما علي جروح الوله شكرا حيل شكلك انتي يلي عرفتي اش قصدي من كتابت قصتها وش ابي
واحساسه مصر تسلمين

[شووق المشاعرر]

مادام امه مو راضيه خلاص تنسى الموضوع
وكمان تقكر من جهه تانيه انه لانها تحبه تتمنى له حياة مع زوجته الثانيه
وهي تكرس وقتها حق بنتها
وبالنهايه كل شي نصيب

[[ نونو مآلي آني ]]

{ الله يعينهـا.....~
ويصلحها ويهديها

{ أحس أن خلاص مدام أمه مو راضية مافي حل
يا أنه يظل يقنعها وأن مارضت مرتين ثلاث بس يسكر ع الموضوع

وبعدين هو متزوج مايصير اختي تكلمه وهو مو محرم عليها
صحيح كان زوجها قبل لكن حاليا تحرم عليه لانه طليقها
شخص أجنبي عنها

امممم والله مشكلة =(

الله يعينها بصراحة

بس خليها تشوف نصيبها اذا تقدم لها شخص كفؤ
ويخاف ربه ... وتعيش حياتها وتنسى علشان يقدر هو بعد
يكمل وينسى مثلها........~

[أمي أنتِ عمري]

البنات ما قصروا

الحل واضح تنسى وتعيش حياتها وتربي بنتها لحد ما يجي نصيبها بالحلال ربي يوفقها

[xقطر الندىx]

من جد الحل انها تنسساه...


لأن العلاقه نهايتها مسدوده ...مالها حل...

وبعدين اذا ع الحل الحل بيده هو انه يقنع أمه لويبغاااهااا من جد وشاريها راااح يسسسوي المستحيييل عشششان يقنع امه...

وهي لو جاها نصيبها خليها تستخير وتوافق ..

ومن ترك شيئا لله عوضه الله بخير منه... علاقتهم الحين غلط وحراام واذا تركته لله ربي بيعوضها بأحسن منه ... لأن الرجال مارااح يعيبه أي شي ولا راح يتأثر لو ماتزوج ...لكن هي اللي بتوصل لعمر معين وماراح أحد يخطبها ... ألحين بااقي في بداية عمرها خليها تشوووف نصيبها .. ولو كان فعلا يحبها ماراااح يمشي معاها لطريق مسسدووود.. خليها تنتبه على نفسها لأن هو تزوج ولو مو مبسوووط كان طلق زوجته الثانيه وأصر على أمه إنه يرجع لزوجته الأولى..!!!!!

الحل: انها تنسسسسااااه وتفكر في حياااتها بعيييد عنه وتربي بنتها ,,, وربي بإذن الله راااح يعوووضها باللي أحسسسن منه...


:065:

[مريم*]

هي تزوجت وعمرها 14 والحين 20 وتقولين مفترقين 6 سنوات شلوون ؟؟؟

[ساهرة مع القمر]

امممممممممممممم الله يعين


الموضوع صعب


هي كانت في فترة مراهقه و الواحد مايدري يعطيها مبرر ولا لا بس مش هنا الموضوع


اسمعي الرجال مافي شي يقوف قدامه حتى لو اقرب الناس له اذا يبيها يتحدى الدنيا عشانها


واذا مايقدر يعصي اوامر امه بالمقابل راح يضحي بسعادته خلااااص تنساه


ولا تظلم نفسها بأنها تكلم شخص اجنبي

ولا تظلم زوجته بأنه يخونها لأنها تعتبر خيااانه

[حساسه حيييييل]

طولي بعمرج,حاليا الكل استمر بحياتة ,تحاول تعيد بناء حياتها وتربي البنت احسن تربيه ,وهية لين الحين صغيرة وما تعرف شوة مخبي ليها الزمن لكنها تدعوا الله بالظاهر والباطن عسي ربج يفتح لها ابواب رحمته.الاخت شوكليت ما قصرت بالكلام,الحين ما شئ فايدة من الكلامالحل بيد زوجها السابق بيدة مربط الفرس

[عزف الأمنيات]

امممممممممممممم الله يعين


الموضوع صعب


هي كانت في فترة مراهقه و الواحد مايدري يعطيها مبرر ولا لا بس مش هنا الموضوع


اسمعي الرجال مافي شي يقوف قدامه حتى لو اقرب الناس له اذا يبيها يتحدى الدنيا عشانها


واذا مايقدر يعصي اوامر امه بالمقابل راح يضحي بسعادته خلااااص تنساه


ولا تظلم نفسها بأنها تكلم شخص اجنبي

ولا تظلم زوجته بأنه يخونها لأنها تعتبر خيااانه


نفس الرأي

[.. أمــ عــلــيــ ..]

