ملتقى الجزائريات§§§§§§§§§§

[OM AIA]

السلام عليكم ورحمة الله وبراكاته
اخواتي العزيزات الجزائريات افتح هذا الموضوع علشان نلتقي ونتعرف على بعض وراني حب شوية حيوية مشي:019::019::019:لازم نتجمعوا كيما اخواتنا في البلدان:04::04:ونحكوا ونحلو مشاكل بعضنا:091:ومتخلونيش وحدي:039: ولا نروح:064:ههههههههههههه راني نسنى:093::093::093::072:

[nisou]

سلام ام اية

انا هنا مشكورة على طرحك لهذه الفكرة

[soulef]

:03:
انا معاكم ونفرح لما نشوف بنات بلادي
نحبكم ونحب لي يحبكم
:016::016:
:065:

[OM AIA]

يلا يا بنات الهمة والنشاط بس والله تعبت وانا نحوس على الجزائريات كي تصيبوا وحدة ابعتلها ولم الشمل ههههههههههههههههههههههه

[soulef]

قوليلي كيفاش نعمل

[OM AIA]

اهلا وسهلا ببنت بلادي

[soulef]

اهلا بيك انت والله نفرح كي نشوف بنات بلادي ناشطات انشاء الله ننجح ونلم شمل كل الجزائريات في المنتدى

[OM AIA]

ان شاء الله حنونة

[OM AIA]

سلاف انت عضوة جديدة

[soulef]

لا عندي اكثر من سنه
لكن انقطعت لفترة ثم رجعت مرة تانية

[OM AIA]

سلاف راكي معايا

[nisou]

سلام لبنات اليوم بسيف نخدم في الموقع هل المشكلة عندي ولا في الموقع

[OM AIA]

اسمحيلي خطرا على خطرا يولي النت ضعيف

[OM AIA]

وقيلا من عندك ههههههههههههههه نيسو لباس كج جديد في العاب النت راهو ضعيف اليوم

[soulef]

طبعا انا موجودة وانشاء الله ديما معاكم
يلا كل وحدة تدخل تقول كنين هي باش نتاعرفو اكتر انا من تلمسان

[OM AIA]

اسمحولي دقيقة

[soulef]

مسموحلك اختي

[OM AIA]

خيار الناس انا من البليدة

[OM AIA]

انت تخدمي في المنتدى في الملف هههههههه وقامة

[OM AIA]

سلاف راني وليييييييييييت

[nisou]

انا من الجنوب الجزائري من حاسي مسعود و اصلا من وادي سوف

[**سوسو **]

ههههههههه والله غير لمه حلوه تعرفي غي اليوم

قاعده نقول خاصني نحل تجمع خاص بنا واش راكي تقري افكاري
هههه

[OM AIA]

صبااح الخير عليكم سوسو القلوب عند بعضاها يلا العشية ان شاء الله :010:

[**سوسو **]

ان شاء الله ياعسوله:054:

[soulef]

صباح الخير عليكم البنات سمحولي البارح غلبني النعاس
انشاء الله نعستو مليح

[soulef]

انا اليوم قمت بدعوة كل الجزائريات لي نعرفهم في المنتدى ياريت كل وحدة تعمل نفس الشيء

[**سوسو **]

صباح الخير سولاف كيراكي

معاك سعاد من وهران وانت من اي مدينه

[**سوسو **]

انا الي نعرفهم تعرفهم ام ايه:037:

[soulef]

مرحبا سوسو انتي قريبا علي انا من تلمسان ونحبها بزاف وهران

[soulef]

والله ممكن لي تعرفيهم هوما لي نعرفهم
الظاهر ان الجزائريات عددهم قليل في هاذ المنتدى

[**سوسو **]

هههههه اه من تلمسان خيار الناس ومرحبا بيك في وهران

[**سوسو **]

لا مشي قلال راهم مودرين هههههه:085:

[soulef]

وانت تاني تاني مرحبا فيك في تلمسان وفي اي وقت والله معاك صح مادابيا والله
انا خلاص نهار نعول نجي نقولك باتت فيك
ههههههههه
:013:

[soulef]

هههههههههههههههههههههه والله عندك الحق الحق راهم مودرين
خاصنا نلقاوهم
والله ضحكتيني

[**سوسو **]

ههههه والله غير تنورينا انا عندي خالتي في الكيفان وخالي مانيش عارفه البلاصه الي يسكن فيها:078:

[**سوسو **]

قولي لي من اي منطقه تسكني في تلمسان

[soulef]

انا من مغنية لكن عندي عمتي في الكيفان وعمي في امامة ومخطوبة من امامة

[soulef]

قوليلي انت من اي منطقة في وهران

[**سوسو **]

اللامامه خالتي كانت تسكن هناك ومن بعد رحلت للكيفان انا من بلاطو

على سيرت مغنيه عاندكم السوق روعه

[soulef]

ياك امالا جيتيلها شوفي سعاد نهار تجي لتلمسان قوليلي ونجي نشوفك اوكي ونحوس بيك تلمسان والا حبيتي مغنية اوكي:014:

[soulef]

عندي عمي يسكن في كناستال وخالي يسكن برا شوية على وهران في منطقة اسمها (قديل) بالضبط في التكوين المهني نتاعها

[**سوسو **]

اها ربي يخليك يالحبيبه انا تاني عندي عم بابا في كاناستال وغدوا رانا معروضين في قديل عند ناس يقربولنا هههههه

[**سوسو **]

مقلتليش شحال في عمرك انا 25 راني شبنت هههههههه:037:

[soulef]

انا اكير منك انا 28

[soulef]

هههههههههه انت شبنتي انا واش نقول

[OM AIA]

انا الصغيرة فيكم ههههههههههههههه:030:

[soulef]

اهلا بيك فين مشيتي وخليتينا

[soulef]

هههههههههههه :085:انا امكم
:01:

[**سوسو **]

ههههههههه سولا ياربي كل العمر صباح الخير لالا ام ايه واش ركي لبنات ادا وحده فيكم عنها وصفه تسمن غير تبعتلي

بلييييييييييييز

[soulef]

سوسو قوليلي شعال الوزن نتاعك والطول

[soulef]

OM AIA (http://forums.3roos.com/member.php?u=248725) فين رحتي

[**سوسو **]

طولي 163 وزني بعيد عليك 45 سانقرض ههههههه

[soulef]

تعرفي انا اختي كان وزنها 42 والان والحمد لله صار وزنها 52
لكن هي كانت مريضة يهني في شيء مثل ضربات القلب عند المعدة راحت الى طبيب اعصاب وهي الان في تحسن
اتمنى ما يكون فيك شي
المهم اكثري من شرب الينسون واحنا في تلمسان نسميوه حبة حلاوة
انا تاني كنت ناقصة في الوزن وكانت صديديقتي في الشغل تقولي عملي جنجلان مطحون +حشوي حلبو مطحونة القليل فقط + الكرموس اليابس وقاتلي كل يوم عمري 3حبات بالجلجلان +القليل من الحلبة وكليهم قبل ما تاكلي اي حاجة
يعني تاكليهم على الريق
انا مجربتاهاش لكن قاتلي صديقتي في مدة شهر تظهر النتيجة

[**سوسو **]

اها تبارك الله انا الحمد لله معندي حتى حاجه بصح الشهية مقطوعه بالمره شريت برياكتين هدي الايام ولاباس غادي نجرب ان شاء الله انا نروح الظهر ادن ومازال مافطرت راني وحدي كسلت باش نوض نفطر يالله نشوفكم على خير

[soulef]

وكاين حاجة اخرى مجربة اسمها الاملج ينباع عند العطار والله عن تجربة مفيد جدا تستعمليه لمدة 60 يوم متاتالية في السنة هاذي صراحة احسن وصفة تشتري الاملج
شوفي من بعد نتاكدلك من الطريقة لكن لازم تشريه من عند عشاب يكون موثوق فيه
ذكريني باش نقولك الطريقة
اوكي

[OM AIA]

هههههههههههه راني نجي وروح ابعثولي سوسو اشري المسمنة السريعة تتباع عن بولحية ههههههه ضربة وحدة:067:

[OM AIA]

شكون العضوة المتخفية:039:

[OM AIA]

تهدري ولا متهدريش ههههههههههههههه

[OM AIA]

سلاف راكي هنا

[**سوسو **]

هههههههههه هاديك غير انا ههههههماتخافيش فطرت ورجعت متخفيه كاش ماتهدرو فيا ولا هههههههه

[OM AIA]

سلاف شكون العضوة المتخفية

[soulef]

OM AIA (http://forums.3roos.com/member.php?u=248725) فين راكي تروحي

[OM AIA]

ههههههههههههههههههههههههه ه ههههههههههههههههههههههههه ههههههههههههههههههههههه نحسب راني في بيت الرعب

[OM AIA]

راني هنا بصح لازم نخرج ونعاود نرجع بش نشوف الرد ميخرجليش

[OM AIA]

سوسو شكل الملف يهبل راني غرت ههههههههههههههههه

[soulef]

هادي سعاد قتلني بضحك من قبيل

[OM AIA]

راني نهدر وحدي

[**سوسو **]

راني قلعت التخفي هههههههه قولي بصح عجبك زايري روحك وتولي عضوه متميزه ونبعتلك الخلفيات

[OM AIA]

علاه وش الجديد

[OM AIA]

علاه راني مرخية هههههههههههههههههه

[OM AIA]

سلاف واش راكي

[soulef]

كنا نضحكو على الجزائريات لي مودرين ومالقينهمش

[**سوسو **]

ههههههههه قصدي اجتاهدي غير شويه برك بات تولي تقدري تغيري البروفايل ههههههه

[soulef]

انا الحمد لله م الصباح انا وسعاد شايخين ونستني ربي يخليها ويخليك انت تاني لي لاقيتينا
وانت كيف حالك

[**سوسو **]

سولاف راني شاريه الاملج جابتهولي ماما

[soulef]

نتوما غيرو البخوفي نتاعكم وانا نقعد وحدي راكم سابقيني

[OM AIA]

يالبنات راني غير نخمم

[soulef]

ياك سعاد عندك الاملج ومتاكدة انو املج جيد اذا كان هو والله ماشي تلقاي نتيجة تعرفي تستعمليه

[**سوسو **]

قريب سولاف تولي عضوه مشهوره ومتميزه انت كتري من الاجابات على المواضيع

[soulef]

فاش تخمي ام اية

[OM AIA]

وليدي صغير وراني رايحة للعمرة ونخليه:035::035::035:

[**سوسو **]

الله يبعد عليك التخمام واش الي راه مقلقك يا ام ايه

[OM AIA]

الله يصبرني قلبي قع راه معاه

[**سوسو **]

تخليه عند الوالده ام ايه

[soulef]

وربي معاك دعيلو باش يكون صالح وديري في بالك راكي ماشيا من اجل عبادة وتاني من اجلو يعني من اجل باش تدعيلو

[OM AIA]

لالالا يا ريت الولدة الله يرحمها

[**سوسو **]

سولاف هو جاي مر الاملج صح ولا راني غالطه

[OM AIA]

العبادة هي الي راهي مصبرتني شوية

[soulef]

واما تنسايش تدعيلنا انا وسعاد ههههههههههههههه دعي لسعاد باش تسمن

[OM AIA]

سوسو الحلبة مع العسل

[OM AIA]

ههههههههههههههههههههههههه ه ان شاء ندعيلكم

[soulef]

نعم سعاد لكن في مرة ماما حبت تشريه عطاها واحد العشبة تشبهلو لكن ماشي هي الاملج هو مر زقاتلي اختي من بعد توالفي الطعم نتاعو

[**سوسو **]

متخفيش حبيبتي كي تبغي تروحي قولي اللهم اني استودعك ابني يامن لا تضيع الودائع عنده فاحفضه لي بما تحفض به من عبادك الصالحين والله بهدا الدعاء تكوني وكلتي مولانا عليه قاع ماتخافيش والله يرحم الوالده ويسكنه فسيح جناته اللهم امين

[OM AIA]

راني رايحة لعشية ان شاء الله متنساوش

[OM AIA]

الله يخليك سوسو رح ندعي هههههههههه سمعتي سلاف وش قاتلي ادعيلها

[**سوسو **]

ههههههههه ياربي نسمن ههههههه ويرزقني مانتمنى في خاطري نكمل الدراسه

[soulef]

ربي معاك مغيرتني والله مخليتني انا وسعاد لكن معليش كي تكوني تما دعيلنا ربي يصلح شانا انا وسعاد وانشاء الله نزوروها

[soulef]

ان شاء الله تروحي وترجعي بالسلامة تلقاي الامور كلها ماشيا كيما يحب خاطرك

[**سوسو **]

اللهم امييييييييييييييين يارب انا دايما نكتب في قسم الاهدائات بان يرزقني الله الحج والعمره

متحصيش قاع شكون يامن على دعائك ويستجابله دعاء المؤمن لاخيه في ضهر الغيب مستجاب

[**سوسو **]

ام ايه من تبغي تروحي وجدي روحك واخلصي النيه ومتنسيش تدعي للجزائر باش ربي يحفض ولادها على طاعته وطاعة الرسول معليش تقلنا عليك هههههه

[soulef]

اوكي انا رايحا نخليكم الان ام اية سفر موفق وانشاء الله ربي يتقبل عباتك ومتنسايش الدعاء امانة
اما سعاد انشاء الله سنلتقي

[**سوسو **]

ان شاء الله سولاف تشرفت بمعرفتكم يالغاليات اشوفكم لاحقا بادن الرحمان

[soulef]

انا وحيدة هنا

[OM AIA]

ان شاء الله ندعيلكم والعقوبة ليكم

[amel bou]

salam wechrakommmmm

[soulef]

سلام امال واش راكي واخيرا شرفتينا
والله فرحت كي شفتك
مرحبا بيك معنا

[soulef]

سعاد
مازالكي ناعسا:019:
انا حاسة نفسي وحيدة:01:

[hachemia]

