مشاهدة النسخة كاملة : بنتي سمراء كثير ابقي حل يفتح بشرتها
جنوتي
05/06/2010, 01:35 PM
السلام عليكم خواتي جميعا
يارب تكونوا بصحة وسلامة وعافية
مالكم بالطويلة
انا مشكلتي عندي بنتي عمرها 5 سنوات بشرتها سمراء كثير وضعيفة
مشكلة الضعف من قلة الاكل مافاد معها فاتح شهية ولا غيرة كل الدكاترة في الدمام وفي الحساء عجزوا عن هالبنت ان تنفتح شهيتها ما علينا انا تأقلمت على هالشي بس المشكلة عندي الان في لون بشرتها وهالات سوداء حول عيونها وودي في خلطات تفتح لون بشرتها بشرط انها تكون مضمونة
تعرفون هذي بنتي واغلى ما في حياتي ما اقدر اخليها لتجارب
الله يخليكم ساعدوني
الله يعطيكم اللي تتمنون
بيانسيهq8
05/06/2010, 02:24 PM
حرام عليج البنت صغيره .. لي متى عندكم عقده من اللون ؟؟
الحين السمار صار مشكله ويبيلها حل ؟
الله يكملنا بعقلنا بس
الهالات السوداء و الضعف بسبب سوء تغذيه او نقص حديد
سويلها تحليل شامل و نظام غذائي متكامل و مقويات اذا تحتاج
و راح تتحسن صحتها
اذا بنتج اغلى ما عندج مثل ما تقولين عطيها ثقه بنفسها
وخليها تحب و تعتز بشكلها و بلونها .. مو تحسسينها بالنقص
وان لونها (الاسمر) عيب و مشكله محتاجه حل !!!!
*الحب الكبير*
05/06/2010, 03:15 PM
لا تتضايقين ولاشي انا مع كلام بيانسيه تو البنت صغيرة تخربين بشرتها بالامور انصحك تودينها لدكتور استشاري بالاطفال
وثانيا هذا لونها تغيرين خلقه الله احمدي ربك على الصحه والعافيه وارضي بقسمة الله عليك
لاحول ولا قوة الا بالله ..
لولوه5
05/06/2010, 03:19 PM
حرام عليج البنت صغيره .. لي متى عندكم عقده من اللون ؟؟
الحين السمار صار مشكله ويبيلها حل ؟
الله يكملنا بعقلنا بس
الهالات السوداء و الضعف بسبب سوء تغذيه او نقص حديد
سويلها تحليل شامل و نظام غذائي متكامل و مقويات اذا تحتاج
و راح تتحسن صحتها
اذا بنتج اغلى ما عندج مثل ما تقولين عطيها ثقه بنفسها
وخليها تحب و تعتز بشكلها و بلونها .. مو تحسسينها بالنقص
وان لونها (الاسمر) عيب و مشكله محتاجه حل !!!!
Lmne BshoG
05/06/2010, 03:23 PM
لا تسوينلها شي
البنت يبيلها تغذيه وشرب ماي بس
حاولي تلاعبينها وانتي تاكليها
اكليها مع اطفال
العبي انتي وياها وريلج كنها لعبه
قطعي فواكه وحطيها بصحن حلو ف مكان تقدر توصله طول اليوم لما تشتهي بتروح له
وعصاير
وهيك مايبيلها خلطات يبيلها تغذيه وطولت بال
girlylady
05/06/2010, 03:24 PM
بسالك بنتك شلون نومها ؟
انا ابي احاول معاك احل مشكلة الاكل
بس السمار مب مشكلة حتى نضع لها حلول البنت صغيرة وبشرتها حساسة حبيبتي الله يرضى عليك
لا تلعبي في بشرتها بااجر اذا طلعت لها حساسية ولا التهابات انتي الملامة
مس ليمار
05/06/2010, 04:03 PM
غسليها بصابون مغربي وصابون الغار يفتح حيييييييييييييييل
بعدين البنت صغيره
والله ع بالي كبيره وقاعده تدورين لها عريس
FATIOoM.BRITISsH
05/06/2010, 05:12 PM
حراام صغيره توى النااس عليها
عن سالفة الاكل سوى لها اسكال كرتونيه
فالاكل مثلا ترسمى ع العجينه خشم و عيون و حلج
يعني خلى الاكل عندهها متعه
جنوتي
05/06/2010, 05:36 PM
خواتي عزيزاتي انتوا ليش هجمتوا علي بهالطريقة
انا عمري ماقلت لها انتي سمراء او موحلوة دائما اقول لها انتي اجمل بنت في العالم ولا عمري حسستها بالنقص
على الرغم ان عندها خوات من ابوها واخو وكلهم بيض بياض وردي ولما احد من اخوانها يعايرها على طول احط له حد ما اسمح للأي كان يتكلم عنها وعالى الرغم من ان اخوانها بيض الا ان ملامحها حلوة كثير مثلهم او احلى بعد
المشكلة مو فيني انا المشكلة انا خايفة لما تروح المدرسة وبعض البنات قليلات ادب مع الاسف رايحين يقارنون بينها وبين خواتها
على الرغم ان ابوها يقول لي صبري عليها لما تكبر وتقوم تاكل اكيد بيفتح لونها
