زيت النمل؟

[مجنونة حمد]

مرحبا عرايس:)

احد سمع بزيت النمل ؟ ومن استخدمته؟ وايش كانت النتائج؟

ان شاء الله راح اضيف صورته

هو زيت يوضع بعد ازاله شعر الجسم بالحلاوه

سمعت ان يخفف الشعر

الي سمعت عننه تفيدنا :)

[المهرة123]

انا جربته ما فادني ابدن ،، لا تصدقين اي شغله تقولين انها تشيل الشعر نهائيا ،، الليزر وهو الليزر يخففه اول شي عقب يختفي تدريجيا ،،

انصحج بزيت الزيتون بعد الحف

يأخر نمو الشعر بشكل كبييييير ومجرب مني ^^

[ام شهدودى]

مشكوره يا قمر على الافاده

[ammooon]

انا اشتريته مبارح لانو سمعت الناس بتمدحه ... بجربه و بشووف...

[مجنونة حمد]

مشكورات عرايس على الردود

انا جربت طريقه بعد الحف زيت الزيتون بصراحه حلوه تأخر نموه واذا طلع خفيف

بس فيه ريحه والله يعني شلون ؟ :)

[ammooon]

طيب حطي زيت زيتزن و بعد ساعه غسلي بالصابون بتروح الريحه .. بس اهم شي استنى عليه ..

[reemo0h]

انا استخدمت زيت النمل رووجاا كنت شايرته من عند عطاار مكتوب عليه (رجا) مو (روجا)وبعدين قالو لي انه مو اصلي ويابو لي الاصلي نفس الشكل بس اسمه (روجا)
استخدمته 4 شهوور واحس الشعر خف وايد الحمدلله
بس الحين خلص ويوم سوو المعرض في البحرين دورته عند القسم الايراني وحصلت عنده نووعيه ثاانيه اسمها رؤوف والمحل بعد كان اسمه رؤوف ومدحلي ايااه صاحب المحل واايد
فاللي عنده فكره عنه يخبرني
والسمووحه ع الاطاله

[Ms Lava]

أنا جربتو والنتيجة اتأخر نمو الشعر بس لما وقفت استخدامو رجع الشعر متل ما كان ........

[لقااااء]

يمدحونه كثير حتى الدكتور جابر القحطاني مدحه

بشتري وبجربه

[قلبي مري]

أنــاا شريتــه ,, بــس ليــن ألحيــن مـاا أستخدمتــه ,, وأول مـااا أستخـدمـه بخبــرررج بنتـااايجــه ,,

[حساويه ميه الميه]

انا جربت اللي اسمه ( روجا ) الوردي و بصراحه من اول استخدام تأخر ظهور الشعر لفترة تقريبا شهر
و صار في فراغات ملحوظة يعني مع الاستمرار اكيد بيخف اكثر
و يا اختي اذا حابه تجربين شي توكلي ع الله و جربيه بنفسج لأن رضا الناس غاية لا تدرك
و لا عمري وثقت بكلام احد لان للاسف في ناس ما يستخدمون المنتجات بشكل صحيح او ما يداومون عليه
و بالتالي ما يستفيدون و يحطون العلة في المنتج نفسه
انا سمعت في التلفزيون من خبير اعشاب عراقي بس ما اعرف اسمه سألوه عنه
و قال لهم ينفع و ما منه اضرار ان شاء الله الا في حالة كان الشعر الزائد نتيجة خلل هرموني
يعني مثلا الشعر الكثيف بالوجه زي اللحية الخفيفة و هالحاجات ما ينفع معها
فبعض الناس يستخدمونه عشان هالشي و لما ما يفيدهم يطيحون سب في المنتج
و عن نفسي انصحج اشتريه و بتشوفين الفرق حتى الشعر يطلع اخف
و اللي تبي تعرف الاصلي من التقليد الاصلي يكون مختوم عليه ختم الاصلي فوق العلبة و ريحته تشبه البرتقال يعني مو مزعجة
و بالتوفيييييق

[ابتسامة قلب]

مشكورة اختي حساويه بس من وين اخذته اسم المحل

ياليت صورة له اذا تقدرين