الله يعينها على مصيبتها .. !!

مثل ما قالوا البنات .. خلاص تترك الرجل يعيش حياته مع زوجته الثانية .. وهي تحاول تتزوج علشان تقدر تبني حياتها من أول وجديد .. !!

وخليها تركز على " بنتها " .. لأن مالها في هالدنيا الا هي .. الله يخليها لها ويصلحها ..

والله مشكلتها حلها بسيط .. بس يبي لها قوة ارادة .. " يتركون بعض وبس " .. ومع الايام تقدر تنساه ..

:'(

[انفاسـﮱگ دخـﮱون]

استغرب من تهجمكم القوووي ضد البنت اللي خانت ..!
البنت ذكرت انها كانت بعمر 14 سنة يعني صغيرة جداااااا وفي بداية المراااااااااااهقة
وهذي غلطة غلطتها وندمت عليها .. بنات في الثلاثينات ويغلطوونها من شدة الملل او لأي سبب 2 عاد الصغيرة ما بتسوويها ..!!
والزوج نفسه سااامحها ليش تردون المشكلة مرة 2 .. الحين هي مشكلتها شي 2 ..!!

عذرا بس ماحبيت ردود البنات .. يعني اذا ما بتساعدون لا تتهجمووون ..!!

..

اناا في رأيي انها تنساه دام ان والدته مانعته منها تماما اكيد هو مستحيل ما يرضي والدته
خليها تربي بنتها واذا تقدم لها أحد تتزوجه وتبدأ حياتها من أول وجديد .. قدامها عمر طويل بإذن الله
البنت بعدها شاابة واكيد تعلمت من أخطائها وصارت هالمرة واااعية .. وربي يعينها ويرزقها على قد نيتها ..

:thumbs_up::thumbs_up::thumbs_up:كلامها عين العقل لاتتكلمون بعصبيه وتبقون اللوم عليها كانت مراهقه يابنات افهموا محتاجه مشاعر وحب

[دفء مسقط]

الله يهديها ان شالله...الافضل انها تنساه بدل المشاكل اللي راح تصير..

[حبيبة زين]

خلاص مافي امل مره
هي تزوجت وتطلقت وسارت ام
وهو تزوج وصار له بيت وزوجه
يعني ترضى بواقعها وتنساه
ولو جاها زوج توافق وتستر حالها وربك يتولاها برحمته

[زهوور البحرين]

تصدقين كنت بكتب نفس كلام الاخت فعلا اهي عمرها ١٤ محد يقدر يلومها لانها صغيرة و على سالفتها والله اذا اهو يحبها و يبيها ياخذها و امه جذي جذاك بترضى بالواقع ومستحيل تتبرى من ولدها .. خل تنكلم وياه و تجوف اذا يقدر ياخذها لان بعدين امه ما بتقول شي و اذا نا يقدر تكمل حياتها و تكرسها لبنتها بروحها و اذا جا لها نصيبها تتزوج عادي ما فيها شي اهي توها صغيرة .. والله يوفقها انشالله

[umjana79]

اختي عضوه (( اريد حلاً ))

حطينا ركن اريد حلا عشان كل عضوه ما تحب تحط اسمها .... تدخل بالركن هذا وتكتب المشكله وهي مطمنه...

بالاول المشكله مب مشكلتك.....

ثانيا... هي ما تدرو حل لها ... وبعدين لو تبي بإمكانها تدخل هالعضويه... بدون ما احد يكتب قصتها ... لان العضويه مخفيه...

ليش العضوات ما يقدرون يحترمون قوانين الركن !!


شغله ثانيه اختي...

الله يستر على رفيجتك... بس بقولج ... المشكله كلها حلها بيد الطليق.... لو هو كان مصر عليها... يقدر ياخذها .. مهما كانت الاسباب...
وياخذ رأي شيخ في الموضوع ..

