marwa8000
23/09/2010, 02:24 PM
السلام عليكم ورحمة الله وبر كاته
انا هبتدى الحكاية معاكى من اولها .انا متزوجة بقالى 3 شهور وكان فى فترة خطوبة بينى وبين جوزى حواى 4 شهور . زوجى ملتحى من اول ما دخل علينا وكل كلامه معنا كان فى الدين واعترف لى انه اتزوج مرتين مرة منهم دخل والثانية كانت كتب كتاب بس وقال انه معهوش فلوس لانه ساب لزوجته كل حاجته ومكانش عايز منها حاجة هو كان شارط من الاول انى ارتدى النقاب فى الاول عارضت وحاولت اقنعه ان فى الشغل عندى منعين الموضوع دة وقولتله ممكن البس عبايات او اسدالات ووافق فى الاول يعنى فى فترة الخطوبة وقضينا فترة خطوبة حلوة صحيح كنا بتخانق كتير لانه عايز يفرض راية وخلاص فى كل صغيرة وكبيرة احنا اتفقنا على اتفاقات فى النهاية احنا اللى جبنا كل العفش لانه مكانش معاه فلوس وكان بيحوش معايا شهر بشهر وطبعا لانى مش عايزة استنى كتير لانه قعد يزن عليا انه عايز يتجوز بسرعة لانه عايز يلاقينى معاه فى بيت واحد وبيحبنى وبيخاف عليا .........الخ انا اللى جبت كل الحاجات ماعدا هو مساهم بحاجات بسيطة فى الاجهزة الكهربائية ده اول عن اخر حاول كتير انه يشتريلى عفش وحش من اماكن مش حلوة بس انا اخترت عفش تانى وهو زعل جدا لان ازاى انا مش امشيله رأيه وقلت ان دى مشاكل عادية فى الجواز بتحصل لكل المخطوبين لان فى حاجات كتير فى الجهاز انا مشيت رأى فيها وفى حاجات هو مشى رأيه برده المهم انا محطيتش فى بالى لحد اما اتجوزنا .
بعد الجواز بقى واحد تانى خالص على فكرة انا اعلى من جوزى فى المستوى العلمى والاجتماعى والمادى ولبست النقاب بالفعل حتى بعد ما قلى انه هيكتفى بالاسدال او العباية وكبرت ماغى فعلا ولبسته .بقى كل حاجة يتلكك عليها وكل تمشية الرأى اللى انا مشيتها فى العفش فى فترة الخطوبه هو طلعها عليا بعد الجواز بقى كل حاجة يزعق ويتعصب ويهين ويقول كلام جارح دة بعد 5 يوم جواز تخيلى لدرجة انى قولتله كانت فارقة معاك اوى 5 ايام جواز دول ما كنت سبتنى فى بيت اهلى احسن . فى اليوم ال12 طلب منى انى ماخدش فلوس من حد واحنا بصراحة كنا فى البيت ومعناش فلوس فعلا واخدت فلوس من ماما فعرفت انه معهوش فلوس رحت مطلع الفلوس واديتهاله قامت الدنيا ومقعديتش وساعتها مد ايدة عليا وضربنى ضرب صعب اوى ساعتها اضايقت جدا وحسيت انى وقعت مع غول وخوفت منه جامد جدا . واول ما الناس تيجى عندى يقول انا مليش غيرها ده هى كل حياتى وتعبت من انه بمليون وش . وكرهت كدبه وانه عنده امكانية انه يقلب الحق باطل والباطل حق . بعد شهر من جوازى قامت بينا خناقة كبيرة جدا وساعتها انا كلمت والدى واخويا انهم ييجوا لى وفعلا جم واستغثت يوميها بالجيران واخويا سمع من برة على الباب تهزيئة وشتمته ليا بالاهل اخويا طبعا اتخانق معاه وجه والدى وشتمنى قصاده بابوى واهلى قام بابا ضربه لانه مش محترم وبعدها روحت لبيت والدى وهو جه صالحنى وروحت معاه البيت .
