التجمـع الاول لأمهات ينــاير ,,

[خيشة شكر]

مرحبااا امهااات !!

هذا تجمع تجريبي واتمنى من الاداااره ماتسكره ,, صرااحه نبي تجمع نكتسب منه خبراات وكل وحده تفيد الثااانيه :025:

يالله عساااكم ع القــوه :072:

[*ام ورد*]

عندي اقتراح الى الادارة

بدال ما تسكر التجمع للأمهات ، هذا اذا بتسكره للمرة الثالثة ،، تنقله الى القسم المناسب

^_^

[! أم حسووون !]

ههههه خيشون متأكدة بيتسكر ... لأنه في ناس سووها قبلكم وقفلوه ..
وتستاهلون سلامتكم وسلامة بيبياتكم وعقبالنا ياررب ..

[*جمال الروح*]

خيشوووو

جلوه منك والله ياريت يخلونه :( بيليز لاتسكرونه :(

[رسيل الورد εïз]

بنات ليش خايفين انه يتسكر ؟؟

اعتقد تقدرون تفتحون تجمع في قسم الشات
او تقدرون تسوون مجموعة اجتماعية

[اصغر عروسة]

فعلا

لابد ان هناك حل غير الاغلاق

ان شاء الله يتم نقله الى القسم المناسب


دعواتي لكم

[Lovely lolo*]

بنات ليش خايفين انه يتسكر ؟؟

اعتقد تقدرون تفتحون تجمع في قسم الشات
او تقدرون تسوون مجموعة اجتماعية


لا حتى بالشات يغلقون التجمعات :091:

لان فاتحين تجمع لامهات وطن العربي شاامل

[خيشة شكر]

هههههههههههه مسوووين لينا رعب الادااره ,, اي اذا شسمه ياريت تنقلوونه مكانه المناسب ,, واحنا نبي تجمعنا بروحنا مانبي ويى الخليج العربي صراحه اوادم مانعرفهم ولا متعودين عليهم ,, نبي ربعنا واللي بيدش حياااه ,, :083:

[خيشة شكر]

اييييييييي صح بنات حبيت اخبركم ,, سيدوووونه ولدت ,, اليوم الساعه 4 او شي من شوي اتصلت اطمن عليها وقالت لي انها ولدت وجااابت احلى نورااااء ,, تتربى في عزها ماابغت تشرف

[موغي]

بيسكرونه


لاتفرحون كثير

انا سكرو لي تجمعين سويتهم هههههههه

[براء الروح]

يالله لا يسكروووووون التجمع بصراحة مانبي تجمع ويا اوادم ونفرات مانعرفهم لاخليج ولا محيط اللي يبي يدش هالتجمع حياه

الحمدلله على سلامة سيدوووووووووووووونة وتتربى نونو بعزهم ان شاءالله

[بحرينيه عز]

مرحبااااااااا

ياريت والله مايتسكرر واذا تسكرر ياريت تردون علينا ادارة وين نفتح التجمع ونبي

بروحناا :040:

ووصلنييييييييييي مسج من عند سيدوووووووووون

الف الف مبرووووووووووووك والف الحمدلله على سلاااااااامتج حبيبتيي

تتررربى بعزززززكم نوراااااااااااء ..

وان شاء الله فجررررررر ولدت بعد ..

[بحرينيه عز]

يالله احد يتبرررع لي بتووقيع غير لولدي ابي نفسسسكم :039:

[&*أم علي*&]

انتو هني؟؟
شخباركم جفتو شلون صكو تجمعنا

[Om NaWaRa]

سلااام

فديت امهاااات يناير الحلوووووات

شخبااركم؟؟

ان شاء الله مايسكروونة

خيشوووون شخباارج ؟؟

[خيشة شكر]

وجعلنا من بين ايديهم سدا ومن خلفهم سدا :08:

ولكمو يابنات ,, برووء جمول بحبووح ام علاوي والقطوة ,, يالله صبايا نبي حركه


بنااات ,, صار لي 10 ايام من ولدت ولحين الالام الولاده عندي مو متغير علي شي كل ليله انام بصيااحي ,, والله يخلي امي مو مقصره كأن هي اللي والده شايله علاوي شيل الله يخليها ويحفظها حتى البارحه خليتها تاخذ وياها في غرفتها :085: عشان انام برااحه ,, ومن شوي بتروح تسبح قلت ليها لاتطولين اني مااقدر اتحمله :040: مسكينه كأنها هي اللي والده على عمري ,,

ماعلينا اني ابي حل للسيم مااااني قادره اقعد ماخليت كريم الا واستخدمته ,, وش اسوووي :039: الالم نسااني النوووم

[خيشة شكر]

بحبووحه اذا صار عندي جانس مثل قبل وقعدت ,, بدووور لعلاووووياتنا تواقيع عدله وبطرش لش منهم ,, اما الحين امش بووزي اقعد مثل قبل ,, من يحس اني جودت اللاب قاام يصيح :08:

مروووم لها وحشه الله يرحم ايام تجمعنا ,,, صدق جاني احباط يوم دشيت وشفته مسكر .. كااان ملاااذنا اذا النومه طايره واذا وحده منا تضاايقت ,, :091:

[خيشة شكر]

اهلين قطوووه ,, الحمدلله احمده واشكــره ,, شخبارش انتين ؟!!

بس ابي الالم يروح وارجع خيشوون الاوليه ,, تمللت :091:

[نبض_قلبه]

اففففف انه جاااااني احباااط يوم شفته تسكرررر اشوووه خيشوون فتحتيلنا شي نقزر فيه قبل ما نتووه ونضييع مره ثانيه

بلييييز لا تسكروونه حشا يعني مافي امل كلنا نكون مع بعض :( انزين انا ماعرف ادخل على مال الوطن العربي استحي


خيشوون انا ترى كنت نفسج واخس من الالم ما ادري عن اتامي وما اقعد الا على التيوب مال البواسير الله يعزج جربيه وايد بتستفيدين
وتنقعي كل يوم في ماي وملح وبعد حطي كريم ميبو وبخف لا تخافين.. والله يخليلج الوالده بعد احنا نجيب وهم يتغربلون هههه

بحبووحه انا بالعكس عاجبني توقيعج ماعليه خلنا بس نستوعب انه صج امهات وبنكتشف المواقع عدل.. تامرين امررر

باقي البنااات شخباااااركم

[موغي]

والله زين ليما الحين ماتسكر

فيه امل ههههههههه

[موغي]

شخبارج نبووض

[خيشة شكر]

هههههههههههههههههههههه موووغي والسعااده ,, خلاص مااقدر اقول وريح ولاده الا اذا حملتين مره ثاانيه :085::085:

قولي لا اله الا الله ,, مانبيهم يسكروونه لاني صدق ماابي اروح مال الخليج العربي ,, صراحه جماعه لانعرفهم ولا يعرفوونا شلون بيفيدوونا ,, غير قروبنا الاولي ,, خوااات ومتعودين على بعض ,,

نبوووضه ,, بجرب هالتيووب وبشوووف لان الالم لايحتمل ,, كأني لحين ماولدت ,, والماي والملح استخدمه بس ماني شاايفه اي نتيجه ,, اي والله الله يخليهم على روووسنا ,, ماادري من دووونهم وش كنا بنسووي ,, الله يحفظهم ويطول اعماارهم ,,

هههههه صدقتين لحين اطالع العلووو ماحسه ولدي كأنه اخوي الصغير هههههههههههههههههه :085::085:

شخباااار ,, بناااتكم ؟!!

