أمـ خليفـة
23/06/2010, 08:59 PM
السلام عليكم ورحمة الله وبركاته
بصراحه مو عارفه اشلون ابدأ بالموضوع بس انا محتاجة رأي احد وصارلي فتره افكر وتعبت من التفكير وبالاخير مالقيت غير اني اسجل بالمنتدى واعرض مشكلتي بس وارتحت وااايد لمن شفت ان القسم خاص ومايقرا غير صاحب الموضوع والاختصاصي لان الموضوع وااايد حساس بالنسبة لي وان شاءالله احصل حل عشان ارتاح من التفكير..
اختي .. قصتي بالمختصر المفيد اهي:-
ان في شاب تقدم لي من اسبوعين وهالشخص انا حبيته من قلبي والحب كان متبادل من الطرفين..
هالشخص تقدم لي بصوره رسميه عند ابوي والحمدالله ابوي واااايد اعجبته اخلاقه وانه انسان مؤدب ومحترم ووووو من الصفات اللي كل أب يتمناهه في الزوج اللي بيرتبط ببنته..
سألنا عنه وعن اهله والحمدالله الكل يمدح فيه وباهله بس واجهة مشكلتين ... الاولى كنت اعرفها وعلى علم بها لكن الثانيه انصدمت ابها بفترة الخطبة (اللي اهي الفتره اللي اهلي سألوا فيها عن الشاب واهله):-
المشكله الاولى كانت انه مايشتغل على اساس انه ناوي يفتح مشروع وكان فعلا قاعد يدرس المشروع اللي فباله ويتصل بشركات عشان يتعامل معاهم ومن هالكلام.. (بس طبعا ابوي ماعجبه هالشي لان من رايه ان الشخص اللي بيرتبط ببنته لازم يشتغل ويكون عنده دخل شهري ثابت واحتمال المشروع ماينجح!! )
المشكله الثانيه واهي الرئيسية ان لمن سألنا عنه اكتشفنا ان والد الشاب مب سني المذهب .. للعلم انا سنيه وكل اهلي سنه وحتى الشاب سني وامه واخوانه وخواله كلهم سنه .. ماعدا ابوه شيعي المذهب...
هالشي سبب ان اهلي يترددون فالموضوع..
فالبدايه انا ما اهتميت لهالمشكله لان الشخص اللي انا راح ارتبط فيه بالاصل سني المذهب ومايخصه اذا كان ابوه من مذهب ثاني بس طبعا اهلي مايشوفون هالشي بالاضافه الى انهم يخافون من مشاكل بالمستقبل ممكن اني اواجهها بسبب هالشي ومن هالاكلام خصوصا اني ملتزمه واهو اهله فري شوي.
باليوم اللي اهلي كلموني وناقشوني بهالموضوع اهني بديت اشوف الموضوع من وجهة نظرهم اهمه .. بديت اشوف الكلام اللي ممكن اهلي يواجهونه واهني اتخذت قرار اني اريح اهلي على حساب نفسي وسعادتي...
قلت لهم قراري وكلمت الشاب على اساس ان مافي نصيب.....
صار على الموضوع 13 يوم من وقت ماكلمت الشاب وقلت له مافي نصيب .. بس المشكله الحين اني مو قادره انساه .. انا حبيته من كل قلبي وادعي بكل صلاة ان ربي يحفظه ويسهل عليه ويوفقه بحياته وان شاءالله ربي بيعوضني خير بس المشكله مب قادره!! قاعده ادعي واقوي نفسي واقرا قرآن بس المشكله اني ما اقدر انساه وما اقدر اتقبل حياتي بدونه ..
كل شي يذكرني فيه .. احلامنا مع بعض وكل حياتنا اللي خططناهه واشلون بنعيشها .. كل شي وكل ذكرى من بينا مو قادره انساهه...
يصير بخاطري اتراجع عن قراري واعيش بالسعاده اللي اتمناهه بس خايفه من هالخطوه..
بلييز خبريني شنو لازم اسوي ؟؟ مو عارفه هل اتبع قلبي او شنو اسوي بالضبط؟!!
انا وااايد تعبانة من التفكير .. فياريت لو تساعديني بحل لمشكلتي...
