خريجات جامعة سعود ..عندي سؤال صغنونوو

[فطوم المزيونة]

بنات ابي اتأكد من شغله

انا متخرجه السنه اللي فاتت من سعود ومعدلي 3.52 والتقدير جيد


واليوم كنت مع بنت خالي وسئلتني اذا بكمل ماستر

قلت لها انا معدلي اقل من المعدل المطلوب ..هم طالبين جيد جدا اقل شي وانا تقديري جيد

قالت كم معدلك ..قلت كذا

قالت مستحييييييييل معدلك 3.52 وحاطين لك جيد ؟؟؟؟

قلت شلون يعني المفروض اقل (فيس متحطم)


قالت لي ان 3.00 < جيد واللي فوق 3.30 تقريبا جيد جدا

وروحي تأكدي وصححي المكتوب في الوثيقه اذا كان خطئ ..مع اني متأكده انهم ظالمينك بالتقدير


وانا يابنات الحين محتاره اروح واتعنا ولا ارضى بالواقع

اللي عنده خلفيه يفيدني اخاف اروح على ماش ويطيح وجهي :(


لاتبخلون علي بالاجابه تكفون يمكن يكون لي امل بالماستر واحقق طموحي F:

[العتب]

الغالية روحي واسألي بالعكس هذا مستقبلك حبوبة حتى استفسري من التعليم العلي ... لان حرام بصراحة إذا هذا الموضوع صحيح ويعدين اسألي يمكن يكون في استثناءات الغالية سبحان الله وإذا فيه حرام روحي شو بتخسرين لو حتى بالتلفون على الاقل سويتي شيء

العتب

[خديجة 12]

انا متخرجة من جامعة الملك سعود لكن من فترة طويلة بس للاسف ما عندي فكرة عن نسبة كل تقدير .. روحي الجامعة و تاكدي ما راح تخسري شي
و بعدين ابشرك برنامج الدراسات العليا في التعليم الموازي يقبل من جيد و فوق بشرط اجتياز الاختبار التحريري و المقابلة الشخصية ...
بالتوفييييييييييييق ان شااااااااااااااااااء الله

[][حورية البحر~]

هلا وغلا

روحي وتاكدي --يمكن غلطانين هم بشر الغلط واارد

روحي عماادة القبول والتسجيل واسالي هذا مستقبلك قسم الي بعليشه
موفقه

[ينبوع الامل]

هلا ياقلبي
اذا كنت مقدمة على الديوووان واخذتي رقم لاتروحي تراجعي لانك بتبتلشين
واذا لا روحي راجعي
انا معدلي ممتاز بس المفروض كان يكوون اعلى لانهم غلطو بالجمع فصار معدلي اقل
بس انا كنت محتارة مثلك وقلت اهم شيء مانزل عن الممتاز
بس صراحة بقول لك شيء
ماتستفيدين من التقدير تستفيدين من رقم المعدل في كل شيء
يعني في الوظيفة ماراح تكوون الافضلية بالتقدير لا على رقم المعدل
اتمنى اني افدتك ووصلت لك مضمون فكرتي