هو لمس انى شديدة التعلق باهلى ،وعلى النقيض معاه هو لو قعد مشفش اهلة او امه بالشهر ولا فارقة معاة حب يمنعنى من زيارة اهلى ولازم الزيارة هو يكون معايا وقعد يتحجج بالشغل وبقى معاه كارت ضدى فى اى وقت يحب يزعلنى يحكم عليا مروحش عندهم وانا استحملت وسكت وكنت ممكن اروحلهم حوالى 10 دقايق بعد الشغل واطمن عليهم من غير ما يعرف . فجاة لقيته بيقولى احنا عايزين نشيل فلوس - هو مسرف جدا- قولتله عين العقل . قالى احط باقى مرتبى فى البنك باسمه تتخيلى .بعدها باسبوعين حصلت خناقة بينا وضربنى فيها ضرب مبرح بالاقلام على وشى لدرجة انى حسيت انى جالى نزيف بعدها عتقنى وسابنى وقعد يحايلنى كالعادة يوميها انا مكانتش عايزة اقلع قدامه وقلعت هدومى فى الاوضة الثانية عارفة عمل اية راح مقطعلى الهدوم اللى انا لابسها وانا واقفة كدة ساعتها كانوا اهلى مسافرين عمرة واضطريت انى اقعد معاه لانى هروح فين . اثناء الخناقة انا تماسكت ومبينتش انى ضعيفة وشرطت عليه لو هو ضربنى او اهانى تانى انا هسيبله البيت وامشى وهو واعدنى بكدة . بعد كدة هو فعلا اتوقف عن الضرب ولكن لسانه طويل وفظيع كدا زى ما يكون هو بطل ضرب بس بيعاقبنى بانه يكدرنى ويزهقنى ويقهرنى ويحسسنى اد ايه هو عمل فيا جميل انه سابنى ومضربنيش لحد ما فى يوم روحنا عند اهلى بعد اسبوعين عقبال ما البيه فضى ورجعنا من عند اهلى كالعادة بينفخ ومش قادر مع ان الناس شايلينه على كفوف الر احة ويتمنوا له الرضا يرضى بس هو معندوش اصل واول ما بيشوف بيت اهلى بيركبه العصبى لانة الحمد لله كبير ونظم فحسيت انه بيتفرس عكس بيت اهلة مثلا .
اليوم اللى بعديه حكم عليا انى اروح معاه عند اهلة مع اننا لسه شايفنهم الاسبوع اللى قبله بس غيظ وكل ما يحب يصحينى يدفعنى فى راسى بدون اى احساس او حنية او مودة او رحمة اسلوبه فظ جدا جدا كان بيتلذذ بانه يشوفنى بتضايق او بتغاظ كان بيمتعه الاحساس ده جدا لدرجة انى لما روحت عند مامته اشتكيت منه وقولتلها انتى ما شفتيش منى حاجة وحشة كلمية وعقلية وخلية يتصرف معايا باسلوب محترم قالتلى انها ملهاش حكم عليه واخته كانت قاعدة وهى منفصلة قالتلى اية اللى زانقك على العيشة دى بصس مش صريحة يعنى .وحسيت انى وقعت فى بير ملوش قرار واليوم اللى بعديه قررت انى امشى من البيت لانى حتى ماكنتش طايقة اشوف وشة تانى ومشيت فعلا وقعد يتصل بيا كتير وانا مرديتش عليه واخته اتصلت بيا وامى اشتكيت لها من عمايل اخوها راح اتصل على البيت وامى اللى رديت عليه اتكلم معاها باسلوب غير محترم وقالها خلى بنتك عندكوما اتصلش تانى . وبابا واخويا اتصلوا بيه ورد عليهم رد فى منتهى السخافة .وروحت علشان اجيب حاجات ليا من الشقة لقيت البيه مغير الكالون . نسيت اقولك انه فى الاونه الخيرة كان بيتعامل معايا بخصوص العلاقة الحميمة بين الازواج بمنتهى المهانه وياخد اللى هو عايزة وبس مالوش دعوة بغيرة خالص لدرجة انى كنت بحب الايام اللى يكون عليا البيريود علشان ما ياخدش حاجة غصب عنى او بالاكراه .نسيت اقولك انه فى الخناقة والضرب الاخيرة كان عايز يخلينى اكتب ورقة انى متنازلة عن كافة حقوقى من نفقة ومتعة ومؤخر وحتى قائمة المنقولات انا طبعا استغربت جدا ففتشت بعدها فى ورقه لاقيته مكتب مراته القديمه نفس الورقة حسيت انى مع انسان ملوش امان ده السبب اللى دفعنى انى اسيب البيت وامشى .على فكرة انا روحت عند الدكتور اعمل تحاليل وهو مرديش ورفض خالص انه يروح وطبعا انا فهمت ان البيه عنده حاجة ومش عايز يقولى .
