نور الدنيـا
19/05/2010, 12:10 PM
والله مااعرف من وين ابتدي مشكلتي ... الي صار انا كنت عايشه بشقه بروحي بس بعد ماتفنش زوجي من شغله اضطريت اني اعيش مع اهل زوجي .. والله من عشت معاهم وهم حتى مايرضون اني اقفل باب غرفتي واطلع اروح بيت هلي لازم الغرفه اتكون مفتوحه .. واذا رجعت اجوفهم لاعبين في مكياجي وارغاضي وحتى ياخذون ملابسي الداخلي وحمامي الزيت واشناط يدي .. وغير هاي هم الحين خدامتهم وخدامتي امسافرين يعني البيت مافيه خدامه .. يجبروني اني اخم واغسل مع اني موظفه ودوامي من 7 لين 3 .. وارجع البيت مهدود حيلي وعندي عيال وبنتي صغيره عمرها 3 شهور تعب وفوق هاي يجبروني انزل واسوي عشا .. مع اني مب مضطره على هالشي .. انا الي اعرفه انه اهم شي الزوج .. ورضا امه اوكي بس مب اتقيدني واتخليني على كيفها .. ومن كم يوم يوم كانت اتحن علي وتقول لي قولي حق ريلج خل ايي من وقت البيت وليش هو مايوديج الدوام وايرجعج واذا جات تاخذني اتسندرني في الحنه ولما كلمته وقفت ضدي قالت لي مالج خص في الريال .. ولما سمع كلام امه قايم ايهاوشني كلمه منه على كلمه مني لين وصل الموضوع للضرب وضربني وهي واقفه ولاتكامت ولا دافعت عني .. وصل لمرحه انه زنطني بالهوز وهي واقفه وتزيده منالكلام لين ماجا اوبه وشاله عني .. ورحت بيت هلي .. ماجات ولاتنزلت انها اتجي وتراضيني مسكين زوجي صار له 5 ايم ايجيني وباس ريلي وحلف انها اخر مره وانه مايدري اشلون صار هالشي بس انا اعرف كله من كلام امه .. وامي اتقول لي لاترجعين بيت اهل زوجج خل يشتغل وايطلعج في بيت بروحج .. بس مايندرا متى بيشتغل ومتى بيسدد الي عليه عشان ايطلعني .. يعني الي اعرفه كل ماابعدت الوحده عن ريلها قسى قلبه اكثر .. ومو حلوه هو جا واعتذر وتاسف وباس ريلي وجا 5 ايام يعني الريال يزهق اذا كثر بيخليني اولي .. وغير امه الي اتحن على راسه بازوجك وبازوجك زوجتك مغرورة مع اني ماسويت لها شي .. صج انه مستواي المادي اعلى منهم يعني بس انا عايشه على مستوى ريلي حاليا .. بس هي اذا كان عندي فلوس او لها مصلحه معاي اتسويني يادهينه لاتنكتين واذا رفضت تنقلب علي .. مع انها هي وحده الله يستر عليها اذا بتواعد وبتطلع اتقول لي تعالي معاي عشان تقعدين مع البنات .. وانا مااحب هالحركات والله احس نفسي وصخه ومب نظيفه واذا رجعت البيت اتم اصيح وماارعف شاقول حق زوجي .. اكيد ماباقدر اقول له امك فيها وفيها .. واذا عمي الي اهو ابو زوجي صاد عندها جوال بالخش قالت انه جوالي والله لو ريلي يدري جان بيهاوشني وانا مااعرف شاسوي .. مااحب اعيش في بيئتهم بس قصبا عني عشان زوجي .. مع انه هو ان شاء الله الشهر الجاي بيشتغل بس بعد يبيله فتره على مايرتب نفسه ونطلع .. قوليلي شلحل والله تعبت من هالعيشه قبل كنت وايد مرتاحه الحين لدرجه اذا بنروح المطعم لازم بسكات محد يدري عنا ..