عروس بريئة .. !

[همس الـروح]

السلام عليكم ورحمة الله وبركاته ..





مادري من وين ابتدي .. :091:
بس مثل ما جايفين في توقيعي صار على خطوبتي 18 يوم :032: .. وحبيت اوضح للاعضاء ان الخطوبة في البحرين يعني بينا ملجة ( ملكة ) يعني نجوف بعض ونقعد ويا بعض وكل شي ويا بعض بس ما استقرينا ويا بعض لين ما نتزوج واروح اسكن عندهم .. :f:






وهني تبتدي المشكلة :091:.. يعني بعضنا عندهم حتى الجنس يمارسونه ويا بعض :065:.. وبعضهم يقولون لا بعدين الين ما نتزوج ونستقر :065:,, يعني عندنا سالفه الحمل من الخطوبة عادية :02: لان بينهم ملكة وحلال والشي الوحيد انه العادات والتقاليد تحكم شوي .. :01:






وآنا من ملجة الى الحين شهر تقريبا وكانت ملجتي تاريخ 13/3/2010 .. وطبعا خطيبي قرب صوبي :040: وانا شوي صديت عنه :02: وهني ابتدت المشكلة :091: .. قام يقول ليي ما يصير انتي حلال علي وما اقرب صوبج وما يصير نقعد ويا بعض بروحنا بس سوالف انا ما اقدر امسك روحي يعني مايصير اعاملج مثل اختي .. وانا متزوج مو بس عشان اقعد وياج عشان افرغ الي فيني بالحلال .. ما يصير انا صابر كل هاي السنين والحين يوم ملجنا ونخطبنا وصار حلال ارد اقعد انتظر لين ما نسوي عرس ..






وقام يقول ليي ابي اعرف انتي ليش ما تبين اقرب صوبج ؟ ومن شنو خايفة .؟ واذا خايفه من الحمل ترى في موانع .. وانا ابي اعرف شنو بالنسبة حقج ..! قصده اني ما احبه من جذي ما ابيه يقرب صوبي وووو .. :091:







واانا قمت ارد عليه وانا خايفة ومرتبكة ومادري شنو اسوي .:060: . قلت له انا ما ابي الحين مو مستعده .. وقلت له ادري انه حلال وعادي عندنا في البحرين بس انا ما ابي الحين ما ابي الا اذا اعلنا زواجنا وان هاي الشي مسؤلية مو بالسهوله الي هو يتصورها .. وخاصة اني احس روحي صغيرة .. يعني انا عمري 19 وهو عمره 26 يمكن هاي مشكلة شوي ..






وبعد تبون الصج انا ماعندي ثقافة جنسية وهاي المشكلة الثانية :039: .. انه تندمت الحين قبل ما احب هاي السوالف واقول توني صغيرة وتلوع جبدي اذ سمعت احد يتكلم في هاي السالفة :091: .. ولحين الحال ما تغير اكره روحي اذ اتذكر اني بنحط في هاي الموقف :065:.. واحس روحي ضايعه .. واحس لحين اني صغيرة وبريئة :01: :01: يعني لو صار اي شي الحين بيكون علشان خاطره .. انا خايفة ماابي اخسره او احسسه بالجفاف من صوبي ولا ابي اسوي شي وعقب اتندم ويكون غصب عني :091::091:







>> ياريت تساعدوني شلون اقنعه انه يصبر علي شوي لو جم شهر على ما اتهيئ واكون مستعده وعلى الاقل تكون عندي خبرة وخلفية .. !



>> وياريت تعطوني طريقة عشان اصد عنه بطريقة حلوة من دون ما يزعل ويحط في خاطره .. !

[.. أمــ عــلــيــ ..]

الله يعينك ..

طيب حاولي انتي تتكلمين معاه بهدوء .. وتفهمينه موقفك .. ونظرة المجتمع للبنت اللي تحمل بهالفتره ..!! وكل ما صار الشئ هذا بعد الزواج .. كل ما كان احلى وآحلى .. وأضمن للاستقرار ..!!

وحاولوا ما يتأخر زواجكم بالمرررره .. يعني ما دام انكم متملكين .. ومجهزين .. وكل شي تم .. خلاص سووا العرس .. وش تنتظرون ..

وسالفة الثقافه عن الحياة الزوجية .. تقدرين تقرأين كل شي في بالك في النت .. خاصة هنا في المنتدى هذا .. انا قبل زواجي استفدت منه اشياء كثيرة .. كنت مثلك جاهله بكل شي ..!! وما سألت احد ابد .. حتى أمي .. بس انا بنفسي حاولت اثقف نفسي .. واقرأ كثير عن المواضيع هذي .. والحمدلله .. ماشيه حياتي ..

