لمة الجزائريــــــــــــات لشهر جمادى الآخرة

[اشــراق]

السلام عليكم و رحمة الله وبركاته

على المحبة و الخير نتلقاو بنات بلادي الغاليات في هذا التجمع الجديد الخاص بجمادى الآخرة
ان شاء الله يكون شهر خير على بلادنا وعلى كل المسلمين فمرحبا بكل بنات الجزائر :adore:في لمتهم الجديدة و المتجددة

F:F:F:F:F:

طبعا كي العادة هذا التجمع سيتسع لآراءنا و أفكارنا و دردشتنا و وصفاتنا ونصائحنا وكل حاجة من شأنها تقرب وتزيد المحبة بيناتنا

فمرحبا مرة أخرى بالجميع

[**سوسو **]

يا هلا ومراحب بناس الغاليه ياسمين جمعة مباركه بصح لبنات على بالهم ولالا

[nisou]

جمعة مباركة ومبروك الموضوع الجديد بس مافهمتش علاش الموضوع الاخر قفلوه

[**سوسو **]

حبوبه نيزو كل مايخلص شهر من الشهور العربيه يغلقوه ويفتحو واحد جديد وعاش من سمع اخبارك توحشناك ياختي

[اشــراق]

اهلا سوسو
ربي يبارك فيه
قلت لعيشوش و سولاف والباقي راهم غايبين
على كل حال راهو الشات ولى معروف في ركن شات عروس
بصح لازمنا شوية همة ونشاط ومنخلوهش ساعة على ساعة يبقى صحراء كيما المرات اللي فاتو
يادرا وينهم لبنات لخرين ان شاء الله يكونو لاباس الكل

[**سوسو **]

هههههههه ان شاء الله يا سمسم واش كاش حمان ولا لا احنا راه البرد اليوم الامطار

[اشــراق]

آه بصحتكم
مام احنا ماعندناش السخانة بصح كاين شوية vent de sable;)

[اشــراق]

حقا كي راهي دايرة أختك مع الميموار تاعها
راني نحكي وهران ههههه

[اشــراق]

http://forums.3roos.com/showthread.php?t=535245

[**سوسو **]

راها تجاهد ربي يحفضك على السؤال بارك الله فيك قوليلي انت كاش اخبار حاقه انت تقري ولا راني غلطه

[اشــراق]

ايه نقري في ال CEM
و انت قارية انفورماتيك نضن

[**سوسو **]

واه يالحبيبه راكي نيشان واي ماده تقري

[اشــراق]

فرونسي

ماعندكش خبر على ميسون ليها بزاف مادخلتش والله غير قلقتني

[**سوسو **]

اها تبارك الله لالا ميسون عندها شحال مدخلتش ان شاء الله يكون غير الخير ام ايه هاد الايام تجي على ما اضن الله يرجعها بسلامه

[اشــراق]

ان شاء الله
خلات بلاصتها ربي يجعلها عمرة مباركة ان شاء الله

شفتي مسابقة عيشوش تاع الفوطوشوب في قسم التصميم
اذا ما شفتيهاش شوفيها وصوتي هااايلة

[**سوسو **]

واه شفتها وصوت هههه شابه كنت باغيه نشارك في التلوين بصح الفتو شوب مكانش مسجل عندي

[**سوسو **]

شفت موضوعك فساتين في قمة الروعه عقبالينا

[اشــراق]

الله يسلمك
ان شاء الله من فمك لربي
و مرسي على الرد

تعرفي الفوطوشوب ؟

[**سوسو **]

الا والو عاد راني باغيه نتعلمه كي نلقى الفرصه قوليلي ياسمين كاش ماراكي متبعه حصص مفيده

[اشــراق]

والله والو التلفزيون ماشي نتبع فيه خلاص
وانتي ؟

[**سوسو **]

انا تاني ماراني نتبع والو غي ادا شفت حصه مليحه في قناة الرساله نتفرج ولا تلقايني ادا ماجانيش النعاس نتفرج قناة بدايه حاطين فيه شات وكل وحده تحكي قصتها ايا تلقايني مقصره معاهم حاقه مكنتيش تشوفي برنامج زد رصيد بعد غير في هاد القناة

[عيشوش]

صباح الخير بنات
مبروك عليكم التجمع الجديد

[اشــراق]

الله يبارك فيك عيشوش
مبروك علينا كلنا

[بنت يمينة]

معليش تقبلونى معاكم

[بنت يمينة]

عمري 20 سنة

[اشــراق]

مرحبا بيك اختي نورتينا
و طبعا نقبلو بيك و متشرفين بانضمامك بنت بلادنا

[nisou]

سلام لبنات وشراكم اليوم

[اشــراق]

يتصفح الموضوع حالياً: 2 (2 من الأعضاء و 0 من الزوار) ‏Jasmine-DZ (http://forums.3roos.com/member.php?u=347018), ‏nisou (http://forums.3roos.com/member.php?u=103162)

نيسو واش بيك واقفة عند الباب اتفضلي

[اشــراق]

وعليكم السلام

مرحبا بيك نيسو

[nisou]

مرحبا بك كيف احوالكم ان شاء الله بخير

[ليندا أم حسون]

السلام عليكم يا بنات كيفكم ان شاء الله بخير

[اشــراق]

وعليكم السلام أختي ليندا
كيفاه راكي تحوسي على صاحبات وبنات بلادك راهم هنا

[ليندا أم حسون]

اهلا و سهلا فيكي شكرا الك

[ليندا أم حسون]

بعرف والله بنات بلادي احسن صديقات

[اشــراق]

ليك بزاف شاكنة في الاردن ؟

[ليندا أم حسون]

آه الي 3 سنين

متجوزة و عندي ولد و حامل بالرابع

[la_kahina]

السلام عليكم و رحمة الله و بركاته
كيف حالكم يا بنااااااات
راهي لحقتني الدعوة مرسي ليكم
باغية ننظم ليكم نفضفضوا لبعض و نحكيو مع بعض و نفيدو بعض
سمحولي البنات ما نعرف حتى وحدة منكم مي نتعرفو على بعضانا مع الوقت
قريت ف الردود كاينة وحدة تقرا informatique انا تاني و راني سنة 5 و السنة ان شااااااااااااااااء الله نتخرج و راكم معروضين كامل :celebrate: ادعيولي برك
مالا نخليكم ضرك ...نتلاقو ان شاء الله
وراني نستنى ترحيب يكون فوووور فووور بزاف

[اشــراق]

وعليكم السلام ورحمة الله وبركاته
مرحبا بيك la_kahina
نورتي شات بنات بلادك

http://event.days.neuf.fr/photos/decor%20ballons%20marseille%20plafond%20helium.JPG