انا ذهبت لمحامى وشار عليا انى اكسر الباب واخد العفش وفعلا عملت كدة وهو طبعا عملنا محضر سرقة للشقة فهل الطريق اللى انا مشيته صح والا انا غلطانه ياريت تفيدينى
انا هبتدى الحكاية معاكى من اولها .انا متزوجة بقالى 3 شهور وكان فى فترة خطوبة بينى وبين جوزى حواى 4 شهور . زوجى ملتحى من اول ما دخل علينا وكل كلامه معنا كان فى الدين واعترف لى انه اتزوج مرتين مرة منهم دخل والثانية كانت كتب كتاب بس وقال انه معهوش فلوس لانه ساب لزوجته كل حاجته ومكانش عايز منها حاجة هو كان شارط من الاول انى ارتدى النقاب فى الاول عارضت وحاولت اقنعه ان فى الشغل عندى منعين الموضوع دة وقولتله ممكن البس عبايات او اسدالات ووافق فى الاول يعنى فى فترة الخطوبة وقضينا فترة خطوبة حلوة صحيح كنا بتخانق كتير لانه عايز يفرض راية وخلاص فى كل صغيرة وكبيرة احنا اتفقنا على اتفاقات فى النهاية احنا اللى جبنا كل العفش لانه مكانش معاه فلوس وكان بيحوش معايا شهر بشهر وطبعا لانى مش عايزة استنى كتير لانه قعد يزن عليا انه عايز يتجوز بسرعة لانه عايز يلاقينى معاه فى بيت واحد وبيحبنى وبيخاف عليا .........الخ انا اللى جبت كل الحاجات ماعدا هو مساهم بحاجات بسيطة فى الاجهزة الكهربائية ده اول عن اخر حاول كتير انه يشتريلى عفش وحش من اماكن مش حلوة بس انا اخترت عفش تانى وهو زعل جدا لان ازاى انا مش امشيله رأيه وقلت ان دى مشاكل عادية فى الجواز بتحصل لكل المخطوبين لان فى حاجات كتير فى الجهاز انا مشيت رأى فيها وفى حاجات هو مشى رأيه برده المهم انا محطيتش فى بالى لحد اما اتجوزنا .
بعد الجواز بقى واحد تانى خالص على فكرة انا اعلى من جوزى فى المستوى العلمى والاجتماعى والمادى ولبست النقاب بالفعل حتى بعد ما قلى انه هيكتفى بالاسدال او العباية وكبرت ماغى فعلا ولبسته .بقى كل حاجة يتلكك عليها وكل تمشية الرأى اللى انا مشيتها فى العفش فى فترة الخطوبه هو طلعها عليا بعد الجواز بقى كل حاجة يزعق ويتعصب ويهين ويقول كلام جارح دة بعد 5 يوم جواز تخيلى لدرجة انى قولتله كانت فارقة معاك اوى 5 ايام جواز دول ما كنت سبتنى فى بيت اهلى احسن . فى اليوم ال12 طلب منى انى ماخدش فلوس من حد واحنا بصراحة كنا فى البيت ومعناش فلوس فعلا واخدت فلوس من ماما فعرفت انه معهوش فلوس رحت مطلع الفلوس واديتهاله قامت الدنيا ومقعديتش وساعتها مد ايدة عليا وضربنى ضرب صعب اوى ساعتها اضايقت جدا وحسيت انى وقعت مع غول وخوفت منه جامد جدا . واول ما الناس تيجى عندى يقول انا مليش غيرها ده هى كل حياتى وتعبت من انه بمليون وش . وكرهت كدبه وانه عنده امكانية انه يقلب الحق باطل والباطل حق . بعد شهر من جوازى قامت بينا خناقة كبيرة جدا وساعتها انا كلمت والدى واخويا انهم ييجوا لى وفعلا جم واستغثت يوميها بالجيران واخويا سمع من برة على الباب تهزيئة وشتمته ليا بالاهل اخويا طبعا اتخانق معاه وجه والدى وشتمنى قصاده بابوى واهلى قام بابا ضربه لانه مش محترم وبعدها روحت لبيت والدى وهو جه صالحنى وروحت معاه البيت .
