نوفه الجميله
01/06/2010, 10:44 PM
السلام عليكم و رحمة الله و بركاته
شلونج؟؟ عساج بخير ؟؟؟
حبيت أطرح عليج مشكلتي " أتمنى انها تكون خاصه" بس هاذي مشكلتي في العمل .. و أنا تعبت نفسيا :thumbs_down: أحس محد فاهمني.. و أنا أحاول أحل مشكلتي بس مب قادره
ببدا أقولج:
أنا حصلت على وظيفه و ألحين لي 4 شهور من داومت " مب مثبته" أكمل ست شهور و بعدين أتثبت.. المهم.. أنا من داومت و أنا أحس نفسي مب مرتاحه.. خاصه اني أمر في ظروف عائليه خاصه " صعبه جدا" .. فأحس ان ضغط عليي..
ثاني شي .. أنا أساسا أحس اني تعقدت وايد من وضعي و طريقة تعامل رئيسي وياي.. انسان ظالم و جشع و منافق و أناني و يكره الحريم.. أنا من النوع الي هاديه وايد ، مثل ما تقولون " ما يخصني في الدنيا" .. محافظه ما أحب الخرابيط.. لأنه مب مسلم فعشان جيه مب عايبتنه اني أنا على قولته " ما أتكلم أبدا و متحفظه".. المهم.. وايد سوالف و خرابيط يسويها من وراي .. المهم يبا يعقني في وهقه.. يشكك فيني اذا شي نقص أو اخترب أو اختفى أو شي غلط .. كله يقولي انتي ما تعرفين و يعق الأوراق في ويهي.. خاصه الرسايل.. كله يقول ان كلماته على قولته " سويتها بجهدي" و عشان أتأكد أكثر ، شليتها وديتها عند موظف متخصص عندنا في الدائره كل حد يلجأله.. قالي ممتاز نحويا و لغويا و أنا أعطيج 80% على اسلوبج في سرد الرسايل.. تخيلي كل الموظفين الي جداد حتى ما كملو شهر.. إيون و رؤسائهم يسعولهم يحطون لهم تلفون تحويله و كمبيوتر .. و آنا ولا شي حاطلي من هالأشيا " مو الطرد بعينه هذا؟؟"أصلا ذل أخلاقي لين ما عطاني باسووورد و ياليت مثل باقي الموظفين أقدر أفتح أي كمبيوتر، آخر شي الموظفه الي معاي أستخدم كبيوترها .. طفرت جان تقولي " ييبي لا بتوبج من البيت و اشتغلي عليه"
هاذا بشكل عام.. شو الي حاصل؟؟؟ و شو سويت؟؟؟
أنا تجرأت و سرت عند مسؤول شؤون الموظفين لأن يتابع أمور المتدربين الي مثلي.. قلتله عن كل شي و كل حركاته و خاصه " تكسير المياديف".. وانه يتعاون ويا الموظفه الي معاي ضدي.. يقصون عليي يعطوني شغل و هم يقعدون داخل و يتصاصرون عشان ما أسمعهم.. جننوني والله..
آخر شي رد عليي المسؤول:"انتي ظاهره بشخصيه غير شخصيتج، انتي متحفظه حاولي تتكلمين و انتي و انتي .... إلخ حط الغلط كله عليي و قال "انتي يايه تشتكين عليهم؟" حسسني اني جايه أشحت من عنده و انقهرت لما شفت حركة ايده و هو يأشر.
ألحين أحس نفسي كارهه الشغل، أبي أقعد بالبيت بكرامتي ولا حد يذلني و يعاملني بهالأسلوب الوقح..
أنا محتاجه للراتب.. محتاجه ان شخصيتي تتغير.. محتاجه اني أحتك بالناس.. بس للأسف.. حظي ردي..
المشكله أساسا بدت من وين؟؟؟ أمي ترا الي خططتلي مستقبلي.. لو أنا قاعده بالبيت جان أحسن لي.. كنت أقوللها خليني أختار المكان الي أبيه و هي تقولي لا.. إلا هالمكان و أنا أعرف ان الناس الي فيه مب زينين في التعامل..لو أنا مب مجربه طبيعة العمل قبل جان ما قلتلها ما أبي.. لأن وايد مواقف غير هاذي مرت عليي بس مو أصعب من هاذي، بس كنت متحمله لأن الكليه كانت مطرشتني لكورس تدريبي.. كنت أقول ما عليه فتره و تعدي
أمي ما كانت تفهم، أو ما تستوعب الي في خاطري.. ضغطت عليي لين ما وافقت على الوظيفه و ليتني ما وافقت.. أنا مب من النوع الي أفتحلها قلبي عشان ما تشيل همي.. بس ألحين صرت يوم بيوم أييبلها تقرير عن حركات هالمجنون و آخر شي تقولي " اصبري ما عليه"
اختي .. أنا ما قلتلج كل شي.. بس أنا مريت بظروف نفسيه صعبه كنت أيامها بكامل قواي في الصبر.. بس ألحين ما أقدر لأن هالشي أثر عليي صحيا.. ما تفهم أمي.. الدكتوره قايله لها بس هي ما تقدر هالشي.. الظاهر يتريوني لين يصير عليي شي!!!!