يعطيج العافيه اختي وبانتظار مساعدتج...
بصراحه مو عارفه اشلون ابدأ بالموضوع بس انا محتاجة رأي احد وصارلي فتره افكر وتعبت من التفكير وبالاخير مالقيت غير اني اسجل بالمنتدى واعرض مشكلتي بس وارتحت وااايد لمن شفت ان القسم خاص ومايقرا غير صاحب الموضوع والاختصاصي لان الموضوع وااايد حساس بالنسبة لي وان شاءالله احصل حل عشان ارتاح من التفكير..
اختي .. قصتي بالمختصر المفيد اهي:-
ان في شاب تقدم لي من اسبوعين وهالشخص انا حبيته من قلبي والحب كان متبادل من الطرفين..
هالشخص تقدم لي بصوره رسميه عند ابوي والحمدالله ابوي واااايد اعجبته اخلاقه وانه انسان مؤدب ومحترم ووووو من الصفات اللي كل أب يتمناهه في الزوج اللي بيرتبط ببنته..
سألنا عنه وعن اهله والحمدالله الكل يمدح فيه وباهله بس واجهة مشكلتين ... الاولى كنت اعرفها وعلى علم بها لكن الثانيه انصدمت ابها بفترة الخطبة (اللي اهي الفتره اللي اهلي سألوا فيها عن الشاب واهله):-
المشكله الاولى كانت انه مايشتغل على اساس انه ناوي يفتح مشروع وكان فعلا قاعد يدرس المشروع اللي فباله ويتصل بشركات عشان يتعامل معاهم ومن هالكلام.. (بس طبعا ابوي ماعجبه هالشي لان من رايه ان الشخص اللي بيرتبط ببنته لازم يشتغل ويكون عنده دخل شهري ثابت واحتمال المشروع ماينجح!! )
المشكله الثانيه واهي الرئيسية ان لمن سألنا عنه اكتشفنا ان والد الشاب مب سني المذهب .. للعلم انا سنيه وكل اهلي سنه وحتى الشاب سني وامه واخوانه وخواله كلهم سنه .. ماعدا ابوه شيعي المذهب...
هالشي سبب ان اهلي يترددون فالموضوع..
فالبدايه انا ما اهتميت لهالمشكله لان الشخص اللي انا راح ارتبط فيه بالاصل سني المذهب ومايخصه اذا كان ابوه من مذهب ثاني بس طبعا اهلي مايشوفون هالشي بالاضافه الى انهم يخافون من مشاكل بالمستقبل ممكن اني اواجهها بسبب هالشي ومن هالاكلام خصوصا اني ملتزمه واهو اهله فري شوي.
باليوم اللي اهلي كلموني وناقشوني بهالموضوع اهني بديت اشوف الموضوع من وجهة نظرهم اهمه .. بديت اشوف الكلام اللي ممكن اهلي يواجهونه واهني اتخذت قرار اني اريح اهلي على حساب نفسي وسعادتي...
قلت لهم قراري وكلمت الشاب على اساس ان مافي نصيب.....
صار على الموضوع 13 يوم من وقت ماكلمت الشاب وقلت له مافي نصيب .. بس المشكله الحين اني مو قادره انساه .. انا حبيته من كل قلبي وادعي بكل صلاة ان ربي يحفظه ويسهل عليه ويوفقه بحياته وان شاءالله ربي بيعوضني خير بس المشكله مب قادره!! قاعده ادعي واقوي نفسي واقرا قرآن بس المشكله اني ما اقدر انساه وما اقدر اتقبل حياتي بدونه ..
كل شي يذكرني فيه .. احلامنا مع بعض وكل حياتنا اللي خططناهه واشلون بنعيشها .. كل شي وكل ذكرى من بينا مو قادره انساهه...
يصير بخاطري اتراجع عن قراري واعيش بالسعاده اللي اتمناهه بس خايفه من هالخطوه..
بلييز خبريني شنو لازم اسوي ؟؟ مو عارفه هل اتبع قلبي او شنو اسوي بالضبط؟!!
انا وااايد تعبانة من التفكير .. فياريت لو تساعديني بحل لمشكلتي...
يعطيج العافيه اختي وبانتظار مساعدتج...