الا اني ودي في كريم او خلطة طبيعية اعودها عليها من وهي صغيرة علشان تتعود على الاهتمام في نفسها لما تكبر
اما بالنسبة للنظام الغذائي ما جاي ينفع معها شي عنيدة ما تاكل الا اللي تحبه وهو الجبن والحلاوة الطحينية والخبز الكورن فليكس يعني ماتحب الخضروات حتى الفواكه ماتحب منها الا التفاح والموز بس والبرتقال نوعا ما
والرز ماتحبه الا ابيض مسلوق لدرجة ان الدكتور قال لي حرميها من الشيبس والحلويات وفعلا حرمتها ولا نفع اذا جاعت تاكل خبز جاف بدون شي وتشرب عصير
بالمختصر من ناحية الاكل متعبتني كثير بالترغيب بالترهيب بالادوية مافي فايدة ما تاكل
على العموم مشكورين على مروركم الطيب
ريما الخليجية
06/06/2010, 03:30 AM
أختي الغالية
بارك الله فيك وفي بنتك و جعلها غرة عين لك ولوالدها
طيب أنتِ تعودتِ على إنها ماتاكل وعلى ضعفها وماتعودتِ على لونها ؟
لو إن أخوانها بياضهم على وردي هذا يعني أن سمارها من أحلى البشرات
وإذا حبيتِ أنك تعوديها على شيء من الحين عوديها على الأكل الصحي
وابتعدي عن أي خلطات لأن كلها كم سنة وهي بنفسها بتتعلم على الخلطات والاهتمام بالنفس
Alia85
06/06/2010, 03:48 AM
فدييييييتها يا ربي ...... صدقيني بتطلع احلى وحده
وبعدين لو سمره عاااادي عاااادي بتتغير يوم تكبر ... انا يوم كنت ياهل كنت سمرا واااايد والله اشوف الصور مب جني انا لول
انتي تاكلينها بروحها ؟؟؟
احسن شي انكم تاكلون مجمووعه يعني اكليها وياكم لانهم يحبوون اللمه سبحان الله عيال اختي جذيه
وشجعيها ولاعبيها .. وعادي لو تاكل كل شي حاف يعني خبزه والا عيش .. معظم اليهال جيه اهم شي ماتغصبينهم ع الاكل ...
والله يخليها لج :) ولا تستهمين وايد
جنوتي
06/06/2010, 10:59 AM
خواتي رينا الخليجية وعلياء
الله يعطيكم العافية مشكورين على ردوكم الحلوة اللي مثلكم الله يوفقكم لكل خير
Lmne BshoG
06/06/2010, 11:10 AM
امممم الظاهر زعلتي من الردود
اختي احنا مو ضدج احنا معاج
وصدقيني هالردود جت من خوفنا عالبنوته اكيد ماحنخاف عليها اكثر منك
انصحج تعوديها ع الترطيب
ترطب جسمها بزيت او كريم بكذا راح تتفادى مشاكل كثيرررره لما تكبر منها السمار والتشققات اللي تحصل بسن المراهقه واصلا حتى لونها بيفتح مع الترطيب
الله يوفق الجميع
FATIOoM.BRITISsH
06/06/2010, 11:16 AM
انا اشووف بعدها صغيره ع الخلطاات
صبري عليها شووي ^^
ما هجمنا عليج من خوفنا عليها حبوبه ^^"
الله يخليلك البنوته
^_^
طبيعي الصغار يسمرون من اللعب تحت الشمس .... وشمسنا حااااارة ... لما تكبر شوي شوي بشرتها بتتغير .. خصوصا لما تكبر وهي تعتني في بشرتها
وغير كذا انتي قلتي عندها سوء تغذية ... وهالشي يسمر ... أعرف وحده عندها سوء تغذية ... وجهها أسمررر غير يدها ماشاءالله بيضا ...
أعتقد الحل في التغذية مو أكثر من كذا
بس انتي حاولي تنسي هالموضوع ...... بعدها صغيرونة فديتها ... انسيه وتقبليها مثل ما هي ..... مع الوقت بتاكل طبيعي ان شاء الله
العثمانية
06/06/2010, 09:11 PM
السلام عليكم خواتي جميعا
يارب تكونوا بصحة وسلامة وعافية
مالكم بالطويلة
انا مشكلتي عندي بنتي عمرها 5 سنوات بشرتها سمراء كثير وضعيفة
مشكلة الضعف من قلة الاكل مافاد معها فاتح شهية ولا غيرة كل الدكاترة في الدمام وفي الحساء عجزوا عن هالبنت ان تنفتح شهيتها ما علينا انا تأقلمت على هالشي بس المشكلة عندي الان في لون بشرتها وهالات سوداء حول عيونها وودي في خلطات تفتح لون بشرتها بشرط انها تكون مضمونة
تعرفون هذي بنتي واغلى ما في حياتي ما اقدر اخليها لتجارب
الله يخليكم ساعدوني
الله يعطيكم اللي تتمنون
اخلطي الصابون السائل مع ملعقة كركم ويدللك عند الاستحمام ثم يغسل بماء ويدهن بزيت زيتون
جنوتي
07/06/2010, 05:26 PM
اعرف انكم ماقلتوا هالكلام لي الا من باب النصيحة والخوف على بنتي
الله يعطيكم الف عافية ولا يحرمني من تعاونكم