[جمرية الهوى]

ذكرتيني بنفسي اختي
انخطبت عمري 20
ووخطيبي كان بعمر خطيبك تقريبا
وما كان عندي اخت كبيرة
بس الحمد لله انه زوجي كان متفهم وتغلنا على المشكلة
انه تزوجنا بعد 4 شهور من الخطوبة
بس انتوا توكم مخطوبين
والان الرجل اول ما يفكر في الارتباط يفكر يشبع غرائزة بينما البنت تفكر في اشباع عاطفتها من حب وحنان بس انصحج انه تبدئين تقرئين وتتثقفين
صح بالبداية كلنا قلنا شئ يقزز ويلوع الجبد بس بعدين هذي حاجة نفس الاكل والشرب فلازم تشبعينها وهذي سنة الحياة

[دموع ساخنة]

اختي لا تسلمينه نفسج لو شنو مكان

اول اصبري وشوفي طبعه توكم ما صار لكم شي

يمكن لا قدر الله يتغير عقب هالشي

خصوصا اذا انتي ماتعرفينه من قبل ولا عارفه اطباعه

واذا لزم اصري اول زواج

[kh.imane]

انتي قوليله الصج وعادي ترا الريال ايحس ان زوجته بريئة كلش وقوليله ترا انا ما افهم ابدي السوالف علمني اشوي اشوي ومو ضروري اتروحون سيدة لديك المنطقة عشان ايصير حمل خلوها يوم العرس احلى وايكون شي جديد عليه اما الحين خليها بس قبلات والى ما هنالك وبس
لا اتسلمين روحج له وانتو للحين ما سويتو عرس عقب بسم الله عليج يتغير او شي وايصير فراق او شي مو بحلوة اطلعين وانتي مرة مو مثل بنيه
وانتي وقرارج

[زوجي حبيب قلبي]

دائما جدي يصير

[زهرة السعادة]

حبيبتي

مشكلتج اتصيد اغلب البنات




>> ياريت تساعدوني شلون اقنعه انه يصبر علي شوي لو جم شهر على ما اتهيئ واكون مستعده وعلى الاقل تكون عندي خبرة وخلفية .. !



جوفي حبيبتي مهما طال الوقت ما راح تكوني مستعدة
لانج في النهاية بنت و البنت بطبيعتها خجولة و تتردد
لكن انتي امشي وياه خطوة خطوة و خلي الامور بروحها تاخذ مجراها
لان في هالشي مهما خططتين الخطط تتغير بتغير الظروف !!


نصيحتي لج اقعدي مع خطيبج و فهميه
كلميه و اشرحي له مخاوفج و شنو تتوقعين من هالعملية !!


و لا تنسين تثقفين انتي نفسج اول قبل لا تكلمين زوجج !


لانج اذا انتي كامراة ما تعرفين جسمج شلون زوجج بيعرفه ؟!!


اخذي معلومات من مصادر طبية او علمية مو من " المجمتع " !!





>> وياريت تعطوني طريقة عشان اصد عنه بطريقة حلوة من دون ما يزعل ويحط في خاطره .. !



ارجع و اقول لج ثقفي نفسج في هالامور
لانه في عدة طرق تسعد و تريح الرجل غير ذيك المنطقة




نصيحتي لج لا ترفضي العملية لمجرد احتمال ان زوجج بيتغير من بعدها !!!
لان الرجل اللي بيتغير بيتغير سواء في بهالعملية او بدونها !




و ربي يوفقج و يسعدج ان شاء الله :f:

[فهدونه]

أصلاً من حقج أتخافين بس تدرين ليش أنتي خايفة مب من العملية نفسها أنتي خايفة لأنج توج مملوج عليج و هذا من حقج والله بدري على الموضوع و أمانة لا تسلمين نفسج لة و ما عليج منة قولي لة الصبر كل الناس تصبر أحنا نقعد بالشهور ما يتجرأ الريال يطلب هالطلب أصلاًيستحي و عيب بعد العرس أيتم كل شي في و قتة و سبحان الله حتى النفس تكون راغبة لأن في أمان و طمأنينة أن كل شي تم على خير و أصري على موقفج لأن معادن الناس تبين في هالمواقف و أذا ما قدر موقفج الحين متى بيقدرة ؟؟؟و الله يعطيج على نيتج و يوفقج

[..لمعة عين..]

بصراحهـ

عـ حسب تربيتي

واللـي اشوفهـ من البنـات المـمـلكـات من اهـلي..

لاا تصديهـ

هالشـي عـــادي وحلاآلكـ

وانتـي بهالطـريقة تحرميـهـ من حقهـ الشـرعي

واتـوقع ان هالشــي حرام انكـ تحرميـهـ من حقهـ

داامـكـ زوجتـهـ

وبروحكـ قلتي انهـ زوجكـ

والعـرس مجرد شكليـات..