هو لمس انى شديدة التعلق باهلى ،وعلى النقيض معاه هو لو قعد مشفش اهلة او امه بالشهر ولا فارقة معاة حب يمنعنى من زيارة اهلى ولازم الزيارة هو يكون معايا وقعد يتحجج بالشغل وبقى معاه كارت ضدى فى اى وقت يحب يزعلنى يحكم عليا مروحش عندهم وانا استحملت وسكت وكنت ممكن اروحلهم حوالى 10 دقايق بعد الشغل واطمن عليهم من غير ما يعرف . فجاة لقيته بيقولى احنا عايزين نشيل فلوس - هو مسرف جدا- قولتله عين العقل . قالى احط باقى مرتبى فى البنك باسمه تتخيلى .بعدها باسبوعين حصلت خناقة بينا وضربنى فيها ضرب مبرح بالاقلام على وشى لدرجة انى حسيت انى جالى نزيف بعدها عتقنى وسابنى وقعد يحايلنى كالعادة يوميها انا مكانتش عايزة اقلع قدامه وقلعت هدومى فى الاوضة الثانية عارفة عمل اية راح مقطعلى الهدوم اللى انا لابسها وانا واقفة كدة ساعتها كانوا اهلى مسافرين عمرة واضطريت انى اقعد معاه لانى هروح فين . اثناء الخناقة انا تماسكت ومبينتش انى ضعيفة وشرطت عليه لو هو ضربنى او اهانى تانى انا هسيبله البيت وامشى وهو واعدنى بكدة . بعد كدة هو فعلا اتوقف عن الضرب ولكن لسانه طويل وفظيع كدا زى ما يكون هو بطل ضرب بس بيعاقبنى بانه يكدرنى ويزهقنى ويقهرنى ويحسسنى اد ايه هو عمل فيا جميل انه سابنى ومضربنيش لحد ما فى يوم روحنا عند اهلى بعد اسبوعين عقبال ما البيه فضى ورجعنا من عند اهلى كالعادة بينفخ ومش قادر مع ان الناس شايلينه على كفوف الر احة ويتمنوا له الرضا يرضى بس هو معندوش اصل واول ما بيشوف بيت اهلى بيركبه العصبى لانة الحمد لله كبير ونظم فحسيت انه بيتفرس عكس بيت اهلة مثلا .
اليوم اللى بعديه حكم عليا انى اروح معاه عند اهلة مع اننا لسه شايفنهم الاسبوع اللى قبله بس غيظ وكل ما يحب يصحينى يدفعنى فى راسى بدون اى احساس او حنية او مودة او رحمة اسلوبه فظ جدا جدا كان بيتلذذ بانه يشوفنى بتضايق او بتغاظ كان بيمتعه الاحساس ده جدا لدرجة انى لما روحت عند مامته اشتكيت منه وقولتلها انتى ما شفتيش منى حاجة وحشة كلمية وعقلية وخلية يتصرف معايا باسلوب محترم قالتلى انها ملهاش حكم عليه واخته كانت قاعدة وهى منفصلة قالتلى اية اللى زانقك على العيشة دى بصس مش صريحة يعنى .وحسيت انى وقعت فى بير ملوش قرار واليوم اللى بعديه قررت انى امشى من البيت لانى حتى ماكنتش طايقة اشوف وشة تانى ومشيت فعلا وقعد يتصل بيا كتير وانا مرديتش عليه واخته اتصلت بيا وامى اشتكيت لها من عمايل اخوها راح اتصل على البيت وامى اللى رديت عليه اتكلم معاها باسلوب غير محترم وقالها خلى بنتك عندكوما اتصلش تانى . وبابا واخويا اتصلوا بيه ورد عليهم رد فى منتهى السخافة .وروحت علشان اجيب حاجات ليا من الشقة لقيت البيه مغير الكالون . نسيت اقولك انه فى الاونه الخيرة كان بيتعامل معايا بخصوص العلاقة الحميمة بين الازواج بمنتهى المهانه وياخد اللى هو عايزة وبس مالوش دعوة بغيرة خالص لدرجة انى كنت بحب الايام اللى يكون عليا البيريود علشان ما ياخدش حاجة غصب عنى او بالاكراه .نسيت اقولك انه فى الخناقة والضرب الاخيرة كان عايز يخلينى اكتب ورقة انى متنازلة عن كافة حقوقى من نفقة ومتعة ومؤخر وحتى قائمة المنقولات انا طبعا استغربت جدا ففتشت بعدها فى ورقه لاقيته مكتب مراته القديمه نفس الورقة حسيت انى مع انسان ملوش امان ده السبب اللى دفعنى انى اسيب البيت وامشى .على فكرة انا روحت عند الدكتور اعمل تحاليل وهو مرديش ورفض خالص انه يروح وطبعا انا فهمت ان البيه عنده حاجة ومش عايز يقولى .
انا ذهبت لمحامى وشار عليا انى اكسر الباب واخد العفش وفعلا عملت كدة وهو طبعا عملنا محضر سرقة للشقة فهل الطريق اللى انا مشيته صح والا انا غلطانه ياريت تفيدينى