[اشــراق]

وبالتوفيق في آخر سنة ليك في الجامعة ان شاء الله

[**سوسو **]

ليندا ام حسون كهينه مرحبا بيكم وان شاء الله يوقك ان شاء الله ومن اي مدينه انت ياسمين توحشتك بزاف نيسو كيراكي
عيشوش وجميع لبنات ان شاء الله تكونو لاباس سلاف وميسون مدخلوش هدا شحال

[ليندا أم حسون]

المفروض الشات يكون انشط من هيك وينكم

[**سوسو **]

صباح الخيرا عليكم كيف الحال لندا ام حسون وكيفهم اولادك

[**سوسو **]

http://forums.3roos.com/showthread.php?p=12098410#post12098410

لبنات هدا رابط لكل بنات المغرب العربي خاص بالاستفسارات عن الخلطات الخاصه باشعر والبشره ارجو التفاعل احبكن يالغاليات

[اشــراق]

اهلا سوسو
حطي الرابط تاعك حتى في شات المغربيات والليبيات

[بنت يمينة]

lمساء الخير اخت Jasmine-DZ
واش راكى

[بنت يمينة]

حبيت نسالك واش من وقت تكونو موجودين باش نتلاقو

[**سوسو **]

بنت يامينه كيراكي اختي نورتي احنا رنا هنا كي نلاقاو الوقت يعني معندناش وقت محدد

[بنت يمينة]

الحمد الله واش راكى ** سوسو جزائرية **
وين ندخل ما نلقى حتى وحدة من البنات

[**سوسو **]

انا الحمد لله وانت كيف الحال معاك وعرفني على نفسك من اي مدينه انا من وهران

[بنت يمينة]

و انا من تبسة عمري 20 سنة
انا نبغى هدرة ناس وهران بزاف
هدرتهم شابة

[**سوسو **]

الله يبارك في عمرك انا راني داخله في 26 وتبسه خيار الناس والله يسلمك حبيبة قلبي

[بنت يمينة]

الله يسلمك
-------واش دايرة فى حياتك--تخدمى..................

[**سوسو **]

والله مزال ملقيت فرصه هو في الحقيقه مكملتش قرايتي راني حبست في اولى تانوي ودرت l'informatique عندي شهادة
opératrice en micro ordinateur et techenitien de gestion

[**سوسو **]

وراني دايره برنامج ان شاء الله ربي يوفقني ويوفق كل لبنات ورى رمضان نكمل الدراسه بالمراسله

[اشــراق]

السلام عليكم
واش راكم بنات
سوسو واش راكي اليوم
ليك وحشة

بنت يمينة مرحبا بيك
نورتي الشات

[**سوسو **]

انت تاني ياسمين والله غير توحشتك وبارك الله فيك على النصائح

[**سوسو **]

كاش حمان ياسمين

[اشــراق]

شيرلي عندنا مشهورة في الواد
اللي تحب تبياض تديرها بصح الله غالب قالو فيها كورتيزون على المدى البعيد يدير كونسار تاع الجلد اللهم عافينا
بصح مانيش عارفة اذا المعلومة اكيدة ولا لا

[اشــراق]

ايه اليوم كاين غير الحمان
ربي يكون في العون
واش كملت اختك الميموار

[اشــراق]

بنت يمينة تكلمي ماتحشميش:biggrin:

[**سوسو **]

بارك الله فيك ياسمين وعفانا الله واياكم من امراض السرطان الي خاف سلم انا اختي مزال مكملت حتى لجويليه وغادي نضطر نروح باش تقعد تكتب ياسمين رسلي لي على الخاص اميلك اوك نشوفكم على خير في القريب العاجل

[اشــراق]

اوكي راني بعثتهولك سوسو

[بنت يمينة]

اسمحولى راحت الكونيكسيون

[بنت يمينة]

وين رحتو وخليتونى:'(

[بنت يمينة]

انا ثان مكملش قايتى هذا العام ماديتش الباك بعد رمضان انشاء الله
ربي ينجحنا كامل و ينجح جميع المسلمين

[بنت يمينة]

تبقاو على خير غدوة انشاء الله

[اشــراق]

دووووووووووووماج لحقت روطار :mad:
كنت حابة نحكي معاك بنت يمينة
تبقاي على خير حنونةF:

[اشــراق]

http://forums.3roos.com/showthread.php?t=535962

[بنت يمينة]

صباح الخير يا البنات

[اشــراق]

صباح النور بنت يمينة
واش راكي اليوم واش راهم ناس تبسة

[بنت يمينة]

الحمد الله واش راكى انتى ياسمين

[اشــراق]

لاباس الحمد لله

بنت يمينة اسمحيلي راني فضولية
حابة نسألك كيفاش خيرتي أسمك للمنتدى ؟

[بنت يمينة]

لالا سقسي كيما تحبى العضوية تاع ماما و الاسم هو لجدتى

[اشــراق]

أهااااا
ربي يخليهالكم

[بنت يمينة]

انشاء الله

[اشــراق]

ان شاء الله
واش هي الشعبة نتاعك ومعولة تعاودي الباك في نفس الشعبة ولا رايحة تبدليها

[بنت يمينة]

هندسة مدنية لالالالالالالالالالالالال الالالالا راح نبدلها ندير اداب انشاء الله عاوت مرتين و ما جبتوش
واحد برك فى الكلاصة نجح
و انتى واش تقري

[اشــراق]

انا نقري فرونسي في الcem

عندك حق يقولو بدل المراح ترتاح
انا بنت خالي جوزت الباك 4 سنين علوم دقيقة ومانجحتش
العام الخامس بدلت علوم اسلامية و نجحت
العاقبة ليك

[بنت يمينة]

انشاء الهه و انتى ثان ربي ينجحك
قداه عمرك

[اشــراق]

يعيشك
أنا اكبر منك ب7 سنين
عمري 27 سنة

[بنت يمينة]

الله يبارك

[اشــراق]

الله يبارك فيك

[بنت يمينة]

:L::DF:

[بنت يمينة]

F::D:L:

[اشــراق]

واش هالقاطوات ألحراير

[بنت يمينة]

:cool:F::L:

[بنت يمينة]

ان نبغى القاكو و كل مرة نجرب موديل جديد
فى الانترنت نحوس غير ع القاطو

[اشــراق]

الله الله
هذي عرضة كبيرة يا بنت يمينة
يعطيك الصحة حنونة

[اشــراق]

هاذم طيبتيهم انتي ؟

[بنت يمينة]

:D:076:F::cool:

[بنت يمينة]

لالا الاوائل ما زال الاخير جربتو روعة

[بنت يمينة]

قانون الظن بالله سبحانه وتعالى.// لرفع المعنويات لاتحرمي نفسك&&
السلام عليكم ورحمة الله وبركاته





ياليت تقرينه بكل جوارحك وتطبقينه لانه هو الصحيح..وحياتك كل امورها خير اذا وكلتيها لله..ومايئستي من رحمته فرحمته وسعت كل شي ..وهو ارحم من الام على ولدها..وبيده الرزق ابتلانا ليختبرنا ان سخطنا خسرنا الدنيا والاخره وان صبرنا فزنا بالدنيا والاخره..
مابي اطول عليكم بكلام انتو عارفينه بس ناسينه..اتركم مع ارساله
،،،،،،،،،،،،،،،،،،،،،،،،، ،،،،، ،،،،،،،،،،،،،،،،،،،،



** قانون الظن **




هناك ناس تحدث لهم كوارث ومصائب كثيرة

وناس تعيش في سلام
وناس تفشل في تحقيق أحلامها
وآخرون ينجحون
ومنهم السعيدوالشقي
فأيهم أنت ..؟!
في حديث قدسي يقول الله عز وجل
" أنا عند ظن عبدي بي "هنا لم يقل ربنا جل وعلا " أنا عند (حسن) ظن .. قال : " أنا عند ظن عبدي بي ... "
مالفرق ؟!
يعني لما تتوقع إن حياتك ستصير حلوة
وستنجح وستسمع الأخبار الجيدة
فالله يعطيك إياها
.. " وعلى نياتكم ترزقون " ..
( هذا من حسن الظن بالله )
=================
وإذا كنت موسوس
ودائما تفكر انه ستصيبك مصيبة
وستواجهك مشكلة
وحياتك كلها مآسي وهم ونكد
تأكد انك ستعيش هكذا
( هذا من سوء الظن بالله )
=========================
لا تسوي نفسك خارق
وعندك الحاسة السادسة
وتقول : ( والله إني حسيت انه حيحصل لي كذا ) " الظانين بالله ظن السوء عليهم دائرة السوء "
إن الله كريم ( بيده الخير )وهو على كل شيء قدير
وحسن الظن بالله من حسن توحيد المرء




لله

فالخير من الله والشر من أنفسنا

=========================

أعرف أصدقاء حياتهم تعيسة






ولما أقرب منهم أكثر ألقاهم هم




اللي جايبين التعاسة والنكد لحياتهم

واحد من أصدقائي عنده أرق مستمر

ولما ينام ينكتم ويصير مايقدر يتنفس
لما راح لطبيب نفسي قاله
أنت عندك فوبيا من هالشيء !
وفعلا طلع الولد عنده وسواس إنه سيموت
وهو نايم !!
===================





لي صديق أخر كثيرا ما يمرض

ويصاب بالعين بأسرع وقت

وما يطيب إلا برقية و شيوخ وكذا ..
يقول إن نجمه خفيف
فـاكتشف أنه يخاف فعلا من هالشيء
وعنده وسواس قهري إن كل الناس ممكن يصكوه عين ويروح فيها ..
========================
وفي قضية مقتل فنانة






لفت انتباهي قول أحدهم عندما قال:

(كانت دائما تشعر بأنه سيحدث لها مكروه )
هي من ظنت بالله السوء
فدارت عليها دائرة السوء
======================


هناك مقولة شهيرة أؤمن بها كثيرا :
(تفاءلوا بالخير تجدوه )

والتفاؤل هو نفسه(حسن الظن)======================
وقد يكون المخترع السعودي الشاب الصغير الذي






لم يتجاوز الثانية والعشرين من عمره

مهند جبريل أبو دية

أحد أروع الأمثلة في حسن الظن بالله
فبالرغم من انه أصيب بحادث في سن مبكرة






وبترت على أثره ساقه

وفقد بصره إلا أني شاهدته أمس

في برنامج يذاع في قناة المجد
وهو مبتسم ، سعيد ، متفاءل
مازال يطمح بأن يكمل تعليمه
ويحمد الله انه أراه حياة جديدة
لا يرى بها ولا يسير
حتى يستطيع من خلالها أن يزداد علما






وإيمانا بحياة المعاقين المثابرين

ويكون منهم قولا وفعلا ..

وقد أخترع من بين اختراعاته الكثيرة
قلم للعميان
بحيث يمكنهم الكتابة في خط مستقيم
فسبحان الله
وكأنه اخترعه لنفسه !!






====================
أمثله

إن أردت أن تمتلك منزلا !
ما عليك إلا أن تتخيله
(تعيش الدور )
لا تضحك
لأن تحقيق الأشياء
ما يصير إلا بالإيمان
تخيل لونه ، جدرانه ، أثاثه
تخيل نفسك وأنت تعيش فيه
وظل كل يوم تخيل
واعمل على تحقيق حلمك
بالتخيل والعمل طبعا
========================

وإن
حدث وأمعنت التخيل في مكروه
أو حادثة ما
انفض رأسك وابعد الفكرة عنك
وأدعو الله أن يسعدك ويرح بالك
فقد أوصانا رسولنا محمد صلى






الله عليه وسلم حين قال :

" ادعوا الله تعالى وأنتم موقنون بالإجابة"

===========================
ومن حسن الظن بالله أثناء الدعاء
أن تظن فيه جل شأنه خيرا
فمثلا إذا رأيت أحمقا لا تقل :
(الله لا يبلانا )لأن البلاء من أنفسنا

فقط قل(الحمد لله الذي عافانا مما ابتلاه به.. )وهذا الثناء على الله يكفيه عز وجل
بأن يحفظك مما ابتلي ذلك الشخص به
====
ولا تقل :اللهم لا تجعلني حسودا
قل :اللهم انزع الحسد من قلبي
وهكذا ..
وانتبه عند كل دعاء
وتفكر فيما تقوله جيدا لتكون






من الظانين بالله حسنا

===============

وإذا كنت ممن لديهم الحاسة السادسة

فرأيت حلما أو أحسست بمكروه

فافعل كما أمرنا الرسول صلى الله عليه وسلم :

استعذ بالله من الشيطان الرجيم

وانفث ثلاثا عن شمالك

وتوضأ وغير وضع نومتك

ثم تصدق فالصدقة لها فضل كبير

بتغير حال العبد من الأسوأ للأفضل


وفي موضوعنا من فضلها ..

