المساعد الشخصي الرقمي

مشاهدة النسخة كاملة : يــــــــــــــــمـّـــــ ـــــــــــــــه ( فديتها والله )



الجيكره
09/07/2003, 09:12 PM
" يــــــمــّــــــه "





(1)

يمه ..

ودي احكي لك حكايه ..
من البدايه للنهاية ..


مافي بطل فـ حكايتي إلا أنا
ياللأسف ..
أنا البطل وانتي تذوقين العنا


يمه .....

ربي خلقني في حشاك
و حـملـتي فيني تـسعة أشـهـر
متـمنـّيه .. أبقى معـاك
لا ما أخون .. ولا اعرف اغدر



ومع كل يوم يمر في عمر الجنين
يزداد شوقك والحنين
مـع كل يوم يمر في عمر الجنين
ودك تخبين الدموع العاشقه
لكنها يمه ...... تبين




و مر الشهر بعد الشهر
وانتي تعدّين الثواني والدقايق
وقلبك على نار و جمر
فرحـــان يـا يمه .. و تايق






المهم ... تعبتي في يوم الولاده



وآآآآآآه .... من يوم الولاده
مـحـدٍ ... يـسـوي بـك سـواتي
أتخيلك .. وانتي تقولين الشهاده
لو خيروكي بين موتك أو مماتي





والله يا يمه....
إنك لتهدين العمر
كل العمر
لاجلي ..... قلاده






***********************




(2)


آآآآآآآآآآه من حبك يا يمه ..........


تصوري .. توني أنا بس فـ البدايه
........................ من شريط الذكريات
وانتي ...... انتي تحـمـّلـتي شـقايـه
.................... وانا حرمتك من المبات




والمهم ..
بديت أمشي بعد عام .....
وانتي فرحانه كثير بهالمشي ..... بس ما ادري ليه !!
وحتى انا صرت بشعوري منتشي .... ولا ادري ليه !!




مع ان أوّل خطوتين من المشي ,,,, أبعدت عنك


تخيلي
سويتها !!
وهربت منك ......... !!




وبعد الهروب ...
بس ,,,,,,, بدقيقه
لما أحس اني أنا عنك بعيد ..
وتصير دمعاتي
وسط عيني غريقه
أرجع لحضنك ... من جديد ..


و ابكي
و ابكي
و ابكي ..







***********




(3)




آآآآآآآآآآه من صبرك يا يمه



و مرت سنه
تتبع وراها كم سنه ...



و أذكر أنا أخطيت في مره عليك
... و صحتي علي ...


ثم جاوبتك أنا في كلمتين
و اذكرها زين ..


ومع اني الغلطان لكن قلت لك
" يمه .. تراني ما أحبك "
ودخلت غرفة نومى الظلمى ونمت ,,,,,



والمشكله ماهي هنا .....
المشكله لما صحيت ....







لقيتني ساكن فـ حضنك ..
لقيتني أفرح بحزنك ..





ساعتها بيّنت الزعل مني عليك ..
وساعتها نظراتك لفتني خايفه ..
حتى دموعك جاوبت عنك تقول :


عــمــري
تـرانـي آسـفــه ....






معقوله ..


معقوله كل هذا الجفا مني يا ناس
معقوله اسقتني الوفا ..
و اسقيها من ظلمي أنا عشرين كاس ....





والله غريب اللي يصير ..
أصبحت معدوم الضمير ..
يمه ..... تحملتي كثير ..
و اخطيت في حقك كثير ..




فاتحمّلي يالغاليه ...
اتحمّلي يالغاليه ...

***********




(4)




وآآآآآآآآآآه من الماضي يا يمه


وقـّـف .. ترى مابيك تزعل
يا شقا الماضي علي ..
باحكي انا عن كل شي ..
بس انتظر .. واصبر شوي ..




أذكر أنا دايم إلا من جيت ساري
تنتظرني دمعتينٍ من دموعك
عند باب البيت ....
تدعيلي وتقول : الله يحفظك ويجيرك
و ارد انا و بكل برود : آمين


وكأني في نفسي أقول :

معقوله كل هذا الحنان ..
ماعادني ذاك الصغير اللي زمان ....

والله أنا مليت ..
مليت ..

**********




(5)



,,,,, وآآآآآآآآآآه من عشقك يا يمه ,,,,,


كنت أسمع ان الحب يا يمه سراب ..
ولا اعرفه ..
كنت اسمع انه جرح و احزان وعذاب
ولاني اقدر اوصفه ..



وحاولت احب ... بس ما فكرت لو لحظه احبك ..
حاولت ألاقي قلب .. والمشكله دايم انا قدام قلبك ..




ولقيتها ... وحبيتها
بكل جنون العاطفه حبيتها ..
و اعطيتها ..
قلبي انا أعطيتها ..



بس النهايه .... وفي كل حكايات الغرام
جرح وخصام ..غدر وملام .. طعن وسهام



وهذا اللي وصلني منها .....
و ذقت العذاب ...
وضيعت عمري والشباب .....





والله ما ذقت الوفا إلا معاك ..



وهذا انا ... أبكي على عمرٍ مضى و اطلب رضاك




يمه .............................. أنا أطلب رضاك


************************




(6)



,,,,, وآآآآآآآآآآه من ظلمي يا يمه ,,,,,



كانت دموعي الساهره ..
تكتب خضوعي ..
تعلن رجوعي .. للحنان اللي صبر كل العمر ..




و جاتني .. لا .. ما أصدّق .. جاتني ...



مدّت يديها الطاهره ..
تمسح دموعي ..
خافت دموعي .. تجرح الخد وتخلّي به أثر ..



وتقول :


لاتبكي وانا امك ..
أنا أبيك اليوم تفرح ..
أبيك تنسى كل همك ..
مابي تخلّي للحزن فـ القلب مطرح ...




يا يمه :


عيوني فدوة عيونك ...

و دوم احفظك .. و اصونك ....

و الى منّي طريت إسمك يصيح القلب باعلى الصوت


حياتي ..........

مالها معنى ....


....... بدونك




أختكم
الجيكره

المرحه
09/07/2003, 09:37 PM
هلا اختي الجيكر يالمملوحه

مشكوره حبيبتي

-%-سحابة حب-%-
10/07/2003, 02:24 AM
يسلمووو

الله يخلي امهاتنا ولايحرمنا منهم

سحاب الأمل
10/07/2003, 06:32 PM
:) يجنن

بنـ النور ـت
10/08/2003, 04:54 AM
مره الكلام حلو مشالله
تسلمين اختي

المروج
10/08/2003, 12:19 PM
http://members.lycos.co.uk/zeeroocool/up/up/welcome17.gif
السلام عليكم ورحمة الله وبركاته
ألف شكر لك
عزيزتي
الجيكره
الله يعطيك العافيه
تسلمين

تحيااااتي
مـــروج ذهبيه
*=====*

فتاة الجبال
11/08/2003, 08:43 PM
يجنن يجنن يجنن يجنن
الله يحفظ أمهاتنا يارب العالمين :D :D :D

wow
11/08/2003, 09:05 PM
الله كلام رائع جداً سلمت يداك

والله يحفض كل ام لانهم نبع الحنان

almaha555
11/08/2003, 09:40 PM
رهيب .......:clap:
رهيب .......:clap:
رهيب........:clap:
عن جد كل اللي كتبتيه رهيب ..............:up:
اتأثرت وايد بالكلام ...............(u)

شجونة الحلوة
11/08/2003, 09:50 PM
تسلم إيدج على هالكلام اللى يهبل ويهز المشاعر وإلى الأمام:confused: