خاطري اكمل ماستر ..بس محتاره بالتخصص ؟؟

[فطوم المزيونة]

السلام عليكم


بختصار ...انا تخرجت من سنتين >قسم تربيه خاصه

كنت ناويه اكمل ماستر موازي بنفس مجالي بس للأسف شروطهم خبره سنتين

وانا ما ابي اضيع سنين اكثر من عمري ..لان توني ماصار لي اسبوع متوظفه وما ابي انتظر


ومو بس على كذا > شارطين التوفل بعد ..مدري ليش هالشروط التعجيزيه :thumbs_down:

المهم بنات

انا محتاره بين تخصص ادارة وتخطيط تربوي +تكنلوجيا تعليم

تخطيط تربوي < سهل ومضمون قبولي فيه بس احس انه مو مرتبط بمجالي وغير كذا دراسته ممله


تكنلوجيا تعليم < قبوله صعب ودراسته صعبه لكن ممتعه جداً... و له مستقبل وممكن اربطه بمجالي ..بس للأسف مو ضامنه قبولي فيه لان الاختبار صعب وكله مصطلحات انقلش وانا ميح بالانقلش :(


طبعاً بتتسألون وش سبب استعجالي بمواصلة تعليمي العالي

السبب اني حالياً عزباء يعني بدون مسؤوليه وابي اصقل نفسي قبل المسؤوليات وتحجير الزوج وغثى الاطفال :(


ابي اكمل دراستي بس مب المقصد برستيج ..لا

خاطري اصقل نفسي وأوصل اعلى الدرجات بالعلم ..مو مهم اتوظف كثر ماهو مهم اني اثبت ذاتي واحقق هدفي


رايكم يهمني بنات بليز لاتطنشون ماعندي احد استشيره غيركم :L:

[~الفراشة الجميلة~]

تكنولوجيا التعليم أفضل
وحطي في بالك انه مافي شي صعب او مستحيل
وكملي دراستك!!!!

تقبلي مروري

[دنيتي فرحة]

اب اب

[Blossoms]

طيب ليش ماتخذين دورات انجليزي او تاخذين دبلوم مكثف انجليزي وبعدين تتخصصين ماستر

[ورد الخريف]

كملي وتوكلي على الله

وبالنسبة للشروط ما تقدرين تحكمين بقبولج او رفضج وانتي ما جربتي

والانجلش عادي راح تتجاوزينه ترى التوفل مب صعب بالدجة اللي تتخيلينها

تدرين اهو تحديد مستوى الناطقين بالانجليزية من غير ما تكون لغتهم الام

انتي توكلي على الله وصج قبل الارتباط والاولاد احسن شي تسوينه تكملين

انا الحين 3سنين من تخرجت وكان خاطري اكمل بس خلاص مع الاولاد والبيت حسيت بفتور الهمة

[نبع ألوفاء]

مع تمنياتي لكي بتوفيق