قول الحبيب عليه الصلاة والسلام:
" الصدقة تقي مصارع السوء "==================
وقوله جلت قدرته :
" إذا أراد شيئاً أن يقو ل له كن فيكون"
ولا يرد القضاء إلا الدعاء
===================

وظني فيك يا ربي جميل
فحقق يا إلهي حسن ظني
أخيرا أسأل الله إن يجعلنا من السعداء
في الدارين[
/color]=================

وأني أرجو الله حتىكأنني أرى






بجميل الظن ما الله فاعل

================
الخلاصة:
نحن الذين نسعد أنفسنا
ونحن الذين نتعسها
فـاختر الطريق الذي تريد
" إما شاكراً وإما كفورا"






,,,,,,,,,,,,,,,,,,,,,,




لاتنسوني من دعواتكم ولكم مني المثل..




اللهم ارحم ضعفنا وبكائنا وقلة حيلتنا ياارحم الراحمين..




ربي لاتذرنا فردآ وانت خير الوارثين




اللهم مسنا الضر وانت ارحم الراحمين




اللهم انك تعلم انا فوضنا امرنا اليك واحسن الظن بك فلاتخيب ظنا ورجائنا

[اشــراق]

هاذاك يليق يسموه قاطو ليكيب ناسيونال:L::thumbs_up:

[بنت يمينة]

اسمحيلى ياسمين نخليك
رايحة نتغدى بعد الظهر انشاء الله ندخل
فى حفظ الرحمان

[بنت يمينة]

صح
عندي بزاف ليغوسات تاع القاطو

[بنت يمينة]

F:باااااااااااااااي و بعد انشاء الله

[اشــراق]

نصائح رائعة
لو طيقها كل واحد فينا ماتلقي حتى مسلم حزين على وجه الارض
جزاك الله خير وفي ميزان حسناتك ان شاء الله

[اشــراق]

في امان الله
الى الملتقى

[بنت يمينة]

ممكن كل واحدة تعطينى تجربتها فى براون سيلك ابيل لنزع الشعر

[بنت يمينة]

F:لى عودة

[اشــراق]

بنت يمينة
للأسف ماجربتوش بصح
كاين موضوع في قسم استفسارات العناية بالبشرة والجسم خاص ببنات الجزائر والمغرب العربي
حطي فيه سؤالك وان شاء الله تلقي الاجابة

[**سوسو **]

عجبني بزاف قانون الضن وانا الحمد لله محسنه الضن بالله بارك الله فيك بنت يمينه كيراكي ياسمين مقرتيش اليوم

[عيشوش]

مساء النور والسرور
كيراكم دايرين
هادي غيبة

[**سوسو **]

ياختي انت الي راكي غايبه وخليتينا نتوحشوك كيراكي عيشوش عاش من سمع اخبارك

[اشــراق]

سوسو يعيشك راني ماقريتش اليوم
كملنا الامتحانات راكي تعرفي في الصحرا القراية تكمل بكري
ورانا نمشو غير ربع ولا نص ساعة لتأكيد الحضور ونوليو

عيشوش أهلييييييين و سهليييييييييين
واش هالغيبة ياقطقوطة
توحشناك

[**سوسو **]

امممممممم الله يكون بعونكم تعرفي من الصبح راني نحاول نحط واحد الموضوع في ركن الديكور مبغاش يترسل :mad:

[عيشوش]

يتوحشكم الخير يارب
انا كل ماندخل مانلقى حتى واحد
انا تقيبا قاع الصباح نكون هنا

[اشــراق]

انا ليام اللي فاتو كنت نخدم الصباح
سوسو ديريلو نسخ واحفظيه في الوورد ومبعد حطيه
حتى دي فوا تصرالي

[**سوسو **]

عند الحق ياسمين نديرله كوبي كولي
لبنات شوفو هدا الموضوع
http://forums.3roos.com/showthread.php?p=12106243#post12106243

[بنت يمينة]

http://www.shy22.com/upfiles/oVD91680.gif (http://go.3roos.com/XDImdd82wGo)

[اشــراق]

مممممممممم
وش هالافكار الرائعة بنت يمينة
مغسيييييييييييي راكي سخفتينا ههههه

[اشــراق]

هيا حتى انا جبتلك هذي

http://cuisine.elle.fr/var/plain_site/storage/images/elle-a-table/les-dossiers-de-la-redaction/vie-privee-cuisine/glaces-sans-sorbetiere/11419198-2-fre-FR/glaces_sans_sorbetiere_reference.jpg

سوسو وعيشوش ماتخافيوش كي تجيو نجيبلكم la part تاعكم

[**سوسو **]

صبااااااااااااا ح الخير على لبنات الزوينات

[اشــراق]

صباح النور والسرور سوسو

[**سوسو **]

ياسمين سولاف رها عارفه باتجمع الجديد ولالا

[اشــراق]

ايه عارفة راني بعثلها اول ماافتتحنا التجمع
بصح المشكل راهي ماولتش تدخل بزاف للمنتدى

[**سوسو **]

اها قوليلي سمعتي بالماش هو تاني يفتح الشهيه انا غادي نخلطها وربي كبير زعمه عندي ارادة قويه وخصني نستغلها هههههه

[اشــراق]

ههههههههه
مادام عندك الارادة راكي توصلي ان شاء الله
كاين ثاني زيت كبد الحوت
احنا ماراهوش واصلنا هنا قالك حتى هو مقوي وفاتح للشهية كاين منو حبوب وكاين sirop

[**سوسو **]

شريته مره بصح متامنيش عقلك ريحته كيدايره قويه وشييييييييينه قوليلي انا راني رايحه نهار اتنين لاخصائية الجلد نسقسيها على حاجه تقوي شعر هو انا الحمد لله شعري مليح بصح من مردت بالانيمي الشوشه خفت على الي كانت ايا راني باغيتها تعطيني حبوب زيت السمك قالولي مليحه

[اشــراق]

الطبيبة مانضنش رايحة تعطيك مكمل غذائي كيما زيت كبد الحوت
sûrement رايحة تعطيك دوايات طبية

ولانيمي بريتي منها درك j'espère

[**سوسو **]

واه الحمد لله ريحت تعرفي كنت نعاني من سوء التغديه يعني باليومين مناكلش بصح دروك الحمد لله شهيتي رها مفتوحه وبعدما كنت 45 راني درك قريب 48 والله حاجه وحده الي تخليك تاكلي هي الراحه النفسيه كي الواحد يتعلم يفوض اموره كلها لله وحده يرتاح ونفسيته تولي روعه

[اشــراق]

الحمد لله
فعلا " قلن لن يصيبنا الا ماكتب الله لنا "

واش احوال اختك هي والميموار كملت ولا قريب

[**سوسو **]

حتى في جويليه تكمل انا ادا رحت الاخصائيه مغديش تعطيني الزيت الا تعطيني الحبوب راني سقسيت الصيدليه وقالتلي ملاح لشعر بصح بغيت نتاكد عند الاخصائيه خير