[خيشة شكر]

يالله صبايا تصبحوون على خير بقوم انام لي شووي قبل لا يأّذن ,, ترى باجر موعد علاااوي ,, بنطهره ,, الله يسااعدني على صيااحه

ادعوا له مايصيح ,,

بايوو

[بحرينيه عز]

صبااح الخيررررررررر امهاااات

هلا والله بخيشووووون ماتشووفين شررر حبيبتيي وصج االله يخلي لنا امهاتنا

ان شاء الله ويطول بعمررهم مايقصروون انا بدون امي مادري شسووي لو تروح

لحظة عنيي هههههههههههه وعن الحمام انا بعد من تدخل تسبح اقولها لاتطولين

هههههههههههه كل شي احاسبهاا جنه هي جايبته ههههههه يالله الله يخلييهم

ويربوون عيالناا ان شاء الله وماقصرررررتي على التوقيع خلاص رضييت

بتووقيعيي وحبيبتيي لازم تتنقعيين بماي وسافلوون وملح يوميا والسيم اذا تبينه

يطيح لاززم ميبوو وعلى الجرح مباشرة يعني مو تحطينه بالفووطة مثل وردوون

وشي طبيعي اول الايام ماتقدرين تسوين شي حتى كل اقول لامي تقولون الوحدة

من تولد ترتااح اصلا وين ترتااح وهي فيها خياط وسيم وحالة ورضاعه من صوب

ويألم وكل شي وانا خيشوون طاح سيمي وانا لي 15 يووم وللحين فيني شووي

خياط من دااخل ومدااومة على الماي والملح وميبوو وبداية الايام لازم الم ماتقدرين

تقعدين تتعذبين بس كلها ايام وتختفيي لاتحااااااتين :072:

مشكوررررررررة نبووضه سويت ليي توقييييييييع :093:

باقي الامهااااات شخبارركم شعلووومكم بعددد ؟؟

[بحرينيه عز]

ويالله كل وحدة تقوول شبتسووووووي بعد الاربعيين وشنو سوت في النفااس وشنو

جهزززت ..

الا عيووووووونه وحشتناا وحروووووووم بعد لهم وحششه

[fooshe girl]

مبروووووك على تجمعكم وان شاء الله مايسكروونه:041:

[mroom]

سلااااااااااااااااااااااا ااااام

شخباركم بنات وحشتوني

خيشوون لك وحشه هاااااااااااااااااااااااا ااااااااااااااااااااااااا اااااااااالكبر خخخ

عن السيم حبابه اشتخدمي التيوب اللي قالت عنه نبوض ، وحاولي تخلين المنطقه جافه اطول وقت ممكن ، وكلها ايام ويطيح وترتاحين ان شاء الله

بنات ، اذا سكروا هالموضوع ( الله لا يقوله ) ما لنا الا نفتح مجموعه ، حالنا حال الباقي :08:

[mroom]

نسيت ، خزاك الله يا ابليس

الف الف الف مبروك لسيدوونه بنوراء الف حمدلله على سلامتهم ثنتينهم وتتربى بعزهم ان شاء الله :)

[mroom]

اني الدم مأذني ، يوقف يوم كامل وينزل علي شوي، عاد هالشوي ما تنزل الا كاسره ظهري، احس بالم ظهر فظيع

ما استخدمت نقوعات ولا اعشاب ولا تحميلات ( خايبه حدي ) بس ابي امترخ عدل وما ادري اروح لمن ، اللي رحت لها في لولو ما احس اني استفدت منها ، وهالمره ام عادل مسافره الله يردها بالسلامه

[&*أم علي*&]

مساء الخير
شخباركم يا حلوات وشخبار البيبيات

[mroom]

يتصفح الموضوع حالياً: 3 (3 من الأعضاء و 0 من الزوار) ‏mroom (http://forums.3roos.com/member.php?u=85492)*, ‏ريحانة القدس (http://forums.3roos.com/member.php?u=52372), ‏ضياء الروح (http://forums.3roos.com/member.php?u=128856)

بل !!! شكله بيتقفل :(

[ريحانة القدس]

مساء الخير يا احلى امهات ..
سامحوووووووووووووووني ...
مو حابه ازعلكم بس رح اغلق الموضوع لأنه صعب كتير نفتح تجمعات للامهات ..القسم فقط للحوامل وصعب كتير نتابع تجمعات حوامل وامهات بيصير القسم كله تجمعات ..
حاليا ما رح اغلق الموضوع على ما تقرروا وين بتحبوا تنقلوا ..طبعا بعد اذن مشرفات القسم اللي رح تنقلوه فيه ..

[ريحانة القدس]

يتصفح الموضوع حالياً: 3 (3 من الأعضاء و 0 من الزوار) ‏mroom (http://forums.3roos.com/member.php?u=85492)*, ‏ريحانة القدس (http://forums.3roos.com/member.php?u=52372), ‏ضياء الروح (http://forums.3roos.com/member.php?u=128856)

بل !!! شكله بيتقفل :(
ههههههه.. ما تخافي ان شاء الله ما بيصير الا كل خير ..
والله وجودكم بالقسم لذيذ ولطيف واحب شي على قلوبنا بس صعب نفتح تجمع للأمهات ..

[mroom]

اخت ريحانه تسلمين ومشكوره على تفهمش لوضعنا :)



بنات اشرايكم في قسم التربيه ؟؟

[..★شـــااانيل★..]