وعـن سالفة الثقافة الجنسيـهـ

عآآآدي

انتي بنت

وهو اللي رح يعلمكـ كـل شي

امهاتنا وجداتنا مـاكـان عندهم نت وكتب تعلمهم

مع الوقت تعلموا وفهـموا كــــل شي..!

ومافي مانع انكـ تقرين هالمواضيع

النت ملياااان منتديات للثقافة الجنسية

ابحثي ورح تلاقين كــل شي

مع اني انصحك انكـ ما تقرين ابدا

لأن احلى شي الزوج بشوف زوجتهـ بريئة وماتعرف بهالأمور

بعد فتــرة ابدي اقري هالسوالف علشـان تغيري الروتين الممل

هذا رايي:)

[همــسات]

خيو حطي في بالش اذا ما اخذ منش اليوم بكرة او بعده
ثانيا ليش ماهدنش عشان يبي شي حلال تبينه ياخد عليش متعه من بدايتش
ثالثا اذا كنت مو مستعده الحين تقربي منه وتفاهمي وياه بيتفهمش قولي ليه صبري علي خليه احسسش بالامان
صدقيني بتتعودين عليه بس يبي ليها صبر وثقه اكبر بعدش اتحسينه غريب عليش اذا اني اللي عندي ولد ساعات افكر شلون قدر اقص علي ومسك ايدي
اذا تبين تتواصلين على الخاص طرشي لي
بحارنه ويتفاهمون

[.. أمــ عــلــيــ ..]

بحارنه ويتفاهمون

:047: قووووويه كلمتك هذي ..

نفهم منها .. انك ما تبين احد ينصحها الا بنات البحرين ؟؟!!

وش دعوى ؟؟ مو كلنا اخوات هنا في المنتدى ؟؟؟!!!!!

ولا القسم هذا خاص فيكم واحنا ما ندري ؟؟

:023:

[عسكريمة]

:047: قووووويه كلمتك هذي ..

نفهم منها .. انك ما تبين احد ينصحها الا بنات البحرين ؟؟!!

وش دعوى ؟؟ مو كلنا اخوات هنا في المنتدى ؟؟؟!!!!!

ولا القسم هذا خاص فيكم واحنا ما ندري ؟؟

:023:



لا اختي انتي فهمتيها غلط مو القصد منها انه تبي بس بنات البحرين يردون عليها

انتو طبعا عندكم في السعوديه تنادون البحرينين ( البحارنه ) واحنه عندنه هالكلمه في البحرين معنى ثاني

فصار التباس بالكلام وهي مو قصدها شي ثاني

<<< دشيت عرض مو :057:

بس حبيت اوضح لانه انتي فهمتي شي واهي قصدها شي لا اكثر ولا اقل



وخيو انا ودي انصحج بس مادري شلون وبكلمج انشالله خاص عشان في يمكن امور مااقدر اقولها لج هني وممنوع اقولها

[همــسات]

ايسكريم مشكورة خيو
ام علي على يعني وراسي خيو مو قصدي ولا اتحطين في خاطري الكل يستفيد ومثل ما قالت ايسكريم احنه عاداتنه شوي غير عنكم يمكن اقتراحش افيدها ازيد من اقتراحي
ولا اتحطين في بالش على الكلمة

[سناء على]

مثل اللاخوات

[الزهره النادره]

انا بالنسبه لي انتي جلسي معه وفهميه باسلوب حلووو وقولي له تو بدري ع هالشي

وانه هالشي غريب عليك ولازم تصبر علي شوي من هالكلام المهم يكون باسلوب

ولاتسلمين نفسك ياختي له لان الرجال مايحب البنت اللي بسرعه ترضى يهالشي خليك مصره ع رايك

وإذا هو موقادر يمسك نفسه حاولو تسرعون في امورك زواجكم ترى الامورهذي احلى بعد الزواج

اما بالنسبه للثقافه الجنسيه مثل ماقالو الاخوات في النت تقدرين تقراين الاشياء وانا اقولك الثقافه الجنسيه حلوو تتعلمينها

بعد الزواج احلى للتغير من روتين الحياه الزوجيه

[sendrellah]

يا قلبي استعجلوا في العرس هذا هو الحل الوحيد.
وانت معاك حق ما أؤيد تسلمينه نفسك قبل العرس.
بالنسبة للثقافة الجنسية زي ما قالوا الأخوات انت ممكن تقرأين وتثقفين نفسك وترا الرجال يحبون البنت البريئة اللي ما تعرف هالسوالف علشان يعلمونهم بنفسهم.