[اشــراق]

صح الطبيب أدرى الناس بالامور هذي

[**سوسو **]

ياسمين انا نروح نفطر درك باش نسمن هههههههه نتلاقاو من بعد راني سجلتك في الاسكايب

[اشــراق]

ان شاء الله
بصحتك سوسو

[**سوسو **]

راني رجعت ههههههه

[اشــراق]

اهلين و سهلين

[اشــراق]

لبنات ما تنسوش الركن الديني


اخواتي لازم يكون تواجدنا دائم في الركن الديني خاصة مع قلة المشاركات هناك
شجعوهم بردودكم و تقييماتكم


راهي حسنات لينا وكل شئ رانا نكتبو فيه راهو اما لنا أو علينا

[la_kahina]

السلام عليكم بنات
ما شاء الله المشاركات بزاف
انا سمحولي مانيش ندخل ما عنديش وقت بزاف بورتون متمنية نكون معاكم دايما مي الله غالب ... أختي سوسو أنا تاني راني نحوس نزيد الوزن تاعي و كيما قالو البنات الراحة النفسية هي الشرط الأساسي ..أنا كنت مليحة وش شيني القلقة و المشاكل (الحمد لله على كل شي) مي راني ريكيبيريت شوية ..راني لحقت 49 :biggrin:
و عندي وصفة بالأعشاب عطاتهالي صحبتي قالتلي تفتح الشهية راني بديتها عندي 4 ايام
تحبي نبعثهالك .
سلامي للبنات الكل
حبيت نشاتي معاكم مي ما لقيت حتى وحدة
سلامي ليكم الكل

[اشــراق]

و عليكم السلام
أهلا أختي la_kahina
رانا كامل عندنا نفس المشكل تاع النحافة
انا ايماجيني وزني 46 كغ
اكتبي الوصفة حنونة خللي نستفيدو منها كامل

[la_kahina]

و أخيرا لقيت وحدة نهدر معاها
صح حنونة ضرك نكتبها

[اشــراق]

و اخيرا انضمتلنا عضوة جديدة في الشات
هههههه

[la_kahina]

الوصفة فيها هاد المكونات : تروحي للعطار و تجيبيهم
1_مكسرات : جيبي اللي تقدري عليه .. مش كميات كبيرة
أنا درت جوز و لوز و بيستاش (شريت كل واحد بـ 120 دينار *12 الف يعني*) راح يبانولك شوية مي كي تخلطيهم يديرو كمية لاباس بيها.. و كاوكاو (شريت بـ 7 ألاف)
الكاوكاو راح تجيك كمية كبيرة كعاد رخيص أنا ما درتهاش الكل.
2_ البشنة : هادي تتباع عند العطار حبات صغااار تشبه ف الجلجلانية ..اشري بـ 10 ألاف و ديري الكمية الكل .. هادي البشنة تفتح الشهية .
3_ حب العزيز تلقايه تاني عند العطار .
4_ 2 مغارف كبار حلبة..مش راح يبان الطعم تاعها ف الخلطة كعاد المكونات الاخرين يغطيو عليها و ما تخافيش من الريحة .
5_ 4 مغارف كبار جلجلانية .
6_ عسل حر .
الطريقة : ارحي كل مكون وحدو حتى يولي نااااااااااااعم
خلطيهم الكل مع بعض ..راح تخرجلك كمية لاباس بيها .
من بعد ابداي تزيدي العسل الحر بالشوية حتى تولي عجينة متماسكة .. ديريهم كويرات صغار
و كولي حبة قبل الفطور وحبة قبل الغداء وحبة العشية وحبة قبل العشاء
بالنسبة ليا ما درتهمش كويرات حطيتهم في بواطة و حطيتها ف الثلاجة و ناكل مغرف ف الاوقات اللي قلتلك عليها .
بديت فيها ضرك 4 ايام ان شاء الله تكون ليها نتيجة . . هي الخلطة تفتح الشهية و تخليك تاكلي بزاااااااااف و بالتالي تسماني ان شاااااااااء الله
جربيها و نخبرو بعضانا بالنتايج .

[la_kahina]

إذا العسل جاء خاثر يعني مش جاري سخنيه شوييييية كي تشوفيه ولى مايه شوية و خلطي بيه المكونات ..باش يسهل عليك

[اشــراق]

يعطيك الصحة la_kahina
المكونات اللي فيها كامل منصوح بيهم لفتح الشهية
بصح البشنة هذي وش لونها و معندهاش اسم آخر ؟

[اشــراق]

ان شاء الله

[°• أم السآإدة •°]

نوريني يالغلاااا~

•!¦[•طفوله بريئه•]¦!• (http://forums.3roos.com/showthread.php?t=536492)

[**سوسو **]

http://forums.3roos.com/showthread.php?p=12117231#post12117231

[اشــراق]

http://forums.3roos.com/showthread.php?t=536567

[la_kahina]

السلام عليكن و صباح الخير
ياسمين البارح راحت الكوناكسيون ما قدرتش نكمل
هادي البشنة لونها رمادي ..وما نعرفش إذا عندها اسم آخر أنا تاني جامي سمعت بيها مي كي سقسيت العطار قالي ايه كاينة و تفتح الشهية

[la_kahina]

جمعة مباركة عليكن
لا تنسين الصلاة على الرسول الكريم عليه الصلاة و السلام

[la_kahina]

أختي سوسو الجزائرية أعجبني توقيعك جدا ...كنت محتاجة للتذكير

[اشــراق]

سوسو
http://www.citysmiley.com/smileys/fatigue/sereveiller.gif





بنت يمينة
http://www.citysmiley.com/smileys/fatigue/fati1.gif


عيشوش

http://www.citysmiley.com/smileys/fatigue/dodo.gif


سولاف
http://www.des-emoticones.com/emoticones/72.gif




ياسمين

http://www.bloguez.com/uploads/img_17/175623/myemoticone_gif-emoticone-titi-salut_salut.gif

[اشــراق]

((اللهم اشفي مرضانا)) ... غلط غلط غلط !!! (http://forums.3roos.com/showthread.php?t=536263)

أطقم رائعة للعرائس مع Jasmin-DZ (http://forums.3roos.com/showthread.php?t=536567)

[**سوسو **]

ههههههه ياسميييييييييين كيراكي توحشتك بزاف ان شاء الله تكوني قريتي سورة الكهف والا لحقي قبل 12 تقريها

[اشــراق]

أهلين سوسو
دي عايزة كلام لازم نقراها كل جمعة اللهم الا اذا كان عندي عذر شرعي

[**سوسو **]

