eng.emy
07/04/2010, 09:04 PM
اتمني انك تساعديني لاني بجد تعبانة اويىىىىى مشكلتي هي اني اتجوزت انسان اتقدملي عن طريق مامته اللي اتعرفت علينا بالجامع وحبتني وقالت لابنها عليا اني بنت مؤدبة وهو جه شافني من بعيد وبعدين اتقدموا ليا وبابا رحب جداا لانه بجد انسان منتهي الطيبة والاخلاق والحنيه بس بعد الجواز عرفت انه كان خاطب قبلي واحدة كان بيحبها جداا وقعدوا مخطوبين سنة وبعدين هي سابته لانها حبت واحد تاني المهم ده اثر فيه اوي وخلاه يكره الحب المهم اننا حتي في فترة الخطوبة كنت ابعتله رسائل كتير علي الموبايل وهو عمره ما رد عليا خالص وكان حتي كلامه معايا بالتليفون بحسه جامد وهو نفس الكلام كل مرة
المهم انا بصراحة كنت بضايق اوي من اسلوبه ده لاني بصراحة كنت طول حياتي حرمت نفسي من الحب والاحاسيس الجميلة وعنتها للي حيكون نصيبي فبصراحة حسيت انه مش حبني ولما كنت بقوله لو جه ميعاد جوازنا وانت لسه محبتنيش قولي علشان منكملش لاني من حقي اتجوز انسان بيحبني وهو كان يقولي انه قلبه اتقفل خالص بس مكنش قايلي السبب انا عرفته بعد الجواز بفتره وبالصدفة وهو خطيبته السابقة المهم انا كنت بفسر معاملته الجافة ليا دي الاول انه متدين وبعد الجواز حيكون انسان تاني معايا بس اللي حصل اننا بعد الجواز حسيت اني انا اللي عماله اديه حب وحنان واحاول ارضيه وهو عمال يجرح فيا بتصرفاته واهماله هو بصراحة طيب بس مش رومانسي مش بيعاملني زي اي زوج بيحب مراته و كمان كتير يقولي اني مش علي قدر الجمال اللي كان يتمناه وده بيجرحني اوي ولما بساله انت ليه اتجوزتني طالما مش بتحبني ولا جمالي ده اللي بيعجبك يقولي لانه كان المفروض يتجوز
واختارني علشان ديني وانب بنت اصول وناس طيبين بجد الكلام ده بيجرحني اوي لكن بكتم جوايا
كمان للاسف انا ساعات فضولي بيخليني اساله اسئلة عن خطيبته السابقة وللاسف وقتها هو بيرفض يجاوب بس انا بالح عليه وللاسف الشديد بحس انه وهو بيحكي عنها انه لسه بيحبها وليها مكانه بقلبه برغم انه بينكر بس ده بيكون واضح عليه
وكمان من ايام الخطوبة وهو دايما كان يكلمني عن التعدد ورايي فيه وانه بيايده جداا
وانا دلوقتي بصراحة بقي عندي وساس لدرجة اني بقيت باحلم بانه اتجوز عليا وانه مش بيحبني برغم انه بيقولي انه بحبني بس انا مش حساها ابدا بحسها مجرد كلمة بس
بجد انا في نار مبقتش عارفة اعيش الشك والجرح حيموتني ارجوكي ساعديني
المهم انا بصراحة كنت بضايق اوي من اسلوبه ده لاني بصراحة كنت طول حياتي حرمت نفسي من الحب والاحاسيس الجميلة وعنتها للي حيكون نصيبي فبصراحة حسيت انه مش حبني ولما كنت بقوله لو جه ميعاد جوازنا وانت لسه محبتنيش قولي علشان منكملش لاني من حقي اتجوز انسان بيحبني وهو كان يقولي انه قلبه اتقفل خالص بس مكنش قايلي السبب انا عرفته بعد الجواز بفتره وبالصدفة وهو خطيبته السابقة المهم انا كنت بفسر معاملته الجافة ليا دي الاول انه متدين وبعد الجواز حيكون انسان تاني معايا بس اللي حصل اننا بعد الجواز حسيت اني انا اللي عماله اديه حب وحنان واحاول ارضيه وهو عمال يجرح فيا بتصرفاته واهماله هو بصراحة طيب بس مش رومانسي مش بيعاملني زي اي زوج بيحب مراته و كمان كتير يقولي اني مش علي قدر الجمال اللي كان يتمناه وده بيجرحني اوي ولما بساله انت ليه اتجوزتني طالما مش بتحبني ولا جمالي ده اللي بيعجبك يقولي لانه كان المفروض يتجوز
واختارني علشان ديني وانب بنت اصول وناس طيبين بجد الكلام ده بيجرحني اوي لكن بكتم جوايا
كمان للاسف انا ساعات فضولي بيخليني اساله اسئلة عن خطيبته السابقة وللاسف وقتها هو بيرفض يجاوب بس انا بالح عليه وللاسف الشديد بحس انه وهو بيحكي عنها انه لسه بيحبها وليها مكانه بقلبه برغم انه بينكر بس ده بيكون واضح عليه
وكمان من ايام الخطوبة وهو دايما كان يكلمني عن التعدد ورايي فيه وانه بيايده جداا
وانا دلوقتي بصراحة بقي عندي وساس لدرجة اني بقيت باحلم بانه اتجوز عليا وانه مش بيحبني برغم انه بيقولي انه بحبني بس انا مش حساها ابدا بحسها مجرد كلمة بس
بجد انا في نار مبقتش عارفة اعيش الشك والجرح حيموتني ارجوكي ساعديني