مشاهدة النسخة كاملة : ساعدوني بخصوص اسكتلاندا ؟ !!
أميرة حمني
01/12/2009, 03:45 AM
السلام عليكم يا احلى عرايس
بصراحه انا حالياً في بريطانيا بسبب دراسة زوجي
عقب عشر ايام بتبدء اجازة الكريسمس
وللئسف ما نقدر نرجع بلادنا بسبب قصر الاجازه وبعدها الامتحانات :thumbs_down:
فقررنا نزور اسكوتلاندا :thumbs_up:
ماراح نقعد وايد يعني يمكن 3 ايام خصوصا ان انا ما عندي اطفال
بس الموضوع ان انتو عارفين ان الحين شتا
و اسكوتلاندا بدا ينزل فيها الثلج
وانا حابه هالشي و ودي انروح لمنطقه تكون طبيعيه وفيها ساحات التزلج وهالاشيا
واشياء حلوه تصلح في الشتاء
مثل اللي كنا نشوفه في كرتون ساندي بل :lol:
وين تنصحوني اروح
اسكوتلاندا كبيره وين احلى منطقه في الشتاء ؟؟
اتمنى يا بنات انكم تفيدوني
وربي يعطيكم العافيه F:
تحياتي الورديه
ايسمار
01/12/2009, 04:56 AM
جلاسكو من اجمل مدن اسكتلندا وهي قطعا افضل من ادنبره من وجهة نظري
اذا كنتي لازلتي في جلاسكو لا يفوتك التالي:
*زوري منطقة ستيرلنق شمال جلاسكوك وشوفي القصر حق ويليم والاس فوق الجبل والصعود للجبل مشي "مو كثير" القصر يطل على منطقة رائعه طبعا ويليم والاس هو البطل الي حرر اسكتلندا وهو الي مثل دوره ميل جبسون في فلم القلب الشجاع .
* لا تفوتك بحيرة لوك لوموند واذا فيكم شدة بالسيارة لا تفوتكم البحيرة المستطيله "لوك نيس" مناظرها رائعة وكأنك تحلمين.
أنصحك بمدينه غلاسقو وهي ثاني أكبر مدينه في أسكوتلاند أو يمكن أكبر مدينه واهي مصنفه من أفضل 10 مدن بالعالم على ماسمعت
مدينه كبيره وشوارعها تجنن وأسواقها وعلى العموم الشعب الأسكوتلندي طيب بالمره حيل حيل حيل وراح تلمس ودادتهم أهناك وأنا عندي قلاسقو أفضل مدينه طبيتها في بريطانيا أو في أوروبا من حيث الشوارع والتنظيم ومنظر المدينه بشكل عام
وبعدها أدنبره بس والله ما جيتها بس أسمع عنها
والله جلاسكو حلوه... وبالنسبة للوصول اليها ما قصر اخوي sat111 عطاك التفاصيل..
بالنسبة لسوقها... هي تشتهر بالاسواق وتعتبر ثاني منطقة للتسوق في المملكة المتحدة.. وطبعاً اسواقها ارخص من لندن!!
اما اذا بتزورها فشهر 8 فبيكون فنفس وقت مهرجان ادنبره .. وهي عاصمة سكوتلندا وقريبه من جلاسكو...
بالنسبة للفيلا.. والله ما عندي علم بهالموضوع .. بس فيه شقق تقدر تستأجرهم.
بالنسبة للأماكن الترفيهيه .. عندهم سينمات و فالمراكز التجاريه عندهم صالات تزلج و عندهم حدائق وملاهي وطبعاً اكثر شيء تشتهر به سكوتلندا المناظر الطبيعية الرهييييبه اللي الواحد يرتاح لما يشوفها .. يعني تروحلك حديقة وتيلس انت والعائلة تستمتع بالجو والمناظر الحلوة.
وشعبها بصراحة حبوب و مب راعي مشاكل ويساعد يعني اذا بغيت اي مساعده او سألت اي شخص في الشارع بيساعدك.. وبعدين فيها تواجد اسلامي ومساجد ومحلات مسلمين توفر كل المنتجات الإسلاميه.
هذي المعلومات اقتبستها لك من عدة منتديات اتمنى تفيدك
ايسمار
01/12/2009, 05:05 AM
من اشهر المدن في اسكتلندا ادنبره - وابردين- ودندي- وجلاكسو ...
ايسمار
01/12/2009, 05:24 AM
وشوفي هالرابط
http://go.3roos.com/GdICiz7rr0E
أميرة حمني
01/12/2009, 10:53 PM
بصراحه ما قصرتي اختي
وتسلمين على جمعج كل هالمعلومات
ربي يعطيج العافيه
على مجهودج وردج الرائع
مشكووووره
مناهل78
20/12/2009, 04:19 PM
أنا رايحة سكوتلاند مرتين قبل.. عجبتني دندي وايد وجلاسكو بعد.. أما أدنبره كانت كلش جافة حسيتها بس مباني عادية وقديمة ومافيها طبيعة....
قريب من دندي تعبرين الجسر وفي مدين ست أندروز والله وايد حلوة...