الحمد لله فرحت لان اسبوعكي ساينور بنور الرحمان والله يرزقك بازوج الصالح عاجلا غير اجلا

[اشــراق]

آمين اجمعين

شفتي الوصفة اللي كتبتها la_kahina لزيادة الوزن :adore:

[**سوسو **]

مقريتهاش مليح درك نعاود نقراها ههههههه واش مجاكش النعاس يسمين

[هـذيـان]

دشو موضوع > سيد جنيد \\ http://forums.3roos.com/showthread.php?t=384117

- واذا كنت استاهل قيموني :040: -


تصبحون على ما تتمنون :032:

[ايمان الروح]

السلام عليكم و رحمة الله و بركاته
صباح الانوار
واش راكم؟؟
أنا جديدة هنا
هل لي مكانة بينكن؟؟

[اشــراق]

صباح النور ايمانو
مرحبا بيك
طبعا عندك مكانة دي عايزة كلام ؟؟؟
راكي وسط بنات بلادك تشرفي و تنوري

[اشــراق]

يتصفح الموضوع حالياً: 2 (2 من الأعضاء و 0 من الزوار) ‏Jasmine-DZ (http://forums.3roos.com/member.php?u=347018), ‏عيشوش (http://forums.3roos.com/member.php?u=212399)

صباح الخير عيشوشو

[عيشوش]

عيشوش

http://www.citysmiley.com/smileys/fatigue/dodo.gif

هههههههههه عين راقدة وعين نايضة خخخخخخخ
كيراكم دايرين بخير؟
كاش خبار زينة ولا والو

[اشــراق]

هههههههه
واش كنتي تحلمي عيشوش
صباح الفل و الياسمين

[اشــراق]

عيشوش يافضولية ردي عليا بركي ما تقراي les pages اللي فاتو
وللا نضن عيشوش راهي رجعت .................................................. .................................................. .................................................. .................................................. .................................................. .....http://www.citysmiley.com/smileys/fatigue/dodo.gif

[عيشوش]

ههههههههههههههه
كنت نوم فارس الاحلام ونوضوني ههههههههههههههه
<<< امزح
كيراكم
ياسمين درت قاطو شباب نهارالجمعة جا هايل

[اشــراق]

هههههههه
كيفاش كان فارس الأحلام اسمر و طويل و حلو أوي أوي ههههههههه
كيفاش القاطو اللي درتيه و ماصورتيهش للمنتدى ؟

[عيشوش]

ههههههههههه
كان قد لاجيراف رقبتي ضرتني وانا نشوف فيه ههههههههههههه
لا مصورش
بصاح ادا تبغي نعطيك الوصفة

[اشــراق]

ههههههه
حالة مع لاجيراف مزية نوضوك قبل ماتصرى لرقبتك حاجة

ايه ماذا بي تعطيني الوصفة
نقولك الصح عيشوش مانيش حاجة في الحلويات بصح راني قلت الصيف هذا نتعلم ان شاء الله
يزييييييييني

[اشــراق]

الوصفات اللي تديريهم تصوريهم ببورطابلك وللا بالكاميرا

[اشــراق]

عيشووووووووش
الحسناء النائمة












و الزرافة هههههههه

[عيشوش]

ههههههههههههههههه

تعلمي باه تولي مرا تناع دار خخخخخخخخخخ
المقادير
كاس من لكل من: كوكاو-مايزينة-سكر قلاصي- كاكاو بصاخخح انا استعملت غير شوية
وحدة فياضة-3 بيض- فرينة حسب الحاجة-250 غ زبدة

الطريقة
اخلطي الزبدة مع السكر ومن بعد زيدي البيض ومن بعد باقي المقادير وخلطي ومن بعد الفرينة
حتى تتحصلي على عجينة متماسكة وطرية
شكليها انا درت وردات ولصقت حبة مع حبة ومن الجوانب الكاوكاو ومن فوق شوية شوكولا


صايي بزاف عليك خخخخ

[عيشوش]

لا بالكاميرا مشي بالبورتابل
بورتابلي دقة قديمة هههههههههههههه
ماعنديش الكابل نتاعه

[عيشوش]

هههههههههههههههههه قادري روحك ماتقوليش على راجلي زرافة
هههههههههههههههههه

[اشــراق]

هههههه والله يا مرا تاع دار
قالولك باللي الخطاب راهم مكسرين علي باب الدار
مرسي على لاروسات ساهلة لاباس مقدور عليها

راني حابة نشري كاميرا بصح ماتفوتش 1500 الف واش رايك
اذا تعرفي اما نوعية نشري

[اشــراق]

ههههههههههههههههههههههههه هههههههه

وللا راجلها بعد كانت تحلم بيه ودرك وللا راجلها
ماتكونيش في هذيك الغيبة اللي غبتي فيها على الشات تزوجتي و خبيتي علينا يا شريرة
و احنا نقولو ياربي وش بيها عيشوش ان شاء ماتكونش مريضة لا قدر الله ولا بيها حاجة
هيا هيا سوسو شوفي للا عيشوشو واش يطلع منها

[اشــراق]

وينك

وش معنتها فياضة ؟

[عيشوش]

هههههههههههههههههههه واه راجلي غرتي هههههههههههه
ان كل يوم هنا راكم روطار هههههههههه


شوفي بالنسبة للكاميرا خويا شرا وحدة ب 3 ملاين سوني
بصاح شابة بزاف كاميرا واباراي فوتو

نا راني باغا نشري ميكرو بورتابل ومن بعد نشري كاميرا

[عيشوش]

la levure

[اشــراق]

ماغرتش علا خاطر انا جامي تمنيت نتزوج زرافة طول عمري متمنية نتزوج فرس النهر

لقيت دي كاميرا ب 1500 الف بصح قلت بلاك ماراهمش ملاح ولقيت حتى تاع 3 ملايين
بصح جاتني بزاف :hysterical: (( بخيلة الطفلة ;)))
انا جامي خممت في الميكروبورطابل على خاطر ماعنديش بزاف اخوة يستعملو الميكرو مالا راني لاقية راحتي بصح الكاميرا حابة :adore:

حقا كاش مطر في وهران نحنا راهي لحقتنا هنا

[اشــراق]

la levure

:thumbs_up:

[عيشوش]

واه غيورة
ندي زرافة باه يحكلي الدار ملفوق لتحت ههههههههههههههههههههههههه هههههه

[عيشوش]

اشري حاجة غالية وشابة ودوم

الميكرو بوتابل اريح وين مانروح نكوناكتي فهمتي؟
والميكرو لي فالدار نتاعي ^--^

[اشــراق]