ان شاءالله أدارتنا ما راح تقصر
وراح تلقى لكم حل يفيد الطرفين
ريحانة القدس
فديتج يا ذوق على ردج الحلو وأسلوبك الراقي
الله يحفظج

[ضياء الروح]

مرحبااا

يسلمو على فتح الموضوع خيشون
ويسلمو اخت ريحانه على تفهمك لوضعنا والى علاقتنا ببعض ربي ينولك الي تتمنيه يارب ويوفقك

خلينا نشوف باقي امهات يناير ونقرر وين ينقل الموضوع

على فكره وحشتوني مره ههههههههههههه

بنات ابي توقيع مليت من الحمل هع هع متمسكه بشريطي بقوه

[فشونه]

السلام عليكم ورحمة الله وبركاته

هيييييييييييييييييييييييي يييييه عندنا تجمممممع خاص فينا ونااااسه اخباركم وحشتوووني اخباركم ماماز واخبار البيبيز ان شاء الله اموركم طيبه وان شاء الله بحاول انزل موضوع عن الاغراض اللي نفعتني واللي مانفعتني
شرااايكم بنات انسوي جذي

[ضياء الروح]

وعليكم السلام والرحمه
هلا ومرحبا فيك فشونه شخبارك واخبار حمودي البطل

والله فكره حلوه تصدقين حتى انا كتبت ورقه بالاشياء الي فادتني والاشياء الي ما فادتني حتى الملابس
في اشياء خسرتها واجد والاكثريه ملابس بعد
الله يعين

يالله نزلي قائمتك وبعدين احنا
موفقه ياقلبي

[فشونه]

هلااا والله ضوووي اي ان شاء الله يمكن اصور او يمكن اكتب قائمه يلااا ناطرتكم بعد

[ضياء الروح]

فشون اي اي نبي تصوير بعد هههههههههه
وانا بعد اكيد بصور اساسا الصور جاهزه يبي لها ترتيب وانزلها المنتدى

[&*أم علي*&]

اي احسن مكان قسم التربية والطفل
فشوونة وضيوونة شخباركم

ريحانة مشكورة على تفهمج الوضع حبيبتي نقلوه لنا قسم التربية والطفل

[++مونيكا++]

سلاااام بنات امهات شخباركم مع الرشاقه ههههه وشخباركم ويه التعب والسهر والامومه الحلوة ...اخيرا قدرت ادش المنتدى فطوووم ماتخليني اخذ راحتي يالله الحمدلله على كل حال اني ماقدرت اقعد اكثر في بيت ابوي ورجعت اليوم شقتي واحس اني هني مرتاحه اكثر .... يالله ان شاء الله ما يصكون التجمع ونقدر نتواصل اكثر واكثر

[++مونيكا++]

شخبارش ام علي

[&*أم علي*&]

هلا هلا موني شخبارج وشخبار العسل فطووم
اي انا بعد ابغي ارجع بس امي بتسافر ومضطرة اقعد في بيت ابوي لان عندهم شغالة وهناك ما في الا اخوتي وابوي وخب الشغالات مالهم امان

[أحلى رومنسية]

هلا بنات كيفكم ؟؟؟

بس حبيت اخبركم ان فجر ولدت يوم الأربعاء وجابت بنوته الله يجعلها من مواليد السعاده ,,, وهي تسلم عليكم وتقولكم انها بخير ,, والله يقومها بالسلامه

[++مونيكا++]

هلا ام علي الحمدلله بخير ...الله يعينش صراحه الوحده ماترتاح الا ابيتها اني رجعت وارتحت احين خصوصا انه بيت ابوي عندهم بني كان البيت فوضى اهني اريح صح بروحي بس مردني برجع وبقعد بروحي ..
احلى رومنسية الف مبروك لفجووره البنوته

[&*أم علي*&]

احلى رومنسية شكراً على الخبرية الحلوة
الف الحمدلله على سلامة فجورة وبنتها وتتربى في عزهم ان شاء الله

موني صدقتي الوحدة ما ترتاح الا في بيتها

[خيشة شكر]

:'(:'(:'( لاتسكروون التجمع لااا ,,

نقلوووه مكاان حليو :lol: واحنا بنروح مابنطلع صووت بنقعد سااكتين :lol:

يعطيش العافيه ريحووونه ,, وخلاص نبيه في قسم التربيه والطفل

[بحرينيه عز]

مرحبااااااااااااااااااا

الف الحمدلله على سلامة فجررر وتتربى بعزززكم

اهليين مووني وحشتيناااااااا كل من فطوووم ههههه الله يخليهاا لج ياارب وليش راجعه

الحيين جان انتظرتي رربيع ههههه انا اخلص قبل ربييع بس مابروح الا برربيع عشان

اغير من شكلي ههههههههه واصير نيوو بس بكررة بودي ولدي بيت عمي يشوفوونه

وانا بعد اوفقكم نبي ينقلوونه التربية والاطفال ..

مرووم عندج المراخه الجزيرية اسمع عنهاا وايد ززينه شوفيهاا وجانزين ام عادل اهني لان

خووش مراخه صراحه بس الله مو كاتب تمترخيين عندهاا او اذا تبين اذا رجعت ..

انا بعد الدم وقف وكل شي ويرد الحين ينززل يقولون هذي الدوررة مالت النفاس

بروحي تمللت كل يووم اقول افتكييت ووبوقف ورد رجع مرة ثانيه ..

مروم علااوي في وجهه كل حرار احمرر وخصوصا اذا مكاان مسكرر او مبنده البانكه

واحس اذا برد يخف ويرووح ناس تقوليي من الجو وناس تقول من الصابوون ومادري

لو من الحليب او الصابون جان من البدايه طلع له مو توى الحيين وانا اقول يمكن من

الهررده اللي احطها له يمكن قوويه عليه ..

[فشونه]

السلام عليكم ورحمة الله وبركاته

بناااات اهي اهي ولدي يعاني من الغازات فشسوي له عشان يخف سويت له ماي نعناع مافاد وايد وماي غريب بعد امي اتقول سنود شرايكم وينسون بس كيف استخدمه

[فشونه]

يعني اقصد كم مره باليوم وكم رضعه وشسوي اذا ولدي ماتقبله

[mroom]

هلا هلا موني شخبارش وشخبار فطوومه ، الله يخليها ويحفظها ان شاء الله :)


هلا بنات كيفكم ؟؟؟

بس حبيت اخبركم ان فجر ولدت يوم الأربعاء وجابت بنوته الله يجعلها من مواليد السعاده ,,, وهي تسلم عليكم وتقولكم انها بخير ,, والله يقومها بالسلامه

هلا والله ، الف حمدلله على سلامة فجر والبنوته وتتربى بعزهم ان شاء الله وصلي لها سلامنا :)



مرحبااااااااااااااااااا

الف الحمدلله على سلامة فجررر وتتربى بعزززكم

اهليين مووني وحشتيناااااااا كل من فطوووم ههههه الله يخليهاا لج ياارب وليش راجعه

الحيين جان انتظرتي رربيع ههههه انا اخلص قبل ربييع بس مابروح الا برربيع عشان

اغير من شكلي ههههههههه واصير نيوو بس بكررة بودي ولدي بيت عمي يشوفوونه

وانا بعد اوفقكم نبي ينقلوونه التربية والاطفال ..

