المساعد الشخصي الرقمي

مشاهدة النسخة كاملة : مشكلتي مع خالات زوجي



حياتو أنا
29/05/2010, 11:13 AM
مراحب يا اخصائيتنا
انا أبي اطرح لج موضوعي
انا الحمد لله عايشه في بيت أهل زوجي
وتعاملهم معاي الحمد لله زين
بس مشكلتي أهل زوجي ( خالاته )
تصدقين كل اربعاء وخميس يجون عندنا
ومرات الاحد بعد أو الثلاثاء يعني اغلب الاسبوع عندنا
لا وأهمه وعيالهم بعد
مشكلتي أن عمتي ( ام زوجي ) تبيهم يجون عندنا دائما
فتجلس تضيفهم وتدلعهم يمكن هالشي طبيعي لانهم اهلها
بس مو كل يوم طايحين عندنا هذا ما صار بيت
والمشكلة تبيني أجلس عندهم لما يجون
وتصدقين أهمه يجون من العصر تقريبا 4 لحد الساعه 11 بالليل
ويخلون عيالهم ببيتنا ويروحون يتسوقون ومعاهم اخوات زوجي
يعني اهمه هذا جدولهم من قبل لا اتزوج واسكن معهم
وانا عندي بنوتي عمرها 7 اشهر فأكون مشغوله معاها
اعطيها اكل وأبدل لها وأعطيها حليب
ولما تنام استغل الوضع وأنظف غرفتي وانظف الحمام ( أكرمك الله )
تصدقين أن عيالهم مسوين فوضى في البيت وكل شي اسمعه بغرفتي
لانها قريبه من الغرفة اللي يجلسون فيها
وأسمع ربشة وايد من غير ضحكاتهم العاليه جدا وصراخهم
يعني انا اجي من الدوام الساعد 2.30 واتغدى وانوم بنوتي بعدين انام
يعني انام على الساعه 3:30
واهمه الساعه 4 او 4:30 يدقون جلس البيت
وتبدأ الربشة والصراخ يعني حرام كذا
شنو ما يحسون

تصدقين لما اجو عندنا الاربعاء اللي طاف
انا كنت بغرفتي ابدل لبنوتي ملابسها واعطيها أكل
وجلست انظف الغرفة
وبعدين طلعت من غرفتك
وقالت لي عمتي ( ام زوجي ) قدام خواتها

انتي زوجك حاط لك بقرة في الغرفة تحلبيها
تصدقين قدامهم وانا انحرجت واااايد واهمه يضحكون
ليش كذا يبوني اجلس معاهم طول الوقت
بس انا عندي بنوتي ماخذه وقتي وعندي تنظيف للغرفة وترتيبها

وبعد تصدقين انه الغرفة اللي يجلسون فيها ضيقة يا دوب تكفيهم اهمه وعيالهم
ولما ادخل اجلس عندهم أو أسلم عليهم ما احصل مكان اجلس
أنا احس انه لما يجون اخوات عمتي احس عمتي تتباهى قداهم وترمي علي كلام جارح
ما ادري ليش ؟

ولما اطلع من غرفتي اروح المطبخ
عشان اعمل وجبة حق بنوتي
يقولون لي لا تعطينها كذا ومو زين كذا
مع اني قبل لا اسوي شي حق بنوتي أشاور اختي الكبيرة واهي ام لطفلين
فهي محل ثقة
وكله يتدخلون في شؤون عائلتنا
يعني زوجي يقول لي لا تسوين كذا حق البنوته
لان خالتي فلانه قالت مو زين
ولازم نشتري للبنوته كذا لان خالتي فلانه الثانية قالت كذا
شنو هذا يتدخلون ليش
أهمه مو ينصحون أهمه يأمرون بهالطريقة
شنو الحل في رأيج

شلون اتعامل مع خلات زوجي ؟
شلون اتعامل مع عمتي ام زوجي) لما ترمي على كلام جارح قدامهم ؟

الله يجزاك الف خير

SHREEFA
02/06/2010, 12:25 AM
السلام عليكم
غاليتي
اكثر الناس اللي يقعدون في بيت اهل زوجهم هذي مشكلتهم
اذا مو من خوات الزوج من اهله والناس اللي داخله وطالعه
اللي عليج تسوينه شي واحد مو ضروري تطلعين من غرفتج كل مره يكونون موجودين فيها
رفعي نفسج عنهم
واذا قالوا لج شي قولي ان شاءالله واللي اشوفه افضل لبنتي راح اسويه ماراح اسوي شي يضرها
وبس

وبخصوص خالتج تتكلم بكل عفويه جدامهم ويمكن بعد تشوف حالها واني خاله بحق وحقيقي :)

لاتهتمين وماكو الا العافيه



دمتم سالمين
اختكم شريفة