هههههههههههه
راكي حابة تتسلطي عليه المسكين
مالا سلميلي عليه اسمر وطويل ابو ضحكة جنان قصدي برتقالي وطويل ابو رقبة جنان هاهاها

[عيشوش]

لا معندناش النو
الحال راح شباب
مراكيش تقري؟

[اشــراق]

آها صحة
عندك حق بالنسبة للكاميرا قالك اللي عجبك رخصو ارمي نصو

[عيشوش]

قلتلك قادري روحك خيرلك هههههههههههه
هادا عام سلميلي عليه خخخخخخخخخخ

[عيشوش]

شادارت سوسو مع الخطيب نتاعها؟

[اشــراق]

لالا les cours كملو خلاص
بصح نروحو مرة على مرة نبينو وجهنا للادارة
قبل مانديرو الامضاء تاع نهاية السنة في آخر جوان ان شاء الله

[اشــراق]

هادا عام سلميلي عليه خخخخخخخخخخ

http://www.emoticone-max.com/emoticones/grand_3d/Rire-et-Larme/139.gif (http://go.3roos.com/qE3U6oaqdRG)
واش هالتشدد عيشوش
كوني ouverte شوية

[اشــراق]

سقسيتها هذيك المرة قاتلي مازال

[اشــراق]

مازال ماداروش النظرة الشرعية

[اشــراق]

نروح نصلي العصر ذركى
راهو يأذن

[عيشوش]

راني غير نزعق
ماعندي ني لا جيراف ني والو خخخخخ
ربي يسهل عليها ان شاء الله

[عيشوش]

تقبل الله

[ايمان الروح]

السلام عليكم
نتمنى تكون بألف صحة و عافية
يا خسارة لما ندخل مانلقاكمش هنا
لازم تمدولي التوقيت نتاعكم يا لبنات
راني متشوقة باه نتعرف عليكم

سلااااام

[اشــراق]

و عليكم السلام ايمان
مرحبا بيك
نحن هنا
ومتشرفة بمعرفتك

[**سوسو **]

السلام لبنات هههههههه عيشوش هداك الخطيب حبيبتي راه يتقلش قال واش هي تجي نشوفها والله غير مليح نروح باش سي خونا يشوفني والله غي الغايه تعرفو مين سمعت هاد الهدره متامنوش كي وليت قلتلهم بناقص ياخويا ادا انا نشقالك :039:
المهم ادعولي بواحد غير هنا في وهران واش داني للبعيد :01:

وهدا كادو من عنديhttp://go.3roos.com/lxBLHJMxkPn

[**سوسو **]

هل من احد هنا

[اشــراق]

اهلا سوسو
واش راكي

[**سوسو **]

راني غايه الحمد لله وانت وش الاخبار

[عيشوش]

السلام لبنات هههههههه عيشوش هداك الخطيب حبيبتي راه يتقلش قال واش هي تجي نشوفها والله غير مليح نروح باش سي خونا يشوفني والله غي الغايه تعرفو مين سمعت هاد الهدره متامنوش كي وليت قلتلهم بناقص ياخويا ادا انا نشقالك :039:
المهم ادعولي بواحد غير هنا في وهران واش داني للبعيد :01:

وهدا كادو من عنديhttp://go.3roos.com/lxBLHJMxkPn
وعليكم السلام

:woo: شاراكي تقولي
والله غير مليحة انا نزيد نقولك ادي الطارطة معاك وانت رايحة هههههههههههه
والله غير عجب غير حشم يقولك ارواحي اخطبيني انت
بالنافص منه علاه راكي مرمية في الطريق ولا ماراكي لاقيا ماتاكلي
خيره في غيره ان شاء الله
ربي يلقيك مع ولد الحلال اللي احسن منه يارب وغير في وهران تناعنا الباهية :thumbs_up:

[**سوسو **]

ههههههههه شفتي عيشوش والله هم يضحك وهم يبكي قال ايه مشغول ادلعا دي هههههههه والله يسمع منك يالحبيبه

[عيشوش]

نسيه عادي
اللي خلق مايفرق

المهم شا تحكي

[**سوسو **]

والله الحمد لله راني في نعم قليلي انت ديتي العطله ولا مازال

[عيشوش]

لا مازال شوية

[**سوسو **]

ركي في الجامعه نضن :02:

[عيشوش]

نووووووووو
شغل

[اشــراق]

السلام عليكم

واش راكم

راكم invitées في هذا الموضوع

http://forums.3roos.com/showthread.php?t=537715

[**سوسو **]

اها تشتغلين يا عيشوش الله يوفقك يا لغلا ياسمين غيرتي اسمك الى اشراق ان شاء الله يكون الاشراق في كل حياتك

[اشــراق]

شكرا سوسو ديما ذوووووووووووووق

[**سوسو **]

:07: مغسي ياسمين اليوم ماما شراتلي الزبيب بصح خصني الحلبه المطحونه اليوم تعرفي جاع مفطرتش درت المكرونه معجبتنيش كيما ديرها ماما:worn_out:

[ايمان الروح]

السلام عليكن
واش راكم ؟؟
F::083::087:

[ايمان الروح]

وين راكم يا لبنات؟؟:020::059:

[**سوسو **]

انا هنا كيراكي حبوبه نتعرف على الاسم الكريم انا سعاد وانت

[عيشوش]

وعليكم السلام كيراكي اختي
انت من وين؟

[عيشوش]

سوسو بشوية على الشيرة هههههههههههه

[ايمان الروح]

عيشوش, ‏** سوسو جزائرية **
وين راكم غاطسين؟؟

هيا شوفوني راني هنا:015:
و لا راكم:019:

[ايمان الروح]

أنا ايمان من عين الدفلى...
هذا جويلية ان شاء الله نقفل 23 سنة
متشرفة بمعرفتكم

[عيشوش]

الشرف لينا

انا وسوسو من وهران

[**سوسو **]

مرحبا بيك ايمان نورتي اللمه عيشوش بشويه عليك انت هههههه

[**سوسو **]

هااااااااا وين رحتو

[عيشوش]

هههههههههههههه

[ايمان الروح]

رانا هنا
خيار الناس عيشوش و سعاد
متشرفة و سعيدة بمعرفت ناس الباهية

[ايمان الروح]

يا لبنات شفت راكم تهدروا على وسائل زيادة الوزن
و أنا الي قالولي عليها جربتها و مانفعت والو
درت الحلبة...العسل بالمكسرات...حب العزيز
و لكن لا حياة لمن تنادي


وقيلة أنا دوريجين مخدموة هكذا
ههههههههههههه

[عيشوش]

طلعنا للمريخ نبدلوا شوية هوا ههههههههههه

[عيشوش]