مرووم عندج المراخه الجزيرية اسمع عنهاا وايد ززينه شوفيهاا وجانزين ام عادل اهني لان

خووش مراخه صراحه بس الله مو كاتب تمترخيين عندهاا او اذا تبين اذا رجعت ..

انا بعد الدم وقف وكل شي ويرد الحين ينززل يقولون هذي الدوررة مالت النفاس

بروحي تمللت كل يووم اقول افتكييت ووبوقف ورد رجع مرة ثانيه ..

مروم علااوي في وجهه كل حرار احمرر وخصوصا اذا مكاان مسكرر او مبنده البانكه

واحس اذا برد يخف ويرووح ناس تقوليي من الجو وناس تقول من الصابوون ومادري

لو من الحليب او الصابون جان من البدايه طلع له مو توى الحيين وانا اقول يمكن من

الهررده اللي احطها له يمكن قوويه عليه ..

هلا خيوه، اي والله مو مكتوبه عند ام عادل، الجزيرية وين بيتهم ؟؟؟

واعليه ، الف لا باس على علاوي، ويمكن من الحر، لأنه الجهال حرورين عادة ويمكن من كثر ما يبوسونه بحكم الانفاس كل واحد نفسه حار على البيبي، اني مهدده عليهم لحد يبوس في الوجه عندكم الايادي او اي مكان ثاني بس مو الوجه.

مسحي وجه البيبي بالماي وانتين تصلين على النبي (ص) ، وان شاء الله يخف، بياخذ وقت شوي بس زين يبرد لأنه اليومين اللي راحوا الجو فطسه

والهرده خو على ثيابه بس ما تكون قريب من الوجه يعني على الصدر وفي الثنيات واذا عندش مسك استخدميه اول

دخلت عطور على أيوته عود وغيره بس قلت بستخدم المسك اول وبعدين اذا اشتد عودها بنوع لها بالعطور :)


السلام عليكم ورحمة الله وبركاته

بناااات اهي اهي ولدي يعاني من الغازات فشسوي له عشان يخف سويت له ماي نعناع مافاد وايد وماي غريب بعد امي اتقول سنود شرايكم وينسون بس كيف استخدمه

هلا والله، خيوه استخدمي مرقدوش اطفال وعندش بعد مساج البطن او انش تقلبين البيبي على بطنه بس انتبهي راسه يكون مرفوع او خليه على كتفش ومسجي ظهره على خفيف
وفي تمرين انش تثنين ركبتينه على صدره وتفردينهم رايح جاي كذا مره عشان يطلع الغازات وما عليه شر :)

[mroom]

يعني اقصد كم مره باليوم وكم رضعه وشسوي اذا ولدي ماتقبله


السنود والينسون الصراحه ما قط استخدمتهم سواء لي او للبيبي فما عندي فكره

بس المرقدوش اللي للاطفال ممكن يتقبله، أيوته تشرب المرقدوش لكن ما ترضى تشرب ماي الحلوة

واذا ما تقبل المرقدوش اشربيه انتين لأنه يفيدش وبيخفف الغازات في حليبش :)

[&*أم علي*&]

هلا حبيباتي
مرووم بسالج المرقدوش تخففينه بالماي؟؟

[&*أم علي*&]

بحبوحة الحين توني اطالع ولدي طالع له حرار في يدينه مسكين ما ادري من شنو

[بحرينيه عز]

مرحبااااااااا امهاات ..

مروم انا دايماا امسحه بماي باارد بقطن واحسه يخف وانا الهرده احطها ورى اذونه

او على ثياابه وماعرف اقول لاحد لايبوسوونه في خده هههههه لان انا كل ابووس فيه

اصلاا هههههههههههه :040: وبشووف لج المراخه الجزيررية ووين ورقمها وبخبررج ..

فشووونه هلا حبيبتيي اخباررج واخبار حموودي وماعليه شرر وكلهم جذي يعانون

من الغاازاات انا ولدي يتعصر على قلبيي طول اليووم واسوي له التمررين اللي قالت عنه

مرووم اثني رجاايله بصدرره ويطللع ويرتااح وحتى اسدحه على بطنه وامسح بطنه بزيت

الززيتوون واسوي مسااج وماي النعنااع زززين والمرقدووش انا الحمدلله يتقبله علااوي

لان اخلط له واخففه بالمااي واعطيه في اليوم مرتين او مررة بس الغااازات تخف بس

ماترروح ابد والمفرووض احنه بعد نشررب هالسوالف عشان تخف الغازاات في حليبنا..

ام عليي ماعليه شرر سجوودي انا بعد الحين طلع فيي اصابع يده من امس اشووف

مادري شساالفه يمكن من الجو بعد !!

[&*أم علي*&]

انا اليوم كلش ما رقد من قعدته في الليل بس يمكن ساعتين وانا حدي واصلة

[خيشة شكر]

شخباررركم امهااات ,,,

:091: شخبار بيبياتكم .. وينكم كلش محد يبين ,, اني عذري وياي مسكينه :033:كل منبطحه وماعندي وقت للاب ,, وحشتني ايام العربده :093::085:


صبااح الخيررررررررر امهاااات

هلا والله بخيشووووون ماتشووفين شررر حبيبتيي وصج االله يخلي لنا امهاتنا

ان شاء الله ويطول بعمررهم مايقصروون انا بدون امي مادري شسووي لو تروح

لحظة عنيي هههههههههههه وعن الحمام انا بعد من تدخل تسبح اقولها لاتطولين

هههههههههههه كل شي احاسبهاا جنه هي جايبته ههههههه يالله الله يخلييهم

ويربوون عيالناا ان شاء الله وماقصرررررتي على التوقيع خلاص رضييت

بتووقيعيي وحبيبتيي لازم تتنقعيين بماي وسافلوون وملح يوميا والسيم اذا تبينه

يطيح لاززم ميبوو وعلى الجرح مباشرة يعني مو تحطينه بالفووطة مثل وردوون

وشي طبيعي اول الايام ماتقدرين تسوين شي حتى كل اقول لامي تقولون الوحدة

من تولد ترتااح اصلا وين ترتااح وهي فيها خياط وسيم وحالة ورضاعه من صوب

ويألم وكل شي وانا خيشوون طاح سيمي وانا لي 15 يووم وللحين فيني شووي

خياط من دااخل ومدااومة على الماي والملح وميبوو وبداية الايام لازم الم ماتقدرين

تقعدين تتعذبين بس كلها ايام وتختفيي لاتحااااااتين :072:

