المساعد الشخصي الرقمي

مشاهدة النسخة كاملة : ابي منكم مساعدة ضرورية وعاجله ردو علي باسرع وقت



ايمي ون
11/05/2010, 01:32 PM
مساكم ورد

بصراحه ماعرف من وين ابد في مشكلتي

وهي عن طريق الصدفة كنت مشاركة في قروب يخص احد الشركات المهم كان وقت عيد الفطر

وبالصدفة شخص فكرته قريبا قلت له انت فلان الفلاني قالي لا لان التشابه انا هم الاثينين يدرسون بامريكا ومبتعثين من شركة واسمهم نفس الشي

مادار بينا اي كلام الا طفيف مره بعدين حطيت عليه بلوك وديليت

وقتها هو رجع من امريكا وتخرج وتوظف بشركة ارامكو راتبه حلو ومركزه بعد
بعدها ب 5 شهور سلم علي عن طريق الايميل رجعنا تكلمنا اشوي

وبدا يسئلني اسئلة شخصيه كم عمرك وبأي جامعه وكذا هو من نفس منطقتنا علمت صديقتي

قالت اكيد له غرض بهالاسئلة ولكن لمن علمته عمري اتفاجألان كنت انا اكبر بثلاث سنوات

مع الوقت اتضح لي انه يفكر من هذيك الايام بالارتباط

واعترف لي بهالشي بس المشكلة الي قدامي وقدامه الحين

لمن سئلته عن بعض الامور بكل صراحه قالي انا احبك موووووت بقلبي بس بقلبي متردد

قلت له ليش متردد قال افكر

بس لاتسئليني قلت اوكي مابسئلك ولو انه يهمني اني اعرف سبب التردد

قالي انتي ليش ماتزوجتي للحين طبعا انا عمري 26 وهو 23

قلت له نصيب وشرحت له من رفضت وكذا

بعدها انا اعرف ربي وهو جدا شخص محترم يعرف ربه ولا دار بينا لا كلام حب ولا غزل ولا خرابيط

كل الكلام بحدود دينا وعاداتنا وتقاليدنا ومن اول قصدنا حلال وشريف

فارسلت له قلت له يا فلان احنا لازم نحسم الموضوع ونتخذ قرار مايصير

مابنظل معلقين كذا احنا غرضنا شريف وحلال وربي بيوفقنا لان ماغضبناه

والحين انا محتاره بكل شي

هو رد علي وقتها قال احنا بنتسنى والي الله كاتبه بيصير

ادري الرجال مو قاعد يلعب

بس كيف بيعلم اهله كيف بيقنعهم هل تردده هذا بيأثر على حياتنا

انا اعرف اني حبيته وارتحت له بس صعب ابين له اني ابيه علشان مايقول مشفوحه ع الزواج

طبعا لا دار بينا مكالمات ولا سوالف ولا شي ولاشافني ولا يعرف شكلي ماعدا صورة لي وعمري 3 سنين

قلت له تشوفني بس نظرة شرعيه او اذا كنت لك

او اهلك اذا جو يشوفوني

مادري الموضوع شاغلني كثير

بكل صراحه انا ابيه بس ماقدر اقوله كذا ابيك كرامتي كبنت ماتسمح لي اكيد

انا حطيت حد طبعا من البداية مابيدور بينا كلام الا بالحلال

والله اني محتارة مره

SHREEFA
11/05/2010, 11:20 PM
اختي العزيزه
فكري بعقلك ...
ماتعرفينه ولا يعرفج ولا شفتيه ولا شافج ....
هل تعتقدين انه يفكر بالزواج ..؟؟
وماهو سبب تردده اسئليه بكل صراحة واعرفي شنو يدور في باله .....؟؟؟

واذا فعلا ناوي باالارتباط خليه يتقدم ...

والله يكتب اللي فيه الخير



دمتم سالمين
اختكم شريفة

ايمي ون
11/05/2010, 11:26 PM
سئلته عن سبب التردد الي هو علشان مسئلة العمر

وصراحته اذاتبغى تعال تقدم

والله يكتب الي فيه الخير

وعلشان اعرف ردة فعله هل هو جاد ولا لا

وطبعا مايعرفني شخصيا بس يعرف ناس من معارفنا

وبنفس الشركة الي فيها ابوي

ايمي ون
13/05/2010, 12:35 PM
خلاص قلت له الحين هو بيعطيني القرار الحاسم وانا حاليا ماكلمه لين يقرر متى يجي

بس بشكل عام وش رايكم بمسئلة العمر

SHREEFA
14/05/2010, 11:22 PM
افضل شي هو اللي أقدمتي عليه
هو انك حددتي له ماهو المفروض القيام به
وان يعطيك القرار النهائي


والله يكتب اللي فيه الخير والصالح


وانتي عليك بالاستخاره



دمتم سالمين
اختكم شريفة