بندر بن سرور

[~الفراشة الجميلة~]

بندر بن سرور
بندر بن سرور بن خضير القسامي العتيبي. من مواليد القرارة أحدى توابع منطقة الدوادمي ولد في عام الف و ثلامية و ستين هجري، في سنة عرفت بربيع ربلان
فبعد وفاة والده تزوجت والدته رجلا اخر و انتقلت للعيش معه. انتقل بندر للعيش مع أمه و زوجها في رواية، و جلس عند عمه اخو ابوه في رواية اخرى, ولكنها-على كل حال- حياة افتقدت لحنان الاب و احتوت على ما تحتوي عليه حياة البادية عادة من قسوة و ترحال خلف الماء و الكلأ

[~الفراشة الجميلة~]

ماني وانا بندر براعٍ ولد راع ... انا الحصان اللي طوالٍ حباله إبن سلايل خير من شالت القاع ... المصطفى الهادي وديع الرسالة ماني وانا بندر ببيّاع دمه ... يقطعك يا بياع دمه و مهفيه اللي يبيّع لابسات الأزمه .. ثورن يبي بيض العماهيج تغنيه ماني وانا بندر بهيسن ولد هيس ... هيسٍ يدنع عند حرمة قصيره ليا بغيت اجلس ترى لي مجاليس ... وليا بغيت انهج دروبي عسيرة ماني وانا بندر بهيتٍ ولد هيت ... هيت مقابل خمّةٍ يكرهونه من كثر ما جرّبت وأقبلت و أقفيت ... قولة هلا من لا يودّك مهونة ماني وانا بندر على درب الأنجاس ... اللي قريبٍ تفلها من لحاها أنا بدرب الصيرمي عدم الأجناس ... زيزوم روق ليا تنصّت عداها ماني وانا بندر بنصّاي جابان ... شوخ الجموس مناقرين الحليلة ليا صار لي لازم نصيت ابو فيحان

[~الفراشة الجميلة~]

الله من عين طرقها صواديف
عميت ويبسن بالعروق الصخافي
شفت الوزا بالعين من عرض ماشيف
شفته وغيري من فطن له وشافي
وقت تغير فيه حتى العواصيف
جا في عواصيف الرياح أختلافي
شره قناطير وخيره مقاطيف
يفطن له اللي يرضع الديد غافي
كم واحد جاله زمانه على الكيف
واغترته نفسه يبا الجود وافي
يطلع مطاليع العلا بالسواليف
بين العذارى عد روحه سنافي
يفرح بهرج بالقفى يكره الضيف
قتات والقتات بالنار هافي
يعلق قصيره علقة النار بالليف
عي ولد عي زنوده ضعافي
ان رخصت الحذوه توفي عن الحيف
وان غليت الحذوه مشى اللاش حافي
يرقد ويلحق والدينه تخاليف
دايم ومرقد ميت النار دافي
هو مادرى ان الجود يبغى تكاليف
سهر الليالي مقبلات مقافي
يبغى يدين للعطايا مغاريف
ويبغى رجول ماتمل الوقافي
والصبر بنحور السنين الشواحيف
اللي قساها مثل حد الرهافي
مايقدرون الجود سود الأطاريف
مشاركة بيض النسا باللحافي

يقدر عليه اللي حكم نجد بالسيف
واودع مباغيض القبايل ولافي
عبد العزيز اللي يبث المصاريف
يجدع قناطير الذهب بالفيافي
يمشي على دربه جموع مراديف
نو تحدر ماه والجو صافي
يشدي لواقيط الزبيدي بعد ريف
ومما كسى البيدا تفيد الضعافي

[~الفراشة الجميلة~]

(سر ياقلم)
سر ياقلم مالي على الصبر طاقه
صبري تعدى الحد ماعاد ينطاق
أكتب لمثلي قصته واشتياقه
في خطك الواضح على بيض الأوراق
قصة حزين صافي الحر ذاقه
انا بذكره ماصله خاطري ضاق
باقو به الأصحاب والوقت باقه
وصار الضحيه بين باير وبواق
يمشي وهو ماحس في كسر ساقه
امسى على ساقين واصبح على ساق
مهذي سواة الوقت شين اصطفاقه
الوقت لو يصفى لك ايام دراق
لاشك يامن معك عقل ولباقه
بنصحك كان انك للأمثال تشتاق
صادق رجال يعرفون الصداقه
يقفون صفك يوم يبسات الأرياق
ومن يرغب فراقك فعجل فراقه
جاز الذي يجزيك أفراق بفراق
يقوله اللي جاير الوقت عاقه
ولازال في غيبوبة الهم مافاق
حظه على اقشر شي للنفس ساقه
بقبور الاحياء ينتظر يوم الأطلاق

[~الفراشة الجميلة~]

( لاتجربونه)
ياهل الونيت اللي يبي مشتل البيب
مادق صدره بالخطوط الغزيره
يوم يتخثع مع محير الأداعيب
يشدي تخثع جادل في حريره
لاتجربونه مايبي الفرت تجريب
قد جربه بالبيت الأبيض خبيره
عدوه لابن حزام سيد اللواعيب
لعاب زينات البيوت العسيره
ثم قل لقاعد مانبي منه تدريب
الوقت دربنا على كل سيره
لو كل من قاد السبب يعلم الغيب
ياما كرهت النفس من باب خيره
ان قفت الأيام ماها مغاريب
واليا اقبلت يازين صافي غديره
قل له رميت الكيس بين الشواريب
واليوم ادوج مالقيت اتعميره

[أم نجود الأحساء]

تسلمي يا قمر

[مآلـِي شبيـُہ]

تتسلمين حبوؤبه ..