مشكوررررررررة نبووضه سويت ليي توقييييييييع :093:

باقي الامهااااات شخبارركم شعلووومكم بعددد ؟؟



:039: وش اسوووي هالميبو خذيت عصارتين ولااهو فااايد وياي ,, لايعه جبدي يختش مااعرف اقعد نفس الاوااادم وخاصه من اجي برضع علاوي ازيد :091:

سلااااااااااااااااااااااا ااااام

شخباركم بنات وحشتوني

خيشوون لك وحشه هاااااااااااااااااااااااا ااااااااااااااااااااااااا اااااااااالكبر خخخ

عن السيم حبابه اشتخدمي التيوب اللي قالت عنه نبوض ، وحاولي تخلين المنطقه جافه اطول وقت ممكن ، وكلها ايام ويطيح وترتاحين ان شاء الله

بنات ، اذا سكروا هالموضوع ( الله لا يقوله ) ما لنا الا نفتح مجموعه ، حالنا حال الباقي :08:

مراااااااااااااااااامي وانتين اكثر ,,, شخبااارش خيووو واخبااار ايوووته ,, صدق صدق وحشتنا ايام السهر والجمعه :072:

[خيشة شكر]

بل الله يكون في عونش ام علاوي ,, البارحه امي جابت علاوي تباني ارضعه مارضيت ورجعت فيه ,, الصبح تقول لي عقب لا تقولين سهرتين ويى ولدش ,, ومسكينه اذا تجي تقعدني ماارضى اقعد ليها ,, هههههههههه ,, صرااحه تعب الولاده لحين مانسيته ولاااراح :085:

[&*أم علي*&]

خخخخخخخخخخ خيشون خوش ام
انا عاد ذبحت روحي من الصريخ وباقي شوي واذبحه مسكين تالي قعدت افكر توني من شوي اقول تبغين تصيرين ام ببلاش انا بعلاوي امي دلعتني لكن هذا ابد

[خيشة شكر]

هههههههههههههههههههه خلاص بالثاني يرروح الدلع ,, اني بعد اذا النومه ضاربه اصارخ عليه بس عقب اتأسف ,, هالمره بحاول امسك اعصابي ولا النوم لاحقه عليه ,,, اي والله مانصير امهات مني والطريق

[براء الروح]

قوووووووووة بنات
شخباركم
الف مبروك للي ولدوووو والحمدلله على سلامتهم

عساه ريح من سيم ذابحني طاح منه شوي والدور على الباقي والخياطة الداخلية تحكني عدل الا بسال شلون اعرف انها التأمت؟؟
وعلى عمري زهووور الغازات عاملة عمايلها تقعد تصيح وتون قهرتني وقعدت اصيح وياها قعدتها من ثلاث الا ربع للصبح ع الساعه9 تقريبا واني تجيني الاعصاب حتى اشك ان صادني اكتئاب مابعد الولادة على طول صايرة معصبة وتنبط جبدي على اقل شي شربتها مرقدوش اطفال ماتطيقه تشرب شوي وتتفل الباقي واني بعد اشرب ماي النعناع عل وعسى تخف الغازات من الحليب وعطيتها دوى اسمهbonnisan مال غازات بس احسه خرطي قصو عليي والحل ويا هالغازات يعني لا ننام ولا هم ينامون

[&*أم علي*&]

الله يساعدج برووءة
انا قمت اقعد على مخدة الرضاعة خخخخخخخخخخخخ بس صج تفيد
وعن الغازات كلهم جهالنا جذي اليوم ولدي ما نام الا يوم حطوه على بطنه مسكين ريح شوي
خلف جبدي زهوور نيميها على بطنها خلها ترتاح

[براء الروح]

ام علي نفسي انتينه شريت لزهور مخدة للرضاعه واني اللي اقعد عليها صدق هفتت هههههههههههههههههه ها واك قعدت الحين بنبدي الحفلة من جديد

[خيشة شكر]

هههه الله يعينش بروووء,, تحملي عجل شلون تصيرين ام ,, وعقبالي ان شاء الله يطيح السيم وافتك من هالالم ,,

بنات بسألكم ابي اسم عطر جديد وخنين ,, عيد ميلاد امي قريب ومحتاره وش اخذ لها ,, خليت زوجي يروح الحواج يجيك وش جديدهم ,,, اخذ له عطر وطلع :039: كأني مطرشتنه ياخذ لروحه

[حرم السويدي..]

سلاااااااام بناااااااااات
وحشتوني جدن جدن جدن شلونكم وشلون بيبااااتكم :086: احس بصيح اشتقت لايام الحمل والسوالف فيها :01:

بنات جايه ابغي اقولكم شو صااااار لي من كم يوم :091:

كنت احس بالآآم في الرحم في الصبح فام زوجي عطتني حبة تنأخذ بالدورة وقرينا انها ماتأثر على الرضاعه .. وماخففت كثير .. بالليل كنت يالسه ارضع بنتي من صدري وفجأة حسيت كأني اولد .. اشياااء نزلت علي .. حطيت بنتي على سريرها عالسريع وركض عالحمام ومامداني إلا ملابسي كلهااااااااا دم وقطع دم تطيح مني ..:057:

قمت اصرخ على زوجي يمكن 10 دقايق لين ماسمع ..وماقدرت اتحرك لان الدم يصب بدون توقف .. شئ يروووع ..وكنت متأكدة انه مش دم دورة ولا نفاس لانه يصببببببببب:091:

قام زوجي اتصل بامه تجي وجات وعلى طول ودوني المستشفى .. وتخيلوا المكان كله دم والسياره "حطينا فيها كم فوطه" وملابسي كللللللللها دم :035:

لين ماوصلنا انا هني دخت شوي .. وقاموا يغيرون لي كل شوي وسووا لي سونار وحصلوا دم متخثر بالرحم وصاير مثل القطع بكبر نص الكف .. قطع دم متخثره كانت تطيح .!دم فظيع..... لين مااتصلوا بدكتورتي وجات من بيتها .. على طووووووووول العمليات وخدروني كامل ووقفوا النزيف وسوا لي تنظيف للرحم .. :060:

بعدها اضطروا ينقلون لي دم لان دمي وصل مرحلة خطيره .. وتخيلوا كل بطل 4 ساعات .. هلكت :/

ومع نقل الدم .. وصل دمي 8 .. انحبببببطت يعني بعده نازل بس احسن من الموت طبعا :06:

المهم حطوني تحت الملاحظة لين ماتاكدوا ان صحتي صارت احسن .. والدكتوره ماقالت لنا سبب النزيف او التجلط اللي صار بالرحم ..