وبعدين طلاق 3 مرات مره وحده مايصير.... كان الاحرى .. يسأل... هل العقد كان مذكور فيه الطلاق غير رجعي ؟
هذي الحل

ام جنى

[دهبيه]

موضوع جدآ صعب
ومتعقد من أكتر من ناحية
أولا أمه
ثانيآ هوا تزوج غيرها وعايش مع زوجة التانية
ثالثآ هى مش قادرة تعيش بدونه
أقول كل شىء نصيب
ولو فى نصيب ييجمعهم الله مرة أخرى
فلا أحد يغير ما قدرة الله
الله ييسرلها الخير ولكل المسلمات يارب

[حنونه عراقيه]

حبيبتي البشر خطاء لكن افضل البشر يعتبر من خطاء وفعلا المشكله مو هنى لان اتعظت وسامحه بس المشكله هو لو حقيقي يحبه ميوكف شي بطريقه يايقدم حل ياتركه لحال سبيله خلي تحسمه خل شوف مدا تمسك بيه الكلام والغزل والشجون ماعليه ضريبه بس الواقع شنو لازم تواجه بصورة حل واذا ضل يتملص خل تعوفه لانه مجرد سراب

[umjana79]

اختي خل تاخذ رأي شيخ دين ثقه .. في قضيه .. حلف أمه عليه ان مايرد زوجته... لان اعتقد ان ما يجوز...

تحياتي

ام جنى

[روووج فوشي]

حبيبتي قهرتيني يوم قلتي كانت حتنتحر ليش تدخل النار علشان رجال

هاذا حب جنوووووون وغلط تفكر مثل هاذا الشي

عيشي حياتك وربي بنتك احسلك

وانسسسسسية

وشكرا

[زوجة الشايب]

ربي يعينها ...
من جد مشكله ...

[عروس تبي الفزعه]

اولااااا هيه غلطت وتحملت نتيجه غلطتهااا وتعلمت منهاااا وااايد مع انه مااشي عذر للي سووته ب هذا شي صار وانتهى والقلوب تصااافت
بتقوولي انه زووجهااا الاولي يحبهاااااااااا بقوووولج هب لذاك الزووود يحبهااا لانه الرجال لوووو ف راااسه شي بيسووووووووووووويه مهما صااار ومهمااا واااجه صعوبااات وعووااقب لكن الاخ مرتاااااح ع الوضع الحالي اتصالات وحب وماااحب وهووو بعد عنده زوجه ثاااانيه يعني الاخ مكيف ومرتاااااح واختناا المسلمه حاارمه نفسهاااا من الحيااااه عشاااان وااااحد قالت امه لاتاخذ فلااانه وهوو بكل بسااطه رضخ (يعني الاخ لقااها من الله) الشي الثااااني والاهم حتى لووووو تزووجهااا مره ثانيه مستحيللللللللللللل انه ينسى خياااانتهااا يعني الشك بيتسرب لقلبه لازم لانه كل شي ممكن تنسيه الا الخياااااانه صعب صعب انه الوااحد يتغاااضى عن الطعن ف الظهر حتى لوو ساااامح الا بيكوون ف قلبه ذره شك وبالتاكيد ماابترتاااح هيه بسب هالشي احسن لها تنساه وتهتم ف بنتهاا وتعيش حيااااتهااا لانه هووو تزووج وعااااش وهيه معلقه لاطاايله لاسماا ولا ارض وووين العقل مااتعرف تستخدمه ابدااااااااااااا؟

[ريحآإنة الجنه]

قولي لها تدعي الله والله بيسر امورها

[MARMORA_A]

وانا من راى انه لو مش هيقدر يقنع والدته يبقى خلاص تنساه وتشوف مستقبلها وتربى بنتها

[.. لوليـ ..]

احـس في شي غلط وياريت توضيح .. !!!


كـيف تزوجت وعمرها 14 وعاشت معاه فتره وتفرقو من 6 سـنين وعمرها اللحـين 20 سـنه .. !!!!!

[fatoooooooom]

اللهم فرج كربة كل مؤمن و مؤمنة

[بنت العز*ليمار*]

مافي زياده على كلام خواتي

[أيسكريم لايقاوم]

لاحول ولاقوه الا بالله

تستغفر ربها


واستغفر الله
ولاحول ولاقوه الا بالله