ايمان انا تاني ناكل ماناكل ومانسمنش

[**سوسو **]

لالالالالالالالالا لاحباط انا زدت زوج كيلو وحبست بصح موليتش ناكل كيما كنت غادي نعواد نوض مع روحي ولا لاستسلام

[**سوسو **]

تبلعى عالريق 2 ملعقه حلبة مطحونة مع 3 ملاعق عسل وتكرريها فى الليل
اتوقع سهله وبسيطة ولو جربتيها مارح تخسرين حاجة هده اخبار ساخنه نقلتها من منتدى اخر

[ايمان الروح]

شكرا ليك سوسو
مع أنو الحلبة جربتها بكل اتلطرق من قبل
منقوعة في الماء
مع العسل
مع الحليب
و ماكان والووو
هي صح فتحتلي الشهية و ناكل عادي بصح وين راه يروح هذاك الاكل
الله أعلم

[**سوسو **]

هههههههههههههههه وين راه يروح ممممممم مانعرف :D

[عيشوش]

خلوها على ربي

[عيشوش]

نخير نكون رقيقة ومشي سمينة

[ايمان الروح]

يا لبنات تهلاو في رواحكم
و معرفة خير ان شاء الله
استودعكم الله الذي لا تضيع ودائعه
في أمان الله

[ايمان الروح]

ههههههههههههه...سوسو..راني حيرتك معايا...بصح خمي مليح
و كيما قلتي عيشوش الوحدة تكون رقيقة و ما تكونش سمينة
بصح أنا ماما هبلتني كلما تشوفني تقلي راكي رقييييقة
مع أنو تبانلي راني نورمال
راني حابة نرضيها برك
هههههههههههه

[**سوسو **]

هههههه في امان الله حبوبه انا وزني 47 باغيه نوصل غير 50 حتى انا منبغيش نسمن بزاف

[عيشوش]

في امان الله ايمان
سوسو كاش طياب ولا والو

[**سوسو **]

والله غير مرات نطيب مشي كل يوم قوليلي كاش وصفه جديده نخلعهم بيها

[عيشوش]

يتصفح الموضوع حالياً: 3 (3 من الأعضاء و 0 من الزوار) ‏عيشوش (http://forums.3roos.com/member.php?u=212399), ‏** سوسو جزائرية ** (http://forums.3roos.com/member.php?u=197850)+, ‏ايمان الروح (http://forums.3roos.com/member.php?u=381173)

مشي باين خخخخخ

[**سوسو **]

هههههههه مقلتليش عطيني كاش وصفه شابه نديرهالهم فادار كريم ديسار ولا مسكوتشه

[عيشوش]

تخلعيهم !! غير مكاان لاه علاه راهم ناقصن خلايع
ههههههههههههههههه

[**سوسو **]

ههههههههه باغيه نخرجلهم خرجه جديده :sleep:

[عيشوش]

ماكان في راسي والو
كينتفكر نقولك

[**سوسو **]

ممممم ان شاء الله حتى انا مراهش فيخاطري نطيب ماما راها دارتنا لمخلع اليوم

[عيشوش]

بالهنا والشفا
انا منعرفهش

[**سوسو **]

لالالالالالالالالا متعرفيهش هو خبز الشحمه هااااااا عرفتيه ولالا;)

[بنت يمينة]

F::adore::L:

[اشــراق]

اهلا بنت يمينة
واش راكي

[اشــراق]

مرحبا بكم في موضوعي
مجموعة اكسسوارات شعر للعرايس (http://forums.3roos.com/showthread.php?t=538099)

[بنت يمينة]

F::clock:

[أحلام فتاة]

السلام عليكم
وشراكم لبنات
انا مشتركة جديدة معاكم
نتمنى انكم تقبلوني بيناتكم
انا من البليدة
والله يخلي هاذي اللمة الحلوة

[اشــراق]

وعليكم السلام أختي

مرحبا بيك وبناس البليدة خيار الناس

نورتي الشات ومنتدى عروس كامل

[اشــراق]

لبنات كاينة أخت دايرة موضوع على حديقة التجارب بالحامة موضوع في قسم السياحة

درولها ردود و تقييمات للموضوع تستاهل

http://forums.3roos.com/showthread.php?p=12184750#post12184750 (http://forums.3roos.com/showthread.php?p=12184750#post12184750)

[نووور الزززينة]

سلام عليكم ,,, ويشراااكم بخير ؟؟؟
انا مش جزائرية لكن حاليا مقيمة في الجزائر ... ممكن تقبلوني صديقة ؟؟؟

[عيشوش]

السلام عليكم

بنااااااات مين عندها خبر على ام آية
من يوم راحت للعمرة ماشفناها

[اشــراق]

سلام عليكم ,,, ويشراااكم بخير ؟؟؟
انا مش جزائرية لكن حاليا مقيمة في الجزائر ... ممكن تقبلوني صديقة ؟؟؟


وعليكم السلام ورحمة الله و بركاته

طبعا أختي مرحبا بيك في كل وقت

و ياريت تعرفينا على نفسك أكثر و وين ساكنة في الجزائر

F:F:F:

السلام عليكم

بنااااااات مين عندها خبر على ام آية
من يوم راحت للعمرة ماشفناها

و عليكم السلام ورحمة الله وبركاته

الله اعلم صافي أكثر من شهر من اللي راحت للعمرة
normalement تكون رجعت
ان شاء الله يكون المانع في عدم دخولها للمنتدى خيرا

[نووور الزززينة]

وعليكم السلام ورحمة الله و بركاته

طبعا أختي مرحبا بيك في كل وقت

و ياريت تعرفينا على نفسك أكثر و وين ساكنة في الجزائر

F:F:F:


و عليكم السلام ورحمة الله وبركاته

الله اعلم صافي أكثر من شهر من اللي راحت للعمرة
normalement تكون رجعت
ان شاء الله يكون المانع في عدم دخولها للمنتدى خيرا



انا ساكنة بالجزائر العاصمة و حوست بالجزائر كلهااا ,,, وبدات افهم اللهجة الجزائرية :cool:
زرت تلمسان و تيموشنت ووهران و باتنة و الشلف و بومرداس و كتتتير اماكن بالجزائر :)
و طبعا غير الماكلا الجزائري و الله ع ماكلا تلمسان بنيييين بزززاف:D

و اخر اكتشافاتي اني درت الجاري اللي تطيبوه بالعراس :celebrate::celebrate:
مممم شو رايكم

[أحلام فتاة]

مساء الخير
وشراكم لبنات
اهلا بيك اختي نور في بلادك الثانية
ماشاء الله شطورة راكي تعلمتي تطبخي اكلنا وتحكي مليح بلهجتنا