وخايفه انه ينعاد .. بس والله شفت الموت بعيوني .. ادعوا لي خايفه على نفسي وعلى بنتي .. يوم كانوا بيودوني العمليات ابكي وانا دايخه .. كل ماتذكرت بنتي تقطع قلبي عليها ..:035:


وبس هذا اللي صار لي باختصار .. شرايكم :"( ..

[خيشة شكر]

ماتشوفين شر حرووومه ,, وعساها ماتنعاد هالسالفه ,, وتطمني دام نظفوا رحمش من الدم المتجلط مااظن بتكرر هالسالفه ,, ولا تخافين الله يخليش لبتش ويخليها حقش ,, وكثري من الاكلات اللي تزيد الدم وان شاء الله بيرجع طبيعي .. ماتشوفين شر خيوو ,, وعساش ع القوه

[++مونيكا++]

مراحب بنات شخباركم جميعا ...خيشوون شخبارش خيوو الله يساعدش صراحه حاسه فيش اول الايام تعب في تعب صراحه الوحده غصب يصيدها اكتئاب من هالسيم والارهاق مال بعد الولاده والسهر اني كنت اعاني ويه السيم لا اقدر اقعد نفس الناس وحتى مشيتي كاني بطة واستفدت واجد من لتيوب الي يقعدون عليه ووووووووووواجد وكريم ميبو جدا ممتاز بس لازم نحط على الجرح مباشرة عشان يلتئم بسرعه واني صراحه خف عليي الالم وارتاح جسمي اكثر بعد ما كملت العشرة ايام الحمدلله وبعد ما امترخت احييين احس روحي أم اقدر اتفرغ لبنتي شوي واحس بالامومه ..مروم اني امترخت عند وحده اسمها ام حسن من لدراز واجد زينة وطيبة وجت ليي البيت زوجي كان يجيبها ويوديها لمده ثلاثه ايام واخذت 15 كل مرخه 5 واجد تمام عدلت جسمي وكل الالم راح الحمدلله اذا تبين رقمها بعطيش اياه ..

[خيشة شكر]

اهلييييييين مووني اني الحمدلله طيووبه شخباارش انتين ,, هالميبوو الكل يقول عنه ممتاز اني مااشوف جايب نتيجه وياي ؟!!!

وعن المرااخه اني ابي مرااخه اذا تقدرين خيوو طرشي ليي رقمها ,, وخبريني اذا تمرخش جم قطعه ثياب تكون عليش ههههههههههههههههههههههههه هههه ,, اني وااجد احاتي هالسالفه ,, من قلب محتاجه مرااخه من المقااومه اللي سويتها في الولاده صايدني شد عضلي في ايدي ورجوولي لدرجة اني مااقدر حتى امشي ...:091:

[++مونيكا++]

حرووومه حمدلله على سلامتش حبيبتي ماتشوفين شر ... خيو لا تسكتين لازم تتطمنين على صحتش وتعرفين السبب والوقاية خير من العلاج يعني لاتخوفين روحش وبعد لا تسكتين احين عندش بنوته الله يخليها ليش محتاجه ليش ...
خيووووش هااا اشوف قاعده علاوي نايم فديته ؟
ياربي بنات اني اعاني ويه بنوتي ماترضع من عندي رافضة رفض تام كل يوم اصيح من هالسالفه شسوووووووووي

[++مونيكا++]

اهلييييييين مووني اني الحمدلله طيووبه شخباارش انتين ,, هالميبوو الكل يقول عنه ممتاز اني مااشوف جايب نتيجه وياي ؟!!!

وعن المرااخه اني ابي مرااخه اذا تقدرين خيوو طرشي ليي رقمها ,, وخبريني اذا تمرخش جم قطعه ثياب تكون عليش ههههههههههههههههههههههههه هههه ,, اني وااجد احاتي هالسالفه ,, من قلب محتاجه مرااخه من المقااومه اللي سويتها في الولاده صايدني شد عضلي في ايدي ورجوولي لدرجة اني مااقدر حتى امشي ...:091:


هلا خيووو ترى اصبري هالميبو بيجيب نتيجة بس لازم بياخذ وقت تكبرين وتنسين وبتردين تحملين ههههه :085:

افا عليش بدز لش رقم المراخه ولا يهمش ولا تحاتين تقدرين تلبسين شلحه وتحتها ملابسش الداخليه وترى الالم بيروح بعد ثالث مرخه بتحسين انش وحده نيوو :08:عادي خيوو الوحده من شدة الطلق يترضرض جسمها وخصوصا الطلق الصناعي يالله وش ينسيني الم الولادة سبحان الله :091: وترى قصة ولادتش تشبه قصة ولادتي لانه دخلوني الولادة من كثر ما فزعت المكان واني 2 سانتي ههه

[خيشة شكر]

حرووومه حمدلله على سلامتش حبيبتي ماتشوفين شر ... خيو لا تسكتين لازم تتطمنين على صحتش وتعرفين السبب والوقاية خير من العلاج يعني لاتخوفين روحش وبعد لا تسكتين احين عندش بنوته الله يخليها ليش محتاجه ليش ...

خيووووش هااا اشوف قاعده علاوي نايم فديته ؟

ياربي بنات اني اعاني ويه بنوتي ماترضع من عندي رافضة رفض تام كل يوم اصيح من هالسالفه شسوووووووووي


ههههههههههههه لا والله خيوو لااهو نايم ولا شي مخلتنه في حظني ومبطلتنه وقااعد يلاعب بروحه ,, وخيلانه واحد رايح ووااحد جاي ياخذونه عني شووي :093: وعلى الرضااعه خيوو ,, اني بعد علاوي اول الايام في المستشفى مارضى يشرب من عندي واضطريت اشربه رضاعه من عندهم عقبها قمت احاول وياه بس مايرضى يشرب وخذيت ليه نيبلز من الصيدليه احطها على صدري ويشرب منها ,, واشوف الحمدلله يشرب بس بعد مايلقطها الا عقب مده ,, اني اقول يشرب طول هالسنتين فيها ولا انه مايشرب من عندي :094:





هلا خيووو ترى اصبري هالميبو بيجيب نتيجة بس لازم بياخذ وقت تكبرين وتنسين وبتردين تحملين ههههه :085:



افا عليش بدز لش رقم المراخه ولا يهمش ولا تحاتين تقدرين تلبسين شلحه وتحتها ملابسش الداخليه وترى الالم بيروح بعد ثالث مرخه بتحسين انش وحده نيوو :08:عادي خيوو الوحده من شدة الطلق يترضرض جسمها وخصوصا الطلق الصناعي يالله وش ينسيني الم الولادة سبحان الله :091: وترى قصة ولادتش تشبه قصة ولادتي لانه دخلوني الولادة من كثر ما فزعت المكان واني 2 سانتي ههه

انسى !!! مااعتقد خخخخ,, واي مره ثانيه لا مره ثانيه ولا راابعه خلاص بحط اكس على الاولاد :093: بعد اللي الموت اللي شفته ,, اي اوكي خيوو انطر رقمها ,, الظاهر اللي يحطون ليهم طلق صنااعي قصصهم تتشابه :085::085:

اي صح خيووو المرااخه جم تقريبا عمرها :085:كبيره في السن يعني :085:

[mroom]

هلا حبيباتي
مرووم بسالج المرقدوش تخففينه بالماي؟؟

هلا خيوه، اي اخففه بالماي تقريبا نسبة 2:1


مرحبااااااااا امهاات ..

