محتاجة النصحية

[شجــن]

مساء الخير ..

صار ليي مخطوبة شهرين تقريبا ..
انخطبت عن قصة حب دامت 3 سنين تقريبا ..
والحمدلله خطيبي يموت فيي ولحد الحين .. المشكلة اني اول وحدة تنخطب بالبيت صارت ليي مشاكل بداية الخطوبة بيني وبين اهلي ..
وامي الله يخليها في كل شي بيني وبن خطيبي تتدخل حتى الاشياء الخاصة اللي تصير بين الزوجين تسالني شنو صار ؟ ماادري اذا اهي صح ولا اني الصح :(
ثاني شي ان اخته الكبيرة صار بيني وبينها موقف ماعجبني منها .. بداية الخطوبة سيده قررت على كيفها ان نسكن في شقة جنب بيتهم واحنا كنا مقررين ان راح يسكني فـ ديرتي ومنها قال ان راح يسكني هناك :( وصارت بينا مشاكل على هالسالفة ..
بيت اهل خطيبي ماارتاح فيه كلش .. والسبب ان ماليي مكان زين في بيتهم ومستواهم غير عن مستوانا يعني بس غرفة والحمام بره وقديم .. مع ان عمتي الحمدلله كلش طيبة وخواته بعد طيبين بس لان طبيعتي خجولة مااحتك في خواته واجد

الحين استخرت و قررت ان ابي اتزوج يعني بسافر المدينة وبتزوج هناك والشقة بنأثث حاليا بس غرفة النوم لان الظروف ما تسمح ..
وحاسة خطيبي متضايق من هالسالفة لان راح يقترض علشان الشقة والزواج والديون اللي عليه ..
احسه كل ما يمر الوقت يبتعد عني .. اذا اكلمه عن مستقبلنا يتهرب .. ومو عارفة شسوي .. فاتحته فالسالفة قال ليي ان بعده مااقترض علشان جذي ما يحب يتكلم فالموضوع ..

شنو تنصحيني ؟ F:

[شجــن]

نسيت بعد اقول ان الشي اللي خلاني اعجل زواجي اهو ان من انخطبت صار ماليي مكان بالبيت سريري شالوه من غرفتي والحين انام في مجلس بيتنا علشان جذي احس روح متلتهة بين بيت عمي وبيتنا ..
واللي مضايقني اكثر ان انقل اغراضي ما بين مكان لمكان وثيال زوجي احملهم هني اغسلهم واكويهم

واحنا لحين في بداية المشوار حتى سيارة خطيبي ماعنده
علشان جذي القرض لو اخذه راح يكون مبلغ كبير { لسيارة+ ديون + تأثيث + زواج }

[SHREEFA]

ادعي الله بان يسهل اموركم ويبارك لكم في رزقكم ومافيها شي ان الزوجة تساعد زوجها في المصرف وهذا من كيفها من طيبة خاطر
ودائما ادعي هالدعاااااء

دعاء قضاء الدين وسعة الرزق


-عن علي رضي الله عنه قال:قال رسول الله(صلى الله عليه و سلم)
[الا اعلمك كلمات لو كان عليك مثل جبل صِير دينا ادّاه الله عنك قل:اللهم اكفني بحلالك عن حرامك،
و اغنني بفضلك عمن سواك]رواه احمد و الترمذي و الحاكم
-عن معاذ رضي اللع عنه قال:قال رسول الله(صلى الله عليه و سلم)
[يا معاذ،الا اعلمك دعاء تدعو به فلو كان عليك من الدين مثل صبير ادّاه عنك،فادع الله يا معاذ قل:
{اللهم مالك الملك تؤتي الملك من تشاء و تنزع الملك ممن تشاء و تعز من تشاء و تذل من تشاء بيدك
الخير انك على كل شيء قدير.تولج الليل في النهار و تولج النهار في الليل و تخرج الحي من الميت
و تخرج الميت من الحي و ترزق من تشاء بغير حساب}
رحمن الدنيا و الاخرة و رحيمهما،تعطي من تشاء منهما و تمنع من تشاء،ارحمني رحمة تغنني بها عن رحمة سواك]رواه الطبراني
-عن ابن مسعود رضي الله عنه قال:قال رسول الله(صلى الله عليه و سلم)
[من قرا سورة الواقعة في كل ليلة لم تصبه فاقة ابدا]رواه البيهقي(ضعيف)
و الاستغفار مفتاح الرزق [من لزم الاستغفار جعل الله له من كل
ضيق مخرجا و من كل همّ فرجا و رزقه من حيث لا يحتسب]رواه ابو داود



والله يفرج همكم اللهم امين



دمتم سالمين
اختكم شريفة