شلونج؟؟ عساج بخير ؟؟؟
حبيت أطرح عليج مشكلتي " أتمنى انها تكون خاصه" بس هاذي مشكلتي في العمل .. و أنا تعبت نفسيا :thumbs_down: أحس محد فاهمني.. و أنا أحاول أحل مشكلتي بس مب قادره
ببدا أقولج:
أنا حصلت على وظيفه و ألحين لي 4 شهور من داومت " مب مثبته" أكمل ست شهور و بعدين أتثبت.. المهم.. أنا من داومت و أنا أحس نفسي مب مرتاحه.. خاصه اني أمر في ظروف عائليه خاصه " صعبه جدا" .. فأحس ان ضغط عليي..
ثاني شي .. أنا أساسا أحس اني تعقدت وايد من وضعي و طريقة تعامل رئيسي وياي.. انسان ظالم و جشع و منافق و أناني و يكره الحريم.. أنا من النوع الي هاديه وايد ، مثل ما تقولون " ما يخصني في الدنيا" .. محافظه ما أحب الخرابيط.. لأنه مب مسلم فعشان جيه مب عايبتنه اني أنا على قولته " ما أتكلم أبدا و متحفظه".. المهم.. وايد سوالف و خرابيط يسويها من وراي .. المهم يبا يعقني في وهقه.. يشكك فيني اذا شي نقص أو اخترب أو اختفى أو شي غلط .. كله يقولي انتي ما تعرفين و يعق الأوراق في ويهي.. خاصه الرسايل.. كله يقول ان كلماته على قولته " سويتها بجهدي" و عشان أتأكد أكثر ، شليتها وديتها عند موظف متخصص عندنا في الدائره كل حد يلجأله.. قالي ممتاز نحويا و لغويا و أنا أعطيج 80% على اسلوبج في سرد الرسايل.. تخيلي كل الموظفين الي جداد حتى ما كملو شهر.. إيون و رؤسائهم يسعولهم يحطون لهم تلفون تحويله و كمبيوتر .. و آنا ولا شي حاطلي من هالأشيا " مو الطرد بعينه هذا؟؟"أصلا ذل أخلاقي لين ما عطاني باسووورد و ياليت مثل باقي الموظفين أقدر أفتح أي كمبيوتر، آخر شي الموظفه الي معاي أستخدم كبيوترها .. طفرت جان تقولي " ييبي لا بتوبج من البيت و اشتغلي عليه"
هاذا بشكل عام.. شو الي حاصل؟؟؟ و شو سويت؟؟؟
أنا تجرأت و سرت عند مسؤول شؤون الموظفين لأن يتابع أمور المتدربين الي مثلي.. قلتله عن كل شي و كل حركاته و خاصه " تكسير المياديف".. وانه يتعاون ويا الموظفه الي معاي ضدي.. يقصون عليي يعطوني شغل و هم يقعدون داخل و يتصاصرون عشان ما أسمعهم.. جننوني والله..
آخر شي رد عليي المسؤول:"انتي ظاهره بشخصيه غير شخصيتج، انتي متحفظه حاولي تتكلمين و انتي و انتي .... إلخ حط الغلط كله عليي و قال "انتي يايه تشتكين عليهم؟" حسسني اني جايه أشحت من عنده و انقهرت لما شفت حركة ايده و هو يأشر.
ألحين أحس نفسي كارهه الشغل، أبي أقعد بالبيت بكرامتي ولا حد يذلني و يعاملني بهالأسلوب الوقح..
أنا محتاجه للراتب.. محتاجه ان شخصيتي تتغير.. محتاجه اني أحتك بالناس.. بس للأسف.. حظي ردي..
المشكله أساسا بدت من وين؟؟؟ أمي ترا الي خططتلي مستقبلي.. لو أنا قاعده بالبيت جان أحسن لي.. كنت أقوللها خليني أختار المكان الي أبيه و هي تقولي لا.. إلا هالمكان و أنا أعرف ان الناس الي فيه مب زينين في التعامل..لو أنا مب مجربه طبيعة العمل قبل جان ما قلتلها ما أبي.. لأن وايد مواقف غير هاذي مرت عليي بس مو أصعب من هاذي، بس كنت متحمله لأن الكليه كانت مطرشتني لكورس تدريبي.. كنت أقول ما عليه فتره و تعدي
أمي ما كانت تفهم، أو ما تستوعب الي في خاطري.. ضغطت عليي لين ما وافقت على الوظيفه و ليتني ما وافقت.. أنا مب من النوع الي أفتحلها قلبي عشان ما تشيل همي.. بس ألحين صرت يوم بيوم أييبلها تقرير عن حركات هالمجنون و آخر شي تقولي " اصبري ما عليه"
اختي .. أنا ما قلتلج كل شي.. بس أنا مريت بظروف نفسيه صعبه كنت أيامها بكامل قواي في الصبر.. بس ألحين ما أقدر لأن هالشي أثر عليي صحيا.. ما تفهم أمي.. الدكتوره قايله لها بس هي ما تقدر هالشي.. الظاهر يتريوني لين يصير عليي شي!!!!