مروم انا دايماا امسحه بماي باارد بقطن واحسه يخف وانا الهرده احطها ورى اذونه

او على ثياابه وماعرف اقول لاحد لايبوسوونه في خده هههههه لان انا كل ابووس فيه

اصلاا هههههههههههه :040: وبشووف لج المراخه الجزيررية ووين ورقمها وبخبررج ..

فشووونه هلا حبيبتيي اخباررج واخبار حموودي وماعليه شرر وكلهم جذي يعانون

من الغاازاات انا ولدي يتعصر على قلبيي طول اليووم واسوي له التمررين اللي قالت عنه

مرووم اثني رجاايله بصدرره ويطللع ويرتااح وحتى اسدحه على بطنه وامسح بطنه بزيت

الززيتوون واسوي مسااج وماي النعنااع زززين والمرقدووش انا الحمدلله يتقبله علااوي

لان اخلط له واخففه بالمااي واعطيه في اليوم مرتين او مررة بس الغااازات تخف بس

ماترروح ابد والمفرووض احنه بعد نشررب هالسوالف عشان تخف الغازاات في حليبنا..

ام عليي ماعليه شرر سجوودي انا بعد الحين طلع فيي اصابع يده من امس اشووف

مادري شساالفه يمكن من الجو بعد !!
هلا بحبح، ما عليش امر اذا تدزين لي رقم الجزيرية وام عادل بعد، وعن التبوس حاولي قد ما تقدرين تمتنعين لأن بشرتهم رقيقه ما تتحمل وتو الناس




مراحب بنات شخباركم جميعا ...خيشوون شخبارش خيوو الله يساعدش صراحه حاسه فيش اول الايام تعب في تعب صراحه الوحده غصب يصيدها اكتئاب من هالسيم والارهاق مال بعد الولاده والسهر اني كنت اعاني ويه السيم لا اقدر اقعد نفس الناس وحتى مشيتي كاني بطة واستفدت واجد من لتيوب الي يقعدون عليه ووووووووووواجد وكريم ميبو جدا ممتاز بس لازم نحط على الجرح مباشرة عشان يلتئم بسرعه واني صراحه خف عليي الالم وارتاح جسمي اكثر بعد ما كملت العشرة ايام الحمدلله وبعد ما امترخت احييين احس روحي أم اقدر اتفرغ لبنتي شوي واحس بالامومه ..مروم اني امترخت عند وحده اسمها ام حسن من لدراز واجد زينة وطيبة وجت ليي البيت زوجي كان يجيبها ويوديها لمده ثلاثه ايام واخذت 15 كل مرخه 5 واجد تمام عدلت جسمي وكل الالم راح الحمدلله اذا تبين رقمها بعطيش اياه ..


موني اذا ممكن بعد رقم ام حسن رحم الله والديش احتياطا :)

حرووم سلامات خيوه ، والف حمدلله على سلامتش ، بس ليش تخثر الدم عندش ؟؟؟

[++مونيكا++]

هلا خيوووو اني بعد شريت نيبلز من الصيدلية بس مافادتني بشي وقمت احط ليها نيبلز العادي مال المراضع وقامت تشرب شوي بس بعد مو كلش لانه على ما تلقطها تصرخ وتكسر خاطري مسكينة اذا جوعانه تصرخ ... وعن المراخه حاولت اطرش لش الرقم بس مايصير والخلل من عندش خيوو ..والمراخه مو كبيرة واجد عمرها بنهاية الاربعين تقريبا وكلش طيوبه

[ترنيمة شاعر]

سلام شخباركم
داخلة عرض ادري بس طبعي حشورة ادخل اي قسم يعجني واقرا المهم
عورتون راسي بالميبو ميبو وميبو

اصلا الحل السحري واللي ايطيح السيم ابسرعه
انه الفتاااك للمهمات الصعبه انه
مرهم العيون
لا تصتصغرونه تراه كبير بأفعاله واقول لكم عن تجربة وتجرب بنااات واجد وياله جربوه وقولوا رايكم
باااااااي:083:

[خيشة شكر]

من عندي الخلل ,, وينهو وش صاااير هههههههههههه

لاويش مايوصلني :( ابي الرقم آرجنت

[خيشة شكر]

ههههههههههههههه ترنيمة ,, اي سمعت عن مرهم العيون وشكلي بجربه الله يرحمش ياامي العوده لو هي موجوده جان باخذه من عندها ,, يبي ليي اروح المستشفى واخذه واجربه ,,لان مصخها هالسيم ماطاحت منه ولا نتفه :039::039:

[بحرينيه عز]

مرحبااا امهااات ..

اخبارركم واخباار ببياتكم اللي باحضانكم ..

مرووم انا دورت لج رقم المراخه الجزيرية ماحصلت بس رقم ام عادل عندي وهذا هو 39874257 وماقدر مابوس ولدي ههههههههههههههههه :087::087:

خيشووون يالحلووة لاتحااتين انا استخدم ميبوو وكلشش تماام اسبووعين وطااح السيم

بس انا كل دخله بالحمام احط ليي يمكن في اليووم 5 مرات احط من جذي لحد الان

خصلت 5 عصارات ههههههههههه وكل يوم اتنقع بملح وماي وترى الملح ييبس الخيااط

من جذي لازم تتنقعيين عشان اذا تبين يطييح وبقوولج شيي ترى انا بعد مثلج عبالي

مايطييح شيي لان ماشووف شيي بس عقبب بالغلط طليت ولمست الخيااط وطلع

ان طاح وبالغلط شفت خيط اخرر يووم طايح فيعني انتي يمكن يطيح منه ولازم يطيح

لو شي صغيرر بس مايبيين ولازم تمتررخيين لان صج يرريح الجسسم ويخلييج مرتااحه

عاد انا يوم تمرخني المرااخه نمت عليها ههههههههههه تقوليي ليكون متييين هههههههههههههه