السلام عليكم يا بنات الدزاير و يا نساء الدزاير . شكرا على الدعوة سلاف . عمبالي غير الدزيريات اللي ما نلقاهمش هنا متجمعين غاضتني عمري بصح الحمد لله كي عرفت بلي ماناش محقورين لهذي الدرجة
انا من المدية بصح للاسف مغتربة في الماريكان , توحشت البلاد و هوا البلاد و حكايات البلاد . انشاء الله يكون هذا التجمع بفايدة .
سلام يا عسولات بلادي

[amel bou]

salm wechrkom

hachemia allah ykhafef alik lgorbAA kedch aandk thema

soulef enti mn win w koul lbnettttt toloooooooooooooooooo

[soulef]

مرحبا بيك هاشمية عندك الحق الغربة صعيبة ورانا هنا باش نخفف عليكم
صاحبة الموضوع البارح راحت للعمرة لكن رانا هنا
انشاء نتوفقو ونقدرو نلمو شمل الجزائريات
ونقدرو كذلك نخففو هاذ الاحساس بالغربة عايك وعلى كامل الاخوات المغتربات في الخارج

[soulef]

امال سلام انا من تلمسان وانت

[hachemia]

مارسي على الكلام الشباب . انا عندي 7 سنين و انا هنا . عمر حاسة روحي شبت هنا بصح عندي عام من لي جيت للدزاير و انشاء الله نجوز العطلة كامل ثم هادي المرة لاخاطش عرسي في جويلية انشاء الله و حابة نجوز رمضان ثم . رمضان تع البلاد لا يعلى عليه اصلا هنا رمضان بلا بنة و العيد هنا اصلا ما يتسماش عيد الحمد لله على كل شيء

[soulef]

مرحبا بيك معانا هاشمية وربي يوفقك في حياتك
هادي هي الدنيا ولازم الواحد منا يرضى بيها كيما حبهالو ربي
بطبيعة الحال الغربة عندها اجابيات وسلبيات

[soulef]

سعاد فين مشيتي نعرفك نشيطة راكي ناعسة

[امل قلب]

السلام عليكم بنات بلادي

ان شاء الله تكونو بخير

[soulef]

والله بخير يا امال مادامطم انتم بخير

[OM AIA]

مرحبا بالهاشمية وامل قلب ان شاء بخير كي تدخلو ارسلولي رسالة بش نقصروا:087:

[OM AIA]

اهلا وسهلا ب لونا

[l-o-n-a]

لسلام عليكم ورحمة الله وبركاته..

اهلا بيكي ام اية


وهال بيكم كلكم..
\

ماكنتش على بالي بلي كاين تجمع خاص بينا هنا..

والله فرحت كي شفتوا..

انا تاني نحب نقصر معاكم...

[l-o-n-a]

قريت كل الردود اللي في التجمع...


وان شاء الله ندخل هنا كل ما ندخل للمنتدى..

وتقبلوني صديقة ليكم..


انا من سكيكدة...


وحابة نسألكم سؤال..


وش هو اسم الزبادي بالجزائرية..

دايما نقرى عليه بصح ماعارفاش واش هو بالضبط..

الرايب ولا الياغورت طبيعي...


مرسي...

[زهرة السعادة]

الدرس السابع لتزيين الكيك و الجاتوه .. حياكم

http://forums.3roos.com/showthread.php?t=521021&page=11

[soulef]

lona-11 (http://forums.3roos.com/member.php?u=154781)سلام كيف حالك
انا نعتابرك صديقتي من زمان
نورتينا حبيبتي
والزبادي هو دانون اذا كنتي حابة تستعمليه كماسك اختاري النوع الجيد

[l-o-n-a]

شكرا سولاف...

[امل قلب]

اسعد الله اوقاتكم بنات الدزاير

[hachemia]

السلام عليكم يا بنات الدزاير
جبتلكم اليوم خطبة لمحمد حسان روعة و الله و قلت يستفادو منها بنت بلادي قبل الغرب
http://go.3roos.com/GX5MvxNYdwa

[l-o-n-a]

السلام عليكم ورحمة الله وبركاته..

ان شاء الله تكونو الكل بخير..

[hachemia]

واش الحالة يا بنات علاش فرغت الحالة؟

[**سوسو **]

assalam 3likom ya elbnate ana rani elhamdo liallah soulef kont mgripiya wa el computer kane khasser wa dork marahche yekteb bil3arbiya wa salami likom kolkom ;om aya wache elhal louna amel hachmiya tcharafte bima3rifatkom

[joulia]

سلام يا البنات كيفكم لا باس

[OM AIA]

ما ناش نتلاقاو انا راني مشغولة بالتوجاد للعمرة راكم عارفين وراني قليل كي ندخل نتمني نقصرو ا اكثر