[دودي4]

لالالالالالالالالالالالال الالا
ابدا ما انصحك بانه يقرب من ذيك المنطقة؟؟ بس قبلات ومداعبه
انا كنت كذا في الملكه وكان يصر بس انا ارفض ويزعل بس برضوا ما اوافق ، اقوله انه حلاتها بعد الزواج لما نكون في بيتنا ، كنت اقوله سوي اللي تبغاه بس لا تقرب هذيك المنطقة ، وانا عارفه انه حلال وانه من حقك بس العادات والتقاليد تحكم شوية ، والله يوفقك حبيبتي.

[Sweet N Sour]

الف مبروك حبيبتي، و الله يكتب لك الخير و السعادة:083:
شوفي أختي اللي سويتي هو الصحيح و انا اعرف العلاقة اللي بينكم حلال و علاقة رسمية و شرعية، بس بقول لك اسبابي:

اولا انتو مالكم مخطوبين غير كم يوم و هذه فترة بسيطة جدا، و شي طبيعي انك تحسي بالنفور من طلبه، لانك لسه ما تعودتي عليه كويس و لسه ما صار بينكم الفة.

ثانيا الخطوبة ما زالت بأولها و ما تعرفي ايش اللي بيحصل بعدين و ما تعرفي النصيب كيف، ان شاء الله تستمروا و تتوفقوا مع بعض، بس برضه الاحتياط واجب.

ثالثا حتى لو عندك ثقافة جنسية ما يصير تتجاوبي معاه من اول ما يطلب منك علاقة و لا حتى لمسة، لازم تمسكي نفسك حتى لو عندك رغبة، لعلمك الرجال حتى لو رغبته قوية ما يحب الحرمة الخفيفة.

عموما انا انصحك ما تفرطي بنفسك الان لأن هالاشياء لذتها و حلاوتها لما تصيروا ببيت واحد، و تقدري تجذبي زوجك و تحببيه فيكي بالحنان و الطيبة و الطباع الكويسة و السوالف اللي ما ينمل منها، بيعرف مع الوقت انك تحبيه و قابلاه بس مؤجلة العلاقة الجسدية لوقتها.

بالنسبة لنقطة كيف ترفضيه، حاولي لما تشوفيه ما تضلوا لفترات طويلة لحالكم و كمان ما تاخذي راحتك بزيادة باللبس، لما تتكلموا بالاشياء العامة بيني له انك انسانة راكزة و متزنة و ملتزمة و محترمة لحالك.

بالنسبة للثقافة الجنسية، كمان لا تشيلي هم النت مليانة مواضيع تثقيفية بس انصحك تقرأي المواضيع المحترمة و الهادفة و ما تشيلي هم هذا الشي مثل اي شي بالحياة ببدايته صعب و بعدين يتعود الواحد و يصير متعة. و لو عندك اي شي اي حد سواءا الوالدة او اخت او صديقة مقربة ممكن يساعدوكي.

موفقة حبيبتي.

[.. لوليـ ..]

بقولك شغله لاني مستعجله وبطلع بس ما حبيت اطلع من غير ما ارد ..


حاولي باساليب حلوه تصدينه شووي ع الاقل لما تعرفينه شوووي انتو توكم محد فيكم عرف طبع الثاني ممكن يكون مو زين ووقتها تكون طاحت الفاس في الراس ..

[فاطمه 86]

خيو 18 يوم تو الناس

مالحقتو تتعرفون على بعض ماتدرين يمكن لاسمح الله يصير انفصال

انا مع البنات اللي قالوا ان حقه وانتي حلاله وتعتبرين زوجته شرعا لكن هالفتره فترة الخطوبه للتعارف

انا بحرينيه وبين زواجي وخطوبتي 9 شهور وماصار شي الا بعد الزواج مااقول ان ماصارت مداعبات وهالسوالف لكن بدون دخول


انتي اتفقي معاه ان مايدخل عليش بس مداعبات ولو ان حتى هذي بعد تو الناس عليها

لذة هالشي بعد الزواج غيييير العروس تتسمى عروس صدق مو شبعانه تجارب ويوم شبعت عرست

خطيبش مستعجل واجد

[Stylish Girl]

حبيبتي

انا انخطبت عمري 19

ونفس شي

بس بقول لج

انتو توكم مخطوبين وللحين انتي ماخذتي عليه

يعني يبيلج وقت عشان تتعودين على الاقل على شخصيته وعقب هالسوالف

دام هو يبي هالشي منج من البدايه انتي حاولي تمنعينه

لأن ماتدرين شنو بيصير بعدين

يمكن لاسمح الله يصير شي بعدين محد بيخسر غيرج

لان بعض الرياييل عقب ماخذو اللي يبونه تلوع جبدهم منها

انا زوجي وايد تعودت عليه لدرجه ان الكل عباله انا ماخذين بعض عن حب

بس بالاخير ماخليته يدخل علي الا عقب العرس

وحطي في بالج ان الخطوبه حتى لو كانت ملجه بعد هي فتره تعارف

وبس لاتستلمين له