طلع التعب لان ماقدررت ونززلت اوساخ وكل شيي حتى يوم اتصل لي اسبوعين

تقولي جان حارستين شهر ليش متصله بعد هههههههههههههههههههه قلت لها ماعندي وقت

من ولدي شسووي :085::085: وعن سالفة القعده كنت ماقعد مكااني خوو كل افتر

في البيت ولا جني في نفااس ولا انسدح ابد ههههه اخاف يطلع عليي بعدين :085:

وشلون خيشوون عن الرضاعه بتميين ترضعيين علاوي جذي هههههههه بالنيبلزز سنتين؟؟

مووني هلا حبووبة اخبارج واخبار اتومي الحلوووة اللي امس طلعتج من المسن ولاشفت

صورتهاا :087:للحين مو متقبله الرضاعة ؟؟ معلييه مووني لاتستلميين كل يوم جربي

معاهاا ليماا ترضى انا بالبدايه تعببت وتميت احاول واحاول ماستسلمت ليماا عرف يمص

كنت اطلعهم بالشفااط وبيدي عشان يطلعوون ويعرف يمص والحمدلله ..

حروووم ماعلييج شرر حبيبتييي كل هذا صارر !! الله يعيينج ويساعدج بس الحمدلله

ان سووج تنظيف يمكن مانفظوج عدل في الولاده وجان سالتي الدكتوررة شنو السبب

لاتستكيين عنهم ودايما روحي جيكي على نفسج عشان مريوومة والله يخليها لج ياارب ..

باقي البنات شخبااااااركم

وحشووووووني عيووونه وجموووووول وضووي وكل البنااااااااات وحتى كمبورة مالها حس

عسى ماشرر

اي نسيت اقولكم تسلم عليييكم وردووووون وتقولكم قرريب بتررجع لكم :093:

[بحرينيه عز]

قوووووووووة بنات

شخباركم
الف مبروك للي ولدوووو والحمدلله على سلامتهم


عساه ريح من سيم ذابحني طاح منه شوي والدور على الباقي والخياطة الداخلية تحكني عدل الا بسال شلون اعرف انها التأمت؟؟

وعلى عمري زهووور الغازات عاملة عمايلها تقعد تصيح وتون قهرتني وقعدت اصيح وياها قعدتها من ثلاث الا ربع للصبح ع الساعه9 تقريبا واني تجيني الاعصاب حتى اشك ان صادني اكتئاب مابعد الولادة على طول صايرة معصبة وتنبط جبدي على اقل شي شربتها مرقدوش اطفال ماتطيقه تشرب شوي وتتفل الباقي واني بعد اشرب ماي النعناع عل وعسى تخف الغازات من الحليب وعطيتها دوى اسمهbonnisan مال غازات بس احسه خرطي قصو عليي والحل ويا هالغازات يعني لا ننام ولا هم ينامون


هلا خيوو برووووووووووء الله يخليي لج زهووور وماتشووف شرر ههههههه

كلهم جذي خيوو صدقينيي عيل شقوووووول ياارب بموتني ولا يناام من ولدت للحين

مانمت ساعتيين على بعض كل غاازاات مسكيين يعور قلبي واقعد اصيح وياه بس جربي

تسدحينها على بطنهاا او تسووين مسااج بزيت الززيتون وبخف ان شاء الله ..


هههه الله يعينش بروووء,, تحملي عجل شلون تصيرين ام ,, وعقبالي ان شاء الله يطيح السيم وافتك من هالالم ,,

بنات بسألكم ابي اسم عطر جديد وخنين ,, عيد ميلاد امي قريب ومحتاره وش اخذ لها ,, خليت زوجي يروح الحواج يجيك وش جديدهم ,,, اخذ له عطر وطلع :039: كأني مطرشتنه ياخذ لروحه


هههههههههههههههههههههههه تذبحيني بسوالفج خيشوووو يالكرييهه

جربي ريتشي ريتشي عجييبة وكل سنه والوالده بالف خيرر انا بعد ناوية اخذ لامي هديه

بعد هالتعب الاتعبته وياي ويا ولدي مسكينه بس مو عارفه شنو اخذ ...

[بحرينيه عز]

صوورة علااااااااااااااوي حبيبيييييي كبررر :087::087:

http://www.3roos.com/files/ups/2010/223546/01265413804.jpg

[&*أم علي*&]

هل بنات
انا امي مو راضية امترخ الا بعد الاربعين
حروومة الف الحمدلله على السلامة وتحملي بروحج وان شاء الله ما تنعاد السالفة واتصلي على دكتورتج وساليها عن السبب
انا السيم الي داخل للحين ما طاح بجرب مرهم العيون

[&*أم علي*&]

بحبوحة فديته علاوي القمر وكشخة بعد جينز
انا للحين ولدي ما كشخته ولا مرة لبسته شي غير ثياب النوم مسكين

[&*أم علي*&]

بنات نزلت علي الدورة

[بحرينيه عز]

هلا ام علي ليش امج مو راضيه تمتررخين الحين بالعكس الحين احسسن

انا بعد نزززلت علي الدورة من يومين وكل عبالي دم النفاس ههههههههه واصلي كنت

ويوم قلت لامي قالت لي هذي الدورة واحس بآلام برحمي وبطني اليوووم ينزل علي

اكثر من يوم اولد يالله احسن عشان نفتك منهااا :037: والسيم اللي داخل انا بعد

احس فيه شووي جمن خيط صغنوون من دااخل يبي لنا مرهم العيوون امي كل تقولي

عنه بس قلت له بستخدم ميبوو احسن هههههههه :08:

[&*أم علي*&]

اي انا بعد صليت امس بس شكيت لان نزل علي اصفر جم يوم ورد صار احمر قلت اكيد هذي دورة

[ريحانة القدس]

اخاواتي الغاليات اسفه لأبلاغكم انه صعب نقل الموضوع لقسم التربيه والطفل لأنه حاولت قبل هيك والمشرفات رفضوا ..
وحاولت من جديد بقسم الشات بس المشرفه هناك قالت انه في تجمع لكل الامهات بدون تحديد شهر معين..ممكن تتواجدوا فيه بس ما رح تقدر تعمل تجمع لأمهات كل شهر ..
انا رأيي انه ممكن تروحوا للمجموعات الاجتماعيه وتعملوا مجموعه خاصه فيكم وممكن تتبادلوا خبراتكم هناك ..
اتمنى انكم تتفهموا الوضع وسامحوني على اغلاق الموضوع ..